|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 9. | 27 марта 1924 г. | № 9. |
| Топоць год В.Толkаинь Педтехни-
kумонь Комсомолоньтей. |
Тедиде февралень 15 це чисто топоць год минек В. Толкаинь Педтехникумонь Комсомолоньтей. Времась аволь ламо — год. Но кода ванузиват удалов, ламо неяви тев, паро тевь, конань теиньзе комсомолось.
Кода первой организовали сонзо, сермадсть аньцяк 9 члент. Комсомолоньте пельсть молимаст первой, даже и тонавтницятне. Те мери истямо кружок, косо арась меньгак дисциплина, коли весе вейкеть, акармат куркстост марямо паро вал, коли сынь мезияк, а паз о черт не признают и ламо сякой вал корнисть. Но конат первой сермадсть комсомолс содасть, козой сермадсть, содасть кодамо стака, но паро тевь эрявсь тенст теимс и сынь робутасть, ламо и тейсть. А косо ули робота дружной, тосо и порядкаяк ули. Хоть стака ульнесь _____ ______. Тетят—ават кудосто паньцть эйсэст, но сынь эзизь нолда кедист. Верей кепедизь Якстере-флаконть и тусть маронзо икелев, кармасть невтеме ки од, паро эрямонтень. Первойгак Комсомолецне кармасть тонавтниме политграмотас, ловномо политической книгат.
Почти эрьва чокшны тол клубсо. То доклад меньгак, то сынсь комсомолецне теить доклад, кода сон чарькодсы се или тона вопросонть.
Вейке ломань ськамондо мезеяк а теи, и если бу сынь роботавольть башка—розна — мезеяк авольть тей, но сынь пурнавсть ве куцяс, ве дружной семияс.
Мирем сынь чождынесто тейнизь тевест.
Штобо народонтэ нефтемс, что комсомолось аволь истямо, кода сынь кортыть, што тосто можна получамс ламо паро, што сынь, кода и сыре комунист кеместэ аштеть тевест кис.
Комсомолось кармась тейнимо спектакольть и кортамо народонтень, што анцяк комунистической партиясь ащи народонь кис и хочет теимэ тензэ паро эрямо. Кармась лисима комсомолонь газет, конат кортыть, што анцяк Комсомолсо од народось могут тонавтниме вейсэ эрямо. Од ломатне велявст минек енов, ячейкав. Ютась год и ней ячейкасонть колоньгемень ломань конат аламонь-аламонь кеместо молить икелев.
Роботась комсомолось аволь анцяк Толкайсо но и лия велева. Эзь юта месец, кода Ерзовкасо тожо появасть истят од ломать, конат чарькодизь комсомольской валонть. Сынь тейсть эсьтест ячейка. Тейсь минек ячейкась ячейкат лия велева Архангельские ключи. А муят истямо тевь, косо бу аволь робота комсомолось: сон и тонавтни и сельской советсэ роботы и кооперациясо. Сон эрьва кодат компаният вети и демонстрацият тейни. 25 июньсто получась комсомолось призыв — пурнамо Красной флотс. Серовно коткодавт тусть сынь велева и эсь ендо ускить сюро, — ускить и содыть, што кавто пондо сюрось прибавасыньзе совет властенть снарядондо, конань сон ерцынзе се ланкс, кие сондендэ карми мешамо роботасондо.
Ютась год и евтни ней комсомолось мезе тейсь и што сон ней, кода и икеле карми роботамо и пачкоди ков ветясь эйсэнек Ленин и Р.К.П. (б).
Мон надеян, што комсомолось валондо а полавсы и весе виензо пуцы ушодозь тевентей.
Артишкин.
| Советской Россиява. |
| Энярц кармить служамо красной армиясо и флотсо. |
Совет Народных Комиссаров тейсь истят дайствительной службань срокт.
Флотсо и Г. П. У. (госуд. полит. упр.) войскасо кармить служамо 4 годт (иеть).
Воздуш. Флотсо 3 годт.
Кузнецт и лия специалист 3 годт.
Остаткатне кармить служамо 2 годт.
Службав кармит саеме кажной годнэ весть, сексня.
Саеме кармить истят од ломать, конанень июнь месецс саима годонть топоць 21 год.
Од ломатьне, конат молить кодамояк курсов, кармить служамо зняро, кода евтазь курсонь правилатнень эйсэ.
| Ленинэнь чачумо чистэндэ. |
Комунистонь партиянь Центральной Комитетось тейсь постановления, чтобо Ленинэнь чачума чистэндэ весе Россиява клубнень и театратьнень эзга тейнемс 22 Апрельстэ собраният, косо евтнемс Ленинэнь эрямондо и тонафтумандо эйстэ.
| Помочь кудов нолдазь красноармеецнэнень. |
Союзонь Центр. Исполнительной Комитетось мери теимадо весе губернятнень эзга Комиссият, конат кармить сречаямо службасто сыця красноармеецнэнень, конат нолдазь запайс.
Комиссиясь карми максомо помочь сындяст. Нолдыть вирь, видьметь, сельско-хозяйств. машинат хозяйстваст витемс. Конанень аков молемс, вешнить тэндэ робота.
| Салонть эще дешевалгафтызь. |
Мартонь 15-це чистэ салонть дешевалгафтызь эще 2 трешникинь питьне пондос.
Кооперативтне кармить рамамо салонть Соль-Синдикатонь кедстэ и сон седе дешевасто карми само.
| Льгота алашань ускомантей Сибирстэ. |
Нар. Комис. Пут. Собщ. тейсь льготат алашань ускоматнень кис. 50 % икелень питьнестэнть.
Льготатнень кармить максомо голодающий губернява алашань ускицятнень. Весимезэ ускить Сибирстэ 4 тыщат алашт.
| Таго нолдыть казначейской билет |
Нетне читьнень кармась неявомо, что мелкой ярмакне асатыть, амейсэ полавтомс крупной ярмакнень. Наркомфин тень кувалт эще нолды 25 мил. целковоень питне мелкой казначейской знакт.
Не ярмакне эрявомо кармить совзнакнень полавтнемс. Весе совзнакнень эйстэ кадовсь 3% весе ярмакнеде.
Остаткас те тевенть решамсто максы соглас Сов. Труда и Обороны.
| Крестьянской заемдонть. |
Заемдонть кармить нолдамо облигациясо, вейке, колмо и вете целковоень питьнесэ. Облигациятнень эйсэ можна пандомс налогот.
Билетнэнь эйсэ кармить микшнеме седе дешевасто питьнест коряс.
| Вейке | целк. | бил. | карм. | тееме. | 85 тр. | |
| Кавто | „ | „ | „ | „ | 2 ц. | 55 тр. |
| Вете | „ | „ | „ | „ | 4 ц. | 25 тр. |
Кажной целковоинть эйстэ рамицясь выгадает 15 треш. Налогонь пандомсто питьнест улеме кармить полной — целковоенть таркас целковой.
Крестьяннэнь сынст эйсэ выгодна ули пандомс налогозо.
Еще парось вот, мезе, не билетнэ эйсэ кармить примамо налогонь пандомсто колмо годт.
Кажной годнэ получат 5% доход билетэнть эйстэ.
А кинень часия, сатыть лоторейстэ ярмак.
Билетнэнь кармить микшнеме апрель месецтэ.
| Крестьянской выигрышной заем. |
Штобо седе чождыне улевель пандомс единой налогонть и улевель кода ванстомс крестьяннень нужа чис ярмаккеть, Совнарком нолды Россиява крестьянской заем 50 миллион целковоень питне.
Срокось улеме карми 1 апрелень чистэ 1924 г. и молеме карми 31 декабряс 1926 годс.
Заёмось нолдазь улеме карми сериясо ветень ветень миллион целковой. Облигациятнень питнест улеме кармить вейке, колмо и вете целковоень питьнесэ.
1 ноябрянь чистэ 1924 года кармить улеме лотореят. Весимезо 8 лоторейть 1926 годс.
Кой кона рамицянтень кармить понгомо выигрыш. Весимезо выигрышнэнь 2 миллион целковой.
| 80 | ломаннень | саты тыщань тыщань целковой. | ||
| 1200 | ломаннень | сядонь сядонь целковой. | ||
| 6000 | „ | 50 | целковой | |
| 20000 | „ | 25 | „ | |
| 50000 | „ | 10 | „ | |
| 100000 | „ | 5 | „ | |
Кие рами облигацият и если соньдянде эрявомо кармить ярмак, сон может заложамост банкас и получи 75% весе питьнестэ.
Те заемось пек паро крестьяннень. Ярмакоткак вансцыть и может эще часияс теть сатыть лотереясто ярмак.
А кода срокось лиси ярмакот получасыть и пандыть теть эще процент.
| Аламне эрзякс тонавтомадо. |
Ламо эрзень газетнэ эйсэ кортасть, што учильнясо эряви первой годоньть тонавтомо эсь родной кельсо, анцяк омбоце годоньть кармамс тонавтомо рузонь кельцо. Лият кортыть истя: чем цела год юмавтомс эрзень кель ланкс, аволь паро ли улевель, если сразу кармамс тонавтомо рускс? Ведь эрзянь кельне год юмавтат, ды мейле рузонь келенте пель, ато седе ламо юмавтат. Если те времанть сразу кармамс тонавтомо рускс, то пакшатне парстэ рузонь келенте тонадыть и врема як аютавтыть. Умок мон те картамотнень марясынь и охота евтамс эсьтень кой мезе. Первой валцто мон мерян, ки лац корты и ки алац (монь койсэ). Штобо акортамс анцяк голой валт тевьтеме, мон примеркс сайса В. Толкаинь Педтехникумонь практикумонть. Тедиде, первой отделениясо, васинь завудямсто кармасть тонавтомо эрьзянь букварьсо „Тундонь чи“ Мон должен мереме, што те букваресь сыре, сермадозь ташто методонь каряс, но лэзэ эйстонзо ули и покш. Ней те букваресь ютавсь и тонавтницятне ловныть рузонь кинигасо (1-ой книга букварьде мейле) парсте. А покш Толкаинь учильнясо, косо кармасть тонавтомо рузонь кельцэ и сечас как чамардозь ловныть рузонь кинигасо Не аламо валтнэ кортыть эрзень келенть кис. Сайсынек эрзень эйкакшонть конань анцяк виизь учильщав. Первой гак, весе тензо неяви одкс, весе аволь истямо кода кудосо, ды эще тензэ кармить кортамо рузонь кельцэ. Ведь рузось амашты истя эрзень эйкакшонте
