( 4 )
Pablasang ing Dios tutu nang casaman
dapat á milalu qñg caninu pa man
lalu ding maluca á alang caguiuan
ing bayad na't ablas alang pangaliban.
Queti nan qñg Yatu yang mayayaquit
ninu mang menutang mamayad yang pilit
ita ning memunla qñg bining mapait
ya ing pupulan na alang panĝapildis.
Ique cu caniti á mabanding mapia
talasaya ne at mibalebale pa
lugal nang tenangan qñg queang hacienda
anam ne mong bulan itang ayanac da.
Qñg misan á bengi ume capitangan
deti nang miasaua tudtud da maniaman
aguisingan da pin layun ayasdanan
maragul á silab é macanian-canian.
Mitataung api quilub ning bale ra
papiglo lang pilit at cuculisac pa
bisa la sang tipa talaga ning lub da
qng lablab ning api ali milabas la.
Ding sablang ipus da queti no mengasdan
quetang alingonĝo ampon alinglangan
aguisingan da na itang cabiguan
menulandung na la mu careta ning auang.
