| 2 | ЯКСТЕРЕ ТЕШТЕ. | № 9 |
молеме, штобо сонзо чарькудемс, кода эрзень учителесь.
Минек эрзень эйкакшне секс и туить учильщасто, што тосо весе тенст ачарькодеви, весе тенст неяви, что тосо сон ащи, как покш вирьсэ и азды ков молемс. Ведь тонавтомсто эряви молемс састо и содамс эйкакшонть. Сестэ анцяк мезеяк паро теят.
А руз карми содамонзо эрзень эйкакшонть? Колияк арась. Кода содасы коли келендэ ачарькодсы.
Если эрзень эйкакшонте кортамс эрзякс, сон седе педи эйзот и чарькоди, што учильщасто сон паро ней и тосто атуи, орголеме акарми.
Сайсынек рузонь букваренть. Мезе эрзень эйкакшось тосо чарькоди? Мезе паро тосто может саеме первой родонть! Рузонь букваресь максы эйкакшонте колмо стака тевть — приметамс букватне, ловномс и чарькодемс валось. Не знай тень ланкс лоткамс тензэ, аздан тонань. Букватьнень примитасыньдэ, валтне ачарькодевить. А эрзень букварьсо примитасыньде букватнень — ловны и чарькади. Эрзень кельце ловнозь валтнэ чарькодевить как парсте, повнявить как лучи, а рузонь валтне эйсэ эйкакшось евтни серовно попугай.
Знамо, штобо эрьзень кельцэ тонавтомс эрявить букварть, задачникт и эще кой мезе ламо и учителеньти содамо эрзень кель. Букварть эрзень улить, добувамс сынсть можна.
Эрзень учитель, эрзень кинига маро, если сон авизди, што сон эрзя (а истят улить) покш паро теи эрзень народонней.
Стива А.
| КООПЕРАЦИЯ. |
| Мезе лезест сельско-хозяйственной кооперативтнень. |
Ламо раз велесэ савкшнось кортамо крестьян маро эрямо чиде и вопче с.-хозяйствань кувалма. Крестьятнэ кажной чине сынцест эрямост лангсто и нефтить робочеень эрямос. Сынь кортыть, што робочеень эрямозо секс паро, што сынь организованнойть и сынь вясе аштить союзсо, кона тянест вясеме тявсэ помоги, а минь эрятанок башка—башка и арастянок кодамояк союзсо, и секс берянстэ эрятано.
Да ялгат, те верна, што робочейтне вясе аштить союзсо, козэнь сынь каить кажной месецтэ знос и косто получить помога.
Но нельзя-ли кодаяк и крестьяннэнь тяемс истямо организация, косто сонгак получаволь-бу помога?
Можна крестьяннэнь-гак тяеме.
Анцяк организовамо сельско - хозяйственной кооператив и парсте ветямондо тевенде, вот те тянк истямо - же профессиональной союз, косо тон можешь получамо помога ощо больше, чем рабочей получи союзсто.
Минек таркава аламо истят кооператифть и почти дух арасть минек эрзя велива, конань тяеме минь, пожалуй, ощо эзинек кармсияк.
Мекс арасть минек таркава сельско-хозяйственной кооператифть? Мон думан секс што асодасынек минь сынст лезэст и вопче мязе сынь тянек могут максомо.
Мязе парост кооператифнень, тень кувалт уж ульнесь сёрмадозь „Якстере Тештесэ“, но мон таго аламошкадо сёрмадан, кодамо именна парозо и мязе максы крестьяннэнь истямо организациясь. Кажной сельско-хозяйственной товариществанть организовасызь анцяк трудовой крестьянт, козонь совить бедной и середней эрицят.
Парозо сондэ ламо, но мон тесэ сермадсцынь анцяк главной лезендэ. Конань может максомаст любой организация.
1) Сельско-хозяйственной товарищества максы крестьяннень мязе анцяк эряви кажной хозяйннонь, может максомо куть кодамо с.-х. орудия плуг, жнейка, косилка, рядовой сеялка, и разной паро сюронь и тикшень видме.
2 С.-х. товрарищества может истя-жо моксомо с.-х. орудиядо башка и ярмаконь кредит алашань, скалонь рамамо, али вопче нуждань витемс.
3) Но главной лезэзэ с.-х. товариществань минек таркава, — ве куцясо миемаст миник кристьянонь продуктанок, кона мази торговоень кедь-до кец, и пока пачкоди робочейнень фабриков, сондэ питнезэ касы 2 раз, истя-жо сы товарось и фабрикстэ, конань минь получасынек тожо 2—3 раз питнеистэ. Но совсем лия тявесь ули, если минь куцясо мисынек продуктанок и истяжо куцясо раматанок эстянек мезе тянек эряви.
Тесэ мон сермадынь анцяк, ланга-велькска, но лязэзэ сондэ вясеме таркасо ламо.
Вот анцяк кода минь можем организовамо и тяеме эстянек крестьянской Союз.
Автаев.
| Пулакшост кармасть разьдямо. |
(Сок-Кармалинск. вол., Бугурусл. уез. Самарск. губ.).
Икеле пек. вадря ульнесь эрямост торговой ломатнень миник волостьканть, а ней тевест берять. Кооперациянь лавкатне нельгизь кургстост потенть. А кооперациянь лавкатне миник волостьсэ сисем: вете потребительской ды кавто кредитной товариществань. Товарось ней седе дешовалгаць кооперативной лавкатнень эйсэ и весе народось кармась товаронь сайме тосто. Торговойтне кармасть пулакшост разидьме и совсем пекстызь лавкаст и мереть — арась толкозо торгувамонть, а лучи карматанок сокамо изамо, седе сходна ули.
Што чи, то лучи кармасть торгувамо кооперациень лавкатне: и товартнэ седе вадрят кармасть появамо. Народось пек пасиба евтыть яла и мерить: давно бу истя эряволть тонавтомс не грабицятнень.
В. Платонов.
| Велинь кулят. |
Кафто лейне ланксо, |
Пакшат тосо тонафтэ... | |
| Марыця. |
| Ледынь кудо. |
Истя пуць лем минек В. Толкаинь Педтехникумонтей вейке эсинек учитель. И те истя. Минек Техникумось ледынь кудо. Весе Техникумсонть колмо кшниннь пецькат. Кода пецькатнень туиньзе завхозось кепедсть спор — кона комнотантей аравтомс сынь.
Теинек истя — ве пецьканть максынек 1-й приготовительной класс, вейкень 2-й отделенеяс практикуме, а остатканть Техникумонь каридорс — „Центральное отопление„.
Валцкиньть, кодак тонавтницятне промить, пецьканть ушсызь, а седе рана иля Ушсызь и эжнить. Повнясо истя пецькань кругом эжникшнэсть вагонсо. Валскинть бу кинига кодамояк ловномс, а тон капшат тарка занямо пецька бокасо, штобо мейле акельмемс. Сыть учительтне — туят кельме класс уроков. Уроксо аздан месть тейнемс, лекция сермадомс эли кедить эжнемс Сорнат уроконь перть. Юты урокось, промат пецьканть кругом и таго мейле уроков. Истя мольсь тевесь течинь чис и карми молеме лембеньдемазонзо, тельня голанкатнень авачкасыть.
Куть якшамо, куть берянь, стака тонавтнимась; ведь кинигат как арасть, эрьва клайс кавто вейке кинига; улевельть бу кинигат кудосо ловновлить, а ней мезе кельме классо марят, секе марто кудов туят. Но ней тевесь лиякс кармась молеме, — кружокт роботамо кармасть, кружокт истят. 1) Марксисткой, 2) Кружок точных наук 3) Кружок натураралистов, 4) Литературный 5) Издательский 6) Худож. драматическ. Вана алашушка валт В. Толкаинь педтехникумсто.
Стива А.
Охота содамс, кода эрить Петровской Педтехникумсо тонавтницятне.
Стива А.
| МЕСТЬ СЕРМАДЫТЬ ВЕЛЕСТЭ |
| Смирнов велесэ. |
Смирнов велес киява молить кавто ломать. Молить састыне а ваныть те лангс, что шкась уж пельве. Лембе февралень шкась неяве терди сынст мольме ошо седе састыне. А охота ушосто совамс кудос. Эчке ловось пилькне ало а чикурдыльгак, седий лангсо истя спокойна.
Смирнов велень взаимопомощи комитетэнь председатель Коважонков ялгань марто молиль кудов сондо ялгазо. Молить шабрань деревнясто, косо сынь ветясть комсомолецень собрания. Састыне кортасть собраниенть эйстэ.
Ламо работась, ламо сельмезэ несь Коважонков ялганть пингензэ перть. Се шкане, кода сонендэ эряволь бо оймамс, кирвазевсь революция. Коваженков ялгась арась революционной роботас. Сон несь ламо верь гражданской фронтсо. Знярдо гражданской войнась прядовсь, сон кармась работамо велесэ. А пели тень эйстэ, что сонендэ грозить кулакт. Аумок сон ютавтызе самообложениять взаимопомощи и ней арси, кода парсте сонендэ отнеслись беднойтне, кода грозесть сонендэ кулакне.
Пачкоцть сынь веле пиряхонтень. Улицень кувалма стявтозь вишинькинеть постройкат, тесэ — тосо пенгть. Проулкасто появасть вейксэшка ирицтэ ломать. Чатмонить. Вицты молить Коважонков ялганть лангс.
Вейкесь сынст эйстэ стакасто вачкудизе Коважонковонь пря ланга. Коважонков прась. Весе куцесь эцись сондо лангс. Кармасть чавоманзо. Чавить эсинь велинь кулакт. Урнома ютксо марявить валт:
— Вана теть миник пондот.
А те шкане васуло пижнить караул. Те ялгазо менць, пурны народ. Бандитнэ сралить, кинень ков. Коважонков ялгась цютке лексе, стямс сонендэ, а кода.
Ютась ниле чит. Лукояновкань улицява музыка седи калмамо марш. Сон и аварди, сон и грози. Авради сень гис, что кулось ломань, коната арсись бедной народонтень паро, грозесь, истятнэнень, конат чавныть Коважонков ялганть кондятнэнь.
Гал.
| Учильнень тевь. |
Ташто-Дема велись таргавсь вете вальгий петь, а учильнясь вейке, сеяк аволь веленть кункчкасо. Кона, кона пакшантей васоло якамось. Тельня эще якшамо, ды паро одижа и карцима арась. Секс ламо пакшат лоткасть учильняв якамо. Паро бу улевель если тяемс общежития, косо можна пакшатненень эрямс тельня. Если тедиде поздынек, то сыгоднень эряволь бу теемс. Ато ламо пакша кадови неграмотнойкс.
П. Наумов.
| Т. Демо веле. Петров у. Сар. губ. |
| „Якстере Теште“ |
А содан кода евтамс теть пасиба. Аволь умок мон получинь кавто номерт „Якстере Теште“. Мон сынст ловнынь ламо эрзянь ломаннень. Мейле кандынь эрзянь ловнума кудос. Весе ломатне евтасть пасиба. Мон няро можна ули сермадомс, сермадан тыненк. Ней мон кой кодат статейкат кучинь, арсян, что тынь нолдасынк газетс „Якстере Теште“ Ощо кевкстядызь, можно ли тынек кучомо каррикатурат моро марто. Можна улиньдерей пшкадеде.
И. Кочетов.
| Кода празднувиник авань праздникинть. |
| (Сок-Кармолинской вол., Бугурусл. уез., Самар. губ.) |
Март месецень 8 чистэ ульнись авань праздник. Се чинтей анокстынек минь спектакль. Эрьва велес пачтинек куля, чтобу аватне молевелть волостев. Анцяк ве велестэ, Ташто Бориз велестэ эсть са, пелцть. Тесэ эйсэст тандавтнесть, что сынст волостев требувить антихристонь печатонь путомс и кона-кона текедо и эзть са. Спектаклядо икеле ульнесь торжественное заседание и колмо ломать кортасть, кода аватне бороцесть инязоронь пингстэ свободань кис, мейле кода и кить яла ульнесть ава юткова роботыцят и кода эрясть икеле аванте. Остаткадо тейсть резолюция, чтобу эрьва годнэ весть эли кавксть пурнавомс аватненень авань промксов и кочкамс истямо комиссия, кона пособлявуль бу аватненень, знярдо сынст кияк обижасынзе. Мейле ульнись спектакля. Весе аватнень мельц тусь собраниясь и спектаклясь, и яла радувакшность и туимсто мерцть, если бы свал пурнавкшномс миненек истя.
В. Платонов.
| Ташто Дема велень председатель. |
Миник велиса эре председателькс Пронькин ялгась. Колмо чить или нили чить а появакшны велинь Советов, яла сими самагондо. Февраль месецта Пронькин нельксь тенсть и тенсть илейть салава виринь керицень и сетнень мииньзе розде и тувунь сывильде; сайсь питнинть пара — 10 понт розь и кавта понт тувунь сывиль. Кой коста ирицта тюри темной эрзя марта; зняроксть уж лангозонзо жалобасть, а сон яла таркасунза. Не ярмакнень питниса конань саиньзе тенсень кис эрявулть бу рамамс кинигат и газетт миник од изба читальнете, а председателесь сонць сэвинзэ и симинзе. Монь койса бу истяму председательсь темной эрзя юткс авуль эряв.
Кона неезе.
Редакциянь пельде. Минек койсояк умок уж эряволь бу кучкордемс, аздан месть вантадок лангозонзо.
| Главлит № 17856. Москва. | Типография «Красный Восток» Никольская, 10. | Тираж 1000. |
