( 5 )
Iting maqui bale bisang tulaudung ya
qñg bayang miligtas acua nang mitipa
cacauatan naya nitang asaua na
á binang tatacut malacuan dili na.
Nanung depatan da sindianan dong eran
deti nang miasaua tinipa nong dapal
qñg misasaguli miras la pin lalam
icua rang miligtas é ninanu balang.
Catipa ra lalam nanu ing miliari
mipaculisac ya iti nang babay
ita ning anac cu nĝana ping miniabi
acalinĝuan cu ya melacuan ya bale.
Ding dalig ning silid á catudturan da
á pipagqueran da deti nang miasaua
á nung nure licuan punĝul á anac da
milalablab no nĝan maruruluc nala.
Deta ning mequiglo á carin dinatang
milalauayan la matang manimanman
ala ping migcusa carela metung man
cuma quetang anac qñg bale melacuan.
Daramdaman daman ita ning gulisac
tanĝis ning babay indu na ning anac
ala pin carela migcusang menĝanĝas
talbug quetang api at sungab qng lablab.
