49. Nove incontro con Ignorantia

.1 Pois io videva in mi sonio que Sperante reguardava a retro e ille videva Ignorantia, le qual illes habeva lassate retro, qui nunc arrivava. "Reguarda, ille diceva a Christiano, "quanto lentemente ille juvene procede!. Christiano: "Si, si, io le vide, ille non se cura de nostre compania. Sperante: "Certo il non haberea essite mal pro ille restar con nos usque nunc. Christiano: "Illo es ver, ma io es certe que ille pensa alteremente. Sperante: "Io mesmo lo pensa. Nonobstante isto vamos relentar le passo, a fin que ille nos attinge. E assi illes faceva.

.2 Alora Christiano le diceva: "Veni in avante, homine, proque tu sta assi retro?. Ignorantia: "Io ama multo camminar sol plus tosto que in compania, a minus que illo sia un compania de mi gusto. Alora Christiano diceva a Sperante (ma a basse voce): "Esque non io te diceva que ille non se curava de nostre compania? Tamen veni, vamos parlar con ille durante que nos cammina per iste placia solitari. Pois, in adressar su discurso a Ignorantia, ille diceva: "Alora, como va? Como es nunc tu relation inter Deo e tu anima?.

.3 Ignorantia: "Io spera ben, proque io es semper plen de bon pensatas que veni de mi mente, durante mi cammino, pro consolar me. Christiano: "Qual pensatas? Per favor dice nos lo. Ignorantia: "Ben, io pensa super Deo e super le Celo. Christiano: "Assi, tamen, face le diabolos e le animas damnate. Ignorantia: "Ma io pensa isto e isto io desira. Christiano: "Assi tamen face celles qui nunquam comenciarea iste cammino, de facto Le anima del pigre e del lente desidera, ma non obtene nihil [Prov 13:4].

.4 Ignorantia: "Ma io pensa a isto e de facto io lassava toto pro obtener lo. Christiano: "Isto io lo dubita. Certo lassar toto retro es un cosa dur, un cosa multo plus dur que multes pensa. Como tamen e proque tu pensa que tu lassava toto pro Deo e pro le Celo?. Ignorantia: "Mi corde me lo dice. Christiano: "Le sage dice: Qui confide in su proprie corde es un stulto [Prov 28:26]. Ignorantia: "Isto tamen se dice pro un corde mal, le mie tamen es un corde bon. Christiano: "Ma como pote tu probar lo?. Christiano: "Illo me conforta in le sperantias del Celo. Christiano: "Isto pote esser su deception, proque le corde de un homine pote dar conforto de lo que ille non ha ancora, un fundamento pro sperar.

.5 Ignorantia: "Mi corde e mi vita, tamen, concorda, e ergo mi sperantia ha un bon fundamento. Christiano: "Qui te diceva que tu corde e tu vita concorda?. Ignorantia: "Mi corde me lo diceva. Christiano: "Demanda a mi companion si io es un fur; tu corde te dice assi! Excepte quando le Parola de Deo rende testimonio in iste subjecto, altere testimonios es de nulle valor.

.6 Ignorantia: "Esque il non es ver que solmente un bon corde pote haber bon pensatas? E esque non un bon vita es illo que se accorda con le commandamentos de Deo?. Christiano: "Si, solmente un bon corde pote haber bon pensatas, e un bon vita es illo que concorda con le commandamentos de Deo. Tamen un cosa sin dubita es haber los, un altere cosa es pensar de haber los. Ignorantia: "Per favor, dice me alora, que es le bon pensatas, secundo te, e que es un vita que concorda con le commandamentos de Deo. Christiano: "Il ha bon pensata de diverse sortas, alcunes super se mesme, alcunes super Deo, alcunes super Christo, e alcunes super altere cosas.

.7 Ignorantia: "Qual es le bon pensatas super nos mesme?. Christiano: "Tal pensatas que concorda con le Parola de Deo. Ignorantia: "Quando le pensatas que nos ha super nos mesme concorda con le Parola de Deo?. Christiano: "Quando nos judica nos mesme in le mesme maniera que nos es judicate del Parola de Deo. A saper, le Parola de Deo dice sur le personas de condition natural: Il non ha alcun justo, alcuno qui face le bon [Rom 3:10]. Illo dice alsi: Que omne imagination del corde human es solmente mal, e illo lo es semper [Gen 6:5]. E ancora: Le imagination del corde human es mal desde su juventute [Gen 8:21]. Alora, quando nos pensa vermente assi de nos mesme, isto concorda con le Parola de Deo.

.8 Ignorantia: "Io nunquam credera que le corde human es assi mal. Christiano: "Alora in tote tu vita nunquam habeva un sol bon pensata super te mesme. Permitte me tamen de continuar: Tanto como le Parola de Deo judica nostre corde, Illo judica alsi nostre vias; e quando nostre pensatas super nostre cordes e nostre vias concorda con le judicamento que le Parola face super ambes, alora illos es bon proque a illo illos concorda. Ignorantia: "Explica te melio.

.9 Christiano: "Le Parola de Deo dice que le vias del homine es torte [Ps 125:5], non bon, ma perverse. Illo dice: Illos sta naturalmente foras del bon via [Prov 2:15], que illos non ha cognoscite le bon via. Alora quando un homine pensa assi de su proprie vias, io dice, quando ille lo face con sentimento, e con humiliation de su proprie corde ille assi pensa, assi ille ha bon pensatas super su proprie vias, proque su pensatas nunc concorda con le judicamento del Parola de Deo.

.10 Ignorantia: "Qual es le bon pensatas super Deo?. Christiano: "In le mesme maniera, como io diceva super nos mesme, quando nostre pensatas super Deo concorda con lo que le Parola dice de Ille. Illo eveni quando nos pensa super su essentia e su attributos como Su Parola los insenia. In re isto nunc io non pote parlar extensivemente. Pro parlar tamen de Ille in relation a nos, nos ha bon pensatas quando nos pensa que ille cognosce nos multo melio de quanto nos cognosce nos ipse, e ille pote vider peccato in nos quando e ubi nos non lo pote vider; quando nos pensa que Ille cognosce le profundo de nostre pensatas, e que nostre cordes, con lor profunditate, es semper clar ante a Su oculos. Illo eveni alsi quando nos pensa que tote nostre justitia ha un mal odor a su nares, e que ergo ille non pote tolerar que nos sta ante Ille in alcun confidentia, mesmo con le melior de nostre obras.

.11 Ignorantia: "Esque tu pensa que io es tanto stupide a non pensar que Deo vide multo plus lontan de me? O que mesmo mi melior obra non suffice?. Christiano: "Si? Alora que pensa tu in iste reguardo?. Ignorantia: "Oh, brevemente, io pensa que io debe creder in Christo si io vole esser justificate. Christiano: "Como pote tu pensar de creder in Christo quando tu non mesmo senti de necessitar Le? Tu de facto non vide ni tu infirmitate natural, ni tu original infirmitate, al contrario, tu ha un tal opinion de te mesme e de lo que tu face, tanto que tu clarmente te rende un persona qui nunquam videva le necessitate del justitia personal de Christo pro justificar te ante a Deo. Como pote tu dicer: Io crede in Christo?.

.12 Ignorantia: "Io crede bastante ben pro cello. Christiano: "Como crede tu?. Ignorantia: "Io crede que Christo moriva pro le peccatores, e que io essera justificate ante a Deo del malediction per le medio de Su gratiose acceptation de mi obedientia a Su lege: o melio, Christo rende mi deberes religiose acceptabile a su Patre per virtute de Su meritos; assi io essera justificate.

.13 Christiano: "Lassa que io da un responsa a iste confession de tu fide.

(1) Tu crede con un fide de phantasia, proque iste sorta de fide non es describite in ulle placia del Parola.

(2) Tu crede con un fide false, proque illo prende le justification del justitia personal de Christo e lo applica a tu proprie.

(3) Iste fide non face Christo le justificator de tu persona, ma de tu actiones; e de tu persona a causa de tu actiones: isto es false.

(4) Ergo iste fide es fallace, proque illo te lassera sub le ira, in le die de Deo omnipotente. Nam le ver fide justificante causa le anima (sensibilisate a su condition de perdition per le lege) a fugir pro trovar refugio sub le justitia de Christo. Iste su justitia, de facto, non es un acto de gratia per le qual illo rende justificante e acceptabile tu obedientia ante a Deo, ma illo es Su proprie obedientia personal al lege in facer e in suffrer pro nos lo que illo requireva de nostre proprie manos. Solmente iste ultime justitia accepta un ver fide, sub le qual un anima pote coperir se, e per illo presentar se immaculate ante a Deo, e assi absolver del condemnation.

.13 Ignorantia: "Que? Tu suggere que on debe confider in lo que Christo in su proprie persona ha facite sin nostre contribution? Iste vanitate relaxarea le bridas de nostre concupiscentia, e permitterea que nos vive como nos desira. Si nos credeva a isto, le logic conclusion esserea que alora non importa como nos vive, non es jam justificate per le personal justitia de Christo!.

Christiano: "Ignorantia es tu nomine, e como tu nomine dice, assi tu es; mesmo le responsa que tu nunc dava demonstra lo que io dice. Tu es ignorante super como le justitia justificante es, e alsi ignorante super como tu pote assecurar tu anima per le fide in illo del pesante ira de Deo. Si, tu es anque ignorante del ver effectos del fide salvific in iste justitia de Christo, le qual causa le corde inclinar se e esser conquirite a Deo in Christo pro amar Su nomine, Su parola, Su vias, e Su populo, e non como tu imagina in tu ignorantia.

.14 Sperante: "Demanda le si unquam ille habeva Christo revelate a ille del Celo. Ignorantia: "Que! Tu es un homine pro revelationes! Io crede que toto lo que vos ambes, e le resto de vos, crede super iste question, es solmente le fructo de cerebros distrahite. Sperante: "Io me surprende! Christo es assi celate in Deo al natural comprension de omne carne, que Ille non pote esser cognoscite a salvation de nulle homine, excepte in le caso que Deo Le revela al ille. Ignorantia: "Cello es tu fide, ma non le mie. Le mie, tamen, io non lo dubita, illo es tanto bon quanto le tue, benque in mi capite il non ha assi multe phantasias quanto il ha in le vostre!.

.15 Christiano: "Permitte que io lo dice in un parola: tu non deberea parlar si legiermente de iste questiones: io affirmara coragiosemente (tanto como mi bon companion ha facite), que nulle homine pote cognoscer Jesus Christo excepte per revelation del Patre [2 Cor 3:18; 4:3-5]; si, e mesmo le fide, per le qual le anima apprehende Christo (si illo es juste) debe esser inspirate per le exceptional grandor de Su potente fortia, e le operation de un tal fide, io crede, povre Ignorantia, te es ancora celate. Sia eveliate, ergo, a vider tu proprie miseria, e fugi verso le senior Jesus Christo, e per Su justitia, le qual es le justitia de Deo (nam Ille ipse es Deo) tu essera liberate de tu condemnation [Mt 11:28; Eph 1:18,19]. Ignorantia: "Tu vade troppo veloce, io non pote vader retro a vos. Face como vos faceva antea, vade primo vos, io restara retro.

.16 Alora illes diceva: Ben, Ignorantia, essera ancora tu assi folle, e evitara tu le bon consilios que tu jam plure vices recipeva? Si tu ancora lo refusa tu ancora permanera in iste tu mal. Rememora, homine, a su tempore, inclina te, non haber timor. Le bon consilio recipite ben, va salvar te. Ergo audi! Ma si tu non vole audir, tu solmente, Ignorantia, essera le homine e perdera, io te lo assecura!