39. Le Montania del Error

.1 Inde io videva in mi sonio que le pastores, al levar se del sol, eveliava Christiano e Sperante pro vader insimul super le Montanias. Assi illes procedeva e camminava un poco. Ubicunque illes reguardava, il habeva un magnific panorama.

.2 Alora le pastores se diceva le unes le alteres: "Esque nos va monstrar a iste pelegrinos alcun meravilias?. Decidite se favorabilemente, le pastores les conduceva super le culmine de un montania nominate Error, le qual esseva multo scarpate de omne latere, e illes les requireva de reguardar a basso.

.3 Assi Christiano e Sperante reguardava a basso, e illes videva al fundo homines lacerate in pecias, proque illes habeva cadite del culmine. Christiano demandava al pastores: "Que significa isto?.

Le pastores respondeva: "Esque vos non audiva in re lo que eveniva a illes qui habeva essite disviate depost haber prestate attention a Hymeneo e Phileto, al reguardo del corpore de resurrection [2 Tim 2:17].

.4 Illes respondeva: "Si. Alora le pastores continuava: "Le personas que vos vide lacerate in pecias al fundo de iste Montania es exactemente illes. Illes remaneva insepulte usque a iste die (como vos vide) como exemplo pro alteres a que illes non va scander troppo in alto, o a que illes non va approximar se troppo al orlo de iste Montania.