ಮಗ್ರಂದಾಯ ಭೂತದ ಪುಟ್ಟುದ ಬಗೆಟ್‌ಲಾ, ಬಟ್ಟೆರ್ ಉಳ್ಳಾಯ
ಪನ್ಪಿನರೆಗ್ ಸೊಪ್ನೊಡು ತೋಜಿದ್ ಬರ್ಪಿನವು ಬೊಕ್ಕ ಆರಾಧನೆದ ವಿಚಾರೊಲು ಉಂಡು Acts of Magrandaya ಪನ್ಪಿ ಪುದರ್‌ಡ್ ಎ.ಸಿ. ಬರ್ನೆಲ್‌ನ
ಬೂಕುಡು ಇಂಗ್ಲಿಷ್‌ಡ್ ಉಂಡು ತುಳುತ್ತ ಲಿಪ್ಯಂತರಲಾ ಉಂಡು.
ಕಲ್ಕುಡೆ, ಕಲ್ಲುರ್ಟಿ, ಹೊಸ ಭೂತ ಪನ್ಪಿ ಮೂಜಿ ಪಾಡ್ಡನ ಉಂಡು. ನೆಟ್
ಕಲ್ಲುರ್ಟಿ ಪಾಡ್ಡನ ಮಲ್ಲವು. ಬೊಕ್ಕ ರಡ್ಡ ಕಲ್ಕುಡಗ್ ಸಂಬಂಧ ಪಡೆಯಿನವು.
ಮೂಜಿ ಪಾಡ್ಡನ ಕಲ್ಕುಡ ಕಲ್ಲುರ್ಟಿ ಭೂತೊಲೆಗ್ ಸೇರಿನ ಕತೆ ಆದಂಡು, ಪುಟ್ಟು,
ಕಲ್ಕುಡ ಕಲ್ಲುರ್ಟಿನ ಕುಟುಂಬದ ವಿವರ ಉಂಡು. ಕಂಚಿದ ಬೇಲೆ, ಮರತ್ತ ಬೇಲೆ,
ಕಲ್ಲ್ ದ ಬೇಲೆ, ಚಿತ್ರದ ಬೇಲೆ, ಕರ್ಬದ ಬೇಲೆ ಇಂಚ ಅಗಲ್ನ ಕಸುಬುದ ಬಗೆಟ್
ವಿವರ ಉಂಡು. ಕಲ್ಲ್ಲ್ ದ ಗೊಮ್ಮಟ ಕೆತ್ತನೆದ ಬೇಲೆ ಮಾತ್ರ ಅತ್ತಂದೆ ದೇವಸ್ಥಾನ,
ಅಂಗಣ, ಪಾಗಾರ ನಿರ್ಮಾಣ ಮಲ್ಲುನ ಬಗೆಟ್‌ಲಾ ವಿವರೊಲು ಉಂಡು. ಪೊಸ
ಭೂತ ಪಾಡ್ಡನೊಡು ಉಡುಪಿ ಬೆರಣೆರೆ ತುಳು ಬಳಕೆ ಹೆಚ್ಚಾದ್ ತೋಜಿದ್
ಬರ್ಪುಂಡು, ಹಬ‌ಡ್, ಹಂಡಿ, ಹೂವ, ಹಮ್ಮನೊ ಹೋಜಿಂಡ್, ಹುಬಾರ,
ಹುದೆಕ್, ಹಿಗೆಲ್‌ಗೆ, ಹೊಟ್ಟೆಲ್ ಇಂಚಿನ ಪದೊಕುಲು ತಿಕ್ಕುವ.Song of
Kalkuda, Story of Kallurti ಪನ್ಪಿ ಪುದರ್‌ಡ್ ಎ.ಸಿ. ಬರ್ನೆಲ್‌ನ ಬೂಕುಡು
ಕಲ್ಕುಡ ಬೊಕ್ಕ ಕಲ್ಲುರ್ಟಿ ಪಾಡ್ಡನದ ಇಂಗ್ಲಿಷ್ ತರ್ಜುಮೆ ಬೊಕ್ಕ ತುಳು ಲಿಪ್ಯಂತರ
ಉಂಡು.
ಪೊಸಮಹರಾಯೆ ಉಂದು ಒಂಜಿ ಎಲ್ಯ ಪಾಡ್ಡನ ಪುಟ್ಟುದ ಬಗೆಟ್ ಇಜ್ಜಿ.
ನೇಮ ದೆತೊನುನ ಬಗೆಟ್ ವಿವರ ಉಂಡು. ನೆಟ್ ಬೆರಣೆರೆ ಬಾಸೆ ಪ್ರಯೋಗ
ಉಂಡು. ಹಿರ್ತ, ಹೋಜುಜ್ಯೊ ಇಂಚಿತ್ತಿ ಪದೊಕುಲು ಬಳಕೆ ಆತ್‌ಂಡ್. Posa
Maharaye ಪನ್ಪಿ ಪುದರ್‌ಡ್ ಎ.ಸಿ. ಬರ್ನೆಲ್‌ನ ಬೂಕುಡು ಇಂಗ್ಲಿಷ್ ತರ್ಜುಮೆ.
ಉಂಡು.
ಅತ್ತಾವರ ದೈಯೊಂಗುಳು ಭೂತದ ಪಾಡ್ಡನೊಡು ಪುಟ್ಟು ಬೊಕ್ಕ
ಪ್ರಸಾರದ ಬೊಕ್ಕ ಆರಾಧನೆದ ಬಗೆಟ್ ವಿವರೊಲು ಉಂಡು ಭಂಡಾರಿನ ಬೇಲೆದ
ವರ್ಣನೆ, ದುತ್ತೈತ, ಬೊಕ್ಕ ಊರುಲೆ ಪುದರುಲು ಮಸ್ತ್ ದಾಖಲ್ ಅತ್‌ಂಡ್.
Attavara Daiyongulu ಪನ್ಪಿ ಪುದರ್‌ಡ್ ಎ.ಸಿ. ಬರ್ನೆಲ್ ಬೂಕುಡು ನೆತ್ತ
ಇಂಗ್ಲಿಷ್ ತರ್ಜುಮೆ ಉಂಡು,
ಮುಡದೇ‌ರ್ ಕಾಳಬೈರವೆ ಪನ್ಪಿ ಪಾಡ್ಡನೊಡು ಪುಟ್ಟು ಬೊಕ್ಕ ಆರಾಧನೆ
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
