Canti Còrsi/Cose viste/U mio Paese

by Jean-Pierre Lucciardi

[ 28 ]

I

U mio paese

A u mio amicu A. Coltelloni.

O caru, Santu Petru, quant’è bellu!
È spergugliatu e ascostu a tramuntana
Si diceria chi perte in caravana...
A u mondu un si ne trova cum’ed ellu.

È di u Nebbiu lu specchiu e lu giuiellu,
Cun dodeci paesi per cullana;
Si stà cuntentu, espostu a la sulana,
E accoglie a breccie aperte a questu e a quellu.

Quand’u vecu mi ride da luntanu
Cume una mamma a li so figliulelli;
Eju, allegru, l’inviu un basciamanu,

E corru a salutà becchj e zitelli;
E case, e piezze, e le stradelle appese...
L’amu più che a me stessu, u mio paese!