Page:Якстере теште 1924-33 (4-7 ноября).djvu/6

This page has been proofread.

6

ЯКСТЕРЕ ТЕШТЕ.

№ 33

пурныцякс. Сыньць од ломатне пурнызь, конат а умок спорясть мартонок ды седе икелень поряткатнень кис ащисть.

Оц кочкасьть культурно-просветительной кружок кочкасьть эсь юткстост ловнома кудонь заведующий. Тейсть драматической кружок.

Октябрень бразникеньть вано кода карматан празновамонзо: тейдян промкс, косо ефнесынекь бразникеньть значениянзо.

Тейдян спектакля: ве пьеска налкситян эрьзянь кельсо, омбоце рускс. Вано истя юты, ялгат, просветительной роботанок.

Чумбра чи „Якстере Тештеньти“ ды рузонь кельсэ газетнэнень конат валдо чись лифтьмизь. Чумбра чи Якстере Октябреньти, кона максыньзе теникь эсь газетанок.

Ершов.

Яла теить сэдь.

(с. Мачкасы, Саратовской губ.).

Мацьказ велень атятне колмоце сексь уш юты кода кармасть пакся латконь трокс сэдень тееме. Скотинатне яла теке пряст лаҥгс валгунить — мейле мекев а кузевить, муцявить. Эстьтест как атятненень ютамс алашасо роботамо а кува.

Тунда мелезэнек леди сэдень теимась — а ютко тенек. Соксня времась (шкась) седе чаво-эряволь кундамс те тевентень. Лият тенек кияк а сы сэденек тееме. Илинк стуфт таго тундос.

Макаров.

Попне-як церкувасо апак веньча козяйкаст марто эрить.

Минекь попонок козяйказо кулось. Тарказонзо сайсь сон кафто сряпкат. Вейке марто эри, а омбоцесь тензэ сряпаи. Истя эрясть тейсть, — попоньть мельц эз тук: лия марто кармась эрямо, а васеньценть кармафтызе сряпаямо. Сряпкатне кармасть эсь ютковаст сёвномо: сёвность, сёвность, — тюрьгацть. Поп ванцы тевесь алацмоли: ве аваньть панизе. А ней уш те сряпкась кармась лангозонзо кяжадомо. Чистэ чис поре эйсэнзе: „Каить попонь одижатнинь, кадызь попонь ремесланьть ды венчак мартом. Арак обещекекс, седе паро ули: кармат жаловнянь получамо. А те мезень эрямо, — чок нищой велеваньть пурнат. А кадынь дерясак попонь ремесланьть, акарман мартот эрямо каттан.

Вано ней попось и арси, кода тензэ теемс. Каямс попонь кеденьть, — велень пачалкситне ды сюкоротне жальть. А каямс, — сряпка — козяйкась туи.

И. Кашкин.

„Роботыть парсте — ертцызь деряй седеяк паро ули“.

(Секретарская вол., Бугуруслан. у., Самарской г.).

Минек волостенок городстонть ашти сизгимень вайгильбе. Начальник ломать уездстэ сакшныть пек чуросто. Секскак волостьсонок тефне молить берянстэ. Кона-кона роботникесь умок уш эряволь каямс таркастонзо, лиянь аламода ноцкафтомс удалов. Волостьканок самагонканть кармасть безмалова ряц панеме. Милиция а кунци пидицятнень, сонць сими мартост плошкасо. Те Малахов ялгась, кона милиционерокс служи минек волостьсонок, пек сими самогонкадонть. Сонзо ланкс ванозь народоськок сими. Косто-косто маньчевкшневить член Вика Янчуркин ялгась ды Аблаев. „Якстере Теште“, а пасублят ли тенек, сынст аламодо ноцкофтомс удалов, ато весе народонть авулизь тонафт самогонкадо симеме.

„Велива якиця“.

Издатель: Центр. Издат. Народов СССР.
Ответственный редактор: П. Глухов.

Кода эряви сермадомс газета
кучумань кувалт.

В Главную Контору

Центрального Издательства народов СССР.

МОСКВА, Никольская 10.

Посылая при сем _____________ р. _____________ к., прошу высылать мне газету

„Якстере Теште“ ________________________ месяц.

Мой адрес:

Почтовое отделение ___________________________________________________________________________

_________________________________________________________________________________________________________

Губерния ____________________________________________________________________________________________

Уезд __________________________________________________________________________________________________

Волость ____________________________________________________________________________________________

Деревня, село ______________________________________________________________________________________

Имя __________________________________________________________________________________________________

Отчество __________________________________________________________________________________________

Фамилия ___________________________________________________________________________________________

Те бланканьть керикь, сермат чавотаркатнень эзга месть эрявить ды конвертсо кучикь. Газетань питнесь седе вадря кучомс пачтавой маркасо.

Центральной Издательства долгс прими подпискат (сермадстумат)

Ленинской библиотека лангс

Эрзянь кельсэ, маритнень, чуваштнень ды вотяктнень кельсэ.

Библиотекасонть эрьва кельсэ кинигатнэде колонькемень вете (35 названий):

Вете томт Ленинэнь кочксезь сочинениянзо (Избранные сочинения Ленина), кеветее кинигат — Ленинэнь кортамонзо ды статьянзо (Речи и статьи Ленина), кемень кинигат — Мезес тонавсь Ленин, вете кинигат — Ленин ялгадонть.

Сермадстума питнезэ истямо: Вейке библиотека (35 кинига) ланкс 11 целковой, ки сермадсты библиотекадонть ветьгемень комплект — панды эрьва библиотеканть кис кемень целковой, ки сермадсты 100 комплект — панды вейксэ целковойть.

Ки сермадстомсто сеске пантсынзе весе ярмактнэнь, сенень эрьва библиотекась сти анцяк кавксо целковойс.

Подписканть условиянзо: сермадстомсто сави пандомс 20 процент весе заказонть питьненть. Лия ярмактнэнь пандомсто издательствась максы рассрочка. Эрьва ковсто пандомо вейке целковой библиотеканть кис.

Ки сермадстомо шкане пандсынзе весе ярмактнень, сенень максыть бесплатна Ленинэнь альбом.

Подписканть ярмактнень марто кучомс истямо адресэнь кувалт: Москва, Никольская 10. Центральное Издательство Народов СССР — Главная Контора.

Центральной Издательствасо улить истят кинигат эрзянь кельсэ:

1.	„Декрет единой сельско-хозяйственной налогонь кувалт“. Гуров (Эрзякс сермадызе Е. Рябова).	Питнезэ	15	коп.
2.	„Од закон моданть кувалт“. Вопросцо и ответсо. Гуров. (Эрзякс сермадызе Ф. Чесноков).	„	25	„
3.	„Скалонть ловсозо келензэ лангсо“. Зубрилин. (Эрзякс сермадызе Рябова).	„	10	„
4.	„Бедной чимь колмо паксядо, тейть многополия — парсте кармат эрямо“. Зубрилин. (Эрзякс сермадызе В. К—ин)	„	25	„
5.	„Кода якамс моданть мельга и косто саемс пиже кором“. Зубрилин. (Эрзякс сермадызе Шишкин).	„	15	„
6.	„Россиянь Ленинской одломанень Коммунистиче- ской Союзонь программозо ды уставозо“. (Эрзякс сермадызь А. Желтов и В. Бажанов)	„	15	„
7.	„Вирень закон Советской Россиясо“. Гуров и Лютовский (Эрзякс сермадызь Ерюшев и Чесноков)	„	35	„
8.	„Скотинань заразной ормат и кода сынь лечамс“. Скоморохов. (Эрзякс сермадызе Д. И. Кручинин)	„	35	„
9.	„Чождя ловомо, задачникь“. М. И. Кручинин	„	90	„
Мокшонь кельсэ:
1.	„Мезьэ стамсь заразны урмась“. Лиманов. (Мокшекс сермадызе И. Бондяков)	Питнезэ	10	коп.
2.	„Кудонь жуватань заразны урматне и синь правндафтомасна“. Скоморохов. (Мокшекс сермадызе И. Бондяков)	„	35	„
3.	„Тежде лувма, задачнек“. М. И. Кручинин. (Мокшокс сермадызе И. Бондяков).	„	90	„

Советской партийной учреждениятнэнень и школатнэнень кинигань рамамсто максыть покш скидка. Кинигатнэнь кис ярмакнэнь эряви кучомс истямо адресэнь кувалт: г. Москва, Никольская, 10. ЦЕНТРАЛЬНОЕ ИЗДАТЕЛЬСТВО народов Союза С. С. Р. □■□ ГЛАВНАЯ КОНТОРА.

Главлит № 21.692. Москва.

1-я типография Центр. Изд-ва Народов Союза ССР. Никольская, 10.

Тираж 1000