Codex diplomaticus Anhaltinus/183

183.

1309. April 1. Im Lager vor Wieha.  Graf Otto II von Anhalt verbündet sich mit dem Markgrafen Friedrich von Meissen.

     We Otte van Goddes gnadhen greve to Aschersleve unde vorste van Anehalt bekennen an dhisseme breve unde dun kunt alle dhen, dhe en sen odher horen lesen, dhat we ghelovet hebben unde vorbunden uns mit dheme edhelen vorsten unseme leven ome marcgreven Frederich van Misne unde lantgreven van Dhuringen alsodane wis, also hirna steyt ghescreven: were dhat we an dhisseme urlighe, dhar we dhorch sinen willen inghetreden sin, vromen an ghevanghenen nemen, dhar sine lude nicht mede weren, dhe scholden unse weren, wer aver dhat vorsten, greven odher vrigen dhar under ghevanghen worden, dhe scholde we ome antworden. Weren aver dhat sine lude met unsen weren, so scholde we se met eynander delen na dher mantale unde dhe vorsten, greven odher vrigen scholden tuvoren sin wesen. Neme we aver schaden an dhisseme urlighe, dhes Got nicht wille, dhen scholde he uns ghenzeleken ghelden unde afleghen. Dhat we dhisse redhe ganz unde stede halden, dharover gheve we ome dhissen bref vorseghelet mit unseme ingheseghele.
     Dhisse bref is ghegheven in dhen budhen dher hervart vor Wie, na Goddes bort dhusent iar druhundert iar dhes neghedhen iares, in dheme dhinstage in dher Osterweken.

Aus dem Original im Hauptstaatsarchive zu Dresden: das beschädigte Siegel des Ausstellers hängt an einem Pergamentstreifen der Urkunde an.