Biblia/Vetule Testamento/Psalmos/Psalmos 9

Psalmo 9

1. Al chef del cantores. Secun "morir pro le filio". Psalmo de David.

2. Io glorificara te, oh Eterne, ex tote mi corde; io narrara al integre mundo tote tu meravilias.

3. Per te, io exulta de allegria; io celebra tu nomine per cantos, oh Deo Altissime!

4. Mi inimicos fugi sub tu colpos, illi va vacillar; illi va perir coram tu facie.

5. Tu me ha rendite justitia, e tu ha defendite mi juste causa, quando tu ha assidite te sur tu throno pro judicar secun le justitia.

6. Tu reprehende le nationes; tu destrue le malefactor, e tu remove su memoria pro omne generationes.

7. Pro semper ha cadite le disgratia sur nostre inimicos. Lor urbes son renversate: jam nemo recorda les.

8. Le Senior regnara pro semper, executante judicamento ex su throno. 

9. Le Senior es un refugio pro le opprimite, un inexpugnabile fortalessa dum tempore de angustia.