Molaotheo wa Repabliki ya Afrika Borwa/Šetulo ya 4
Karolo ya A
- Taolo ya dithokgwa tša tlhago
- Bolemi
- Maemafofane, ka ntle le maemafofane a ditšhabatšhaba le a *Setšhaba
- Taolo ya diphoofolo le malwetši
- Dikhasino, mekato, go tobola le go petša, ntle le matengwa le matangwana a dipapadi
- Tšhireletšo ya bareki
- Ditaba tša setšo
- Taolo ya masetlapelo
- Thuto maemong ka moka, ka ntle le thuto ya thešiari
- Tikologo
- Ditirelo tša maphelo
- Kago ya Dintlo
- Molao wa setšo, le molaosetlwaedi, fela go hlokometšwe *Kgaolo ya 12 ya Molaotheo
- Tšwetšopele ya diintaseteri Molaotshepedišo wa maleme le taolo ya maleme a semmušo go fihla mo e lego gore ditlhagišo tša Karolo ya 6 ya Molaotheo di abela thwii makgotlapeamelao a diprofense bokgoni bja peomelao
- Ditirelo tša kgašo ya ditaba tše di laolwago thwii ke mmušo wa profense, ka go laolwa ke karolwana ya 192
- Pabalelo ya tlhago, go sa akaretšwe diphaka tša setšhaba, ditšhengwana tša dimelatlhago tša setšhaba le methopo ya ka lewatleng
- Maphodisa, go fihla ka mo dipeakanyetšo tša Kgaolo ya 11 ya Molaotheo di fago maatla a go bea molao go lekgotlapeamelao ya profense.
- Taolo ya tšhilafatšo
- Tlhabollo ya setšhaba
- Tefo ya tšhutišo ya dithoto
- Dikgwebo tša setšhaba tša profense mabapi le makalatirwa a a lego mo go Šetulo ye le go Šetulo ya 5
- Dinamelwa tša setšhaba
- Mediro ya setšhaba malebana le dinyakego tša dikgoro tša mmušo wa profense mo phethagatšong ya maikarabelo a tšona a go phetha mediro yeo di e filwego go ya ka mabaka a *Molaotheo goba molao ofe goba ofe
- Peakanyo le tlhabollo ya selete
- Taolo ya sephethephethe sa tsela
- Pabalelo ya mobu
- Boeti
- Kgwebo
- Boetapele bja setšo, ka taolo ya Kgaolo ya 12 ya Molaotheo
- Tlhabollo ya ditoropong le magaeng
- Motšhelo wa dinamelwa
- Ditirelo tša leago
Karolo ya B
Ditaba tše di latelago tša pušoselegae go fihla ka moo go laeditšwego ka go karolo ya 155 (6)(a) le ya (7):
- Tšhilafatšo ya moya
- Melawana ya kago
- Ditlabelo tša tlhokomelo ya ngwana
- Kabo ya mohlagase le gase
- Ditirelo tša boraditimamello
- Boeti bja tikologo
- Maemafofane a bommasepala
- Peakanyo ya bommasepala
- Ditirelo tša maphelo tša mmasepala
- Dinamelwa tša setšhaba tša mmasepela
- Mediro ya setšhaba ya mmasepala go ya ka dinyakwa tša bommasepala mo phethagatšong ya maikarabelo a bona a go phetha mediro yeo e filwego ka fase ga Molaotheo wo goba molao wo mongwe le wo mongwe
- Diketswana, diketswana tša go fetišetša dithoto, ditšhireletšaboemakepe, mafelo a go namela le maemakepe go sa akaretšwe taolo ya go sepetša ka dikepe ga ditšhabatšhaba le ga setšhaba le ditaba tšeo di amanago natšo.
- Lenaneo la taolo ya meetse a merwalela mo mafelong a go agilwego go wona
- Melawana ya kgwebo
- Meetse le ditirelo tša tlhwekišo tšeo di lebeletšego fela tshepedišo ya kabo ya meetse a go rwalwa le ditshepedišo tša gae tša go lahla meetse a ditšhila le a disoretše