| 4 | ЯКСТЕРЕ ТЕШТЕ. | № 34 |
писканьть ветямонь кувалт. Эрзянь — мокшонь секциянь секретаресь ве месецес тусь командировкав Ленинской и Кузнецкой районов парынестэ ладямс роботаньть эрзень—мокшонь велетнень эзга. Саемс эрзятнень точной учотс. Содафтомс не райотнень эзга весе эрзянь-мокшонь велетнень. Ютафтомс ютксост Октябрской революциень сисемце иень празникесь и ветямс компания „Якстере Тештень“ и эрзянь мокшонь кинига ланкс подписка.
Роботась эняроя, знярдо улить саезь учотс весе эрзянь — мокшонь партийнойтне, сестэ тейдян губернской эрзянь—мокшонь коммунистонь прумкс. Истя жо од иеде мейле велева и волостька тейдян беспартийной эрзянь—мокшонь конференцият.
И. Поздяев.
| Эрьзя ютксо роботадо. |
Исьтят ломать, конат бу седиинь путузь роботавульть эрьзетьнинь ютксо — аламо, вейке соньць эрьзякс кортамонзо визди, омбоце — кармат тензэ кортамо эрьзень тевди, авульды кеце ды мере: „А тевть кортат“. Секс эрьзя велива сех пек эщо лама чопода чись, а если бу содыця-седе тонавтузь эрзетне вейсэ кармавульть паньме чоподаньть эрьзетьнинь эйстэ, сестэ те шкас бу зьняро чоподась авуль кадовт.
Аньцяк косо-косо муят исьтят эрьзя-ялгат, конатьне те тевиньтинь пуцызь весе виест стараить эрьзень народоньть селемензэ паньжомс. Ве валцо мерезь эрьвакода стараи эрьзетьнинь-юткува нолдамс валдо д“ чалксимс чоподаньть.
Исьтят ялгат улить Лукояновской уездасо Нижегородской губ. Горбунов А. П. д“ Радаев. Вейкесь — Председател Уездной Страховой кассань омбоцесь — Инспектор труда, сынь роботыть эрьзянь тефтнинь кувалт. Горбуновось ульнись Уездной Эрзянь Секциянь уполомоченойкс, косо путызе эрьзя народоньть кис весе старанияндо стараесь штобу седе ламо понговольть эрьзятнень ютксто Учебной Заведенияс бажи, штобу эрьзетьнинь ютксо уливельть седе ламо сельме марто ломать. Сеецтэ содавтни эрьзя велитьнинь косо баси эрьзетнень марто, максы тенст превть; кода паросто эрямс, кода панемс велистоньть чоподаньть.
Максы вий эрьзень од ломатьнининь конат эрьзянь кельсэ тейнить спектаклят.
Радаев ялгась, коть эзь роботак эрьзень-мокшонь робота, но яла теке; косо тензэ савкшны, тейне эрьзетнинень лезэ.
Горбунов ялгась, коть ней роботы и а эрьзень тевтнинь кувалт — Страхкассасэ, а сонензэ алотксить якамодо эрьзят сякой превень кевкстиме, конатнининь сон максы Совет.
Мон некшнень, кода Радаев ялганень сась вейкэ эрьзень церыне; сон роботась велень кулаконь кецэ, кулакось сонзэ чавизе ды панизе роботасто.
Церынесь сась ды пели шагамо столентень, секс што рускс беряньстэ корты. Радаев ялгась неезе што сон эрзя, кармась мартонзо кортамо эрзякс. Эрзинесь вельмись, озась ды кармась картамо истяжо, кода кудосо тетянзо марто. Месть мерян, Радаев ялгай, эрзянь келеньть эйстэ авиздят? „Авиздян“, мере, „мезде виздимс“?
Эрзят! Саеде пример не ялгатнень эйстэ, ды кундадо эрзянь роботас: сёрмадстодо эрьзянь газетс, кармафтодо весе сермас содыця эрзятнень эсинекь газетц сермадстомо, сермадодо эрзень газетц сень кувалма, кода эрить миньцинекь велева эрицятне. Апак лотксе бороцядо чопуда чиньть марто.
Чурька.
| ВЕЛЕНЬ СЁРМАТ. |
| Учомаст учовсь |
| (Каран веле Довлетковской волост. Белебеевско Кантон Башреспубликань). |
Умок минек велень сюпав ломатне пеест порсть взаимопомощень комитетэнть ланкс. Сынст мельс пек эзь туе комитетэнть парсте роботамозо.
Комитетэсь помогиль школанти ловнома кудоньти и клубонти. А неть (сюпавтнэнь койсэ) шайтянонь кудотьне эйсэ пазнэнь аозномо тонавтнить. И сынст койсэ паро эрямо и валдочинь невтима роботась анцяк сестэ маштови, знярдо те комитетоньти кочкить эсист сюпав ломать. Секс кармасть сынь ощо мелят анокстамо кандидатт. Учомаст учовсь, ютасть перевыбортне и сынь ютавтызь комитетов Михалэнь Микитань, эчке пеке Киташонь и сельсоветонь председателькс кочкизь Абарь Ванькань. Неть колмонест аволь умок кочкамодост икеле: бедной авань — олотькаатянь Анкань — сель-советэнь максовт кудонь путомс усадбанзо нельгстесть капста пирекс нельгизь. Казанской бедной эрзят! ванодо нетнень велень тевень те. Ков тынь еме ладинк.
Сетнень, конат пеле питнеде ды лиясто истяко моданк эйсэ сокить—видить и эсиньк пеле—питнеде роботавтынь. Ды сень, кона сюпавтнень пилгалксост пальци. Не ломатне кодамо-як лезэ атеить. Монь койсэ неть аволь Комитетс сель-советс кочкамс, а собранияс-как анолдамольть.
укска.
| Навеле Петровской уездонь, Сарат. губ. |
| (Таго теке тевись). |
Навелень паксясо ули истямо тарка конань эйстэ мерить — ключ. Мелят макснизь те моданьть ниле—вете ломаннень ярмакто. Не ярмактнень кис велинь атятне думсисть Волхонщанань паксянть идиме, конань навелень кецтэ рустнэ нельгизь. А кевкстимс, ков не ярмакне тусть?
Ядо, велень председатель марто ходатай паньжинк курганк, — ефтынькь ков не ярмакнень. Тедеде таго думасть ключиньть мийманзо, аньцяк аволь модань хлпочамо тевс, а ознома кудонь кис страховкань кандомс. Паро тевть, атят, тейнитядо. Не тевтнинь муинькь кода теемс, а кода кооперативесь вешизе велинь утомоньть кооперативень лавкакс ды сельсоветокс, тынь пилинкь потомдынькь. А кой—конат эйстонк кортасть: утомось эряви попонь кудокс.
„Сокиця ялгат!“ варштадо парынестэ месть тынь рботатадо. Ней уш содамаль тенк, косо лезэнк и кодамо тевс эряви тенк пособлямс.
Содазь, максынодерясынекь велень утомоньть ды ярмакнень кооперативнень сынь седе целат улить, лезэньтькак ламо тенкь кандыть.
Н. М.
| „Ней одов а эряви тень кочкамс“. |
| (Секретарской вол., Бугуруслан, у., Самарской губ.). |
Волостьсонок ули взаимопомощь, косо председателекс ащ Родичкин ялгась. Сон цела ие роботась и роботазо мезияк а неяви. Пек ен ломанись, ды мезияк лезызэ минек беднойтненень арась. Лия волостька робуты кой-мезе волостной взаимопомощись, а сон уды ды уды таркинесонзэ. Истя, Родичкин ялгай а маштови роботамс.
Коли а маштат аволить кунда-як тевентей. Ней, Ялгат, те ломаненть а кочкасынекь одов те таркантей. Кодамояк седе роботыця ломань кочкатан тарказонзо. А тонеть монь койсэ вискс молемс промкс-пурнамо таркас-как, Родичкин Ялгай!
„Калдыр-Кулдыр-Калцк“.
| Наркомземонь тевензэ. |
| Мекшень кирдама тевень кувалт. |
Сюронь ачачома губернятнень эзга тедеде мекшне пурнасть пекь аламо меденьть, — эсь пряст-как трямс асаты. Сень кувалт Наркомземось арси мекшень кирдицятнень пособлямо. Сон нолды государственной банкасто 69 тысьца целковой ссудань максомс.
Не ярмакнень нолдасызь медень ды сахоронь рамамс, штобу а максомс мекшненень вачодо куломс. Ссудатнень кармить максомо аньцяк нешкень пиернь кардицянь коллективтнэнень.
Издатель: Центр. Издат. Народов СССР. |
|
| ||||||||||||||||||||||||||||||||||||||||||||||||||||||||||||||||||||||||||||||||||||||
| Главлит № 21.692. Москва. | 1-я типография Центр. Изд-ва Народов Союза ССР. Никольская, 10. | Тираж 1000 |
