| № 33 | ЯКСТЕРЕ ТЕШТЕ. | 5 |
| Советень мосторга. |
| Велень ячейкань секретарень прумкс. |
Октабренть чисто Московсо прумсть весе Советской Россиянь велень ячейкань секретарьтне. Те прумкссоньть кортнисьть сень кувалма, кодабу велева седе вадрясто уставамс ячейкатнень роботаст.
| Наркомземонь тевензо. |
| Анокстыть сельско-хозяйственной машинат. |
Сы видима лангоньти Наркомземось аноксты 36 миллиононь питнесэ эрьва мезэнь сельско-хозяйственной машинат, Не машинатнень кармить алка питнедэ ды расрочкасо макснимаст сюровидицянень. Штобу чождялгафтомс сельско-хозяйственной машинатнень рамамост, правительствась нолдась долгосрочной ссудань максомс сисемь милиот целковой ярмакт. Штобу алкалгафтомс машинатнень питнест дешевалгафтызь не машинатнень теема материалост, — кшниньть, чугуноньть ды лия мезеньть.
| Оkтябринат. |
| „Пек мелезост тусь |
| нородонть“. |
| (Секретарской вол., Бугурусланск. уез., Самарской губ.). |
Секретарской волостесь пек темнойсто ашти. Тосо роботникт партийнойть аламо да городстонькак аштить сизьгемень вайгильбе. Но хоть чопудасто эри народось, од коесь яла пачкоде сетне таркава як, конат аштить васоло городсто. Истя минек Секретарской волостьсонть аволь умок а давно тейнесть октябринат нородось тозой пурновкшнось пек ламо, прок иничинь чи сакшнось.
Председателенть волостень Захаров ялганть бабазо чачтась тейтерь и сон захотел сонзо церькувасо кувака черень кецто а лемдяфтомс, а лучи кандомс ячейкас и тосо теемс октябринат путомс по совецки лем тендо.
Октябринантей пурнавсть весе волостень ячейкась, служицятне, учительтне — учитильница кооперативень и почтань роботыцятне. Вете сядошка (500) ломань велетнень эзга и ават ульнисть се шкастонть и кунцолость и ванцть пек усерднасто.
Тейсть митинг и торжественное заседания и ламо кортасть кода икеле пингене маньчисть и мекс, особенности мейле кортась Захаров ялгась тейтирнинть тетязо, што пек ламо вий пуць кортамс аванть, штобо, а кандумс пакшанть кувака черентей и остаткадо сетыки авась согласясь и чарькоць што лучи од койсо лемдямс чем попонь кецо.
Приветствият кортасть РКП (б) и РЛКСМэнь ячейкатнэнь пельде. Пионертнэнь учительтнень, советнэнь, профсоюзонь пельде тожо ульнесь ефтазь вал. Кооперация максь подарка оц чачицянтей.
Народось ваны ды диви, што пек паро и поптомояк лемдызь енсто. Кудова срадомсто весе кортыть, что минь так пакшанок, а канцинек попнень, а лучи вана ячейкас и истя лемдявсынек од койсо.
В. А. Платонов.
| Резолюция |
| Кручининэнь евтнимандо (докладонзо) |
| кувалт, кода ветямс тонавтума тевесь |
| эрзень ды мокшонь школава I ст. |
а) Ламо эрзень-мокшонь школава I ст. тонавтыть рузонь учительть, конат аздасызь эрзень-мокшонь кортамо келенть. Те берянь тев. Эрзят-мокшот ламо аздасызь рузонь келенть. Нетне асодыцятне а тонавтовить рузонь кельсэ. Силой рузонь кельсэ тонавтумась ламо паро а канды. Тонавтума тевесь истяня пек курок а ладяви. Истяня тонавтозь эрзят-мокшот седеньгак весемеде удалов кадовить.
Седикелень инязоронь властесь силой кадовсь эрзень-мокшонь келенть эйсэ, тонавсь рузонь кельсэ. Зняро эсть муця — эрзень-мокшонь келесь нейгак эри. Кадовсть эрзетнень-мокшотнень эсист коест.
Тонавтума тевесь витеви анцяк эсинек эрзень ды мокшонь кельсэ.
Аванзо кельсэ эряви тонавтомс пакшась.
Эрзень ды мокшонь кельсэ кармамс тонавтомо 1 ст. школава. Эсь кельсэ тонавтумань тевень ветязь минь седе курок витсынек эрьва эрямо чинь тевенек. Седе курок эрзят мокшот кармаст парсте эрямо чинь тееме.
б) Рузонь келенть тонавтомо кармамс анцяк омбоце эли колмоце иенть, кода косо седе паро.
в) Эрьва школава тонавтомс ГУС-онь программанть кувалт, Седе курок ладямс комплексной системанть.
г) Седе курок нолдамс эрзень ды мокшонь тонавтума кинигат (учебникт).
| Резолюция |
| Педагогической Техникумтнэнь кувалт. |
| (Педтехникумось истямо школа, косто нолдыть учительть). |
Весе эрзень-мокшонь тонавтыцень промксось мерсь:
1) Эрзень-мокшонь педтехникумтнэнь лангсо ащи покш тевь. Педтехникумтнэ анокстыть эрзень-мокшонь учительть. Учителень анокстамось покш эрявикс тевь тонавтума тевсэнть.
2) Ней пек ламо эрявить эрзень ды мокшонь учительть. Эрьва губернява, косо ламо эрить эрзят ды мокшот улезэ панжозь вейке эрзень-мокшонь педтехникум, эли рузонь педтехникумга улест эрзень-мокшонь отделеният.
3) Промксось мерсь: Весе эрзянь-мокшонь педтехникумтнэ эрить ащить пек берянстэ.
а) Асатыть эсист кудост (Петровскоень педтехникумонть нейгак арась эсинзэ кудозо-тарказо), арасть кинигат, библиатекат, эрьва кодат кабинет ды лабораторият, косо тейневельть эрьва кодат опыт.
б) Педтекникумга тонафницятненень аламо пандыть жаловнянть, — велень школава (I ступ.) тонавтыцетнеде аламо.
4) Эрзень-мокшонь педтехникумга тонавтнить бедноень ды середняконь од ломать. Сыненст лиясо тонафнемс а косо — а саты виест. Промксось мери максовтомс сындест педтехникумсо стипендият Наркомпросонь кедстэ.
5) Эрзень-мокшонь педтехникумонь программась истямо жо кодамо весек педтехникумтнэнь. Од ломатне, конат сыть педтехникумов тонавтнеме, аволь пек парсте тонавтозь. Сынь а кенерить весек программанть ютамонзо. Тень кувалт эряви седе курок панжомс сисемь иень школат (семилеткат), косто кармить молеме педтехникумов. Знярц кирьдемс педтехникумга подготовительной курст.
6) Ней минек эрзень-мокшонь педтехникумтнэ анцяк уставакшныть. Минек арасть сисемь иень (семилетка) школанок, косто молевельть тонафнеме педтехникумов. Гларпрофобронь правилань коряс сыреть (иестэ ютазь) ломать а примамс. Тень коряс знярц (пока) а моли теемс. Педтехникумов сыть лиясто ломать, конань правилань коряс тонафнема иеньэ ютасть. Знярц, аволь ламо шкас, примамс колмо иеде, правилань коряс, сыретькак.
7) Седе парсте содавлизь эрзень-мокшонь педтехникумсо тавтницетне тонавтума тевенть эсист народ ютксо. Эряви кармамс тонавтомо педтехникумонь программадонть башка истят предмет: 1) эрзень-мокшонь кель, эрьва кодат эрзень-мокшонь морот, евкст; 2) эрзень-мокшонь история ды этнография (эрямо чист коест; 3) кода тонавтомс эрзень-мокщонь школава I ст.; 4) кода ладямс тонавтнитма тевенть эрзя-мокшо юткова, кода мольсь икелев те тевесь минек Советэнь масторсо.
Знярдо улеме кармить миньцинек сисемь иень (семилетка) школанок сестэ весе нетне предметнэ тосо як тонавтомс. Нетне предметнэнь кувалт арасть киниганок, арасть ломаненек, конат кармавольть тонавтомо. Эряви нейке кармамс пурнамо эрьва сермадовкст, анокстамс танавтыцят, конат кармить нетне предметнэнь тонавтомо. Тень кувалт эряви вешемс Наркомпросонь кедстэ теемс высшей школава эрзень-мокшонь кафедрат.
Седе курок ладямс педтехникумга эрьва тевест, да ладямс тевенть од предметнэнь марта, эряви педтехникумтнэнень эсь ютксост кирьдемс паро связь. Вейкест—вейкест туртов кучнест сермат эрьва тевест кувалт. Косто—косто пурнавкшномс ве таркас, тевень кувалт кортамо арсемс. Те тевенть путомс центрасо эрзень-мокшонь бюронть ланкс.
| Эрзянь роботникнень тевде. |
Тунда мон ульнинь кучозь Татреспубликань Областной Партиянь Комитетстэ запасной полкс эрзянь новобранецнэнь тонафтомо. Тосо эрзянь кельсэ тейнинь тенст доклад кода эрить минек республикасо и лия масторга. Мон неия, что эсинек кельсэ пек шождыне тонафтомс, толкувамс хоть мезе. Эрзянь ломань аволь анцяк берянстэ рузкс чарькоди, но и седе пек кеми эсиндэ кельсэ кортыцястень. Аволь стяко Ленин ялгась мерсь-кадовозь народонтень кода тевесь ащи эряви толкувамс эсиндэ родной кельсэ. Сестэ сон чарькоди вадрясто. Мон ней весе эрзянь общественной, партийной, кооперациянь роботникнэнень меревлень, чтобу сынь стараяволть толкувамо эрзякс. Кинень сави эрзя ютксо роботамо се сонсь курок чарькоди, что эсинек кельсэ толкувазь тевесь седе парсте моли.
| Секретарь эрзянь секциянь
при ОКРКП(б.) М. Колганов. |
| Комсомол. |
| Сыре ломать ды од ломать. |
Революциясь стявтынзе удомсто од ломатнень. Сынь кармасть ташто койтнень кадомо, ды од эрямонь тееме. Ансяк сыре ломатне, севть пек эрзетне, а капшить ташто койтнень кадомо. Саемс куть минек Алова веленть. Эрить эйсэнзэ эрзят тыща кавто сядо марто ломань (205 кудо). Од ломатне газет сермадовтыть—ловныть. Ловныть кинишкат, молить комсомолс, тейнить спектаклят. Сыре ломатне эйсэст а нолдыть ковгак церькувадо башка. Церькував якак куть эрьва чине, школав-спектакляв ды комсомолос иля яка. Ламо од ломать тень кувалт авардить — мезеяк а теят сыретненень. Сыре ломатнень, тетятнень—аватнень весе виесь кецэст. Акармат эйсэст кулцономо — кармат ламо вачо пекень кирьдеме, ды эщо паньтядызь киска лацо ульцяв. Улить истят-как од ломать, конат тень кувалт а ваныть тетяст аваст ланкс, теить эсист лацо. Молить эрямо чинь кувалт истят од ломатне, конат кеместэ эсист кист эйсэ кирьдить. Сынь мезе вешнить — мусызь. Парсте кортыть истят ломатне, конат мерить: сыретнень аламо кадовсь эрямс — миненек эряви строямс лия од паро эрямо. Минь тейсынек сонзэ.
К. Радаев.
| Сокань таркас трактор. |
| Лия масторсто сасьть тракторт. |
Новороссийской портов (кораблянь лоткамо тарка) сентябрень 24 чистэ пачтясть 500 тракторт. Трактортнэде башка пачтясьть ощо 500 кафто корпусонь плукт ды 100 рядовой видимкат. Сентябрень 30-це чистнньть весе не машинатнень кучизь сюронь ачачома районга. Явизь сынст вано кода; Саратовонь губерняс — 140 тракторт, зняро-жо плукт ды 15 видимкат, Немреспубликас — 25 тракторт ды 5 видимкат, Самаронь губерняв — 50 тракторт ды 10 видимкат, Воронежской губерняв — 50 тракторт ды 23 видимкат, Юго-восточной райононоти — 185 тракторт ды 27 видимкат.
Саратовонь ды Воронежской губерняв трактортнэ пачкоцть весемеде икеле. Сеск пачтямост мейле трактактортнэнь* варчизь роботасо, а мейле кучизь таркава. Явшизь трактортнэнь сельскохозяйственной товариществань ды коллектив юткова. Сельскосоюзось анокстась тракторонь уштома пель, ваднима ой, запасной часть. Сон жо тонафць сюро видицясто трактор мельга якицят. Эрьва трактороньть марто кучсть кафтонь-кафтонь тракторонь уставицят.
| Велень сермат. |
| Вано кода мольдян паро эрямос. |
| Карай веле Давликановск. вол., Башреспубликань. |
Вейке ие ютась, омбоце тусь, кода минекь велесэ паньжозь ловнома кудо, Карминекь роботамо эйсэнзэ колмоненок: Аристарх Некрасов, маласо хуторсо эриця, агроном, Иван Карпунькин, велень учитель ды мон. Басинь читнень эсть мольть ловнома кудоньти ловныцят кулцоныцят, кодаяк колмошка-нилешка ломань ульцясто совавтат, нетьнень кис-как пасиба. Ловнокшнынекь тенст Советской Республиканьть тевтнеде, кода весе масторонь пролетариясь ашти эсь праванзо кис ды бороце капиталистнэнь марто. Некрасов ялгась ловнокшнось ды кортнесь од койсо сюронь видимадо.
Кавтошка недлянь ютазь кармасть эрьзятне сыньць апак ветя пурнавкшномо, кармасьть кевкснеме мезе ачаркодеви.
Васьня роботамось ульнесь стака. Ламо од цератнень ды тейтертнень ютксо ульнесть лангсонок пейдицят, сынь мерильть: Вано лодырьтне думить весе веленьть шатиякс тонавтомо. А минь мезеньгак кортамо лангс апак вано эсь тевенок теинекь.
Аламошка ютазь бедной ломатне сыньць кармасьть нужаст кувалт ловнома кудов сакшномо. Кона кевксни налогонь льготань кувалт, конанень вирь эряви хлопочамс. Весекснынь ловнома кудосоньть паро превьть макснить.
Кизонь паксянь роботатнень марто Ловнома кудосоньть аламо тевь теинекс Сень кис мон эсь кудосом ламо тевь теинь: эрьва бразникстэ од ломатне пурнавильть кудозом. Ловнынекь „Безбожникстэ“: „Библия для верующих и неверующих“. Васьня эсинекь ютксо споринекь, мейле карминекь религиознай диспут (спорямот) тейнеме.
Не диспутнень сакшность баптист и попось. Не беседатнень кувалт ламо од ломать мельганок тусьть. Весемеде-пекь озныцятне-як натай кармасть попоньти ды баптистнэнень кортамо: „Стуфтыньк эсь доходной статьянк, — теде мейле минь акарматан тенькь верь-ливезце роботазь копийканок кандомо. Паньдя сюровидицянь дураскафтнеме, кундадо тыньць—как од койсо сюро видиме. Седе паро ули“.
Сась сексесь. Октябрень 22 чистэ теинекь таго од ломанень прумкс и не уш аволь минь пурнынекь прумксоньть
