Le Proverbios

Capitulo 28

¹Le persona impie fugi mesmo si nemo le perseque, ma le justos es tanto hardite quanto leones.

²Quando il ha corruption moral in un nation, su governamento cade facilemente. Governantes sage e competente tamen, comporta stabilitate.

³Un persona paupere qui opprime un altere persona paupere es simile a un pluvia vehemente que destrue le messes.

⁴Qui derelinque le Lege lauda le personas impie, ma qui lo observa les antagonisa.

⁵Personas maleficente non comprehende le justitia, ma illes qui quere le Senior lo comprehende completemente.

⁶Il es melior esser paupere e honeste quam dishoneste e ric.

⁷Juvenes qui observa le Lege es sage, ma companiones de gluttones es un vergonia pro lor parentes.

⁸Qui se inricchi querente interesses alte se retrovera in le tascas de alicuno qui es generose verso le pauperes.

⁹Deo detesta le orationes de un persona qui ignora le Lege.

¹⁰Qui decipe le justos pro conducer les sur un via mal cadera in su proprie trappa, ma le personas honeste hereditara lo que es bon.

¹¹Gente ric pote creder esser sage, ma un persona paupere qui ha discernimento pote evalutar les appropriatemente.

¹²Quando le justos es succedite, grande es le gloria, ma quando personas impie surge al poter, omnes curre a occultar se.

¹³Qui occulta su transgressiones^[1] non prosperara, ma quicunque los confessa e los relinque recipera misericordia.

¹⁴Beate es le persona qui time facer le mal, ma quicunque indura su corde cadera in le mal.

¹⁵Un governante impie es tanto periculose pro le pauperes quanto un leon rugiente o un urso forragiante.

¹⁶Un governante qui es un grande oppressor manca de sagessa, ma ille qui odia le ganios injuste habera un vita longe.

¹⁷Le conscientia tormentate de un assassino le portara al tumba. Que nemo le protege!

¹⁸Le persona irreprochabile essera salvate, ma quicunque es perverse in su conducta subito cadera.

¹⁹Qui agricultor diligente habera satis de nutrimentos, ma un chassator de réveries terminara su vita in paupertate.

²⁰Le persona in le qual on pote confider se habera un recompensa grande, ma un persona qui quere facile ganios non remanera impunite.

²¹Non esser impartial es nunquam bon, ma alicunes es preste facer lo que es mal pro un morsello de pan.

²²Le persona illiberal concupisce ricchessas e non sape que le paupertate les supervenira.

²³Qui reproba un altere persona, al fin trovara plus favor magis quam un blanditor.

²⁴Quicunque roba ab su patre e matre e dice: “Isto non es un peccato”, non es melior quam un assassino.

²⁵Le persona avide excita dissensiones, ma qui confide in le Senior prosperara.

²⁶Qui confide in su proprie corde es un stulto, ma qui cammina sur le via del sagessa se salvara.

²⁷Qui da generosemente al pauperes non remanera indigente, ma quicunque claude su oculos ante illes, abundara in maledictiones.

¹²⁸Quando le impios prende le controlo del pais, le gente curre a occultar se, ma quando illes peri, le justos se multiplica.