Codex diplomaticus Anhaltinus/218

1310. October 25. Vor Templin. Die Markgrafen Waldemar und Johann V von Brandenburg schliessen mit dem Fürsten Nicolaus von Werle, seinem Bruder Johann und seinem Sohne Johann einen fünfjährigen Landfrieden und bestellen den  Grafen Albrecht I von Anhalt zum Oberschiedsrichter.

     — — — Were dat wye nicht ne deden wat hirvor bescreven steyt, wenne man uns manet mit hern Claws van Werle unde mit sines broders unde mit sines sones brieven unde mit eren goden boden, darna binnen vier weken so scolle wye unde greve Albrecht unde unse lovere, dye hirna bescreven stan, inriden to Grabowe eyn half iar to ligkende — —. Her Grube van Grubenhaghen, her Bertolt van der Ost, her Claws van Bock unde her Droyseke van Krocheren desse vir riddere dye scollen twie des iares tosamene ton Vinken komen, irste werve acht daghe na den Paschen, ander werve acht daghe na sunte Michels daghe, unde scollen untwerren umme witlike broke. Wes se endrechtech worden dye vyere oder drye, dat eyn witlek broke si, den broke scal man wederdon ane rechte. Tweyden sie dye vere, dat sye nicht eyndrechtech worden, so scollen sye dye rede an beyden siden laten bescriven unde scollen sye senden greven Albrechte van Anehalt unde greven Bussen van Lindowe, beseghelt mit der riddere inseghele: swat dye twe den spreken, dar scolle wye uns an beyden syden ane noghen laten. — — Upp dat dit stede unde ganz blive, so hebbe wye marchgreve Woldemar dat en truwen gelovet mit unsem swager greven Albrechte van Anehalt, greven Bussen van Lyndowe, hern Frederike van Alvensleve, hern Droyseken, hern Claws van Buck, hern Borchard van Bertensleve, hern Hinrick van Stegheliz, hern Henninge van Blankenborch unde mit hern Arnde van Uchtenhaghen, unde hebben darupp gegeven dessen brief mit unsem insegele besegelet.
     Desse brief is gegeven vor Templin, na der bort Godes dusent iar drehundert iar in deme teynden iare, des sondaghes vor Symon unde Juden daghe.

Aus dem durch Moder beschädigten Original im Hauptarchive zu Schwerin vollständig gedr: Meklenburger Urkdbch. V. 546–548. - Die unleserlichen, ergänzten Stellen cursiv gedruckt.

Original-Footnoten

Wikiborn-Footnoten