| 2 | ЯКСТЕРЕ ТЕШТЕ. | 7 |
| Советской Россиява. |
Сиянь полтинник.
Государственной Банкась нолдась сиянь полтинник, ды коневонь боннат 1 треш. 2, и 3.
Нетне боннатнень нолдызь анцяк знярц, кода лисить заводсто пижень ярмак.
Кода кармить банкатне совзнакнень рамамо.
15 Марта весе Россиява финотделтнэ и банкатне кармить Совзнакнень рамсеме, штобо больше сынь иляст кадов кедьга. Питьнесь улеме корми об‘явленной.
Перселение Самарской губерняв.
Центральной Исполнительной Комитетось максь разрешения Наркомземнень, нолдамс Самарской губерняв перселенецт 5 тыща ломань Гомельской губернясто.
| Лавчо тарканзо эрявить невтемс. |
Якстере Тештесонть № 6 ули Глухов ялганть статьязо „Вейке кельсэ миненек эряви сермадомс“. Те статьясонть сон сермады, что минек эрзян газетась стака ловномс — аволь ве кельсэ сон сермадозь. Эряви редакциянтень ве кельсэ сон печатамс и сестэ весе эрзятьне курок тонадыть ловномо се кельсэнть, парьсте кармить чаркодеме и седе охотнасто ловномо. Видеть валонзо Глухов ялганть. Мон арсян, кияк акарми спорямо, что газетанть седе охотнасто кармить ловномонзо сестэ, знярдо сон сермадозь истямо кельсэ, конась весеменень чаркодеви.
Но Якстере Тештенть аволь анцяк секе лавчо тарказо, что сон сермадозь разной кельсэ. Сонзо улить эщо ламо лавчо тарканзо и сынь эрявить невтемс.
Газетанть, мон арсян, аловныть аволь анцяк седе, мекс сон разной кельсэ сермадозь, аловныть сонзэ секс, что аламо сермадтанок истямо тевде, конат эрявить содамс велесэ эриця эрзянень и конат сонензэ чаркодевить. Сонензэ чаркодевить не тевтне, конат ащить сонзэ сельме икеле эрьва чистэ. А сонзэ сельме икеле — велень эрямо. Велень эрямодо и эряви седе ламо сермадомс, а минь сонзэ эйстэ сермадтанок аламо. Ламо ли минек газетасонть истят статейкак, косо уливель бу сермадозь, кода эрить эрзятьне велесэ?
Истят статейкат аламо.
Монь койсо, больчи эряве сермадомс вана мезде:
1) Кода эрзят ветить хозяйстваст и кода эряви сон ветямс, чтобу максоволь седе покш доход.
2) Улить ли кооперативост, коли улить, кода сынь роботыть, парт ли ломатьне конань пурнызь кооперативс роботамо; мезнень эряви кооперативось и кода сон теемс.
3) Улить ли кодаткак эрзя юткасо артелть и кода сынь роботыть, мезе лезэзэ артельсэ роботамонть.
4) Улить ли учильняст и кода моли тонафнема тевесь.
5) Атейнить ли беряньстэ не ломатьне, конань пурнызь велень тевс, коли сынь роботыть беряньстэ, ков максомс жалоба лангозост. Сермадындерят эрзянь газетась сынст берянь тевде, редакциясь кучсы те серманть рузунь газетась тосояк сонзэ печатасызь, чтобу начальства содозо косо и кить беряньстэ роботыть.
Коли косо кияк тейсь паро тев, сермадык газетас, чтобу весе эрзятьне содавлизь и истяжо теелть. Коли кияк тейсь берянь, тев сонзэяк сермадык, чтобу лият истя аволть тей.
Коли минь минциник эрзянь газетас карматанок сермадо истямо тевде, конадо чинек-венек арси (думи) велесэ эриця эрьзя, сестэ газетанть кармить ловномонзо, сестэ кармить вечкеманзо и сэстэ газетась покш лезэ тее.
Лия ловчо тарканзэ, мон арсян невцызь эщо лия ялгатьне.
Е. Окин.
| МЕСТЬ СЕРМАДЫТЬ ВЕЛЕСТЭ |
| Симбирской губернясто. |
| „Барышникт“. |
| (Симбирск, губ. Ардат. у.). |
Медаев волостьсэ ули Кочкор веле. Велесэнть эрить барышникт. Не барышникнэ аволь алашат полавтлить. Сынь яла полавтлить попт ды яла маняевить. Ней истя манявсть — седе а ков. Сайсть поп пейтеме, амазы, кежев. Озныцятнэнь кецтэ эрьва шкасто веши кудо, ды веши яла розть. Атятнэнь поптонть воргодемс как а ков.
Весть пурнавсть атятнэ церкувань тевде кортамо.
Атят мезе минь тейдянок попонок маро. Велть берянь тенек поп понксь. Полавсынек, атят, попонть. Вешнитянок лия поп. Ней уш чей а манявдано. Атятнэ кулсонить. Мейле Митрей мери:
— Косто муят ней паро поп. Полавтсынек те попость ды понги кодамояк седе берянь Мезе мейле карматанок тейме маронзо, кадык уш кадовозо теке попонок. Давайте вана церкувань старостась полавтсынек. Ловносынек кода микшнесь, няро ярмаконзо пурнавсть кортыть эстэдензэ, котцтнэнь сон весе салынзэ.
— „Месть ламо сондензе кортамс. Севномс паринестэ ды путомс тарказонзо Олешонь, сон оно кодамо бойка, коммунистнэнь кецтэ кудостяк нельксы“.
— „Верна! — пижныть атятнэ. — Кодамо тенст народной кудо“.
Сестэ Олеш сакалонзо ваньскавтынзе ды мери: „Мон содан кода марост тейме. Турезь ды сайса коммунистнэнь кецтэ попонь кудость“.
— „Мейсь тынь месть а эряви кортатадо — кармась карчость кортамо Охоня — „Мон совсинь народной кудос ды мезеяк берянь тосо эзинь нейть. Кудосонть сэрей тарка теезь те таркась котцтнэ урядозь ды Ленинэнь лицязо наряжазь. Тосо коммунистнэ эрьва шкасто пурнавкшнить ды анця паро тевде кортыть. Од ломатне весе тов якить. Недля чине весе тосот. Церкувас кияк эстэдест а якияк. Церкувасонть, сынь мерить, сыре попонк кенгели анця, коммунистнэ народной кудосонть кортыть аволеть туйть как юткстост. Сынь кортыть, кода ней эрямо эряви, кода сюро седе парсте видемс, кода икеле бояртнэ пеедилть лангсонок. Весе чаркудят. Атынь арситядо сайме кетцтэст кудость. Од ломатне кортыть, кода бу церкувасть сайме ды тейме эйсэнзэ народной кудо.
„Ну, атят, чатменеде. Ловномс эряви старостасть. Ловнызь — ярмаконзо, пурнавсть весемезэ ниле сят целковойть совзнаксо. Нетне ярмакнесэ анся вейке коробка спицькат рамават. Селность, селность атятнэ и кадовсь старастась апак полавт.
М. Кочетков.
| Истя вана уш аен |
| (Найман веле, Ардатов, у. Симбир. г.) |
Найманцо колмо иеть кода роботы сельско-хозяйственной артель „Сад—огород“. Артелентей пурнавсть 100 кудо а то и больчи, сынь рендовить 746 десятина мода. Ютась кизэнть кармасть торговамо, но тевест моли пек берянстэ. Артелень совэтсь анцяк сими самагондо. Ламо самагон симсть, кода сакшность артеленть лемс алашат. Секс алашатнеяк понксть аволь бедной члетнэнэнь, эли красноармеецэнь семиянень, а истямонень, кона симьдясть тест ламо самагонка. Давно уш панемальть нетне роботникнень советстэ и артельстэнть. Атетне пелить кортамост, ато сон пантяндат артельстэнть ды модаяк амаксы.
Эсь велень эрзя.
| Теяк теке. |
| (Найман веле, Ардат. у. Симбир. губ.) |
Мелят ульнись председателенек Старатин Степа, сон пек симиль самагондо, ды ярцыль сивелень прякадо. Велинь амбартнэнь микшнис учильнянь ремонс, а учильнясь кадовсь апак тейть и пенгивтими. А ней буто пурнакшнынек седе паро ломань Чижон Петянь. Петяяк яла теке кармась симемэ и истяжо остатка амбартнэнь микшни а тевь арась. Минь думинек сон ней ветясы тевенть, я сон писэрендэ марто яки поминкава, ды свадьбава и тосо попунть марто ряц озыть.
Эсь велинь эрзя.
Редакциянь пельде.
Сермадыця ялгай! можот тон тосо муят лия озамо тарка тест. Вешника!
| Вот истя бу весе роботаволть. |
| (Луньга веле, Ардатов, у. Симбир. губ.) |
Луньга велесь получась премия, парсте хозяйствань ветямонь кис. Лунгань эрзетне эсть капша те премиянт явшамо эсь лангаст, кода лия велева сынь премиянть кадызь велень тевс. Теить сэдь Алатырь веденть трокс, тейсть ремонт Народной домонтей и теить кооперативной товарищества, ярмак кооперативс саты. Эрвя велетненень аволь берянь бу улевель саемс пример Луньга веленть эйстэ,
Лия велень эрзя.
| Учителень фатеранть дьяконнэнь. |
Пермись эрзянь вялесо (Симбирск. г. Корсунск. у. Б.-Березенской вол.) Ниле тыща ломатть эрить, а тонафниця учильнясо анцикь вейке. Кучнизь миндяник омбоце учитиль, да фатера тензэ эзь муивь. Учильнянь фатерасо эре сыре учитильница мирдинза маро, а миридиза церкувасо дьяконокс. Кадувсть пакшанок апак тонафне. Месть ваныть волостьса лангозост, мекс апанить кувака чертнень учильнясто? Варштадо тов.
Тарваз.
| Саратовской губернясто. |
| ЯКСТЕРЕ ТЕШТЕНЬ РЕДАКЦИЯНТЕНЬ. |
Пек ризнынь Якстере Тештенть кувалма: думинь, что сон а нейсы больше светэнть, хвать того Якстере Тештесь появась, радувинь натой.
Кодамо газет ней асаят, кажнойсэ улить вызовт: тенсэ тердить ломаненть Германиянь пакшатнень каямо, тонанцэ воздушной флотнэнь; и ломатне весе ответить, весе каить. Мекс бу истя а теемс эрзятненень? Секс мон ветян истямо предложения: панжомс Якстере Тештесэ отдел „Сергидимат“ конанцэ и кармамс тейнемс вызовт ярзятненень, чтобу сынь выписывали „Якстере Теште“.
Кучан ярмак 1 р. 60 к. газетэнь кис и тердян истя жо теемс монь мельга ялгатнень: Егоров Г. А. (Петровский Уком Р. К. П.), Балакин П. Г. (Петровский Педтехникум), Скобелев Е. В. (Толкайский Педтехникум), Дорофеев 3. Ф. (Пензенский Губполитпросвет), Ивашев Ф. В. (Саратовский Губоно).
| Тевесь аволь истя ашти. |
Якстере Тештесэ № 2 лись статия. „Истя аламондо а ен“. Ялгась, кона сермадызе статиянть, мелявты, что Бегуч велесэ, Петровской у., Сарат. губ. учильнясо тонавты попонь тейтерь а эрзянь учительницась ашти тевтеме.
Аволь истя тевесь ашти: эрзянь учительницась умок аравтозь тевс и как раз Уотнароб максь се учительницантень тарка Бегучень учильняс. Весе бу попонь тейтертнень половтовленек эрзянь учительницясо, ну пока минек учительницянок аламо: асатыть.
Ялгантень эряволь бы васня содамс, алкукс ли эрзянь, таркавтумо, а мейле бы сермадомс.
| Кода ашти тедиде народонь тонавтумась Петровской уездонь эрзя ютксо. |
Тедиде эрзянь велетнесэ весемезэ панчозь 33 училищат; сынст эйстэ кавто училищит II-й ступени, а остаткатне — I-й ступени. Весе училищатнесэ аравтозь 77 учительть. Сынст эйстэ — 34 учительть эрзянь, а остаткатне рузунь. Рузунь учительтнень ютксто 7 маштыть кортамо эрзякс, 9 чаркудить эрзякс.
Уотнароб максць училищатнева распоряжения. чтобу тедиде васенце группаннесэ кармаволть тонавтомо эрзякс; сень кувалт уотнароб явшись эрзянь училищатненень 973 букварть: „Тундонь чи“.
Монень сакшновсь кулцономс, кода пакшатне ловныть эйсэнзэ. Пакшатненень эрзянь букварсь ловнуви седе шождынестэ рузонь букварень коряс.
Паро бу аливель, если уполномоченнойтне Уонаробонь сермадовлезь Якстере Тештесэ, кода ашти те тевись сынцт уездсо Секс мон весе уполномоченнойтненень теян вызов и тердян сынст сермадстомо, кода ашти эрзянь просвещениясь лия уездсэ весе Республикасонть.
Уполномоченный Совнацмена Саргубоно при Петровском Уоно.
Ив. Прокаев.
| Нижегородской губернянь эрзя велева. |
Ламбаськи, Лукоян. у.
Ламбаськитне эйстэ ламо уш берененть сермадсть и минь арсиник, что знярдояк паро тев аули велесэть. Но ней кармасть появаму паро тевть. Школьной работникне школань тевенть ладизь и ушудсть роботамо населениянть ютксо. Вейке од учительница Андронова, анцяк лиссь Текникумсто, тейсь Комсомолонь ячейка, кона и ушудсь работамо. Можна надеямс, что амади курвазевсь тольнесь и карми максомо валдо миник чопуда народонтень.
Крапивка, Лукоян. у.
Весе велесь ускси вирь, пиле лазокс и уски мийме Гагин велев. Молодежь коть чинь чоп работы, а чокшне обязательна пурнавкшны библиотекас кулсунума и ловномо паро книшкат. Работась моли паросто. Ламо те тевсэнсть теить лезэ библиотекарь и учитель Клемнтьев ялгась. Тень эйсэ анцяк Крапивкась берень, что арась тосо сынсист школань кудо. А шабрань велесэ Пичиньгужасо школань кудось седеяк берянь, хоть тонафнима тевесь тосояк паросто ладяз: эйкакшост тонавтнеме якить ламо; чурусто косо неят истят превей способной эйкакшт. Эряволь бо, атят, коть вешенеть теймекс тыненк школань кудот.
Гал.
| Почтовый ящик. |
| Марьинкань Занянень (Симбирской губ. Ардатского уезда). |
Статейкат печатынек. Статейкат печатазь аволь анцяк минек газетсэ, но и печатасызь рузонь газетсэ Беднотасо. Редакциясь надеи, што тон сеедстэ кармат сермадомо. Сермат еще.
Курок кучтано ярмак статейкат кис.
| ||||||||||||||
| Главлит № 17856. Москва. | Типография «Красный Восток» Никольская, 10. | Тираж 2000. |
