|
Вейке номеронть питнезэ 4 к. | |||||||||||||||||||||||||||||
 Еженедельный орган Мордовской секции при Ц. К. Р. К. П. (б.) |
|
| ||||||||||||||||||||||||||||
| № 28. | 21 сентября 1924 г. | № 28. |
| Миненек эряви улемс весе тевтнень лангсо азорокс. |
Паксява тевтне курок прядовить. Велесэ таго пачколи шка коммунистненень, комсомолтненень покш тевть теемс.
Васень тевесь, конанень эряви кундамс, те вадринестэ эряви сюлмавомс, пильгеде-пилькс арамс бедной лома марто. Эряви не арась ломатнесэ таргамс ды кундавтомс тевень тееме сельской советсэ, кооперативсэ, комитетсэ взаимопомощи, кредитной товариществасо, ловнума кудосо и лия велень паро тевсэ.
Омбоце тевест — те тейтерь, ава ютксо тев тееме. Те шкамс кодаяк атаргавить тенек сынь велень тевень тееме. Те тевенть конань стуфносызь сестэ, кода весе виеть эряви путомс, анця-бу таргамс сынст ды арафтомс эсь юткозонок роботамо.
Колмоце тев — те советс пурнамо тев. Курок карматано пурнамо од ломать советка роботамо. Эряви ваномс парстинестэ кулакунь ланкс, кода-бу аволть понк сынь советс членкс. Эряви эрьва косо ащемс карчост. Сестэ анцяк бороцявить сынь тенек.
Нилеце тев — те налогонь пурнамо тев. Закононь кувалт аразь (бедной) ломаннень максыть льготат налогонь пурнамсто. Ванок, тень иляк стувт. Налогонь пандомсто седе кулцонок аразь (бедной) ломать, ды вант декретнень лангс.
Ветеце тев — кооперация. Те тевсэнть миненек анця теемс. Сюпав ломать тезэ анолдамо. Тейть кооперациянь лавка. Кооперативень кувалт рамак сюровидицянь кетстэ сюро, чтобу ве хунт сюро иля макст рамамс сюпав торговиця ломаннень. Рамак седе дешувасто ошсто тавар.
Котоце тев — ловнома кудосо. Миненек тосо анцяк роботамс. Макснеме сюровидицянень эрьва мезень эрявикс справкат.
7-це тев — кредитной товариществасо. Пурнак эсь перькат аразь ломать ды тейть артель. Тевенть эряви артельсэ истя теемс, чтобу сараст иляст пееть.
8-це тев — „Якстере Теште“ лангс серматстума, ды велень эрямо чиде сермадума тевть. Иляк етуфт „Якстере-Тештенть“, лац сы, знярдо идятандат сюпав ломаньде. Сермат велень берень, паро тевде.
Не сех покш тевенек. Миненек эряви улемс велесэ азорокс бедной лома маро. Коли эсинек тевенек карматано содамо ды тееме, сестэ минь алкукскак ульдяно миньцинек тев лангсо азорот. Тевесь учи эсненек. Весе апак нузялд тевень тееме.
| Кинь эряви кучомс советс. |
Эрьва иестэ минек Россиянть масторсо, косо властись робочейтьнень сокицятнень кеце, минь тейнитянук советнень перевыборт. Курок таго шкась кармась само. Таго одов эрявить ванумс, кода минек советесь роботы. Содасынек-ли минь, ялгат, кинь кучнинек тона иестэнть советс роботаму? Содасынек-ли, кода минек ялгатне роботасть советсе? Содасынек-ли, кода минек пурназь ялгатне вансть беднойтнень мелест? Тонадынек-ли минь и содасынек-ли, ки эреви кучомс советс? Не тефне ланга минь и хотим, аламушкадо кортамс эрзятнень марто. Сисем иеть курок карми улими, кода коммунистнэ вейце робочейтне сокицятне марто тулкадизь-пургавтызь буржуйтнень, меньшевикнень и эсеровской партиятнень. Тынсь содасынкь, зняро сынь симсть минек робочей-сокиця веринек. Минек ялгатне, тынкь цератне, тынкь мирьденк ульнисть красной армиясо. Сынь еще эзизь стувт, кодамо стака ульнись тюримс буржуйтне-меньшевикне эсеровской партиятнень марто. Икилияк аэреви стувтомс, кода питнейстэ сатуць миняникь советской властесь. А если те истя, — лиякс аули знярдуяк, то миняникь эреви содамс кода роботыть советне, месть теить тосо минек ялгатне. Если минекь ялгатне роботасть вадрясту, то сынь тейнисть тыненк докладти ефнизь кода сынь роботасть советсэ — кунсулость тынк эйсэ, кода эреви роботамс. А если докладт эсть тейникь то сынь роботасть беряньсты и тынкь валунк превинк эзизь кунсулок и сынянст виськс ульнесь лисимс тыньк юткс. Секс эревить истят советской роботыцятнинь кармавтумс, чтобо сынь тяист докладт и ефнизь тыняньк кода сынь бездельничали советсэ и меремс сынянст, что минек советсэ истят бездельникненень таркат арасть. А если еще минек советсэ улить истят ломать, конат сайнисть зымкат (взяткат) и симить самагонкаду, то истят ломатненень эреви анокстамс тарка, косо Макар васт эзь вант. Задачась пек покш. Кото иеть уж ютасть а еще улить истят совет и истят ялгат конат ковгак амаштувить, а то еще улить истят ломать конат мешеть миняник роботаму а коммунистнень и советнень лангс ваныть эсист поцо прок вяргист реве лангс.
Кинь-жо эреви кучемс советс те иестэньт? Вот, эрзят, мезинь кувалт эреви сейчас арнемс (думамс). И вот мезе ланга эреви тыняньк кортамс коммунистнэнь марто и анцяк коммунистнэнь марто вадрясто тееви те покш тевесь. Советсэ роботамусь а шождине. Советэсь миненик питьнейстэ сатуць. Секс эрявить кучемс истят ялгат, конат советэнь кис тюрсть, буржуйтне-кулакнень марто Красной армиясо, конат содасызь сынсь кодамо стака ульнесь тюримс буржуйтне-кулакнень марто. Конат сынсь варшнизь кодамо стака ульнись кшевтеме, кодамо якшамо ульнись одижавтумо, кодамо страшна ульнись патронтомо. И вот кодамо стака пора эзь ульник, а честной робочейтне и сокицятне, ружиятнень кецест кирсть плотнасту. Дезертиркс эсть тук. Красной армиянть эзизь кат. Нетне ялгатне содылизь, что сынь тюрить буржуйтне-кулакнень марто, советень кис. Нетьне ялгатне содасызь месть эревить теимс советсэ. Истят ялгатне ащить весе Коммунистической партиясо. Секс икилияк эреви кучемс Советс коммунистнень, конат честнойстэ и парсти маштыть роботаму. Конат кунсулыть минек эйсэ. Конат теить истя, кода мерсь Ленин ялгась. Конат содасызь сынсь нуждасо эрямунть.
Г. Баранов.
| Од кулят. |
Эрзянь-мокшонь тонафтыцятнэнь прумксось Московсо роботась кото чить. Прумксонть содавтызе нарком просвещения СССР Луначарский ялгась. Эрзянь-мокшонь тонафтыцятненень сон ефтась поздоровт.
Эрзянь-мокшонь велетнестэ эрьва чистэ сыть ВЦИК‘с Отделс Национальностей протоколт, конатнень эйсэ эрзятне ды мокшотне вешить эстест автономия.
Казаньсэ Татнаркомпрос эрзянь тонафтума бюронтень нолдась 672 целковой ярмакт эрзянь кельсэ учебникень ды лия кинигань рамамо ланкс. Татнаркомпрос алтась куроксто ошо нолдамо зняро жо ярмакт эрзянь кинига лангс.
| Лия масторга. |
| Англия. |
Англиясо течемс спорить миник договоронть лангсо. Англиень правительствась веши парламентэнь пельде те договоронть кемикстыме. Будимкс парламентэсь а кемикстасы договоронть, сестэ паньцисызь те парламентэнть и кочкить лият ломать.
Лия ломатнень сестэ кучи робочей партиесь. Те партиесь весе трудящейтнень марто ащи миник договоронть кис, правительстваськак миник кис. Секс правительствантень охота кочкамкс од парламент. Кучиньдерейть парламентэв ламине робочейть, правительстваськак седе кемистэ карми ащиме, договоронтькак тейсызь миник марто.
Вейке англиень министр истя кортась пурумкссо: „Англиень народонтень пек эсть вечкевкшнэ правительтне, советской Россиень паницятне. Сондо мельц тусь неень правительствась, Россия марто договоронь теицясь“.
Буржуинь депутатнэ те шкане пелить кортамо советской договоронть карчо, пелить парламентсэ тарканть юмавсызь.
| франция. |
Франция ламо ярмак сайнись Американь кецтэ. Те шкане Америка арци тееме истя: кадык Франция панды неть ярмакнень 92 иень перть. Американь буржуйтне азорокс арыть француской фабрикнень лангсо. Газетнэ ламо сермадыть тень эйстэ, что Америка мезикскак а путы Франциень, Германиенть эйстэяк хуже. Франциень покшось, Эррио, чатьмони Американь карчо. Сыненст таго эрявить ярмакт. Америкадо башка костояк а муят.
| Советэнь масторга. |
| Коське кизэтнень марто бороцить. |
Сюронь ачачума таркава правительства максни ломатненень тев: коське паксятненень нолдыть ведь, кува сон арась, эрькнень парстине урядасызь, чувить лисьмат. Эрьва кува улизэ маласо ведь.
Неть тевтнень теить Самарской, Саратовской, Царицынской, Воронежской губернява ды Немецень республикава.
Эрьва чине тень лангсо роботыть тыщат ломать и ськамост и алашаст марто.
| 1921 ачачма иестэ кудусто туезь ломатненень максыть льгота мекив велявтомсто. |
Совет Народных Комиссаров теикшнысь льгота чугунной ки ланга молицетненень, конат вачо иенть эйстэ тукшнусть эрьва кува, а ней мекив мурдыть кудув.
Те льготанть правительствась течемс кадызе. Сондо кувалма ардыть аволь анцяк ортельце, ськамундояк ломанентень максыть льготной билет.
