Biblia/Vetule Testamento/Psalmos/Psalmos 8

Psalmos

8. Oh Senior, nostre Senior, quanto admirabile es tu nomine

In iste hymno al soveran Creator, le psalmista lauda le majestate de Deo e se meravilia que Deo ha date al humanos le dominio super le ordinamento create.

¹Pro le maestro del choro. Un psalmo de David a accompaniar se per un instrumento a chorda. Oh Senior, nostre Senior, quanto admirabile es tu nomine per tote le terra! Tu gloria^[1] es plus alte que le celos. ²Tu faceva que mesmo ab le ore de infantes e babies lactante proveni tu laudes, ut avergoniar tu inimicos e destruer tote illes que te face opposition.

³Quando io vide tu celos, obra de tu digitos, le luna e le stellas que tu establiva, ⁴quid es le homine que tu le memora o le filio del homine que tu le presta attention? ⁵Tamen, tu le faceva solmente un poco inferior al angelos^[2] e le coronava de gloria e honor. ⁶Tu le ha appunctate dominar super le obras de tu manos. Tu subjectava toto a su autoritate^[3]: ⁷oves e bestial, includite le animales salvage, ⁸le aves del celo, le pisces in le mar, e toto lo que se move per le currentes del mares.

⁹Oh Senior, nostre Senior, quanto admirabile es tu nomine per tote le terra!

Notas

1. O “majestate”.
2. Le termino hebree אֱלֹהִים (ʾelohim) poterea significar “esseres divin”, “angelos” o mesmo “Deo”.
3. Litt. “sub su pedes”.