41. Un porta del inferno

.1 Alora io videva in mi sonio que le pastores le conduceva a in un altere placia, un loco profunde, in le qual il habeva un porta de un latere de un colle.

Illes aperiva le porta, e les invitava a reguardar per illo. Illes reguardava e illes videva que intra il habeva un placia multo obscur e fumose. Illes audiva pervenir de ibi mesmo ruitos como de foco, e critos como de personas tormentate. Illes olfaceva mesmo alco como sulfure.

.2 Alora Christiano diceva: "Que significa isto?. Le pastores respondeva e diceva: "Isto es un via secundari que conduce al inferno, un via per le qual passa le hypocritas, como per exemplo, illes qui vendeva lor derecto hereditari como Esau, illes qui vende lor maestro como Judas, illes qui blasphema le Evangelio como Alexandro, illes qui menti como Anania e Sapphira su sposa.

.3 Sperante: "Io comprende que iste personas habeva solmente le apparentia de esser pelegrinos como nos, nonne?. Pastores: "Si, e tal apparentia illes conservava per multe tempore.

.4 Sperante: "Quante tempore on necessita durante iste pelegrinage a que iste hypocrisia va esser discoperite e istes es assi miserabilemente repulsate?.

Pastores: "Alcunes preterpassa iste montanias; alteres non mesmo perveni a hic. Alora le pelegrinos diceva le un al altere: "Nos debe adressar nos al Forte a que nos recipe fortia. Pastores: "Certo, e quando vos lo habera, vos lo necessitara.