| 2 | ЯКСТЕРЕ ТЕШТЕ. | № 30 |
| ||||||
| Колмо иензэ. |
„Кодамояк лезэ арась сонзэ эйстэ“. „Кияк сонзэ аловны“. „Киненьгак сон ачаркодеви“. „Анцяк стяко емавтнить казенной ярмакт“. Истя кортнесть ламо эрзят. Якстере Тештеденть, знярдо сон появась. Седе мейлеяк куватьсь пеетькшесть минек ланксо ды мурнесть эйсэнэк эрзянь газетанть кис. Но минь эзинек кунцоло сынст валост, эрзянь газетанть эзинек лоткавт.
Ютасть колмо иеть. Мезе минь ней нейтянок? Якстере Тештенть содасызь весе эрзятьне. Арась истямо чопуда угул, косо арасель сон. Сонзэ эйстэ содыть Рав лангонь эрзят, сонзэ содасызь Башкириясо эриця эрзятьне, сон пачкотькшни Сибирень эрзятнененьгак. Ней Якстере Тештенть кармасть охотнасто ловномонзо, кармасть сонзэ вечкемензэ. Сонзэ эйс эрзят сермадыть сынцист эрямодост: и пародо и беряньдэ, и нужадост и горядост.
Содыть ли эрзятьне, конат ловнокшныть Якстере Тештенть, кода сон появась, кода савсь роботамс не колмо иетьнень? Аламот теде содыть.
Кизна, 1921-це иестэ эрзянь коммунистонь конференциясь Самарсо тейсь постановления нолдамс эрзянь кельцэ газета. Сексня эрзянь секциясь ЦКРКП (б.) кундась те тевентень. Секциясонть ульнинек колмонинек. Кияк эйстонок седе икеле газетань роботасо арасель. Месть тейнемс? Кода кундамс тевентень? Кие карми сермадомо? Кармить ли тонадозь эрзятьне лездыме тенек? Минь эзинек сода. Содынек минь анцяк секень: газета ды кинигат эрзятьненень эсь кельцэст эрявить, сынстемест эрзя кадови весемеде удалов, самай пуло пентей, Хоть прят лазык, а кинига ды газета эрзянень эсь кельцэнзэ макст.
Карминек роботамо. Сермадынек, печатынек васень номеронть, кучиаек эрзя велева. Арситянок: пачкоди Якстере Тештесь велев, ловносы сонзэ эрзянь учитель эле лия кодамо тонадозь ломань, ловносы эрзянь коммунист, невцызь тенек лавчо тарканзо, евтасызь мезде эряви сермадомс, ды сыньцкак кармить сермадомо. Учутанок недля, кодамояк куля арась, учутанок омбоце — арась, учутанок месець, учутанок ие — тонадозь эрзятьне кашт молить. Анцяк тестэ-тосто кармасть кучниме тенек сермат крестьятт (аволь тонадозь ломатть). Тейнемс а месть. Савсь васьня роботамс анцяк эстенек. Саинк васень номертнень ды ваннынк, кинь фамилият тосо нейтядок?
Евсеев, Окин, Желтов, а больши кияк арась. Аламодо седе мейле, кармасть сермадомо кавто эрзянь студент — Шишкин ды Бухарев. Ламо газетсэ энялдынек, чтобу велестэ сермадоволть велень эрямодо. Анцяк газетанть омбоце иестэнзэ аламонь-аламонь кармасть сермадомо велестэ. Ней газетонть велева улить 30-шка ломань корреспондентонзо (сермадыцят). Не сермадыцятне ютксо улить 2-3 учителть.
Учительтнень эйстэ васьняяк кармась сермадомо Прокаев Ив. Фед. Петровскойсто и те шкас сон сермады.
Стака ульнесь роботамс аволь анцяк седе, что а кинень ульнесь сермадомс, седеяк стака ульнесь седе, что редакциянть арасть сонцинзэ ярмаконзо. Кавксть-колмоксть газетась лотксесь лисьнемеде ярмаконь аразьде. Коли улевелть ламо подписчикт, сестэ редакциянть улевелтя сонцинзэ ярмаконзо и тевесь седе валанясто молевель. Васень иенть подписчикт овси араселть. Мейле кой-кода пурнавсть кавто сядошка, а ней уш кото сядт поеписчикт.
Истя вана аламонь-аламонь тевесь кармась ладявомо. Хоть эрзянь учителень с‘ездсонть пек сялдызь Якстере Тештенть, а седеяк пек роботыцятьнень, но, монь койсо, Якстере Тештесь ламо лезэ тейсь эрзянень. Эрзя те шкас яла удось, а Якстере Тештесь аламонь-аламонь стявты эйсэнзэ удомсто. Сон аламонь-аламонь кармась эрзятьнень сельмест панжомо. Сялдомадо ды мурьнимадо чождя тев кодамояк а муят. Не сялдыцятьнень мон бу кевкстивлинь, косо сынь ульнесть се шкастонть, анярдо возось (улавось) эрявсь верев пандт кустемс? Мекс сынь эсть кунда лездыме не кавто-колмо ялгатьненень, конат усксть те улавонть? Сынь еестэ кекшнесть эрзянь роботадо. А ней, знярдо те стака улавось (возось) ливтевсь седе ровной таркас, сынь панджизь кургост. Мон мерян тест: тынь, ялгат, васьня кундадо возонть ускомо, лездыдэ ялгатьненень, конат уш ускить, а мейле сялдодо лиянь робота.
Якстере Тештентень аэрявить а шныцят, а сялдыцят — сонензэ эрявить лездыцят. А эрзянь интелигенциясь колмо иеть сельмень конязь ванць эрзянь газетанть ланкс. А ней, мон арсян, шка уш эрзянь учительтненень, ды эрзянь коммунистнэнень аламодо чаркодемс Якстере Тештенть лезынзэ, ды кармамс дружнасто тензэ лездыме. Сестэ а кие уле сялдомс ды мурнемс беряньстэ роботамонь кис.
Е. Окин.
| Кода минь сермадынек васинь газетоньть „Якстере Тештенть“. |
Весе миник трудиця-роботыця ломатнень газетост васинь чист, васинь кист пек аволь парт. Миник Якстере Тештеньть васинь эрямо чинзэ седеяк аволь парольть.
Якстере Тештэнть башка, миник эрзянь кельцэ сермат арасельть-те вяйке стака тев. Сёрмадыцят эрзянь кельцэ арасельть — омбоце стака тев. Маштыця эрзя ломать, газетэнь нолдыцят арасельть — колмоце стака тев. Вот не колмо арасне миник газетэньть тевинзэ пек стакалгафнызь.
Роботамс ульнесь пек стака. Минь Окин марто 4—5 чассто валцке марто стятанок и седе курок карматанок сермадумо эли вешниме газетнэнь ланга кодаткак од кулят.
Мон косто-косто кармафния козейкам эрзянь сермас сермалеме. Сон рузава, эрзякс аванькс — ормаяк а чарькоде, а сермадомо кармафния лия конев лангс. Сон седе парсте сермадэ, типграфиясо седе чарькодцезь сонзо кецэ сермадовкснень.
Ней лиясто арьцян се пораньть эйстэ, натойкс мереван истя. Кода минь анцяк кафто эрзят, колмоце мокшо сермадынек цела газет? Ней пек парт Якстере Тештень редакцияньть тевензэ, коле сонендэ эрьва чине кучнить вете сермат эрзянь кельцэ. Сестэ куть знярдо улиме кармить паро сермат нетне серматнень ютксо.
Васинь читнень эйстэ миненек Окин марто эрявкшнусь сермадомс миньстенек. Сестэ арасиль шка миненек паро сермань сермадумс. Адя кодат-как сермат ды седе курок-вандэ нолдамс газетась.
Сестэ мон ульнинь редактор, мон ульнинь цензор и мон ульнинь сермадыця. Окин-гак истяжо ульнись редактор, сермадыця, почтальон, соньць усксиньзе и явшиньзе газетнэнь.
ТрамваЙсо якамс ярмаконок арасильть, минь Московганьть чок нумолонь кундэ кискат чийненек. Чокшнэ кудув самсто келенок-как лисить куркстонок. Эрьва чине, эрьва газетоньть лисимстэ ведьгемень вальгий-пе савкшнусь чийнемс мекив васув Московганьть.
Истя минь сермадынек, истя минь роботынек-нолдынек васинь газетнэнь „Якстере Тештеньть“.
Матвей Евсеев
| Видеяк нать „Якстере Теште“. |
Аволь покш комнатынесэ аштить озадо кавто ломать. Умок уш састь—сермадыть. А конашкане таргамс—как. Мезе бути капшавтыть. Анокстыть Якстере Тештенть эйсэ. Шкастонзо лисевель, шкастонзо пачкодевель велев.
Совась ломань. Неяви велестэ сась. Виздезь—пелезь ваны. Пели икелев чалгамонзо.
— Тон, месть ялгай? — Кевкстизе вейке сёрмадыцесь.
Келемсь велень ломаненть чамазо — пейдезевсь. Валгак тензэ а евтави... Московсо пшкацть тензэ эрзякс.
— Ды мон вана сын Московов, хлопочамо велень тевень кувалт.
— Адя ютак тей... Озак... Костонят?...
— Башкирской республикасто!.. Э-э, ялгат, мон эзинь кем тестэ неемс эсинек ломать. — Радувась кортамо эрзесь.
— Анцяк уш Якстере Тештенть кувалт... Истяк бу авулинь сода ков молемс. Якан Московга — сельменьгак сизесть... Яла ванкшнан, яла ванкшнан — чаракадынь; а муеви ков молемс... Тосо, косо бути автомобиль алов понгонинь... Ну яралашнойстэ артнитькак:.. Страшна ульцява якамс. Ды эще кройсимизь, мекс понгонинь автомобиль алов... Деревня!.. Мери. Чарынь—чарынь — тей молян, тов молян... Пезэяк арась Московонть... Асодан ков молемс... Анцяк яла минень—зюнонь сэрей кудот... Эсь пачкан арсян, ков ней молемс? Таргия зепстэнь вана те Якстере Тештенть, кудасто саия мартон... Ловныя косо адрес адрестэзэ, кевкстинь милиция — кучимим тей.., Вана муидызь... Ээх, аля... Тесэяк улит эрзят аа? Минекак ломанькс ловсамизь. Московсто тонсит ломань неемс, те аздан кодамо паро.
— Алоткавияк, кармась картамо эрзясь. Пейди ды евтни... Анцяк яла: Ээх, аля.. Яя.. Вана цёра...
— Удума таркат арась? кевкстизе омбоце сермадыцесь.
— Мень удума тарка! Адя куш тынк муидизь... Куш месть тейнеде мартон... Тесэ аволь велень тевде хлопочамо — тоньскак ёмат. Асыргиксылиньгак... Кучить, азё ды азё... Модань пельде обижимизь тосо. —
Ламо евтнесь. Покш тевень кувалт сась.
— Ну, ялгай! — пшкаць тензэ сёрмадыця... — Адя вана мон ветятан, тесэ ули истямо кудо „дом крестьянина“ тосо теть максыть удума тарка, ды антадызь... Мейле теветь тееме кармат...
Ней, Московоськак лиякс кармась неявомо тензэ. А пели. Тесэ улить сонцинзэ ломать, конат пшкадить кисэнзэ.
— Ээ, вана цёра, яя... Аволь уль газетэсь, ёмавлинь. Видеяк нать „Якстере Теште“! Ков бу истяк молевлить — картась яла эрзясь.
Теинзэ эрзесь Московсо тевензэ, тусь кудов. Седе мейле кармасть товолдо сёрмадомо, ды рамасть Якстере Теште.
Истят вано ламо ульнесть тевть.
Сыть ли од ломать Московов тонавтнеме...
Ков? — Якстере Тештень редакцияв совить икелевгак.
Киньгак сынь а содыть Московсто. Содыть Якстере Теште, конань сынь ловнызь велесэ.
Кучить заявленият тонавтнимань кувалт...
Ков? Якстере Тештентень... Якстере Теште муи тарка.
— Кодаяк уш аравтымизь тонавтнеме — сермадыть сермасо. Сынь асодыть Московсто лия тарка... Содыть анцяк Якстере Теште.
Велесэ кодамояк тевь, модань эли мезень кувалт...
Ков? — Якстере Тештев.
Эрзень-мокшонь тевденть содыть анцяк Якстере Тештенть кувалт. Велесеяк анцяк содыть Якстере Тештеденть.
Ули ли губернясо эли уездсэ эрзень-мокшонь секция, ламо аздыть. Весе содыть анцяк ули „Якстере Теште“, кона евтни тенст мезде эряви.
Якстере Тештенть эйсэ анокстыть анцяк кавто ломать. Тей тов кенерть. Лият сёвныть берянь газетэсь.
Эряви витемс — улезэ паро... Яла капшить кавто ломатьне. Витить эйсэнзэ.
Автономиянь кувалт ков сермадыть?
Якстере Тештес.
— Кода тосо, месть арситядо тень тонань кувалт? Якстере Теште ёвтак... Яла кавто ломатне.
Аламот содасть Наркпросонь Бюронть эйстэ, аламот содасть эрзень-мокшонь секциянть эйстэ, содасть анцяк „Якстере Теште“ конань эйсэ мурнитяно. Яла кавто ломать Якстере Тештенть марто.
Эрзень кинигадо, эрзэнь букварьде, ков сёрмодыть? Якстере Тештев...
Ки чумось берянь букваресь?
Якстере Теште... Яла кавто ломать.
Ков пурнавить эрзень-мокшонь студентнэ Московсо? Якстере Тештень релакцияв. Евтнить эрямо чидест, нужадост, арсить тевде. Редакциясь пешксе качамодо — узере понгавт. Кавто ломать яла анокстыть Якстере Тештенть эйсэ.
Козой гак истя а пурнавкшныть. Весе содыть Якстере Теште.
Угольщикень ютксо теемс спектаколь. Косо васняяк курнавить? Якстете Тештень редакцияс, сон машты весекень пурнамо.
Тештентень эрявсть аволь чумондыцят — эрявсть лездыцят. Эйсэнзэ анокстыть анцяк кавто ломать. Сынь а кенерить весек тевтнень тееме. Аволь чумондомс — лездэмс эряви. Сонзэ тевезэ покш.
Ламо ли велестэ учительть лездасть Якстере Тештентень? Арась. Якстере Тештесь учительнень паро ялга чопуда чинть панемстэ.
Ней кемдяно, кармить лездэмэ. Якстере Тештесь велявты седеньгак покш тештекс, кона карми валдомтомо эрзянь велетнень вельксцэ.
Покш теветь „Якстере Теште“!
Чумбрасто валдомт ды стявт удомсто.
Ламо минек велева удыцят. Кругомганок бузмулдыть, теить од эрямо. Шка миньденекак стямс.
Видеяк нать „Якстере Теште“ — мерсь велень атясь.
Ф. Чесноков.
