ಪಂಜುರ್ಲಿ-1, ಪಂಜುರ್ಲಿ-2, ಪಂಜುರ್ಲಿ-3 ಇಂಚ ಈ ಮೂಜಿ
ಪಾಡ್ಡನೊಲು ಮೆನ್ನರ್ ಸಂಗ್ರಹೊಡು ಉಂಡು. ಈ ರಡ್ಡ್ ಪಾಡ್ಡನೊಳು ಎ.ಸಿ.
ಬರ್ನೆಲ್ನ ಇಂಗ್ಲಿಷ್ ಬೂಕುಡು (1)Panjurli (2) Story of Panjurli, (3)
Origin of Bhuta Panjurli, (4) Amtadi Panjurlij ಈ ನಾಲ್
ಪಾಡ್ಡನೊಳು ಉಂಡು. ಸುರುತ್ತ ಮೂಜಿ ಮೆನ್ನರ್ ಸಂಗ್ರಹೊಡು ಇತ್ತಿನವು ಅಮ್ಟಾಡಿ
ಪಂಜುರ್ಲಿ ಮಾತ್ರ ಮೆನ್ನರ್ ಸಂಗ್ರಹೊಡು ಇಜ್ಜಿ. ಪಂಜುರ್ಲಿ ಭೂತದ ಹುಟ್ಟು
ಪ್ರಸಾರ ಬೊಕ್ಕ ಆರಾಧನೆದ ಬಗೆಟ್ ತೆರಿಪಾವುಂಡು. ಕೋರಿಪುಟ್ಟಿ ಊರು ಕೊಕ್ಕಡ,
ಆನೆ ಪುಟ್ಟಿ ಊರು ಆನೆ ಗುಂಡಿ, ಎರುಪುಟ್ಟಿ ಊರು ಗಟ್ಟದ ಮಿತ್ತ್ ಇಂಚಿತ್ತಿ
ಊರುದ ವರ್ಣನೆಲು ಉಲ್ಲ. ಜಾನುವಾರು ಜಾತ್ರೆ, ಪಂಬದ ಕಾಂತುನು ಭೂತ
ಕಟ್ಟರೆ ಲೆಪ್ಪುನು, ಬಲ್ಲಾಲ್ ಕಲ್ಪಾವುನು, ಪಂಜಿದ ಮುಗ ಮಲ್ಲಾವುನವು, ತಿರುಪತಿ,
ಧರ್ಮಸ್ಥಳ ಕಡೆಟ್ಟ್ ಪಂಜುರ್ಲಿ ನೆಲೆ ಆಪಿನ ವಿವರೊಲು ಉಂಡು.
ಜುಮಾದಿ, ಸಾರಾಳ ಜುಮಾದಿ ಪಂಡ್ ರಡ್ಡ್ ಪಾಡ್ಡನೊಳು. ಈ ರಡ್
ಪಾಡ್ಡನೊಲು ಎ.ಸಿ. ಬರ್ನೆಲ್ ಬೂಕುಡು Song of Jumadi (2) Sarala
Jumadi ಪನ್ಪಿ ಪುದರ್ಡ್ ಇಂಗ್ಲಿಷ್ಡ್ ಉಂಡು. ಈ ರಡ್ ಪಾಡೊನೊಲೆಡ್ಲಾ
ಬೇತೆ ಬೇತೆ ಕಡೆಟ್ಟ್ ನಿಲೆ ಆಪಿನ ಸಂಗತಿಲು ಮಾತ್ರ ಉಂಡು.
ಜಾರಂದಾಯೆ ಭೂತದ ಎಲ್ಯ ಪಾಡ್ಡನ ಉಂದು. ನೀರ್ಮಾರ್ಗೊಡು ಮಣಿಯಳ್ತ
ದೈವ ಆದ್ ಮೂಡುಶೆಡ್ಡೆದ ಜಾರೊಡು ಜಾರಂದಾಯೆ ಬೊಕ್ಕ ಬೋಳುರು ಮುಟ್ಟ
ಬರ್ಪಿನ ಕಥೆ ನೆಟ್ಟುಂಡು. ಈ ಪಾಡ್ಡನ ಎ.ಸಿ. ಬರ್ನೆಲ್ನ ಬೂಕುಡು (1) Acts of
Jarantaya (2) The Story of Jarantaya ಇಂಚ ರಡ್ ಪಾಡ್ಡನ ಉಂಡು.
ನೆಟ್ ಸುರುತ್ತ ಕತೆ ಜಾರಂದಾಯೆ ಕೂಳೂರು-ಮುಲ್ಕಿ ಸುದೆಟ್ಸ್ ಪೋಪಿನವು ಸಾನದ
ಜಾರಂದಾಯೆ, ಕೊಟ್ಟಿಗೆ ಜಾರಂದಾಯೆ, ಜಾವಡಿ ಜಾರಂದಾಯೆ ಈ ಮೂಜಿ
ಪುದರ್ಡ್ ಆರಾಧನೆ ದೆತೊನ್ನ ವಿವರ ಉಂಡು. ರಡ್ಡನೆದವು ಮೆನ್ನರ್ನವು
ಅದಿತ್ತ್ ದ್ ಇಂಗ್ಲಿಷ್ಡ್ ಉಂಡು.
ಕಾಂತುನೆಕ್ರಿ ಪನ್ಪಿ ಭೂತದ ಪುದರ್ ಇತ್ತ್ಂಡಲಾ ಪಣಂಬೂರು
ಪಡಾವುಡು ಒಂಜಿ ಮಾಯದ ಪೆಟ್ಟಿಗೆ ತಿಕ್ಕುನು, ಒರಿಯಗ್ ಭೂತ ವಸಯ
ಆಪಿನವು ಸಾನ ಕಟ್ಟಿದ್ ನಂಬುನ ಎಲ್ಯ ವಿವರ ಉಂಡು. ಉಂದು ಬಜೀ ಎಲ್ಯ
ಒಂಜಿ ಪಾಡ್ಡನ. Acts of Kantunekri Bhuta ಪನ್ಪಿ ಪುದರ್ಡ್ ಈ ಭೂತದ
ಕತೆ ಎ.ಸಿ. ಬರ್ನೆಲ್ ಬೂಕುಡು ಇಂಗ್ಲಿಷ್ಡ್ ಉಂಡು.
ತುಳುನಾಡಿನಲ್ಲಿ ಬಾಸೆಲ್ ಮಿಶನ್ ಮತ್ತಿತರ ಲೇಖನಗಳು...
41