50. Discurso super le timor de Deo

.1 Pois Christiano assi se adressava a su companion: "Vamos, mi car Sperante, io crede que nunc tu e io debera ancora prosequer sol.

Assi io videva in mi sonio, que illes procedeva rapidemente e Ignorantia les sequeva claudicante. Alora Christiano diceva a Su companion: "Io senti pietate pro celle povre homine, io non previde alco de bon pro ille in le futuro.

.2 Sperante: "Guai, il ha un abundantia de personas in nostre citate de gente como ille, integre familias, si, integre avenues (e mesmo pelegrinos), e si in nostre partes il ha assi multes de illes, quanto plus il habera de illos in le pais in le qual ille nasceva.

.3 Christiano: "Sin dubita le Parola dice: Ille cecava lor oculos de timor que illes vide, etc. [Is 6:10]. Ora tamen, nos es sol, que pensa tu de tal personas? Esque illes ha aliquando convictiones de peccato, e per consequente timor que lor condition es periculose?. Sperante: "Responde tu, per favor a ille question, proque tu es plus ancian. Christiano: "Alora, io dice, aliquando (io pensa) illes pote haber tal conviction, ma illes es per natura ignorante, e illes non comprende que tal convictiones surge pro lor bon. Ergo illes desperatemente cerca de supprimer los, e presumptuosemente illes continua flattar se mesme in le vias de lor proprie cordes.

.4 Sperante: "Io alsi crede, como tu dice, que le timor promove le bon del homines, e le rende preste a comenciar lor pelegrinage. Christiano: "Sin dubita tu ha ration, proque le Parola dice: Le timor del Senior es le comencio del sapientia [Job 28:28; Ps 111:10; Prov 1:7: 9:10].

.5 Sperante: "Como tu describerea le juste timor?. Christiano: "Le timor juste, o ver, se discoperi per tres cosas:

(a) Como illo nasce: illo es causate per un conviction salvific de peccato.

(b) Illo conduce le anima a attachar se firmemente a Christo pro le proprie salvation:

(c) Illo genera e nutri in le anima un grande reverentia pro Deo, su Parola, Su vias. Illo lo conserva ductile e timorose de remover se de illos, al dextera o al leva, verso qualcunque cosa poterea dishonorar Deo, infringer le pace, attristar le Spirito, o causar le inimico parlar in maniera reprimendose.

.5 Sperante: "Isto es ben dicite: io crede que tu diceva le veritate. Esque nos nunc ultrapassava le Terreno Incantate?. Christiano: "Proque, es tu fatigate de iste discurso?. Sperante: "No certo, io solmente volerea saper ubi es nos nunc. Christiano: "A nos ancora manca duo millias. Vamos retornar a nostre subjecto nunc. Ora le ignorantes non sape que tal convictiones que tende les poter in timor, es pro lor bon, e ergo illes essaya supprimer los.

.6 Sperante: "Como illes essaya supprimer los?. Christiano: "(a) Illes pensa que tal timores esseva instigate per le diabolo (benque sin dubita illos es instigate per Deo), e in pensar assi, illes resiste a illos, como si illos esseva cosas que tende a facer les mal. (b) Illes pensa alsi que iste timores tende a guastar lor fide durante que, oh guai, povre homines! illes vero non mesmo ha le juste fide. Assi illes indura lor cordes contra illos. (c) Illes presume que illes non deberea haber timor e ergo, nonobstante illos, illes cresce presumptuosemente confidente. (d) Illes vide que iste timores tende a subtraher de illes lor pietose vetule auto-sanctitate, e ergo illes resiste contra illos con tote lor fortia. Sperante: "Io cognosce alco de isto in me mesme, proque io esseva anque assi un vice.

.7 Christiano: "Ben, nunc nos lassara nostre vicino Ignorantia sol, e nos ingagiara nos in altere profitabile questiones. Sperante: "Con tote mi corde, ma ancora un vice tu debera proponer los.