Ban/Gaguritan Mas Denda Kuning

Deskripsi

Bahasa Indonesia

Gaguritan Mas Denda Kuning merupakan geguritan yang menceritakan mengenai kehidupan dari Raden Banjar Gtas yang senang berburu ke hutan. Pada saat berburu Raden Banjar Gtas hampir menangkap seekor rusa. Pada geguritan ini lebih banyak menceritakan mengenai pertemuan Raden Banjar Gtas dengan Raden Denda Mas Kuning dan Dyah Ayu yang tinggal di Ler Bukit (Desa Santun).

Naskah

[ 1 ][PERPUSTAKAAN
KTR. DOKBUD BALI
PROP. BALI
G/XI/1/DOKBUD
Judul : GAGURITAN MAS DENDA KUNING
Panj. 40 cm. Jl. 83 lb.
Asal : Gianyar.] [ 2 ][᭑ 1B]
᭑
᭚᭐᭚ᬅᬯᬶᬖ᭄ᬦᬫᬵᬲ᭄ᬢᬸ᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬅᬉᬫ᭄ᬧᬹᬚᬵᬲ᭄ᬢᬯᬫᬦ᭄ᬢ᭄ᬭ᭞ᬗᬢ᭄ᬧᬤᬳ᭄ᬬᬂᬲᬭᬰ᭄ᬯᬢᬶ᭞ᬫᬓᬯᬗᬶᬦᬶᬂᬯᭀᬢ᭄ᬲᬶᬦᭀᬫ᭄᭞ᬲᬶᬦᬸᬗᬦ᭄ᬳᬚ᭄ᬜᬦᬲᬶᬤ᭄ᬥᬶ᭞ᬮᬸᬧᬸᬢᬶᬂᬢᬸᬮᬄᬘᬭᬶᬓ᭄᭞ᬲᬶᬤ᭄ᬥᬦᬶᬗ᭄ᬕᬢᬶᬳ
ᬗᬧᬸᬲ᭄᭞ᬓᬯᬶᬢᬦ᭄ᬩᬜ᭄ᬚᬃᬕᭂᬢᬲ᭄᭞ᬓᬢᬢ᭄ᬯᬜ᭄ᬘᬩᬾᬦᬵᬕᬭᬶ᭞ᬳᬦᬾᬂᬤᬗᬸ᭞ᬰᬾᬮᬧᬭᬭᬶᬂᬅᬢᬷᬢ᭟ᬢᬫ᭄ᬩ᭄ᬬᬬᬦᬶᬗᬵᬃᬘ᭄ᬘᬦᬕᬶᬢ᭞ᬘᬦ᭄ᬤ᭄ᬭᬯᬕ᭄ᬬᬬᬸᬤᬳᭀᬮᬶᬄ᭞ᬓᬺᬱ᭄ᬩᬧᬓ᭄ᬱᬩᬳ᭄ᬦᬶᬫᬗ᭄ᬓᬾ᭞ᬚᬾᬲ᭄ᬢᬫᬲᬯᬾᬤ
ᬫᬹᬃᬢ᭄ᬢᬶ᭞ᬪᬸᬚᬗ᭄ᬕᬘᬡ᭄ᬥᬶᬫᬡᬶ᭞ᬳᬗ᭄ᬭᬶᬧ᭄ᬢᬮᬫ᭄ᬩᬂᬭᬶᬗ᭄ᬓᬶᬬᬸᬂ᭞ᬤᬸᬓᬶᬂᬲᬤᬦᬬᭀᬕ᭞ᬫᬺᬢ᭄ᬢᬤᬾᬯᬤᬶᬦᬩ᭄ᬘᬶᬓ᭄᭞ᬓᬵᬮᬲᬸᬯᬸᬂ᭞ᬳᬫᬃᬡ᭄ᬡ᭄ᬦᬧᬶᬦᬓᬢᭂᬫ᭄ᬩᬂ᭟ᬲᬶᬦᭀᬫ᭄ᬧᬗ᭄ᬓᬸᬃᬤᬗ᭄ᬤᬂᬕᬸᬮ᭞ᬫ᭄ᬯᬄᬲᬮ᭄ᬯᬶᬭᬶᬂᬲ᭄ᬓᬃᬳᬮᬶᬢ᭄᭞ᬫᬓᬧᬹᬃᬡ᭄ᬦᬦᬶᬂᬓᬮ
ᬭᭀᬦ᭄᭞ᬓᬲᬮᬶᬫᬸᬃᬳᬦ᭄ᬢᬸᬓ᭄ᬕᭂᬦ᭄ᬤᬶᬂ᭞ᬩ᭄ᬬᬓ᭄ᬢᬧᬗᬾᬮᬶᬂᬳᬾᬮᬶᬂ᭞ᬗᬾᬮᬶᬗᬂᬳᬶᬦ᭄ᬤᬶᬓᬾᬇᬮᬸ᭞ᬳᬯᬶᬦᬦ᭄ᬯᬾᬦ᭄ᬢᭂᬦᬺᬓᭀ᭞ᬭᬶᬂᬲᬲᬓ᭄ᬓᬢᬄᬯᭀᬂᬩᬵᬮᬶ᭞ᬮᬶᬗ᭄ᬕᬶᬂᬢᬸᬢᬸᬃ᭞ᬲᬧᬸᬦᬶᬓᬶᬓᬘᬭᬶᬢ᭟ᬲᬂᬧ᭄ᬭᬪᬸᬭᬶᬂᬰᬾᬮᬧᬭᬂ᭞ᬗᬯᭂ
[᭒ 2A]
ᬗ᭄ᬓᬸᬲᬥᬗᬶᬜ᭄ᬢᬸᬭᬶᬂ᭞ᬫᬲ᭄ᬪᬝᬵᬭᬰᬾᬮᬓ᭄ᬧᬭᬂ᭞ᬪᬶᬱᬾᬓᬦ᭄ᬳᬶᬤᬰ᭄ᬭᬷᬳᬚᬶ᭞ᬓᬲᬸᬩ᭄ᬭᬯᬸᬄᬓᬩᬵᬮᬶ᭞ᬯᬶᬃᬬ᭄ᬬᬕᬸᬡᬭᬢᬸᬯᬶᬪᬄ᭞ᬗᭀᬤᬕ᭄ᬲᬩᬗ᭄ᬲᬲᬲᬓ᭄᭞ᬦᬶᬦ᭄ᬤᬶᬳᬂᬅᬕᬵᬫᬰᬸᬘᬶ᭞ᬯᬓ᭄ᬢᬸᬢ᭄ᬮᬸ᭞ᬓᬮᬶᬮᬶᬭᬦ᭄ᬲᬓᬾᬗ᭄ᬓᬸᬦ᭟
ᬓᬵᬮᬲᬂᬧ᭄ᬭᬪᬸᬲᬶᬦᬾᬪ᭞ᬓᬢᬗ᭄ᬓᬶᬮ᭄ᬲᬯᬢᭂᬓ᭄‌ᬓ᭄ᬬᬬᬶ᭞ᬫᬓᬤᬶᬫᬜ᭄ᬘᬧᬸᬗ᭄ᬕᬯ᭞ᬫᬸᬓ᭄ᬬᬧᬢᬶᬄᬤᬢᬸᬓ᭄ᬩᬸᬲᬶᬂ᭞ᬧᬶᬦᬶᬄᬳᬚᭂᬂᬫᬮᬶᬗ᭄ᬕᬶᬄ᭞ᬧᬺᬦᬵᬣᬫ᭄ᬥᭂᬓ᭄ᬱᬂᬧ᭄ᬭᬪᬸ᭞ᬲᬋᬂᬧᬭᬅᬗ᭄ᬮᬸᬭᬄ᭞ᬧᬶᬗᬚᭂᬂᬮᬸᬭᬄᬩᬭᬶᬗᬶᬦ᭄᭞ᬦᬹᬢ᭄ᬲ
ᬤᬸᬮᬸᬃ᭞ᬲᬶᬗ᭄ᬕᬵᬫᬺᬢ᭄ᬢᬅᬗ᭄ᬕᬭᬂᬓ᭄ᬱ᭟ᬫᬓᬤᬶᬧᬢᬺᬯᬤᬦ᭞ᬭᬵᬤᬾᬦ᭄ᬩᬦ᭄ᬥᬬᬸᬤᬫᬮᬶᬄ᭞ᬦᬸᬗ᭄ᬕᬸᬮ᭄ᬪᬬᬲᬗ᭄ᬕᬬᬸᬤ᭞ᬢᬦ᭄ᬓᬦ᭄ᬢᬸᬦ᭄ᬭᬤᬾᬦ᭄ᬥᬶᬧᬢᬶ᭞ᬫᬶᬯᬄᬅᬃᬬ᭄ᬬᬧᬭᬶᬕᬶ᭞ᬓᭀᬦ᭄ᬢᬮᬲᬂᬫᬤᭂᬕ᭄ᬤᭂᬫᬸᬂ᭞ᬫ᭄ᬯᬂᬯᬷᬭᬭᬵᬚᬢ
ᬦ᭄ᬤᭀᬄ᭞ᬭᬶᬂᬢᬸᬫᭂᬗ᭄ᬕᬸᬂᬯᬷᬭᬕᬸᬮᬶᬂ᭞ᬧᬭᬮᬮᬸ᭞ᬧᬺᬯᬗ᭄ᬲᬯᬢᭂᬓ᭄ᬧ᭄ᬭᬫᬾᬦᬓ᭄᭟ᬭᬶᬂᬚ᭄ᬭᭀᬦᬶᬂᬘ᭄ᬭᬗ᭄ᬘᬂᬓᬯᬢ᭄᭞ᬘᬓᬢᬳᬶᬂᬲᬂᬫᬦᬗ᭄ᬓᬶᬮ᭄᭞ᬓᬸᬯᬸᬤᬾᬰᬩᬮᬲᬸᬚᭀᬦ᭄᭞ᬭᬶᬂᬦᬢᬃᬢᬢᬧ᭄ᬫᬮᬶᬗ᭄ᬕᬶᬄ᭞ᬮ᭄ᬯᬶᬃᬧᬾᬦ᭄ᬤᬄᬕᬸᬦᬸᬂᬲᬭᬶ [ 3 ][᭒ 2B]
᭒
᭞ᬭᬶᬓᬵᬮᬫᬲᬓᬘᬢᬸᬃ᭞ᬤᬾᬦᬶᬂᬲᬸᬢᬾᬚᬫᬸᬦ᭄ᬢᬩ᭄᭞ᬪᬹᬱᬦᬦ᭄ᬲᬧᬭᬫᬦ᭄ᬢ᭄ᬭᬶ᭞ᬳᬪ᭄ᬭᬫᬸᬭᬸᬩ᭄᭞ᬕᬯᬵᬓ᭄ᬢᬲᬶᬂᬫᬗᬢᭀᬦᬂ᭟ᬫᬢᬢᬓᬤᬶᬭᬶᬂᬲᬸᬭᬵᬢ᭄᭞ᬮᬶᬗ᭄ᬕᬶᬄᬲᬧᬭᬤᬶᬫᬦ᭄ᬢ᭄ᬭᬶ᭞ᬲᭀᬧᬘᬭᬳᬰ᭄ᬭᬶᬢᬶᬦᭀᬦ᭄᭞
ᬥᬂ᭞ᬳᬯᬢ᭄ᬥᬸᬂᬧᬗᬯᬶᬦ᭄᭞ᬢᬼᬂᬫ᭄ᬧᭂᬓ᭄ᬫᬫᬲ᭄ᬫᬲᬦ᭄ᬤᬶᬂ᭞ᬢᬫ᭄ᬩ᭄ᬬᬂᬓᭀᬍᬫ᭄ᬲᬤᬸᬧᬸᬗ᭄ᬕᬸᬮ᭄᭞ᬲᬲ᭄ᬮᬶᬭᬦ᭄ᬧᬸᬦᬂᬯᭀᬂ᭞ᬘᬾᬱ᭄ᬝᬶᬓᬵᬭᬢᬫᬾᬗ᭄ᬕᬢᬶ᭞ᬜᬦ᭄ᬤᬂᬓᬲᬸᬩ᭄᭞ᬲᬂᬧ᭄ᬭᬪᬸᬭᬶᬂᬯᬢᬸᬫᬭᬂ᭟ᬫᬮᬶᬗ᭄ᬕᬶᬄᬭᬶᬂᬲᬶᬗ᭄ᬕᬲᬦ᭞ᬭᬲ᭄ᬧᬢᬶᬫᬦᬦ᭄ᬤᬂ
ᬍᬯᬶᬄ᭞ᬜᬸᬗ᭄ᬓᭂᬮᬶᬢ᭄ᬓ᭄ᬭᬶᬲ᭄ᬮᬦ᭄ᬤᬾᬬᬦ᭄ᬓᬯᭀᬢ᭄᭞ᬲᭀᬢᬦᬶᬂᬫᬜᬓᬺᬯᬂᬢ᭄ᬢᬶ᭞ᬓᬤᬶᬳ᭄ᬬᬂᬧᬰᬸᬧᬢᬶ᭞ᬫᬮᬶᬗ᭄ᬕᬭᬶᬂᬫᬳᬵᬫᬾᬭᬸ᭞ᬓᬵᬮᬯᬢᭂᬓ᭄ᬤᬾᬯᬢ᭞ᬦᬗ᭄ᬓᬶᬮ᭄ᬲᬋᬂᬋᬱᬶᬗ᭄ᬮᬗᬶᬢ᭄᭞ᬲ᭄ᬫᬸᬕᬸᬬᬸ᭞ᬲᬂᬧᬺᬪᬸᬳᬮᭀᬦ᭄ᬗᬦ᭄ᬤᬶᬓ᭟
ᬭᬱᬗ᭄ᬢᬾᬮ᭄ᬫᬥᬸᬤ᭄ᬭᬯ᭞ᬳᬥᬹᬄᬧᬫᬦ᭄ᬤᬢᬸᬓ᭄ᬩᬸᬲᬶᬂ᭞ᬫ᭄ᬯᬂᬜᬫᬩ᭄ᬭᬬᬫᬓ᭄ᬚᬂ᭞ᬧᬭᬫᬾᬦᬓ᭄ᬢᬡ᭄ᬥᬫᬦ᭄ᬢ᭄ᬭᬶ᭞ᬤ᭄ᬯᬦᬶᬂᬇᬭᬗᭂᬲᬾᬗᬶᬦ᭄᭞ᬦ᭄ᬥᬸᬦᬶᬦ᭄ᬧᬭᬸᬫᬦ᭄ᬳᬕᬸᬂ᭞ᬭᬾᬄᬳᬤᬓᬦ᭄ᬤᬩᬸᬯᬢ᭄᭞ᬦᬾᬜᬦ᭄ᬤᬂᬚᬦᬶᬓ᭄ᬦᭂᬳᬶᬦ᭄᭞ᬳᬚᬓ᭄ᬮ᭄ᬬᬸ᭞
[᭓ 3A]
ᬮᬫᬓᬦ᭄ᬲᬶᬤ᭄ᬥᬓᬲᬤ᭄ᬬᬦ᭄᭟ᬩᬸᬓᬉᬩᬬᬦᬾᬲᬸᬩ᭞ᬫᬵᬋᬧ᭄ᬢᭂᬓᬾᬦᬶᬂᬓᭀᬫ᭄ᬧᭂᬦᬶ᭞ᬲᬗ᭄ᬕᬸᬧᬾᬮᬓᬃᬫᭂᬗᬦᬂ᭞ᬓᬬᬸᬲᭂᬧᬂᬦᬾᬓᬧᭂᬃᬤ᭄ᬥᬶ᭞ᬲᬦᬕᬶᬄᬓᭀᬫ᭄ᬧᭂᬦᬶ᭞ᬩᭀᬩᭀᬢ᭄ᬫᭀᬮᬲ᭄ᬢᬮᬶᬧᬶᬓᬸᬮ᭄᭞ᬫᬲᭂᬗ᭄ᬓᭂᬃᬢ᭄ᬮᬸᬂᬢᬶᬩ
ᬦ᭄᭞ᬫᬓᭀᬦ᭄ᬢ᭄ᬭᬓ᭄ᬱᬸᬩᬫᬢᬸᬮᬶᬲ᭄᭞ᬲᬶᬤ᭄ᬥᬮᬸᬧᬸᬢ᭄᭞ᬕᬸᬫᬶᬦᬾᬓᬭᬶᬧᬸᬪᬬ᭟ᬓᬬᬂᬚᬦᬶᬢᭀᬦ᭄ᬤᬾᬦ᭄ᬤᬤ᭞ᬫᬧᭂᬗᭂᬓᬬᬸᬳᬓᬢᬶᬄ᭞ᬢᬗᬭᬶᬦ᭄ᬮᬓᬭᬜ᭄ᬘᭂᬤᭀᬓ᭄᭞ᬢ᭄ᬓᬾᬦ᭄ᬳᬸᬩᬬᬗᬤ᭄ᬬᬦᬶᬦ᭄᭞ᬍᬓ᭄ᬕᬶᬭᬂᬗ᭄ᬮᭀᬂᬚ
ᬜ᭄ᬚᬶ᭞ᬤᬢᬸᬓ᭄ᬩᬸᬲᬶᬂᬫᭂᬧᭂᬲ᭄ᬫᬵᬢᬹᬃ᭞ᬥᬸᬄᬳᬫ᭄ᬧᬸᬭᬲᬗ᭄ᬓᬢᭀᬂ᭞ᬓᬯᬸᬮᬢᬦ᭄ᬯ᭄ᬭᬸᬳᬶᬗ᭄ᬕᬢᬶ᭞ᬓᬤᬶᬢᬦ᭄ᬤ᭄ᬭᬸᬄᬧ᭄ᬭᬲᬗ᭄ᬕᬧᬸᬭᬸᬦᬸᬦᬲᬂ᭟ᬧᬸᬦᬧᬶᬲᬦᬾᬗᬯᬦᬂ᭞ᬓᬾᬗᬶᬦ᭄ᬗᭀᬦ᭄ᬢ᭄ᬭᬓ᭄ᬭᬶᬂᬓᭀᬫ᭄ᬧᭂᬦᬶ᭞ᬫᬾᬲᭂᬫ᭄ᬲᬂᬧ᭄ᬭᬪᬸᬗᬦ᭄ᬤᬶᬓ᭞
ᬗᬸᬤᬢᬦ᭄ᬯ᭄ᬭᬸᬄᬧᬫᬦ᭄ᬧᬢᬶᬄ᭞ᬢ᭄ᬓᬾᬦ᭄ᬳᬸᬩᬬᬦᬾᬗᬹᬦᬶ᭞ᬤᬸᬕᬲ᭄ᬕᬸᬫᬶᬦᬾᬤᬲ᭄ᬩᬶᬬᬸᬃ᭞ᬲᬲᬸᬓᬢ᭄ᬤᬶᬲᬸᬫ᭄ᬩᬯ᭞ᬩᬗ᭄ᬲᬩ᭄ᬮᬡ᭄ᬥᬗᬍᬩᭀᬦᬶᬦ᭄᭞ᬓᬦ᭄ᬢᬶᬦᬸᬗ᭄ᬓᬸᬮ᭄᭞ᬲᬂᬧ᭄ᬭᬪᬸᬭᬵᬚᬲᬸᬫ᭄ᬩᬯ᭟ᬳᬦᬾᬫᬧᬭᬩ᭄ᬫᬲ᭄ᬕᭀᬯ᭞ᬮ [ 4 ][᭓ 3B]
᭓
ᬲ᭄ᬬᬗᬵᬢᬹᬭᬂᬉᬧ᭄ᬢᬶ᭞ᬕᬸᬫᬶᬦᬾᬤᬶᬢᬸᬗᬢᬶᬩᬦ᭄᭞ᬢ᭄ᬓᬾᬦ᭄ᬯᭀᬂᬩ᭄ᬮᬡ᭄ᬥᬓᭀᬫ᭄ᬧᭂᬦᬶ᭞ᬤᬾᬦᬶᬂᬓᬲᭀᬭᬦ᭄ᬢᬦ᭄ᬤᬶᬂ᭞ᬘᬶᬳ᭄ᬦᬦᬶᬂᬧ᭄ᬭᬲᬶᬤ᭄ᬥᬗᬬᬸᬄ᭞ᬳᬯᬦᬦ᭄ᬫᬲᬶᬄᬩ᭄ᬜᭂ᭞ᬗᬳᬾᬓᭀᬢ᭄ᬭᬓ᭄ᬢᬹᬃᬗᬤ᭄ᬬᬦᬶᬦ᭄᭞ᬫᬳᬂᬓᬬᬸ᭞ᬩᬸᬓᬭ
ᬯᭀᬲᬾᬳᬶᬩᬸᬲᬦ᭄᭟ᬮᬫᬓᬦ᭄ᬕᬸᬫᬶᬦᬾᬮᬲ᭄ᬬ᭞ᬢ᭄ᬯᬭᬧᬬᬸᬓᬍᬩᭀᬦᬶᬦ᭄᭞ᬤᬢᬸᬓ᭄ᬩᬸᬲᬶᬂᬦᬶᬫᬮ᭄ᬕᬮᭀᬦ᭄᭞ᬥᬹᬄᬳᬫ᭄ᬧᬸᬭᬰ᭄ᬭᬷᬪᬹᬧᬢᬶ᭞ᬓᬯᬸᬮᬗᬫᬦᬳᬶᬦ᭄᭞ᬬᬦ᭄ᬲᬧᬸᬦᬶᬓᬲᬂᬧ᭄ᬭᬪᬸ᭞ᬳᬃᬱᬜ᭄ᬘᭀᬓᭀᬃ
ᬳᬶᬤᬾᬯ᭞ᬢᬦ᭄ᬲᬦ᭄ᬤᬂᬩᬯᭀᬲᬂᬫᬮᬶᬄ᭞ᬤᬾᬦᬶᬂᬲᬵᬫ᭄ᬧᬸᬦ᭄᭞ᬧᬢᭂᬄᬓᬤᬶᬭᬶᬂᬲᬸᬫ᭄ᬩᬯ᭟ᬢᬍᬃᬗᬬᬄᬪᬶᬦᬯᬵᬱ᭄ᬝ᭞ᬓᬲᬾᬭᬾᬄᬳᬦ᭄ᬢᬸᬓ᭄‌ᬓᭀᬫ᭄ᬧᭂᬦᬶ᭞ᬲᬂᬧ᭄ᬭᬪᬸᬲᬺᬗᭂᬦ᭄ᬗᬦ᭄ᬤᬶᬓ᭞ᬬᬦ᭄ᬕᭀᬩᬬᬂᬓᬾᬢᭀᬤᬤᬶ᭞
ᬤᭀᬂᬜᬾᬦ᭄ᬩᬦᬶᬦᬦ᭄ᬤᬶᬗᬶᬦ᭄᭞ᬬᬾᬦ᭄ᬓᭀᬫ᭄ᬧᭂᬦᬶᬢ᭄ᬓᬦ᭄ᬩᬸᬕ᭄᭞ᬳᬧᬂᬤᬮ᭄ᬬᬸᬭᬯᭀᬲ᭄᭞ᬤ᭄ᬫᬸᬂᬓᭀᬦ᭄ᬢᬮᬜᬯᬸᬭᬶᬦ᭄᭞ᬜ᭄ᬮᬕ᭄ᬫᬵᬢᬹᬃ᭞ᬥᬹᬄᬳᬫ᭄ᬧᬸᬭᬭᬢᬸᬢᬶᬢ᭄ᬬᬂ᭟ᬧᬺᬱᬗ᭄ᬕᬧᬸᬭᬸᬦ᭄ᬫᬫᭂᬮᬢ᭄᭞ᬧᬜ᭄ᬚᬗᬂᬉᬕᬶᬗᬳ᭄ᬬᬸᬦᬶᬦ᭄‌᭞
[᭔ 4A]
ᬫᬗ᭄ᬤᬲᬵᬫ᭄ᬧᬸᬦᬂᬓᬲᭀᬫ᭄ᬧᬶᬓ᭄᭞ᬢᬦ᭄ᬧᬭᬶᬯᬗ᭄ᬤᬾᬗ᭄ᬫᬲᬶᬦ᭄᭞ᬯᬶᬦᬲᬤᬾᬦᬶᬂᬭᬸᬦ᭄ᬢᬶᬓ᭄᭞ᬫᬸᬂᬧᬸᬂᬲᬋᬂᬓᬢᬄᬧᬭᬸᬫ᭄᭞ᬭᬵᬤᬾᬦ᭄ᬥᬶᬧᬢᬶᬗᭀᬓᭀᬓ᭄᭞ᬓᬯᬸᬮᬜᬤ᭄ᬬᬦᬦ᭄ᬤᬶᬗᬶᬦ᭄᭞ᬲᬧᬗ᭄ᬭᬯᬸᬄ᭞ᬓᭀᬫ᭄ᬧᭂᬦᬶᬭᬶᬂ
ᬚᬕᬢ᭄ᬲᬲᬓ᭄᭟ᬚᬾᬝᬶᬦᬤᬸᬭᬸᬲ᭄ᬧᬕᬶᬬ᭞ᬩᬕᬸᬥᬡ᭄ᬥᬢᬡ᭄ᬥᬫᬦ᭄ᬢ᭄ᬭᬶ᭞ᬯᬾᬦ᭄ᬢᭂᬦ᭄ᬫᬫᬓ᭄ᬧᬓ᭄ᬓᬤᬸᬢᬦ᭄᭞ᬫᬲᬸᬫ᭄ᬩᬃᬗᬸᬮᬸᬄᬓᭀᬫ᭄ᬧᭂᬦᬶ᭞ᬤᭀᬢ᭄ᬦᬕᬶᬄᬜᬾᬭᬾᬢ᭄ᬕᭂᬢᬶᬄ᭞ᬧᬤᬶᬗ᭄ᬓᭂᬮᬓ᭄ᬭᬶᬂᬦᬢᬃᬢ᭄ᬥᬸᬦ᭄᭞ᬢᬸᬮ᭄ᬬᬓᬤᬶᬥᬭᬢ
ᬦ᭄᭞ᬳᬢᬹᬭᬾᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬭᬶᬂᬲᬂᬧ᭄ᬭᬪᬸ᭞ᬫᬶᬲᬥ᭄ᬬᬦᬶᬦ᭄ᬤᬶᬳᬶᬜ᭄ᬚᬕᬢ᭄᭟ᬕᬃᬚ᭄ᬚᬶᬢᬳᬶᬤᬲᬂᬦᬵᬣ᭞ᬲᬳᬫᬯᬘᬦᬳᬭᬶᬲ᭄᭞ᬍᬕᬳᬶᬭᬢᬦ᭄ᬧᭀᬧᬫ᭞ᬦᬫ᭄ᬧᬶᬢᬺᬱ᭄ᬩᬦ᭄ᬩ᭄ᬭᬬᬯᬃᬕ᭄ᬕᬶ᭞ᬗ᭄ᬕᬶᬂᬳᬧᬂᬲᬚᬕᬶᬮᬶᬓ᭄᭞ᬚᬮᬦ᭄ᬫ
ᬕ᭄ᬢᬶᬄᬳᬩᬸᬗ᭄ᬩᬸᬂ᭞ᬳᬚᬓ᭄ᬫᬓ᭄ᬚᬂᬢᬭᭀᬲ᭄᭞ᬇᬥᭂᬧᬾᬦᬶᬦ᭄ᬤᬶᬳᬶᬦ᭄ᬕᬸᬫᬶ᭞ᬫᬧᬕ᭄ᬰᬢ᭄ᬭᬸ᭞ᬲᭀᬢᬦᬶᬂᬲᬶᬗ᭄ᬕᬳᭀᬯᬸᬭᬸᬱ᭟ᬤᬢᬸᬓ᭄ᬩᬸᬲᬶᬂᬫᬲ᭄ᬫᬸᬏᬭᬂ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬓᭂᬦ᭄ᬤᭂᬮ᭄ᬓᬯᬸᬮᬗᭂᬢᭀᬦ᭄᭞ᬧᬵᬫ᭄ᬩᭂᬓᬦ᭄ᬲᬧᬭᬫᬦ᭄ᬢ᭄ᬭᬶ [ 5 ][᭔ 4B]
᭔
᭞ᬜᬥ᭄ᬬᬧᬘᬂᬦᬗ᭄ᬓᭂᬧᬶᬦ᭄᭞ᬓᭀᬫ᭄ᬧᭂᬦᬶᬓᬵᬮᬦᬶᬂᬭᬯᬸᬄ᭞ᬧᬶᬤᬕᬶᬗᬦ᭄ᬓᬯᬸᬮ᭞ᬲᬓᬭᬶᬗᬢᬶᬓ᭄ᬢᬸᬜ᭄ᬢᬸᬗᬶᬦ᭄᭞ᬫᬦᬳᬶᬧᬸᬦ᭄᭞ᬭᬶᬳᬚᭂᬂᬘᭀᬓᭀᬃᬳᭀᬤᬾᬯ᭟ᬯᬶᬢ᭄ᬓᬯᬸᬮᬗᬗ᭄ᬓᬲᬗ᭄ᬓᬲ᭄᭞ᬧᬘᬂᬫᬕᬸᬢᬶᬦ᭄ᬓᭀᬫ᭄ᬧᭂᬦᬶ᭞
ᬤ᭄ᬬᬲ᭄ᬢᬸᬭᬯᬸᬄᬲᬢᬓ᭄ᬓᬨᬮ᭄᭞ᬓᬯᬸᬮᬢᬦ᭄ᬧᬧᬓᬾᬭᬶᬂ᭞ᬗ᭄ᬕᭀᬕᬂᬧᬢᬶᬉᬭᬶᬧ᭄᭞ᬦ᭄ᬤᬶᬓᬧᬦ᭄ᬓᬯᬸᬮᬫᬸᬭᬸᬤ᭄᭞ᬧᬭᬫᬩᬾᬮᬭᬶᬂᬚᬕᬢ᭄᭞ᬧᬸᬭᬸᬱᬢᭀᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬜᬥ᭄ᬬᬦᬯᬸᬃ᭞ᬲᬶᬄᬤᬦᬜ᭄ᬘᭀᬓᭀᬃᬳᬶ
ᬤᬾᬯ᭟ᬲᬧ᭄ᬭᬪᬸᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬦᬄᬲᬸᬩᬬᬂᬧᬫᬧᬢᬶᬄ᭞ᬲᬸᬩᬓᬓ᭄ᬦᭂᬄᬩᬵᬦ᭄ᬦᬶᬭ᭞ᬲᬸᬪᬓ᭄ᬢᬶᬦ᭄ᬧᬫᬦ᭄ᬫᬕᬸᬲ᭄ᬢᬶ᭞ᬲᬗ᭄ᬓᬦᬶᬂᬲᬾᬍᬩ᭄ᬲᬶᬮᬶᬩ᭄᭞ᬦᬭᬶᬲᬓᬭᬶᬂᬫᬢᬦ᭄ᬢᬸᬦ᭄᭞ᬢ᭄ᬓᬾᬦ᭄ᬦᬾᬳᬚᬓ᭄ᬫᭂᬢᭀᬄ᭞ᬳᬧᬲᬚᬓᬾᬂᬩ
ᬦᬶ᭞ᬧᬗ᭄ᬤᬩᬯᬸᬃ᭞ᬦᬾᬯᬦᬾᬦ᭄ᬢᭂᬓᬾᬦ᭄ᬦᬾᬕ᭄ᬢᬧ᭄᭟ᬓᬤᬶᬧᬜ᭄ᬚᬂᬬᬦ᭄ᬳᬸᬘᬧᬂ᭞ᬲᬸᬫᬗ᭄ᬕᬸᬧ᭄ᬲᬧᬭᬫᬦ᭄ᬢ᭄ᬭᬶ᭞ᬳᬶᬭᬶᬓᬭᬶᬂᬧᬦᬗ᭄ᬓᬶᬮᬦ᭄᭞ᬫᬶᬲᬥ᭄ᬬᬧᬘᬂᬦᬗ᭄ᬓᭂᬧᬶᬦ᭄᭞ᬲᬧᬗ᭄ᬭᬯᬸᬄᬳᬶᬓᭀᬫ᭄ᬧᭂᬦᬶ᭞ᬲᬪᬬᬵᬦ᭄ᬢᬓᬲᬮᬸᬗ᭄ᬮᬸᬂ᭞ᬤᬤ
[᭕ 5A]
ᬳᬶᬂᬧᬜ᭄ᬘᬪᬬ᭞ᬲᬸᬫᬤ᭄ᬬᬦᬶᬦ᭄ᬤᬶᬳᬶᬦ᭄ᬕᬸᬫᬶ᭞ᬤ᭄ᬬᬲ᭄ᬢᬸᬦ᭄‌ᬍᬩᬸᬃ᭞ᬭᬶᬂᬢ᭄ᬗᬳᬶᬂᬭᬡᬗ᭄ᬕ᭟ᬧᬦᬗ᭄ᬓᬶᬮᬦ᭄ᬫᬮᬸᬯᬭᬦ᭄᭞ᬲᬂᬧ᭄ᬭᬪᬸᬗ᭄ᬭᬜ᭄ᬚᬶᬂᬓᬧᬸᬭᬶ᭞ᬭᬶᬂᬚᬩᬫᬗ᭄ᬓᬶᬦ᭄ᬳᬸᬘᬧᬂ᭞ᬲ᭄ᬭᬩ᭄ᬳᬦᬓᬾᬫᬗ᭄ᬕᬶᬳᬶᬦ᭄᭞ᬭᬶᬂᬧᬲᬃᬢᭂᬫ᭄ᬩᬾᬫᬗ᭄ᬓᬶᬦ᭄᭞ᬯᬾᬦ᭄ᬢᭂ
ᬦ᭄ᬤᬦᬓ᭄ᬮᬶᬗᬓ᭄ᬮᬶᬗᬸᬓ᭄᭞ᬓᬤᬶᬓᬶᬓᬸᬓ᭄ᬫᬩᬯᭀᬲ᭄᭞ᬦᬸᬫ᭄ᬩᬲ᭄ᬳᬚᭂᬗᬦ᭄ᬫᬯᬗ᭄ᬲᬶᬢ᭄᭞ᬢᬸᬤᬶᬂᬢᬸᬚᬸᬄ᭞ᬲᬶᬦᬃᬯ᭄ᬯᬶᬗᭂᬜ᭄ᬚᬸᬳᬂᬚᬶᬦᬄ᭟ᬫᬶᬦᬩᬂᬓᬦ᭄ᬢᬸᬦ᭄ᬢᬭᬸᬡ᭞ᬓ᭄ᬮᬶᬲ᭄ᬫᬾᬦᬓ᭄ᬩᬕᬸᬲ᭄ᬕᭂᬜ᭄ᬚᬶᬂ᭞ᬓᬤᬶᬢᬦ᭄ᬲᬫᬾᬂᬫᬦᬸᬱ᭞ᬧᬫᬸᬮᬸᬦᬾᬮᬸᬫ᭄ᬮᬸᬫ᭄ᬕ
ᬥᬶᬂ᭞ᬲᬲᭀᬮᬳᬦ᭄ᬫᬗᬾᬤᬦᬶᬦ᭄᭞ᬉᬮᬢᬸᬮᬢ᭄ᬫᬦᬶᬲ᭄ᬜᬸᬜᬸᬃ᭞ᬚᬦ᭄ᬢᭀᬲᬕᬗᬾᬩ᭄ᬗᭀᬂ᭞ᬘᬭᬓᬧᬸᬧᬸᬗᬦ᭄ᬗᬶᬧᬶ᭞ᬢᭂᬫ᭄ᬩᬾᬫᬗ᭄ᬕᬸᬄ᭞ᬫᬮᬾᬓᬢ᭄ᬢᭂᬥᬸᬦ᭄ᬓᬧᬲᬃ᭟ᬤᬕᬗᬾᬲ᭄ᬯᬾᬦᬍᬓ᭄ᬢᭂᬓᬂ᭞ᬲᬂᬫᬢᬸᬫ᭄ᬩᬲᬦ᭄ᬓᬩᬶᬮ᭄ᬩᬶᬮ᭄᭞ᬯᬳᬸ
ᬏᬮᬶᬂᬗᬫ᭄ᬩᬶᬮ᭄ᬢᬾᬓᭀᬃ᭞ᬕᬕᬲᭀᬦ᭄ᬜᭀᬤᬬᬦᬲᬶ᭞ᬢᬦ᭄ᬢᬵᬗ᭄ᬓᬳᬶᬧᬸᬦ᭄ᬫᬮᬶᬄ᭞ᬦᬕᬶᬗᬶᬦ᭄ᬳᬸᬮᬫ᭄ᬫᬤᬸᬕ᭄ᬲᬸᬕ᭄᭞ᬢ᭄ᬓᭂᬧ᭄ᬭᬱᬲᬸᬭᬱ᭞ᬢᬦ᭄ᬗᬾᬢᬂᬧᭀᬘᭀᬮ᭄ᬫᬩᬢᬶ᭞ᬦᬤᬸᬓ᭄ᬘᬸᬫ᭄ᬧᬸ᭞ᬗᬮᬶᬂᬮᬶᬂᬲᬂᬫᬢᬸᬫ᭄ᬩᬲᬦ᭄᭟ᬳᬤᭂᬕ᭄ᬜᭂᬧᭂᬓ᭄ᬕᬍ [ 6 ][᭕ 5B]
᭕
ᬧ᭄ᬲᭀᬮᬄᬤ᭄ᬫᭂᬦ᭄ᬳᬶᬤᬕᬂᬗᬦ᭄ᬢᭂᬦᬶᬦ᭄᭞ᬳᬲᬶᬂᬜᭀᬗ᭄ᬓᭀᬓ᭄ᬦᬫ᭄ᬧᬢᬾᬓᭀᬃ᭞ᬢᬫ᭄ᬬᬸᬦᬾᬗᬚᭂᬗᬗᬦᬲᬶ᭞ᬯᬾᬦ᭄ᬢᭂᬦ᭄ᬦᬗ᭄ᬓᬶᬮ᭄ᬓᬧᬸᬭᬶ᭞ᬗᬸᬦᬶᬗᬬᬂᬭᬶᬂᬲᬂᬧ᭄ᬭᬪᬸ᭞ᬲᬵᬦ᭄ᬢᬸᬓᬦᬾᬭᬶᬂᬧᬲᬃ᭞ᬧᬜ᭄ᬚᬓᬾᬳᬗᭀᬩ᭄ᬗᬦ᭄ᬢᭂᬦᬶᬦ᭄᭞ᬳᬦᬓ᭄ᬩᬕᬸ
ᬲ᭄᭞ᬢᬸᬮ᭄ᬬᬓᬤᬶᬚᬬᬾᬂᬡ᭟ᬓᬧᬶᬗᭀᬦ᭄ᬲᬫᬶᬗᬗᭂᬦᬫᬂ᭞ᬲᬂᬧ᭄ᬭᬪᬸᬳᬃᬱᬗᭂᬲᬾᬗᬶᬦ᭄᭞ᬢᬫ᭄ᬬᬸᬦᬾᬫᬗ᭄ᬤᬓᬚ᭄ᬭᭀ᭞ᬲᬗ᭄ᬓᭀᬢᬸᬲ᭄ᬫᭂᬤᬮ᭄ᬗᬚᬶᬕ᭄ᬚᬶᬕ᭄᭞ᬗᭀᬚᭀᬕ᭄ᬤᬕᬂᬦᬲᬶ᭞ᬢᬫ᭄ᬬᬸᬦᬾᬲ᭄ᬤᭂᬓ᭄ᬓᬧᬗ᭄ᬕᬸᬄ᭞ᬲᬵᬫ᭄ᬧᬸᬦ᭄ᬗᭂᬦ᭄ᬢᬸᬗᬂ
ᬢᬾᬓᭀᬃ᭞ᬓᬤ᭄ᬲᭂᬓᬃᬓᬢᬸᬦ᭄ᬤᬶᬓᬶᬦ᭄᭞ᬥᬹᬄᬚ᭄ᬭᭀᬢᬫ᭄ᬬᬸ᭞ᬗᬶᬭᬶᬂᬚ᭄ᬭᭀᬦᬾᬗᬧᬸᬂᬬ᭄ᬬᬂ᭟ᬓᭂᬲᬾᬗᬦ᭄ᬳᬦ᭄ᬢᬸᬓ᭄ᬱᬂᬦᬵᬣ᭞ᬫᬗ᭄ᬤᬚ᭄ᬭᭀᬦᬾᬦᬗ᭄ᬓᬶᬮ᭄ᬳᬸᬕᬶ᭞ᬲ᭄ᬩᭂᬂᬲᬂᬓᬾᬲᬗᬦ᭄ᬳᬾᬜᭀᬃ᭞ᬫᬗ᭄ᬕᬸᬢᬦ᭄ᬜᬶᬧ᭄ᬢᬬᬂᬗᬶᬭᬶᬂ᭞ᬳᬶᬚᬸᬭᬭᬶᬲ᭄ᬫᬫᬃᬕ᭄ᬕᬶ᭞ᬓ
ᬧᬸᬭᬶᬫ᭄ᬤᭂᬓ᭄ᬱᬂᬧ᭄ᬭᬪᬸ᭞ᬲ᭄ᬤᭂᬚ᭄ᬭᬶᬂᬳᬫ᭄ᬩᬾᬦ᭄ᬕᭂᬤᭀᬂ᭞ᬲᬂᬧ᭄ᬭᬪᬸᬓᬧᬶᬗᭀᬦ᭄ᬗᬓ᭄ᬱᬶ᭞ᬢᬫᬾᬂᬮᬓᬸᬂ᭞ᬲᬂᬦᬗ᭄ᬓᬶᬮ᭄ᬦᬧᬓ᭄ᬫᬲᬶᬮ᭟ᬲᬤᬫᭂᬧᭂᬲ᭄ᬫᬢᬗᬦᬦ᭄᭞ᬓᬲᭀᬩ᭄ᬲᬂᬧ᭄ᬭᬪᬸᬫᬗᬓ᭄ᬱᬶ᭞ᬳᬦᬓ᭄ᬱᭀᬮᬄᬩᬕᬸᬲ᭄ᬳᬦᭀᬫ᭄᭞ᬲᬭᬭᬲᬾᬧᬗᬸᬲ᭄ᬧ
[᭖ 6A]
ᬗᬶᬤ᭄᭞ᬓᬧᬃᬡ᭄ᬦᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬧᬦ᭄ᬢᭂᬲ᭄ᬳᭂᬮᬸᬄᬳᭂᬮᬸᬄᬳᬾᬩᬸᬤᬸᬄ᭞ᬮᬶᬗ᭄ᬮᬸᬂᬧᬮᬶᬂᬫᬘ᭄ᬧᭀᬮ᭄᭞ᬦ᭄ᬧᬸᬓᬶᬦ᭄ᬢᬭᬸᬡᬕᭂᬜ᭄ᬚᬶᬂ᭞ᬓᬧᬶᬮᬸᬮᬸᬢ᭄᭞ᬫᬓᬶᬢᬜ᭄ᬭᬳᬂᬳᬯᬓ᭄᭟ᬲᬂᬧ᭄ᬭᬪᬸᬓᬤᬶᬜᬸᬫ᭄ᬧᭂᬦ᭞ᬯ᭄ᬓᬲᬦ᭄ᬳᬾᬮᬶᬂᬦᬓᬾᬦᬶᬦ᭄᭞ᬉᬮᬶᬤᬶ
ᬚᬚ᭄ᬭᭀᬦᬾᬓᬧᭀ᭞ᬥᬹᬄᬲᬧᬲᬶᬭᬧᬧᬲᬶᬄ᭞ᬦᬧᬶᬩ᭄ᬯᬢᬂᬫᬭᬶᬓᬶ᭞ᬲᬂᬓᬢᬓᬾᬦᬦ᭄ᬢᬮᬗ᭄ᬓᬸᬧ᭄‌᭞ᬧᬺᬦᬵᬣᬫᬢᬗᬦᬦ᭄᭞ᬥᬹᬄᬳᬫ᭄ᬧᬸᬭᬰ᭄ᬭᬷᬪᬹᬧᬢᬶ᭞ᬢᬶᬢ᭄ᬬᬂᬚᬸᬕᬸᬮ᭄᭞ᬢᬦ᭄ᬳᬸᬦᬶᬂᬭᬶᬂᬰᬶᬮᬓ᭄ᬭᬫ᭟ᬢᬶᬢ᭄ᬬᬂᬲᬓᬾᬂᬩᬵᬮᬶᬅ
ᬕ᭞ᬫᬕ᭄ᬦᬄᬭᬶᬂᬩᬮᬾᬃᬩᬸᬓᬶᬢ᭄᭞ᬫᬯᬵᬱ᭄ᬝᬧ᭄ᬭᬤᬾᬰᬢ᭄ᬬᬜᬃ᭞ᬫᬉᬫᬄᬦᬾᬫ᭄ᬧᭂᬓ᭄ᬧᬲᬶᬲᬶ᭞ᬯᬶᬰᬬᬦᬾᬫᬫᬜ᭄ᬘᬶᬂ᭞ᬭᬶᬂᬲᬕᬭᬫᬓ᭄ᬢᬚᬸᬓᬸᬂ᭞ᬯᬲ᭄ᬢᬸᬧᭀᬮᬶᬄᬲᭂᬗ᭄ᬓᬯᭀᬦ᭄᭞ᬓᬵᬮᬫᬮᬬᬃᬭᬶᬂᬧᬶᬗ᭄ᬕᬶᬃ᭞ᬓᬜ᭄ᬘᬶᬢ᭄ᬭᬯᬸᬄ᭞ᬳᭀ
ᬫ᭄ᬩᬓ᭄ᬳᬕᭂᬂᬢᬦ᭄ᬧᬵᬦ᭄ᬳᬭ᭟ᬚᬸᬓᬸᬗᬾᬓᬤᬶᬲᬩᬢᬂ᭞ᬫᬧᬸᬳᬭᬗ᭄ᬮᬸᬗᬓᬦ᭄ᬢᬶᬄ᭞ᬓᬫᬸᬤᬶᬮᬦ᭄ᬩᬶᬤᬓ᭄ᬢᬾᬓᭀᬮ᭄᭞ᬕᬸᬮᬸᬂᬳᭀᬫ᭄ᬩᬓ᭄ᬢᭂᬫ᭄ᬧᬸᬄᬳᬗᬶᬦ᭄᭞ᬮᬜ᭄ᬘᬸᬢᬾᬳᬕᭃᬂᬦᬶᬕ᭄ᬢᬶᬕ᭄᭞ᬤᬸᬭᬸᬲ᭄ᬗᬢ᭄ᬗᬢᬂᬳᬜᬸᬤ᭄᭞ᬲᬕᬾᬢ᭄ᬭᬯᬸᬄᬭᬶᬂ [ 7 ][᭖ 6B]
᭖
ᬮᭀᬫ᭄ᬩᭀᬓ᭄᭞ᬯᬳᬸᬏᬮᬶᬂᬢᬶᬢ᭄ᬬᬂᬓᬫ᭄ᬧᬶᬄ᭞ᬳᬫ᭄ᬧ᭄ᬯᬂᬳᬯᬸᬲ᭄᭞ᬮᬲ᭄ᬬᬉᬭᬶᬧ᭄‌ᬗ᭄ᬕᬶᬂᬲᬗ᭄ᬲᬭ᭟ᬲᬧᬸᬦᬶᬓᬧᬶᬤᬕᬶᬗᬦ᭄᭞ᬳᬯᬶᬦᬦ᭄ᬭᬯᬸᬄᬳᬶᬭᬶᬓᬶ᭞ᬲᬂᬧ᭄ᬭᬪᬸᬓᬵᬗᭂᬦ᭄ᬫᬶᬳᬃᬱ᭞ᬫᬢᬓᬾᬦ᭄ᬜᬸᬚᬸᬳᬂᬫᬮᬶᬄ᭞ᬜᬾᬦ᭄ᬳᬤᬜ᭄ᬢ᭄ᬭᭀ
ᬦᬚᬢᬶ᭞ᬳᬧᬂᬤᬦᬜ᭄ᬘᬭᬢᬦ᭄ᬤ᭄ᬭᬸᬄ᭞ᬲᬗ᭄ᬓᬢᬓᬾᬦᬦ᭄ᬩᭂᬗᭀᬂ᭞ᬭᬸᬧᬓᬦ᭄ᬢᭂᬦ᭄ᬫᬫᬶᬦᭂᬳᬶᬦ᭄᭞ᬓᬶᬫᬸᬤ᭄ᬫᬵᬢᬹᬃ᭞ᬗᬸᬦᬶᬗᬂᬓᬵᬯᬗᬦ᭄ᬫᬾᬦᬓ᭄᭟ᬲᬂᬧ᭄ᬭᬪᬸᬯ᭄ᬭᬸᬳᬂᬲ᭄ᬫᬶᬢ᭞ᬤᬯᬸᬄᬯᬘᬦᬦᬾᬫᬦᬶᬲ᭄᭞ᬤᭀᬗᬸᬤᬫᬶᬭᬶᬩ᭄ᬦᬸᬗᬸᬩ᭄ᬤ᭞
ᬫᬢᬓᭂᬄᬘᬭᬫᬮᬧᬦᬶᬦ᭄᭞ᬫᬢᬗᬭᬦ᭄‌ᬚ᭄ᬦᭂᬂᬗᭂᬩᬗᬶᬦ᭄᭞ᬫᬶᬦᬩ᭄‌ᬗᭂᬦᬓ᭄ᬱᬶᬗᬤᬗᬸᬕᬸ᭞ᬳᬭᬄᬬᬦ᭄ᬲᬸᬩᬲᬚ᭞ᬫᬲᬳᬤᬦᬾᬦᬶᬤᭀᬗᬶᬦ᭄᭞ᬫᭂᬧᭂᬲ᭄ᬫᬵᬢᬹᬃ᭞ᬲᬗ᭄ᬓᬢᬓᬾᬦᬦ᭄ᬧ᭄ᬭᬦᬫ᭄ᬬ᭟ᬤᬕᬶᬂᬢᬶᬢ᭄ᬬᬂᬫᬦ᭄ᬤᬯᭂᬕᬂ᭞ᬧ᭄ᬭ
ᬤᬾᬕᬳᬢᬹᬃᬢᬶᬢ᭄ᬬᬂᬲᬶᬲᬶᬧ᭄᭞ᬧᬶᬲᬺᬂᬘᭀᬓᭀᬃᬳᬶᬤᬾᬯ᭞ᬫᬗ᭄ᬤᬢᬶᬢ᭄ᬬᬂᬫᬵᬢᬹᬃᬉᬦᬶᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬕᬸᬫᬦ᭄ᬢᬶ᭞ᬳᭀᬓᬦ᭄ᬳᬶᬕᬸᬲ᭄ᬢᬶᬯᭀᬄᬮᬦ᭄ᬤᬸᬂ᭞ᬢᭀᬲ᭄ᬕᬃᬬ᭄ᬬᬕᬚᬄᬧᬭ᭞ᬓᬯᬶᬢᬦ᭄ᬢᬶᬢ᭄ᬬᬗᬾᬗᬹᬦᬶ᭞ᬫᬗ᭄ᬓᬶᬦ᭄ᬮᬘᬸᬃ᭞ᬕᬸᬲ᭄ᬢᬶ
[᭗ 7A]
ᬕ᭄ᬢᬲ᭄ᬯ᭄ᭉᬵᬱ᭄ᬝᬦ᭄ᬢᬶᬢ᭄ᬬᬂ᭟ᬲᬗ᭄ᬲᬭᬉᬩᬸᬄᬭᬭᬫ᭞ᬲᬓᬾᬂᬳᬮᬶᬢ᭄ᬓᬢᬶᬗ᭄ᬕᬮᬶᬦ᭄᭞ᬢᬦ᭄ᬧᭀᬭᬢ᭄ᬤᬤᭀᬲ᭄ᬫᬦᬸᬱ᭞ᬲᬂᬧ᭄ᬭᬪᬸᬓᬵᬗᭂᬦ᭄ᬫᬶᬳᬃᬱᬶ᭞ᬲᬳᬯᬘᬦᬫᬦᬶᬲ᭄᭞ᬗᬸᬤᬕᬸᬲ᭄ᬢᬶᬓᬾᬫᬤ᭄ᬓᬶᬫᬸᬤ᭄᭞ᬬᬦ᭄ᬳᬸᬮᬢᬂᬤᬶᬕᭀᬩ᭞ᬧᬦ᭄ᬢᭂᬲ᭄ᬕᬸᬲ᭄ᬢᬶ
ᬳᬦᬓ᭄‌ᬗ᭄ᬦᬯᬶᬄ᭞ᬬᬤᬶᬦ᭄ᬓᭂᬮᬸᬲ᭄᭞ᬧᬦ᭄ᬢᭂᬲ᭄ᬓᬯ᭄ᬯᬗᬦ᭄ᬫᬾᬦᬓ᭄᭟ᬳᬧᬂᬢ᭄ᬯᬭᬤᬤᬶᬮᬦ᭄ᬢᬂ᭞ᬜᬓ᭄ᬕᬸᬲ᭄ᬢᬶᬤᬶᬦᬶᬫᬕᬸᬫᬶ᭞ᬓᬤᬸᬂᬲᬸᬩᬓᬢᬸᬥᬸᬳᬂ᭞ᬳᬦ᭄ᬢᬸᬓ᭄ᬳᬶᬤᬲᬂᬳ᭄ᬬᬂᬯᬶᬥᬷ᭞ᬤᬶᬲᬲᬓ᭄ᬕᬸᬲ᭄ᬢᬶᬓᬫ᭄ᬧᬶᬄ᭞ᬚᬮᬦ᭄ᬤᬶᬦᬶᬫᬵᬮᬳᬬᬸ᭞ᬤᬶᬰᬾᬮ
ᬳᬭᬂᬦᭀᬗᭀᬲ᭄᭞ᬕᬸᬫᬶᬦᬾᬩᬋᬂᬓᭂᬜ᭄ᬘᬦᬶᬦ᭄᭞ᬳᬕᭂᬢ᭄ᬮᬘᬸᬃ᭞ᬤᬶᬲᬲᬓ᭄ᬚᬮᬦ᭄ᬫᬲᬾᬢᬺ᭟ᬓᬫᭂᬫᭂᬕᬦ᭄ᬕᬸᬲ᭄ᬢᬶᬕ᭄ᬢᬲ᭄᭞ᬦᬢᬓ᭄ᬯᬘᬦᬦ᭄ᬰ᭄ᬭᬶᬳᬚᬷ᭞ᬓᬧᬶᬦᭂᬄᬲᬗ᭄ᬓᬦᬶᬂᬩᭀᬩᭀᬢ᭄᭞ᬓᬳ᭄ᬬᬸᬦ᭄ᬳᬶᬤᬗᬦ᭄ᬤᭂᬕ᭄ᬦᬭᬶ᭞ᬲᬤᬗᬶᬜ᭄ᬘᬸᬦᬶᬦ᭄ᬕᬸᬫᬶ᭞
ᬬᬦ᭄ᬢᬸᬮᬓ᭄ᬓᬩᬯᭀᬲ᭄ᬩᭂᬕᬸᬕ᭄᭞ᬲᬶᬂᬜᬫᭂᬗ᭄ᬕᬄᬧᬶᬤᬸᬓ᭞ᬓᬲᬼᬓ᭄ᬢᬸᬃᬫᬵᬢᬹᬃᬲᬶᬲᬶᬧ᭄᭞ᬥᬹᬄᬲᬂᬧ᭄ᬭᬪᬸ᭞ᬲᬧᬸᬦᬧᬶᬳᬦ᭄ᬢᬸᬓ᭄ᬢᬶᬢ᭄ᬬᬂ᭟ᬫᬵᬢᬹᬭᬶᬂᬘᭀᬓᭀᬃᬳᬶᬤᬾᬯ᭞ᬤᬾᬦᬶᬂᬢᬫ᭄ᬩᭂᬢ᭄ᬢᬸᬦᬩᬸᬤ᭄ᬥᬶ᭞ᬫᬾᬯᭂᬄᬢᬶᬢ᭄ᬬᬂᬗᬫᬦᬳᬂ᭞ᬓᬥᬯᬸᬄ [ 8 ][᭗ 7B]
᭗
ᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬫᬶᬗ᭄ᬤᭀᬄᬓᬲᬶᬤ᭄ᬥᬾᬗ᭄ᬕᬢᬶ᭞ᬳᬦ᭄ᬢᬸᬓ᭄ᬓᭀᬮᬸᬕᬾᬓᬗ᭄ᬓᬸᬂ᭞ᬳᬶᬲᬗ᭄ᬓᬸᬃᬫᬵᬩᭂᬢ᭄ᬚᬫ᭄ᬧ᭄ᬭᬄ᭞ᬢᬦ᭄ᬧᬭᬶᬯᬗ᭄ᬤᬾᬗᭂᬩᬸᬓᬶᬦ᭄᭞ᬓ᭄ᬦᬶᬲ᭄ᬧᬸᬂ᭞ᬧᬮᬸᬗ᭄ᬕᬸᬄᬘᭀᬓᭀᬃᬳᬶᬤᬾᬯ᭟ᬩᬶᬮᬶᬄᬧᬘᬂᬫᬗ᭄ᬕᬸᬄᬏᬭᬂ᭞ᬳᬶᬗ᭄ᬕᬶᬄᬢᬶᬢ᭄ᬬᬂᬜ
ᬤ᭄ᬬᬗᬶᬭᬶᬂ᭞ᬤᬤᭀᬲ᭄ᬧᬋᬓᬦ᭄ᬫᬫᭀᬮᭀᬲ᭄᭞ᬢᬦ᭄ᬗᬶᬭᬶᬂᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬜᬤ᭄ᬬᬗᬢᬹᬭᬂᬉᬭᬶᬧ᭄᭞ᬳᬶᬭᬶᬓᬶᬭᬶᬂᬧᬸᬭᬶᬳᬕᬸᬂ᭞ᬫᬵᬳᭂᬲᭂᬫ᭄ᬳᬶᬤᬲᬗ᭄ᬓᬢᭀᬂ᭞ᬓᬾᬯᬮᬜᬓ᭄ᬕᬸᬲ᭄ᬢᬶᬤᬶᬦᬶ᭞ᬲᭀᬓ᭄ᬫᬲᬗ᭄ᬕᬸᬧ᭄᭞ᬲᬭᬳᬶᬥᭂᬧᬾᬧᬸᬗ᭄ᬓᬸᬭ
ᬦ᭄᭚᭐᭚ᬧᬸᬧᬸᬄᬧᬗ᭄ᬓᬸᬃ᭚᭐᭚ᬓᬲ᭄ᬯᬾᬦ᭄ᬲ᭄ᬯᬾᬦ᭄ᬭᬶᬂᬰᬾᬮᬧᬭᬂ᭞ᬕᬸᬲ᭄ᬢᬶᬕ᭄ᬢᬲ᭄ᬫᬫᬋᬓᬦ᭄ᬭᬶᬂᬧᬸᬭᬶ᭞ᬓᬳᬾᬫᬦ᭄ᬳᬦ᭄ᬢᬸᬓ᭄ᬱᬂᬧ᭄ᬭᬪᬸ᭞ᬲᬓᬭᬶᬂᬤᬦᬾᬧ᭄ᬭᬚ᭄ᬜ᭄ᬬᬦ᭄᭞ᬘᭂᬢᬾᬂᬦᬶᬣᬶᬘᬾᬱ᭄ᬝᬓᬭᬗ᭄ᬢᬸᬲ᭄ᬓᬳ᭄ᬬᬸᬦ᭄᭞ᬳᬶᬤᬲᬂᬫᬸᬦ᭄ᬤᭂᬭᬂᬚᬕᬢ᭄᭞
ᬭᬶᬯ᭄ᬓᬲ᭄ᬓᬲᬶᬦᬸᬂᬮᬶᬗ᭄ᬲᬶᬃ᭟ᬤᬤᭀᬲ᭄ᬢᬚ᭄ᬦᭂᬂᬓᬚᬯᬢ᭄᭞ᬓᬲᬸᬓ᭄ᬱᬭᬤᬦᬾᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬬᭀᬕ᭄ᬬᬦᬶᬩᬓᬂᬧᬫᬵᬢᬹᬢ᭄᭞ᬭᬶᬂᬲᬂᬲ᭄ᬤᭂᬓ᭄ᬫᬯ᭄ᬬᬭ᭞ᬢ᭄ᬕᬮ᭄ᬘᬭᬶᬓ᭄‌ᬫᬢᬸᬗ᭄ᬓᬲ᭄ᬗᬶᬦ᭄ᬤᬶᬓᬂᬧᬤᬸᬫ᭄᭞ᬫ᭄ᬯᬂᬲᬓᬜ᭄ᬘᬦ᭄ᬕᬱ᭄ᬝᬘᭀᬭᬄ᭞ᬯ᭄ᬦᬂ
[᭘ 8A]
ᬤᬦᬾᬫᬶᬩᬾᬦ᭄ᬲᬶᬲᬶᬧ᭄᭟ᬲᬲᬸᬓᬢ᭄ᬤᬦᬾᬫᬗ᭄ᬕᬮ᭞ᬫᬧᬶᬤᬩ᭄ᬤᬩ᭄ᬓᬗ᭄ᬓᬢ᭄ᬮᬗ᭄ᬕᭂᬂᬲᬸᬢᬺᬧ᭄ᬢᬶ᭞ᬚᬕᬢᬾᬲᬸᬦᬶᬓ᭄ᬱᬮᬦ᭄ᬤᬸᬄ᭞ᬭᬚᭂᬕ᭄ᬮᬶᬗ᭄ᬕᬶᬄᬲᬂᬦᬵᬣ᭞ᬭᬾᬄᬕᬸᬫᬦ᭄ᬢᬶᬤᬦᬾᬯᬶᬓᬦ᭄ᬭᬶᬂᬧᬫᬵᬢᬹᬢ᭄᭞ᬓᬸᬓᬸᬄᬗᬫᭂᬮᬂᬧᬓᬺᬢ᭄ᬢᬦ᭄
᭞ᬉᬚᬃᬧᬶᬲᬦ᭄ᬳᬸᬭᬶᬧ᭄᭟ᬤᬸᬮᬸᬭᬶᬦ᭄ᬢᬢᬲ᭄ᬧᬯᬶᬓᬦ᭄᭞ᬭᬶᬂᬅᬕᬫᬯᬓ᭄ᬢᬸᬢᬶᬕᬲᬸᬚᬢᬶ᭞ᬯᬭᬯᬭᬄᬲᬂᬫᬵᬪᬶᬓ᭄ᬱᬸ᭞ᬫᬧᬭᬩ᭄‌ᬫ᭄ᬧᬸᬦᬶᬭᬵᬃᬣ᭞ᬤᬸᬓ᭄ᬭᬶᬂᬲᬲᬓ᭄‌ᬫᬧᬭᬩ᭄ᬢᬸᬯᬦ᭄ᬲᬸᬫᬾᬭᬸ᭞ᬓᬵᬮᬶᬦᬶᬂᬳᬶᬤᬳᬶᬭᬶᬓ
᭞ᬫᬭᬓᬂᬅᬕᬵᬫᬰᬸᬘᬶ᭟ᬭᬶᬗ᭄ᬓᬭᬂᬤᬬᬶᬦ᭄ᬧᭂᬘᬓ᭄᭞ᬓᬯᬶᬢ᭄‌ᬢ᭄ᬥᬸᬦ᭄ᬧᬗᬾᬭᬦ᭄ᬲᬗᬸᬧᬢᬶ᭞ᬧᬲᬾᬗᬦ᭄ᬳᬶᬤᬲᬂᬯᬶᬓᬸ᭞ᬫᬳᬶᬭᬶᬗᬦ᭄ᬧᬶᬢᬸᬂᬤᬰ᭞ᬗᬮᬸᬗ᭄ᬳᬦᬶᬦ᭄‌ᬧᬗᬸᬢᬸᬲ᭄ᬳᬶᬤᬲᬂᬧ᭄ᬭᬪᬸ᭞ᬰ᭄ᬭᬷᬪᬢᬹᬃᬳᬾᬗ᭄ᬕᭀᬂᬪᬶ
ᬱᬾᬓ᭞ᬲᬂᬕᬸᬡᬕᬡᬭᬶᬂᬩᬵᬮᬶ᭟ᬬᬦ᭄ᬳᬓᭀᬘᬧ᭄ᬤᬸᬓ᭄ᬧᬸᬦᬶᬓ᭞ᬧᬜ᭄ᬚᬓ᭄ᬱᬲᬓ᭄‌ᬲ᭄ᬤᭂᬓ᭄ᬓᬢᬶᬩᬦᬗ᭄ᬭᬶᬂ᭞ᬳᬯᬶᬦᬦ᭄ᬳᬶᬤᬓᬢᬸᬯᬸᬃ᭞ᬓᬲᬲᬓ᭄ᬫᬢᬢᬫ᭄ᬩᬦ᭄᭞ᬓᬲᬸᬩ᭄ᬰᬓ᭄ᬢᬶᬗᬶᬘᬮᬂᬲᬫᬮᬗᭂᬦᬢᬸᬄ᭞ᬕ᭄ᬭᬶᬂᬳᬕᬸᬂᬲᬓ᭄ᬱᬡ [ 9 ][᭘ 8B]
᭘
ᬧᬸᬦᬄ᭞ᬲᬲᬸᬓᬢ᭄ᬳᬶᬤᬦ᭄ᬥᬸᬦᬶᬦ᭄᭟ᬳᬯᬶᬦᬦ᭄ᬲᬧᬜ᭄ᬚᬓ᭄ᬱᬲᬓ᭄᭞ᬳᬕᬸᬗᬮᬶᬢ᭄ᬳᬗᭀᬩ᭄ᬲᬸᬫᬸᬬᬸᬕ᭄ᬫᬸᬚᬶ᭞ᬓᬲᬶᬤ᭄ᬥᬾᬦ᭄ᬳᬶᬤᬲᬂᬯᬶᬓᬸ᭞ᬲᬓ᭄ᬱᬢ᭄ᬤᬾᬯᬲᬓᬮ᭞ᬗᬶᬘ᭄ᬙᬾᬦ᭄ᬳᬸᬭᬶᬧ᭄‌ᬜᬸᬗ᭄ᬓᭂᬫᬶᬦ᭄ᬢᬸᬯᬦ᭄ᬲᬫᬾᬭᬸ᭞ᬫᬓᬦᬪᬶᬦ᭄ᬯᬓ᭄ᬢᬸ
ᬢᬶᬕ᭞ᬓᬦ᭄ᬢᬸᬦ᭄ᬫᬗ᭄ᬕᭂᬄᬭᬯᬸᬄᬫᬗ᭄ᬓᬶᬦ᭄᭟ᬚᬮᬭᬦ᭄ᬳᬶᬕᬸᬲ᭄ᬢᬶᬕ᭄ᬢ᭞ᬓᬾᬥᬍᬫᬶᬦ᭄ᬳᬦ᭄ᬢᬸᬓ᭄ᬧᬜ᭄ᬚᬓᬾᬲᬫᬶ᭞ᬤᬾᬦᬶᬂᬤᬦᬾᬢᬢᬲ᭄ᬯ᭄ᬭᬸᬄ᭞ᬭᬶᬗ᭄ᬓᬮᬶᬗᬦ᭄ᬅᬕᬵᬫ᭞ᬯᬓ᭄ᬢᬸᬢᬶᬕᬳᬶᬕᬸᬲ᭄ᬢᬶᬧᬭᬦᬶᬂᬢᬦ᭄ᬢᬸᬦ᭄᭞ᬢᬡ᭄ᬥᬫᬦ᭄ᬢ᭄ᬭᬶᬩᬳᬸᬥᬡ᭄ᬥ᭞ᬲᬸᬫᬸ
ᬬᬸᬕ᭄ᬗᬍᬫ᭄ᬫᬫᬸᬚᬶ᭟ᬬᬦ᭄ᬲᬯᬗᬂᬢᬭᬸᬮᬢ᭞ᬕᬸᬲ᭄ᬢᬶᬕ᭄ᬢᬲ᭄ᬲᬸᬫᬲᬢ᭄ᬲᬩᭂᬄᬯ᭄ᬗᬶ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬫᬦᬄᬤᬬᬸᬄ᭞ᬲᬧᬜ᭄ᬚᬓ᭄ᬱ᭄ᬳᬾᬮᬧᬭᬂ᭞ᬦᬾᬜᬗ᭄ᬓᭂᬫᬶᬦ᭄᭞ᬓᬥ᭄ᬬᬢ᭄ᬫᬶᬓᬦ᭄ᬯᬓ᭄ᬢᬸᬢ᭄ᬮᬸ᭞ᬯᬶᬓᬦ᭄ᬤᬦᬾᬫᬶᬤᬃᬣᬬᬂ᭞ᬉᬗ᭄ᬕ᭄ᬯᬦᬶᬂᬲᬧᬭᬦ
ᬪᬶ᭟ᬩᭀᬬᬯᬾᬦ᭄ᬢᭂᬦ᭄ᬦᬾᬜᭂᬫ᭄ᬲᭂᬫᬂ᭞ᬕᬸᬲ᭄ᬢᬶᬕ᭄ᬢᬲ᭄ᬓᬬᬥ᭄ᬬᬦ᭄ᬧᭀᬮᬶᬄᬮᬶᬗ᭄ᬕᬶᬄ᭞ᬓᬳᬾᬫᬦ᭄ᬳᬦ᭄ᬢᬸᬓ᭄ᬱᬂᬧ᭄ᬭᬪᬸ᭞ᬤᬾᬦᬶᬂᬕᬸᬫᬶᬦ᭄ᬳᬶᬧ᭄ᬭᬤ᭄ᬜᬦ᭄᭞ᬘ᭄ᬢᬾᬂᬣᬷᬢᬢᬲ᭄ᬯᬶᬓᬦ᭄ᬮᬶᬗᬶᬂᬢᬸᬢᬸᬃ᭞ᬬᬤᬶᬦ᭄ᬰᬶᬮᬢᬢᬓ᭄ᬭᬫ᭞ᬗᬮᬧ᭄ᬓᬲᭀᬃᬤᬦᬾᬳᬸ
[᭙ 9A]
ᬦᬶᬂ᭟ᬜᬦ᭄ᬤᬂᬳᬗ᭄ᬕᬾᬦ᭄ᬢᬢᬸᬮᬤᬦ᭄᭞ᬓᬯᬶᬓᬦ᭄ᬤᬦᬾᬫᬰᬷᬮᬬᬸᬓ᭄ᬢᬶ᭞ᬓᬧᬶᬲᬭᬤᬦᬾᬗᬸᬭᬸᬓ᭄᭞ᬧ᭄ᬭᬯᬗ᭄ᬲᬰᬾᬮᬧᬭᬂ᭞ᬫᬗ᭄ᬤᬉᬦᬶᬂᬫᬢᬢᬢᬢᬦᬶᬂᬮᬸᬗ᭄ᬕᬸᬄ᭞ᬓᬵᬮᬦᬗ᭄ᬓᬶᬮ᭄ᬭᬶᬂᬲᬂᬦᬵᬣ᭞ᬢᬸᬭᬄᬓᬵᬕᬸᬗᬦ᭄ᬭᬶᬂᬩᬵᬮᬶ᭟ᬲᬵ
ᬫ᭄ᬧᬸᬦ᭄ᬮᬫᬶᬓᬘᬭᬶᬢ᭞ᬕᬸᬲ᭄ᬢᬶᬕ᭄ᬢᬲ᭄ᬫᬫᬋᬓᬦ᭄ᬭᬶᬂᬧᬸᬭᬶ᭞ᬲᬚᬦ᭄ᬲᬗ᭄ᬲᬬᬭᬶᬂᬓᬳ᭄ᬬᬸᬦ᭄᭞ᬢᬗᬃᬓ᭄ᬦᬶᬧᬶᬲᬸᬦ᭞ᬬᬦᬶᬂᬫᬗ᭄ᬕᭂᬄᬫᬕ᭄ᬦᬄᬭᬶᬂᬧᬸᬭᬶᬳᬕᬸᬂ᭞ᬲᬩ᭄ᬭᬦ᭄ᬤᬶᬦᬫᬕᬸᬩᬸᬕᬦ᭄᭞ᬭᬶᬂᬯ᭄ᬯᬂᬚ᭄ᬭᭀᬫ᭄ᬯᬂᬧᬭᬭᬩᬶ᭟ᬢᬗᬭᬶᬦ᭄ᬧᬘᬂᬲᭂᬗ᭄ᬓᬮ᭞ᬫᬫ
ᬋᬓᬦ᭄ᬫᬕᬦ᭄ᬢᬸᬂᬩᭀᬓ᭄ᬳᬓᬢᬶᬄ᭞ᬢᬦ᭄ᬤᬸᬕᬶᬧᬺᬦᬵᬣᬫᬵᬢᬹᬃ᭞ᬭᬶᬂᬳᬶᬤᬲᬂᬫᬯᬂᬭᬵᬢ᭄᭞ᬦᬸᬦᬲ᭄ᬮᬸᬕᬺᬫᬧᬫᬶᬢ᭄ᬫᬕᬶᬗ᭄ᬲᬶᬃᬮᬸᬗ᭄ᬕᬸᬄ᭞ᬫᬗ᭄ᬤᬓᬮᬸᬕᬺᬭᬶᬂᬚᬩ᭞ᬫᬕ᭄ᬦᬄᬗᭂᬤᭀᬳᬶᬦ᭄ᬧᬸᬭᬶ᭟ᬲᬂᬧ᭄ᬭᬪᬶᬳᬲᬸᬂᬮᬸᬕ᭄ᬭᬳ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬕᬸᬲ᭄ᬢᬶ
ᬕ᭄ᬢᬲ᭄ᬫᬕᬶᬗ᭄ᬲᬶᬃ᭞ᬚᬸᬫ᭄ᬦᭂᬓ᭄ᬭᬶᬂᬩᬜ᭄ᬚᬃᬲᬦ᭄ᬢᬸᬦ᭄᭞ᬳᬤᭀᬄᬲᬓᬾᬂᬩᬜ᭄ᬘᬶᬗᬄ᭞ᬫᬗᬭᬗᬶᬦ᭄‌ᬗᬶᬭᬶᬂᬯᬘᬦᬦ᭄ᬲᬂᬧ᭄ᬭᬪᬸ᭞ᬦᬄᬤᬶᬢᬸᬕᬸᬲ᭄ᬢᬶᬫᬤᬾᬰ᭞ᬤᬧᭂᬲᬦ᭄ᬢᬸᬮᬓ᭄ᬓᬩᬵᬮᬶ᭟ᬧᬶᬲᬦ᭄ᬕᬸᬲ᭄ᬢᬶᬗᬮᬶᬄᬲᭀᬫᬄ᭞ᬳᬧᬂᬓᬤᬸᬂᬤ᭄ᬫᭂᬦ᭄ᬤᬶᬦᬶᬫᬕᬸ [ 10 ][᭙ 9B]
᭙
ᬫᬶ᭞ᬫᬲᬤᬾᬯᬾᬓ᭄ᬢᬶᬢ᭄ᬬᬂᬭᬢᬸ᭞ᬧᬲᬯᬸᬃᬕᬸᬲ᭄ᬢᬶᬕ᭄ᬢᬲ᭄᭞ᬢᬶᬢ᭄ᬬᬂᬗᬶᬭᬶᬂᬤᬸᬫᬤᬓ᭄ᬯᬾᬦ᭄ᬢᭂᬦ᭄ᬫᬗᬸᬕᬸ᭞ᬫᬾᬲᭂᬫ᭄ᬲᬂᬧ᭄ᬭᬪᬸᬗᬦ᭄ᬤᬶᬓ᭞ᬫᬲᬓᬸᬯᬂᬕᬸᬲ᭄ᬢᬶᬤᬶᬦᬶ᭟ᬳᬦᬓ᭄ᬮᬸᬄᬳᬗ᭄ᬕᭀᬦ᭄ᬧᬗᬬᬄᬫ᭄ᬲᬭᬕᬸᬲ᭄ᬢᬶᬫᬶᬮᬶᬳᬶᬦ᭄ᬦᬾᬤ᭄ᬫᭂᬦᬶᬦ᭄᭞ᬬᬦ᭄ᬲᬸ
ᬩᬓ᭄ᬦᭂᬳᬾᬘᬸᬫ᭄ᬧᬸ᭞ᬬᬤᬶᬦ᭄ᬫᬯᬗ᭄ᬲᬫᬾᬦᬓ᭄᭞ᬮᬓᬃᬳᬶᬤᬶᬄᬲᬭᬢᬂᬳᬧᬗᬧᬬᬸ᭞ᬕᬸᬲ᭄ᬢᬶᬳᬾᬗ᭄ᬕᬮ᭄ᬗᬮᬶᬄᬲᭀᬫᬄ᭟ᬳᬦᬾᬚ᭄ᬕᬾᬕᬦ᭄ᬧᬶᬮᬶᬳᬶᬦ᭄᭟ᬲᬭᬢ᭄ᬧᬗᬗ᭄ᬲᭀᬓ᭄ᬱᬂᬦᬵᬣ᭞ᬫᬶᬓ᭄ᬤᭂᬳᬂᬕᬸᬲ᭄ᬢᬶᬕ᭄ᬢᬲ᭄ᬫᬭᬩᬶ᭞ᬢᬹᬃᬤᬦᬾ
ᬢᬦ᭄ᬧᬜ᭄ᬚᬂᬳᬢᬹᬃ᭞ᬗᬶᬭᬶᬂᬓᬳ᭄ᬬᬸᬦ᭄ᬲᬂᬦᬵᬣ᭞ᬯᬸᬲ᭄ᬫᬕᬶᬗ᭄ᬲᬶᬃᬚᬸᬫ᭄ᬦᭂᬓ᭄ᬭᬶᬂᬩᬜ᭄ᬚᬃᬲᬦ᭄ᬢᬸᬦ᭄᭞ᬲᬓᬾᬂᬧᬸᬦᬶᬓᬗᬯᬶᬦᬂ᭞ᬤᬦᬾᬫᬕᭂᬦ᭄ᬢᭀᬲ᭄ᬧᬧᬲᬶᬄ᭟ᬗᬦᬹᬢᬶᬦ᭄ᬕᭂᬦᬄᬫᬩᬜ᭄ᬚᬃ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬧᬭᬩᬾᬫᬗ᭄ᬓᬶᬦ᭄᭞ᬧᬗᬍᬫ᭄ᬲᬧ
ᬜ᭄ᬚᬓ᭄ᬤᬸᬲᬸᬦ᭄᭞ᬲᬓᬾᬂᬳᬶᬧᬸᬦ᭄ᬜᬶᬗ᭄ᬕᬶᬳᬂ᭞ᬕᬸᬲ᭄ᬢᬶᬕ᭄ᬢᬲ᭄‌ᬤᬾᬦᬶᬂᬲᬵᬫ᭄ᬧᬸᬦ᭄ᬧᭀᬮᬶᬄᬮᬸᬗ᭄ᬕᬸᬄ᭞ᬤᬤᭀᬲ᭄ᬚᬚ᭄ᬜᭂᬂᬧ᭄ᬭᬲᬶᬤ᭄ᬥ᭞ᬫᬂᬕᭂᬄᬭᬵᬤᬾᬦ᭄ᬧᭂᬘᬓ᭄ᬕᬸᬲ᭄ᬢᬶ᭟ᬳᬕᬸᬂᬳᬮᬶᬢ᭄ᬗᭂᬦ᭄ᬢᭀᬲ᭄ᬩᬲ᭞ᬫᬵᬢᬹᬃᬭᬵᬤᬾᬦ᭄ᬭᬶᬂᬲᬗᬶᬂᬩᬜ᭄ᬚᬃᬲᬭᬶ᭞ᬓᬮᭀ
[᭑᭐ 10A]
ᬓᬲ᭄ᬦᭂᬂᬫᬕᬸᬩᬸᬕ᭄᭞ᬯᬶᬓᬦ᭄ᬗᬮᬧ᭄ᬧᬶᬢᬺᬱ᭄ᬡ᭞ᬲᬗ᭄ᬓᬦ᭄ᬳᬲᬶᬄᬧᬜ᭄ᬚᬓᬾᬭᬶᬂᬤᬸᬲᬸᬦ᭄ᬤᬸᬲᬸᬦ᭄᭞ᬘ᭄ᬭᬶᬓ᭄ᬓᭂᬮᬶᬄᬩᬚᬂᬢᬸᬯ᭞ᬲᬸᬫᬸᬬᬸᬕ᭄ᬓᬩᬜ᭄ᬚᬃᬲᬭᬶ᭟ᬲᬬᬦ᭄ᬓᬾᬄᬲᬋᬂᬫᬤᬾᬰ᭞ᬓᬗ᭄ᬓᬢ᭄ᬤᭀᬫ᭄ᬬᬭᬶᬂᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬓᬤᬶᬳᬭᬤ᭄ᬓ
ᬧᬶᬮᬸᬮᬸᬢ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬾᬄᬕᬸᬫᬦ᭄ᬢᬶᬲᬸᬫᬤ᭄ᬬᬤᬦᬾᬫᬕᬸᬩᬸᬕ᭄᭞ᬚᬦ᭄ᬢᭀᬲ᭄ᬲᬯᬢᭂᬓ᭄ᬳᬸᬧᬜ᭄ᬚᬃ᭞ᬩᬶᬲᬓᬦ᭄ᬩᬸᬦ᭄ᬢᬸᬢᬾᬕ᭄ᬦᬸᬢ᭄᭟ᬫᬓᬶᬢᬓᬩᬜ᭄ᬚᬃᬲ᭄ᬓᬃ᭞ᬜᬩ᭄ᬭᬦ᭄ᬗᬗ᭄ᬕᬸᬃᬲᬤᬫᬧᬳ᭄ᬬᬰ᭄ᬘᭂᬧᬶᬂ᭞ᬓᬩᬢᭂᬓ᭄ᬫᬦ
ᬳᬾᬲᬸᬮᬸᬓ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬮᬶᬗ᭄ᬮᬸᬂᬧᬮᬶᬂᬫᬓᬶᬢᬫᬓᬸᬢᬸᬦ᭄ᬳᬲᬸ᭞ᬗᬢ᭄ᬓᬸᬮ᭄ᬗᬢᬹᬭᬂᬳᬬᬄ᭞ᬫᬘᬾᬤᭀᬓ᭄ᬱᬗ᭄ᬕᬄᬗᬮᬦ᭄ᬢᬶᬂ᭟ᬘᬭᬓ᭄ᬦᬶᬚᬭᬶᬂᬲᬸᬢᬺ᭞ᬉᬬᬂᬧᬮᬶᬂᬲᬩᬶᬮᬂᬧᬸᬍᬲ᭄ᬫᬗᬶᬧᬶ᭞ᬫᬓᬸᬜᬶᬢ᭄ᬳᬮᬲ᭄ᬫᬢ᭄ᬫᬸ᭞
ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬱᬫᬵᬩᬶᬦ᭄‌ᬲᬮᬶᬂᬳᬭᬲ᭄ᬲᬮᬶᬂᬭᬸᬫ᭄ᬭᬸᬫ᭄᭞ᬤᬲᬃᬫ᭄ᬓᬬᬦ᭄ᬭᬱᬬᬂ᭞ᬢᭀᬫ᭄ᬧᭂᬮᭀᬓ᭄ᬳᬮᬸᬲ᭄ᬤᭂᬓ᭄ᬗᬩᬶᬂ᭟ᬓᭂᬲ᭄ᬬᬩ᭄ᬓᭂᬲ᭄ᬬᬩ᭄ᬗᬭᬸᬧᬢ᭞ᬓᬧᬸᬧᬸᬗᬦ᭄ᬦᬸᬗᭂᬮᬸᬢ᭄ᬕᬍᬂᬕᬸᬮᬶᬂ᭞ᬕᬩᬕ᭄ᬤᬶᬲᬫ᭄ᬧᬶᬗᬾᬲᬸ [ 11 ][᭑᭐ 10B]
᭑᭐
ᬯᬸᬂ᭞ᬳᬶᬲᭂᬂᬫᬗᬸᬲᬸᬤᬶᬦ᭄ᬧᬶᬓᬂ᭞ᬤᭀᬂᬤᬬᬦᬶᬦ᭄‌ᬜᭂᬗᬗᬮ᭄ᬘᬾᬫᬮ᭄ᬫᬢᬢᬸ᭞ᬳᬸᬭᬸᬢᬸᬭᬸᬢ᭄ᬓᬤᬾᬦ᭄ᬲᬚ᭞ᬳᬶᬦᬦ᭄ᬕᭀᬤᬾᬮ᭄ᬳᬤᬜᬫ᭄ᬧᬶ᭟ᬓᬤᬶᬧᬜ᭄ᬚᬂᬬᬦ᭄ᬳᬸᬘᬧᬂ᭞ᬧᬭᬶᬧᭀᬮᬄᬲᬂᬲ᭄ᬤᬶᬓ᭄ᬩᬶᬦᬮ᭄ᬩᭂᬚᬶᬢ᭄᭞ᬓᬩᬢᭂᬓ᭄ᬳᬦ᭄ᬢᬸ
ᬓ᭄ᬳᬮᬗᬸᬦ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬩᬕᬸᬲ᭄ᬕᭂᬜ᭄ᬚᬶᬂᬦᬵᬗ᭄ᬳᬶᬂᬲᬗ᭄ᬓᬶᬮᬩ᭄ᬢᬦ᭄ᬭᬸᬗᬸ᭞ᬤᬦᬾᬓᬦ᭄ᬢᬸᬦ᭄ᬫᬢᬶᬍᬲᬂ᭞ᬲᭀᬢᬦᬶᬂᬭᬶᬦ᭄‌ᬕ᭄ᬲᬲᬓ᭄ᬗᭂᬫ᭄ᬧᬶ᭟ᬢᬦ᭄ᬧᬾᬦ᭄ᬤᬄᬓᬤᬶᬲᬂᬧᬃᬣ᭞ᬤᬸᬓ᭄ᬓᬕᭀᬥᬳᬦ᭄ᬢᬸᬓ᭄ᬯᬢᭂᬓ᭄ᬯᬶᬥ᭄ᬬᬥᬭᬶ᭞ᬧᬕᭂᬄ
ᬧᬸᬕᬸᬄᬤᬦᬾᬓᬦ᭄ᬢᬸᬦ᭄᭞ᬓᬦ᭄ᬢᭀᬲ᭄ᬳᬶᬤᬲᬂᬦᬵᬣ᭞ᬲ᭄ᬭᬶᬂᬫᬶᬓ᭄ᬤᭂᬄ᭞ᬫᬗ᭄ᬤᬤᬦᬾᬲᬵᬫ᭄ᬧᬸᬦ᭄ᬓᬶᬫᬸᬤ᭄᭞ᬗᬺᬋᬄᬭᬩᬶᬓᬦ᭄ᬤᬶᬓᬬᬂ᭞ᬲᬭᬮᬾᬤᬗᬾᬫᬶᬮᬶᬳᬶᬦ᭄᭟ᬏᬭᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬦᬸᬦᬲ᭄ᬮᬸᬕ᭄ᬭᬫᬧᬫᬶᬢ᭄ᬭᬶᬂᬰ᭄ᬭᬷᬳᬚᬶ᭞ᬳᬬ
ᬢ᭄ᬗᬮᬗ᭄ᬮᬂᬉᬮᬗᬸᬦ᭄᭞ᬫᬶᬦ᭄ᬢᬃᬓᬤᬾᬰᬤᬾᬰ᭞ᬚᬕᬗ᭄ᬮᬶᬓ᭄‌ᬗᬮᬯᬦ᭄ᬲᬧᬭᬯᬥᬸ᭞ᬩᬶᬮᬶᬄᬯᬾᬦ᭄ᬢᭂᬜ᭄ᬚᬢᬸᬓᬃᬫ᭄ᬫ᭞ᬫᬓᬫᬗᬦ᭄ᬢᬸᬗᬦ᭄ᬳᬸᬭᬶᬧ᭄᭟ᬲᬂᬧ᭄ᬭᬪᬸᬳᬲᬸᬂᬮᬸᬕ᭄ᬭᬳ᭞ᬢᬹᬃᬫᬶᬲᬺᬗᬂᬲᬸᬫᬗ᭄ᬤᬾᬦᬦᬾᬤᬶᬕ᭄ᬮᬶᬲ᭄᭞ᬮᬸᬗ᭄ᬕᬲᬧᬭᬦᬶᬂᬮᬓᬸ
[᭑᭑ 11A]
᭞ᬩ᭄ᬯᬢ᭄ᬗᬺᬋᬄᬚᬢᬸᬓᬃᬫ᭄ᬫ᭞ᬲᬶᬤ᭄ᬥᬧᭀᬮᬶᬄᬳᬬᬸᬳᬦᭀᬫ᭄ᬢᬫᬾᬂᬭᬸᬫ᭄ᬭᬸᬫ᭄᭞ᬲᬂᬓᬦ᭄ᬤᬶᬓᬬᬂᬗᬮᬯᬦ᭄᭞ᬢᬦ᭄ᬓᬾᬫᬸᬢ᭄ᬤᬸᬃᬕ᭄ᬕᬫᬾᬗ᭄ᬕᬢᬶ᭟᭚᭐᭚ᬧᬸᬧᬸᬄᬤᬸᬃᬫ᭄ᬫ᭚᭐᭚ᬓᬘᬭᬶᬢᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬮᬸᬗ᭄ᬕ᭞ᬲᬄᬲᬓᬾᬂᬩᬜ᭄ᬚᬃᬲᬭᬶ᭞
ᬳᬬᬢ᭄ᬫᬲᬲᬜ᭄ᬚᬦ᭄᭞ᬜᬸᬲᬸᬧ᭄ᬓᬤᬾᬰᬤᬾᬰ᭞ᬲᬓᬭᬶᬂᬳᬶᬤᬰ᭄ᬭᬷᬳᬚᬶ᭞ᬫᬗᬦ᭄ᬤᬶᬓᬬᬂ᭞ᬫᬗ᭄ᬤᬤᬶᬕ᭄ᬮᬶᬲ᭄ᬫᬭᬩᬶ᭟ᬦᬾᬕᬸᬫᬦ᭄ᬢᬶᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄ᬩᭀᬩᭀᬢᬂ᭞ᬓᬦ᭄ᬤᬶᬓᬬᬂᬫᬶᬮᬶᬳᬶᬦ᭄᭞ᬲᬗ᭄ᬓᬭᬶᬂᬲᬂᬦᬵᬣ᭞ᬩᭀᬩᭀᬢ᭄ᬗᬗ᭄ᬕᬾᬦ᭄ᬧ
ᬋᬓᬦ᭄᭞ᬓᬬᭀᬕ᭄ᬬᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬓᬷᬘ᭄ᬙᬾᬦ᭄ᬯᬶᬪᬵᬯ᭞ᬮᬗ᭄ᬓᬸᬂᬲ᭄ᬯᬾᬘ᭄ᬙᬦ᭄ᬰ᭄ᬭᬷᬳᬚᬶ᭟ᬲᬓᬾᬂᬲᬶᬮᬶᬩ᭄ᬓᬳ᭄ᬬᬸᬦ᭄ᬲᬂᬦᬵᬣᬗᬦ᭄ᬤᭂᬕᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬩᬵᬮᬶ᭞ᬩᬸᬤᬮ᭄ᬲᬓᬾᬂᬲᬲᬓ᭄᭞ᬚ᭄ᬜᭂᬓ᭄ᬭᬶᬂᬰᬾᬮᬧᬭᬂ᭞ᬧᬯᬾᬲ᭄ᬢ᭄ᬭᬶᬳᬗ᭄ᬕᭀᬦ᭄ᬫ
ᬭᬾᬦᬶᬦ᭄᭞ᬭᬾᬄᬓᬦ᭄ᬢᬸᬦ᭄ᬯ᭄ᬮᬮ᭞ᬫᬢ᭄ᬕᬸᬮ᭄ᬢᬦ᭄ᬧᬢᬮᬶ᭟ᬲᬧᬸᬦᬶᬓᬓᬓᬧᬃᬡ᭄ᬦᬳᬦ᭄ᬢᬸᬓ᭄ᬱᬂᬓᬾᬫᬦ᭄᭞ᬓᬳ᭄ᬬᬸᬦ᭄ᬳᬶᬤᬰ᭄ᬭᬷᬳᬚᬶ᭞ᬲᬓᬾᬂᬯᬦ᭄ᬢᬄᬗᬾᬫᬦ᭄᭞ᬫᬗ᭄ᬤᬚ᭄ᬜᭂᬓ᭄ᬭᬶᬂᬲᬲᬓ᭄᭞ᬲᬗ᭄ᬓᬦ᭄ᬭᬵᬤᬾᬦ᭄ᬩᬜ᭄ᬚᬃᬲᬭᬷ᭞ᬢᬍᬃᬜᬭᬢᬂ᭞ᬗᬶᬭᬶᬂ [ 12 ][᭑᭑ 11B]
᭑᭑
ᬓᬳ᭄ᬬᬸᬦ᭄ᬰ᭄ᬭᬷᬳᬚᬶ᭟ᬫᬗ᭄ᬤᬯᬾᬦ᭄ᬢᭂᬦ᭄ᬲᬓ᭄ᬱᬢ᭄ᬳᬗ᭄ᬕᬾᬦ᭄ᬧᬦᬯᬸᬭᬦ᭄᭞ᬲᬶᬄᬥᬦ᭄ᬰ᭄ᬭᬷᬪᬹᬧᬢᬶ᭞ᬲᭀᬢᬦᬶᬂᬓᬳᬾᬫᬦ᭄᭞ᬤᬤᭀᬲ᭄ᬧᬋᬓᬦ᭄ᬲᬬᬂ᭞ᬬᬤᬶᬦ᭄ᬓᬦ᭄ᬤᬶᬓᬬᬫᬢᬶ᭞ᬧᬵᬢᬹᬢ᭄ᬗᬶᬭᬶᬗᬂ᭞ᬢᬦ᭄ᬯᭂᬦᬂᬳᬤ᭄ᬯᬾᬩᬸᬤ᭄ᬥᬶ᭟ᬲᬓᬾᬂᬳᬦ᭄ᬤᭂ
ᬮ᭄ᬓᬳ᭄ᬬᬸᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬶᬂᬧᬗᬾᬫᬦ᭄ᬰ᭄ᬭᬷᬳᬚᬶ᭞ᬲᬗ᭄ᬓᬦ᭄ᬤᬸᬭᬸᬲ᭄ᬮᬸᬗ᭄ᬳ᭞ᬫᬧᬶᬫᬩᭀᬭᭀᬲ᭄ᬓᬶᬤᬂ᭞ᬓᬢᬄᬭᬾᬜ᭄ᬘᬂᬤᬦᬾᬗᬶᬭᬶᬂ᭞ᬫᬓ᭄ᬢᬕᬕᬯᬦ᭄᭞ᬢᬸᬫ᭄ᬩᬓ᭄ᬢᬸᬮᬸᬧ᭄ᬮᬜ᭄ᬚᬭᬶᬂ᭟ᬬᬦ᭄ᬲᬯᬗᬂᬓᬤᬶᬧᬫᬃᬕ᭄ᬕ
ᬦ᭄ᬲᬂᬲᬫ᭄ᬪ᭞ᬤᬸᬓ᭄ᬓᬳᬸᬢᬸᬲ᭄ᬫᬓ᭄ᬫᬶᬢ᭄᭞ᬫᬳᬲ᭄ᬯᬦᬵᬰ᭄ᬭᬫ᭞ᬜᬸᬲᬸᬧ᭄ᬓᬕᬸᬦᬸᬗᬮᬲ᭄᭞ᬓᬾᬲᬄᬲᬓᬾᬂᬩᬜ᭄ᬚᬃᬲᬭᬶ᭞ᬗᬮᬾᬃᬓᬗᬶᬦᬂ᭞ᬗᬸᬗ᭄ᬲᬶᬓᬢ᭄ᬧᬶᬲᬶᬭᬶᬂ᭟ᬩᬶᬮᬂᬤᬗ᭄ᬓᬫᬭᬃᬬ᭄ᬬᬦ᭄ᬭᬶᬂᬤᬾᬰᬤᬾᬰ᭞ᬜᬭᬸᬫᬧᬶᬓ
ᬢ᭄ᬧᬓ᭄ᬱᬶ᭞ᬯᭀᬂᬤᬾᬰᬭᬦ᭄ᬢᬩᬦ᭄᭞ᬮᬸᬄᬫ᭄ᬯᬦᬶᬭᬯᬸᬄᬜᬕ᭄ᬚᬕ᭄᭞ᬚᬦ᭄ᬢᭀᬲ᭄ᬗᬸᬢᬂᬧᬬᬸᬓ᭄ᬦᬲᬶ᭞ᬲ᭄ᬤᭂᬓᬦ᭄ᬜᬓᬦ᭄᭞ᬦ᭄ᬮᭀᬓ᭄ᬓᬤᬶᬯᬗᬦ᭄ᬓᭀᬭᬶ᭟ᬭᬾᬄᬫᬳᭀᬃᬢ᭄ᬣᬶᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬮᬸᬗ᭄ᬳ᭞ᬫᬲᬲᬗ᭄ᬢᬵ
[᭑᭒ 12A]
ᬦ᭄ᬕᬸᬫᬦ᭄ᬢᬶ᭞ᬓᭂᬦ᭄ᬤᭂᬮ᭄ᬲᬯᭀᬂᬤᬾᬰ᭞ᬯᬾᬦ᭄ᬢᭂᬦ᭄ᬗᬵᬢᬹᬭᬶᬦ᭄ᬲᬶᬫ᭄ᬧᬂ᭞ᬫᬶᬲᬥ᭄ᬬᬳᬶᬧᬸᬦ᭄ᬗᬵᬢᬹᬭᬶᬦ᭄᭞ᬢᬫ᭄ᬩᬓᬲᬢᬦ᭄᭞ᬫᬸᬂᬧᬸᬂᬲ᭄ᬯᬾᬘ᭄ᬙᬗ᭄ᬭᬯᬸᬳᬶᬦ᭄᭟ᬲᬂᬓᬵᬢᬹᬭᬦ᭄ᬳᬃᬱᬲᬋᬂᬲᬫᬶᬲᬸᬫ᭄ᬧᬂ᭞ᬫᬸᬂᬧᬸᬂᬲᬵᬫ᭄ᬧᬸᬦ᭄ᬢᭂᬗᬳᬶ᭞ᬫ
ᬭᬬ᭄ᬬᬫ᭄᭞ᬳᬧᬶᬓᬢ᭄᭞ᬲᬂᬓᬲᬶᬫ᭄ᬧᬗᬶᬦ᭄ᬩᬶᬗᬃ᭞ᬕᬾᬲᭀᬳᬶᬧᬸᬦ᭄ᬫᬗᬯᬸᬓᬶᬦ᭄᭞ᬧ᭄ᬬᬦᬓ᭄ᬮᬦ᭄ᬲᭀᬫᬄ᭞ᬫᬗ᭄ᬤᬗᬵᬢᬹᬭᬂᬤᬶᬕ᭄ᬮᬶᬲ᭄᭟ᬯᬚᬶᬓ᭄ᬘᭀᬓᭀᬃᬓᬸᬯᬸᬤ᭄ᬲᬸᬫᬫ᭄ᬩᬸᬄᬮᬦ᭄ᬲᭂᬤᬄ᭞ᬳᬭᬓ᭄ᬩ᭄ᬭᬫ᭄ᬫᬓᬤᬶ᭞ᬧᭀᬢᬾᬂᬲᬲ
ᬗᬦᬦ᭄᭞ᬧᬶᬦᬓᬧᬜᬫ᭄ᬩ᭄ᬭᬫ᭞ᬧ᭄ᬬᬦᬓᬾᬤ᭄ᬕᭂᬗᬬᬳᬶᬦ᭄᭞ᬤᬩ᭄ᬤᬩ᭄ᬫᬧᬳ᭄ᬬᬲ᭄᭞ᬗᬚᬶᬜ᭄ᬚᬶᬂᬗᬦ᭄ᬢᭀᬲ᭄ᬮᬮᬶ᭟ᬭᬶᬂᬲᬲᭂᬦ᭄ᬢᭂᬂᬓ᭄ᬮᬾᬲ᭄ᬫᬘ᭄ᬧᭀᬮ᭄ᬗᬮᬶᬕᬲ᭄᭞ᬗᭂᬦᬄᬜᭀᬜᭀᬦᬾᬓᬫ᭄ᬩᬶᬄ᭞ᬲᬗ᭄ᬓᭀᬮ᭄ᬲᬶᬤᬓᭂᬧᬂ᭞
ᬓᬩᬶᬮ᭄ᬩᬶᬮ᭄ᬫᬓᬶᬍᬲᬦ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬫᬧᬶ᭞ᬗᬸᬦ᭄ᬢᬸᬮ᭄ᬢᬦᬺᬗᭂ᭞ᬭᬾᬜ᭄ᬘᬗᬾᬓᬤ᭄ᬫᬓᬤ᭄ᬫᬶ᭟ᬲᬳᬳᬢᬹᬃᬗᬶᬭᬶᬂᬭᬵᬤᬾᬦ᭄ᬩᬤᬗᬶᬦᬦ᭄᭞ᬯᬾᬦ᭄ᬢᭂᬦ᭄ᬜᬶᬫ᭄ᬧᬗᬂᬫᬮᬶᬄ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓ᭄ᬜᬶᬂᬫᬲᬯᬸᬃᬩᬦ᭄ᬩ [ 13 ][᭑᭒ 12B]
᭑᭒
ᬦ᭄᭞ᬦᬄᬚᬮᬦ᭄ᬧᬥᬲᬶᬗ᭄ᬕᬳᬶᬦ᭄᭞ᬲᬯᬸᬲᬦ᭄ᬗᬶᬦᬂ᭞ᬳᬶᬕᬦ᭄ᬫᬮᬶᬄᬫᬕᬶᬗ᭄ᬲᬶᬃ᭟ᬓᬲᬤ᭄ᬓᬶᬲᬶᬤ᭄ᬳᬓᬾᬄᬳᬦᬓᬾᬜᬶᬫ᭄ᬧᬗᬂ᭞ᬓᬦ᭄ᬢᭀᬲ᭄‌ᬍᬍᬄᬫᬫᬃᬕ᭄ᬕᬶ᭞ᬢᬦ᭄ᬫᬗ᭄ᬕᬶᬳᬶᬦ᭄ᬓᬫ᭄ᬧᬤ᭄᭞ᬭᬾᬜ᭄ᬘᬦᭀᬧ᭄ᬭᬯᬤᬦᬦ᭄᭞ᬳᬲᬶᬂᬓ
ᬧᬗ᭄ᬕᬶᬄᬘᬾᬤᬦᬶᬦ᭄᭞ᬧᭀᬗᬄᬗᬸᬦᬶᬗᬂ᭞ᬦᬾᬫᬭᬹᬧᬢᬦ᭄ᬩᭂᬘᬶᬓ᭄᭟ᬢᬾᬕ᭄ᬢᬾᬕ᭄ᬢᬸᬂᬲ᭄ᬯᬭᬦ᭄ᬩᭂᬮᬶᬤᬧᬗ᭄ᬭᭀᬭᭀᬕᬦ᭄᭞ᬢᬗ᭄ᬮᬸᬲ᭄ᬫᬶᬦᬩ᭄ᬫᬯᬗ᭄ᬲᬶᬢ᭄᭞ᬬᬦ᭄ᬯᬦ᭄ᬢᬄᬯᬾᬦ᭄ᬢᭂᬦ᭄ᬳᬶᬭᬶᬓ᭞ᬯᬾᬦ᭄ᬢᭂᬦ᭄ᬳᬦᬓ᭄ᬮᬸᬄᬤ᭄ᬳᭂ᭞ᬲ᭄ᬤᭂᬓ᭄ᬦᬸᬦᬸ
ᬜᭂᬕᬾᬕ᭄ᬕᬮᬶᬂ᭞ᬭᬾᬜ᭄ᬘᬗᬾᬜᬗ᭄ᬚᬕ᭄᭞ᬧᬤ᭄ᬮᭀᬓ᭄ᬳᬶᬧᬸᬦ᭄ᬗᬶᬦ᭄ᬢᬶᬧ᭄᭟ᬬᬦ᭄ᬤᬶᬕᭀᬩᬯ᭄ᬬᬓ᭄ᬢᬶᬚ᭄ᬕᬾᬕ᭄ᬳᬲ᭄ᬮᬶᬬᬩᬦ᭄᭞ᬬᬦ᭄ᬢᬍᬓ᭄ᬢᭂᬓᬂᬫᬫᬸᬓᬶᬢ᭄᭞ᬧᬸᬢᬶᬄᬩᭂᬓ᭄ᬩᬸᬮᬾᬦᬦ᭄᭞ᬩᬩᭀᬓᭀᬗᬦᬾᬓ᭄ᬧᬤ᭄᭞ᬫᬶᬦᬩ᭄ᬦ
ᬳᭂᬦ᭄ᬢᬸᬋᬓ᭄ᬱᬗ᭄ᬲᬶᬢ᭄᭞ᬕᭀᬩᬦᬾᬫᬬᬂ᭞ᬬᬦ᭄ᬤᭂᬲᭂᬓ᭄ᬫᬩᭀᬧ᭄ᬗᬶᬢ᭄᭟ᬓᬤᬶᬤᭀᬫ᭄ᬩᬳᬸᬬᭂᬂᬩᭀᬗᬲ᭄ᬫᬭᬦ᭄ᬢᬩᬦ᭄᭞ᬫᬓᭂᬲ᭄ᬬᬸᬄᬫᬵᬫ᭄ᬩᬸᬳᬮᬶᬩ᭄᭞ᬳᬢᬹᬃᬲᬂᬫᭂᬤᬲᬂ᭞ᬲᬓᬾᬂᬩᬩᬾᬓᬶᬗᭂᬦ᭄ᬤᬮ᭄᭞ᬭᬵᬤᬾ
[᭑᭓ 13A]
ᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬶᬂ᭞ᬳᬭᬄᬲᬸᬩᬬᬂ᭞ᬢ᭄ᬯᬭᬜᬦ᭄ᬤᬂᬤ᭄ᬗᭀᬓᬶᬦ᭄᭟ᬚᬮᬦ᭄ᬲᬸᬩᬤᬩ᭄ᬤᬩᬂᬚᬦᬸᬫᬚᬮᬦ᭄᭞ᬫᬓᬶᬲᬶᬤ᭄ᬳᬸᬮᬶᬤᬶᬦᬶ᭞ᬗᭀᬚᭀᬕ᭄ᬤᬾᬰᬮᬾᬦᬦ᭄᭞ᬫᬵᬢᬹᬃᬳᬫᬓ᭄ᬫᬸᬲ᭄ᬢᬧ᭞ᬯᬵᬱ᭄ᬝᬦ᭄ᬭᬾᬜ᭄ᬘᬗᬾᬦᬾᬚᬳᬸ
ᬮ᭄᭞ᬗᬶᬭᬶᬂᬫᬫᬃᬕ᭄ᬕ᭞ᬓᬤᬸᬓ᭄‌ᬍᬢᬸᬳᬶᬢᬶᬓᬶ᭟ᬳᬶᬦ᭄ᬤᭂᬂᬳᬶᬦ᭄ᬤᭂᬂᬧᬫᬃᬕ᭄ᬕᬶᬦᬾᬫᬭᬄᬤᬾᬰ᭞ᬜᬺᬧᬂᬳᬦᬓ᭄ᬳᬶᬲ᭄ᬢ᭄ᬭᬷ᭞ᬫᬓᬚᬢᬸᬓᬃᬫ᭄ᬫ᭞ᬢᬍᬃᬤᬸᬭᬸᬂᬓᬲᬥ᭄ᬬᬦ᭄᭞ᬓᬸᬤᬂᬤᬾᬰᬓᬮᬶᬦ᭄ᬢᬗᬶᬦ᭄᭞ᬍᬢᬸᬄᬫᬍᬓᬕ᭄᭞ᬩᬸᬜ᭄ᬘᬸᬮ
ᬦᬾᬫᬳᬸᬫ᭄ᬩᬶ᭟ᬜᬸᬦᬸᬢ᭄ᬜᬸᬦᬸᬢ᭄ᬘᬭᬗᬫ᭄ᬩᬸᬮ᭄ᬦᬶᬗ᭄ᬕᬮ᭄ᬤᬾᬰ᭞ᬯᬗ᭄ᬤᬾᬫᬧᬶᬓᬢ᭄ᬧᬓ᭄ᬱᬶ᭞ᬫᬩᭀᬭᭀᬲ᭄ᬜᭂᬮᬦᬂ᭞ᬜᬸᬲᬸᬧ᭄ᬢᭂᬗᬳᬶᬂᬳᬮᬲ᭄᭞ᬭᬶᬂᬩᭀᬗ᭄ᬓᭀᬮ᭄ᬕᬸᬦᬸᬂᬋᬜ᭄ᬚᬦᬶ᭞ᬲᬵᬫ᭄ᬧᬸᬦ᭄ᬲᬬᬕ᭞ᬭᬾᬜ᭄ᬘᬗᬾᬫᬲᬂᬚᬭᬶᬂ᭟
ᬳᬦ᭄ᬤᬸᬧᬦ᭄ᬤᬸᬧ᭄ᬚᬸᬭᬸᬭᭀᬲᬾᬗᬦ᭄ᬤᬸᬧᬂ᭞ᬳᬲᬸᬦᬾᬜᬓᬮ᭄ᬲᭂᬗᬶᬢ᭄᭞ᬗᭂᬧᬸᬂᬩᬸᬭᭀᬦᬺᬗᬲ᭄᭞ᬳᬶᬚᬸᬂᬓᬶᬤᬂᬫᬜ᭄ᬚᬗᬦ᭄᭞ᬧᬩᬼᬲᬢ᭄ᬧᬢᬶᬧᬸᬭᬸᬕᬶᬦ᭄‌ᬯᬾᬦ᭄ᬢᭂᬦ᭄ᬲᭂᬗ᭄ᬓᬮ᭞ᬫᬓ᭄ᬘᭀᬲ᭄ᬦᭀᬫ᭄ᬧᭂᬮᭀᬓ᭄ᬚᬭᬶᬂ᭟ᬳ [ 14 ][᭑᭓ 13B]
᭑᭓
ᬕᬾᬜᬕ᭄ᬚᬕ᭄ᬚᬸᬭᬸᬩᭀᬭᭀᬲᬾᬫᬲᬹᬃᬬ᭄ᬬᬓ᭄᭞ᬢᬜ᭄ᬚᬗ᭄ᬓᬬᬦ᭄ᬜᭂᬤᬸᬕᬶᬦ᭄᭞ᬩᬸᬭᭀᬦᬾᬓᬢᬸᬫ᭄ᬩᬓ᭄᭞ᬕᬲᬾᬄᬦ᭄ᬕᭂᬦ᭄ᬫᬜ᭄ᬚᬗᬦ᭄᭞ᬳᬲᬦ᭄ᬤᬗᬦ᭄ᬲᬵᬫ᭄ᬧᬸᬦ᭄ᬧᭀᬮᬶᬄ᭞ᬯᬳᬸᬫᬭᬃᬬ᭄ᬬᬦ᭄᭞ᬓᬩ᭄ᬮᬢ᭄ᬳᬦ᭄ᬢᬸᬓ᭄ᬯᭂᬗᬶ᭟ᬭᬶᬂᬳᬮ
ᬲᬾᬤᬸᬭᬸᬲ᭄ᬜᬢᬾᬫᬧᬗ᭄ᬕᬗᬦ᭄᭞ᬫᬓᬸᬲᬸᬗᭂᬦ᭄ᬤᬶᬳᬂᬕ᭄ᬦᬶ᭞ᬢᬹᬃᬗᬕᬄᬢᬓᬶᬮᬦ᭄᭞ᬫᬕᬤᬂᬫᬲᬤᬾᬕᬦ᭄ᬚᬦ᭄ᬢᭀᬲ᭄ᬲᬵᬫ᭄ᬧᬸᬦ᭄ᬕᬮᬂᬓᬗᬶᬦ᭄᭞ᬫᬮᬶᬄᬗᬶᬦ᭄ᬓᬶᬦᬂ᭞ᬫᬩᭀᬭᭀᬲ᭄ᬗᬦ᭄ᬢᭀᬲ᭄ᬮᬶᬗ᭄ᬲᬶᬃ᭟ᬳᬶᬦ᭄ᬤᭂᬂᬳᬶᬦ᭄ᬤᭂᬂᬫᬫᬃᬕ᭄ᬕᬶᬢᭂ
ᬫ᭄ᬩᬾᬩᬸᬜ᭄ᬘᬸᬮᬦ᭄᭞ᬤᬸᬭᬸᬂᬧᭀᬮᬶᬄᬳᬲᬶᬓᬶ᭞ᬚᬦ᭄ᬢᭀᬲ᭄ᬢᬚᭂᬕ᭄ᬲᬹᬃᬬ᭄ᬬ᭞ᬯᬳᬸᬳᬬᬢ᭄ᬫᬭᬃᬬ᭄ᬬᬦ᭄᭞ᬲᬕᬾᬢ᭄ᬯᬾᬦ᭄ᬢᭂᬢ᭄ᬦᬾᬫᬗ᭄ᬕᬶᬳᬶᬦ᭄᭞ᬓᬶᬤᬂᬓᬜ᭄ᬘᬦ᭞ᬜᬼᬧ᭄ᬫᬩᬸᬮᬸᬧᬸᬢᬶᬄ᭟ᬲ᭄ᬤᭂᬓ᭄ᬗᭂᬲᬶᬓ᭄ᬭᬶᬂᬢ᭄ᬕᬮᬾᬦ᭄ᬥᭂᬧᬤᬂ᭞ᬉᬍᬲ᭄ᬳᬶᬧᬸ
ᬦ᭄ᬗᬾᬤ᭄ᬥᬦᬶᬦ᭄᭞ᬳ᭄ᬩᭀᬄᬳ᭄ᬩᭀᬄᬋᬗᬲ᭄᭞ᬬᬦᬫ᭄ᬧᭂᬓᬶᬦ᭄ᬫᬭᬾᬗᬂ᭞ᬲᬬᬦ᭄ᬗᭂᬤᭀᬳᬂᬫᬓᬶᬲᬶᬤ᭄᭞ᬩᬶᬮᬂᬩᬼᬢᬂ᭞ᬫᬓ᭄ᬘᭀᬲ᭄ᬫᬶᬭᬶᬕ᭄ᬕᬗ᭄ᬓᬶᬤ᭄᭟ᬩ᭄ᬗᭀᬂᬳᬗᭀᬩ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬜᬶᬗᬓ᭄᭞ᬳᬸᬍᬲ᭄ᬓᬶᬤᬗᬾᬩ᭄ᬘᬶᬓ᭄᭞
[᭑᭔ 14A]
ᬬᬦ᭄ᬳᬗ᭄ᬕᬾᬦ᭄ᬳᬢᬹᬭᬦ᭄᭞ᬚᬦ᭄ᬢᭂᬦ᭄ᬲᬂᬧ᭄ᬭᬪᬸᬮᬾᬤᬂ᭞ᬫᬓᬵᬫᭂᬗᬫᭂᬂᬭᬶᬂᬧᬸᬭᬶ᭞ᬦᬵᬗ᭄ᬳᬶᬂᬓᬾᬦ᭄ᬓᬾᬦᬂ᭞ᬗᬶᬮᬂᬤ᭄ᬲᭂᬓ᭄ᬫᬮᬳᬶᬩ᭄᭟ᬓᬤᬶᬢᬯᬄᬳᬲᬸᬦᬾᬢᬦ᭄ᬕᬲᬜᬓᬮ᭄᭞ᬫᬢᬓᭂᬄᬳᭀᬮᬲ᭄ᬳᬢᬶ᭞ᬧᬗ᭄ᬓᬸᬤᬳᬦ᭄ᬤᬸᬧᬂ᭞ᬫ
ᬭᬾᬗᬂᬫᬓᬶᬍᬲᬦ᭄᭞ᬚᬦ᭄ᬢᭀᬲ᭄ᬳᬶᬭᬶᬗᬦᬾᬲ᭄ᬗᬶᬢ᭄᭞ᬩᬗ᭄ᬕ᭄ᬭᬲ᭄ᬫᬧᬚᬃ᭞ᬢᬦ᭄ᬧᬢ᭄ᬫᬄᬳᬶᬩᬘᬶᬘᬶᬂ᭟ᬦᬄᬓᬾᬫᭂᬦ᭄ᬤᭂᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬫ᭄ᬧ᭄ᬭᬢ᭄᭞ᬚᬮᬦ᭄ᬓᬾᬩ᭄ᬯᬢᬂᬩ᭄ᬯᬶᬦ᭄᭞ᬤᭂᬤᭂᬳᬂᬢ᭄ᬮᬦᬂ᭞ᬓᬚᬭᬶᬗᬾᬳᭀᬚᭀᬕᬂ᭞ᬲᬓᬭᬶᬂ
ᬓᬶᬤᬗᬾᬘ᭄ᬮᬶᬄ᭞ᬲᬢᬢᬮᬾᬫ᭄ᬧᬲ᭄᭞ᬦᬾᬦ᭄ᬢᭂᬦ᭄ᬜᬓ᭄ᬦᭀᬫ᭄ᬧᭂᬮᭀᬓ᭄ᬚᬭᬶᬂ᭟ᬤᬸᬭᬸᬲᬺᬗᬲ᭄ᬫᬓ᭄ᬘᭀᬲ᭄ᬲᬬᬦ᭄ᬗᭂᬤᭀᬳᬂ᭞ᬲᬳᬲᬓᭂᬢᬸᬢ᭄ᬩᬸᬭᬶ᭞ᬳᬘᬮ᭄ᬳᬘ᭄ᬮᬩ᭄ᬲᬩᬦ᭄᭞ᬢᬦ᭄ᬓᭂᬦᬶᬳᬦ᭄ᬢᬸᬓ᭄ᬗᭂᬢᬸᬢᬂ᭞ᬲᬵᬫ᭄ᬧᬸᬦ᭄ᬗᭂᬩᭂᬢ᭄ᬢᬦ᭄ᬓᬧᬗ᭄ᬕᬶᬄ᭞
ᬩ᭄ᬗᭀᬂᬜᬗᭀᬗᬓ᭄᭞ᬚᬸᬭᬸᬩᭀᬭᭀᬲᬾᬲᬫᬶ᭟ᬫᬧᬗᭂᬦᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᭂᬧᬄ᭞ᬦᬄᬤᬶᬚᬚᬦᬶᬳᬮᬶᬄ᭞ᬲᬃᬯ᭄ᬯᬶᬫᬧᬵᬯᬲᬦ᭄᭞ᬭᬶᬂᬢᬭᬸᬦᬾᬫᬲᬤᬄ᭞ᬩ᭄ᬗᭀᬂᬲᬤᬫ᭄ᬘᬸᬓ᭄ᬳᬮᬶᬲ᭄᭞ᬓᬜ᭄ᬘᬶᬢ᭄ᬓᬘᬶᬗᬓ᭄᭞ᬩᬤᬸᬳᬸᬃ [ 15 ][᭑᭔ 14B]
᭑᭔
ᬯᬾᬦ᭄ᬢᭂᬦ᭄ᬧᬓ᭄ᬱᬶ᭟ᬓᬸᬯᬓᬯᭀᬓ᭄‌ᬲ᭄ᬯᬭᬦ᭄ᬳᬶᬧᬸᬦ᭄ᬩᬦ᭄ᬩᬦ᭄ᬗᬮᬤ᭄᭞ᬫᬢᬓᭂᬄᬓᬵᬗᭂᬦ᭄ᬲᭂᬤᬶᬄ᭞ᬭᬱᬵᬗ᭄ᬮᬤ᭄ᬧ᭄ᬭᬡ᭞ᬳᬦ᭄ᬢᬸᬓ᭄ᬓᬵᬗᭂᬦ᭄ᬦᬸᬫᭀᬦᬂ᭞ᬲᬂᬫᬩᭀᬭᭀᬲ᭄ᬧᭂᬮᬸᬄᬧᬶᬤᬶᬢ᭄᭞ᬓᬶᬘᬮᬦ᭄ᬓᬶᬤᬂ᭞ᬫᬲᭂᬮ᭄ᬲᭂᬮᬦ᭄ᬢᬦ᭄ᬫᬭᬶ᭟ᬫᬵᬦᬹ
ᬢ᭄ᬲ᭄ᬯᬭᬯᬵᬱ᭄ᬝᬦ᭄ᬧᬓ᭄ᬱᬶᬦᬾᬧᬸᬦᬶᬓ᭞ᬓᬸᬯᬓᬯᭀᬓ᭄ᬕᬸᬫᬦ᭄ᬢᬶ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᭂᬫ᭄ᬩᬾᬯ᭄ᬬᬓ᭄ᬢᬶᬫᬗ᭄ᬕᬸᬳᬂ᭞ᬧᬓ᭄ᬱᬶᬢᬯᬄᬭᬾᬄᬭᬶᬂᬩᬵᬮᬶ᭞ᬲᬓᬸᬯᬸᬫ᭄ᬢ᭄ᬬᬜᬃ᭞ᬤᬸᬭᬸᬂᬦᬳᭂᬦ᭄ᬫᬗ᭄ᬕᬶᬳᬶᬦ᭄᭟ᬬᬦ᭄ᬳᬶᬦᬩᬂᬧᬓ᭄ᬱᬶᬧᬸᬦᬶᬓᬜᬃ
ᬯ᭄ᬯᬓᬂ᭞ᬢᬦ᭄ᬓᬲᬥ᭄ᬬᬦ᭄ᬫᬫᬃᬕ᭄ᬕᬶ᭞ᬍᬧᬸᬕ᭄ᬫᬢᬶᬦ᭄ᬤᬓᬦ᭄᭞ᬕᬯᭀᬓ᭄ᬳᬶᬧᬸᬦ᭄ᬗᬦ᭄ᬢᭂᬦᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬢᭂᬗᬶ᭞ᬍᬢᬸᬄᬩᬸᬜ᭄ᬘᬸᬮᬦ᭄᭞ᬭᬱᬗᬾᬦ᭄ᬓᬾᬦ᭄ᬫᬓᬶᬲᬶᬤ᭄᭟ᬲ᭄ᬤᭂᬓ᭄ᬩᭂᬗᭀᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬜᭀᬧᬓ᭄᭞ᬳᬫᬓ᭄ᬫᬸᬲ᭄ᬢ
ᬧᬩᬗ᭄ᬕᬶ᭞ᬫᬵᬢᬹᬃᬜᬫ᭄ᬩᬢ᭄ᬲᬭ᭞ᬳᬭᬄᬤᬤᬢᬭᬫ᭄ᬩᬂ᭞ᬢᬦ᭄ᬲᬦ᭄ᬤᬂᬧᬢᬶᬋᬱᭂᬧᬶᬦ᭄᭞ᬭᬵᬤᬾᬦ᭄ᬲᬵᬫ᭄ᬧᬸᬦᬂ᭞ᬫᭂᬦᭂᬳᬶᬦ᭄ᬲ᭄ᬯᬭᬦ᭄ᬧᬓ᭄ᬱᬶ᭟ᬗᬶᬭᬶᬂᬲᬵᬫ᭄ᬧᬸᬦ᭄ᬫᬓᬯᭀᬦ᭄ᬗᬶᬍᬲᬂᬭᬕ᭞ᬢᬸᬭᬄᬢ᭄ᬗᭂᬢ᭄ᬳᬶᬭᬶᬓᬶ᭞ᬮᬲ᭄ᬬ
[᭑᭕ 15A]
ᬦᬾᬥᬕᭂᬭᬂ᭞ᬲᬬᬦ᭄ᬭᬶᬫᬦᬄᬢᬶᬢ᭄ᬬᬂ᭞ᬫᬦᬯᬶᬲᬶᬧ᭄ᬢᬢᬦ᭄ᬩᭂᬘᬶᬓ᭄᭞ᬧᬘᬂᬲᭂᬗ᭄ᬓᬮ᭞ᬬᬦ᭄ᬲ᭄ᬯᬾᬓᬦ᭄ᬢᬸᬦ᭄ᬳᬶᬭᬶᬓᬶ᭟ᬩᭀᬬᬜᬦ᭄ᬤᬂᬫᬗᭂᬦᬂᬓᬶᬤᬂᬓᬜ᭄ᬘᬦ᭞ᬲᬵᬫ᭄ᬧᬸᬦ᭄ᬳᬶᬘᬮ᭄ᬢᬦ᭄ᬧᬗ᭄ᬕᬶᬄ᭞ᬫᬦᬯᬶᬲᬶᬮᬸᬫᬦ᭄᭞ᬯ᭄ᬯᬕ
ᬫᬂᬤᬤᭀᬲ᭄ᬓᬶᬤᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬶᬂ᭞ᬫᬾᬲᭂᬫ᭄ᬗᬦ᭄ᬤᬶᬓ᭞ᬦᬄᬓᬶᬚᬮᬓᬸᬚᬦᬶ᭟ᬲᬕᬾᬢ᭄ᬦᭂᬧᭀᬲ᭄ᬫᬫᬃᬕ᭄ᬕᬶᬧᬶᬗ᭄ᬕᬶᬃᬲᬕᬭ᭞ᬘᬦᭂᬕ᭄ᬫᬗ᭄ᬕᭀᬄᬧᬯᬾᬲ᭄ᬢ᭄ᬭᬷ᭞ᬲ᭄ᬤᭂᬓᬦ᭄ᬫᬲᬶᬭᬫ᭄᭞ᬫᬧᬸᬦ᭄ᬤᬸᬄᬲᬋᬂᬓᬢᬄ᭞ᬚ᭄ᬕᬾᬕ᭄ᬮᬾ
ᬮᬾᬲᬾᬂᬫᬓᬲᬫᬶ᭞ᬬᬦᬶᬂᬲᬯᬗᬂ᭞ᬢᬦ᭄ᬧᬾᬦ᭄ᬤᬄᬯᬶᬥ᭄ᬬᬥᬭᬶ᭟ᬲ᭄ᬤᭂᬓ᭄ᬢᭂᬤᬸᬦ᭄ᬭᬶᬂᬲᬕᬭᬫᬘᬗ᭄ᬓ᭄ᬭᬫ᭞ᬫᬧ᭄ᬦᬶᬗᬦ᭄ᬫᬰᬸᬘᬶ᭞ᬫᬮᬮᬸᬂᬫᬲᬶᬭᬫ᭄᭞ᬭᬶᬂᬳᬫ᭄ᬧᬸᬳᬦ᭄ᬫᬩᭂᬜ᭄ᬚᬄ᭞ᬢᬦ᭄ᬧᬯᬵᬱ᭄ᬝ᭄ᬭᬫᬜᬦ᭄ᬢᭀᬲᬶᬦ᭄᭞ᬕᬸ
ᬮᬸᬗᬦ᭄ᬳᭀᬫ᭄ᬩᬓ᭄᭞ᬉᬮᬗᬸᬦᬾᬢᬦ᭄ᬲᬶᬧᬶ᭟ᬫᬘᬾᬫ᭄ᬧᭂᬮᬸᬗᬦ᭄ᬲᬃᬯ᭄ᬯᬶᬫᬘᬦ᭄ᬤᬘᬦ᭄ᬤᬬᬦ᭄᭞ᬢᬦ᭄ᬕᬳᭂᬦ᭄ᬯᬾᬦ᭄ᬢᭂᬦ᭄ᬗᬶᬦ᭄ᬢᬶᬧ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬓᬾᬂᬳ᭄ᬩᭂᬢᬾᬗᬯᬲ᭄᭞ᬳᬶᬭᬶᬗᬦᬾᬓᬯᬗ᭄ᬲᬶᬢᬶᬦ᭄᭞ [ 16 ][᭑᭕ 15B]
᭑᭕
ᬫᬗ᭄ᬤᬫᬵᬮᬶᬗᬦ᭄᭞ᬭᬶᬂᬧᬸᬦ᭄ᬤᬸᬓᬦᬾᬗ᭄ᬧᬶᬮ᭄᭟ᬫᬗ᭄ᬤᬲᬵᬫ᭄ᬧᬸᬦ᭄ᬫᬓᬦ᭄ᬢᭂᬦ᭄ᬲᬓᬾᬂᬲᬕᬭ᭞ᬫᭂᬗ᭄ᬓᭂᬩ᭄ᬳᬶᬧᬸᬦ᭄ᬫᬩᬮᬶᬄ᭞ᬲᬂᬲ᭄ᬤᭂᬓ᭄ᬫᬲᬶᬭᬫ᭄᭞ᬢᬗᬃᬭᬶᬂᬓᬢᬗᭂᬳᬦ᭄᭞ᬤᬼᬓ᭄ᬤᭂᬮᭀᬓ᭄ᬢᬸᬤᬂᬢᬸᬤᬶᬂ᭞ᬭᬱᬫᬍᬜᬤ᭄᭞
ᬢᬦ᭄ᬧᬾᬦ᭄ᬤᬄᬤᬗ᭄ᬤᬂᬕᭂᬦ᭄ᬤᬶᬲ᭄᭟᭚᭐᭚ᬧᬸᬧᬸᬄᬤᬗ᭄ᬤᬂ᭚᭐᭚ᬩ᭄ᬗᭀᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬶᬦ᭄ᬢᬶᬧ᭄᭞ᬦᬍᬓ᭄ᬢᭂᬓᬂ᭞ᬲᬂᬲ᭄ᬤᭂᬓ᭄ᬫᬲᬶᬭᬫ᭄᭞ᬧᬸᬢᬶᬄᬕᬥᬶᬂᬧᬫᬸᬮᬸᬦᬾ᭞ᬳᬲᬶᬓᬶᬧᬶᬦᬶᬳᬬᬸ᭞ᬢᬦ᭄ᬧᬾᬦ᭄ᬤᬄᬳ᭄ᬬᬂᬕᬶᬭᬶᬧᬸᬢ᭄ᬭᬶ
᭞ᬢ᭄ᬥᬸᬦ᭄ᬓᬫᬥ᭄ᬬᬧᬥ᭞ᬗᬮᬗ᭄ᬮᬂᬉᬮᬗᬸᬦ᭄᭞ᬲ᭄ᬤᭂᬓ᭄ᬫᬰᬸᬘᬶᬮᬓ᭄ᬱᬡ᭞ᬭᬶᬂᬲᬕᬃ᭞ᬯᬢᭂᬓ᭄ᬯᬶᬥ᭄ᬬᬥᬭᬶᬗᬶᬭᬶᬂ᭞ᬫᬲᬲᬜ᭄ᬚᬦ᭄ᬫᬘᬗ᭄ᬓ᭄ᬭᬫ᭟ᬚᬦ᭄ᬢᭀᬲ᭄ᬗᭂᬢᬸᬕ᭄ᬩᬬᬸᬦ᭄ᬲᬂᬫᬩᬮᬶᬄ᭞ᬫᬫ᭄ᬤᬲᬂ᭞ᬳᬗ᭄ᬕᬦ᭄ᬲᬂᬫᬲᬶᬭᬫ᭄᭞ᬗᬸᬭ
ᬗ᭄ᬓᬤᭂᬓ᭄ᬤᭂᬓ᭄ᬘᬃᬫ᭄ᬫᬦᬾ᭞ᬳᬮᬸᬲᬦ᭄ᬭᬶᬂᬫᬕ᭄ᬭᬸᬲ᭄᭞ᬓᬤᬶᬕ᭄ᬤᬄᬩᬵᬮᬂᬕᬥᬶᬂ᭞ᬫᬥ᭄ᬬᬦᬾᬫᬕᭀᬮᬾᬭᬦ᭄᭞ᬍᬫ᭄ᬧᬸᬂᬭᬫ᭄ᬧᬶᬂᬍᬫᬸᬄ᭞ᬢᬦ᭄ᬧᬾᬦ᭄ᬤᬄᬧᬸᬜᬜ᭄ᬘᬫᬭ᭞ᬫᬳᭀᬬᬕᬦ᭄᭞ᬓᬵᬮᬜᬮᬾᬬᭀᬕ᭄ᬓᬲ
[᭑᭖ 16A]
ᬫ᭄ᬧᬶᬂ᭞ᬫᬓᬶᬢᬜᬤᬾᬗᬾᬗ᭄ᬕᬮᬂ᭟ᬫᬗ᭄ᬤᬲᬵᬫ᭄ᬧᬸᬦᬺᬩᬄᬕ᭄ᬮᬶᬲᬂᬳᬩᬶᬦ᭄᭞ᬲᬗ᭄ᬓᭀᬮ᭄ᬤᬶᬫᬦ᭄᭞ᬉᬭᬸᬢᬸᬭᬸᬢ᭄ᬕᬩᬕ᭄᭞ᬦᬾᬫᬵᬦ᭄ᬢᭀᬓ᭄ᬧᬫ᭄ᬮᬃᬥᬦᬾ᭞ᬓᬭᬸᬧᬶᬢᬦᬶᬂᬲᬸᬲᬸ᭞ᬗᬲᭀᬭᬂᬩᬶᬮᬸᬮᬸᬓ᭄ᬓᬸᬦᬶᬂ᭞ᬓᬤᬶ
ᬤᬾᬯᬲᬓᬮ᭞ᬜᬦ᭄ᬤᬂᬲᭀᬗ᭄ᬲᭀᬂᬲᬸᬗ᭄ᬲᬸᬂ᭞ᬩᬦ᭄ᬢᭂᬦᬶᬦ᭄ᬳᬦ᭄ᬢᬸᬓ᭄ᬧᬶᬢᬺᬱ᭄ᬡ᭞ᬭᬶᬂᬧᬫᬺᬫᬦ᭄᭞ᬲᬶᬄᬮᬸᬮᬸᬢ᭄ᬫᬓᬓᬯᬗᬶ᭞ᬫᬧᬲᭂᬧᬦ᭄ᬩᬬᬸᬭᬸᬦ᭄ᬢᬕ᭄᭟ᬘᬘᬶᬗᬓᬾᬜᭂᬜᭂᬂᬜᬸᬜᬸᬃᬫᬦᬶᬲ᭄᭞ᬫᬾᬄᬗᬲᭀᬭᬂ᭞ᬫ
ᬥᬸᬕᬸᬮᬤ᭄ᬭᬯ᭞ᬭᬱᬜᬗ᭄ᬮᬸᬄᬓ᭄ᬫᬶᬓᬦᬾ᭞ᬚᬚ᭄ᬭᭀᬦᬾᬭᬱᬧᬸᬯᬸᬦ᭄᭞ᬬᬦ᭄ᬯᬦᬾᬦ᭄ᬫᬧᬲᬂᬮᬶᬭᬶᬂ᭞ᬫᬓᬶᬢᬦᬍᬓ᭄ᬢᭂᬓᬂ᭞ᬚᬦ᭄ᬢᭂᬦ᭄ᬧᬘᬂᬮᬶᬗ᭄ᬮᬸᬂ᭞ᬉᬬᬂᬧᬮᬶᬂᬓᬮᬸᬮᬸᬢᬦ᭄᭞ᬗᬸᬤᬢ᭄ᬯᬭ᭞ᬫᬫ᭄ᬤᬄᬦᬢᭀᬦᬶᬦ᭄ᬳᬢᬶ᭞
ᬓᬮᬡ᭄ᬥᭂᬧᬦ᭄ᬲᬶᬭᬢ᭄ᬫᬬ᭟ᬜᬮᬂᬕᬥᬶᬂᬧᬸᬧᬸᬦᬾᬬᬦ᭄ᬮᬶᬗ᭄ᬲᬶᬃ᭞ᬓᬤᬶᬕ᭄ᬤᬄ᭞ᬫᬫᬸᬥᬓ᭄ᬘᬡ᭄ᬥᬕ᭞ᬫᬓᬦ᭄ᬢᭂᬦ᭄ᬲᭂᬮᬕᬦ᭄ᬯᬗ᭄ᬓᭀᬗᬾ᭞ᬓᬤᬶᬯᬾᬦ᭄ᬢᭂᬜᬫᬸᬫᬸᬓ᭄᭞ᬗ᭄ᬕᬯᬾᬳᬶᬗᬸᬄᬬᬦ᭄ᬧᭂᬤᬲᬶᬦ᭄᭞ᬩᬶᬮᬶᬄᬲᬸᬗ᭄ᬓᬦᬾᬗᭂ [ 17 ][᭑᭖ 16B]
᭑᭖
ᬦ᭄ᬢᬄ᭞ᬘᬭᬢᬶᬯᬂᬧ᭄ᬜᬸ᭞ᬓ᭄ᬚᬢ᭄‌ᬓ᭄ᬚᬸᬢ᭄ᬢᬦ᭄ᬫᬋᬦᬦ᭄᭞ᬧᬧᬓ᭄ᬢᬸᬚᬄ᭞ᬢᭂᬕᬭᬂᬢ᭄ᬓᭂᬓᬂᬗᬶᬲᬶ᭞ᬢᬍᬃᬢᬦ᭄ᬯᬗ᭄ᬤᬾᬗᬮᬾᬚᬢ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬩᬸᬤᬸᬄᬧᬮᬶᬂ᭞ᬲᬮᬄᬉᬮᬢ᭄᭞ᬤᬾᬦᬶᬂᬲᬂᬫᬲᬶᬭᬫ᭄᭞ᬓᬤᬶᬫ
ᬧ᭄ᬮᬾᬄᬲᭀᬮᬳᬾ᭞ᬢᬦ᭄ᬫᬭᬶᬦᬸᬤᬸᬢ᭄ᬓᬳ᭄ᬬᬸᬦ᭄᭞ᬓᬮᬗᭂᬦᬾᬓᬤᬶᬗᬶᬧᬶ᭞ᬭᬱᬭᬢ᭄ᬦᬦᬶᬂᬯᬸᬮᬦ᭄᭞ᬲ᭄ᬤᭂᬓᬦ᭄ᬫᬮᬮᬸᬂ᭞ᬯᬮᬸᬬᬧᬸᬢ᭄ᬭᬶᬯᬶᬥᬃᬩ᭄ᬪ᭞ᬬᬦ᭄ᬲᬯᬗᬂ᭞ᬓᬳᬬᭀᬦᬾᬢᬦ᭄ᬧᬲᬶᬭᬶᬂ᭞ᬓᬲᬸᬫ᭄ᬩᬸᬂᬭᬶᬂᬲᬪᬧᬃ
ᬯ᭄ᬯ᭟ᬢᬦ᭄ᬧᭀᬧᬫᬮ᭄ᬯᬶᬃᬕᬸᬭᬸᬦᬶᬂᬫᬦᬶᬲ᭄᭞ᬗ᭄ᬕᬯᬾᬭᬶᬫᬂ᭞ᬤᬾᬯᬦ᭄ᬓᬍᬗᭂᬗᬦ᭄᭞ᬲᬓ᭄ᬱᬢ᭄ᬮᬓ᭄ᬱ᭄ᬫᬶᬦᬶᬂᬚᬕᬢᬾ᭞ᬪᬕᬯᬵᬦ᭄ᬢ᭄ᬭᬡᬯᬶᬡ᭄ᬥᬸᬲ᭄ᬤᭂᬓ᭄ᬫᬬᭀᬕᬲᬫᬥᬶ᭞ᬗᬸᬜ᭄ᬘᬭᬂᬘᬢᬹᬃᬯᬾᬤ᭞ᬩᬶᬮᬶᬄᬳᬶᬤᬩᬶᬗᬸᬂ᭞ᬳᭀᬕ
ᬦ᭄ᬮᬮᬶᬗᭀᬘᭀᬓ᭄ᬕᭂᬦ᭄ᬢ᭞ᬓᬮᬸᬮᬸᬢᬦ᭄᭞ᬗᬓ᭄ᬱᬶᬓᬳᬬᭀᬦ᭄ᬲᬂᬓᬤᬶ᭞ᬲᬭᬰ᭄ᬯᬢᬶᬜᬮᬦ᭄ᬢᬭ᭟ᬦᬧᬶᬫᬮᬶᬄᬯᬢᭂᬓᬶᬂᬢᬧᬲ᭄ᬯᬶ᭞ᬓᬦ᭄ᬢᬸᬦ᭄ᬯᬮ᭞ᬤᭀᬄᬧᬭᬜᬶᬤ᭄ᬥᬬᬂ᭞ᬫᬫ᭄ᬕᭂᬂᬢᬶᬮᬶᬂᬓᬳ᭄ᬬᬸᬦᬾ᭞ᬗᬸᬜ᭄ᬘᬭᬂᬅᬲ᭄ᬢᬸ
[᭑᭗ 17A]
ᬧᬸᬗ᭄ᬓᬸ᭞ᬧᬗ᭄ᬮᬸᬓᬢᬦ᭄ᬫᬮᬤ᭄ᬓᬶᬮ᭄᭞ᬓᬩᬦ᭄ᬤᬭᬚᬄᬢᬫᬄ᭞ᬫᬹᬃᬢ᭄ᬢᬶᬦᬶᬂᬲᬤ᭄ᬭᬶᬧᬸ᭞ᬚᬦ᭄ᬢᭀᬲ᭄ᬮᬶᬧ᭄ᬬᬭᬶᬂᬰᬰᬡ᭞ᬓᬰᬹᬦ᭄ᬬᬢᬦ᭄᭞ᬓᬤᬸᬓ᭄ᬩᭂᬗᭀᬂᬫᬜᬶᬗᬓᬶᬦ᭄᭞ᬩᬗ᭄ᬓ᭄ᬬᬂᬭᬫ᭄ᬧᬶᬂᬫᬕᭀᬮᭀᬭᬦ᭄᭟ᬳᬗᭀᬩ᭄ᬜᬶᬗᬓ᭄
ᬲᬂᬲ᭄ᬤᭂᬓ᭄ᬫᬰᬸᬘᬶ᭞ᬜᬸᬗ᭄ᬕᬃᬭᭀᬫ᭞ᬢᬦ᭄ᬧᬾᬦ᭄ᬤᬄᬳᬸᬧᬫ᭞ᬓᬵᬮᬦᬶᬂᬩᬾᬲᬾᬄᬰᬰᬶᬳᬾ᭞ᬲᬯᬂᬲᬩᭂᬄᬫᬲ᭄ᬧᬸᬓ᭄᭞ᬩᬭᬓ᭄ᬮᬝᬶᬦᬾᬗᬾᬤᬦᬶᬦ᭄᭞ᬘᬭᬗᭂᬫ᭄ᬩᬂᬭᬶᬚᬲ᭞ᬢᬗᬦᬾᬫᬍᬗ᭄ᬓᬸᬂ᭞ᬲ᭄ᬤᭂᬓ᭄ᬩᭂᬗᭀᬂᬫᬢ᭄ᬕᭂᬦᬦ᭄᭞ᬗᭂ
ᬚᭀᬄᬕᬸᬮᬢ᭄᭞ᬭᬶᬂᬩ᭄ᬬᬲᬾᬫᬢᬚᬸᬄᬮᬶᬮᬶᬢ᭄᭞ᬗᬶᬮᬶᬤᬂᬤᬂᬳ᭄ᬬᬂᬲᬹᬓ᭄ᬱ᭄ᬫ᭟ᬬᬦ᭄ᬲᬯᬗᬂᬲᬂᬩ᭄ᬗᭀᬂᬫᬮᬶᬗ᭄ᬕᬶᬄ᭞ᬗᬵᬲ᭄ᬢᬸᬗ᭄ᬓᬭ᭞ᬗᬘᭂᬧ᭄ᬲᬂᬳ᭄ᬬᬂᬪᬭᬸᬡ᭞ᬫᬓᬤᬾᬯᬦ᭄ᬲᬕᬭᬦᬾ᭞ᬫᬫᬶᬢᬂᬓᬵᬫᬦ᭄ᬤᬮᬸ᭞ᬫᬭᬶᬂᬢᬼᬗᬶᬂᬫ
ᬥᬸᬧᬲᬶᬃ᭞ᬲᬧᬸᬦᬶᬓᬭᬶᬦᬱ᭞ᬳᬫ᭄ᬩᭂᬓ᭄ᬱᬂᬤ᭄ᬬᬳᬬᬸ᭞ᬢᬦ᭄ᬭᬸᬗᬸᬭᬶᬂᬲᬧᬲᬶᬭ᭞ᬓᬧᬶᬗᭀᬦᬦ᭄᭞ᬲᬓᬶᬂᬩᭂᬢᬾᬯᬾᬦ᭄ᬢᭂᬦ᭄ᬗᬶᬦ᭄ᬢᬶᬧ᭄᭞ᬓᬤᬸᬓ᭄ᬓᬮᬗᭂᬦ᭄ᬫᬲᬶᬭᬫ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬧᬮᬶᬂ᭞ᬓᬮᬸᬮᬸᬢᬦ᭄᭞ᬭᬱᬢᬦ᭄ᬧ [ 18 ][᭑᭗ 17B]
᭑᭗
ᬚᬶᬯ᭞ᬍᬍᬄᬫᭂᬓᭂᬓ᭄ᬳᬗ᭄ᬲᭂᬕᬦᬾ᭞ᬫᬗ᭄ᬤᬲᬵᬫ᭄ᬧᬸᬦᬂᬗᬗ᭄ᬲᬸᬃ᭞ᬲ᭄ᬤᭂᬓ᭄ᬓᬮᬗᭂᬦ᭄ᬫᬩᬮᬶᬄ᭞ᬩᬲᭀᬗᬾᬫᬤᬓ᭄ᬱᬭ᭞ᬜᬓ;ᬗᭀᬗ᭄ᬓᭀᬂᬉᬬᬸᬢ᭄᭞ᬓᬕ᭄ᬬᬢ᭄ᬲᬂᬲ᭄ᬤᭂᬓ᭄ᬫᬲᬶᬭᬫ᭄᭞ᬭᬶᬂᬲᬕᬭ᭞ᬫᬭᬾᬗᬂᬢᬸᬫᭀᬦ᭄ᬓᬧᬗ᭄ᬕᬶᬄ᭞
ᬦᬓ᭄ᬫᬲᬗᬶᬤᬦ᭄᭟ᬭᬶᬂᬳ᭄ᬩᭂᬢᬾᬤ᭄ᬮᬓ᭄ᬤᭂᬮᭀᬓ᭄ᬗᬶᬦ᭄ᬢᬶᬧ᭄᭞ᬓᬶᬚᬧ᭄ᬓᬶᬚᬧ᭄᭞ᬤᬶᬭᬶᬲ᭄ᬫᬓᬮᬸᬓᬦ᭄᭞ᬗᬍᬚᭀᬕ᭄ᬗᬫ᭄ᬩᬶᬮ᭄ᬯᬲ᭄ᬢ᭄ᬭᬦᬾ᭞ᬓᬲᬼᬗᬕᬦ᭄ᬢᬗ᭄ᬓᭂᬚᬸᬢ᭄᭞ᬚ᭄ᬜ᭄ᬕᬄᬫᬲ᭄ᬩᭂᬂᬓᬩᬶᬮ᭄ᬩᬶᬮ᭄᭞ᬬᬢ᭄ᬦᬦ᭄ᬓᭂᬧ᭄ᬗᬾᬗ᭄ᬕᬮᬂ᭞ᬦᬾᬫᬩᬸᬘᬸᬢ᭄ᬮᬸ᭞ᬩ᭄ᬘᬢ᭄ᬲᬾᬧᬦ᭄ᬫᬪᬸ
ᬱᬦ᭞ᬓᬤᬸᬓᬺᬗᬲ᭄᭞ᬲᬵᬫ᭄ᬧᬸᬦ᭄ᬤᭀᬄᬫᬮᬳᬶᬩ᭄ᬦᭀᬮᬶᬄ᭞ᬚᬕᬶᬦᬤᬳᬂᬧᬵᬯᬲᬦ᭄᭟᭚᭐᭚ᬧᬸᬧᬸᬄᬕᬶᬦᬤ᭚᭐᭚ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬳᭂᬗ᭄ᬲᭂᬓ᭄ᬤᬸᬄᬓᬶᬢᬢᬦ᭄ᬓᬤᬶ᭞ᬭᬾᬄᬓᬭᬶᬓᬮᬗᭂᬦ᭄ᬯᭀᬦ᭄ᬢᭀᬦ᭄᭞ᬲ
ᬫᬲᬶᬭᬫ᭄ᬲᬕᬾᬢ᭄ᬦᬯᬸᬲ᭄᭞ᬳᬲᬸᬦᬾᬩᬚᬶᬕᬃᬗᭀᬂᬗ᭄ᬓᭀᬂ᭞ᬘᭂᬗ᭄ᬓᬂᬘᭂᬗ᭄ᬓᬶᬂ᭞ᬗᬯᬶᬦᬂᬤᬸᬭᬸᬲ᭄ᬓᬢᬭ᭟ᬳᭀᬕᬦ᭄ᬳᬲᬸᬦᬾᬓᬩᬢ᭄ᬩᬢ᭄᭞ᬩᬲᭀᬂᬧᬗᬾᬦ᭄ᬓᬾᬦᬜ᭄ᬚᬵᬳᬶᬮ᭄᭞ᬢᬦ᭄ᬧᬲ᭄ᬫᬸᬢᬦ᭄ᬧᬢ᭄ᬫᬄ᭞ᬳᬶᬩᬕᬲᬓ᭄ᬢᬦᬶᬗ᭄ᬓᬸᬄ᭞
[᭑᭘ 18A]
ᬢᭀᬂᬗ᭄ᬮᬄᬯᬗᬸᬦᬥᬶᬓ᭞ᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬲᬸᬩᬫᬫᬦ᭄ᬢᭂᬢ᭄ᬩᭂᬮᭀᬭᬦ᭄᭟ᬳᬶᬩᬲᬓᬾᬂᬘᬶᬘᬶᬂᬢᬯᬄ᭞ᬳᬧᬫᬓ᭄ᬭᬡᬦᬾᬢᬸᬦᬶ᭞ᬓᬭᬕ᭄ᬓᬶᬭᬶᬕ᭄ᬫᬓᬶᬍᬲᬦ᭄᭞ᬳᬦ᭄ᬤᬸᬧᬂᬢ᭄ᬯᬭᬜᬓ᭄ᬗᭂᬧᬸᬂ᭞ᬓᬶᬤᬗᬾᬓᬦ᭄ᬢᬶᬫᬓ᭄ᬘᭀᬲ᭄᭞ᬫᬶᬭᬶᬕ᭄ᬢᬗ᭄ᬓᬶᬤ᭄
᭞ᬧᬬᬸᬳᬶᬮᬂᬚᬮᬦ᭄ᬫᬸᬮ᭟ᬚ᭄ᬜᭂᬂᬫᬢᬦ᭄ᬳᬶᬩᬩᬸᬢ᭞ᬢᭀᬦ᭄‌ᬕ᭄ᬢᬳᬾᬦ᭄ᬗᭂᬦᭀᬢ᭄ᬥᬥᬭᬶ᭞ᬳᬧᬜᬓ᭄ᬫᬕᭀᬩᬩᬸᬭᭀᬦ᭄᭞ᬳᬦᬓᬾᬳᬶᬩᬸᬲᬦ᭄ᬫᬜ᭄ᬚᬸᬲ᭄᭞ᬅᬫᬓ᭄ᬫᬸᬲ᭄ᬢᬧᬦ᭄ᬲᭂᬓᬂ᭞ᬓᬶᬲᬶᬓᬶᬲᬶ᭞ᬧᬶᬦᭂᬳᬶᬦ᭄ᬭᬵᬤᬾᬦ᭄ᬧᬜ᭄ᬚᬗᬂ᭟ᬲᬵᬫ᭄ᬧᬸ
ᬦ᭄ᬳᬸᬕᬶᬲᬮᬶᬢ᭄ᬳᬃᬱ᭞ᬳᬢᬹᬃᬢᬶᬢ᭄ᬬᬗᬾᬮᬶᬗ᭄ᬕᬶᬳᬶᬦ᭄᭞ᬫᬦᬯᬶᬩᭀᬬᬫᬦᬸᬱ᭞ᬳᬦᬓᬾᬫᬲᬶᬭᬫ᭄ᬯᬳᬸ᭞ᬳᬯᬶᬦᬦ᭄ᬳᬲᬸᬦᬾᬗᭀᬗ᭄ᬓᭀᬂ᭞ᬲᬓᬾᬗᬚ᭄ᬭᬶᬄ᭞ᬗ᭄ᬢᭀᬦ᭄ᬲᬶᬮᬸᬫᬦ᭄ᬯᬂᬕᬫᬂ᭟ᬓᬤᬶᬳᬢᬹᬭᬾᬳᬶᬩᬸᬲᬦ᭄᭞ᬕᬸᬫᬦ᭄ᬢᬶᬢ᭄ᬗᭂᬢ᭄ᬳᬶ
ᬓᬶ᭞ᬓᬢᬄᬳᬦᬓᬾᬫᬚᬭᬂ᭞ᬳᬶᬭᬶᬓᬶᬯᬦ᭄ᬢᬄᬓᬯᬸᬯᬸᬲ᭄᭞ᬕ᭄ᬦᬄᬲᬶᬮᬸᬫᬦ᭄ᬯᬂᬕᬫᬂ᭞ᬓᬾᬄᬫᬫ᭄ᬤᬶ᭞ᬧᬶᬦᬶᬄᬳᬗ᭄ᬓᭂᬃᬫᬤᬸᬃᬕ᭄ᬕᬫ᭟ᬲ᭄ᬭᬶᬂᬳᬦᬓᬾᬗᬦ᭄ᬢᭂᬦᬂ᭞ᬦᬾᬲᭀᬮᬾᬄᬲᭀᬮᬾᬄᬳᬶᬭᬶᬓᬶ᭞ᬓᭀᬘᬧ᭄ᬯᬾᬦ᭄ᬢᭂᬦ᭄ᬓᬢᬸᬢᬸᬭᬦ᭄᭞ᬤᬾ [ 19 ][᭑᭘ 18B]
᭑᭘
ᬯᬶᬅᬜ᭄ᬚᬦᬶᬓᬯᬸᬯᬸᬲ᭄᭞ᬲ᭄ᬭᬶᬂᬫᬓᬦ᭄ᬢᭂᬦ᭄ᬫᬮᬜ᭄ᬘᬭᬦ᭄᭞ᬓᬵᬮᬲ᭄ᬧᬶ᭞ᬢᬚᭂᬕ᭄ᬲᬹᬃᬬ᭄ᬬᬜᬋᬧᭂᬢᬂ᭟ᬤᬾᬯᬷᬅᬜ᭄ᬚᬦᬶᬧᬸᬦᬶᬓ᭞ᬤᬾᬯᬦᬶᬂᬕᬸᬦᬸᬂᬋᬜ᭄ᬚᬦᬶ᭞ᬫᬶᬦᬩ᭄ᬳᬶᬤᬫᬲᬶᬮᬸᬫᬦ᭄᭞ᬤᬤᭀᬲ᭄ᬓᬶᬤᬂᬲᬦᬾᬯᬳᬸ᭞ᬳᬶᬘᬮ᭄ᬢ
ᬦ᭄ᬧᬭᬯᬢ᭄ᬫᬢᬺ᭞ᬫᬗ᭄ᬓᬶᬦ᭄ᬧᬗ᭄ᬕᬶᬄ᭞ᬜᬸᬢᬶᬭᬹᬧᬫᬲᬶᬮᬸᬫᬦ᭄᭟ᬤᬤᭀᬲ᭄ᬥᬥᬭᬶᬫᬲᬶᬭᬫ᭄᭞ᬓᬳᬬᭀᬦᬾᬢᬦ᭄ᬧᬲᬶᬭᬶᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬩᭂᬗᭀᬗᭂᬗᭀᬂ᭞ᬓᬦ᭄ᬢᬸᬦ᭄ᬫᬶᬦᭂᬳᬶᬦ᭄ᬭᬶᬂᬓᬳ᭄ᬬᬸᬦ᭄᭞ᬯ᭄ᬓᬲᬦ᭄ᬭᬭᬶᬲ᭄ᬗᬦ᭄ᬤᬶᬓ᭞ᬬᬦ᭄ᬥᬥᬭᬶ᭞ᬚᬮ
ᬦ᭄ᬤᭀᬂᬢᬸᬢᬸᬕ᭄ᬳᬾᬗ᭄ᬕᬮᬂ᭟ᬫᬸᬂᬧᬸᬂᬦᬸᬗᭂᬦᬄᬫᬚᬮᬦ᭄᭞ᬭᬾᬜ᭄ᬘᬗᬾᬢᬦ᭄ᬧᬜ᭄ᬚᬂᬫᬮᬶᬄ᭞ᬗᬶᬭᬶᬗᬂᬲᬮᬫ᭄ᬧᬄᬳᭂᬗ᭄ᬕᭀᬦ᭄᭞ᬩᬸᬮᬸᬲ᭄ᬧᬫᬃᬕ᭄ᬕᬶᬦᬾᬗᭂᬢᬹᬢ᭄᭞ᬲᬗ᭄ᬓᬤᬶᬥᬥᬭᬶᬓᬢᭀᬦ᭄᭟ᬭᬶᬂᬧᬲᬶᬲᬶ᭞ᬓ᭄ᬮᬧ᭄ᬓᭂᬮᬧ᭄ᬫᬶᬭᬶᬕ᭄ᬤᬾᬰ᭟
ᬲᬕᬾᬢ᭄ᬳᬶᬘᬮ᭄ᬳᬲ᭄ᬮᬩ᭄ᬲᬩᬦ᭄᭞ᬫᬾᬄᬲᬵᬫ᭄ᬧᬸᬦ᭄ᬓᬤᬾᬰᬗ᭄ᬭᬜ᭄ᬚᬶᬂ᭞ᬦᬤᬓ᭄ᬱᬭᬯᬾᬦ᭄ᬢᭂᬦ᭄ᬗᬭᭀᬤ᭄᭞ᬳᬲᬶᬓᬶᬓ᭄ᬘᬕ᭄ᬭᬶᬂᬧᬸᬗ᭄ᬓᬸᬃ᭞ᬧᬸᬦᬶᬓᬭᬭᬶᬲ᭄ᬓᬵᬦ᭄ᬤᭂᬕᬂ᭞ᬓᬢᬓᬾᬦᬶᬦ᭄᭞ᬥᬹᬄᬚ᭄ᬭᭀᬮᬸᬄᬢᬶᬢ᭄ᬬᬂᬦᬸᬦᬲᬂ᭟ᬯᬵᬱ᭄ᬝᬦ᭄ᬤᬾᬰᬦᬾᬦ᭄ᬤ
[᭑᭙ 19A]
ᬯᭂᬕᬂ᭞ᬲᬂᬓᬢᬓᬾᬦᬶᬦ᭄ᬜᬯᬸᬭᬶᬦ᭄᭞ᬧᬸᬦᬶᬓᬶᬧᬺᬤᬾᬰᬩᬬᬦ᭄᭞ᬫᬕ᭄ᬦᬄᬭᬶᬂᬩᬮᬾᬃᬕᬸᬦᬸᬂ᭞ᬅᬫᬓ᭄ᬫᬸᬲ᭄ᬢᬧᬜᬸᬚᬸᬳᬂ᭞ᬲᬤᬓ᭄ᬜᬶᬂ᭞ᬥᬹᬄᬲᬧᬲᬶᬭᬧᬸᬦᬶᬓ᭟ᬦᬾᬳᬶᬭᬶᬂᬚ᭄ᬭᭀᬦᬾᬫᬲᬶᬭᬫ᭄᭞ᬦᬾᬚ᭄ᬕᬾᬕ᭄ᬓᬤᬶᬥᬥᬭᬶ᭞ᬳᬦᬓ᭄ᬮᬸᬄ
ᬧᬸᬦᬶᬓᬩ᭄ᬗᭀᬂ᭞ᬳᬗᭀᬩ᭄ᬗᭂᬢᭀᬦ᭄ᬳᬦᬓ᭄ᬩᬕᬸᬲ᭄᭞ᬢᬦ᭄ᬲᬄᬭᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬲᬼᬤᬾᬢᬶᬦ᭄᭞ᬓᬤᬶᬫᬮᬾᬓᬢ᭄ᬜᬓᬵᬮ᭟ᬫᭂᬤ᭄‌ᬍᬕᬳᬶᬧᬸᬦ᭄ᬫᭂᬤᬲᬂ᭞ᬓᬲ᭄ᬯᬾᬦ᭄ᬓᭂᬜᭂᬫ᭄ᬜᬯᬸᬭᬶᬦ᭄᭞ᬥᬹᬄᬢᬶᬢ᭄ᬬᬂᬤᬸᬫᬸᬦ᭄ᬫᬢᬓᭀ
ᬦ᭄᭞ᬲᬧᬲᬶᬭᬚ᭄ᬭᭀᬦᬾᬮᬚᬸ᭞ᬫᬦᬓᬾᬦᬂᬕᬸᬲ᭄ᬢᬶᬢᬶᬦ᭄ᬢᬶᬢ᭄ᬬᬂ᭞ᬚᬕᬦᬧᬶ᭞ᬬᬦᬶᬂᬲᬵᬫ᭄ᬧᬸᬜ᭄ᬚ᭄ᬭᭀᬦᬾᬦᬯᬂ᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬶᬫ᭄ᬩᬮ᭄᭞ᬥᬹᬄᬳᬫ᭄ᬧᬸᬭᬚ᭄ᬭᭀᬳᬶᬲ᭄ᬢ᭄ᬭᬶ᭞ᬲᬵᬫ᭄ᬧᬸᬦ᭄ᬳᬸᬕᬶᬲᬮᬶᬢ᭄ᬳᬃᬱ᭞ᬭᬶᬂᬧᬢᬓᬾᬦ᭄ᬢᬶᬢ᭄ᬬᬂᬚᬸ
ᬚᬸᬢ᭄᭞ᬩᭀᬬᬲᬗ᭄ᬓᬦᬶᬂᬩᬚᬶᬕᬃ᭞ᬭᬾᬄᬢᬦ᭄ᬳᬸᬦᬶᬂ᭞ᬳᬯᬶᬦᬦ᭄ᬢᬶᬢ᭄ᬬᬂᬦᬸᬦᬲᬂ᭟ᬫᬗ᭄ᬤᬲᬵᬫ᭄ᬧᬸᬦ᭄ᬳᬶᬯᬂᬢᬤᬄ᭞ᬭᬾᬄᬢᭂᬫ᭄ᬩᬾᬭᬯᬸᬄᬫᬭᬶᬓᬶ᭞ᬕᬸᬫᬦ᭄ᬢᬶᬢᬶᬬᬂᬫᬩᭀᬭᭀᬲ᭄᭞ᬢᬦ᭄ᬳᬸᬦᬶᬂᬭᬶᬗ᭄ᬓᬗᬶᬦ᭄ᬓᬯᬸᬄ᭞ᬳᬢᬹᬭᬾᬓᬤᬶᬲᭀ [ 20 ][᭑᭙ 19B]
᭑᭙
ᬕᭀᬮ᭄᭞ᬥᬹᬄᬚ᭄ᬭᭀᬳᬶᬲ᭄ᬢ᭄ᬭᬷ᭞ᬲ᭄ᬯᬾᬘ᭄ᬙᬉᬕᬷᬜᬫ᭄ᬧᬸᬭ᭟ᬳᬦᬓ᭄ᬮᬸᬄᬧᬸᬦᬶᬓᬮᬕᬲ᭄᭞ᬫᬲᬳᬸᬃᬲᬤᬫᬓ᭄ᬚᬶᬢ᭄᭞ᬢᬦ᭄ᬳᬶᬯᬂᬚ᭄ᬭᭀᬦᬾᬫᬢᬓᭀᬦ᭄᭞ᬦᬵᬗ᭄ᬳᬶᬂᬬᬦ᭄ᬲᬓᬭᬶᬂᬧᬵᬢᬹᬢ᭄᭞ᬜᬤ᭄ᬬᬢᬶᬢ᭄ᬬᬂᬗᬸᬦᬶᬗᬬᬂ᭞ᬫᬜᬳᬸᬭᬶ
ᬦ᭄᭞ᬲᬧᬢᬓᬾᬜ᭄ᬚ᭄ᬭᭀᬦᬾᬩᬸᬲᬦ᭄᭟ᬕᬸᬲ᭄ᬢᬶᬦ᭄ᬢᬶᬢ᭄ᬬᬗᬾᬧᬸᬦᬶᬓ᭞ᬫᬧᬭᬩ᭄ᬭᬤᬾᬦ᭄ᬫᬲ᭄ᬓᬸᬦᬶᬂ᭞ᬳᭀᬓᬦ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬳᬗ᭄ᬮᬸᬭᬄᬭᬶᬂᬩᬮᬾᬃᬕᬸᬦᬸᬂ᭞ᬗᭀᬤᬕ᭄ᬧᬜ᭄ᬚᬵᬓ᭄ᬢᬜ᭄ᬚᬸᬂᬩᬬᬦ᭄᭞ᬲᬓᬾᬂᬗᬹᬦᬶ᭞ᬯᬶᬪᬵᬯᬲᬸᬩ
ᬮᬯᬶᬃᬬ᭄ᬬ᭟ᬥᬹᬢᬶᬢ᭄ᬬᬂᬢᬍᬃᬦᬸᬦᬲᬂ᭞ᬲᬧᬲᬶᬭᬚ᭄ᬭᭀᬦᬾᬚᬢᬶ᭞ᬧᬲᬾᬗᬦ᭄ᬬᬤᬶᬦ᭄ᬓᬯ᭄ᬯᬗᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬢᬶᬢ᭄ᬬᬂᬢᬦ᭄ᬤ᭄ᬭᬸᬄ᭞ᬓ᭄ᬜᭂᬫ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬜᬳᬸᬭᬶᬦ᭄᭞ᬢᬶᬢ᭄ᬬᬂᬲᬓᬾᬂᬩᬜ᭄ᬚᬃᬲ᭄ᬓᬃ᭟ᬓᬓᬸᬤᬗᬦ᭄ᬰᬾ
ᬮᬧᬭᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬫᬶ᭞ᬓᬯᬶᬱᬬᬦᬾᬫᬩᭀᬭᭀᬲ᭄᭞ᬳᬦ᭄ᬢᬸᬓ᭄ᬪᬾᬓ᭄ᬱᬦᬾᬓᬧᬗ᭄ᬓᬸᬂ᭞ᬓᬵᬗᭂᬦ᭄ᬳᬦᬓ᭄ᬮᬸᬄᬧᬸᬦᬶᬓ᭟ᬲᬳᬸᬃᬓ᭄ᬜᬶᬂ᭞ᬳᬭᬄᬩᬵᬲ᭄ᬗᬦ᭄ᬤᬧᬂᬭᬕ᭟ᬢᬶᬢ᭄ᬬᬂᬧᬸᬭᬸᬦ᭄ᬗᬯᬢᬗᬂ᭞ᬮᬸᬗ᭄ᬳᬦᬾᬭᬯᬸᬄᬫᬭᬶᬓᬶ᭞ᬩᭀ
[᭒᭐ 20A]
ᬬᬕᬸᬫᬦ᭄ᬢᬶᬫᬩᭀᬭᭀᬲ᭄᭞ᬜᭂᬮᬧᬂᬓᬩᬮᬾᬃᬕᬸᬦᬸᬂ᭞ᬫᬦᬯᬶᬲᬵᬫ᭄ᬧᬸᬦ᭄ᬫᬕᬢᬺ᭞ᬯᬾᬦ᭄ᬢᭂᬦ᭄ᬧᬓ᭄ᬱᬶ᭞ᬢᬶᬢᬶᬭᬦ᭄ᬗᬢᭂᬗ᭄ᬓᬸᬂᬩᬦ᭄ᬩᬦ᭄᭟ᬕᬸᬫᬦᬭᬯᬸᬄᬫᬧᬶᬓᬢ᭄᭞ᬫᬶᬓᬢᬶᬦ᭄ᬦᬾᬜᬦ᭄ᬤᬂᬩ᭄ᬯᬢᬶᬦ᭄᭞ᬓᬤᬸᬓ᭄ᬧᬜᭂᬂᬘᭂᬗᬾᬩᬶᬦᬮ᭄
᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬸᬲ᭄᭞ᬲᬭᬚ᭄ᬭᭀᬦᬾᬫᬯᭀᬲᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬗ᭄ᬳᬶᬂᬲᬸᬚᬢᬶᬫᬦᬄᬢᬶᬢ᭄ᬬᬂ᭟ᬕᬸᬫᬦ᭄ᬢᬶᬫᬩᭀᬭᭀᬲ᭄ᬓᬶᬤᬂ᭞ᬯᬳᬸᬄᬭᬶᬂᬳᬮᬲᬾᬧᬮᬶᬂ᭞ᬢᬦ᭄ᬳᬸᬦᬶᬂᬭᬶᬂᬳᬭᬳᬭᬄ᭞ᬫᬫᬃᬕ᭄ᬕᬶᬓᬮᬧᬸᬮᬧᬸ᭞ᬳᬶᬗ᭄ᬕᬶᬄ
ᬬᬦ᭄ᬕᬸᬫᬦ᭄ᬢᬶᬲ᭄ᬯᬾᬘ᭄ᬙ᭞ᬥᬹᬄᬚ᭄ᬭᭀᬳᬶᬲ᭄ᬢ᭄ᬭᬷ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬫᬤᬸᬦᬸᬗᬦ᭄᭟ᬫᬗ᭄ᬤᬧᭀᬮᬶᬄᬫᬲᬬᬸᬩᬦ᭄᭞ᬭᬾᬄᬓ᭄ᬜᭂᬮ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬮᬘᬸᬃᬢᬦ᭄ᬧᭀᬮᬶᬄᬫᬩᭀᬭᭀᬲ᭄᭞ᬳᬦᬓ᭄ᬮᬸᬄᬧᬸᬦᬶᬓᬓ᭄ᬜᬸᬂ᭞ᬢᬦ᭄ᬲᬦ᭄ᬤᬂᬭᬵᬤᬾ
ᬦ᭄ᬗᭀᬩᭂᬢᬂ᭞ᬲᬋᬂᬲᬫᬶ᭞ᬳᬶᬭᬶᬓᬶᬭᬶᬂᬤᬾᬰᬩᬬᬦ᭄᭟ᬓᬦ᭄ᬢᬸᬦ᭄ᬮᬶᬗ᭄ᬕᬄᬧᬕᭂᬜ᭄ᬚᬳᬦ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬦ᭄ᬳᬰᬰᬶᬄ᭞ᬭᬵᬤᬾᬦ᭄ᬫᬕ᭄ᬦᬄᬭᬶᬂᬩᬬᬦ᭄᭞ᬢᬶᬢ᭄ᬬᬂᬗᬵᬢᬹᬭᬶᬦ᭄ᬧᬤᬸᬦᬸᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬶᬫ᭄ᬩᬮ᭄‌᭞ᬢᬹᬃ [ 21 ][᭒᭐ 20B]
᭒᭐
ᬦᬓᬾᬦᬶᬦ᭄᭞ᬲᬧᬲᬶᬭᬚ᭄ᬭᭀᬦᬾᬳᭀᬮᬲ᭄᭟ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬫᬤᬸᬦᬸᬗᬦ᭄᭞ᬓᬤᬶᬚᬸᬚᬸᬢ᭄ᬢᬶᬢ᭄ᬬᬂᬫᬮᬶᬄ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬢᬦ᭄ᬤ᭄ᬭᬸᬳᬦ᭄᭞ᬲᬗ᭄ᬓᬢᬓᬾᬦᬦ᭄ᬫᬲᬳᬸᬃ᭞ᬳᬶᬗ᭄ᬕᬶᬄᬫᬸᬗ᭄ᬕ᭄ᬯᬶᬂᬯᬵᬱ᭄ᬝᬦ᭄ᬢᬶᬢ᭄ᬬᬂᬇᬦᬓ᭄ᬢᬳᬶᬃ᭞ᬢᬦ᭄ᬓᬦ᭄ᬢᬸᬦ᭄ᬫᬤ᭄ᬯᬾ
ᬓᬸᬋᬦᬦ᭄᭟ᬲᬵᬫ᭄ᬧᬸᬦ᭄ᬮᬫ᭄ᬧᬶᬢᬶᬢ᭄ᬬᬂᬫᬲ᭄ᬬᬂ᭞ᬓᬦ᭄ᬢᬸᬦ᭄ᬳᬗ᭄ᬮᬸᬭᬯᬸᬄᬫᬗ᭄ᬓᬶᬦ᭄᭞ᬳᬯᬶᬦᬦ᭄ᬫᬦᬳᬾᬳᬾᬮᬄ᭞ᬗᬵᬢᬹᬭᬶᬦ᭄ᬭᬵᬤᬾᬦ᭄ᬧᬤᬸᬦᬸᬂ᭞ᬫᬗ᭄ᬤᬯᬾᬦ᭄ᬢᭂᬦ᭄ᬳᬶᬭᬶᬂᬢᬶᬢ᭄ᬬᬂ᭞ᬗᬋᬡᬳᬶᬦ᭄᭞ᬉᬫᬄᬢᬶᬢ᭄ᬬᬂᬲ᭄ᬧᬶᬰᬹᬦ᭄ᬬ᭟ᬲᬓᬾᬂᬍᬕᬫᬦᬄ
ᬢᬶᬢ᭄ᬬᬂ᭞ᬬᬦ᭄ᬭᬵᬤᬾᬦ᭄ᬮᬾᬤᬂᬜᬶᬫ᭄ᬧᬗᬶᬦ᭄᭞ᬫᬘᭂᬫ᭄ᬧᭂᬮᬾᬂᬳᬫᬓ᭄ᬫᬸᬲ᭄ᬢᬧ᭞ᬲᬤᬓ᭄ᬜᭂᬫ᭄ᬲᬳᬸᬃᬕᬸᬬᬸ᭞ᬥᬹᬄᬋᬦᬓ᭄ᬬᬦ᭄ᬲᬚᬳᬾᬮᬄ᭞ᬮᬓᬃᬦᬫ᭄ᬧᬶ᭞ᬫᬓ᭄ᬚᬂᬫᬓᬶᬢᬲᬶᬗ᭄ᬕᬄ᭟ᬓᬸᬫᬄᬇᬦᬓ᭄ᬫᬤᬸᬦᬸᬗᬦ᭄᭞ᬫᬓ᭄ᬚᬂᬜᬓ᭄ᬗᬋᬡᬳᬶ
ᬦ᭄᭞ᬲᬫ᭄ᬩᬶᬮᬂᬩ᭄ᬤᬓ᭄᭞ᬫᬸᬧᬸᬂᬳᬤᬦᬜ᭄ᬚᬾᬦ᭄ᬓᬸᬯᬸᬤ᭄‌᭞ᬓ᭄ᬜᬶᬂᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬩᬳᬸᬫᬶᬯᬕᬶ᭞ᬫᬲᬳᬸᬃᬅᬫᬓ᭄ᬫᬸᬲ᭄ᬢᬧ᭟ᬳᬭᬄᬢᭀᬂᬜᬦ᭄ᬤᬂᬮᬦ᭄ᬢᬗᬂ᭞ᬦᬄᬚᬮᬦ᭄ᬲᬸᬩᬲᬶᬗ᭄ᬕᬳᬶᬦ᭄᭞ᬗ᭄ᬭᬭᬶᬲ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞
[᭒᭑ 21A]
ᬲᬋᬂᬭᬾᬜ᭄ᬘᬗᬾᬲᬸᬫᬸᬬᬸᬕ᭄᭞ᬓᬸᬫᬄᬲᬂᬲᬸᬤᬶᬜᬶᬫ᭄ᬧᬗᬂ᭞ᬇᬦᬓ᭄ᬢᬳᬶᬃ᭞ᬮ᭄ᬯᬶᬃᬲᬶᬦ᭄ᬯᬫ᭄ᬓᬢᬶᬩᬦ᭄ᬯᬃᬱ᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬲᬤᬯᭂᬕ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬓᬾᬂᬲᬕᬭᬫᬓᬯᭀᬦ᭄᭞
ᬫᬢᬸᬮᬓ᭄ᬫᬦ᭄ᬢᬸᬓ᭄ᬓᬧᬸᬭᬶ᭞ᬲᬧᬭᬶᬯᬭᬗᬶᬭᬶᬂ᭞ᬫᬲᭂᬮ᭄ᬲᭂᬮᬦ᭄ᬫ᭄ᬭᬄᬫ᭄ᬭᬸᬄ᭞ᬜᬾᬦ᭄ᬲᬚᬳᭂᬦ᭄ᬢᭀᬲᬶᬧᭀᬓ᭄᭞ᬜᬼᬧᬂᬢ᭄ᬓᬫᬩᬮᬶᬄ᭞ᬳᬦᬓ᭄ᬫᬜ᭄ᬚᬸᬲ᭄᭞ᬢ᭄ᬯᬭᬦᬯᬂᬢᬢᬓ᭄ᬭᬫ᭟ᬯᬳᬸᬭᬯᬸᬄᬭᬶᬂᬚ᭄ᬭᭀᬧᬸᬭ᭞ᬲᬓ᭄ᬱᬡᬓᬕ᭄ᬤᭀᬂ
ᬗ᭄ᬭᬜ᭄ᬚᬶᬂ᭞ᬤᬶᬳᬕᬾᬗᭂᬲᬾᬗᬶᬦ᭄ᬯᬂᬚ᭄ᬭᭀ᭞ᬓᬦ᭄ᬤᬶᬓᬬᬂᬫᬫᭂᬤᬲᬶᬦ᭄᭞ᬭᬶᬂᬚᬩᬗᬺᬋᬄᬳᭀᬃᬢ᭄ᬣᬶ᭞ᬲᬧᬲᬶᬭᬲᬦᬾᬯᬳᬸ᭞ᬭᬶᬂᬩᭂᬢᬾᬤ᭄ᬮᬓ᭄‌ᬤ᭄ᬮᭀᬓ᭄᭞ᬕᬸᬫᬦᬧᬺᬱᬗ᭄ᬕᬗᬶᬦ᭄ᬢᬶᬧ᭄᭞ᬧᬭᬯᬥᬸ᭞ᬫᬮᬮᬸᬂᬲ᭄ᬤᭂᬓ᭄ᬫᬲᬶᬭᬫ᭄᭟
ᬬᬦ᭄ᬯᭀᬂᬤᬾᬰᬢᬜ᭄ᬚᬸᬂᬩᬬᬦ᭄᭞ᬮᬗ᭄ᬖᬦᬫᬢᬶᬗ᭄ᬓᬄᬚᬳᬶᬮ᭄᭞ᬧᬘᬂᬓᬵᬢᬹᬃᬓᬳᬸᬦᬶᬗᬬᬂ᭞ᬭᬶᬂᬧᬮᬸᬗ᭄ᬕᬸᬄᬭᬵᬤᬾᬦ᭄ᬳᬚᬶ᭞ᬮᬫᬓᬦ᭄ᬳᬶᬧᬸᬦ᭄ᬲᬶᬲᬶᬧ᭄᭞ᬓᬚᬩᬓᬸᬝᬵᬓᬢᬸᬦ᭄ᬤᬸᬂ᭞ᬨᬮᬦ᭄ᬳᬶᬧᬸᬦ᭄ᬤᬸᬃᬰᬶᬮ᭞ᬫᬢᬦᬾᬯ᭄ᬦᬂᬉᬮ [ 22 ][᭒᭑ 21B]
᭑᭒
ᬓᬶᬦ᭄᭞ᬬᬦ᭄ᬫᬫᭂᬗ᭄ᬓᬸᬂ᭞ᬢᬦ᭄ᬗᬶᬭᬶᬂᬲᬶᬲᬶᬧ᭄ᬫᬫᬦ᭄ᬤᬮ᭄᭟ᬲᬧᬸᬦᬶᬓᬓᬢᬸᬥᬸᬳᬂ᭞ᬲᬂᬓᬳᬸᬢᬸᬲ᭄ᬫᬫᬃᬕ᭄ᬕᬶ᭞ᬗᬚᬶᬂᬜ᭄ᬚᬶᬂᬫ᭄ᬤᬮ᭄ᬓᬚᬩ᭞ᬳᬕᭂᬢ᭄ᬳᬶᬧᬸᬦ᭄ᬧᭀᬮᬶᬄᬳᭀᬃᬢ᭄ᬣᬶ᭞ᬭᬶᬗᬸᬫᬄᬇᬦᬓ᭄ᬢᬳᬶᬃ᭞ᬬᬦ᭄ᬢᬓᭀᬘᬧ᭄ᬯᬾᬦ᭄ᬢᭂᬦ᭄ᬢᬫ᭄ᬬᬸ᭞ᬲᬓ᭄ᬱ
ᬡᬳᬶᬧᬸᬦ᭄ᬦᬶᬜ᭄ᬚᭀ᭞ᬯ᭄ᬬᬓ᭄ᬢᬶᬳᬶᬭᬶᬓᬓᬧᬗ᭄ᬕᬶᬄ᭞ᬲᬋᬂᬧᬶᬢᬸ᭞ᬭᬶᬲ᭄ᬤᭂᬓ᭄ᬗᬕᬄᬢᬓᬶᬮᬦ᭄᭟ᬓᬧᬶᬗᭀᬦ᭄ᬳᬶᬧᬸᬦ᭄ᬗᬯᭀᬦᬂ᭞ᬦᬾᬳᬲᬶᬓᬶᬩᬕᬸᬲ᭄ᬕᭂᬜ᭄ᬚᬶᬂ᭞ᬢᬸᬮ᭄ᬬᬧᬜ᭄ᬚᬶᬲᬶᬗᬜ᭄ᬚᬬ᭞ᬓᬤᬸᬓ᭄ᬩᭂᬗᭀᬂᬚᬦ᭄ᬢᭀᬲ᭄ᬮᬮᬶ᭞ᬓᬉᬢᬸᬲ᭄ᬫ
ᬢᬢᭂᬮᬶᬓ᭄᭞ᬓᬢᬸᬗ᭄ᬓᬸᬮ᭄‌ᬍᬕᬫᬚᬸᬚᬸᬓ᭄᭞ᬗ᭄ᬢᭀᬦ᭄ᬦᬾᬩᬕᬸᬲ᭄ᬳᬦᭀᬫ᭄᭞ᬢᬦ᭄ᬮᭀᬕᬲ᭄ᬳᬶᬧᬸᬦ᭄ᬫᬕ᭄ᬥᬶ᭞ᬓᬤᬶᬢ᭄ᬕᬸᬮ᭄᭞ᬩᬸᬦ᭄ᬢᬸᬢᬾᬕ᭄ᬦᬶᬢ᭄ᬩᬶᬲᬓᬦ᭄᭟ᬤᬾᬦ᭄ᬤᬫᬲ᭄ᬓᬸᬦᬶᬂᬓᬾᬫ᭄ᬗᬦ᭄᭞ᬭᬾᬄᬲᬂᬓᬉᬢᬸᬲ᭄ᬫᭂᬤᬲᬶᬦ᭄᭞ᬳᬲᬶᬂᬦᬭᬸᬕ᭄ᬢᬸ
ᬕ᭄ᬓᬚᬩ᭞ᬲᬫᬶᬜᬾᬓ᭄ᬢᬦ᭄ᬢᬸᬮᬓ᭄ᬫᬮᬶᬄ᭞ᬲ᭄ᬤᭂᬓ᭄ᬳᭀᬲᬄᬜᬦ᭄ᬢᭀᬲᬶᬦ᭄᭞ᬯᬾᬦ᭄ᬢᭂᬦ᭄ᬭᬯᬸᬄᬕ᭄ᬲᬄᬫᬵᬢᬹᬃ᭞ᬗᬸᬦᬶᬗᬂᬤᬾᬯᬾᬓ᭄ᬓᬲᭀᬩ᭄᭞ᬓᬧᬶᬗᭀᬦ᭄ᬳᬦ᭄ᬢᬸᬓ᭄ᬗᬶᬯᬲᬶᬦ᭄᭞ᬳᬦᬓ᭄ᬩᬕᬸᬲ᭄᭞ᬓᭀᬘᬧ᭄ᬲᬓᬶᬂᬩᬜ᭄ᬚᬃᬲ᭄ᬓᬃ᭟ᬲᬳ
[᭒᭒ 22A]
ᬫᬵᬢᬹᬃᬫᬦ᭄ᬤᬯᭂᬕᬂ᭞ᬳᬦ᭄ᬢᬸᬓ᭄ᬓᬤᬢᬾᬫᬯᬮᬶ᭞ᬫᬶᬲᬥ᭄ᬬᬯᬦ᭄ᬢᬄᬧᭀᬗᬂ᭞ᬬᬤ᭄ᬬᬲ᭄ᬢᬸᬦ᭄ᬗᭂᬫᬲᬶᬦ᭄ᬲᬶᬲᬶᬧ᭄᭞ᬫ᭄ᬦᬾᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬫᬶᬋᬗᬂᬧᬗᬸᬦᬶᬗᬶᬧᬸᬦ᭄᭞ᬲᬩᬶᬮᬂᬭᬯᬸᬄᬗᭂᬫ᭄ᬩᭀ᭞ᬗᬍᬫ᭄ᬢᬫ᭄ᬬᬸᬇᬦᬓ᭄ᬢᬳᬶᬃ᭞ᬓᭀᬘᬧ᭄ᬩᬕᬸ
ᬲ᭄᭞ᬕᭂᬜ᭄ᬚᬶᬂᬢᬹᬃᬫᬓ᭄ᬮᬸᬲ᭄ᬫᬾᬦᬓ᭄᭟ᬯᬾᬦ᭄ᬢᭂᬦ᭄ᬫᬵᬢᬹᬃᬗᬸᬦᬶᬗᬬᬂ᭞ᬳᬶᬅᬚᬶᬧᬘᬂᬗ᭄ᬲᬾᬗᬶᬦ᭄᭞ᬢᬫ᭄ᬬᬸᬦᬾᬦᬗ᭄ᬓᬶᬮ᭄ᬓᬚ᭄ᬭᭀ᭞ᬤᬾᬦᬶᬂᬓᬓᬦ᭄ᬢᭂᬦᬂᬩ᭄ᬘᬶᬓ᭄᭞ᬓᭂᬦ᭄ᬤᭂᬮ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᭂᬯ᭄ᬯᬂᬚ᭄ᬭᭀᬲᬫᬶᬓᬥᬯᬸᬄ᭞ᬫᬗ᭄ᬤᬳᬶᬧᬸᬦ᭄ᬲᬬᬕ᭞
ᬭᬶᬂᬩᬜ᭄ᬘᬶᬗᬄᬫᬢᬢ᭄ᬮᬶᬓ᭄᭞ᬧ᭄ᬭᬤᬾᬭᬯᬸᬄ᭞ᬤᬶᬳᬕᬾᬫᬗ᭄ᬤᬗᬸᬦᬶᬗᬂ᭟ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬯ᭄ᬬᬓ᭄ᬢᬶᬓᬲᬾᬗᬦ᭄ᬓᬧᬸᬭᬶ᭞ᬳᬦ᭄ᬢᬸᬓ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬢᬹᬃᬓᭀᬘᬧ᭄ᬲᬵᬫ᭄ᬧᬸᬦ᭄ᬫᬫᬃᬕ᭄ᬕᬶ᭞ᬲᬧᬜ᭄ᬚᬂᬧᬜ᭄ᬚᬂᬫᬃᬕ᭄ᬕᬶ᭞ᬫ᭄ᬤ
ᬮ᭄ᬳᬦᬓᬾᬧᬕ᭄ᬭᬸᬤᬸᬕ᭄᭞ᬮᬸᬄᬫ᭄ᬯᬦᬶᬲᬫᬶᬦ᭄ᬮᭀᬓ᭄᭞ᬯᬾᬦ᭄ᬢᭂᬦ᭄ᬗᬜᬂᬧ᭄ᬬᬦᬓ᭄ᬘᭂᬦᬶᬓ᭄‌᭞ᬗᬸᬢᬂᬧᬬᬸᬓ᭄᭞ᬲ᭄ᬤᭂᬓ᭄ᬜᬓᬦ᭄ᬕᬶᬭᬂᬜᬕ᭄ᬚᬕ᭄᭟ᬯᬾᬦ᭄ᬢᭂᬦ᭄ᬩᭂᬮᬶᬂᬫᬕᬾᬤᬾᬳᬦ᭄᭞ᬜᬗ᭄ᬓᭀᬮ᭄ᬩᬲᬂᬳᬗ᭄ᬓᬶᬄᬳᬗ᭄ᬓᬶᬄ᭞ᬫᬩᬸᬤᬶᬓᬚᬩᬦᭂ [ 23 ][᭒᭒ 22B]
᭒᭒
ᬮᬵᬓ᭄᭞ᬦᬾᬤ᭄ᬕᭂᬕᬜ᭄ᬘᬃᬫᬮᬳᬶᬩ᭄᭞ᬗᭂᬘᬕᬂᬓᬫ᭄ᬩᭂᬜ᭄ᬘ᭄ᬭᬶᬓ᭄᭞ᬜᬤᬳᬂᬚᬦ᭄ᬲᬤᬳᬶᬚᬸ᭞ᬭᬶᬂᬢᬾᬫ᭄ᬩᭀᬓ᭄ᬧᬓᬭᬗᬦ᭄᭞ᬩ᭄ᬘᬢ᭄ᬲᬾᬧᬦ᭄ᬗᭂᬜ᭄ᬚᭂᬓ᭄ᬧᬮᬶᬢ᭄᭞ᬜ᭄ᬭᭀᬤ᭄ᬮᬩᬸᬄ᭞ᬓᬫ᭄ᬩᭂᬦᬾᬯᬾᬓ᭄ᬫᬩ᭄ᬮᬸᬮᬭᬦ᭄᭟ᬗᭂᬦᬄ
ᬢᬢᬸᬦᬾᬜᬗᬗᬮ᭄᭞ᬫᬸᬜ᭄ᬘᬸᬓ᭄ᬜᭀᬜᭀᬦᬾᬗᬸᬢᬮ᭄ᬢᬶᬮ᭄᭞ᬲᬾᬩᭂᬢ᭄ᬢᬭᬸᬡᬦᬾᬜᬗ᭄ᬓᭀᬮ᭄᭞ᬫᬗᬸᬦᬂᬧᬧᬓ᭄ᬳᬸᬲᬸᬤᬶᬦ᭄᭞ᬓᭀᬘᬧ᭄ᬤᬦ᭄ᬤᬫᬲ᭄ᬓᬸᬦᬶᬂ᭞ᬲᬬᬕᬲᬵᬫ᭄ᬧᬸᬦ᭄ᬫᬮᬸᬗ᭄ᬕᬸᬄ᭞ᬭᬶᬂᬩᬮᬾᬧᬗᬸᬗᬗᬦ᭄᭞ᬫ
ᬲᬦ᭄ᬤᬶᬂᬯᬢᭂᬓ᭄ᬧᬯᬾᬲ᭄ᬢ᭄ᬭᬷ᭞ᬲᬫᬶᬳᬬᬸ᭞ᬲᬤᬕᬶᬂᬧᬸᬭᬶᬭᬶᬂᬩᬬᬦ᭄᭟ᬤᬯᭂᬕ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬶᬂᬩᬜ᭄ᬘᬶᬗᬄᬫᬗ᭄ᬭᬸᬯᬸᬳᬶᬦ᭄᭞ᬫᬳᬶᬭᬶᬗᬜ᭄ᬚᬸᬭᬸᬩᭀᬭᭀᬲ᭄᭞ᬳᬗᭀᬩ᭄ᬳᬦᬓᬾᬫᬗ᭄ᬕᬶᬳᬶᬦ᭄᭞ᬲᬭᬭᬲᬾ
ᬗᬾᬤᬦᬶᬦ᭄᭞ᬓᬧᬶᬗᭀᬦ᭄ᬳᬲᬶᬂᬳᬦ᭄ᬤᬸᬮᬸ᭞ᬧᬫᬃᬕ᭄ᬕᬶᬲᬤᬦᬬᭀᬕ᭄᭞ᬯᬮᬸᬬᬕᬦ᭄ᬥᬯ᭄ᬯᬧᬢᬶ᭞ᬢᭂᬫ᭄ᬩᬾᬢ᭄ᬥᬸᬦ᭄᭞ᬭᬶᬂᬩᬜ᭄ᬘᬶᬗᬄᬧᬸᬭᬶᬩᬬᬸᬦ᭄᭟ᬧᬤ᭄ᬗᭀᬓ᭄ᬱᬫᬶᬜᬗᭀᬗᬓ᭄᭞ᬫᬓᬤᬶᬤᬾᬦ᭄ᬤᬫᬲ᭄ᬓᬸᬦᬶᬂ᭞
[᭒᭓ 23A]
ᬍᬂᬍᬂᬩᬸᬗᭂᬂᬧ᭄ᬤᬲ᭄ᬢᬸᬫᭀᬦ᭄᭞ᬭᬶᬂᬯᬵᬥᬦᬲᬂᬫᬫᬃᬕ᭄ᬕᬶ᭞ᬲᬸᬚᬢᬶᬩᬕᬸᬲ᭄ᬕᭂᬜ᭄ᬚᬶᬂ᭞ᬧᬫᬸᬮᬸᬦᬾᬕᬥᬶᬂᬮᬸᬫ᭄ᬮᬸᬫ᭄᭞ᬓᬲᭀᬃᬲᬚᬕᬢ᭄ᬲᬲᬓ᭄᭞ᬧᬦ᭄ᬢᭂᬲ᭄ᬲᬯᬢᭂᬓ᭄ᬧᬯᬾᬲ᭄ᬢ᭄ᬭᬷ᭞ᬧᬮᬶᬂᬮᬶᬗ᭄ᬮᬸᬂ᭞ᬗᬮᬶᬗ᭄ᬮᬶᬂᬲᬂᬳᬜᬃᬧ᭄ᬭᬵ
ᬧ᭄ᬢ᭟ᬤᭂᬓ᭄ᬤᭂᬓ᭄ᬮᬶᬤᭂᬓ᭄ᬚ᭄ᬭᭀᬦᬶᬂᬘᬶᬢ᭞ᬦᬵᬗ᭄ᬳᬶᬂᬢᬦ᭄ᬓᬢᬭᬾᬂᬮᬶᬭᬶᬂ᭞ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬍᬃᬩᬸᬗᭂᬂᬢᭂᬫ᭄ᬩᬾᬗᬵᬓ᭄ᬱᬶ᭞ᬓᬳᬬᭀᬦ᭄ᬲᬂᬫᬮᬶᬗ᭄ᬕᬶᬄ᭞ᬦᬾᬦᬶᬜ᭄ᬚᭀᬲᬓᬾᬂᬩᬤᬸᬳᬸᬃ᭞ᬭᬱᬲ᭄ᬤᭂᬓ᭄ᬜᬸᬫ᭄ᬧᭂᬦ᭞ᬫᬗ᭄ᬕᬶ
ᬳᬶᬦ᭄ᬩᬸᬮᬦ᭄ᬦᬤᬭᬶᬦ᭄᭞ᬫᬼᬓ᭄ᬮᬸᬫ᭄ᬮᬸᬫ᭄᭞ᬤᬾᬦ᭄ᬤᬫᬲ᭄ᬓᬸᬦᬶᬂᬓᬘᬶᬗᬓ᭄᭟ᬫᬲᬦ᭄ᬤᬶᬂᬩᬶᬦ᭄ᬢᬂᬓᬃᬢ᭄ᬢᬶᬓ᭞ᬯᬢᭂᬓ᭄ᬧᬯᬾᬲ᭄ᬢ᭄ᬭᬶᬦᬾᬗᬩᬶᬄ᭞ᬫᬭᬸᬫ᭄ᬧ᭄ᬬᬸᬓ᭄ᬧᬢᬸᬭᬸᬩ᭄ᬗᭀᬂ᭞ᬢᬦ᭄ᬧᬾᬦ᭄ᬤᬄᬓᬤᬶᬥᬥᬭᬶ᭞ᬲ᭄ᬤᭂᬓᬮᬗᭂᬦ᭄ᬗᬓ᭄ᬱᬶ᭞ᬧᬫᬃ
ᬕ᭄ᬕᬦ᭄ᬲᬂᬳ᭄ᬬᬂᬅᬢᬦᬸ᭞ᬓᬦ᭄ᬤᬸᬕᬶᬲᬕᬓ᭄ᬱᭀᬕᭀᬓ᭄᭞ᬲᬾᬍᬩ᭄ᬲᬶᬮᬶᬩ᭄ᬲᬕᬾᬢ᭄ᬜᬶᬕᬶᬢ᭄᭞ᬢᬫᬾᬂᬮᬓᬸ᭞ᬲᭀᬢᬦᬶᬂᬧᬸᬢ᭄ᬭᬷᬉᬢ᭄ᬢᬫ᭟ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲ᭄ᬩᭂᬗᬾᬓᬤᬶᬓᬩᬶᬮ᭄ᬩᬶᬮ᭄᭞ᬜᬶᬗ [ 24 ][᭒᭓ 23B]
᭒᭓
ᬓ᭄ᬱᬂᬤ᭄ᬬᬄᬳᬬᬸᬳᬦᭀᬫ᭄᭞ᬭᬱᬮᬾᬫ᭄ᬧᭀᬃᬢᬦ᭄ᬧᬕᬮᬶᬄ᭞ᬧᬺᬫᬗ᭄ᬓᬶᬦ᭄ᬗᭂᬩᬸᬲ᭄ᬤᬶᬗᬶᬦ᭄᭞ᬭᬱᬉᬮᬧ᭄ᬫᬧᬶᬗᬸᬦ᭄ᬢᬸᬮ᭄᭞ᬜᭂᬫ᭄ᬮᬾᬢᬾᬕ᭄ᬢᬗᬜ᭄ᬘᭀᬓᭀᬃ᭞ᬩᬩᬸᬬᬸᬢᬦ᭄ᬫ᭄ᬭᬱᬕ᭄ᬲᬶᬢ᭄᭞ᬢᬦ᭄ᬧᬩᬬᬸ᭞ᬢᬦ᭄ᬤᬶᬓᬦᬾᬓ
ᬫ᭄ᬩᬶᬂᬓᬸᬫ᭄ᬩᬂ᭟ᬜᬮᬾᬫ᭄ᬧᭀᬄᬲᬕᬾᬢ᭄ᬫᬲᬶᬮ᭞ᬩ᭄ᬢᬾᬦ᭄ᬭᬶᬂᬦᬢᬃᬚ᭄ᬭᭀᬧᬸᬭᬶ᭞ᬭᬤᬾᬦ᭄ᬯᬷᬭᬦᬵᬣᬕᬾᬲᭀ᭞ᬜᬕ᭄ᬚᬕ᭄ᬗᬢᬹrᬳᬶᬦ᭄‌ᬫᬢᬗᬶ᭞ᬢᬗᬦᬾᬓᬓ᭄ᬤᭂᬢᬶᬦ᭄᭞ᬓᬵᬢᬹᬭᬦ᭄ᬲᬋᬂᬫᬮᬸᬗ᭄ᬕᬸᬄ᭞ᬩᬤᬸᬳᬸᬃᬭᬶᬂᬫᬡ᭄ᬥᬧ᭞ᬭᬵ
ᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬶᬭᬶᬂ᭞ᬭᬶᬂᬩᬩᬢᬸᬃ᭞ᬫᬮᬶᬗ᭄ᬕᬶᬄᬲᬋᬂᬧᬺᬦᬵᬫ᭄ᬬ᭟ᬮᬸᬮᬸᬢ᭄ᬳᬲᬶᬄᬓᬸᬫᬢᬺᬱ᭄ᬡ᭞ᬲᬂᬭᬯᬸᬄᬓᬭᬯᬸᬳᬶᬦ᭄᭞ᬉᬮᬢᬸᬮᬢ᭄ᬘᬮᬸᬓ᭄ᬯᬾᬦᭀᬦ᭄᭞ᬫᬕᬕᭀᬜ᭄ᬚᬓ᭄ᬱᬋᬗ᭄ᬓᬮᬶᬄ᭞ᬢᬦ᭄ᬓᬢᬦ᭄ᬤ᭄ᬭᬸᬳᬦ᭄ᬫᬮᬶᬄ᭞
ᬓᬭᬯᬸᬳᬦ᭄ᬲᬂᬯᬳᬸᬭᬯᬸᬄ᭞ᬤᬾᬦᬶᬂᬲᬵᬫ᭄ᬧᬸᬦ᭄ᬓ᭄ᬯᬦᭀᬦ᭄᭞ᬤᬸᬓ᭄ᬭᬶᬂᬰᬾᬮᬧᬭᬂᬗᬹᬦᬶ᭞ᬯᬸᬲᬦ᭄ᬧᬭᬸᬫ᭄᭞ᬧᭀᬮᬶᬄᬫᬢᬯᬗᬂᬭᬕ᭟ᬲ᭄ᬭᭀᬫᬾᬄᬭᬵᬤᬾᬦ᭄ᬯᬷᬭᬦᬵᬣ᭞ᬜᬧᬭᬤᬾᬦ᭄ᬩᬜ᭄ᬚᬃᬲᬭᬶ᭞ᬤᭀᬗᬸ
[᭒᭔ 24A]
ᬤᬭᬵᬤᬾᬦ᭄ᬭᬶᬂᬚᬩ᭞ᬚᬸᬫ᭄ᬦᭂᬓ᭄ᬱᬓᬤᬶᬜᬮᬶᬢ᭄᭞ᬲᬶᬫ᭄ᬧᬂᬗᭀᬚᭀᬕ᭄ᬫᬭᬶᬓᬶ᭞ᬲᬧᬲᬶᬭᬧᬘᬂᬢᬦ᭄ᬤ᭄ᬭᬸᬄ᭞ᬯᬮᬸᬬᬫᬦ᭄ᬢᬸᬓ᭄ᬓᬚ᭄ᬭᭀ᭞ᬩᭀᬬᬜᬦ᭄ᬤᬂᬓᬶᬫᬸᬤ᭄ᬫᬮᬶᬄ᭞ᬫᬸᬂᬧᬸᬂᬭᬯᬸᬄ᭞ᬤᬸᬭᬸᬲᬂᬦᬧᬶᬳᬃᬱᬬᬂ᭟ᬭᬤᬾᬦ᭄ᬩᬜ᭄ᬚᬃ
ᬕ᭄ᬢᬲ᭄ᬦᬶᬫ᭄ᬩᬮ᭄᭞ᬩᭀᬬᬢᬶᬢ᭄ᬬᬂᬲᬓᬾᬂᬜᬮᬶᬢ᭄᭞ᬦᬸᬦᬲ᭄ᬮᬸᬗ᭄ᬲᬭᬦ᭄ᬕᬸᬫᬦ᭞ᬭᬯᬸᬳᬾᬲᬓᬤᬶᬫᬗ᭄ᬓᬶᬦ᭄᭞ᬲᬢ᭄ᬫᬓᬢᬶᬢ᭄ᬬᬂᬧᬶᬢᬶᬓ᭄᭞ᬧ᭄ᬭᬤᬾᬧᬸᬭᬸᬦ᭄ᬫᬸᬯᬶᬓᬶᬦᬼᬲᬸᬂ᭞ᬢᬦᬸᬭᬸᬗᬦ᭄ᬓᬲᬗᭀᬦ᭄᭞ᬉᬧᬫᬶᬲᬓᬤᬶᬧᬓ᭄ᬱᬶ᭞
ᬫ᭄ᬲᬢ᭄ᬦᬫ᭄ᬩᬸᬂ᭞ᬲᬶᬂᬢᬭᬸᬕ᭄ᬦᬄᬫᬢᬶᬗ᭄ᬕᬄ᭟ᬲᬓᬾᬂᬯᬦ᭄ᬢᬄᬜᬹᬓ᭄ᬱ᭄ᬫᬬᬂ᭞ᬲ᭄ᬯᬾᬘ᭄ᬙᬦᬾᬲᬓᬤᬶᬫᬗ᭄ᬓᬶᬦ᭄᭞ᬳᬱᬗᬗ᭄ᬓᭂᬦᬶᬦ᭄ᬲᬫ᭄ᬢᭀᬦ᭄᭞ᬤᬾᬯᬾᬓ᭄ᬢᬶᬢ᭄ᬬᬂᬦᬩᬸᬤᬶ᭞ᬭᬸᬫᬲᬢ᭄ᬮᬾᬤᬂᬗᬗ᭄ᬓᬶᬤ᭄᭞ᬳᬢ᭄ᬫᬦᬾᬧᬧᬓᬍᬩᬸ᭞
ᬲᬶᬩ᭄ᬢᬾᬦ᭄ᬤᬲᬃᬓᬯᬄ᭞ᬲᬓ᭄ᬱᬢ᭄ᬗᬶᬘ᭄ᬙᬾᬦ᭄ᬲᬜ᭄ᬚᬶᬯᬦᬶ᭞ᬤᬸᬭᬸᬲ᭄ᬳᬶᬥᬸᬧ᭄᭞ᬯᬦ᭄ᬢᬄᬜᬥ᭄ᬬᬫᬫᬋᬓᬦ᭄᭟ᬲᬭᬮᬾᬤᬂᬗᬯᬶᬯᭂᬦᬂ᭞ᬩᭀᬬᬧᬜ᭄ᬚᬂᬢᬶᬢ᭄ᬬᬂᬫᬮᬶᬄ᭞ᬓᬦ᭄ᬤᬶᬓᬬᬂᬗᭂᬩᬸᬓ᭄ᬘᭀᬓᭀᬃ᭞ᬦᬸᬦᬲ᭄ᬮᬸᬗ᭄ᬲᬭᬦ᭄ᬳᬶᬭᬶ [ 25 ][᭒᭔ 24B]
᭒᭔
ᬓᬶ᭞ᬕᬸᬫᬦᬓᬮᬾᬃᬩᬸᬓᬶᬢ᭄᭞ᬗᬢᬹᬭᬂᬤᬾᬯᬾᬓ᭄ᬫᬫ᭄ᬓᬸᬮ᭄᭞ᬤᬸᬫᬤᬓ᭄ᬱᬓᬾᬂᬳᬃᬱ᭞ᬜᬬᬸᬢ᭄ᬫᬦᬸᬱᬓᬧᬾᬭᬶᬂ᭞ᬓᬤᬶᬓ᭄ᬢᬸᬲ᭄᭞ᬓᬳ᭄ᬬᬸᬦ᭄ᬭᬵᬤᬾᬦ᭄ᬯᬭᬶᬦᬵᬣ᭟ᬲᬃᬚ᭄ᬚᬯᬵᬮᭀᬦ᭄ᬗᬦ᭄ᬤᬶᬓ᭞ᬳᬥᬹᬄᬭᬵᬤᬾᬦ᭄ᬲᬵᬫ᭄ᬧᬸᬦ᭄ᬫ
ᬮᬶᬄ᭞ᬓᬭᬶᬤᬃᬱᬦᬫᬩᬯᭀᬲ᭄᭞ᬗᭂᬲᭀᬃᬪᬱᬫᬮᬧᬦᬶᬦ᭄᭞ᬲᬯᬾᬦ᭄ᬢᭂᬦᬾᬳᬶᬭᬶᬓᬶ᭞ᬗᬸᬤᬢ᭄ᬯᬭᬧᬘᬂᬓᬵᬢᬹᬃ᭞ᬲᭀᬢᬦᬶᬂᬫᬲᬫ᭄ᬢᭀᬦ᭄᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬗᬦ᭄ᬳᬰᬰᬶᬄ᭞ᬬᬦᬶᬂᬓᬳ᭄ᬬᬸᬦ᭄᭞ᬳᬶᬭᬶᬓᬶᬭᬵᬤᬾᬦ᭄ᬫ
ᬕ᭄ᬦᬄ᭟ᬫᬗ᭄ᬤᬲᬓᬤᬶᬋᬡᬬᬦ᭄᭞ᬚᬕᬢᬾᬭᬶᬂᬩᬮᬾᬃᬩᬸᬓᬶᬢ᭄᭞ᬲᬓᬾᬂᬮᬫᬶᬢᬶᬢ᭄ᬬᬂᬜᬦ᭄ᬢᭀᬲ᭄᭞ᬭᬯᬸᬳᬾᬲᬓᬤᬶᬫᬗ᭄ᬓᬶᬦ᭄᭞ᬗᬚᬧᬚᬧ᭄ᬕᬸᬫᬶᬦ᭄ᬢ᭞ᬲᬂᬲᬶᬤ᭄ᬥᬧᬭᬦᬶᬂᬢᬦ᭄ᬢᬸᬦ᭄᭞ᬭᬵᬤᬾᬦ᭄ᬓᬮᭀᬓ
ᬧ᭄ᬭᬚ᭄ᬜᬦ᭄᭞ᬯᬕ᭄ᬫᬶᬫᬬᬲᭂᬢᬾᬂᬦᬶᬣᬶ᭞ᬩᭀᬬᬗᬚᬸᬫ᭄᭞ᬲᬓᬾᬂᬲᬥᬸᬳᬢᬹᬃᬢᬶᬢ᭄ᬬᬂ᭟ᬢᬦ᭄ᬫᬭᬶᬫᬵᬍᬫᬍᬫᬦ᭄᭞ᬲᭀᬢᬦᬶᬂᬲᬫᬶᬘᭂᬮᬶᬭᬶᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬕᬭᭀᬲ᭄᭞ᬚᬸᬫ᭄ᬦᭂᬓ᭄ᬭᬶᬂᬩᬮᬾᬃᬩᬸᬓᬶᬢ᭄᭞
[᭒᭕ 25A]
ᬩᬦ᭄ᬢᬲ᭄ᬳᬢ᭄ᬗᬄᬰᬰᬶᬄ᭞ᬗᬥ᭄ᬬᬦᬶᬦ᭄ᬲᬋᬂᬫᬕᬸᬩᬸᬕ᭄᭞ᬲᬕᬾᬢ᭄ᬭᬯᬸᬄᬫᬭᬾᬭᭀᬤ᭄᭞ᬓᬢᬄᬯ᭄ᬯᬚ᭄ᬭᭀᬜᬸᬯᬸᬦ᭄ᬯᬜ᭄ᬘᬶ᭞ᬫᭂᬧᭂᬲ᭄ᬫᬵᬢᬹᬃ᭞ᬫᬢᬗᬦᬦ᭄ᬦᬸᬦᬲ᭄ᬮᬸᬕᬺ᭟ᬫᬗ᭄ᬕᬸᬢ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬓᬮᬶᬄᬭᬵᬤᬾᬦ᭄ᬩᬜ᭄ᬚᬃ
ᬲᬭᬶ᭞ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬ᭞ᬳᬗ᭄ᬮᬸᬭᬄᬭᬶᬂᬩᬮᬾᬃᬩᬸᬓᬶᬢ᭄᭞ᬢᬦ᭄ᬓᬸᬭᬂᬢᬥᬪᬹᬓ᭄ᬢᬶ᭞ᬲᬗ᭄ᬓᬮᬶᬄᬭᬭᬶᬲ᭄ᬫᬕᬶᬩᬸᬂ᭞ᬓᬵᬢᬹᬭᬦ᭄ᬫᬪᭀᬚᬦ᭞ᬲᬲ᭄ᬮᬶᬭᬦ᭄‌ᬯ᭄ᬯᬂᬚ᭄ᬭᭀᬗᬬᬳᬶᬦ᭄᭞ᬢᬫᬾᬂᬮᬓᬸ᭞ᬲᬾᬩᭂᬢ᭄ᬗᬵᬢᬭᬂ
ᬧᬗᬬᬄ᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬫᬪᭀᬚᬦ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬭᬭᬶᬲ᭄᭞ᬓᬵᬢᬹᬭᬦ᭄ᬩᬸᬗ᭄ᬲᬶᬧᬢᬸᬭᭀᬦ᭄᭞ᬭᬶᬂᬚ᭄ᬭᭀᬧᬸᬭᬶᬲᬭᬾᬦ᭄ᬓᬗᬶᬦ᭄᭞ᬭᬾᬜ᭄ᬘᬗᬾᬲᬫᬶᬗᬶᬭᬶᬂ᭞ᬲᬸᬫᬗ᭄ᬤᬾᬧᭀᬮᬶᬄᬗᬍᬲᬸ᭞ᬯᬢᬺᬓᬷᬘ᭄ᬙᬾᬦ᭄ᬮᬸᬗ᭄ᬲᬸᬭᬦ᭄᭞ᬳᬶ
ᬭᬶᬗᬦᬾᬫᬓᬲᬫᬶ᭞ᬓ᭄ᬤᬾᬓ᭄‌ᬓ᭄ᬜᬸᬂ᭞ᬓᬶᬦᬦ᭄ᬢᬶᬳᬕᭂᬢ᭄ᬓᬲᬥ᭄ᬬᬦ᭄᭟᭚᭐᭚ᬧᬸᬧᬸᬄᬕᬶᬦᬦ᭄ᬢᬶ᭚᭐᭚ᬤᬾᬦ᭄ᬤᬫᬲ᭄ᬓᬸᬦᬶᬂᬓᬯᬸᬯᬸᬲ᭄᭞ᬲᬓᬾᬂᬢᬦᬶᬲᬵᬫ᭄ᬧᬸᬦ᭄ᬗᬶᬦ᭄ᬢᬶᬧ᭄᭞ᬤᬯᭂᬕ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬕᭀᬜ᭄ᬚᬓ᭄ᬱᬋᬂᬳᬶᬅᬚᬶ᭞ [ 26 ][᭒᭕ 25B]
᭒᭕
ᬫᭀᬮᬶᬗᬦ᭄ᬗᬶᬮᬶᬤᬭᬕ᭞ᬲᬓᬾᬂᬩ᭄ᬤᬾᬕᬾᬗᬶᬮᬶᬲ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬩᬕᬸᬲ᭄᭞ᬓᬧᬶᬗᭀᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬸᬓᬶᬮ᭄ᬳᬦ᭄ᬢᬸᬓ᭄ᬗᬸᬧᬫ᭄ᬬᬂ᭞ᬓᬮᬗᭂᬦ᭄ᬲᬂᬲ᭄ᬤᭂᬓ᭄ᬗᬶᬦ᭄ᬢᬶᬧ᭄᭞ᬭᬶᬦᬱᬓᬤᬶᬓᬯᬾᬬᬦ᭄᭞ᬦᬸᬫᭀᬦᬂᬕᬦ᭄ᬥᬃᬯ᭄ᬯᬧᬢᬶ
᭟ᬕ᭄ᬢᬃᬢᬹᬃᬲᬺᬗ᭄ᬕᬭᬦᬩᬸᬄ᭞ᬫᬢ᭄ᬬᬂᬳᬶᬗ᭄ᬕᬶᬄᬫᬫ᭄ᬭᬦ᭄ᬓᬚᬶ᭞ᬘᬭᬩᬵᬮᬶᬘᬭᬲᬲᬓ᭄᭞ᬗᭀᬮᬄᬭᬕᬧᬗᬸᬲ᭄ᬧᬗᬶᬤ᭄᭞ᬗᭂᬲᭀᬃᬪᬱᬘᬾᬱ᭄ᬝᬓᬵᬭ᭞ᬧᬦ᭄ᬢᭂᬲ᭄ᬳᬦᬓ᭄ᬱᬩᬾᬂᬧᬸᬭᬶ᭟ᬢᬸᬮ᭄ᬬᬢᬶᬢᬶᬭᬦ᭄ᬗᬢᭂᬗ᭄ᬓᬸᬂ᭞ᬲ᭄ᬯᬭᬫᬸᬮᬸᬓᬺᬫ᭄ᬧᬸᬄ
ᬫᬦᬶᬲ᭄᭞ᬭᬱᬗ᭄ᬢᬾᬮ᭄ᬫᬥᬸᬤ᭄ᬭᬯ᭞ᬓᬲᬸᬩ᭄ᬧ᭄ᬭᬚ᭄ᬜᬵᬜ᭄ᬘᭂᬢᬾᬂᬦᬶᬣᬶ᭞ᬘᬮᬸᬄᬦᬩᬸᬄᬫᬲ᭄ᬬᬓ᭄ᬭᬡ᭞ᬯᬶᬘᬓ᭄ᬱᬡᬢᬫᬾᬗ᭄ᬕᬢᬶ᭟ᬧᬦ᭄ᬢᭂᬲ᭄ᬬᬦ᭄ᬓᬲᬶᬦᬸᬂᬮᬸᬗ᭄ᬕᬶᬄ᭞ᬤᬤᭀᬲ᭄ᬚᬚ᭄ᬜᭂᬂᬓᬧᬹᬭᬶ᭞ᬳᬶᬭᬶᬓᬭᬶᬂᬰᬾᬮᬧᬭᬂ᭞ᬓᬳᬾᬫᬦ᭄ᬳᬦ᭄ᬢᬸᬓ᭄ᬱ᭄ᬭᬶ
ᬳᬚᬶ᭞ᬧᬦ᭄ᬢᭂᬲ᭄ᬫᬓᬯ᭄ᬯᬗᬦ᭄ᬫᬾᬦᬓ᭄᭞ᬓᬅᬃᬬ᭄ᬬᬦ᭄‌ᬧ᭄ᬘᬓ᭄ᬭᬶᬂᬩᬵᬮᬶ᭟ᬯᬶᬓᬦ᭄ᬗᭂᬮᬸᬲ᭄ᬲᬦᬵᬕᬦ᭄ᬢᬸᬦ᭄᭞ᬗᬸᬮᬦᬶᬦ᭄ᬧᬜ᭄ᬚᬓᬾᬪᬓ᭄ᬢᬶ᭞ᬳᬭᬄᬢ᭄ᬯᬭᬜᬦ᭄ᬤᬂᬘᬾᬤ᭄ᬥ᭞ᬧᬦᬵᬍᬫ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬃᬯ᭄ᬯᬶᬩ᭄ᬗᭀᬂᬓᬮᬸᬮᬸᬢᬦ᭄᭞ᬢᬦ᭄ᬫ
[᭒᭖ 26A]
ᬓᬶᬚᬧᬦ᭄ᬗᬮᬶᬗ᭄ᬮᬶᬂ᭟ᬳᬫ᭄ᬩᬢ᭄ᬮᬾᬤᬂᬲᬂᬤ᭄ᬬᬳᬬᬸ᭞ᬓᬧᬶᬋᬂᬭᬶᬂᬲᬭᬾᬦ᭄ᬓᬗᬶᬦ᭄᭞ᬢᬫ᭄ᬬᬸᬦᬾᬲᬵᬫ᭄ᬧᬸᬦ᭄ᬫᬕ᭄ᬦᬄ᭞ᬲ᭄ᬮᬢ᭄ᬢᬾᬫ᭄ᬩᭀᬓ᭄ᬚ᭄ᬭᭀᬦᬶᬂᬧᬸᬭᬶ᭞ᬫᬢᬫ᭄ᬧᭂᬓᬦ᭄ᬫᬧᬶᬲᬕ᭞ᬓᬧᬃᬡ᭄ᬦᬲᬓᬾᬂᬳᬶᬅᬚᬶ᭟ᬓᬳ᭄ᬬᬸᬦᬾᬲᬓᬭᬶᬂᬘᬸᬫ᭄ᬧᬸ᭞ᬗ
ᬢᭂᬧᬂᬢᬦᬄᬭᬶᬂᬮᬗᬶᬢ᭄᭞ᬫᬗ᭄ᬤᬲᬶᬤ᭄ᬥᬫᬚᬗ᭄ᬓᭂᬧᬦ᭄᭞ᬗᬃᬤ᭄ᬥᬶᬦᬶᬦ᭄ᬳᭀᬓᬕᬸᬫᬦ᭄ᬢᬶ᭞ᬲᬶᬤ᭄ᬥᬫᬗ᭄ᬕᬶᬳᬶᬦ᭄ᬓᬲᬥ᭄ᬬᬦ᭄᭞ᬧᬵᬜᭂᬢᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬳᭀᬲᬄᬢᬜ᭄ᬚᭂᬦᭂᬓ᭄ᬫᬮᬸᬗ᭄ᬕᬸᬄ᭞ᬲᬲᬸᬓᬢ᭄ᬭᬶᬂᬧᬸᬭᬶᬤᬫ᭄ᬧᬶᬂ᭞ᬢᬫ᭄ᬬᬸᬦᬾᬩᬕᬸ
ᬲ᭄ᬫᬘᭂᬢᭀᬕ᭄᭞ᬭᬱᬭᬯᬸᬄᬜᬗ᭄ᬓᭀᬮ᭄ᬗᬩᬶᬦ᭄᭞ᬗᬭᬲᬭᬲ᭄ᬤᬶᬧᬫᬺᬫᬦ᭄᭞ᬓᬩᬢᭂᬓ᭄ᬜᬧ᭄ᬜᬧ᭄ᬢᬦ᭄ᬫᬭᬶ᭟ᬲ᭄ᬤᭂᬓ᭄ᬩᭂᬗᭀᬂᬓᬧᬶᬮᬸᬮᬸᬢ᭄᭞ᬲᬕᬾᬢ᭄ᬭᬯᬸᬄᬇᬦᬓ᭄ᬢᬳᬶᬃ᭞ᬫᬢᬶᬫ᭄ᬧᬸᬄᬦᬢ᭄ᬬᬦᬸᬦᬲᬂ᭞ᬫᬢᬗᬦᬦ᭄ᬫᬢᬹᬃᬲᬶᬲᬶ
ᬧ᭄᭞ᬥᬸᬄᬤᬾᬦ᭄ᬤᬦᬧᬶᬗᬯᬶᬦᬂ᭞ᬲ᭄ᬯᬪᬵᬯᬦᬾᬓ᭄ᬘᬸᬤ᭄ᬓᬸᬦᬶᬂ᭟ᬭᬹᬧᬓᬤᬶᬜᬸᬗ᭄ᬓᬦ᭄ᬓᬳ᭄ᬬᬸᬦ᭄᭞ᬳᬦ᭄ᬢᬸᬓ᭄ᬓᭀᬩᭂᬢᬾᬜᬶᬗᬓᬶᬦ᭄᭞ᬢᬫ᭄ᬩᬸᬗᬦ᭄ᬧᬜ᭄ᬚᬓᬾᬓᬓᬢᬄ᭞ᬲᬸᬫᬸᬬᬸᬕ᭄ᬓᬲᬭᬾᬦ᭄ᬓᬗᬶᬦ᭄᭞ᬢᬦ᭄ᬧ᭄ᬕᬢ᭄ᬯᭂᬗᬶᬭᬳᬶᬦ᭞ᬫ [ 27 ][᭒᭖ 26B]
᭒᭖
ᬕ᭄ᬭᬦ᭄ᬤᭀᬢᬩ᭄ᬭᬯᬸᬄᬦᬗ᭄ᬓᬶᬮ᭄᭟ᬲ᭄ᬕᬓ᭄‌ᬲ᭄ᬕᬶᬓ᭄ᬳᬶᬧᬸᬦ᭄ᬳᬸᬬᬸᬢ᭄᭞ᬫᬧᬚᬃᬲᬮᬶᬂᬮᬶᬗ᭄ᬕᬾᬦᬶᬦ᭄᭞ᬲᬭᬢ᭄ᬦᬸᬦᬲ᭄ᬩᬩᬯᭀᬲᬦ᭄᭞ᬓᬤᬮᭀᬦᬜ᭄ᬚᬦ᭄ᬢᭀᬲ᭄ᬯᭂᬗᬶ᭞ᬤᬾᬦ᭄ᬤᬜᬋᬗᬶᬦ᭄ᬫᬕᬤᬂ᭞ᬭᬾᬄᬦᬫ᭄ᬧᭂᬓ᭄‌ᬕ᭄ᬦᬄᬲᬂᬦᬗ᭄ᬓᬶᬮ᭄᭟ᬤᬾ
ᬦ᭄ᬤᬫᬲ᭄ᬓᬸᬦᬶᬂᬫᬲᬳᬸᬃ᭞ᬢᬶᬤᭀᬂᬩᬵᬦ᭄ᬫᬕᬤᬂᬲᬳᬶ᭞ᬲᬓᬭᬶᬂᬲᬓᬶᬢᬾᬗᭂᬦ᭄ᬢᬄ᭞ᬩᬶᬮᬂᬧ᭄ᬢᭂᬂᬩᬸᬲ᭄ᬤᬶᬗᬶᬦ᭄᭞ᬳᬯᬓᬾᬲᬢᬢᬕ᭄ᬭᬄ᭞ᬦᬵᬗ᭄ᬳᬶᬂᬲᬚᬫᬸᬜᬶᬦ᭄ᬜᬳᬶ᭟ᬩᬵᬦ᭄ᬤᭂᬫᭂᬦᬾᬦᬶᬗᭂᬄᬢᬸᬢᬸᬃ᭞ᬩᬸᬓᬩ᭄ᬤᬓᬾᬲᬸᬕᬶᬦᬶᬦ᭄᭞
ᬓᬾᬯᬮᬦᬶᬗᭂᬄᬉᬘᬧᬦ᭄᭞ᬦᬾᬗ᭄ᬭᬯᭀᬲ᭄ᬢ᭄ᬯᬭᬢ᭄ᬧᬸᬓᬶᬦ᭄᭞ᬲᬸᬚᬢᬶᬢᬸᬫᭀᬦ᭄ᬢᬦ᭄ᬧᭂᬤᬲ᭄᭞ᬮᬕᬸᬢᬾᬲᬲᬳᬶᬤᬫ᭄ᬧᬶᬂ᭟ᬘᬭᬗᬍᬕᬬᬂᬲᬸᬯᬸᬂ᭞ᬩᬸᬓᬲᬾᬫᬧ᭄ᬢᬶ᭞ᬓᬾᬦ᭄ᬓᬾᬦ᭄ᬩᬵᬦ᭄ᬗᭀᬭᬳᬂᬫ᭄ᬮᬄ᭞ᬤᬾᬦᬶᬂᬢᭀᬂ
ᬩᬓᬢ᭄ᬳᬸᬲᬸᬤᬶᬦ᭄᭞ᬢ᭄ᬯᬭᬩᬦᬶᬫᬢᬯᬳᬦ᭄᭞ᬬᬾᬦ᭄ᬫᬓᬶᬢᬧᬾᬢᬦ᭄ᬫᭂᬮᬶ᭟ᬇᬦᬓ᭄ᬢᬳᬶᬃᬫᬲ᭄ᬫᬸᬕᬸᬬᬸ᭞ᬳᬦ᭄ᬢᬸᬓ᭄ᬓᭂᬦ᭄ᬤᭂᬮᬾᬫᬶᬭᬕᬶ᭞ᬧᬗᬶᬫ᭄ᬩᬂᬮᬦ᭄ᬧᬗᬸᬧᬫ᭞ᬲᬲᬾᬭᬾᬢ᭄ᬤᬾᬦ᭄ᬫᬲ᭄ᬓᬸᬦᬶᬂ᭞ᬲᬗ᭄ᬓᬦᬶᬂᬘᬸᬮᬸᬓ᭄ᬓᬧᬃᬡ᭄ᬦ᭞ᬢᬦ᭄ᬲᬗ᭄ᬲ
[᭒᭗ 27A]
ᬬᬳᬶᬧᬸᬦ᭄ᬫᬮᬶᬄ᭟ᬲᬲᬶᬮᬶᬩᬦ᭄ᬭᬭᬶᬲ᭄ᬫᬵᬢᬹᬃ᭞ᬢᬶᬢ᭄ᬬᬂᬲᬫᬓᬸᬢᬫᬗ᭄ᬓᬶᬦ᭄᭞ᬗᬵᬢᬹᬭᬂᬢᬫ᭄ᬩᬧᬓᬾᬦᬓ᭄᭞ᬧᬸᬦᬶᬓᬶᬯᬾᬦ᭄ᬢᭂᬦ᭄ᬧᬓᬶᬭᬶᬫ᭄᭞ᬲᬸᬭᬵᬢ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬳᬶᬦ᭄ᬤᬬᬂᬤᬸᬫᬸᬦ᭄ᬩᬯᭀᬲᬶᬦ᭄᭟ᬲᬸᬭᬵᬢᬾᬓᬯ
ᬘ᭄ᬙᬾᬦ᭄ᬲᬵᬫ᭄ᬧᬸᬦ᭄᭞ᬢᬦ᭄ᬧᬜ᭄ᬚᬂᬤᬕᬶᬂᬋᬋᬧᬶ᭞ᬘᬸᬢᭂᬢ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬗᬵᬢᬹᬭᬂᬲᬧᬢᬶᬉᬭᬶᬧ᭄᭞ᬜᬥ᭄ᬬᬧᬘᬂᬫᬫᬋᬓᬦ᭄᭞ᬦᬸᬦᬲ᭄ᬓᬮᬾᬤᬗᬦ᭄ᬳᬸᬕᬶ᭟ᬉᬪᬬᬦᬾᬫᬵᬕᭂᬢ᭄ᬮᬘᬸᬃ᭞ᬫᬓᬭᬡᬦ᭄ᬲᬮᬶᬂᬢᬶᬦ᭄ᬤᬶᬄ
ᬦᬢᬓᬶᬦ᭄ᬲᬚ᭄ᬮᬾᬫ᭄ᬮᬄ᭞ᬓᬧᬶᬢᬺᬱ᭄ᬡᬦ᭄ᬮᬸᬮᬸᬢ᭄ᬳᬲᬶᬄ᭞ᬫᬧᬶᬤᬯᭂᬕ᭄ᬦᬸᬦᬲ᭄ᬳᬶᬘ᭄ᬙ᭞ᬲᬧᬸᬦᬶᬓᬮᬶᬗᬶᬂᬢᬸᬮᬶᬲ᭄᭟ᬲᬵᬫ᭄ᬧᬸᬦ᭄ᬲᬶᬦᬄᬓᬧᬓᬳ᭄ᬬᬸᬦ᭄᭞ᬫᬘ᭄ᬧᭀᬮ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬭᬱᬢᬦ᭄ᬧᬳᬢ᭄ᬫᬚᬷᬯ᭞ᬮᬾᬫ᭄ᬧᭀᬲ᭄ᬓᬤᬶᬢ
ᬦ᭄ᬧᬕᬶᬮ᭄᭞ᬦᬦᭂᬂᬩ᭄ᬗᭀᬂᬓᭂᬲ᭄ᬬᬩ᭄ᬓᭂᬲ᭄ᬬᬩ᭄᭞ᬫᬓᭀᬘᭀᬕᬦ᭄ᬧᭂᬮᬸᬄᬧᬶᬤᬶᬢ᭄᭟ᬚᬚ᭄ᬭᭀᬳᬦᬾᬭᬶᬦᬱᬧᬸᬯᬸᬦ᭄᭞ᬓ᭄ᬩᬸᬲ᭄ᬪᬭᬕ᭄ᬲᭂᬂᬪᬰ᭄ᬫᬶ᭞ᬓᬤᬶᬕ᭄ᬤᬾᬳᬾᬧᬦ᭄ᬢᬶᬕᬂ᭞ᬤᭂᬓ᭄ᬤᭂᬓᬺᬫᬸᬓ᭄ᬳᬸᬬᬂᬧᬮᬶᬂ᭞ᬢᬦ᭄ᬲᬶᬤ᭄ᬥᬳᬦ᭄ᬢᬸᬓ᭄ᬦᬸᬧ᭄ᬢᬸᬧᬂ᭞ᬧᬗ᭄ᬤᬦᬶᬂ [ 28 ][᭒᭗ 27B]
᭒᭗
ᬮᬸᬮᬸᬢ᭄ᬮᬦ᭄ᬳᬲᬶᬄ᭟ᬇᬦᬓ᭄ᬢᬳᬶᬃᬫᬶᬚᭂᬢ᭄ᬲᬸᬓᬸ᭞ᬲᬃᬯ᭄ᬯᬶᬫᬵᬢᬹᬃᬗᬲᬶᬳᬲᬶᬄ᭞ᬳᬥᬹᬄᬤᬾᬦ᭄ᬤᬓᬸᬤᬮᬶᬧ᭄ᬬ᭞ᬭᬶᬂᬰᬰᬶᬡᬦ᭄ᬧᬸᬢ᭄ᬭᬶᬍᬯᬶᬄ᭞ᬓᬤᬶᬢᬦ᭄ᬫᬓᬤᬂᬰᬵᬲ᭄ᬢ᭄ᬭ᭞ᬢᬦ᭄ᬲᬦ᭄ᬤᬂᬓᭀᬩᭂᬢ᭄ᬫᬶᬦᭂᬳᬶᬦ᭄᭟ᬧᬜ᭄ᬚᬗᬂᬫᬮᬶᬄᬭᬶᬂᬓ
ᬳ᭄ᬬᬸᬦ᭄᭞ᬓᬤᬶᬫᬵᬤᭀᬮᬦ᭄ᬳᬸᬧᬫᬶ᭞ᬯᬾᬦ᭄ᬢᭂᬦ᭄ᬳᬦᬓ᭄ᬫᬢᬸᬫ᭄ᬩᬲᬦ᭄᭞ᬘᬶᬳ᭄ᬦᬳᬤᭀᬮᬦᬾᬩ᭄ᬘᬶᬓ᭄᭞ᬤᬾᬦᬶᬂᬓᬦ᭄ᬢᬸᬦ᭄ᬫᬢᬯᬳᬦ᭄᭞ᬲᬭᬮᬾᬤᬗᬾᬗᬤᭀᬮᬶᬦ᭄᭟ᬩᭀᬬᬜᬦ᭄ᬤᬂᬤᬾᬦ᭄ᬤᬓᬶᬫᬸᬤ᭄᭞ᬲᬮᬶᬢ᭄ᬳᬭ᭄‌ᬱᬳᬶᬯᬂᬢ
ᬫ᭄ᬧᬶ᭞ᬲᬸᬪᬓ᭄ᬢᬶᬢ᭄ᬬᬂᬕᬫᭂᬮᬂ᭞ᬲ᭄ᬓᭂᬦ᭄ᬢᬶᬢ᭄ᬬᬂᬲᬵᬫ᭄ᬧᬸᬦ᭄ᬳᬸᬦᬶᬂ᭞ᬓᬳ᭄ᬬᬸᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬦ᭄ᬫᬮᬶᬄᬫᬩᬭᬶᬩᬭᬶ᭟ᬭᬶᬂᬤᬾᬦ᭄ᬤᬜᬥ᭄ᬬᬫᬫ᭄ᬓᬸᬮ᭄᭞ᬗᬚᬧᬚᬧ᭄ᬳᭀᬮᬲ᭄ᬳᬲᬶᬄ᭞ᬧᬸᬭᬸᬦ᭄ᬢᬶᬢ᭄ᬬᬂᬓᬧᬥᭂᬫᬂ᭞ᬬᬦ᭄ᬓᬩᬯᭀᬲ᭄ᬗᬯᬶ
ᬳᬯᬶ᭞ᬫᬗ᭄ᬤᭀᬄᬧᬸᬭᬸᬦ᭄ᬫ᭄ᬭᬱᬯᬤ᭞ᬲᬢ᭄ᬗᬸᬘᬢᭂᬦ᭄ᬤᬲ᭄ᬳᬸᬧᬫᬶ᭟ᬗᬸᬤᬢᬶᬢ᭄ᬬᬂᬳᭀᬯᬢᬶᬓ᭄ᬧᬸᬕ᭞ᬩᭂᬜ᭄ᬘᬃᬮ᭄ᬩᭂᬜ᭄ᬘᭀᬮ᭄ᬦᬦ᭄ᬤᬂᬲᬓᬶᬢ᭄᭞ᬬᬦ᭄ᬢᬶᬢ᭄ᬬᬂᬧᬸᬭᬸᬦ᭄ᬧᬺᬱᬗ᭄ᬕ᭞ᬫᬵᬢᬹᬃᬢᬦ᭄ᬳᬸᬦᬶᬂᬫᬕᬸᬲ᭄ᬢᬶ᭞ᬲᬓ᭄ᬱᬢ᭄ᬗᬤᭀᬮ᭄ᬚᬕᬢ᭄ᬩᬬᬦ᭄᭞ᬧᬶᬲ
[᭒᭘ 28A]
ᬦ᭄ᬢᬶᬢ᭄ᬬᬂᬫᬹᬧᬲᬓ᭄ᬱᬶ᭟ᬫᬗ᭄ᬤᬢᬶᬢ᭄ᬬᬂᬢᬦᬺᬳᬬᬸ᭞ᬬᬦ᭄ᬯᬦ᭄ᬢᬄᬢᬸᬦᬲᬸᬪᬓ᭄ᬢᬶ᭞ᬤᬤᭀᬲ᭄ᬯᬂᬚ᭄ᬭᭀᬲᬓᬾᬂᬮᬯᬲ᭄᭞ᬦᬸᬦᬲ᭄ᬮᬸᬗ᭄ᬲᬭᬦ᭄ᬲᬲᬳᬶ᭞ᬳᬶᬭᬶᬓᬶᬭᬶᬂᬧᬸᬭᬶᬩᬬᬦ᭄᭞ᬤᬾᬦ᭄ᬤᬫᬲ᭄ᬓᬸᬦᬶᬂᬜᬯᬸᬭᬶᬦ᭄᭟ᬗᬸᬤᬳᬶᬘᬂ
ᬢ᭄ᬯᬭᬗᬸᬕᬸ᭞ᬫᬸᬜᬶᬦ᭄ᬜᬳᬶᬇᬦᬓ᭄ᬢᬳᬶᬃ᭞ᬲᬚᬲᭀᬢᬦᬶᬂᬫᬤᬕᬂ᭞ᬦᬵᬗ᭄ᬳᬶᬂᬳᬤᬗᬫᬸᬮᬦᬶᬦ᭄᭞ᬤᭀᬗᬸᬤᬤᬤᬶᬫᬢᬜ᭄ᬚ᭞ᬬᬾᬦ᭄ᬲᬚᬫᬵᬤᭂᬧᬦ᭄ᬕᬳᬶ᭟ᬤᬤᬶᬤᬕᬂᬢ᭄ᬯᬭᬫᬗ᭄ᬓᬸᬄ᭞ᬬᬦ᭄ᬧᬶᬦ᭄ᬤᬧᭀᬘᭀᬮ᭄ᬲᬲᬳᬶ
ᬫᬧ᭄ᬯᬭᬦᬫ᭄ᬧᭂᬤᬂᬉᬢᬂ᭞ᬫᬾᬄᬧ᭄ᬤᬶᬄᬦᬾᬗᬫᬸᬮᬦᬶᬦ᭄᭞ᬢᬸᬦ᭄ᬤᬾᬦᬲᬸᬳᬸᬤ᭄ᬫᬤᬕᬂ᭞ᬭᬾᬄᬢ᭄ᬯᬭᬢᬳᬾᬦ᭄ᬫᬩᬢᬶ᭟ᬗᬸᬤᬳᬶᬘᬂᬢ᭄ᬯᬭᬘᬸᬫ᭄ᬧᬸ᭞ᬗᬤᭂᬧ᭄ᬤᬕᬗᬦ᭄ᬧᬤᬶᬤᬶ᭞ᬳᬗ᭄ᬕᭀᬦ᭄ᬧᬕᬭᬸᬲ᭄ᬕᬸᬧᬫ᭞ᬓᬤᬸᬗᬤᬳᬦ
ᬓ᭄ᬫᭂᬮᬶ᭞ᬦᬵᬗ᭄ᬳᬶᬂᬳᬧᬂᬲᬓᬾᬂᬲᬚ᭞ᬤ᭄ᬫᭂᬦ᭄ᬳᬦᬓᬾᬫ᭄ᬮᬶᬦᬶᬦ᭄᭟ᬇᬦᬓ᭄ᬢᬳᬶᬃᬓ᭄ᬜᭂᬫ᭄ᬕᬸᬬᬸ᭞ᬓᬧᬶᬦᭂᬄᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬓᬦ᭄ᬢᬸᬦ᭄ᬓᬾᬫᬤ᭄ᬗᬦ᭄ᬤᬶᬓᬬᬂ᭞ᬘᬸᬮᬸᬓ᭄ᬓᬳ᭄ᬬᬸᬦᬾᬲᬸᬚᬢᬶ᭞ᬧᬸᬭᬸᬦ᭄ᬳᬶᬧᬸᬦ᭄ᬭᬭᬶᬲ᭄ᬜᭀᬗ᭄ᬓᬓ᭄᭞ᬫᬵᬢᬹᬃᬭᬶᬂᬤᬾ [ 29 ][᭒᭘ 28B]
᭒᭘
ᬦ᭄ᬤᬫᬲ᭄ᬓᬸᬦᬶᬂ᭟ᬢᬶᬢ᭄ᬬᬂᬗᬫᬦᬳᬶᬦ᭄ᬧᬵᬢᬹᬢ᭞ᬤᬾᬦ᭄ᬤᬫᬶᬲᬭᬳᬶᬅᬚᬶ᭞ᬦ᭄ᬕᭂᬕᬂᬧᬸᬢᬺᬱᬰᬡ᭞ᬲᭀᬢᬦᬶᬂᬧᬸᬢ᭄ᬭᬷᬓᬧᬶᬗᬶᬢ᭄᭞ᬏᬭᬂᬧᬘᬂᬫᬸᬂᬧᬸᬂᬮᬫ᭄ᬧᬄ᭞ᬍᬓ᭄ᬓᬤᬮᬶᬄᬫ᭄ᬮᬾᬂᬚᬮᬶᬃ᭟ᬬᬦ᭄ᬲᬵᬫ᭄ᬧᬸᬦ᭄ᬲᬓᬾᬂᬢᬸᬥᬸᬄ᭞ᬳ
ᬦ᭄ᬢᬸᬓ᭄ᬳᬶᬅᬚᬶᬉᬧᬫᬶ᭞ᬫᬗ᭄ᬤᭀᬄᬤᬾᬦ᭄ᬤᬧᬸᬭᬸᬦ᭄ᬢᬸᬮᬓ᭄᭞ᬦᬶᬭᬶᬂᬓᬳ᭄ᬬᬸᬦ᭄ᬳᬦᬓ᭄ᬮᬶᬗ᭄ᬲᬶᬃ᭞ᬤᬾᬦ᭄ᬤᬫᬲ᭄ᬓᬸᬦᬶᬂᬫᬵᬗ᭄ᬕᬸᬢᬦ᭄᭞ᬓᭂᬦ᭄ᬤᭂᬮ᭄ᬳᬶᬧᬸᬦ᭄ᬇᬦᬓ᭄ᬢᬳᬶᬃ᭟ᬘᬕᭂᬃᬭᬶᬂᬧᬶᬓᭀᬮᬶᬄᬢᬸᬬᬸᬄ᭞ᬫᬮᬓ᭄ᬱᬡᬤᬤᭀᬰ᭄ᬘᬾᬢᬶ᭞ᬭᬭᬶᬲ᭄ᬳᬶᬧᬸ
ᬦ᭄ᬦᬸᬦᬲ᭄ᬮᬸᬕᬺ᭞ᬲᬵᬫ᭄ᬧᬸᬦ᭄ᬓᬮᬸᬕᬺᬫᬧᬫᬶᬢ᭄᭞ᬓᬲᬭᬾᬦ᭄ᬓᬗᬶᬦ᭄ᬜᭂᬮᬧᬂ᭞ᬭᬶᬂᬉᬗ᭄ᬓᬸᬃᬖ᭄ᬤᭀᬗᬾᬜᬶᬕ᭄ᬚᬶᬕ᭄᭟᭚᭐᭚ᬧᬸᬧᬸᬄᬧᬗ᭄ᬓᬸᬃ᭚᭐᭚ᬇᬦᬓ᭄ᬢᬳᬶᬃᬘᬾᬧ᭄ᬝᬓᬵᬭ᭞ᬤᬤᭀᬰ᭄ᬘᬾᬢᬶᬭᬯᬸᬄᬭᬶᬂᬲᬭᬾᬦ᭄ᬓᬗᬶᬦ᭄᭞ᬲᬲᬶᬮᬶᬩ
ᬦ᭄ᬭᬭᬶᬲ᭄ᬫᬵᬢᬹᬃ᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬶᬲᬶᬓᬶᬲᬶ᭞ᬗᬸᬦᬶᬗᬂᬲᬵᬫ᭄ᬧᬸᬦ᭄ᬲᬸᬫᬗ᭄ᬕᬸᬧ᭄᭞ᬤᬾᬦ᭄ᬤᬫᬲ᭄ᬓᬸᬦᬶᬂᬲᬸᬫᬥ᭄ᬬ᭞ᬓᬤᬶᬧᬗᬃᬱᬗᬥ᭄ᬬᬦᬶᬦ᭄᭟ᬧᬸᬭᬸᬦ᭄ᬲᬵᬫ᭄ᬧᬸᬦ᭄ᬫᬜᬕᭂᬭᬂ᭞ᬓᬤ᭄ᬬᬗ᭄ᬕᬦᬶᬂᬉᬮᬫ᭄ᬲᬵᬫ᭄ᬧᬸᬦ᭄ᬭᬶᬂᬤᬸᬗ᭄ᬓᬶ᭞ᬲ
[᭒᭙ 29A]
ᬓᬾᬯᬦ᭄ᬢᭂᬦ᭄ᬧᭀᬮᬶᬄᬫᬵᬢᬹᬃ᭞ᬭᬶᬂᬭᬵᬤᬾᬦ᭄ᬯᬷᬭᬦᬵᬣ᭞ᬩᭀᬬᬦ᭄ᬤᬸᬕᬶ᭞ᬢᬦ᭄ᬮᬾᬤᬂᬫᬗᬗ᭄ᬕᭀᬦ᭄ᬫᬦ᭄ᬢᬸ᭞ᬤᬾᬦ᭄ᬤᬫᬲ᭄ᬓᬸᬦᬶᬂᬢᬦ᭄ᬢᬸᬮᬓ᭄᭞ᬗᬶᬭᬶᬂᬓᬳ᭄ᬬᬸᬦ᭄ᬳᬦᬓ᭄ᬮᬶᬗ᭄ᬲᬶᬃ᭟ᬓᬩᬢᭂᬓ᭄ᬓᬳ᭄ᬬᬸᬦᬾᬲᬭᬢ᭄᭞ᬩᭀᬬᬫᬮᬶᬄᬓᬤᬶᬧ
ᬜ᭄ᬚᬂᬫᬶᬦᭂᬳᬶᬦ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬯᬸᬲ᭄᭞ᬚᬕ᭄ᬗᭀᬚᭀᬕ᭄ᬧᬓᭀᬍᬫᬦ᭄᭞ᬭᬵᬤᬾᬦ᭄ᬅᬚᬶᬫᬸᬗ᭄ᬕᬶᬂᬧᬸᬭᬶᬲᬭᬾᬦ᭄ᬓᬯᬸᬄ᭞ᬦᬢ᭄ᬬᬦᬗ᭄ᬓᬶᬮ᭄ᬫᬢᬗᬦᬦ᭄᭞ᬗ᭄ᬮᬸᬢ᭄ᬘᭀᬓᭀᬃᬫᬢᬹᬃᬲᬶᬲᬶᬧ᭄᭟ᬤᬸᬭᬸᬲᬂᬢᬶᬢ᭄ᬬᬂᬧᬥᭂᬫᬂ
᭞ᬚᬕᬦᬧᬶᬗᬸᬭᬶᬧᬂᬚᬤ᭄ᬫᬚᬤᬶᬕ᭄᭞ᬢᬦ᭄ᬳᬸᬦᬶᬂᬭᬶᬂᬓᬗᬶᬦ᭄ᬓᬯᬸᬄ᭞ᬧᬺᬱᬗ᭄ᬕᬫᬫᬋᬓᬦ᭄᭞ᬩᭀᬬᬉᬦᬶᬂ᭞ᬦᬾᬫᬯᬵᬱ᭄ᬝᬳᬶᬯᬂᬧᬵᬢᬸᬢ᭄᭞ᬯᬮᬸᬬᬫᬫᬶᬭᬢ᭄ᬥᬦ᭞ᬓᬶᬘ᭄ᬙᬾᬦ᭄ᬮᬸᬗ᭄ᬲᬸᬭᬦ᭄ᬢᬦ᭄ᬫᬭᬶ᭟ᬢᬦ᭄ᬳᬾᬮᬶᬂᬭᬶᬂᬓᬯᬶᬮᬰ
ᬦ᭄᭞ᬢᬦ᭄ᬧᬲ᭄ᬫᬸᬭᬶᬂᬲᬂᬲ᭄ᬯᬾᬘ᭄ᬙᬗᭀᬮᬲᬶᬦ᭄᭞ᬗᬗ᭄ᬓᬶᬤ᭄ᬲᬓᬾᬂᬓᬯᬄᬳᭂᬦ᭄ᬤᬸᬢ᭄᭞ᬲᬗ᭄ᬲᬭᬳᭂᬗ᭄ᬓᬓ᭄ᬳᭂᬗ᭄ᬓᬓ᭄᭞ᬗᬲᬶᬳᬲᬶᬄ᭞ᬫᬦ᭄ᬤᬯᭂᬕᬂᬦᬸᬦᬲ᭄ᬢᬸᬮᬸᬂ᭞ᬭᬶᬂᬲᬵᬫ᭄ᬧᬸᬦ᭄ᬧᭀᬮᬶᬄᬓᬲᬥ᭄ᬬᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬗᬶᬮᬶᬗᬂᬫᬮᬶᬄ᭟ [ 30 ][᭒᭙ 29B]
᭒᭙
ᬤᬶᬦᬕ᭄ᬤᬶᬤᬾᬦᬶᬂᬓᬸᬂᬭᬶᬫᬂ᭞ᬩᬶᬗᬸᬢ᭄ᬧᬮᬶᬂᬢᬦ᭄ᬫᬮᬶᬄᬗ᭄ᬢᭀᬦ᭄ᬕᬸᬫᬶ᭞ᬧᬗᬸᬜ᭄ᬘᬗᬶᬂᬳᬲᬶᬄᬮᬸᬮᬸᬢ᭄᭞ᬫᬯᬲ᭄ᬢᬸᬜᬶᬘᬶᬂᬲᬶᬗ᭄ᬳᬮ᭄‌᭞ᬧᭀᬗᬄᬚ᭄ᬯᬭᬶᬧᬗ᭄ᬓᬄᬜᬸᬚᬸᬄᬮᬗᬶᬢ᭄ᬧᭂᬮᬸᬂ᭞ᬤᭀᬄᬧᬭᬧᬘᬂᬜᬶᬤ᭄ᬥᬬᬂ᭞ᬬᬦ᭄ᬢᬦ᭄ᬓᬲ᭄ᬯᬾᬘ᭄ᬙᬦᬦ᭄ᬯᬶᬥᬷ
᭟ᬚᬦ᭄ᬢᭂᬦ᭄ᬧᬘᬂᬗᬘᬕᬭᬂ᭞ᬗᬚ᭄ᬧ᭄ᬢᬯᬂᬢᬦ᭄ᬧᬾᬦ᭄ᬤᬄᬢᬥᬳᬲᬶᬄ᭞ᬗᬸᬮᬢᬶᬢᬾᬚᬦ᭄ᬲᬶᬢᬗ᭄ᬰᬸ᭞ᬓᬵᬮᬦᬶᬂᬲᬸᬭᬸᬧ᭄ᬲᬹᬃᬬ᭄ᬬ᭞ᬧᬗ᭄ᬮᭀᬂᬰᬰᬶᬄ᭞ᬲᬧᬲᬶᬭᬧᬘᬂᬳᬲᬸᬂ᭞ᬜᬸᬧᬢ᭄ᬳᬢ᭄ᬫᬦᬾᬓᬲᬲᬃ᭞ᬤᬤᭀᬲ᭄ᬤᬲᬃᬓᬯᬄᬳᭂᬦ᭄ᬢᬶᬧ᭄᭟ᬦᬵ
ᬗ᭄ᬳᬶᬂᬢᬦ᭄ᬲᬄᬫᬦ᭄ᬤᬯᭂᬕᬂ᭞ᬦᬸᬦᬲ᭄ᬳᬶᬘ᭄ᬙᬫᬗ᭄ᬤᬓᬦ᭄ᬢᬸᬦ᭄ᬫᬉᬭᬶᬧ᭄᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬓᬵᬫᬡ᭄ᬥᬮᬸ᭞ᬫᬓᬰᬷᬤ᭄ᬥᬦᬶᬂᬫᬦᬄ᭞ᬲᬗᬸᬦ᭄ᬳᬸᬭᬶᬧ᭄‌ᬫᬲᬥ᭄ᬬᬧᬘᬂᬫᬫ᭄ᬓᬸᬮ᭄᭞ᬗᬚᬧᬚ᭄ᬧ᭄ᬓᬮᬾᬤᬗᬦ᭄᭞ᬲᬗ᭄ᬓᬦᬶᬂᬤᬺᬤ᭄ᬥᬲᬸᬪᬓ᭄ᬢᬶ᭟ᬦᬕᬶᬂᬦᬸᬦ
ᬲ᭄ᬧᬧᭀᬗᭀᬭᬦ᭄᭞ᬳᬦ᭄ᬢᬸᬓ᭄ᬦᬫ᭄ᬩᭂᬢ᭄‌ᬢᬦ᭄ᬳᬸᬦᬶᬂᬭᬶᬂᬲᭀᬃᬲᬶᬗ᭄ᬕᬶᬄ᭞ᬤᬸᬃᬰᬷᬮᬫᬵᬫ᭄ᬩᭂᬓᬦ᭄ᬩᭂᬕᬸᬕ᭄᭞ᬧᬸᬭᬸᬦ᭄ᬗ᭄ᬭᬸᬦ᭄ᬤᬄᬰᬰᬡ᭞ᬢᬦᬶᬳᬲᬶᬦ᭄‌ᬫᬫᬋᬓᬦ᭄ᬫᬵᬫ᭄ᬩᭂᬓ᭄ᬤᬸᬤᬸ᭞ᬢᬦ᭄ᬳᬸᬯᬶᬂᬭᬶᬂᬢᬢᬓ᭄ᬭᬫ᭞ᬲᬢᬢᬧᬸᬭᬸᬦ᭄ᬗᭂᬩᬸᬓᬶᬦ᭄᭟
[᭓᭐ 30A]
ᬧᬶᬳᬃᬱᬬᬂᬳᬢᬹᬃᬢᬶᬢ᭄ᬬᬂ᭞ᬲ᭄ᬯᬾᬘ᭄ᬙᬉᬕᬶ᭞ᬫᬶᬘ᭄ᬙᬬᬂᬲᬓᬤᬶᬫᬗ᭄ᬓᬶᬦ᭄᭞ᬳᬶᬅᬦᬓ᭄ᬢᬶᬢ᭄ᬬᬂᬗᬮᬸᬗ᭄ᬲᬸᬃ᭞ᬯ᭄ᬓᬲᬶᬂᬚᬢᬸᬓᬃᬫ᭄ᬫ᭞ᬓᬤᬶᬦᬶᬓ᭞ᬚᬗ᭄ᬕᭂᬮ᭄ᬢᬦ᭄ᬫᬮᬶᬄᬗᬮᬦ᭄ᬢᬸᬃ᭞ᬳᬢᬹᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬕ᭄ᬮᬶᬲᬦ᭄ᬳᭂᬗ᭄ᬲᭂᬓ᭄ᬓᬩᬶᬮ᭄ᬩᬶᬮ᭄᭟ᬫ᭄ᬦᭂᬂᬭᬵ
ᬤᬾᬦ᭄ᬯᬷᬭᬦᬵᬣ᭞ᬓᬦ᭄ᬢᬸᬦ᭄ᬩᭂᬗᭀᬂ᭞ᬭᬾᬄᬓᬲᬼᬓ᭄ᬫᬶᬓᬳ᭄ᬬᬸᬦᬶᬦ᭄᭞ᬳᬢᬹᬃᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬯ᭄ᬓᬲᬦ᭄ᬫᬗᬦ᭄ᬤᬶᬓ᭞ᬢᬹᬃᬗᭂᬲᬾᬗᬶᬦ᭄᭞ᬯᬶᬄᬜᬾᬜ᭄ᬘᭂᬭᬶᬓ᭄ᬘᭂᬭᬶᬓ᭄ᬤᬶᬢᬸ᭞ᬳᬢᬹᬭᬶᬦ᭄‌ᬓ᭄ᬫᬳᬾᬗ᭄ᬕᬮᬂ᭞ᬳᬶᬘ᭄ᬦᬶᬂᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬲᬂ
ᬓᬥᬯᬸᬄᬲᬵᬫ᭄ᬧᬸᬦ᭄ᬓᬾᬲᬄ᭞ᬫᬗᬵᬢᬹᬭᬶᬦ᭄ᬲᬤ᭄ᬬᬄᬫᬡᬶᬓᬶᬂᬧᬸᬭᬶ᭞ᬓᬘᬭᬶᬢᬲᬵᬫ᭄ᬧᬸᬦ᭄ᬭᬯᬸᬄ᭞ᬗᬜ᭄ᬚᬮᬶᬦᬸᬦᬲ᭄ᬮᬸᬕᬺ᭞ᬧ᭄ᬤᭂᬓ᭄ᬢᬗ᭄ᬓᬶᬮ᭄ᬫᭂᬧᭂᬲ᭄ᬫᬢᬗᬦᬦ᭄ᬗᬸᬦ᭄ᬢᬸᬮ᭄᭞ᬓᬩᬶᬮ᭄ᬩᬶᬮ᭄ᬭᬾᬄᬓᬤᬶᬓᬾᬫᬤ᭄᭞ᬜᬶᬗᬓ᭄ᬭᬵᬤᬾᬦ᭄ᬩ
ᬜ᭄ᬚᬃᬲᬭᬶ᭟ᬭᬵᬤᬾᬦ᭄ᬳᬚᬶᬫᬗᬦ᭄ᬤᬶᬓ᭞ᬳᬥᬸᬳ᭄‌ᬘ᭄ᬦᬶᬂᬤᭂᬧ᭄ᬲᬦ᭄ᬲᬮᬄᬢᬫ᭄ᬧᬶ᭞ᬩᬵᬫ᭄ᬩᬧᬢ᭄ᬯᬭᬚᬭᬸᬗᬸ᭞ᬢ᭄ᬓᬾᬦ᭄ᬧ᭄ᬬᬦᬓ᭄ᬫᬵᬯᬦᬦ᭄᭞ᬩᬸᬓᬚᬦᬶ᭞ᬩᬧᬢᭀᬂᬗ᭄ᬮᬄᬧᬲᬯᬸᬢ᭄᭞ᬜᬳᬸᬢᬶᬦ᭄ᬳᬦᬓ᭄ᬜᬾᬯᬓ᭞ᬜᬾᬯᬓ [ 31 ][᭓᭐ 30B]
᭓᭐
ᬬᬂᬤᬾᬯᬾᬓ᭄ᬘᭂᬦᬶᬂ᭟ᬦᬄᬤᬘ᭄ᬦᬶᬂᬫᬓᭂᬩᬗᬦ᭄᭞ᬢ᭄ᬓᬾᬦ᭄ᬩᬧᬓᬾᬦ᭄ᬓᬾᬦ᭄ᬳᬶᬥᭂᬧᬾᬚᬢᬶ᭞ᬬᬾᬦᬶᬂᬲᬸᬩᬧᬥᬘᬸᬫ᭄ᬧᬸ᭞ᬫᬲᬩᬧᬦᭀᬫ᭄ᬩᬬᬂ᭞ᬢᬦᬶᬳᬲᬶᬦ᭄ᬲᬸᬩᬢᬸᬯᬓᬤᬮᬸᬫᬸᬓ᭄᭞ᬲᬮᬄᬢᬓᭂᬄᬜᬮᬸᬯᬕᬂ᭞ᬲ᭄ᬩᭂᬢ᭄ᬩᬧ
ᬩᬸᬓᬫᬢᬶ᭟ᬤᬾᬦ᭄ᬤᬫᬲ᭄ᬓᬸᬦᬶᬂᬗᬸᬦ᭄ᬢᬸᬮᬂ᭞ᬗᬸᬭᬶᬓ᭄ᬢᬦᬄᬓᬩᬢᭂᬓ᭄ᬓᬾᬫᬤ᭄ᬓᬭᬶ᭞ᬫᬵᬢᬹᬃᬗᬸᬦᬶᬗᬬᬂᬘᬸᬫ᭄ᬧᬸ᭞ᬍᬓ᭄ᬚᭂᬗᬄᬓᬚᬃᬯ᭄ᬯᬓᬂ᭞ᬧᬸᬢ᭄ᬭᬷᬚᬮᬶᬃᬧ᭄ᬭᬤᬾᬫᬢᬹᬃᬲᬓᬶᬂᬘᬸᬮᬸᬓ᭄᭞ᬩᭀᬬᬯᬾᬦ᭄ᬢᭂᬦ᭄ᬓᬧᬵᬢᬹᬢᬦ᭄᭞ᬲᭀᬢᬦᬶᬂᬓᬦ᭄ᬢᬸ
ᬦ᭄ᬢᬸᬭᬸᬡᬶ᭟ᬚᬦ᭄ᬢᭀᬲ᭄ᬧᬶᬗ᭄ᬓᬮᬶᬄᬧᬶᬂᬢᬶᬕ᭞ᬢᬍᬃᬫ᭄ᬦᭂᬂᬓᬢᬺᬕ᭄ᬓᬢᬓᬾᬦᬶᬦ᭄᭞ᬫᬫᬾᬗᭀᬲ᭄ᬳᬅᬚᬶᬩᭂᬦ᭄ᬤᬸ᭞ᬯᬳᬸᬗᬾᬲᬾᬭᬂᬢ᭄ᬕᬓ᭄᭞ᬫᬵᬢᬹᬃᬲᬶᬲᬶᬧ᭄ᬢᬶᬢ᭄ᬬᬂᬗᬶᬭᬶᬂᬲᬧᬓᬳ᭄ᬬᬸᬦ᭄᭞ᬫᬶᬗ᭄ᬤᭀᬄᬧᬸᬭᬸᬦ᭄ᬢᬶᬢ᭄ᬬᬂᬢᬸᬮᬓ᭄᭞ᬬᬦ᭄ᬲᬵᬫ᭄ᬧᬸᬦ᭄ᬧ
ᬓᬵᬃᬱᬦ᭄ᬳᬚᬶᬮ᭄᭟ᬳᬢᬹᬭᬾᬫᬕᬕᬶᬭᬶᬗᬦ᭄᭞ᬦᬵᬗ᭄ᬳᬶᬂᬲᬶᬦᬄᬫᬲᬶᬧ᭄ᬢᬭᬶᬂᬧᬗᬵᬓ᭄ᬱᬶ᭞ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬓᬧᬶᬮᬸᬮᬸᬢ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬩᭀᬬᬫᬮᬶᬄ᭞ᬭᬵᬤᬾᬦ᭄ᬯᬷᬭᬦᬵᬣᬢᬦ᭄ᬤ᭄ᬭᬸᬄ᭞ᬗᬶᬗᭂᬭᬂᬳᬢᬹᬃᬳᬶᬅᬦᬓ᭄᭞
[᭓᭑ 31A]
ᬲᬓᬭᬶᬂᬘᬸᬮᬸᬓ᭄ᬕᬸᬫᬦ᭄ᬢᬶ᭟ᬜ᭄ᬩᬸᬕᬂᬭᬭᬶᬲ᭄ᬗᬦ᭄ᬤᬶᬓ᭞ᬫᬵᬥᬸᬄᬘ᭄ᬦᬶᬂᬭᬶᬂᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬲᭀᬢᬦᬶᬂᬳᬃᬱᬫᬫᬦ᭄ᬢᬸ᭞ᬢᬦ᭄ᬫᬮᬶᬄᬫᬲᬺᬓᬾᬦᬦ᭄᭞ᬳᬭᬄᬘ᭄ᬦᬶᬂᬤᬾᬦᬶᬂᬲᬸᬩᬧᬥᬳᬭᬸᬲ᭄᭞ᬩᬧᬢ᭄ᬯᬭᬫᬓ᭄ᬮᬢᬂ᭞ᬧ᭄ᬬᬦᬓ᭄ᬩᬧᬳᬶ
ᬤᬶᬄᬘ᭄ᬦᬶᬂ᭟ᬚᬢᬶᬩᬧᬗᬍᬕᬬᬂ᭞ᬇᬥᭂᬧ᭄ᬘᭂᬦᬶᬂᬤ᭄ᬫᭂᬦ᭄ᬢᭂᬓᬾᬦ᭄ᬳᬶᬅᬤᬶ᭞ᬫᬦᬓ᭄ᬘᭂᬦᬶᬂᬳᬲᬶᬄᬮᬸᬮᬸᬢ᭄᭞ᬦᬵᬗ᭄ᬳᬶᬂᬬᬜ᭄ᬘᭂᬦᬶᬂᬋᬩᭃ᭞ᬫ᭄ᬮᬄᬤᬶᬦᬶᬗᬦ᭄ᬢᬾᬜ᭄ᬘᬭᬯᬓ᭄ᬢᬸᬢ᭄ᬮᬸ᭞ᬳᬗ᭄ᬕᭀᬦ᭄ᬮᬧ᭄ᬜᬫᬩ᭄ᬭᬬ᭞ᬲᬗ᭄ᬓᬦᬶᬂᬩᭀᬩᭀᬢ᭄ᬗᭂᬢᭀᬳᬶ
ᬦ᭄᭟ᬳᬢᬹᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬶᬢ᭄ᬬᬂᬗᬶᬭᬶᬂ᭞ᬥᬹᬄᬲᬭᬮᬾᬤᬂᬅᬚᬶᬓ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬲᬫᬶᬳᬭᬸᬲ᭄᭞ᬚᬕᬦᬧᬶᬜ᭄ᬚᬗᬂ᭞ᬓᭀᬘᬧ᭄ᬫᬗ᭄ᬓᬶᬦ᭄ᬧᬜ᭄ᬚᬓᬾᬲᬫᬶᬓᬥᬯᬸᬄ᭞ᬫᬗ᭄ᬤᬲᬬᬕᬗᬶᬦ᭄ᬓᬶᬦᬂ᭞ᬲᬹᬧᬘᬭ
ᬧᬶᬮᬧᬮᬶ᭟ᬧᬘᬂᬓᬵᬃᬬ᭄ᬬᬧᬯᬭᬗᬦ᭄᭞ᬧᬯᬶᬯᬵᬳᬦ᭄‌ᬲᬂᬤ᭄ᬬᬄᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬋᬂᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬲᬵᬫ᭄ᬧᬸᬦᬺᬓᬾᬓᬩ᭄ᬬᬓ᭄ᬢ᭞ᬭᬶᬂᬮᬾᬃᬩᬸᬓᬶᬢ᭄᭞ᬧᬜ᭄ᬚᬓᬾᬲᬕᬺᬳᬦ᭄ᬢᭂᬥᬸᬦ᭄᭞ᬲᬯᬯᭂᬗ᭄ᬓᭀᬦ᭄ᬢᬜ᭄ᬚᬸᬂ [ 32 ][᭓᭑ 31B]
᭓᭑
ᬩᬬᬦ᭄᭞ᬲᬓ᭄ᬱᬡᬦᬜ᭄ᬘᭂᬩ᭄ᬢᬢᬭᬶᬂ᭟ᬩᬜ᭄ᬘᬶᬗᬄᬩᬸᬗᬄᬫᬧᬳ᭄ᬬᬲ᭄᭞ᬫᬵᬩᬳᬩᬄ᭞ᬳᬦ᭄ᬢᬸᬓ᭄ᬱᬲᬸᬢ᭄ᬭᬬᬦ᭄ᬓᬸᬦᬶᬂ᭞ᬢᬫ᭄ᬧᬸᬮ᭄ᬩᬮᬾᬦᬾᬫᬓᬧᬸᬢ᭄᭞ᬳᬦ᭄ᬢᬸᬓ᭄ᬓᭂᬘᬶᬢ᭄ᬤᬾᬯᬗ᭄ᬕ᭞ᬢᬸᬳᬸᬳᬲᬶᬦ᭄᭞ᬫᬮᬦ᭄ᬢᬭᬦ᭄ᬓᬲᬳᬮᬸᬲ᭄᭞ᬫᬹ
ᬧᬋᬗ᭄ᬕᬲᬃᬯ᭄ᬯᬲ᭄ᬓᬃ᭞ᬓᬢᭀᬦ᭄ᬓᬤᬶᬕᬸᬦᬸᬂᬲᬭᬷ᭟ᬲᬤᬶᬦᬗᬵᬢᬹᬭᬂᬳᬬᬄ᭞ᬓ᭄ᬭᬶᬓ᭄ᬢᬶᬗ᭄ᬓᬶᬄ᭞ᬧᬜ᭄ᬚᬓᬾᬭᬶᬂᬩᬮᬾᬃᬩᬸᬓᬶᬢ᭄᭞ᬫᬤᬾᬦ᭄ᬤᬕ᭄ᬦᭂᬩᬸᬓ᭄ᬢᬸᬦ᭄ᬧᬸᬂ᭞ᬫᬓᬵᬃᬬ᭄ᬬᬲᬲᬗᬦᬦ᭄᭞ᬲᬃᬯ᭄ᬯᬫᬦᬶᬲ᭄᭞ᬲᬬᬕᬳᬗ᭄ᬕᬾᬦ᭄ᬧᬦᬫ᭄ᬬᬸ᭞
ᬲᬂᬭᬯᬸᬄᬧᬘᬂᬫᬶᬥᬭ᭞ᬲᬓᬾᬂᬤᭀᬄᬤᭀᬄᬗᬮᬸᬗ᭄ᬕᬦᬶᬦ᭄᭟ᬓᭀᬘᬧ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬲᬓᬾᬂᬲᬭᬢ᭄᭞ᬗᬸᬦ᭄ᬤᬂᬓᭂᬢᭀᬕᬦ᭄ᬲᬫᬶ᭞ᬧ᭄ᬭᬯᬗ᭄ᬰᬲᬲᬩᬮᬾᬃᬕᬸᬦᬸᬂ᭞ᬭᬯᬸᬄᬓᬚᬩᬓᬸᬝᬵ᭞ᬤ᭄ᬮᭀᬤ᭄ᬩᬸᬓᬶᬢ᭄᭞ᬓᬧᬶᬲ
ᬭᬢ᭄ᬤᬗ᭄ᬤᬭᬯᬸᬄ᭞ᬓᬧᬸᬭᬶᬩᬬᬦ᭄ᬫᬶᬥᬭ᭞ᬦᬶᬜ᭄ᬚᭀᬲᬂᬦᬯᬸᬂᬓᬭᬰ᭄ᬫᬶᬦ᭄᭟ᬲᬂᬓᬧᬜ᭄ᬘᬮ᭄ᬫᬓ᭄ᬢᬲᬸᬭᬵᬢ᭄᭞ᬗᬸᬦ᭄ᬤᬗᬸᬦ᭄ᬤᬂᬲᬵᬫ᭄ᬧᬸᬦ᭄ᬭᬯᬸᬄᬫᬯᬮᬶ᭞ᬳᬢᬹᬭᬾᬲᬫᬶᬲᬸᬫᬗ᭄ᬕᬸᬧ᭄᭞ᬧᬘᬂᬭᬯᬸᬄᬫᬶᬥᬭ᭞ᬮᬦᬂᬳᬶᬲ᭄ᬢ᭄ᬭᬷᬢᬍᬃᬧ
[᭓᭒ 32A]
ᬜ᭄ᬚᬓ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬧᬘᬂᬭᬯᬸᬄᬫᬲᬭᬢᬦ᭄᭞ᬢᬦ᭄ᬲᬄᬳᬶᬧᬸᬦ᭄ᬗ᭄ᬭᬫ᭄ᬩᬂᬕᬸᬲ᭄ᬢᬶ᭟᭚᭐᭚ᬧᬸᬧᬸᬄᬫᬲ᭄ᬓᬸᬫᬫ᭄ᬩᬂ᭚᭐᭚ᬓᬘᬭᬶᬢᬓᬵᬮᬦᬶᬂᬲᬗ᭄ᬓᬮᬶᬄᬓᬯᬶᬦ᭄‌᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬋᬂᬭᬶᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬳᬶᬭᬶᬂ
ᬓᬭᬶᬂᬧᬸᬭᬶᬩᬬᬦ᭄᭟ᬤᬲ᭄ᬭᬳᬶᬦᬲ᭄ᬯᬭᬦ᭄ᬢᬍᬦᬦᬾᬗᬶᬮᬶᬲ᭄᭞ᬗᬺᬤᭂᬓ᭄ᬫᬘᬦ᭄ᬤᭂᬢᬦ᭄᭞ᬩᬶᬮᬂᬕᬸᬩᬸᬕ᭄ᬤᬲᬦ᭄ᬲᬫᬶ᭞ᬧ᭄ᬭᬤᬂᬲᬵᬫ᭄ᬧᬸᬦ᭄ᬫᬢᬫ᭄ᬧᬳᬦ᭄᭟ᬩᬦ᭄ᬢᬾᬂᬓ᭄ᬩᭀᬕᭀᬤᬾᬮ᭄ᬫᬶᬲᬳᬬᬫ᭄ᬓᬫ᭄ᬩᬶᬂ᭞ᬩᬾᬩᬾᬓ᭄ᬤᭀᬮᭀᬂᬳ
ᬗ᭄ᬲ᭞ᬫᬕᭀᬭᬾᬗᬦ᭄ᬫᬾᬩᬢ᭄ᬦᬦ᭄ᬤᬶᬂ᭞ᬦᬸᬲᬸᬓ᭄ᬱᬢᬾᬫᬧᬗ᭄ᬕᬗᬦ᭄᭟ᬫᬸᬧᬸᬓᭂᬫ᭄ᬩᬂᬫᬘ᭄ᬤᬸᬕ᭄ᬲ᭄ᬯᬭᬦ᭄ᬕᭀᬂᬩᭂᬮᬶᬓ᭄᭞ᬢᬫ᭄ᬩᬸᬗᬦᬾᬓᬢᬄ᭞ᬲᬓᬾᬂᬓᬯᬸᬄᬲᬓᬾᬂᬓᬗᬶᬦ᭄᭞ᬓᬦ᭄ᬢᬸᬦ᭄‌ᬲ᭄ᬫᭂᬂᬲᬵᬫ᭄ᬧᬸᬦ᭄ᬫᭂᬫ᭄ᬩᬄ᭟ᬫᬕ᭄ᬭᬾᬦ᭄ᬤᭀ
ᬢᬦ᭄ᬯᬾᬦ᭄ᬢᭂᬦ᭄‌ᬦ᭄ᬕᭂᬦ᭄ᬜᬸᬯᬸᬦ᭄ᬜᬗ᭄ᬓᬶᬮ᭄᭞ᬩ᭄ᬭᬲ᭄ᬮᬜ᭄ᬚᬫ᭄ᬩᬾᬲ᭄ᬤᬄ᭞ᬫᬤᬸᬮᬸᬭᬦ᭄ᬕᭂᬢᬲ᭄ᬧᬸᬦ᭄ᬢᬶᬓ᭄᭞ᬲᬭᬸᬧᬦᬶᬂᬧᬧᬘᬾᬢᬦ᭄᭟ᬢᬦ᭄ᬧ᭄ᬕᬢᬦ᭄ᬧᬜ᭄ᬚᬓᬾᬭᬯᬸᬄᬮᬸᬄᬫ᭄ᬯᬦᬶ᭞ᬫᬭᬾᬭᭀᬤ᭄ᬫᬵᬢᬹᬭᬦ᭄᭞ᬫᬧᬳ᭄ᬬᬸᬲ᭄ᬗᬕᭂᬦ᭄ᬫᬩ [ 33 ][᭓᭒ 32B]
᭓᭒
ᬮᬶᬄ᭞ᬩᬋᬂᬳᬚᬓ᭄ᬧ᭄ᬬᬦᬓ᭄ᬱᭀᬫᬄ᭟ᬚᬦ᭄ᬢᭀᬲ᭄ᬫᬾᬦ᭄ᬤᭀᬓ᭄ᬭᬾᬜ᭄ᬘᬂᬭᭀᬩᬦ᭄ᬩᬜ᭄ᬚᬃᬲᬭᬶ᭞ᬲᬓᬾᬂᬢᬶᬕᬂᬤᬶᬦ᭞ᬭᬶᬂᬩᬬᬦ᭄ᬲᬵᬫ᭄ᬧᬸᬦ᭄ᬗᭂᬮᭀᬦᬶᬦ᭄᭞ᬕᬸᬫᬦᬗᬢᬹᬭᬂᬳᬬᬄ᭟ᬥᬯᬸᬄᬧᬶᬲᬦ᭄ᬢᬫ᭄ᬬᬸᬦᬾᬲᬵ
ᬫ᭄ᬧᬸᬦ᭄ᬗ᭄ᬭᬯᬸᬳᬶᬦ᭄᭞ᬧ᭄ᬭᬫᬾᬦᬓ᭄ᬧ᭄ᬭᬯᬗ᭄ᬰ᭞ᬫᬳᬶᬭᬶᬗᬦ᭄ᬮᬦᬂᬳᬶᬲ᭄ᬢ᭄ᬭᬶ᭞ᬲᬭᬢ᭄ᬫᬓ᭄ᬢᬧᬫᬶᬥᬭ᭟ᬫᬓ᭄ᬮᬸᬲ᭄ᬫᬾᬦᬓ᭄ᬱᭀᬭᭀᬄᬭᭀᬤᬾᬦ᭄ᬧᬭᬫᬫᬶᬓ᭄᭞ᬪᬹᬱᬦᬦᬾᬩᬸᬗᬄ᭞ᬲᬋᬂᬤᬾᬦ᭄ᬤᬂᬧᬭᬩᬳᬶᬦ᭄᭞ᬧᬯᬾᬲ᭄ᬢ᭄ᬭᬶᬫᬾ
ᬦᬓ᭄ᬭᬶᬂᬲᬲᬓ᭄᭟ᬚ᭄ᬕᬾᬕ᭄‌ᬚ᭄ᬕᬾᬕ᭄ᬧᬫᬸᬮᬸᬦᬾᬧᬸᬢᬶᬄᬕᬥᬶᬂ᭞ᬢᬬᬸᬗᬦᬾᬗᭂᬫ᭄ᬩᬢ᭄᭞ᬫᬕᬾᬮᭀᬭᬦ᭄ᬫᬥ᭄ᬬᬭᬫ᭄ᬧᬶᬂ᭞ᬢᬶᬦ᭄ᬤᬓᬦᬾᬫᬕᬫ᭄ᬧᬭᬦ᭄᭟ᬧᬗᬸᬲ᭄ᬧᬗᬶᬤ᭄ᬫᬳᬶᬭᬶᬗᬦ᭄ᬩᬚᬂᬘ᭄ᬦᬶᬓ᭄᭞ᬫᬓ᭄ᬢᬧᬘᬦᬗᬦ᭄᭞
ᬫᬩᬺᬤ᭄ᬧᬜ᭄ᬚᬓᬾᬗᬶᬭᬶᬂ᭞ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬ᭟ᬫᬲᬮᬫᬦ᭄ᬲᬗᬭᬯᬸᬄᬓᬭᬯᬸᬳᬶᬦ᭄᭞ᬲᭀᬢᬦᬶᬂᬫᬵᬲᬶᬳᬦ᭄᭞ᬳᬕᬾᬓᬵᬢᬹᬭᬦ᭄ᬫᬮᬶᬗ᭄ᬕᬶᬄ᭞ᬭᬶᬂᬩᬮᬾᬦᬾᬲᬭᬮᬾᬤᬂ᭟ᬧᬸᬲ᭄ᬫᬮᬶᬗ᭄ᬕᬶᬄᬢ
[᭓᭓ 33A]
ᬫ᭄ᬬᬸᬓᬵᬢᬹᬭᬦ᭄ᬭᬃᬲᬶ᭞ᬯᬾᬤᬂᬲᬲᬗᬦᬦ᭄᭞ᬳᬭᬦ᭄ᬩ᭄ᬭᬫᬗ᭄ᬕᬸᬃᬫᬦᬶᬲ᭄᭞ᬲᬮ᭄ᬯᬶᬭᬶᬂᬳᬶᬦᬸᬫᬶᬦᬸᬫᬦ᭄᭟ᬫᬩ᭄ᬜᭀᬦᬦ᭄ᬫᬲ᭄ᬬᬓ᭄ᬭᬡᬵᬲᬶᬄᬓᬸᬫᬲᬶᬄ᭞ᬫᬳᬶᬘ᭄ᬙᬳᬶᬘ᭄ᬙᬬᬦ᭄᭞ᬓᬩᬢᭂᬓ᭄ᬮᬾᬤᬂᬫᬧᬗ᭄ᬕᬶᬄ᭞ᬫᬘ᭄ᬧᬸᬓ᭄ᬱᬋᬂᬫᬶ
ᬥᬭ᭟ᬲᬓᬾᬂᬲᬶᬓᬸᬫᬦ᭄ᬢᬂᬮᬦ᭄ᬫᬲ᭄ᬩᬕᬶᬓ᭄᭞ᬭᬭᬂᬓᭀᬲᬶᬓ᭄‌ᬓᭀᬧᬂ᭞ᬧ᭄ᬭᬶᬗ᭄ᬕᬩᬬᬲᬸᬭᬦᬥᬶ᭞ᬤᬲᬦᬼᬓᭀᬂᬓᬸᬢᬭᬵᬚ᭟ᬚᭀᬗ᭄ᬕᬢ᭄ᬕ᭄ᬭᬸᬂᬢᬜ᭄ᬚᬸᬂᬧᬸᬯᬃᬮᬩ᭄ᬯᬦ᭄ᬳᬚᬶ᭞ᬓ᭄ᬮᬬᬸᬍᬦ᭄ᬤᬂᬦᬗ᭄ᬓ᭞ᬓᬢᬄᬬᬦ᭄ᬳᬸᬘᬧᬂᬲᬫᬶ᭞
ᬲᬯᬢᭂᬓ᭄ᬫᬾᬦᬓ᭄ᬧ᭄ᬭᬯᬗ᭄ᬰ᭟ᬮᬦᬂᬳᬶᬲ᭄ᬢ᭄ᬭᬶᬫᬪᬹᬱᬦᬲᬃᬯ᭄ᬯᬍᬯᬶᬄ᭞ᬗᬕᭂᬦ᭄ᬜᭂᬦ᭄ᬢᭀᬓ᭄ᬧᬳ᭄ᬬᬲ᭄᭞ᬗᬾᬤᬍᬲ᭄ᬓᬸᬘᬶᬯᬢᬦ᭄ᬤᬶᬂ᭞ᬗᭂᬦ᭄ᬤᭀᬦ᭄ᬲᬓᭂᬂᬤᭀᬄᬫᬶᬥᬭ᭟ᬯᬸᬲ᭄ᬗᬯᬾᬤᬂᬓᬵᬢᬸᬭᬦ᭄ᬫᬕᬶᬩᬸᬂᬭᬭᬶᬲ᭄᭞ᬭᬶᬂᬩ
ᬮᬾᬦᬾᬧᬜ᭄ᬚᬂ᭞ᬕᬶᬧᬶᬄᬧᬜ᭄ᬚᬓᬾᬗᬬᬳᬶᬦ᭄᭞ᬢᬫ᭄ᬬᬸᬦᬾᬲ᭄ᬤᭂᬓ᭄ᬫᬚᭂᬗᬦ᭄᭟ᬢᬚᭂᬕ᭄ᬲᬹᬃᬬ᭄ᬬᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬧᬸᬮᬧᬮᬶ᭞ᬧᬗᬸᬮᬸᬫᬗ᭄ᬕᬮ᭞ᬗᬦ᭄ᬢᭂᬦᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬋᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭟ᬫ [ 34 ][᭓᭓ 33B]
᭓᭓
ᬓᭂᬫ᭄ᬩᬭᬦ᭄ᬲᬗ᭄ᬓᬮᬶᬄᬧᬦ᭄ᬢᭂᬲ᭄ᬫᬲᬦ᭄ᬤᬶᬂ᭞ᬢᬸᬮ᭄ᬬᬲᬹᬃᬬ᭄ᬬᬘᬦ᭄ᬤ᭄ᬭ᭞ᬫᬼᬓ᭄ᬮᬸᬫ᭄ᬮᬸᬫ᭄ᬧᬸᬢᬶᬄᬕᬥᬶᬂ᭞ᬉᬮᬧ᭄ᬢᬫ᭄ᬬᬸᬦᬾᬗᬦ᭄ᬢᭂᬦᬂ᭟ᬩ᭄ᬗᭀᬂᬳᬗᭀᬩ᭄ᬓᬧᬶᬗᭀᬦ᭄ᬳᬲᬶᬂᬗᬮᬶᬗ᭄ᬮᬶᬂ᭞ᬪᬹᬱᬦᬗᬸᬭᬜᬩ᭄᭞ᬫᬲ᭄ᬫᬲᭂᬲᭀᬲ᭄ᬮᬦ᭄ᬗᭂᬦ᭄ᬤᬶᬄ᭞ᬚ᭄ᬕᬾᬕ᭄ᬩᬕᬸ
ᬲᬾᬲᬯᬯ᭟ᬢᬸᬗ᭄ᬓᬸᬮ᭄ᬩᭂᬗᭀᬂᬫᬓᭂᬲ᭄ᬬᬸᬄᬕᬕᬦ᭄ᬤᬦ᭄ᬫᬶᬳᬶᬓ᭄᭞ᬢᭂᬫ᭄ᬧᬸᬄᬲᬫᬶᬭᬦ᭞ᬓᬤᬶᬳᬸᬓᬸᬧ᭄ᬲᬚ᭄ᬭᭀᬧᬸᬭᬶ᭞ᬯᬳᬸᬏᬮᬶᬂᬫᬲᬮᬫᬦ᭄᭟ᬭᬶᬂᬲᬂᬗᬦ᭄ᬢᬾᬦ᭄ᬫᬾᬄᬍᬍᬄᬢᬗᬦ᭄ᬲᬗ᭄ᬓᬮᬶᬄ᭞ᬢᬫ᭄ᬬᬸᬦᬾᬢᬦ᭄ᬧ᭄ᬕᬢ᭄᭞ᬉᬫᬸᬂᬫᬤᬾᬮᬫ
ᬤᬶᬓᬶᬃ᭞ᬲᬯᬢᭂᬓ᭄ᬅᬮᬶᬫ᭄ᬳᬸᬮᬫ᭟ᬧᬭᬤᬸᬓᬸᬦ᭄ᬬᬢ᭄ᬦᬗᬩᬶᬄᬓ᭄ᬫᬓ᭄ᬫᬶᬓ᭄᭞ᬢᬗᬃᬭᬶᬂᬩᬜ᭄ᬘᬦ᭞ᬤᭀᬬᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬚᬳᬶᬮ᭄᭞ᬜᬗ᭄ᬓᬮᬾᬦ᭄ᬲᬂᬫᬚᬗ᭄ᬓᭂᬧᬦ᭄᭞ᬤᭀᬓᬾᬩᬗ᭄ᬓ᭄ᬭᬸᬓ᭄‌ᬫ᭄ᬯᬂᬲᬫ᭄ᬧᬾᬗᭀᬢ᭄ᬳᬚᬶᬯ᭄ᬕᬶᬕ᭄᭞ᬧᬧᬲ
ᬗᬦ᭄ᬲᬲᬓ᭄᭞ᬦᬵᬗ᭄ᬳᬶᬂᬢᬦ᭄ᬲᬶᬤ᭄ᬥᬫᬶᬕ᭄ᬭᬦᬶᬦ᭄᭞ᬓᬲᬶᬤ᭄ᬥᬾᬦ᭄ᬫᬦ᭄ᬢ᭄ᬭᬧᬫᬸᬦᬄ᭟ᬓᬵᬮᬯ᭄ᬗᬶᬫᬕᭀᬜ᭄ᬚᭀᬗᬦ᭄ᬲᬂᬫᬩᬮᬶᬄ᭞ᬭᬸᬤᬢ᭄ᬫᬶᬯᬄᬳᬤ᭄ᬭᬄ᭞ᬫᬓᬾᬩᬾᬓ᭄ᬗᬶᬕᭂᬮ᭄ᬫᬕᭂᬦ᭄ᬤᬶᬂ᭞ᬯᬾᬦ᭄ᬢᭂᬦ᭄ᬫᬮᬶᬄᬧᭂᬜ᭄ᬘᬓ᭄ᬱᬶᬮᬢ᭄᭟ᬤᬗ᭄ᬓᭂᬮᬂ
[᭓᭔ 34A]
ᬤᬾᬗ᭄ᬓᭂᬮᬾᬂᬫᬭᬸᬓᭂᬢ᭄ᬲᬾᬩᭂᬢ᭄ᬫᬓ᭄ᬮᬶᬤ᭄᭞ᬘ᭄ᬧᭂᬢ᭄ᬫᬢᬶᬜ᭄ᬚᬓᬦ᭄᭞ᬚᬫ᭄ᬩᬭᬦ᭄ᬢᭂᬧᬶᬲ᭄ᬓᬢᭂᬧᬶᬲ᭄᭞ᬫᬓᬶᬍᬲ᭄ᬩᬄᬩᬗᬸᬦ᭄ᬕᬜ᭄ᬘᬂ᭟ᬫᬮᬶᬄᬯᬾᬦ᭄ᬢᭂᬦ᭄ᬳᬶᬮᬾᬦ᭄ᬳᬶᬮᬾᬦ᭄ᬓᬲᬸᬩ᭄‌ᬩ᭄ᬘᬶᬓ᭄᭞ᬲᬓ᭄ᬧᬸᬂᬯᬵᬱ᭄ᬝᬦ᭄ᬜ᭞ᬜᬦ᭄ᬤᬶᬂᬫᭀᬜᬾᬄᬗᬮ
ᬗᭂᬦᬶᬦ᭄᭞ᬦᬦ᭄ᬤᬓᬶᬦ᭄ᬲᬸᬮᬶᬂᬮᬾᬦᬺᬩᬤ᭄᭟ᬲᬕᬓ᭄‌ᬲᭀᬕᭀᬓ᭄ᬳᬦᬓᬾᬲ᭄ᬤᭂᬓ᭄ᬫᬩᬮᬶᬄ᭞ᬕᬦ᭄ᬤ᭄ᬭᬸᬲ᭄ᬓᬃᬢᬾᬚ᭞ᬗᬶᬕᭂᬮ᭄ᬲᬫ᭄ᬩᬶᬮᬂᬫᬕᭂᬦ᭄ᬤᬶᬂ᭞ᬫᬲᭂᬦ᭄ᬤᭀᬦ᭄ᬫᬢᬶᬬᬂᬮᬦᬂ᭟ᬕᭀᬩᬚ᭄ᬕᬾᬕ᭄‌ᬤ᭄ᬫᭂᬦ᭄ᬢᬭᬸᬡᬦᬾᬗᬶᬩᬶᬂ᭞ᬳ
ᬕᭂᬢᬦ᭄ᬓᬚᬯᬢ᭄᭞ᬩᬗᬸᬦ᭄ᬗᬶᬕᭂᬮ᭄ᬕᬶᬭᬂᬗᬶᬩᬶᬂ᭞ᬗᬳᬾᬢᭀᬗᭂᬩᬢᬂᬮᬫᬶ᭟ᬲᬩ᭄ᬭᬦ᭄ᬲᭀᬭᬾᬏᬦ᭄ᬤᬾᬧᬧᬤᬸᬧᬤᬶᬗ᭄ᬓ᭄ᬭᬶᬓ᭄᭞ᬦᬾᬗ᭄ᬓᭂᬮᬾᬂᬗᬗ᭄ᬕᬃᬢᬫ᭄ᬬ᭞ᬢᬦ᭄ᬩᭂᬗ᭄ᬮᬄᬮᬦ᭄ᬢᬶᬕ᭄ᬧᬜ᭄ᬚᬮᬶᬦ᭄᭞ᬧᬺᬤ᭄ᬢᭂᬕᬸᬄᬓᬩᬶᬦᬯ᭟ᬢᬶ
ᬕᬂᬤᬶᬦᬫᬭᬫᬾᬭᬵᬆᬫᬵᬳᬾᬢᬦ᭄ᬫᬭᬶ᭞ᬫᬾᬄᬍᬍᬄᬫᬕᬤᬂ᭞ᬫᬩᬮᬶᬄᬭᬳᬶᬦᬯ᭄ᬗᬶ᭞ᬧᬜ᭄ᬚᬓᬾᬭᬶᬂᬢᬜ᭄ᬚᬸᬂᬩᬬᬦ᭄᭟ᬜᬦ᭄ᬤᬂᬓᬲᬸᬩ᭄ᬓᬯᬶᬃᬬ᭄ᬬᬦ᭄ᬲᬂᬗ᭄ᬭᬓ᭄ᬱᬕᬸᬫᬶ᭞ᬭᬵᬤᬾᬦ᭄ᬯᬷᬭᬦᬵᬣ᭞ᬗᬦ᭄ᬢᬾᬦᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬋᬂ [ 35 ][᭓᭔ 34B]
᭓᭔
ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭟ᬲᬓᬾᬂᬩᭀᬩᭀᬢ᭄ᬓᬳ᭄ᬬᬸᬦᬾᬫᬫᬦ᭄ᬢᬸᬚᬢᬶ᭞ᬫᬗ᭄ᬢᭀᬳᬶᬦ᭄ᬳᭀᬓ᭞ᬢᬦ᭄ᬧᬗᬾᬢᬂᬚᬶᬦᬄᬦᬲᬶ᭞ᬲᬤᬶᬦᬫᬥᬦᬥᬦ᭟ᬲᬗ᭄ᬓᬦ᭄ᬳᬗᭂᬦ᭄ᬧᬜ᭄ᬚᬓᬾᬢᬺᬱ᭄ᬡᬲᬸᬪᬓ᭄ᬢᬶ᭞ᬗᬬᬄᬧᭀᬮᬶᬄᬢ᭄ᬤᭂ
ᬲᬓᬶᬢᬓᬋᬧ᭄ᬗᬩᬾᬳᬶᬦ᭄᭞ᬲᬩ᭄ᬭᬦ᭄ᬫᬦ᭄ᬢᬸᬓ᭄ᬫᬓ᭄ᬢᬩᬺᬓᬢ᭄᭟ᬮᬩ᭄ᬤᬓᬵᬃᬬ᭄ᬬᬳᬗ᭄ᬮ᭄ᬮᬸᬭᬄᬭᬶᬂᬩᬮᬾᬃᬩᬸᬓᬶᬢ᭄᭞ᬯᬸᬲ᭄ᬗᬦ᭄ᬢᬾᬦᬂᬳᭀᬓ᭞ᬢᬫ᭄ᬬᬸᬦᬾᬲᬵᬫ᭄ᬧᬸᬦ᭄ᬗᬯᭀᬦᬶᬦ᭄᭞ᬧᬜ᭄ᬚᬓᬾᬓ᭄ᬜᭂᬮ᭄ᬫᬕᬤᬂ᭟᭚᭐᭚ᬧᬸᬧᬸᬄ
ᬤᬗ᭄ᬤᬂ᭚᭐᭚ᬓᬯᬸᬯᬸᬲᬦ᭄ᬲᬂᬦᬯᬸᬂᬓᬭᬰ᭄ᬫᬶᬭᬶᬂᬧᬫᬺᬫᬦ᭄᭞ᬜᬢᬸᬓᬮᬾᬤᬗᬦ᭄᭞ᬯᬸᬲᬦ᭄ᬧᬤ᭄ᬗᭂᬦ᭄‌ᬤ᭄ᬗᭂᬄ᭞ᬲᬢᬢᬲᬮᬶᬂᬭᬸᬫ᭄ᬭᬸᬫ᭄᭞ᬲᭀᬢᬦᬶᬂᬢᭂᬫ᭄ᬩᬾᬓᬧᬗ᭄ᬕᬶᬄ᭞ᬭᬶᬂᬕ᭄ᬤᭀᬂᬧᬓᬮᬶᬳᬦ᭄᭞ᬫᬸᬧᬸᬂᬲᬵᬫ᭄ᬧᬸᬦ᭄ᬲᬸ
ᬯᬸᬂ᭞ᬤᬶᬦᬕ᭄ᬤᬶᬤᬾᬦᬶᬂᬓᬸᬂᬭᬶᬫᬂ᭞ᬓᬮᬸᬮᬸᬢᬦ᭄᭞ᬢᬦ᭄ᬫᬭᬶᬫᬭᬶᬳᬭᬶᬄ᭞ᬫᬕ᭄ᬮᬸᬢ᭄ᬫᬕᬍᬂᬢᬗᬦ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬲᬶᬳᬲᬶᬄᬗ᭄ᬮᬤ᭄ᬧ᭄ᬭᬡ᭞ᬲᬵᬫ᭄ᬧᬸᬦ᭄ᬲᬮᬶᬢ᭄ᬳᬃᬱ᭞ᬳᬦ᭄ᬢᬸᬓ᭄ᬤᬸᬃᬰᬶᬮᬦ᭄ᬩᭂᬮᬶᬦᬾ᭞ᬫᬫᬋᬓᬦ᭄ᬫ
[᭓᭕ 35A]
ᬫ᭄ᬓᬸᬮ᭄᭞ᬩᭀᬬᬉᬦᬶᬂᬭᬶᬂᬲᭀᬃᬲᬶᬗ᭄ᬕᬶᬄ᭞ᬮᬗ᭄ᬖᬦᬜᬸᬚᬸᬄᬩᬸᬮᬦ᭄᭞ᬧᬗ᭄ᬓᬄᬩ᭄ᬮᭀᬕ᭄ᬳᬚᬸᬫ᭄᭞ᬢᬦ᭄ᬳᬸᬦᬶᬂᬭᬶᬂᬰᬶᬮᬓ᭄ᬭᬫ᭞ᬦᬶᬱ᭄ᬝᬥᬫ᭞ᬗᭂᬦ᭄ᬤᭀᬦ᭄ᬲᬓᬾᬂᬩᬜ᭄ᬚᬃᬲᬭᬶ᭞ᬧᭀᬮ᭄ᬗᬄᬚ᭄ᬯᬭᬶᬓᬕᬸᬬᭀᬦᬦ᭄᭟ᬗᬚᬧᬚᬧ᭄ᬓ
ᬮᬾᬤᬗᬦ᭄ᬳᬤᬶᬳᬢ᭄ᬫᬚᬶᬯ᭞ᬥᬸᬄᬤᬾᬦ᭄ᬤᬫᬲ᭄ᬫᬶᬭᬄ᭞ᬤᬸᬭᬸᬲᬂᬲ᭄ᬯᬾᬘ᭄ᬙᬦ᭄ᬳᬤᬶᬦᬾ᭞ᬗᬶᬘ᭄ᬙᬾᬦ᭄ᬩᭂᬮᬶᬧᬫᬬᬸᬄ᭞ᬧᬗ᭄ᬮᬸᬓᬢᬦ᭄ᬫᬮᬤ᭄ᬓᬶᬮ᭄᭞ᬮᬫᬓᬦ᭄ᬲᬶᬤ᭄ᬥᬧᬸᬃᬡ᭄ᬦ᭞ᬫᬦᬄᬩ᭄ᬮᬶᬳᬶᬗᬸᬄ᭞ᬓ᭄ᬩᬸᬲ᭄ᬩᬭᬓᬤᬶᬮᬩ᭄ᬮᬩ᭄᭞ᬬᬦ᭄ᬭᬱᬬᬂ
ᬓᬩᬦ᭄ᬤᬩᬵᬦ᭄ᬮᬸᬳᬸᬢ᭄ᬳᬲᬶᬄ᭞ᬲᬢᬢᬫᬗᬚᬧ᭄ᬢᬯᬂ᭟ᬮᬯᬲ᭄ᬲᬵᬫ᭄ᬧᬸᬦ᭄ᬩᭂᬮᬶᬦᬦ᭄ᬤᬂᬲᭂᬤᬶᬄᬗᬺᬢ᭄ᬫᬦᬄ᭞ᬓᬤᬶᬢᬭᬸᬮ᭞ᬜᬕᭂᬭᬂᬢ᭄ᬥᬸᬦ᭄ᬲᬩᭂᬳᬾ᭞ᬗᬚᬧ᭄ᬮᬾᬤᬂᬳᬶᬭᬢᬸ᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬲᬜ᭄ᬚᬯᬦᬶ᭞ᬫᬓᬧᬗ᭄ᬮᬶ
ᬧᬸᬃᬮᬭ᭞ᬫᬗ᭄ᬤᬓᬦ᭄ᬢᬸᬦ᭄ᬳᬶᬤᬸᬧ᭄᭞ᬜᬥ᭄ᬬᬤᬤᭀᬲ᭄ᬚᬸᬭᬸᬧᬳ᭄ᬬᬲ᭄᭞ᬫᬫᬋᬓᬦ᭄᭞ᬲᬭᬳᬤᬶᬦᬶᬢᬄᬩ᭄ᬮᬶ᭞ᬫᬶᬗ᭄ᬤᭀᬄᬩ᭄ᬮᬶᬧᬸᬭᬸᬦ᭄ᬢᬸᬮᬓ᭄᭟ᬓ᭄ᬜᭂᬫ᭄ᬤᬾᬦ᭄ᬤᬫᬲ᭄ᬓᬸᬦᬶᬂᬜᬳᬶᬭᬶᬦ᭄᭞ᬥᬸᬄᬳᬫ᭄ᬧᬸᬭ᭞ᬓᬢᬫ᭄ᬩᭂᬢᬦ᭄ᬢᬶ [ 36 ][᭓᭕ 35B]
᭓᭕
ᬢ᭄ᬬᬂ᭞ᬗᬶᬭᬶᬗᬂᬓᬳ᭄ᬬᬸᬦ᭄ᬩᭂᬮᬶᬦᬾ᭞ᬤᭀᬗᬸᬤᬳᬶᬦᬩ᭄ᬢᬦ᭄ᬤ᭄ᬭᬸᬄ᭞ᬭᬶᬂᬫᬦᬄᬢᬶᬢ᭄ᬬᬂᬲᬸᬪᬓ᭄ᬢᬶ᭞ᬗᭂᬩᬸᬓ᭄ᬘᭀᬓᭀᬃᬫᬫᬜ᭄ᬚᬓ᭄᭞ᬲᬓᬾᬂᬳᬲᬶᬄᬮᬸᬮᬸᬢ᭄᭞ᬩᭀᬬᬜᬦ᭄ᬤᬂᬩ᭄ᬮᬶᬧᬜ᭄ᬚᬂ᭞ᬫᬗᬤᬶᬓ᭞ᬫᬲᬢᬶᬢ᭄ᬬᬂ
ᬢᬦ᭄ᬲᬳᬶᬭᬶᬂ᭞ᬲᬭᬮᬾᬤᬂᬗᬯᬶᬯ᭄ᬦᬂ᭟ᬓᬮᬾᬤᬗᬦ᭄ᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬬᬦ᭄ᬳᬸᬧᬫ᭞ᬩ᭄ᬤᬓ᭄ᬧᭀᬮᬶᬄᬢᭀᬬ᭞ᬧᬺᬫᬗ᭄ᬓᬶᬦ᭄ᬩᬶᬗᬃᬲ᭄ᬩᭂᬗᬾ᭞ᬲᬳᬲᬭᬭᬶᬲ᭄‌ᬗ᭄ᬮᬸᬢ᭄᭞ᬲᬗ᭄ᬳᬭᬶᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬓ᭄ᬱᬡᬓᬮᬸᬓ
ᬭᬦ᭄᭞ᬢᬹᬃᬳᬯᭀᬃᬲᬮᬸᬮᬸᬢ᭄‌᭞ᬲᭀᬢᬦᬶᬂᬥᬳᬢᬭᬸᬡ᭞ᬓᬢᬸᬫ᭄ᬩᬾᬦᬦ᭄᭞ᬓᬮᬗᭂᬦ᭄ᬗᬶᬮᬶᬢᬂᬩᬢᬶᬲ᭄᭞ᬜᭂᬧᬸᬓᬂᬥᬸᬫ᭄ᬩ᭄ᬯᬭᬱ᭟ᬬᬦ᭄ᬲᬯᬗᬂᬢᬦ᭄ᬩᬶᬦᬲᬓᬤᬶᬕᬚᬄᬭᭀᬲ᭞ᬢᬦ᭄ᬧᬗᬾᬢᬂᬭᬸᬗ᭄ᬓ᭞
ᬲᬳᬲᬫᭀᬭᭀᬤ᭄ᬳᬩᬶᬗᬾ᭞ᬜᬸᬫ᭄ᬩᬶᬮ᭄ᬳᭂᬩᭂᬢ᭄ᬗᬋᬫ᭄ᬩᬸᬦ᭄᭞ᬗᬦ᭄ᬤᭂᬮᬂᬢᬸᬮᬮᬾᬫᬶᬲ᭄ᬩᬶᬲ᭄᭞ᬫᬘ᭄ᬩᬸᬃᬓᬲᬕᬭ᭞ᬗᬫᬾᬢ᭄ᬓᬵᬫᬦ᭄ᬤᬮᬸ᭞ᬳᬶᬭᬶᬓᬤᬸᬭᬸᬲ᭄ᬫᬕᬸᬬᬂ᭞ᬫᬍᬩ᭄‌ᬍᬩᬦ᭄᭟ᬭᬶᬂᬩᭀᬗ᭄ᬓᭀᬮ᭄ᬕᬶᬮᬶᬦᬾᬗᬶ
[᭓᭖ 36A]
ᬜ᭄ᬚᬶᬮ᭄᭞ᬉᬮᬗᬸᬦ᭄ᬩᬸᬫ᭄ᬩᬳᬶᬦ᭄ᬥᬡ᭄ᬝ᭞ᬲ᭄ᬬᬢ᭄ᬲ᭄ᬬᬸᬢ᭄ᬫᬭᬱᬫᬦᬶᬲ᭄‌ᬬᬦ᭄ᬓᭂᬘᬧᬂ᭞ᬢᭂᬫ᭄ᬩᬾᬗᬘᬸᬭᬱ᭞ᬉᬦᬶᬂᬭᬶᬂᬭᬱᬩ᭄ᬘᬶᬓᬾ᭞ᬫᬾᬄᬫᬦᬶᬲᬦ᭄ᬭᬶᬂᬫᬥᬸ᭞ᬮᬮᬳᬦ᭄ᬭᬶᬂᬢᬩ᭄ᬬᬓ᭄ᬭᬶᬜᬶ᭞ᬮᭀᬦ᭄ᬮᭀᬦᬦ᭄ᬫᬕᬼᬓᬦ᭄᭞ᬓᬤᬸᬂ
ᬩᬓᬢ᭄ᬳᬸᬮᬸᬄ᭞ᬩᬦ᭄ᬤᭂᬫᭂᬦᬾᬫᬓ᭄ᬧᬓ᭄ᬢᬸᬮᬂ᭞ᬓᬦ᭄ᬢᬶᬲᬸᬓᬓ᭄᭞ᬘᭂᬘᭂᬄᬓᬶᬚᭂᬧᬦᬾᬗ᭄ᬤᬶᬃ᭞ᬳᭀᬓᬦ᭄ᬳᭀᬓ᭄ᬳᭀᬓᬾᬓ᭄ᬗᬸᬢᬄᬩᬬᬃ᭟ᬲᬵᬫ᭄ᬧᬸᬦ᭄ᬲᬦ᭄ᬯᬦᭂᬄᬫᬸᬧ᭄ᬧ᭄ᬦᬶᬦ᭄ᬓᬭᬰ᭄ᬫᬶᬦ᭄‌ᬗᬥᬸᬭᬱ᭞ᬯᬸᬲ᭄ᬳᬯᭀᬃᬲᬭᬕ᭞ᬭᬱᬫ᭄ᬲᬢ᭄ᬧ᭄ᬭᬫᬡ
ᬦᬾ᭞ᬫᬘ᭄ᬧᭀᬮ᭄ᬢᬦ᭄ᬧᬩᬬᬸ᭞ᬮᬾᬫ᭄ᬧᭀᬃᬭᬱᬢᬦ᭄ᬧᬕᬮᬶᬄ᭞ᬲᬗ᭄ᬓᬮᬶᬄᬫᬲᭀᬩᬬ᭞ᬫᬕ᭄ᬢᬶᬄᬳᬩᬸᬗ᭄ᬓᬸᬂ᭞ᬧᬭᬲ᭄ᬧᬭᭀᬲ᭄‌ᬲᬃᬧ᭄ᬧᬦᬬ᭞ᬫᬓᬭᭀᬦᬦ᭄᭞ᬳᬕᭂᬢ᭄ᬮᬘᬸᬃᬲᬮᬶᬂᬢᬶᬦ᭄ᬤᬶᬄ᭞ᬲᬶᬮᬸᬗ᭄ᬮᬸᬂᬲᬩᬬᬵᬦ᭄ᬢᬓ᭟ᬲᬧᬸ
ᬦᬶᬓᬉᬩᬬᬦ᭄ᬲᬗ᭄ᬓᬮᬶᬄᬭᬶᬂᬧᬫᬺᬫᬦ᭄᭞ᬫᬗ᭄ᬓᬶᬜ᭄ᬘᬭᬶᬢᬬᬂ᭞ᬲᬲᬵᬫ᭄ᬧᬸᬦ᭄ᬮᬩ᭄ᬤᬓᬵᬃᬬ᭄ᬬᬦᬾ᭞ᬗᬶᬦ᭄ᬓᬶᬦᬂᬧᬘᬂᬫᬦ᭄ᬢᬸᬓ᭄᭞ᬲᬗ᭄ᬓᬮᬶᬄᬓᬩᬜ᭄ᬚᬃᬲᬭᬶ᭞ᬭᬾᬄᬲ᭄ᬯᬾᬲᬵᬫ᭄ᬧᬸᬦ᭄ᬭᬶᬂᬩᬬᬦ᭄᭞ᬦᬫ᭄ᬢᬫᬶᬦ᭄ᬳᬸᬮᬗᬸᬦ᭄᭞ᬫᬾᬄᬲᬵᬫ᭄ᬧᬸ [ 37 ][᭓᭖ 36B]
᭓᭖
ᬦ᭄ᬳᬰᬰᬶᬄᬮᬶᬦ᭄ᬢᬂ᭞ᬧᬶᬢᬸᬂᬤᬶᬦ᭞ᬫᬧᬫᬶᬢ᭄ᬭᬶᬂᬭᬵᬤᬾᬦ᭄ᬳᬚᬶ᭞ᬦᬸᬦᬲ᭄ᬮᬸᬕᬺᬧᬘᬂᬩᬸᬤᬮ᭄᭟ᬭᬵᬤᬾᬦ᭄ᬳᬚᬶᬦᭀᬭᬧᬜ᭄ᬚᬂᬫᬮᬶᬄ᭞ᬫᬶᬲᬭᬬᬂ᭞ᬫᬗ᭄ᬤᬫᬲᬋᬗᬦ᭄᭞ᬲᬢᬶᬩᬢᬶᬩᬧᬭᬦᬾ᭞ᬫᬶᬓ᭄ᬤᭂᬄᬫᬗ᭄ᬤᬳᬤᬸᬂ᭞ᬦᬸᬗ᭄ᬕᬮᬂᬲᬧᬢᬶᬉ
ᬭᬶᬧ᭄᭞ᬤᬸᬫᬤᬓ᭄ᬤᬶᬃᬕ᭄ᬖᬬᬸᬱ᭞ᬓᬲᬥ᭄ᬬᬦ᭄ᬭᬳᬬᬸ᭞ᬩᬯᭀᬲ᭄ᬭᬵᬤᬾᬦ᭄ᬯᬷᬭᬦᬵᬣ᭞ᬭᬶᬂᬳᬶᬅᬦᬓ᭄᭞ᬫᬮᬶᬄᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬦᬄᬓ᭄ᬫᬘ᭄ᬦᬶᬂᬫᬚᬮᬦ᭄᭟ᬓᬸᬘᬸᬧ᭄ᬢᬗᬦ᭄ᬲᬗ᭄ᬓᬮᬶᬄᬫᬪᬓ᭄ᬢᬶ᭞ᬦᬸᬦᬲ᭄ᬮᬸᬕ᭄ᬭ᭞ᬭᬭᬶᬲ᭄ᬫᬤᬩ᭄ᬤᬩᬦ᭄᭞
ᬦᬾᬗᬶᬭᬶᬂᬦ᭄ᬕᭂᬦ᭄ᬩᭂᬓᭂᬮᬾ᭞ᬯᬢᬭᬯᬾᬦ᭄ᬢᭂᬦ᭄ᬲᬢᬸᬲ᭄᭞ᬧᬯᬶᬮᬗᬦ᭄ᬳᬶᬧᬸᬦ᭄ᬲᬫᬶ᭞ᬲᬵᬫ᭄ᬧᬸᬦᬺᬓᬾᬫᬫᬃᬕ᭄ᬕ᭞ᬲᬄᬲᬓᬾᬂᬮᬾᬃᬕᬸᬦᬸᬂ᭞ᬧᬫᬃᬕ᭄ᬕᬶᬦᬾᬓᬤᬶᬭᬸᬗ᭄ᬓ᭞ᬗᬋᬕᬳᬂ᭞ᬗᬶᬍᬳᬶᬦ᭄ᬕᬸᬦᬸᬂᬋᬜ᭄ᬚᬦᬶ᭞ᬫ᭄ᬕᬢ᭄ᬢᬸᬓᬤ᭄ᬧᬗ᭄ᬓᬸᬂᬚᬸᬭᬂ᭟
ᬳᬮᭀᬦ᭄ᬧᬫᬃᬕ᭄ᬕᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂᬗᬫᬸᬗ᭄ᬕᬳᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬬᬕᬗᬩᬶᬄᬭᬩᬶᬦᬾ᭞ᬗᬶᬭᬶᬗᬂᬲᬓᬾᬂᬧᬸᬗ᭄ᬓᬸᬃ᭞ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬲᬶᬜ᭄ᬚᬗᬾᬫᬓᭂᬩᬾᬗᬦ᭄᭞ᬭᬶᬓᬵᬮᬦᬶᬂᬢ᭄ᬥᬸᬦ᭄᭞ᬭᬶᬂᬢᭀ
[᭓᭗ 37A]
ᬬᬦᬾᬫᬘᬶᬗ᭄ᬘᬶᬗᬦ᭄᭞ᬓᬦ᭄ᬢᭂᬦ᭄ᬲᬶᬦᬄ᭞ᬩ᭄ᬢᭂᬓᬜ᭄ᬘᭀᬓᭀᬭᬾᬕᬮᬶᬂ᭞ᬫ᭄ᬭᭀᬲ᭄ᬧᬸᬧᬸᬦᬾᬫᬫᬸᬥᬓ᭄᭟ᬍᬕᭂᬃᬘᭂᬫᭀᬄᬭᬵᬤᬾᬦ᭄ᬩᬜ᭄ᬚᬃᬲᬭᬶᬦᬍᬓ᭄ᬢᭂᬓᬂ᭞ᬲᬓᬤᬶᬜᬸᬫ᭄ᬧᭂᬦ᭞ᬓᬩᬢᭂᬓ᭄ᬳᭀᬦᭂᬂᬓᬳ᭄ᬬᬸᬦᬾ᭞ᬲ᭄ᬤᭂᬓ᭄ᬩᭂᬗᭀᬂ
ᬉᬮᬗᬸᬦ᭄᭞ᬯᬾᬦ᭄ᬢᭂᬦ᭄ᬢᬮᬕᬓᬧᬗ᭄ᬕᬶᬄ᭞ᬭᬶᬂᬢᭂᬫ᭄ᬩᬶᬗᬶᬂᬧᬃᬯ᭄ᬯᬢ᭞ᬏᬩᭂᬓ᭄ᬱᬃᬯ᭄ᬯᬲᬦ᭄ᬢᬸᬦ᭄᭞ᬓᬭᬸᬩᬸᬳᬦ᭄ᬢᬸᬓ᭄ᬩ᭄ᬭᬫᬭ᭞ᬜᬢᬸᬍᬕ᭞ᬢᬦ᭄ᬲᬄᬗᬶᬲᭂᬧ᭄ᬫᬥᬸᬦ᭄ᬲᬭᬶ᭞ᬧᬕ᭄ᬭᬶᬬᭂᬂᬫᬾᬤ᭄ᬭᬦ᭄ᬗᬶᬦ᭄ᬤᬂ᭟ᬬᬦ᭄ᬲᬯᬗᬂᬢᬦ᭄ᬧᬾᬦ᭄ᬤᬄᬲᬓᬤᬶᬭᬾᬯ
ᬢᬓ᭞ᬢᬫᬦ᭄ᬧ᭄ᬭᬪᬸᬓᬺᬱ᭄ᬡ᭞ᬭᬶᬂᬤ᭄ᬯᬭᬯᬢᬶᬮᭀᬓᬦᬾ᭞ᬲ᭄ᬓᬃᬢᬸᬜ᭄ᬚᬸᬂᬫᬢᬸᬭᬸᬢ᭄᭞ᬧᬸᬢᬶᬄᬲᭂᬦ᭄ᬢᬓ᭄ᬦᬾᬘᬶᬗᬓᬶᬦ᭄᭞ᬲᬦᬾᬲᬶᬓ᭄ᬮᭀᬤ᭄ᬩᬭᬓ᭄᭞ᬓᬸᬦᬶᬂᬦᬾᬲᬶᬓᬯᬸᬄ᭞ᬢᬸᬜ᭄ᬚᬸᬂᬉᬮᬸᬂᬦᬾᬲᬶᬓᬚ᭞ᬦᬾᬭᬶᬂᬢ᭄ᬗᬄ᭞ᬫᬜ᭄ᬘᬯᬃ
ᬡ᭄ᬦᬫᬗᬾᬤ᭄ᬥᬦᬶᬦ᭄᭞ᬩ᭄ᬘᬶᬓ᭄ᬕᭂᬦᬄᬫᬘᬗ᭄ᬓ᭄ᬭᬫ᭟ᬲ᭄ᬯᬭᬦ᭄ᬧᬓ᭄ᬱᬶᬗᬸᬘᬶᬗᬮᬗᭂᬦᬶᬦ᭄‌ᬬᬦ᭄ᬲᬯᬗᬂ᭞ᬕᬸᬦ᭄ᬢᬂᬲᬸᬮᬶᬂᬋᬩᬤ᭄᭞ᬲ᭄ᬤᭂᬓ᭄ᬦᬩᬸᬄᬭᬶᬂᬳᬮᬲᬾᬫ᭄ᬢᬦ᭄ᬫᬭᬶᬦᬸᬤᬸᬢ᭄ᬓᬳ᭄ᬬᬸᬦ᭄᭞ᬲᬂᬲᬶᬤ᭄ᬥᬦᬯᬸᬂᬓᬭᬰ᭄ᬫᬶᬦ᭄᭞ᬤᬾᬦ᭄ᬤᬫᬲ᭄ᬓᬸᬦᬶᬂ [ 38 ][᭓᭗ 37B]
᭓᭗
ᬩᬶᬗᬃ᭞ᬢᬦ᭄ᬫᬭᬱᬭᬶᬂᬕ᭄ᬧᬸ᭞ᬓᬩᬢᭂᬓ᭄ᬓᬳ᭄ᬬᬸᬦᬾᬮᬾᬤᬂ᭞ᬫᬘᬘᬶᬗᬓ᭄᭞ᬫᬗ᭄ᬕᬶᬳᬶᬦ᭄ᬳᬗ᭄ᬲᬓᬓᬮᬶᬄ᭞ᬲ᭄ᬤᭂᬓ᭄ᬫᬜ᭄ᬚᬸᬲ᭄ᬫᬲᬶᬓ᭄ᬱᬶᬓᬦ᭄᭟ᬘᬶᬗᬓ᭄ᬩᭂᬮᬶᬳᬗ᭄ᬲᬦᬾᬗᬮᬗᬶ᭞ᬫᬵᬧᬶᬫᬵᬧᬶᬢᬺᬱ᭄ᬡ᭞ᬢᬦ᭄ᬲᬄᬗᬚᬓ᭄ᬓᬸᬋᬦᬦᬾ
᭞ᬫᬭᬾᬭᭀᬤ᭄ᬳᬶᬧᬸᬦ᭄ᬫᬜ᭄ᬚᬸᬲ᭄᭞ᬭᬶᬂᬢᭀᬬᬦᬾᬲᬋᬗ᭄ᬓᬮᬶᬄ᭞ᬭᬹᬧᬜᬹᬃᬬ᭄ᬬᬰᬾᬯᬦ᭞ᬦᭂᬫ᭄ᬧᭂᬅᬫ᭄ᬩᭂᬓ᭄ᬯᬶᬓᬸ᭞ᬜᬩ᭄ᬭᬦ᭄ᬫᬰᬹᬘᬶᬮᬓ᭄ᬱᬡ᭞ᬗᬤᬶᬲ᭄ᬢᬦ᭞ᬫᬫᬸᬢᬸᬲ᭄ᬫᬯᬵᬲ᭄ᬢ᭄ᬭᬧᬸᬢᬶᬄ᭞ᬗᭂᬮᬭᬂᬰᬤᬗ᭄ᬕᬬᭀᬕ᭟ᬲᬤᬓ᭄ᬜᭂᬫ᭄ᬭᬵᬤᬾ
ᬦ᭄ᬩᬜ᭄ᬚᬃᬲᬭᬶᬭᬭᬶᬲ᭄ᬦᬶᬫ᭄ᬩᬮ᭄᭞ᬳᬭᬄᬧᬧᬓ᭄ᬭᬫ᭄ᬩᬂ᭞ᬳᬤᬶᬩᬵᬲᬺᬱᭂᬧ᭄ᬓᬳ᭄ᬬᬸᬦᬾ᭞ᬜᬾᬦ᭄ᬢ᭄ᬯᬭᬳᬲᬶᬄᬮᬸᬮᬸᬢ᭄᭞ᬘᬭᬩ᭄ᬮᬶᬢ᭄ᬓᬾᬦ᭄ᬳᬤᬶ᭞ᬜᬾᬜᬓ᭄ᬮᬓᬃᬧᬮᬲᬂ᭞ᬚᬸᬭᬕᬦ᭄ᬭᬳᬸ᭞ᬫᬢᬶᬇᬥᬸᬧ᭄ᬳᬚᬓ᭄ᬤᬤ᭄ᬯ᭞ᬢ᭄ᬯᬭᬧᬲᬄ᭞ᬢᬺᬱ᭄ᬡᬦ᭄ᬩᭂ
ᬮᬶᬢ᭄ᬓᬾᬦ᭄ᬳᬤᬶ᭞ᬤᭀᬗᬸᬤᬫᬶᬭᬶᬩ᭄ᬦᬦ᭄ᬤ᭄ᬭᬸᬳᬂ᭟ᬗᬸᬦ᭄ᬢᬸᬮ᭄ᬤᬾᬦ᭄ᬤᬫᬲ᭄ᬓᬸᬦᬶᬂᬓᬩᬶᬮ᭄ᬩᬶᬮ᭄‌ᬲᬃᬯ᭄ᬯᬶᬗᬸᬘᬧ᭄᭞ᬤᭀᬗᬶᬭᬶᬂᬫᬫᬃᬕ᭄ᬕ᭞ᬲᬵᬫ᭄ᬧᬸᬦ᭄ᬲᬾᬗ᭄ᬓᬯᬸᬄᬲᬹᬃᬬ᭄ᬬᬦᬾ᭞ᬲᬗ᭄ᬓᬮᬶᬄᬭᬭᬶᬲ᭄ᬩᬗᬸᬦ᭄᭞ᬫᬤᬦ᭄ᬤᬦ᭄ᬢᬗᬦ᭄ᬫᬫᬃᬕ᭄ᬕᬶ᭞ᬜᬸᬲᬸᬧ᭄ᬓᬕᬸᬦᬸᬂ
[᭓᭘ 38A]
ᬳᬮᬲ᭄᭞ᬢᬭᬸᬦᬾᬗᬋᬫ᭄ᬩᬸᬦ᭄᭞ᬭᬾᬜ᭄ᬘᬗᬾᬲᬫᬶᬗᬶᬭᬶᬗᬂ᭞ᬫᬕ᭄ᬭᬾᬦ᭄ᬤᭀᬢᬦ᭄᭞ᬲᬩᬶᬮᬂᬢᬸᬓᬤ᭄ᬓᬧᬗ᭄ᬕᬶᬄ᭞ᬫᬭᬃᬬ᭄ᬬᬦ᭄ᬗᬕᬄᬢᬓᬶᬮᬦ᭄᭟ᬕ᭄ᬭᬾᬄᬕ᭄ᬭᬾᬄᬩᭀᬚᭀᬕᬾᬭᬱᬜᬧᬢᬶᬦ᭄‌ᬢᬹᬃᬜᬶᬫ᭄ᬧᬗᬂ᭞ᬲᬃᬯ᭄ᬯᬶᬜᬶᬗ
ᬮ᭄ᬧ᭄ᬬᬦᬓ᭄᭞ᬢᬸᬭᬄᬦ᭄ᬤᬯᭂᬕᬂᬳᬢᬹᬭᬾ᭞ᬧ᭄ᬬᬦᬓ᭄ᬢᬶᬢ᭄ᬬᬂᬫᬫ᭄ᬭᬸᬤ᭄᭞ᬤᭀᬢ᭄ᬫᬓᬶᬢᬳᬶᬧᬸᬦ᭄ᬗᬶᬭᬶᬂ᭞ᬲᬋᬂᬓᬩᬜ᭄ᬚᬃᬲ᭄ᬓᬃ᭞ᬫᬸᬂᬧᬸᬂᬲᬵᬫ᭄ᬧᬸᬦ᭄ᬤᬬᬸᬄ᭞ᬫᬜ᭄ᬚᬗᬦ᭄ᬫᬓ᭄ᬘᭀᬲᬺᬗᬲ᭄᭞ᬬᬦ᭄ᬲᬯᬗᬂ᭞ᬲᬗ᭄ᬓᬦᬶᬂᬳᬷᬲ᭄ᬢ᭄ᬭᬶᬓ᭄ᬗᬶᬮᬶᬗᬶᬦ᭄᭞ᬲᬂ
ᬮᬸᬗ᭄ᬳᬫᬤᬦ᭄ᬤᬦ᭄ᬢᬗᬦ᭄᭟ᬲᬶᬓᭂᬧ᭄ᬗᭂᬦ᭄ᬤᬶᬂᬫᬵᬋᬧ᭄ᬢᭂᬥᬸᬦ᭄ᬦᭀᬮᬶᬄ᭞ᬬᬦ᭄ᬳᬶᬦᬩᬂ᭞ᬳᬶᬧᬸᬦ᭄ᬗᬯᬗ᭄ᬲᬶᬢᬂ᭞ᬧᬘᬂᬭᬯᬸᬄᬘᭂᬗ᭄ᬓᬯᭀᬦᬾ᭞ᬲᬳᬲᬭᬭᬶᬲ᭄ᬳᬶᬧᬸᬦ᭄᭞ᬫᬲ᭄ᬭᬶᬬᬸᬢ᭄ᬕᬮᬓ᭄ᬜᬦ᭄ᬤᭂᬭᬶᬦ᭄᭞ᬧᬶᬢᬶᬓᬾᬓ᭄ᬬᬓ᭄ᬓ᭄ᬬᬓ᭄᭞ᬫᬓᭂᬲ᭄ᬬᬩ᭄ᬢ
ᬗ᭄ᬓᭂᬚᬸᬢ᭄᭞ᬤᬾᬦ᭄ᬤᬫᬲ᭄ᬓᬸᬦᬶᬂᬗᬢᬩ᭄ᬢᬩ᭄᭞ᬗᬯᬢᬗᬂ᭞ᬩᭀᬬᬲᬶᬧ᭄ᬢᬦᬶᬓᬶᬩ᭄ᬮᬶ᭞ᬧᬘᬂᬫᬗ᭄ᬕᬸᬳᬂᬲᭂᬗ᭄ᬓᬵᬮ᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬲᬤᬓ᭄ᬜᬶᬂᬗᬯᬾᬚᬶᬃᬡ᭄ᬦ᭞ᬲᬶᬓᭂᬧ᭄ᬫᬸᬮᬕᬮᬓ᭄᭞ᬓᬩᬢᭂᬓ᭄ᬮᬬᬄᬩᬲᬂᬦᬾ᭞ᬤᬤᬢ [ 39 ][᭓᭘ 38B]
᭓᭘
ᬳᬤᬶᬭᬸᬗᬸ᭞ᬢᭀᬂᬜᬦ᭄ᬤᬂᬧᬢᬶᬋᬱᭂᬧᬶᬦ᭄᭞ᬲ᭄ᬭᬬᬂᬢᬸᬳᬦ᭄ᬳᬮ᭄ᬮᬄ᭞ᬬᬦᬶᬂᬲᬸᬩᬧᭂᬤᬸᬫ᭄᭞ᬮᬓᬃᬦ᭄ᬧᬸᬓᬶᬦ᭄ᬢᬦ᭄ᬲᬥ᭄ᬬ᭞ᬫᬓᬸᬋᬦᬦ᭄᭞ᬢ᭄ᬯᬭᬚᬤᬤᬶᬓ᭄ᬮᬶᬤᬶᬦ᭄᭞ᬳᬕᭂᬢ᭄ᬮᬘᬸᬭᬾᬫᬢᬶᬫ᭄ᬧᬮ᭄᭟ᬫᬢᬺᬧᬹᬃᬡ᭄ᬦᬫᬶᬋᬗᬂᬧᬯᬶᬲᬶᬓ᭄ᬧ
ᬧᬶᬗᬶᬢᬦ᭄᭞ᬢᬦ᭄ᬓᬾᬗ᭄ᬕᬸᬳᬶᬂᬪᬬ᭞ᬓᬤᬶᬧᬶᬢᬸᬢᬸᬃᬭᬓᬦᬾ᭞ᬲᬕᭂᬢ᭄ᬗᭂᬚᬾᬂᬓᬢᬜ᭄ᬚᬸᬂ᭞ᬭᬶᬂᬩᬢᬸᬦᬾᬜᬜᬧ᭄ᬮᬜᬶᬂ᭞ᬤᬸᬭᬸᬲ᭄ᬫᬓᬸᬧᬄᬓᬸᬧᬄ᭞ᬘᭀᬓᭀᬭᬾᬫᬢᬢᬸ᭞ᬓᬕ᭄ᬬᬢ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬧᬗᭂᬦ
ᬦ᭄᭞ᬲᬸᬩᬢᬗᬃᬩ᭄ᬮᬶᬗᬩᬶᬄ᭞ᬫᬲᬶᬄᬦ᭄ᬧᬸᬓᬶᬦ᭄ᬲᭂᬗ᭄ᬓᬵᬮ᭟ᬫ᭄ᬭᬄᬫ᭄ᬭᬸᬄᬭᬵᬤᬾᬦ᭄ᬩᬜ᭄ᬚᬃᬲᬭᬶᬜᭂᬮ᭄ᬲᭂᬮ᭄ᬭᬕ᭞ᬥᬸᬄᬤᬾᬦ᭄ᬲᬫᬲ᭄ᬫᬶᬭᬄ᭞ᬤᭀᬗᬸᬤᬓᬾᬦᬵᬳᬾᬮᬘᬸᬭᬾ᭞ᬓᬦ᭄ᬢᬶᬳᬤᬶᬫᬢᬢᬸ᭞ᬦᬸᬢᬸᬕ᭄ᬩᭂᬮᬶᬩᬋᬂᬦᬸᬮᬶᬄ᭞ᬚ᭄ᬦᭂᬂ
ᬳᬤᬦᬾᬜᬫ᭄ᬩᬢ᭄᭞ᬳᬯᬦᬦ᭄ᬓᬢᬜ᭄ᬚᬸᬂ᭞ᬤᬶᬫᬃᬕ᭄ᬕᬦᬾᬲᬸᬩᬩᬦ᭄ᬢᬃ᭞ᬢᭀᬂᬫᬤᬬ᭞ᬫᬦᬶᬫ᭄ᬩᬮ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬤᬸᬭᬸᬲᬂᬩ᭄ᬮᬶᬫᬫᬃᬕ᭄ᬕ᭟ᬫᬲᬢᬶᬢ᭄ᬬᬂᬫᬸᬭᬸᬤ᭄ᬗᬶᬭᬶᬂᬩ᭄ᬮᬶᬲᬭᬢᬶᬢᬄ᭞ᬤ᭄ᬬᬲ᭄ᬢᬸᬦ᭄ᬧᬾᬢ᭄ᬲᬗ᭄ᬲᬭ᭞ᬓ
[᭓᭙ 39A]
ᬦ᭄ᬢᬸᬦ᭄ᬫᬗ᭄ᬕᭂᬄᬲᬸᬪᬓ᭄ᬢᬶᬦᬾ᭞ᬩᬦ᭄ᬢᬲ᭄ᬢᬶᬢ᭄ᬬᬂᬫᬢᬢᬸ᭞ᬢᬦ᭄ᬲᬦ᭄ᬤᬂᬲᬸᬗ᭄ᬓᬦᬂᬩ᭄ᬮᬶ᭞ᬓᬵᬗᭂᬦ᭄ᬲᬫᬶᬫᬶᬭᬕ᭄ᬬᬂ᭞ᬭᬾᬜ᭄ᬘᬗᬾᬬᭀᬯᬕ᭄ᬭᬸᬤᬸᬕ᭄᭞ᬗᬺᬋᬄᬢᬫ᭄ᬩᬢᬶᬩᬰ᭄ᬭᬡ᭞ᬫᬢ᭄ᬕᭂᬧᬦ᭄᭞ᬕᬾᬲᭀᬗᬢᬹᬭᬂᬳᭀᬯᬜᬫ᭄ᬧᬶ᭞ᬓᬦᬶᬦᬾᬩᭂᬤ᭄ᬩᭂᬤ᭄ᬩ
ᬦ᭄ᬓᬸᬧᬲ᭄᭟ᬳᬾᬜ᭄ᬚᭀᬓ᭄ᬳᬾᬜ᭄ᬚᭀᬓ᭄ᬘᭀᬓᭀᬭᬾᬫᬫᬃᬕ᭄ᬕᬶ᭞ᬦᬾᬲᬸᬗ᭄ᬓᬦᬂ᭞ᬤᬸᬭᬸᬲ᭄ᬫᬋᬭᬫ᭄ᬧ᭞ᬓᬢᬸᬦ᭄ᬢᬸᬦ᭄ᬳᬦ᭄ᬢᬸᬓ᭄ᬭᬾᬜ᭄ᬘᬗᬾ᭞ᬦ᭄ᬤᬯᭂᬕᬂᬳᬶᬧᬸᬦ᭄ᬫᬵᬢᬹᬃ᭞ᬲᬤᬳᬮᭀᬦᬂᬫᬫᬃᬕ᭄ᬕᬶ᭞ᬭᬭᬶᬗᬦᬾᬮᬶᬲᬶᬓᬦ᭄᭞ᬭᬶᬂᬫᬃ
ᬕ᭄ᬕᬶᬦᬾᬮᬸᬩᬸᬓ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬫᬮᬶᬄᬪᬾᬤ᭄ᬥ᭞ᬲᬶᬤ᭄ᬥᬮᬶᬲ᭄ᬬ᭞ᬭᬾᬚᬾᬗᬾᬓᬦ᭄ᬢᬸᬦ᭄ᬳᬓ᭄ᬤᬶᬓ᭄᭞ᬳᬶᬭᬶᬓᬬᬦ᭄ᬫᬮᬶᬄᬩᬦ᭄ᬢᬃ᭟ᬲᬤᬳᬮᭀᬦ᭄ᬧᬫᬃᬕ᭄ᬕᬶᬦᬾᬦᬶᬜ᭄ᬚᬶᬓ᭄‌ᬫᬋᬭᬫ᭄ᬧ᭞ᬗᬭᭀᬤ᭄ᬩᬶᬮᬂᬤᬗ᭄ᬓ᭞ᬓᬦ᭄ᬢᭀ
ᬲ᭄ᬭ᭄ᬗᭀᬭᭀᬓᬂᬲᬹᬃᬬ᭄ᬬᬦᬾ᭞ᬯᬳᬸᬧᬺᬱᬶᬤ᭄ᬥᬭᬯᬸᬄ᭞ᬗᭂᬦ᭄ᬢᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬯᬯᭂᬗ᭄ᬓᭀᬦ᭄ᬰᬾᬮᬧᬭᬂ᭞ᬧᬜ᭄ᬚᬓᬾᬧᬕ᭄ᬭᬸᬤᬸᬕ᭄᭞ᬭᬦ᭄ᬢᬩᬦ᭄ᬭᬯᬸᬄᬫᬫᭂᬦ᭄ᬤᬓ᭄᭞ᬓᭂᬦ᭄ᬤᭂᬮ᭄ᬕᬶᬭᬂ᭞ᬩᬚᬂᬢ᭄ᬯᬘ᭄ᬭᬶᬓ᭄ᬓᭂᬮᬶᬄ᭞ᬓ᭄ᬭᬶᬕᬦ᭄ᬓᬬᬂ [ 40 ][᭓᭙ 39B]
᭓᭙
ᬲᬶᬦᭀᬫᬦ᭄᭟᭚᭐᭚ᬧᬸᬧᬸᬄᬲᬶᬦᭀᬫ᭄᭚᭐᭚ᬲᬂᬧ᭄ᬭᬪᬸᬭᬶᬂᬰᬾᬮᬧᬭᬂ᭞ᬢᬶᬜ᭄ᬚᭂᬦᭂᬓ᭄ᬳᬶᬤᬫᬮᬶᬗ᭄ᬕᬶᬄ᭞ᬲᬲᬸᬓᬢ᭄ᬧᭀᬮᬶᬄᬫᬶᬋᬗᬂ᭞ᬳᭀᬃᬢ᭄ᬣᬦᬾᬳᬩᬸᬓ᭄ᬭᬶᬂᬫᬃᬕ᭄ᬕᬶ᭞ᬗᬍᬫ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬓᬚ᭄ᬕᬾᬕᬦᬾᬦ᭄ᬭᬸᬲ᭄ᬢᬸᬜ᭄ᬚᬸᬂ᭞
ᬓᬤᬶᬩᬸᬮᬦ᭄ᬧᬹᬃᬡ᭄ᬦᬫ᭞ᬧᬫᬸᬮᬸnᬳᬾᬧᬸᬢᬶᬄᬕᬥᬶᬂ᭞ᬫᬼᬓ᭄ᬮᬸᬫ᭄ᬮᬸᬫ᭄᭞ᬗᬲᭀᬭᬂᬳᬬᬸᬲᬚᬕᬢ᭄᭟ᬳᬲᬶᬂᬭᬯᬸᬄᬗᭀᬦ᭄ᬗᬲᬸᬩᬂ᭞ᬓᬳᬬᭀᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬧᬦ᭄ᬢᭂᬲ᭄ᬭᬵᬤᬵᬳᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬮᬸᬮᬸᬢᬦ᭄ᬩᬸᬤᬸᬄᬧᬮᬶᬂ᭞ᬲ
ᬧᬸᬦᬶᬓᬫᬳᭀᬃᬢ᭄ᬣᬶ᭞ᬓᬵᬢᬹᬭᬶᬂᬳᬶᬤᬲᬂᬧ᭄ᬭᬪᬸ᭞ᬯᬾᬦ᭄ᬢᭂᬦ᭄ᬫᬮᬶᬄᬗᬲᬸᬩᬂ᭞ᬓᬵᬃᬬ᭄ᬬᬦᬾᬤᬯᭂᬕ᭄ᬫᬩᬸᬜ᭄ᬘᬶᬂ᭞ᬲᬫᬶᬭᬯᬸᬄ᭞ᬲᬂᬓᬵᬢᬹᬭᬦ᭄ᬫᬫᬶᬥᬭ᭟ᬓᭂᬢᭀᬕᬦ᭄ᬲᬚᬕᬢ᭄ᬲᬲᬓ᭄᭞ᬩᬮᬾᬃᬕᬸᬦᬸᬂᬤ᭄ᬮᭀᬤ᭄ᬩᬸᬓᬶᬢ᭄᭞ᬚ
ᬦ᭄ᬢᭀᬲ᭄ᬓᭀᬲᭂᬓᬦ᭄ᬭᬶᬂᬩᬬᬦ᭄᭞ᬧᬦᬫ᭄ᬬᬸᬦᬾᬮᬶᬦ᭄ᬢᬂᬩ᭄ᬘᬶᬓ᭄᭞ᬲᬫᬶᬲᬫᬶᬗᬩᬾᬳᬶᬦ᭄᭞ᬳᬚᭂᬗᬦ᭄ᬳᬸᬮᬫ᭄ᬫᬤᬸᬕ᭄ᬤᬸᬕ᭄᭞ᬧ᭄ᬭᬗ᭄ᬓᬢ᭄ᬧᬚ᭄ᬕᬦ᭄ᬗᭂᬮᭀᬄ᭞ᬢᬦ᭄ᬓᬸᬭᬗᬦ᭄ᬢᬥᬄᬪᬸᬓ᭄ᬢᬶ᭞ᬢᬹᬃᬲ᭄ᬬᬂᬤᬮᬸ᭞ᬳᬶᬮᬾᬦᬶᬮᬾᬦᬾᬫᬲᭀᬮᬄ᭟
[᭔᭐ 40A]
ᬢᭀᬦ᭄ᬢᭀᬦᬦ᭄ᬩᬩ᭄ᬘᬶᬓ᭄ᬱᬲᬓ᭄᭞ᬓᬹᬦ᭄ᬢᬧ᭄ᬲᬫᬶᬗᬋᬩᬦᬶᬦ᭄᭞ᬲᭀᬢᬦᬶᬂᬲᬸᬩᬮᬯᬶᬃᬬ᭄ᬬ᭞ᬳᬗ᭄ᬮᬸᬭᬄᬭᬶᬂᬩᬮᬾᬃᬩᬸᬓᬶᬢ᭄᭞ᬲᬓᬾᬂᬩᭀᬩᭀᬢ᭄ᬗᭂᬢᭀᬳᬶᬦ᭄᭞ᬳᭀᬓᬫᬶᬦᬓᬤᬶᬫᬦ᭄ᬢᬸ᭞ᬢᬓᭂᬳᬾᬘᬭᬗᭂᬦ᭄ᬤᭀᬕ᭄᭞
ᬓᬵᬕᬸᬗᬦ᭄ᬲᬤ᭄ᬮᭀᬤ᭄ᬩᬸᬚᬶᬢ᭄᭞ᬢ᭄ᬯᬭᬧᬵᬢᬹᬢ᭄᭞ᬰᬾ;ᬳᬧᬭᬗᬾᬳᬦ᭄ᬤᬧᬦ᭄᭟ᬧᬗᭂᬦ᭄ᬤᬦᬶᬂᬓᬓ᭄ᬮᬶᬲᬗ᭄ᬕᬭ᭞ᬫᬯᬵᬲ᭄ᬢᬸᬲᬂᬧ᭄ᬭᬪᬸᬏᬮᬶᬓ᭄᭞ᬫᬋᬂᬧᬜ᭄ᬚᬓᬾᬜᬸᬫ᭄ᬩᬸᬗᬂ᭞ᬓᬯᬶᬪᬹᬳᬦ᭄ᬭᬵᬤᬾᬦ᭄ᬳᬚᬶ᭞ᬫᭀᬳᬫᬹᬃᬢ᭄ᬢᬶ᭞ᬭ
ᬚᬄᬢᬫᬄᬫᭂᬦ᭄ᬢᬶᬓ᭄ᬢᬸᬫ᭄ᬩᬸᬄ᭞ᬫᬾᬤ᭄ᬭᬦ᭄ᬓᬳ᭄ᬬᬸᬦᬾᬗᭀᬕ᭞ᬳᭀᬦᭂᬂᬗᬭᬩᬶᬦᬶᬂᬳᬭᬩᬶ᭞ᬓᬤᬸᬓ᭄ᬘᬸᬫ᭄ᬧᬸ᭞ᬜ᭄ᬦᭂᬗᬶᬦ᭄ᬳᬶᬲ᭄ᬢ᭄ᬭᬶᬮᬭᬗᬦ᭄᭟ᬓᬾᬗᬶᬦ᭄ᬳᬶᬂᬤᬲᬮᬶᬢ᭄ᬳᬃᬱ᭞ᬭᬶᬂᬳᬗ᭄ᬮᬸᬭᬄᬩᬮᬾᬃᬩᬸᬓᬶᬢ᭄᭞ᬫᬫᬥᬫᬥᬓᬩᬯᭀᬲ᭄᭞ᬓ
ᬮᬶᬄᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬢᬦ᭄ᬲᬸᬪᬓ᭄ᬢᬶᬓᬢᬯᬶᬲ᭄᭞ᬤᭂᬦᬶᬂᬓᬤᬢ᭄ᬤᬾᬭᬾᬂᬭᬯᬸᬄ᭞ᬦᬗ᭄ᬓᬶᬮ᭄ᬗᬾᬤᬾᬗᬂᬲᭀᬫᬄ᭞ᬲᬫᬦ᭄ᬢᬸᬓ᭄ᬱᬓᬶᬂᬮᬾᬃᬩᬸᬓᬶᬢ᭄᭞ᬲᬓᬾᬂᬗᬕᬸ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬱᬂᬦᬵᬣ᭟ᬲᬗ᭄ᬲᬬᬳᬤᬫᬜ᭄ᬘ [ 41 ][᭔᭐ 40B]
᭔᭐
ᬗᬂ᭞ᬗ᭄ᬮᬄᬲᭀᬫᬄᬚ᭄ᬕᬾᬕ᭄ᬕᬮᬶᬂ᭞ᬧᬾᬢ᭄ᬳᬤᬳᬦᬾᬗ᭄ᬤᭀᬢᬂ᭞ᬲᬭᬇᬥᭂᬧᬾᬦᬜ᭄ᬚᬾᬦᬶᬦ᭄᭞ᬬᬾᬦ᭄ᬲᬚᬲᬓᬾᬂᬪᬓ᭄ᬢᬶ᭞ᬫᬫᬸᬋᬓᬦ᭄ᬳᬗ᭄ᬕᭀᬦ᭄ᬮᬸᬳᬸᬂ᭞ᬩᬦ᭄ᬢᬲ᭄ᬳᬘ᭄ᬧᭀᬓ᭄ᬧᬶᬦ᭄ᬤᭀ᭞ᬳᬢᬹᬭᬂᬦᬗ᭄ᬓᬶᬮ᭄ᬓᬧᬸᬭᬶ᭞ᬢᬍᬤ᭄ᬳᬢᬹᬃ᭞
ᬲᭀᬢᬦᬶᬂᬤᬾᬯᬾᬓ᭄ᬫᬫᬜ᭄ᬚᬓ᭄᭟ᬚ᭄ᬜᭂᬂᬢᭀᬂᬦᬯᬂᬧᬗ᭄ᬭᬱ᭞ᬲᬗ᭄ᬓᬦ᭄ᬳᬕᭂᬢ᭄ᬩᬸᬓᬚᬦᬶ᭞ᬗ᭄ᬓᬄᬲᭀᬫᬄᬚ᭄ᬕᬾᬕ᭄ᬗᬩ᭄ᬮᭀᬃ᭞ᬬᬦ᭄ᬢ᭄ᬯᬭᬳᬤᬫᭀᬗ᭄ᬓᭀᬮᬶᬦ᭄᭞ᬩᬵᬦ᭄ᬢᭂᬳᬾᬫᬦ᭄ᬤᬶᬧᬸᬭᬶ᭞ᬲᬗ᭄ᬓᬦ᭄ᬳᬤᬳᬦᬾᬗᬸᬕᬸ᭞ᬤᬸᬓᬳᬶᬤᬲᬗ᭄ᬓ
ᬢᭀᬂ᭞ᬲᬓᬭᬶᬂᬳᬦᬓᬾᬚᬳᬶᬮ᭄᭞ᬫᬤᬤᬸᬭᬸᬲ᭄᭞ᬓᬩᬢᭂᬓ᭄ᬗᭂᬕᬧᬶᬲᬸᬦ᭟ᬓᬤᬶᬧᬜ᭄ᬚᬂᬬᬦ᭄ᬢᬸᬢᬸᬭᬂ᭞ᬧᬗᬸᬧᭂᬢ᭄ᬳᬶᬤᬰ᭄ᬭᬷᬅᬚᬶ᭞ᬓᭂᬜ᭄ᬚᭂᬓᬦ᭄ᬫᬮᬶᬗ᭄ᬕᬶᬄᬗᬾᬧᭀᬦ᭄᭞ᬭᬯᬸᬄᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬭᬶᬂᬦᬢᬭᬾᬫ
ᬮᬶᬗ᭄ᬕᬶᬄ᭞ᬫᬫ᭄ᬤᭂᬓ᭄ᬳᬶᬤᬲᬂᬧ᭄ᬭᬪᬸ᭞ᬲᬤᬓᬢᬄᬫᬳᬶᬭᬶᬗᬦ᭄᭞ᬩᬩᬦ᭄ᬢᬾᬭᬦ᭄ᬫᬸᬤᭂᬂᬧᬸᬢᬶᬄ᭞ᬲᬫᬶᬗᬸᬦ᭄ᬢᬸᬮ᭄᭞ᬫᬤᬫ᭄ᬧ᭄ᬬᬓ᭄‌ᬦ᭄ᬕᭂᬦ᭄ᬭᬭᬧᬦ᭄᭟ᬓᬾᬫ᭄ᬗᬦ᭄ᬕᬶᬤᬲᬂᬦᬵᬣ᭞ᬗᬓ᭄ᬱᬶᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬦᬸᬦᬲ᭄ᬮᬸᬕ᭄ᬭᬫᬢᬗ
[᭔᭑ 41A]
ᬦᬦ᭄᭞ᬲᬳᬲᭂᬫ᭄ᬩᬄᬫᬵᬢᬹᬃᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬓᬤᬢᬾᬦᬗ᭄ᬓᬶᬮ᭄᭞ᬫᬫᬾᬗᭀᬲ᭄ᬲᬂᬦᬵᬣᬩᭂᬦ᭄ᬤᬸ᭞ᬗᭂᬃᬗᭂᬃᬢᬦ᭄ᬫᭂᬤᬮ᭄ᬩᬯᭀᬲ᭄᭞ᬫᬮᬢᬸᬮᬢᬸᬢᬂᬳᬓ᭄ᬱᬶ᭞ᬗᭂᬦ᭄ᬤᬶᬄᬫᬸᬭᬸᬩ᭄᭞ᬯᬥᬦᬓᬤᬶᬕᬮᬸᬕ᭟ᬳᭂᬗ᭄ᬲᭂᬓ᭄ᬭ
ᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬮᬾᬫ᭄ᬧᭀᬃᬭᬱᬢᬦ᭄ᬧᬕᬮᬶᬄ᭞ᬳᬶᬭᬶᬗᬦᬾᬚᭂᬚᭂᬄᬗ᭄ᬢᭀᬃ᭞ᬫᬶᬢᬳᭂᬦ᭄ᬭᬶᬂᬤᬾᬯᬾᬓ᭄ᬱᬶᬲᬶᬧ᭄᭞ᬢᬦ᭄ᬧᬸᬭᬸᬦ᭄ᬳᬶᬧᬸᬦ᭄ᬫᬸᬓ᭄ᬫᬶᬓ᭄᭞ᬗᬸᬭᬶᬓ᭄ᬢᬦᬄᬲᬫᬶᬗᬸᬦ᭄ᬢᬸᬮ᭄᭞ᬢᬦ᭄ᬧᬸᬭᬸᬦ᭄ᬳᬶᬧᬸᬦ᭄‌ᬦ᭄ᬗᭂ᭞ᬫᬓᭀᬘᭀᬕ
ᬦ᭄ᬧ᭄ᬮᬸᬄᬧᬶᬤᬶᬢ᭄᭞ᬓᬤᬶᬫᬦᬸᬓ᭄᭞ᬓᭂᬲ᭄ᬓᭂᬲ᭄ᬗᭂᬢᭀᬦ᭄ᬲᬶᬓᭂᬧ᭄ᬗᬶᬦ᭄ᬤᬂ᭟ᬲᬂᬧ᭄ᬭᬪᬸᬲᬺᬗᭂᬦ᭄ᬗᬦ᭄ᬤᬶᬓ᭞ᬤᭀᬂᬜᬾᬦ᭄ᬦᬸᬦ᭄ᬤᬾᬜ᭄ᬘᬳᬶᬫᬳᬶ᭞ᬓᬧᬸᬭᬶᬗᬩᬧᬸᬭᬶᬤᬦ᭄᭞ᬫᬵᬧᬶᬫᬵᬧᬶᬘᬳᬶᬪᬓ᭄ᬢᬶ᭞ᬲᬤᬫᬳᬸᬤᭂᬂᬧᬸᬢᬶᬄ᭞ᬫᬢᬓᭂᬄ
ᬳᬧᬂᬓᬕᬸᬕᬸ᭞ᬇᬥᭂᬧ᭄ᬘᬳᬶᬦᬾᬫᭀᬫᭀ᭞ᬤᭀᬂᬜᬾᬦ᭄ᬜᬓ᭄ᬮᬃᬗᬸᬕᭀᬦᬶᬦ᭄᭞ᬧᬸᬢᬶᬄᬢᬮᬸᬄ᭞ᬫᬲᬭᬶᬓᬸᬦᬶᬂᬤᬶᬢ᭄ᬗᬄ᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬕᬄ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬄᬭᬢᬸᬩᭀᬬᬧᬭᬶ [ 42 ][᭔᭑ 41]
᭔᭑
ᬤᬦ᭄᭞ᬳᬢᬹᬭᬦ᭄ᬢᬶᬢ᭄ᬬᬂᬧᬸᬦᬶᬓᬶ᭞ᬲᬓᬾᬂᬦᬶᬃᬫ᭄ᬫᬮᬰᬹᬘᬶ᭞ᬭᬭᬧᬦ᭄ᬲᬓᬾᬂᬮᬾᬃᬕᬸᬦᬸᬂ᭞ᬢᬦ᭄ᬓᬭᬭᬩᬦ᭄ᬭᭀᬫᭀᬦ᭄᭞ᬳᬯᬶᬦᬦ᭄ᬫᬤᬲ᭄ᬢᬃᬧᬸᬢᬶᬄ᭞ᬲᬓᬾᬂᬲᬥᬸ᭞ᬫᬦᬄᬢᬶᬢ᭄ᬬᬂᬓᬸᬫᬯᬸᬮ᭟ᬤᭀᬄᬧᬭᬧᬸᬭᬸᬦ᭄ᬧᬺᬱ
ᬗ᭄ᬕ᭞ᬲᬂᬧ᭄ᬭᬪᬸᬗᬦ᭄ᬤᬶᬓᬫᬮᬶᬄ᭞ᬤᭀᬂᬤᬸᬯᭂᬕ᭄ᬘᬳᬶᬫᬗ᭄ᬭᬯᭀᬲ᭄᭞ᬲᬲᬸᬓᬢ᭄ᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬤᬤᬶᬚ᭄ᬦᭂᬂᬤᬶᬦᬶ᭞ᬗᬸᬦ᭄ᬤᬸᬓᬂᬩᬶᬓᬲᬾᬤᬸᬤᬸ᭞ᬤᬸᬍᬕ᭄ᬦᬶᬭᬦᬶᬗᭂᬳᬂ᭞ᬲᬯᬶᬭᬾᬄᬲᬸᬩᬫᬪᬹᬓ᭄ᬢᬶ᭞ᬘᬳᬶᬗᬸᬕᬸ᭞ᬦᬗ᭄ᬓᬶᬮ᭄ᬢ᭄ᬯᬭ
ᬗᬚᬓ᭄ᬱᭀᬫᬄ᭟ᬲᬓᬾᬂᬢ᭄ᬯᬭᬦᬯᬂᬳᬤᬢ᭄᭞ᬓ᭄ᬭᬫᬦ᭄ᬳᬦᬓᬾᬲᬸᬪᬓ᭄ᬢᬶ᭞ᬫᬫᬋᬓᬦ᭄ᬗᭂᬩᬸᬓ᭄ᬘᭀᬓᭀᬓᬵᬃ᭞ᬦᬸᬦᬲ᭄ᬮᬸᬗ᭄ᬲᬸᬭᬦ᭄ᬲᬲᬳᬶ᭞ᬢᭀᬂᬓᬓ᭄ᬦᭂᬄᬩᬵᬜ᭄ᬘᬳᬶ᭞ᬳᬯᬦᬜ᭄ᬘᬳᬶᬓᬕᬸᬕᬸᬫ᭄ᬗᬮᬶᬄᬲᭀᬫᬄᬤᬶᬩ
ᬬᬦ᭄᭞ᬲᬓᬾᬂᬦᬶᬭᬓᬾᬤᬍᬫᬶᬦ᭄᭞ᬫᭂᬧᭂᬲ᭄ᬫᬵᬢᬹᬃ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬶᬫ᭄ᬩᬮ᭄᭟ᬥᬹᬄᬳᬫ᭄ᬧᬸᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᭀᬫᬄᬢᬶᬢ᭄ᬬᬂᬓᬦ᭄ᬢᬸᬦ᭄ᬲᬓᬶᬢ᭄᭞ᬲᬯᬶᬭᬾᬄᬧᭀᬮᬶᬄᬲᭂᬗ᭄ᬓᬯᭀᬦ᭄᭞ᬤᬸᬓ᭄ᬫᬦ᭄ᬢᬸᬓ᭄ᬓᬩᬜ᭄ᬚᬃᬲᬭᬶ
[᭔᭒ 42]
᭞ᬢ᭄ᬯᬭᬳᬍᬫ᭄ᬫᬃᬕ᭄ᬕᬶ᭞ᬩᬸᬦ᭄ᬢᬸᬢ᭄ᬳᬶᬧᬸᬦᬾᬓᬢᬜ᭄ᬚᬸᬂ᭞ᬓᬾᬯᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬳᬸᬯᬲ᭄᭞ᬢᬢᬸᬦ᭄ᬳᬶᬧᬸᬜ᭄ᬚᬦ᭄ᬢᭂᬦ᭄ᬦᬗ᭄ᬓᬶᬮ᭄᭞ᬲᬤᬋᬗᬸ᭞ᬲᬂᬧ᭄ᬭᬪᬸᬲᬺᬗᭂᬦ᭄ᬗᬦ᭄ᬤᬶᬓ᭟ᬗᬾᬦ᭄ᬤᬄᬲᬗ᭄ᬓᬾᬜ᭄ᬘᬳᬶᬫᬢᬄ᭞ᬫᬸᬮᬫᬓ᭄ᬦᭂᬄᬦᬗᬭᬶᬦ᭄
᭞ᬭᬸᬫᬲᬢ᭄ᬘᬳᬶᬗᬮᭀᬓᬂ᭞ᬦᬶᬭᬫᬩᬸᬤᬶᬦ᭄ᬫᭂᬦᬶᬦ᭄᭞ᬗᭂᬚᭂᬃᬢᬗᬦᬾᬦᬸᬤᬶᬂ᭞ᬘᬳᬶᬲᬓᬾᬂᬢᬦ᭄ᬧᬲ᭄ᬫᬸ᭞ᬫᬕ᭄ᬤᬶᬳᬾᬗ᭄ᬕᬮᬾᬗ᭄ᬕᬮ᭄᭞ᬢ᭄ᬯᬭᬤᬤᬶᬦᬶᬜ᭄ᬘᬧ᭄ᬧᬸᬭᬶ᭞ᬩᬲᭀᬂᬚᬭᬸᬄ᭞ᬳᬍᬫᬂᬓᬤᭀᬂᬲᬬ
ᬗᬂ᭟ᬳᬕᬾᬗ᭄ᬭᬜ᭄ᬚᬶᬂᬓᬕᭀᬗᬦ᭄᭞ᬲᬂᬦᬵᬣᬢᬦ᭄ᬫᭂᬤᬮ᭄ᬫᬮᬶᬄ᭞ᬯᬸᬲ᭄ᬗᬜ᭄ᬘᬶᬂᬮᬯᬂᬫᬕᬼᬤᭀᬕ᭄᭞ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃ᭞ᬓᬾᬫ᭄ᬗᬦ᭄ᬗᭂᬧᭂᬲ᭄ᬦᬗᬶᬲ᭄᭞ᬫᬶᬢᬳᭂᬦ᭄ᬭᬶᬂᬧᬘᬂᬮᬘᬸᬃ᭞ᬩᬶᬮᬶᬄᬓᬭᭀᬚᬪᬬ᭞
ᬫᬕᬾᬩ᭄ᬭᬲ᭄ᬭᬭᬶᬲ᭄ᬫᬢᬗᬶ᭞ᬓᬦ᭄ᬢᬸᬦ᭄ᬗᬸᬦ᭄ᬢᬸᬮ᭄᭞ᬜᬭᬸᬬᬸᬂᬫ᭄ᬤᬮ᭄ᬓᬚᬩ᭟ᬳᬶᬭᬶᬗᬦᬾᬩ᭄ᬘᬢ᭄ᬲᬾᬧᬦ᭄᭞ᬫᬓᬶᬍᬲ᭄ᬓᬚᬩᬗᬶᬭᬶᬂ᭞ᬲᬵᬫ᭄ᬧᬸᬦ᭄ᬤᭀᬄᬲᬓᬾᬂᬩᬜ᭄ᬘᬶᬗᬄ᭞ᬯᬳᬸᬳᬶᬧᬸᬦ᭄ᬧᬸᬭᬸᬦ᭄ᬗ᭄ᬭᬶᬫᬶᬓ᭄᭞ᬫᬚᬭᬂᬢ [ 43 ][᭔᭒ 42B]
᭔᭒
ᬦᬶᬳᬲᬶᬦ᭄᭞ᬲᬂᬧ᭄ᬭᬪᬸᬲᬓᬾᬂᬓᬧᬶᬮᬸᬕ᭄᭞ᬗ᭄ᬤᭀᬢᬂᬲᭀᬫᬄᬳᬦᬓ᭄᭞ᬢᬦ᭄ᬫᬤ᭄ᬭᬸᬯᬾᬕᭀᬮᬲ᭄ᬳᬲᬶᬄ᭞ᬦᬕᬶᬄᬗᬤᬸᬓ᭄᭞ᬳᬦᬓ᭄ᬫᬭᬧᬗᬦ᭄ᬢᬾᬦᬦ᭄᭟ᬩᬵᬦ᭄ᬤᭂᬫᭂᬦᬾᬢ᭄ᬓᬧᭀᬗᬄ᭞ᬕ᭄ᬮᬶᬲ᭄ᬢᬶᬫ᭄ᬧᬮ᭄ᬳᬶᬧᬸᬦ᭄ᬜ
ᬧᬢᬶᬦ᭄᭞ᬧᬕᬶᬕᬶᬲᬶᬦ᭄ᬤᭀᬗᬭᬯᭀᬲ᭄᭞ᬫᬸᬜᬶᬦᬾᬫᬓ᭄ᬭᬡᬧ᭄ᬮᬶᬄ᭞ᬫᬧ᭄ᬯᬭᬩ᭄ᬜᬲᬶᬲᬶᬧ᭄᭞ᬤᬾᬯᬲᬓᬵᬮᬲᬂᬧ᭄ᬭᬪᬸ᭞ᬭᬾᬄᬓ᭄ᬭᬫᬦᬶᬂᬫᬫᬜ᭄ᬚᬓ᭄᭞ᬢᬦ᭄ᬯᭂᬦᬂᬳᬤ᭄ᬭᬸᬯᬾᬩᬸᬤ᭄ᬥᬶ᭞ᬭᬾᬄᬲᬂᬧ᭄ᬭᬪᬸ᭞ᬯ᭄ᬦᬂᬗᬫᬢ᭄ᬬᬂ
ᬗᬶᬥᬸᬧᬂ᭟ᬯᬾᬦ᭄ᬢᭂᬦ᭄ᬦᬾᬧᬸᬭᬸᬦ᭄ᬫᬩᭀᬬ᭞ᬢ᭄ᬕᬭᬂᬫᬲᬶᬄᬧᬶᬦᭂᬳᬶᬦ᭄᭞ᬧᬾᬢ᭄ᬲᭀᬫᬄᬘᬳᬶᬦᬾᬓᬗ᭄ᬕᭀ᭞ᬤᬤᬶᬭᬩᬶᬳᬓ᭄ᬚᭂᬧ᭄ᬜᬶᬂ᭞ᬫᬲᬳᬢᬹᬭᬂᬘᬳᬶ᭞ᬲᬶᬦᬄᬫᬲᬶᬳᬦ᭄ᬫᬕ᭄ᬚᬸᬄ᭞ᬮᬕᬸᬢᬾᬫᬫᬧᬓᬦ᭄᭞ᬯᬾᬦ᭄ᬢᭂ
ᬦ᭄ᬦᬾᬩᬗ᭄ᬕᬶᬜᬳᬸᬭᬶᬦ᭄᭞ᬧᬧᬓ᭄ᬭᬸᬗᬸ᭞ᬗᭂᬜ᭄ᬘᬦᬂᬦᬾᬢ᭄ᬯᬭᬲᬚ᭟ᬦᬾᬳᬤᬓᭀᬦᬾᬲᬲᭀᬗ᭄ᬕᬦ᭄᭞ᬦᬾᬜᬦ᭄ᬤᬂᬋᬱᭂᬧᬂᬲᬳᬶ᭞ᬢᭀᬗᬤᬳᬫ᭄ᬩᭂᬗᬦ᭄ᬩᭂᬤᬄ᭞ᬢᭀᬫ᭄ᬧᭂᬮᭀᬓ᭄ᬭᬲᬾᬲ᭄ᬤᭂᬂᬓ᭄ᬗᬩᬶᬂ᭞ᬩᬦ᭄ᬢᬲ᭄
[᭔᭓ 43A]
ᬧ᭄ᬬᬓ᭄ᬳᬕᬶᬕᬶᬲ᭄᭞ᬢ᭄ᬯᬄᬳᬓ᭄ᬚᭂᬧ᭄ᬩ᭄ᬯᬸᬦ᭄ᬬᬘᬓᬸᬧ᭄᭞ᬢ᭄ᬯᬭᬜᬦ᭄ᬤᬂᬜ᭄ᬩᭂᬢᬂ᭞ᬧᬶᬭᬶᬗᬾᬲᬶᬮᬜ᭄ᬘᬶᬘᬶᬂ᭞ᬤᬤᬶᬲᬸᬲᬸᬢ᭄᭞ᬳᬸᬫ᭄ᬩᬳᬶᬦ᭄ᬳᬧᬂᬜᬓ᭄ᬓᭂᬤᬲ᭄᭟ᬓᬾᬢᭀᬓ᭄ᬭᬫᬦᬾᬫᬫᬜ᭄ᬚᬓ᭄᭞ᬳᬧᬂᬲᬬᬂᬍᬓᬶᬦ᭄ᬕᬸᬫᬶ᭞ᬧᬵᬢᬹ
ᬢᬾᬳᬲ᭄ᬧᭀᬓ᭄ᬧᬶᬦ᭄ᬤᭀ᭞ᬗᬢᬹᬭᬂᬲᭀᬫᬄᬓᬧᬸᬭᬶ᭞ᬫᬦ᭄ᬤᬭᬾᬂᬩᬸᬓᬘᬳᬶ᭞ᬳᬦᬓ᭄ᬫᬾᬦᬓ᭄ᬱᬸᬩᬮ᭄ᬬᬸ᭞ᬗᬤᭂᬧ᭄ᬓᬸᬋᬦᬦ᭄ᬓᬚ᭄ᬭᭀ᭞ᬳᬧᬂᬢᬸᬮᬸᬲ᭄ᬫᬳᬦ᭄ᬧᬶᬧᬶᬲ᭄᭞ᬲᬓᬾᬂᬳᬮᬸᬄ᭞ᬗᬮᬶᬄᬳᬫᬄᬲᬢ᭄ᬫᬤᬕᬂ᭟ᬢ᭄ᬯ
ᬭᬗᬶᬮᬗᬂᬓᬫᬸᬮᬦ᭄᭞ᬉᬮᬶᬜᭀᬗ᭄ᬓᭀᬓ᭄ᬫᬳᬦ᭄ᬩᬢᬶ᭞ᬗᬸᬤᬢ᭄ᬯᬭᬮᬓᬃᬚᬾᬕᭀ᭞ᬬᬦ᭄ᬲᬸᬩᬚ᭄ᬫᭂᬢ᭄ᬫ᭄ᬭᬢᬾᬦᬶᬦ᭄᭞ᬓᬸᬋᬦᬦᬾᬲᬲᬳᬶ᭞ᬓᬫᬸᬮᬦᬶᬦ᭄ᬩᬳᬦ᭄ᬧᬸᬧᬸᬃ᭞ᬢᬸᬦ᭄ᬤᬾᬦ᭄ᬫᬵᬗ᭄ᬕᬸᬭᬗ᭄ᬕᬸᬭᬦ᭄᭞ᬓᬧᬶᬲᬕᬧ᭄ᬲᬸ
ᬫᬸᬮᬶᬄ᭞ᬳᬕᭂᬢ᭄ᬧᬬᬸ᭞ᬲ᭄ᬓᭂᬦ᭄ᬗᬩᬤᬤᬳᬭᬦ᭄᭟ᬳᬚᬓ᭄ᬮ᭄ᬬᬸᬫᬍᬕᬾᬦ᭄ᬤᬄ᭞ᬫᭂᬗ᭄ᬓᭀᬓ᭄ᬩᬗ᭄ᬕᬦ᭄ᬢᬦᬶᬳᬲᬶᬦ᭄᭞ᬗ᭄ᬮᬄᬲᭀᬫᬄᬚ᭄ᬕᬾᬕ᭄ᬗᬩ᭄ᬮᭀᬃ᭞ᬓᭂᬦ᭄ᬤᭂᬮ᭄ᬭᬾᬄᬮ᭄ᬬᬸᬦ᭄ᬫᭂᬦᬶᬦ᭄᭞ᬘᬶᬳ᭄ᬦᬫᬵᬥᭂᬧᬦ᭄ᬕᬳᬶ᭞ᬤᬾᬦᬶᬂᬤ [ 44 ][᭔᭓ 43B]
᭔᭓
ᬕᬗᬦᬾᬮᬸᬳᬸᬂ᭞ᬤᬤᬶᬩᬓᬢ᭄ᬲᭂᬩᭂᬢᬂ᭞ᬩᬵᬦ᭄ᬢ᭄ᬯᬭᬳᬤᬦᬓᭀᬦᬶᬦ᭄᭞ᬚ᭄ᬜᭂᬂᬫᬗ᭄ᬓᬸᬕ᭄‌᭞ᬲᬗᬮ᭄ᬢᭀᬗᬤᬗ᭄ᬭᬶᬤᭂᬕᬂ᭟ᬤᭀᬬᬦ᭄ᬦᬾᬕᭂᬦ᭄ᬢᭂᬦ᭄ᬢᬦ᭄ᬧᭀᬭᬢ᭄᭞ᬳᬦᬾᬩᬮᬸᬜᬧ᭄ᬬᬦ᭄ᬫᬵᬚᬶ᭞ᬭᬾᬄᬤᬸᬯᭂᬕ᭄ᬜᬮᬸᬓᬶᬦ᭄ᬩᬭᭀᬂ
᭞ᬤ᭄ᬫᭂᬦ᭄ᬫᬧᬂᬤᬗ᭄ᬓ᭄ᬭᬓ᭄ᬤᬶᬗ᭄ᬓ᭄ᬭᬶᬓ᭄᭞ᬳᬯᬦᬦ᭄ᬲᬭᬢ᭄ᬗᬮᬶᬄ᭞ᬦᬾᬩᬶᬱᬗᬶᬕᭂᬮ᭄ᬫᬜᬳᬸᬓ᭄᭞ᬳᬧᬂᬜᬓ᭄ᬳᬤᬸᬂᬦᬬᭀᬕ᭄᭞ᬳᬶᬘ᭄ᬙᬾᬤᬾᬦ᭄ᬩᬜ᭄ᬚᬃᬲᬭᬶ᭞ᬩᬵᬦᬾᬩᬉᬤ᭄᭞ᬭᬾᬜ᭄ᬘᬗᬾᬳᬶᬢᭂᬄᬫᬓᬦ᭄ᬤ᭟ᬳᬭᬄᬤᬢᬭᬯᭀ
ᬲᬂ᭞ᬗᬸᬧᭂᬢ᭄ᬢᬶᬫ᭄ᬧᬮ᭄ᬢ᭄ᬯᬭᬤᬤᬶ᭞ᬚᬮᬦ᭄ᬧᬥᬧᬢᬶᬍᬲᬂ᭞ᬜᬓᬓᬾᬦ᭄ᬓᬾᬦ᭄ᬜᬓᬢᬸᬲᬶᬂ᭞ᬧᬥᬗ᭄ᬮᬄᬧᬗᬧ᭄ᬢᬶ᭞ᬧᬓ᭄ᬦᭂᬳᬦ᭄ᬳᬚᬓ᭄ᬮ᭄ᬬᬸ᭞ᬭᬾᬜ᭄ᬘᬗᬾᬯᬸᬲᬦ᭄ᬗᭀᬫᭀᬂ᭞ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬧᬤ
ᬲᬦ᭄ᬩᬜ᭄ᬚᬃᬲ᭄ᬓᬃ᭟᭚᭐᭚ᬧᬸᬧᬸᬄᬲ᭄ᬫᬭᬦ᭄ᬥᬦ᭚᭐᭚ᬲᬲᬵᬫ᭄ᬧᬸᬦ᭄ᬭᬶᬂᬩᬜ᭄ᬚᬃᬲᬭᬶ᭞ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬕᬾᬲᭀᬗ᭄ᬭᬜ᭄ᬚᬶᬂᬓᬧᬢᬸᬭᭀᬦ᭄᭞ᬢᬦ᭄ᬫᬮᬶᬄᬗ᭄ᬮᬶᬲ᭄‌ᬪᬸᬱᬦ᭞ᬗ᭄ᬧᭂᬲ᭄ᬦᬗᬶᬲ᭄ᬲᬶᬕ᭄ᬲᬶᬕᬦ᭄᭞ᬤᬾᬦ᭄ᬤ
[᭔᭔ 44A]
ᬫᬲ᭄ᬓᬸᬦᬶᬂᬢᬗ᭄ᬓᭂᬚᬸᬢ᭄᭞ᬗ᭄ᬭᬜ᭄ᬚᬶᬂᬓᬕ᭄ᬤᭀᬂᬗᬢᬩ᭄ᬢᬩ᭄᭟ᬗ᭄ᬮᬸᬢ᭄ᬘᭀᬓᭀᬃᬲᬋᬂᬦᬗᬶᬲ᭄᭞ᬳᬥᬹᬄᬩ᭄ᬮᬶᬦᬧᬶᬓ᭄ᬭᬡ᭞ᬩ᭄ᬮᬶᬦᬗᬶᬲ᭄ᬳᭂᬗ᭄ᬕᭀᬃᬳᭂᬗ᭄ᬕᭀᬃ᭞ᬫᬭᬹᬧᬓᬤᬶᬲᬸᬗᬧ᭞ᬥᬹᬄᬧᬸᬦᬧᬶᬓᭀᬩᭂᬢᬂ᭞ᬚᬦ᭄ᬢᭀᬲ᭄ᬮᬮᬶᬗ᭄ᬮᬸᬲ᭄ᬓᬫ᭄ᬧᬸᬄ
᭞ᬤᬸᬭᬸᬲ᭄ᬩᭂᬮᬶᬯᬘᬦᬬᬂ᭟ᬬᬦ᭄ᬢᬶᬢ᭄ᬬᬂᬕᬸᬫᬦ᭄ᬢᬶᬲᬶᬲᬶᬧ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢᬾᬫᬫᬜ᭄ᬚᬓ᭄᭞ᬫᬶᬲᬥ᭄ᬬᬯᬦ᭄ᬢᬃᬓᬧᭀᬗᭀᬃ᭞ᬫᬶᬗ᭄ᬤᭀᬄᬢᬶᬢ᭄ᬬᬂᬧᬘᬂᬢᬸᬮᬓ᭄᭞ᬲᭀᬢᬦᬶᬂᬫᬗᬯᬸᬮ᭞ᬲᬵᬫ᭄ᬧᬸᬦ᭄ᬩᭂᬮᬶᬩᬗᭂᬢ᭄ᬩᭂᬦ᭄ᬤᬸ᭞
ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬧᬗᬫ᭄ᬧᬸᬭ᭟ᬢᬶᬢ᭄ᬬᬂᬢᬦ᭄ᬢᬸᬦᬲᬸᬪᬓ᭄ᬢᬶ᭞ᬗᬫᬗ᭄ᬕᭂᬳᬂᬧᬲᭀᬩᬬ᭞ᬳᬕᭂᬢ᭄ᬮᬘᬸᬃᬩ᭄ᬘ᭄ᬘᬶᬓ᭄ᬓᬯᭀᬦ᭄᭞ᬜᬥ᭄ᬬᬯᬦ᭄ᬢᬄᬫᬲᬋᬗᬦ᭄᭞ᬦᬢᬓ᭄ᬱᬪᬬᬵᬦ᭄ᬢᬓ᭞ᬫᬶᬗᭀᬄᬢᬶᬢ᭄ᬬᬂᬫᬸᬭᬸᬤ᭄᭞ᬧᬾᬢ᭄ᬢᬶ
ᬩᬭᬶᬂᬥᬲᬃᬓᬯᬄ᭟ᬢᬦ᭄ᬫᬭᬶᬤᬾᬦ᭄ᬫᬫᬲ᭄ᬓᬸᬦᬶᬂ᭞ᬗᬲᬶᬳᬲᬶᬄᬗ᭄ᬮᬤᭀᬭᬡ᭞ᬢᬹᬃᬗ᭄ᬮᬸᬢ᭄ᬘᭀᬓᭀᬃᬭᬓᬦᬾ᭞ᬓᬵᬗᭂᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬦᬸᬮᬶᬳᬮᬶᬦ᭄ᬗᬦ᭄ᬤᬶᬓ᭞ᬲᬵᬫ᭄ᬧᬸᬦ᭄ᬳᬤᬶᬳᬶᬯᬂᬲᭂᬗ᭄ᬕᬸᬄ᭞ᬗᬧᬘᬂᬤᬾᬦ᭄ᬩᭂᬮᬶᬢᬸᬦᬢᬺ [ 45 ][᭔᭔ 44B]
᭔᭔
ᬢᬺᬱ᭄ᬡ᭟ᬚ᭄ᬜᭂᬂᬲᬓᬾᬂᬧᭂᬤᬸᬫ᭄ᬯᬶᬥᬷ᭞ᬮᬓᬃᬦ᭄ᬧᬸᬓᬶᬦ᭄ᬲᭂᬗ᭄ᬓᬮ᭞ᬢᭀᬂᬤᬤᬶᬮᬾᬫ᭄ᬧᬲᬂᬓᬧᭀ᭞ᬭᬭᬶᬲ᭄ᬲᬫᬶᬓᬧᬶᬤᬃᬣ᭞ᬓᬵᬯᬶᬦᬂᬳᬶᬤᬲᬂᬦᬵᬣ᭞ᬲᬮᬶᬢ᭄ᬳᬃᬱᬩᬗᭂᬢ᭄ᬩᭂᬦ᭄ᬤᬸ᭞ᬤᬾᬦ᭄ᬤᬫᬲ᭄ᬓᬸᬦᬶᬂᬫᬸᬮᬶᬭᬓ᭄᭟
ᬦ᭄ᬩᬄᬥᬥᬯᬸᬲᬦ᭄ᬦᬗᬶᬲ᭄᭞ᬓᬩᬢᭂᬓ᭄ᬓᬳ᭄ᬬᬸᬦᬾᬏᬭᬂ᭞ᬫᬋᬂᬧᬓᬵᬃᬱᬦ᭄ᬲᬂᬦᬵᬣ᭞ᬲᭀᬮᬾᬄᬲᭀᬮᬾᬄᬓᬭᬸᬫᬲ᭞ᬚᬦ᭄ᬢᭂᬦ᭄ᬫᬸᬭᬸᬕ᭄‌ᬰᬰᬡ᭞ᬓᬯᬢ᭄ᬤᬾᬦᬶᬂᬲ᭄ᬫᬵᬭᬤᬸᬤᬸ᭞ᬥᬹᬄᬩ᭄ᬮᬶᬗᬶᬭᬶᬯᬶᬭᬗᬂ᭟ᬩᭀ
ᬬᬜᬦ᭄ᬤᬂᬳᬾᬤᬍᬫᬶᬦ᭄᭞ᬚᬦ᭄ᬢᭀᬲ᭄ᬩᭂᬮᬶᬜᬸᬫ᭄ᬩᬄᬜᬸᬫ᭄ᬩᬄ᭞ᬫ᭄ᬪᬓ᭄ᬢᬶᬦᬶᬦ᭄ᬲᬗ᭄ᬕᬳᬾᬭᬾᬗ᭄ᬕᭀᬂ᭞ᬤᬸᬭᬸᬲᬂᬲᬵᬫ᭄ᬧᬸᬦ᭄ᬢᬸᬮᬸᬤᬂ᭞ᬲᭀᬢᬦᬶᬰᬹᬭᬥᬶᬭ᭞ᬓᬯᬶᬢᬦ᭄ᬩᭂᬮᬶᬦᬾᬤᬸᬫᬸᬦ᭄᭞ᬓᭀᬘᬧ᭄ᬳᬃᬬ᭄ᬬᬕᬚᬄᬧᬭ
᭟ᬗᬸᬤᬓᬾᬩᬶᬦ᭄ᬩᭂᬮᬶᬮᬮᬶ᭟ᬰᬰᬡᬦᬶᬂᬓᬯᬶᬩ᭄ᬪᬸᬚᬦ᭄᭞ᬤ᭄ᬬᬲ᭄ᬢᬸᬦ᭄ᬢᬸᬫ᭄ᬧᬸᬭᬶᬂᬧᬮᬸᬕᭀᬦ᭄᭞ᬢᬦ᭄ᬲᬦ᭄ᬤᬂᬩ᭄ᬮᬶᬗᬾᬧᬸᬢᬂ᭞ᬗ᭄ᬭᬧᬸᬄᬓᬍᬗ᭄ᬓᬜ᭄ᬚᬕᬢ᭄᭞ᬫᬓᬶᬃᬢ᭄ᬢᬶᬬᬰᬭᬳᬬᬸ᭞ᬢᬶᬢ᭄ᬬᬂᬢᬦ᭄ᬫᬸᬭᬸᬤ᭄ᬳᬢᬫ᭄ᬧᬓ᭄᭟ᬫᬫᬾ
[᭔᭕ 45A]
ᬮᬦᬶᬦ᭄ᬳᬗ᭄ᬕᬦ᭄ᬩᭂᬮᬶ᭞ᬲᭀᬢᬦᬶᬂᬳᬶᬲ᭄ᬢ᭄ᬭᬶᬉᬢ᭄ᬢᬫ᭞ᬗᬗ᭄ᬓᬲ᭄ᬳᬗ᭄ᬓᬲ᭄ᬢᬶᬢ᭄ᬬᬂᬫ᭄ᬢᭀᬄ᭞ᬗ᭄ᬢᭀᬳᬂᬲᬚᬕᬢ᭄ᬩᬬᬦ᭄᭞ᬲᬵᬫ᭄ᬧᬸᬦ᭄ᬩᭂᬮᬶᬲᬗ᭄ᬲᬬ᭞ᬤᭀᬗᬸᬤᬓᬳ᭄ᬬᬸᬦᬾᬢ᭄ᬧᬸ᭞ᬅᬚᬶᬦ᭄ᬩᭂᬮᬶᬚ᭄ᬯᬘᬕᭂᬭᬂ᭟ᬏᬕᬃᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬳᬦ᭄ᬤᭂ
ᬮ᭄ᬓᬳ᭄ᬬᬸᬫᬶᬳᬃᬱ᭞ᬳᬢᬹᬃᬧᬫᬸᬗᬸᬦ᭄ᬭᬩᬶᬦᬾ᭞ᬜᬥ᭄ᬬᬗᬶᬭᬶᬂᬫᬢ᭄ᬮᬲᬦ᭄᭞ᬗ᭄ᬕᭀᬳᬶᬦ᭄ᬓᬧᬵᬢᬹᬢᬦ᭄᭞ᬦᬢᬓ᭄ᬱᬳᬃᬱᬦ᭄ᬲᬂᬧ᭄ᬭᬪᬸ᭞ᬬᬤ᭄ᬬᬲ᭄ᬢᬸᬗᬭᬡᬬᬚ᭄ᬜ᭟ᬲᬳᬸᬃᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬳᬥᬹᬄᬅᬤᬶᬳᬢ᭄ᬫᬚᬶᬯ᭞ᬓᬮᬶᬯᬢ᭄ᬳ
ᬕᭂᬢ᭄ᬩᭂᬮᬶᬦᬾ᭞ᬗ᭄ᬮᬄᬲᭀᬫᬄᬚᬢᬶᬢᬺᬱ᭄ᬡ᭞ᬲ᭄ᬮᬶᬓ᭄ᬱᬕᬸᬫᬶᬲᬲᬓ᭄᭞ᬫᬶᬗ᭄ᬤᭀᬄᬮᬓᬃᬫᬳᬦ᭄ᬗ᭄ᬭᬸᬭᬸᬄ᭞ᬳᬦᬓ᭄ᬮᬸᬄᬩᬸᬓᬳᬶᬤᬾᬯ᭟ᬢ᭄ᬯᬭᬳᬗᭂᬦ᭄ᬢᭂᬓᬾᬦ᭄ᬳᬸᬭᬶᬧ᭄᭞ᬩᬦᬶᬫᬾᬮᬦᬶᬦ᭄ᬓᬸᬋᬦᬦ᭄᭞ᬗᬸᬤᬢ᭄ᬯᬭᬩ᭄ᬮᬶᬫᭂᬗ᭄ᬓᭀᬓ
᭞ᬗ᭄ᬮᬄᬲᭀᬫᬄᬦᬯᬂᬚ᭄ᬗᬄ᭞ᬧ᭄ᬭᬯᬷᬭᬗᬯᬶᬭᬗᬂ᭞ᬓᬵᬮᬦᬶᬂᬫᬗ᭄ᬕᬸᬄᬧᬓᬾᬯᬸᬄ᭞ᬘᬶᬳ᭄ᬦᬦᬶᬂᬧᬸᬢ᭄ᬭᬶᬉᬢ᭄ᬢᬫ᭟ᬲᬓᬾᬂᬲᬚᬮᬸᬮᬸᬢ᭄ᬳᬲᬶᬄ᭞ᬍᬓᭂᬢ᭄ᬢᬺᬱ᭄ᬡᬫᬓᬸᬋᬦᬦ᭄᭞ᬢ᭄ᬓᬾᬦ᭄ᬩᭂᬮᬶᬉᬮᬶᬳ᭄ᬚᭀᬄ᭞ᬢ᭄ᬯᬭᬗ᭄ᬮᬄᬜᬫᬩ᭄ᬭᬬ᭞ᬗᭂ [ 46 ][᭔᭕ 45B]
᭔᭕
ᬫ᭄ᬧᬶᬤᬶᬦᬶᬤᬶᬦᬶᬲᬲᬓ᭄᭞ᬳᭀᬮᬲ᭄ᬳᬤᬶᬢ᭄ᬓᬦᬸᬤᬸᬓ᭄᭞ᬲᬗ᭄ᬓᬦ᭄ᬩᭂᬮᬶᬚᬦᬶᬲᬥ᭄ᬬ᭟ᬢ᭄ᬯᬭᬩ᭄ᬮᬶᬢᬓᬸᬢ᭄ᬫᬢᬶ᭞ᬚ᭄ᬜᭂᬂᬲᬸᬩᬧᬦᬫᬬ᭞ᬫᬲᬮᬓᬃᬫᬢᬶᬧᬶᬦ᭄ᬤᭀ᭞ᬬᬦ᭄ᬲᬸᬩᬧᬵᬢᬹᬢ᭄ᬫᬢᬸᬮᬓ᭄᭞ᬫᬸᬮᬶᬄᬓᬓᬭᬂᬯᬬᬄ᭞ᬫᬶ
ᬲᬥ᭄ᬬᬫᬸᬗ᭄ᬕᭂᬮᬶᬦ᭄ᬢᬸᬯᬸᬄᬫ᭄ᬬᬤᬶᬦ᭄ᬫᬢᬶᬓᬪᬶᬱᬾᬓ᭟ᬭᬸᬫᬲᬢ᭄ᬫᬢᬶᬦᬸᬘ᭄ᬦᬶᬓ᭄᭞ᬢᬶᬦ᭄ᬤᬶᬄᬢ᭄ᬓᬦ᭄ᬓᬧᬵᬢᬹᬢᬦ᭄᭞ᬢ᭄ᬯᬭᬩ᭄ᬮᬶᬳᭂᬗ᭄ᬲᬧ᭄ᬓᬧᭀ᭞ᬢ᭄ᬓᬾᬦ᭄ᬪᬝᬵᬭᬓᬯᬶᬢᬦ᭄᭞ᬮᬮᬗᬶᬢ᭄ᬩᭂᬮᬶᬮᬯᬲ᭄᭞ᬢᬦ᭄ᬧᬧᬓᬾᬭᬶᬂᬓᬋᬩᬸ
ᬢ᭄᭟ᬜᬥ᭄ᬬᬗᬮᬶᬄᬧᬜᬸᬧᬢᬦ᭄᭟ᬦᬄᬧᬶᬲᬦ᭄ᬩᭂᬮᬶᬜᬸᬫᬸᬦᬶᬦ᭄᭞ᬦᬸᬫᬶᬢᬶᬲ᭄ᬤᬤᬶᬫᬦᬸᬱ᭞ᬫᬤᬓ᭄ᬳᬧᬂᬓᬭᬳᬬᭀᬦ᭄᭞ᬫᬲᭀᬫᬄᬢ᭄ᬓᬾᬦ᭄ᬳᬶᬤᬾᬯ᭞ᬮᬸᬧᬸᬢᬶᬂᬧᬜ᭄ᬘᬪᬬ᭞ᬓᬮᬶᬦ᭄ᬤᭂᬭᬂᬳᬮᬳᬬᬸ᭞ᬢᬦ᭄ᬫᬮᬶᬄᬫ
ᬗ᭄ᬕᬸᬄᬤᬸᬄᬓᬶᬢ᭟ᬲᬗ᭄ᬓᬦᬶᬂᬲᬦ᭄ᬢᭀᬲᬾᬂᬩᬸᬤ᭄ᬥᬶ᭞ᬜᬸᬚᬸᬃᬰᬹᬦ᭄ᬬᬫᬳᬫᬺᬢ᭄ᬢ᭞ᬤ᭄ᬬᬲ᭄ᬢᬸᬦ᭄ᬢᬸᬫ᭄ᬧᬸᬭᬶᬂᬧᬮᬸᬕᭀᬦ᭄᭞ᬲᬶᬤ᭄ᬥᬦᬸᬗ᭄ᬓᬧ᭄ᬯᬶᬱ᭄ᬡᬸᬮᭀᬓ᭞ᬲᭀᬢᬦᬶᬂᬰᬹᬭᬥᬷᬭ᭞ᬩᬶᬮᬶᬄᬢ᭄ᬯᬭᬮᬓᬃᬩᬮᬸ᭞ᬩᬗ᭄ᬓᬾᬦ᭄ᬩᭂᬮᬶᬦᬾᬤᬶ
[᭔᭖ 46A]
ᬲᬲᬓ᭄᭟ᬗᭂᬦᭂᬓ᭄ᬩᭂᬮᬶᬫᬸᬮᬶᬄᬓᬩᬵᬮᬶ᭞ᬮᬓᬃᬤᬤᬶᬓᬓ᭄ᬤᬾᬓᬦ᭄᭞ᬢᭀᬦ᭄ᬤᬾᬦ᭄ᬩᬾᬭᬾᬤ᭄ᬲᬸᬩᬩᭀᬗ᭄ᬮᭀᬢ᭄᭞ᬢᭀᬂᬩᬦᬶᬦᬶᬦ᭄ᬤᬶᬳᬶᬦ᭄ᬲᭀᬫᬄ᭞ᬓᬏᬧᭂᬢ᭄ᬲᬓᬾᬂᬕ᭄ᬢᬧ᭄᭞ᬫᬤᬓ᭄ᬳᬕᭂᬢ᭄ᬩᭂᬮᬶᬳᬶᬤᬸᬧ᭄᭞ᬲ᭄ᬫᬸᬢᬾ
ᬫᬩᬾᬮᬕᬚᬄ᭟ᬦᬄᬚᬮᬜ᭄ᬚᬦᬶᬫᬓᬶᬃᬢ᭄ᬢᬶ᭞ᬜᭀᬦ᭄ᬢᭀᬓᬂᬲᬶᬗ᭄ᬳᬃᬯᬶᬓ᭄ᬭᬫ᭞ᬲᬭᬬᬂᬳᬕᭂᬢ᭄ᬮᬘᬸᬭᬾ᭞ᬢᭀᬂᬜᬦ᭄ᬤᬂᬅᬤᬶᬗᭀᬩᭂᬢᬂ᭞ᬦᬶᬦ᭄ᬥᬶᬳᬶᬦ᭄ᬓᬧᬵᬢᬹᬢᬦ᭄᭞ᬢ᭄ᬯᬭᬩ᭄ᬮᬶᬮᬓᬃᬓᬸᬤᬸᬦ᭄᭞ᬫᬲ᭄ᬫᭂᬤᬶᬦᬶᬤᬶᬲᬲᬓ᭄
᭟ᬗᬸᬤᬚᬩ᭄ᬮᬶᬗᬶᬫᬸᬤᬶᬦ᭄᭞ᬲᬂᬧ᭄ᬭᬪᬸᬤᬶᬰᬾᬮᬧᬭᬂ᭞ᬭᬾᬄᬗᬫ᭄ᬩᭂᬓᬓᬳ᭄ᬬᬸᬦ᭄ᬫᭀᬫᭀ᭞ᬩ᭄ᬮᬶᬢᬦ᭄ᬕᬶᬗ᭄ᬕᬂᬳᬢᬫ᭄ᬧᬓ᭄᭞ᬜᭂᬦ᭄ᬢᭀᬓᬂᬓᬧᬸᬭᬸᬱᬦ᭄᭞ᬤ᭄ᬧᬂᬩ᭄ᬮᬶᬤᬤᬶᬘᬭᬸ᭞ᬓᬾᬯᬮᬕᬸᬫᬶᬦᬾᬮᬲ᭄ᬬ᭟ᬕᬃᬚ᭄ᬚᬶᬢᬤᬾᬦ᭄ᬤᬫᬲ᭄ᬓᬸᬦᬶᬂ᭞
ᬓᬤᬶᬓᬲᬶᬭᬢᬦ᭄ᬫᬺᬢ᭄ᬢ᭞ᬫᬶᬋᬂᬧᬲᬳᬸᬃᬭᬓᬦᬾ᭞ᬫᬤᬓ᭄ᬩᭂᬮᬶᬧᬜ᭄ᬚᬂᬬᬸᬱ᭞ᬗᬶᬃᬢ᭄ᬢ᭄ᬬᬂᬚᬕᬢ᭄ᬲᬲᬓ᭄᭞ᬮᬫᬓᬦ᭄ᬲᬸᬪᬶᬓ᭄ᬱᬮᬦ᭄ᬤᬸᬄ᭞ᬳᬶᬭᬶᬓᬶᬭᬶᬂᬰᬾᬮᬧᬭᬂ᭟ᬫᬗ᭄ᬤᬢᬦ᭄ᬓᬲᬾᬧᬦ᭄ᬢᬗ᭄ᬓᬶᬮ᭄᭞ᬦᬗ᭄ᬓᭂᬧᬶᬦ᭄ᬥᬢ᭄ᬭᬸᬪᬶᬱᬫ᭞ [ 47 ][᭔᭖ 46B]
᭔᭖
ᬗᬶᬭᬶᬂᬓᬸᬓᬸᬳᬂᬕ᭄ᬮᬭᬾ᭞ᬲᬚᬩᬘᬢᬹᬃᬯᬶᬦᬬ᭞ᬲᬵᬫ᭄ᬧᬸᬦ᭄ᬢᬸᬦᬯᬶᬯᬾᬓ᭞ᬳᬗ᭞ᬳᬾᬢ᭄ᬘᬶᬤ᭄ᬭᬦᬶᬂᬰᬢ᭄ᬭᬸ᭞ᬫᬭᬓᬂᬧᬗᬶᬦ᭄ᬤ᭄ᬭᬚᬮ᭟ᬳᬥᬹᬄᬫᬲᬤᬾᬯᬾᬓ᭄ᬩᭂᬮᬶ᭞ᬲᬳᬸᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬾᬗᭂᬄᬭᬶᬂᬓᬳ᭄ᬬᬸᬦ᭄ᬭᬩᬶᬦᬾ᭞ᬫᬲ
ᬩ᭄ᬮᬶᬢᬸᬦᬬᬢ᭄ᬦ᭞ᬳᬧᬂᬢ᭄ᬯᬭᬓᬲᬫ᭄ᬩᬢ᭄᭞ᬫᬢᬶᬦᬾᬲᬓᬾᬂᬗᬮᬮᬸ᭞ᬮᬓᬃᬤᬤᬶᬉᬚᬃᬧᬭ᭟ᬚᬮᬦ᭄ᬳᬤᬶᬗᬮᬶᬄᬓᬦ᭄ᬢᬶ᭞ᬲᬶᬂᬜᬳᬤᬳᬦᬓ᭄ᬳᭀᬮᬲ᭄᭞ᬦᬄᬚᬮᬦ᭄ᬢᬭᬶᬧᬜ᭄ᬚᬓᬾ᭞ᬳᬫ᭄ᬩᬸᬮ᭄ᬓᬾᬦ᭄ᬦᬾᬲᬚᬢᬺᬱ᭄ᬡ᭞ᬧᬸᬧᬸᬢᬶᬂᬩ
ᬩᬯᭀᬲᬦ᭄᭞ᬧᬜ᭄ᬚᬓᬾᬭᬭᬶᬲ᭄ᬓᬥᬯᬸᬄ᭞ᬓᬤᬸᬃᬫ᭄ᬫᬗ᭄ᬕᬮᬦᬶᬂᬬᬸᬤ᭄ᬥ᭟᭚᭐᭚ᬧᬸᬧᬸᬄᬤᬸᬃᬫ᭄ᬫ᭚᭐᭚ᬓᬘᬭᬶᬢᬫᬲ᭄ᬪᬝᬵᬭᬰᬾᬮᬧᬭᬂ᭞ᬢᬦ᭄ᬫᬭᬶᬗ᭄ᬕᭂᬕᭂᬂᬯᬶᬗᬶᬢ᭄᭞ᬫᭂᬗ᭄ᬕᬄᬧᬫᬶᬤᬸᬓ᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬯᬶ
ᬭᬾᬄᬲᬵᬫ᭄ᬧᬸᬦ᭄ᬓᬘᬯᬶᬲ᭄᭞ᬧᬘᬂᬳᬦ᭄ᬤᬕ᭞ᬩᬜ᭄ᬚᬃᬲᬭᬶᬫᬩᬮᬶᬓ᭄᭟ᬲᬵᬫ᭄ᬧᬸᬦ᭄ᬓᬵᬢᬹᬃᬦᬗᬸᬦ᭄ᬕᭂᬮᬃᬓᬪᬦᬯ᭞ᬓ᭄ᬮᬶᬓᬶᬲ᭄ᬲᬵᬫ᭄ᬧᬸᬦ᭄ᬫᬩᬮᬶᬓ᭄᭞ᬭᬭᬾᬦ᭄ᬓᬸᬢᬫᬭ᭞ᬫᬕᭂᬩ᭄ᬬᭀᬕ᭄‌ᬧᬶᬗ᭄ᬕᬶᬃᬤᬾᬰ᭞ᬩᬮᬸᬯᬸᬫ᭄ᬩᬂᬫᬲᬸᬗ᭄ᬕᬧᬸᬮᬶᬂ᭞
[᭔᭗ 47A]
ᬲᬳᬲᬫ᭄ᬧᬦ᭄᭞ᬧᬶᬓᬸᬓᬸᬄᬩᬜ᭄ᬚᬃᬲᬭᬶ᭟ᬫᬮᬶᬄᬲᬵᬫ᭄ᬧᬸᬦ᭄ᬓᬵᬢᬹᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬦᬭᬶᬭᬾᬜ᭄ᬘᬗᬾᬗᬲᬫᬶ᭞ᬧᬘᬂᬗᬸᬦ᭄ᬬᬸᬤ᭄ᬥ᭞ᬫᬵᬋᬧ᭄ᬓᬰᬾᬮᬧᬭᬂ᭞ᬗᭀᬮᬾᬲ᭄ᬧᬜ᭄ᬚᬓ᭄ᬢᭂᬧᬶᬲᬶᬃᬂ᭞ᬫᬵᬓᭀᬦᬓᭀᬦᬦ᭄᭞
ᬓᬢᬄᬓ᭄ᬦᬶᬓᬕᬶᬭᬶᬂ᭟ᬲᬧᬸᬦᬶᬓᬓᬵᬢᬹᬃᬭᬶᬂᬳᬶᬤᬲᬂᬦᬵᬣ᭞ᬓᬕ᭄ᬬᬢ᭄ᬳᬶᬤᬰ᭄ᬭᬸᬅᬚᬶ᭞ᬲᬃᬯ᭄ᬯᬶᬦ᭄ᬩᬄᬥᬥ᭞ᬲᬓ᭄ᬱᬡᬓᬦ᭄ᬤᬶᬓᬬᬂ᭞ᬧᬋᬓᬦ᭄ᬫᬗ᭄ᬤᬤᬶᬕ᭄ᬮᬶᬲ᭄᭞ᬦᭂᬫ᭄ᬩᬂᬧᬗᬭᬄ᭞ᬕᬾᬯᬃᬲᬤᬗᬶᬜ᭄ᬚᬸᬭᬶᬂ᭟ᬓᬸᬮ᭄ᬓᬸᬮ᭄ᬗᭂᬫ᭄ᬧᬂᬳᭀᬯᬜ᭄ᬚ
ᬓᬾᬢ᭄ᬥᬸᬦ᭄ᬭᬦ᭄ᬢᬩᬦ᭄᭞ᬓᬤᬶᬜᬯᬦ᭄ᬗᬩᬩᬶᬦ᭄᭞ᬚᭂᬚᭂᬮ᭄ᬫᬵᬤᬸᬨᬮ᭞ᬓᭀᬲᭂᬓᬦ᭄ᬩᬂᬮᬂᬤᬗ᭄ᬓ᭞ᬬᬢ᭄ᬦᬫᬕᬕᬯᬦ᭄ᬲᬫᬶ᭞ᬗᬸᬗ᭄ᬲᬶᬩᬜ᭄ᬘᬶᬗᬄ᭞ᬫᬶᬢᬢᭂᬦ᭄ᬭᬶᬂᬓᭀᬫ᭄ᬧᭂᬦᬶ᭟ᬲᬵᬫ᭄ᬧᬸᬦ᭄ᬭᬯᬸᬄᬗ᭄ᬩᬸᬕ᭄ᬚᬕᬢ᭄ᬰᬾᬮᬧᬭᬂ᭞
ᬤᬾᬦᬶᬂᬜ᭄ᬤᭀᬓᬶᬜ᭄ᬚᬜ᭄ᬚᬶ᭞ᬫᬵᬯᬾᬄᬢᬭᬸᬲ᭄ᬧᬂ᭞ᬦᬶᬮᬲ᭄ᬲᬤᬕᬶᬂᬓᭀᬦ᭄ᬢ᭄ᬭᬓ᭄᭞ᬤ᭄ᬯᬦᬶᬂᬤᬸᬭᬸᬲ᭄ᬓᬍᬩᭀᬦᬶᬦ᭄᭞ᬫᬢᬂᬢᬂᬬᬸᬤ᭄ᬥ᭞ᬧᬫᬃᬡ᭄ᬦᬦ᭄ᬩᬮᬯᬃᬕ᭄ᬕᬶ᭟ᬓᬵᬢᬹᬭᬂᬢ᭄ᬥᬸᬦ᭄ᬲᬫᬜ᭄ᬘᬧᬸᬗ᭄ᬕᬯ᭞ᬕᬶᬕᬶᬄᬦᬗ᭄ᬓᬶᬮ᭄ᬓᬧᬸᬭᬶ᭞ [ 48 ][᭔᭗ 47B]
᭔᭗
ᬫᬶᬭᬶᬗᬦ᭄ᬢᭂᬩᭂᬗᬦ᭄᭞ᬬᬢ᭄ᬦᬫᬓ᭄ᬢᬲᬜ᭄ᬚᬢ᭞ᬫᬜ᭄ᬚᭂᬃᬢᬸᬫ᭄ᬩᬓ᭄ᬦᬶᬓᬸᬮ᭄ᬩᭂᬤᬶᬮ᭄᭞ᬬᬤᬶᬦ᭄ᬲᬶᬦᬋᬂ᭞ᬮᬮ᭄ᬩᭀᬦ᭄ᬩᬗ᭄ᬓᬾᬩᬳᬶ᭟ᬲᭂᬓ᭄ᬱᭂᬓ᭄ᬧᭂᬦᬸᬄᬭᬶᬂᬚ᭄ᬭᭀᬦᬶᬂᬘ᭄ᬭᬗ᭄ᬘᬂᬓᬯᬢ᭄᭞ᬲᬯᬢᭂᬓ᭄ᬢᬡ᭄ᬥᬫᬦ᭄ᬢ᭄ᬭᬶ᭞ᬓᬦ᭄ᬢᬸᬦ᭄ᬫᬜ
ᬦ᭄ᬢᭀᬲᬂ᭞ᬯᭂᬚᬶᬮ᭄ᬳᬶᬤᬲᬂᬦᬵᬣ᭞ᬓᭀᬘᬧ᭄ᬭᬓ᭄ᬭ᭄ᬬ᭄ᬦ᭄ᬤᬢᬸᬓ᭄ᬩᬸᬲᬶᬂ᭞ᬲᬵᬫ᭄ᬧᬸᬦ᭄ᬲᬶᬦᬾᬪ᭞ᬭᬶᬂᬚ᭄ᬭᭀᬦᬶᬂᬳᬜ᭄ᬘᬶᬓ᭄ᬱᬚᬶ᭟ᬦ᭄ᬤᬢᬦ᭄ᬳᬲ᭄ᬯᬾᬯᬶᬚᬶᬮ᭄ᬲᬶᬭᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬳᬢ᭄ᬥᬸᬂᬧᬗᬯᬶᬦ᭄᭞ᬓᬤᬶᬲᬹᬃᬬ᭄ᬬᬯᬶᬫ᭄ᬩ᭞ᬳᬮᬸ
ᬗ᭄ᬕ᭄ᬯᬾᬂᬲᬶᬗ᭄ᬕᬲᬦ᭞ᬲ᭄ᬯᬪᬵᬯᬦᬾᬩᬭᬓ᭄ᬗᭂᬦ᭄ᬤᬶᬄ᭞ᬓᬤᬶᬕᬮᬸᬕ᭞ᬧᬲᬺᬱ᭄ᬧᬯᬢᭂᬓ᭄ᬦᬗ᭄ᬓᬶᬮ᭄᭟ᬓᭂᬲ᭄ᬓᭂᬲ᭄ᬗᬸᬦ᭄ᬢᬸᬮ᭄ᬓᬤᬧᬶᬢᬶᬓ᭄ᬓᬲᬶᬓᭂᬧᬦ᭄᭞ᬋᬧ᭄ᬤ᭄ᬬᭂᬫ᭄ᬢᬦ᭄ᬧᬸᬭᬸᬓ᭄ᬫᬸᬓ᭄ᬫᬶᬓ᭄᭞ᬲᬂᬦᬵᬣᬗᬦ᭄ᬤᬶᬓ᭞ᬜᬫᬩ᭄ᬭᬬᬫᬓ᭄ᬚᬂ᭞
ᬩᬢᭂᬓᬂᬇᬥᭂᬧᬾᬚᬦᬶ᭞ᬬᬦ᭄ᬲᬚᬢᬺᬱ᭄ᬡ᭞ᬢ᭄ᬓᬾᬦ᭄ᬳᬶᬭᬫᬕᬸᬲ᭄ᬢᬶ᭟ᬚ᭄ᬗᬄᬳᬶᬭᬓ᭄ᬩᬸᬲ᭄ᬩᬭᬩᬸᬓᬮᬩ᭄ᬮᬩ᭄᭞ᬮᭀᬢ᭄ᬳᬶᬩᬜ᭄ᬚᬃᬲᬭᬶ᭞ᬩᬦᬶᬫᬤᬤᬸᬕᬦ᭄᭞ᬚᬮ᭄ᬫᬳᭂᬦ᭄ᬤᭀᬓ᭄ᬳᭂᬦ᭄ᬤᭀᬓᬦ᭄᭞ᬉᬮᬶᬩᬵᬮᬶᬗᭂᬫ᭄ᬧᬶᬤᬶᬦᬶ᭞
[᭔᭘ 48A]
ᬤᬶᬰᬾᬮᬧᬭᬂ᭞ᬢ᭄ᬯᬭᬦᬯᬂᬳᬶᬮᬲᬶᬦ᭄᭟ᬩᬓᬢ᭄ᬳᬍᬫ᭄ᬫᬯᬲ᭄ᬢᬸᬬᬜᬶᬘᬶᬂᬲᬶᬗ᭄ᬳᬮ᭄᭞ᬦᬕᬶᬄᬜᬶᬮᬧᬶᬦ᭄ᬩᬶᬩᬶᬄ᭞ᬓᬸᬤᬂᬲᬸᬩᬫᬸᬗᬮ᭄᭞ᬢᭀᬂᬦᬯᬂᬢᬢᬓ᭄ᬭᬫ᭞ᬘᬗ᭄ᬓᬄᬘᬸᬫᬗ᭄ᬓᬄᬗᭂᬦ᭄ᬤᬶᬕᬶᬦ᭄᭞ᬳᬶᬕᬸᬲ᭄ᬢᬶᬕ᭄ᬢᬲ᭄
᭞ᬢ᭄ᬯᬭᬜᬬᬗᬂᬉᬭᬶᬧ᭄᭟ᬩᬢᭂᬓ᭄ᬚᬦᬶᬇᬥᭂᬧᬾᬳᬚᬓ᭄ᬫᬓ᭄ᬚᬂ᭞ᬭᬸᬫᬲᬢ᭄ᬘᬳᬶᬗᬸᬧᬶᬦ᭄᭞ᬓᬮᬶᬮᬶᬧᬦᬶᬭ᭞ᬯᬳᬸᬲᬧᬸᬦᬶᬓ᭞ᬯᬘᬦᬦ᭄ᬳᬶᬤᬰ᭄ᬭ᭄ᬬᬵᬚᬶ᭞ᬗᭀᬓᭀᬓ᭄ᬧᬕ᭄ᬬᬂ᭞ᬲᬯᬢᭂᬓ᭄ᬢᬡ᭄ᬥᬫᬦ᭄ᬢ᭄ᬭᬶ᭟ᬲᬳᬸᬃᬫᬦᬸ
ᬓ᭄ᬳᬢᬹᬭᬾᬧᬥᬫᬲᬸᬫ᭄ᬩᬃ᭞ᬧᬸᬓᬸᬮᬸᬦ᭄ᬰ᭄ᬭᬶᬪᬹᬧᬢᬶ᭞ᬲᬵᬫ᭄ᬧᬸᬦᬂᬪᬝᬵᬭ᭞ᬲᬄᬲᬓᬾᬂᬧᬢᬭᬡ᭞ᬓᬯᬸᬮᬜᬥ᭄ᬬᬦᬦ᭄ᬤᬶᬗᬶᬦ᭄᭞ᬳᬶᬕᬸᬲ᭄ᬢᬶᬕ᭄ᬢᬲ᭄᭞ᬩᭀᬬᬚᬦ᭄ᬢᭀᬲ᭄ᬳᬲ᭄ᬮᬶᬤ᭄᭟ᬲᬶᬤ᭄ᬥᬕᭂᬫ᭄ᬧᬸᬂᬕ᭄ᬲᭂᬂᬪᬰ᭄ᬫᬶᬓᬢᬸᬜ᭄ᬚᭂ
ᬮᬦ᭄᭞ᬲᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬳᬓ᭄ᬧᭂᬮ᭄ᬓᬶᬭᬗᬦ᭄‌᭞ᬩᭀᬬᬜᬦ᭄ᬤᬂᬓᭀᬩᭂᬢᬂ᭞ᬓᬯᬸᬮᬲᬶᬦᬋᬂᬲᬫᬶ᭞ᬜᬥ᭄ᬬᬘᬃᬯᬂ᭞ᬲᬭᬮᬾᬤᬂᬦᬤᬭᬶᬦ᭄᭟ᬗᬗ᭄ᬓᬲ᭄ᬳᬗ᭄ᬓᬲ᭄ᬲᬓᬾᬂᬮᬫᬶᬫᬧᬕ᭄ᬬᬸᬤ᭄ᬥ᭞ᬢᬦ᭄ᬩᭂᬘᬶᬓ᭄ᬦᬾ [ 49 ][᭔᭘ 48B]
᭔᭘
ᬫᬗ᭄ᬓᬶᬦ᭄᭞ᬯᬾᬦ᭄ᬢᭂᬦ᭄ᬯᬭᬦᬸᬕᬺ᭞ᬗᬺᬚᭂᬓ᭄ᬳᬶᬕᬸᬲ᭄ᬢᬶᬕ᭄ᬢᬲ᭄‌᭞ᬓᬬᬂᬲᭀᬫᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬧᬥᭂᬫᬂᬢᬶᬢ᭄ᬬᬂ᭞ᬭᬾᬄᬤ᭄ᬫᭂᬦ᭄ᬭᬶᬂᬯᭀᬂᬩᬵᬮᬶ᭟ᬓᬤᬶᬓᬕ᭄ᬬᬢ᭄ᬲᬂᬧ᭄ᬭᬪᬸᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬳᬭᬄᬧᬶᬦᭂᬳᬶᬦ᭄ᬫᬲᬶᬄ᭞ᬦᬄᬤᬲᬚ
ᬮᭀᬕᬲ᭄᭞ᬗᬫᬢ᭄ᬬᬂᬓᬸᬋᬦᬦ᭄ᬜ᭞ᬳᬶᬥᬸᬧᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬳᬗ᭄ᬕᭀᬦ᭄ᬩᬩᬦ᭄ᬤᬦ᭄᭞ᬫᬢ᭄ᬕᬸᬮ᭄ᬳᬩᬫᬳᬶ᭟ᬳᬧᬂᬢ᭄ᬯᬭᬇᬭᬫᬳᬦ᭄ᬳᬸᬚᬃᬧᬭ᭞ᬓᬉᬧᭂᬢ᭄ᬕᭂᬫᭂᬲ᭄ᬕᬢᬶ᭞ᬢ᭄ᬯᬭᬗ᭄ᬮᬄᬳᭀᬮᬲ᭄᭞ᬢ᭄ᬓᬾᬦ᭄ᬳᬦᬓ᭄ᬮᬸᬄᬧᬧ᭞ᬳ
ᬕᬾᬫᬵᬢᬹᬃᬤᬢᬸᬓ᭄ᬩᬸᬲᬶᬂ᭞ᬉᬥᬹᬄᬲᬂᬦᬵᬣ᭞ᬬᬦ᭄ᬯᬦ᭄ᬢᬄᬓᬧᬶᬲᬶᬗ᭄ᬕᬶᬄ᭟ᬩ᭄ᬘᬶᬚ᭄ᬫᬗ᭄ᬓᬶᬦ᭄ᬧᬯᬥᬦᬾᬦ᭄‌ᬲᬧᬲᬶᬭ᭞ᬫᬗ᭄ᬕᬮᬜᬾᬦᬧᬢᬶ᭞ᬲᬵᬫ᭄ᬧᬸᬦ᭄ᬢᬸᬦᬬᬢ᭄ᬦ᭞ᬳᬫ᭄ᬧᬄᬫᬧ᭄ᬯᬭᬏrᬳᬂ᭞ᬫᬾᬲᭂᬫ᭄ᬳᬶᬤᬰ᭄ᬭᬷᬩᬵᬳᬵᬳᬹᬧᬢᬶ᭞ᬤᬯᬸᬄᬯ
ᬘᬦ᭞ᬳᬦᬾᬫᬸᬗᬭᬶᬜ᭄ᬚᬸᬭᬶᬢ᭄᭟ᬯᬷᬭᬕᬸᬮᬶᬩᬋᬂᬢ᭄ᬓᬾᬦ᭄ᬯᬷᬭᬦᬵᬣ᭞ᬉᬢᬸᬲ᭄ᬦᬶᬭᬦᬾᬚᬦᬶ᭞ᬗ᭄ᬩᬸᬕ᭄ᬩᬜ᭄ᬚᬃᬲ᭄ᬓᬃ᭞ᬳᬧᬂᬧᬥᬲᬬᬕ᭞ᬗᭀᬘᬾᬓ᭄ᬧᬜ᭄ᬚᬓ᭄ᬓᬮᬶᬄᬢᬮᬶ᭞ᬫᬲᬢᭀᬂᬲᬶᬤ᭄ᬥ᭞ᬜᬕ᭄ᬮᬾᬤᭀᬄᬩᬜ᭄ᬚᬃ
[᭔᭙ 49A]
ᬲᬭᬶ᭟ᬲᬂᬓᬉᬢᬸᬲ᭄ᬗᬜ᭄ᬚᬮᬶᬫᬧᬫᬶᬢ᭄ᬫᬗ᭄ᬓᬢ᭄᭞ᬲᬵᬫ᭄ᬧᬸᬦᬺᬓᬾᬫᬫᬃᬕ᭄ᬕᬶ᭞ᬲᬓᭂᬧᬾᬫᬲᬹᬃᬬ᭄ᬬᬓ᭄᭞ᬲᬓᬤᬶᬓ᭄ᬭᬸᬕᬦ᭄ᬳᭀᬫ᭄ᬩᬓ᭄᭞ᬕ᭄ᬭᬾᬕᬾᬳᬦ᭄ᬓᬸᬤᬗᭂᬫ᭄ᬧᭂᬗᬶᬦ᭄᭞ᬢᬸᬓ᭄ᬢᬸᬓ᭄ᬱᬜ᭄ᬚᬢ᭞ᬲᬓᬤᬶᬓ᭄ᬮᬾᬧᬦ᭄ᬢᬝᬶᬢ᭄
᭟ᬢᬢᬩᬸᬳᬦ᭄ᬳᬸᬫᬸᬂᬫᬲ᭄ᬯᬭᬢᬦ᭄ᬧ᭄ᬕᬢ᭄᭞ᬕᭀᬂᬓᭂᬦ᭄ᬤᬂᬗᬕᬶᬮᬓᬶᬦ᭄‌ᬫ᭄ᬧᬕᬺᬤᭂᬕᬂᬩᬮ᭞ᬭᬱᬗᬸᬯᬸᬕᬂᬚᬕᬢ᭄᭞ᬯᬮᬸᬬᬢ᭄ᬯᬩᬶᬂᬚᬮᬥᬶ᭞ᬳᭀᬫ᭄ᬩᬓ᭄ᬗᬮᬜ᭄ᬘᬄ᭞ᬦᭂᬫ᭄ᬧᬸᬄᬧᬭᬗᬦ᭄ᬳᬶᬤᬶᬂ᭟ᬓ᭄ᬮᬩᬶᬂᬥ᭄ᬯᬚᬭᬱᬓᬤᬶᬉ
ᬮᬧᬸᬮᬧ᭄᭞ᬗᬦ᭄ᬢᬕ᭄ᬲᬂᬦ᭄ᬤᭀᬜ᭄ᬚᬸᬭᬶᬢ᭄᭞ᬗᬢ᭄ᬕᬢ᭄ᬯᬢᭂᬓ᭄ᬯᬶᬭ᭞ᬦᬾᬫᬗ᭄ᬓᬶᬜ᭄ᬘᬭᬶᬢᬬᬂ᭞ᬳᬶᬦ᭄ᬤᬶᬓᬾᬭᬶᬂᬩᬜ᭄ᬚᬃᬲᬭᬶ᭞ᬲᬵᬫ᭄ᬧᬸᬦ᭄ᬲᬬᬕ᭞ᬫᬬᬢ᭄ᬦᬬᬦ᭄ᬢᬭᬶ᭟ᬤᬾᬦᬶᬂᬫ᭄ᬧᬸᬦ᭄ᬫᭀᬃᬢ᭄ᬣᬶᬲᬶᬓᭂᬧ᭄ᬰᬾᬮᬧᬭᬂ᭞ᬧᬘᬂ
ᬭᬯᬸᬄᬗᭂᬦ᭄ᬤᭀᬦᬶᬦ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬓ᭄ᬱᬡᬗᭀᬮᬾᬲ᭄ᬧᬜ᭄ᬚᬓ᭄᭞ᬫᬗ᭄ᬤᬫᬢᬶᬓᬲᬦ᭄ᬲᬫᬶ᭞ᬜᬶᬗ᭄ᬲᭂᬢ᭄ᬮᬜ᭄ᬘᬶᬗᬦ᭄᭞ᬲᬳᬫᬩᬸᬍᬢ᭄ᬜᭂᬮᬶᬢ᭄᭟ᬢᬹᬃᬓᬥᬯᬸᬄᬲᬬᬕᬗᭂᬍᬫ᭄ᬲᬫ᭄ᬧᬦ᭞ᬗᬜ᭄ᬘᬃ [ 50 ][᭔᭙ 49B]
᭔᭙
ᬳᬦ᭄ᬢᬸᬓ᭄ᬚᬫ᭄ᬧᬭᬶᬂ᭞ᬬᬦ᭄ᬫᭂᬲᭂᬳᬾᬜᬕ᭄ᬚᬕ᭄᭞ᬲᬭᭀᬱᬗ᭄ᬩᬶᬲ᭄ᬕᭂᬮᬃ᭞ᬢᬦ᭄ᬤᬤᭀᬲ᭄ᬧᬶᬲᬦ᭄ᬫᬓᬶᬭᬶᬕ᭄᭞ᬳᬲᬶᬂᬓᬵᬧᭂᬲᬦ᭄᭞ᬫᬗ᭄ᬤᬲᬮᬶᬂᬢᬸᬮᬸᬗᬶᬦ᭄᭟ᬓᬵᬧᬜ᭄ᬘᬮᬂᬦᬾᬬᭀᬕ᭄ᬬᬜᬦ᭄ᬢᬺᬭᬶᬂᬢ᭄ᬗᬄ᭞ᬧᬗᬾᬩᭀᬕ᭄ᬲᬓᬾᬂᬲᬫ᭄ᬧᬶᬂ
᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬾᬗᭂᬢ᭄ᬲᬯᬢᭂᬓ᭄ᬯᬷᬭ᭞ᬳᬦ᭄ᬢᬸᬓ᭄ᬢᬸᬢᬸᬃᬘᬭᬩᬵᬮᬶ᭞ᬲᬗ᭄ᬓᬦ᭄ᬫᬬᬸᬤ᭄ᬥ᭞ᬲᬢ᭄ᬫᬓᬦᬗᬸᬦ᭄ᬓᬶᬃᬢ᭄ᬢᬶ᭟ᬲᬂᬧᬸᬭᬸᬱᬲᬸᬫᬥ᭄ᬬᬗᬭᬡᬬᬚ᭄ᬜ᭞ᬦᬗ᭄ᬓᭂᬧᬶᬦ᭄ᬫᬸᬲᬸᬄᬰᬓ᭄ᬢᬶ᭞ᬲᬯᬢᭂᬓ᭄ᬤᬸᬃᬰᬶᬮ᭞ᬫᬸᬘᬄᬓᬍᬗ᭄ᬓᬜ᭄ᬚ
ᬕᬢ᭄᭞ᬢᬦ᭄ᬧᬗᬾᬢᬂᬚᬶᬯᬧᬢᬶ᭞ᬫᬓᬰᬭᬡ᭞ᬲᬜ᭄ᬚᬢᬦᬾᬫᬮᬸᬗᬶᬤ᭄᭟ᬘᬸᬦ᭄ᬤᬂᬰᬢ᭄ᬭᬸᬯᬮᬸᬬᬯᬶᬚᬉᬧᬫ᭞ᬚᬕᬢ᭄ᬰᬢ᭄ᬭᬸᬦᬾᬪᬰ᭄ᬫᬶ᭞ᬧᬲᭂᬧᬦ᭄ᬲᬢ᭄ᬫᬓ᭞ᬧᬶᬦᬓᬩᬩᬦ᭄ᬢᭂᬦᬦ᭄᭞ᬩᬗ᭄ᬓᬾᬦ᭄ᬓᬸᬤᬫ᭄ᬯᬂᬧᬤᬢᬶ᭞
ᬅᬘᬶᬲᬢ᭄ᬫᬓ᭞ᬓᬵᬢᬹᬭᬶᬂᬲᬂᬳ᭄ᬬᬂᬅᬕ᭄ᬦᬶ᭟ᬥᬦᬹᬃᬤ᭄ᬥᬭᬢᬮᬶᬦ᭄ᬧᬦᬄᬓᬺᬧ᭄ᬬᬓ᭄ᬓ᭄ᬭᬧ᭄ᬬᬓ᭄᭞ᬢᬦ᭄ᬧᬾᬦ᭄ᬤᬄᬚᬧᬲᬶᬤ᭄ᬥᬶ᭞ᬧᬗᬫᭂᬃᬢ᭄ᬬᬂᬅᬢ᭄ᬫ᭞ᬢᬸᬢᬸᬓ᭄ᬱᬜ᭄ᬚᬢᬜᬜᬧ᭄᭞ᬯᬮᬸᬬᬫᬦ᭄ᬢ᭄ᬭᬧᬢᬶᬢᬶᬲ᭄᭞ᬇᬥᭂᬧ᭄ᬲᬂᬯᬷᬭ᭞ᬢ
[᭕᭐ 50A]
ᬢ᭄ᬓᬵᬮᬦᬗᬸᬦ᭄ᬓᬶᬃᬢ᭄ᬢᬶ᭟ᬉᬧ᭄ᬫᬸᬲᬸᬄᬢᬸᬮ᭄ᬬᬓᬤᬶᬧᬤᬫᬭᬦ᭄᭞ᬲᭂᬧᬸᬓᬦ᭄ᬩᬸᬓ᭄ᬯᬯᬗᬶ᭞ᬳᭀᬤᬓ᭄ᬯᬢᭂᬓ᭄ᬯᬷᬭ᭞ᬓᬵᬮᬦᬶᬂᬫᬤᬤᬕᬦ᭄᭞ᬬᬦ᭄ᬧ᭄ᬚᬄᬧ᭄ᬭᬯᬷᬭᬾᬂᬚᬸᬭᬶᬢ᭄᭞ᬧᬺᬱᬶᬤ᭄ᬥᬦᬸᬗ᭄ᬓᬧ᭄᭞ᬯᬶᬱ᭄ᬡᬸᬮᭀᬓᬮᬶᬦᭂᬯᬶᬄ᭟
ᬲᬧᬸᬦᬶᬓᬢᬸᬢᬸᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬶᬂᬧᬜ᭄ᬚᬓ᭄ᬩᬜ᭄ᬚᬃᬲᬭᬶ᭞ᬯᬵᬲ᭄ᬢᬸᬲᬫᬶᬏᬕᬃ᭞ᬢᬦ᭄ᬓᬸᬤᬸᬦ᭄ᬫᬧᬕ᭄ᬬᬸᬤ᭄ᬥ᭞ᬓᬤᬶᬚᬗ᭄ᬓ᭄ᬭᬶᬓᬾᬓᬶᬮᬶᬦᬶᬦ᭄᭞ᬕᬮᬓ᭄ᬫᬗᬫᬮ᭄᭞ᬜᬥ᭄ᬬᬗ᭄ᬢᭀᬳᬂᬉᬭᬶᬧ᭄᭟ᬓᬦ᭄ᬢᬸᬦ᭄ᬳᬶᬢᭂᬧ᭄ᬲᬮᬶᬂᬢ
ᬭᬶᬫᬭᬭᬱᬦ᭄᭞ᬲᬕᬾᬢ᭄ᬲᬹᬃᬬ᭄ᬬᬓ᭄ᬧᬶᬭᬕᬶ᭞ᬲᬶᬓᭂᬧ᭄ᬰᬾᬮᬧᬭᬂ᭞ᬭᬯᬸᬄᬜᬕ᭄ᬚᬕᬶᬦ᭄ᬕᭂᬮᬃᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬲᬳᬲᬦᭂᬃᬚ᭄ᬚᬓ᭄᭞ᬜ᭄ᬩᬸᬭᬶᬦ᭄ᬲᬸᬗ᭄ᬕᬧᭀᬮᬶᬂ᭟ᬓᬪᬶᬦᬯᬓᬤᬶᬳᭀᬫ᭄ᬩᬓ᭄ᬫᬕᬸᬮᬸᬗᬦ᭄᭞ᬓᬵ
ᬜ᭄ᬘᬃᬳᬦ᭄ᬢᬸᬓ᭄ᬚᬫ᭄ᬧᬭᬶᬂ᭞ᬓᬢᬄᬓᬩᬜ᭄ᬘᬭᬦ᭄᭞ᬢᬦ᭄ᬧᬾᬗᬦ᭄ᬓᬦᬶᬦ᭄‌ᬧ᭄ᬚᬄ᭞ᬕᬾᬲᭀᬭᭀᬤᬾᬦ᭄ᬩᬜ᭄ᬚᬃᬲᬭᬶ᭞ᬗᬶᬍᬲᬂᬯᬤ᭄ᬯ᭞ᬓᬓ᭄ᬭᬾᬧᬾᬤ᭄ᬳᬦ᭄ᬢᬸᬓ᭄ᬩᭂᬤᬶᬮ᭄᭟ᬬᬦ᭄ᬲᬯᬗᬂᬓᬤᬶᬕ᭄ᬮᬕᬄᬓᬢᬸᬜ᭄ᬚᭂᬮᬦ᭄᭞ᬓᬩᭂᬩᭂᬂ [ 51 ][᭕᭐ 50B]
᭕᭐
ᬩᬜ᭄ᬚᬃᬲᬭᬶ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬯᬶᬯᬾᬓᬗᭀᬘᬾᬓ᭄ᬧᬜ᭄ᬚᬓ᭄᭞ᬭᬶᬂᬲᬚ᭄ᬭᭀᬦᬶᬂᬕ᭄ᬮᬃᬗᭂᬜ᭄ᬘᬶᬂ᭞ᬲᬳᬫᬲᬹᬃᬬ᭄ᬬᬓ᭄᭞ᬓᬤᬶᬢᬦ᭄ᬧᬧᬓᬾᬭᬶᬂ᭟ᬲᬬᬦ᭄ᬫᬗ᭄ᬲᭂᬄᬲᬶᬓᭂᬧ᭄ᬰᬾᬮᬧᬭᬂᬦᭂᬃᬚ᭄ᬚᬓ᭄᭞ᬓᬦ᭄ᬢᭀᬲ᭄ᬓᬾᬄᬧᬥᭂᬫ᭄ᬓ
ᬦᬶᬦ᭄᭞ᬓᬩ᭄ᬤᬶᬮ᭄ᬓᬢᬸᬫ᭄ᬩᬓ᭄᭞ᬳᬲᬶᬂᬫᬚᭀᬕ᭄ᬜᬍᬫ᭄ᬧᬄ᭞ᬓᬤᬶᬤᬤᬮᬸᬜ᭄ᬩᬸᬭᬶᬦ᭄᭞ᬅᬧᬶᬲᬢ᭄ᬫᬓ᭞ᬫᬵᬯᬶᬦᬦ᭄ᬤᬸᬭᬸᬲ᭄ᬮᬶᬮᬶᬄ᭟ᬯᬷᬭᬕᬸᬮᬶᬂᬫᬶᬦᬓᬤᬶᬯᬷᬭᬚᬬ᭞ᬯᬶᬭᬂᬲᬗ᭄ᬓᬮᬶᬄᬲᭂᬗᬶᬢ᭄᭞ᬲᬳᬲᬫᬢᬗ᭄ᬕ
ᬮ᭄᭞ᬭᬶᬲ᭄ᬤᭂᬓ᭄ᬕᬶᬮᬓ᭄ᬕᬶᬮᬓ᭄᭞ᬭᬯᬸᬄᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬗᬗ᭄ᬕᬃᬓᬮᬾᬯᬂ᭞ᬫᬧᬲ᭄ᬲᬂᬯᬷᬭᬓᬮᬶᬄ᭟ᬓᬮᬶᬲ᭄ᬓᬶᬍᬲ᭄ᬜᬮᬶᬩ᭄ᬲᬶᬩ᭄ᬲᬳᬲᬜᭂᬫ᭄ᬧᬮ᭄᭞ᬯᬶᬭᬕᬸᬮᬶᬂᬗᬸᬮᬶᬮᬶᬂ᭞ᬲᬓ᭄ᬱᬡᬧᬭᬢᬺ᭞ᬢᬦ᭄ᬧᭀᬮᬶᬄ
ᬗ᭄ᬯᬍᬲᬂ᭞ᬯᬶᬭᬚᬬᬜᬕ᭄ᬚᬕ᭄ᬲᭂᬗᬶᬢ᭄᭞ᬢᬍᬃᬓᬲᭂᬫ᭄ᬧᬮ᭄᭞ᬯᬳᬸᬳᬬᬢ᭄ᬫᬮᬶᬄ᭟ᬩᬄᬜᬍᬫ᭄ᬧᬄᬲᬂᬯᬷᬭᬓᬮᬶᬄᬓᬧᬸᬗ᭄ᬕᬮ᭄᭞ᬮᬬᭀᬦᬾᬧᬕᬸᬮᬶᬦ᭄ᬢᬶᬓ᭄᭞ᬲᬶᬓᭂᬧ᭄ᬰᬾᬮᬧᬭᬂ᭞ᬫᬾᬗᬲ᭄ᬮᬶᬮᬶᬄᬮᬸᬮᬸ
[᭕᭑ 51A]
ᬦᬦ᭄᭞ᬗᬸᬭᬸᬕ᭄ᬢᬸᬓᬤ᭄ᬚᬶᬗ᭄ᬓᭂᬮ᭄ᬓᬦᬶᬦ᭄᭞ᬋᬗᬲ᭄ᬗᬤᬫ᭄ᬧ᭄ᬮᬂ᭞ᬢ᭄ᬮᬧᬓᬦᬾᬫᬫᬸᬢᬶᬄ᭟ᬕ᭄ᬲᬄᬗᬗ᭄ᬲᬸᬃᬫᬵᬢᬹᬃᬉᬦᬶᬂᬦᬵᬣ᭞ᬳᬶᬦ᭄ᬤᬶᬓ᭄ᬱᬂᬯᬷᬭᬓᬮᬶᬄ᭞ᬲᬾᬤᬫᬤᬤᬕᬦ᭄᭞ᬮᬬᭀᬦᬾᬫᬓᭂᬫ᭄ᬩᬭᬦ᭄᭞ᬳ
ᬯᬶᬦᬦ᭄ᬲᬶᬓᭂᬧᬾᬮᬶᬮᬶᬄ᭞ᬳᭀᬲᭂᬓ᭄ᬱᬂᬦᬵᬣ᭞ᬫᬶᬋᬂᬳᬢᬹᬃᬧᬶᬉᬦᬶᬂ᭟ᬓᬩᭂᬮ᭄ᬩᭂᬮᬲ᭄ᬯᬾᬫ᭄ᬦᭂᬂᬓᬤᬶᬧᬺᬢᬶᬫ᭞ᬲᬂᬦᬵᬣᬗ᭄ᬕᭂᬕᭂᬂᬯᬶᬗᬶᬢ᭄᭞ᬯ᭄ᬓᬲᬦ᭄ᬗᬦ᭄ᬤᬶᬓ᭞ᬓ᭄ᬫᬚᬦᬶᬳᬾᬗ᭄ᬕᬮᬂ᭞ᬳᬮᬶᬄᬧᬫᬦ᭄ᬤᬢᬸᬓ᭄ᬩᬸᬲᬶᬂ
᭞ᬲᬂᬓᬦ᭄ᬤᬶᬓᬬᬂ᭞ᬲᬳᬲᭂᬫ᭄ᬩᬄᬫᬧᬫᬶᬢ᭄᭟ᬳᬕᬾᬭᬯᬸᬄᬤᬢᬸᬓ᭄ᬩᬸᬲᬶᬂᬩᬜ᭄ᬘᬶᬗᬄ᭞ᬗ᭄ᬭᬭᬶᬲ᭄ᬦᬗ᭄ᬓᬶᬮ᭄ᬓᬧᬸᬭᬶ᭞ᬲᬂᬦᬵᬣᬗᬦ᭄ᬤᬶᬓ᭞ᬓᬾᬦᬵᬓᬵᬳᬾᬦᬂᬚᬦᬶᬧᬫᬦ᭄᭞ᬲᬶᬓᭂᬧᬾᬫᬓ᭄ᬚᬂᬮᬶᬮᬶᬄ᭞ᬩᬾᬳ᭄ᬢᭀᬂᬫᬤ
ᬬ᭞ᬧᬜ᭄ᬚᬓ᭄ᬧᬫᬦᬾᬫ᭄ᬜᬶ᭟ᬥᬹᬄᬳᬫ᭄ᬧᬸᬭᬳᬢᬹᬃᬢᬶᬢ᭄ᬬᬂᬰ᭄ᬭᬷᬦᬭᬾᬦ᭄ᬤ᭄ᬭ᭞ᬲᬓᬾᬂᬳᬶᬧᬸᬦ᭄ᬢᬦ᭄ᬕᬶᬮᬶᬓ᭄᭞ᬓᬢᬜ᭄ᬚᬸᬂᬓᭂᬚᬶᬢᬦ᭄᭞ᬤᬾᬦᬶᬂᬓᬶᬭᬂᬲᬬᬕ᭞ᬗᬶᬢᭂᬂᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬧᬶᬭᬕᬶᬦ᭄ᬢᬶᬢ᭄ᬬᬂ᭞ [ 52 ][᭕᭑ 51B]
᭕᭑
ᬲᬶᬓᭂᬧ᭄ᬩᬬᬦ᭄ᬗᬦ᭄ᬢᬶᬦᬶᬦ᭄᭟ᬭᬵᬤᬾᬦ᭄ᬯᬶᬭᬦᬵᬣᬘᬗᭂᬃᬗᭀᬘᬾᬓ᭄ᬧᬜ᭄ᬚᬓ᭄᭞ᬳᬯᬶᬦᬦ᭄ᬩᬜ᭄ᬚᬃᬲᬭᬶ᭞ᬜᬶᬤ᭄ᬥᬬᬂᬫᬢᬗ᭄ᬕᬮ᭄᭞ᬳᬭᬄᬤᭀᬗᬤᬮᬦ᭄ᬢᬂ᭞ᬯᬘᬦᬦ᭄ᬳᬶᬤᬰ᭄ᬭᬷᬅᬚᬶ᭞ᬦᬄᬜᬾᬦ᭄ᬳᬋᬧᬂ᭞ᬳᬧᬂᬲᬶᬤ᭄ᬥ
ᬫᬧᬸᬮᬶᬄ᭟ᬚ᭄ᬗᬄᬦᬶᬭᬬᬦ᭄ᬢ᭄ᬯᬭᬜᬶᬤ᭄ᬥᬬᬂᬳ᭄ᬗᬕ᭄᭞ᬲᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬕᭂᬫ᭄ᬧᬸᬂᬢᬦ᭄ᬧᬰᬾᬱ᭞ᬤᬤᬶᬧᬓᬾᬧ᭄ᬯᬦ᭄ᬫᬶᬲ᭞ᬫᭂᬧᭂᬲ᭄ᬫᬵᬢᬹᬃᬤᬢᬸᬓ᭄ᬩᬸᬲᬶᬂ᭞ᬳᬶᬗ᭄ᬕᬶᬄᬲᬂᬦᬣ᭞ᬧᬶᬲᬦ᭄ᬢᬶᬢ᭄ᬬᬂᬧᬶᬤᬾᬦᬶᬦ᭄᭟ᬲᬓᬾᬂᬮᬫᬶ
ᬗᬗ᭄ᬓᬲᬗ᭄ᬓᬲ᭄‌ᬫᬧᬕ᭄ᬬᬸᬤ᭄ᬥ᭞ᬜᬥ᭄ᬬᬦᬯᬸᬃᬧᬸᬦᬕᬶ᭞ᬲᬶᬄᬥᬦᬦ᭄ᬦᬭᬾᬦ᭄ᬤ᭄ᬭ᭞ᬲᬂᬧ᭄ᬭᬪᬸᬳᬕᬾᬤᬶᬫ᭄ᬩᬮ᭄᭞ᬢᭀᬦ᭄ᬤᬾᬦ᭄ᬜᬦ᭄ᬤᬂᬧᬫᬦ᭄ᬧᬢᬶᬄ᭞ᬦᬸᬮ᭄ᬬᬸᬦᬾᬳᬚᬓ᭄᭞ᬧ᭄ᬭᬪᬸᬚᬸᬭᬶᬢ᭄ᬤᬗᬶᬜ᭄ᬚᬸᬭᬶᬂ᭟ᬧᬶᬲᬜ᭄ᬚᬦᬶᬲᬶᬗ᭄ᬳᬬᬸᬤ᭄ᬥ
ᬩᬦ᭄ᬤᬬᬸᬤ᭄ᬥ᭞ᬳᬤᭀᬓᬂᬜᬾᬧᬢᬶ᭞ᬗ᭄ᬩᬸᬕ᭄ᬩᬜ᭄ᬚᬃᬲ᭄ᬓᬃ᭞ᬗᭀᬘᬾᬓ᭄ᬱᬂᬓᭂᬧ᭄ᬓᭂᬢᭀᬕᬦ᭄᭞ᬫᬮᬶᬄᬫᬵᬢᬹᬃᬲᬗᬧᬢᬶᬄ᭞ᬥᬹᬄᬭᬮᬾᬤᬂ᭞ᬲᬵᬫ᭄ᬧᬸᬦ᭄ᬓᭂᬲᬾᬗᬦ᭄ᬭᬭᬶᬲ᭄᭟ᬲᬂᬓᬧᬶᬦᬂᬲᬵᬫ᭄ᬧᬸᬦ᭄ᬭᬯᬸᬄᬓᬩᬜ᭄ᬘᬶ
[᭕᭒ 52A]
ᬗᬄ᭞ᬢ᭄ᬩᭂᬂᬲᬶᬓᭂᬧᬾᬗᬶᬭᬶᬂ᭞ᬯᬘᬦᬦ᭄ᬦᬭᬾᬦ᭄ᬤ᭄ᬭ᭞ᬦᬄᬲᬳᬶᬳᬚᬓ᭄ᬤᬤ᭄ᬯ᭞ᬯᬶᬮᬰᬾᬦ᭄ᬳᬶᬭᬦᬾᬚᬦᬶ᭞ᬘᬳᬶᬜ᭄ᬗᬳᬂ᭞ᬗᬗ᭄ᬓᬢᬶᬦ᭄ᬩᬜ᭄ᬚᬃᬲᬭᬶ᭟ᬲᬯᬸᬃᬦᬸᬓ᭄ᬱᬗ᭄ᬓᬮᬶᬄᬓᬥᬯᬸᬄᬫᬗ᭄ᬓᬢ᭄᭞ᬢᬶᬢ᭄ᬬᬂᬫᬶᬲᬥ᭄ᬬᬗᬶᬭᬶᬂ᭞ᬳ
ᬢᬹᬭᬾᬢᬦ᭄ᬧᬜ᭄ᬚᬂ᭞ᬩᬾᬜ᭄ᬚᬂᬲ᭄ᬫᭂᬂᬯᬸᬲ᭄ᬫᬗ᭄ᬓᬢ᭄᭞ᬓ᭄ᬢᭀᬕᬦ᭄ᬲᬶᬓᭂᬧᬾᬗᬶᬭᬶᬂ᭞ᬢᬦ᭄ᬓᬘᬭᬶᬢ᭞ᬲᬂᬓᭂᬜᭂᬓᬦ᭄ᬫᬫᬃᬕ᭄ᬕᬶ᭟ᬓᬘᬭᬶᬢᬦᬾᬫᬗ᭄ᬓᬶᬦ᭄ᬭᬶᬂᬩᬜ᭄ᬚᬃᬲ᭄ᬓᬃ᭞ᬲᬬᬕᬭᬾᬄᬫᬶᬭᬕᬶ᭞ᬓᬸᬮ᭄ᬓᬸᬮ᭄ᬩᬸᬮᬸᬲ᭄ᬗᭂᬫ᭄ᬧᬂ᭞ᬢ᭄ᬗᭂᬭ
ᬦ᭄ᬰᬾᬮᬧᬭᬂ᭞ᬧᬘᬂᬭᬯᬸᬄᬗᬍᬩᭀᬦᬶᬦ᭄᭞ᬲᬯᬢᭂᬓ᭄ᬯᬷᬭ᭞ᬓᬤᬶᬳᬬᬫ᭄ᬩᭂᬦ᭄ᬢᬾᬢᬶᬦ᭄᭟ᬕᬶᬮᬓ᭄‌ᬕᬶᬮᬓ᭄‌ᬲᬫᬶᬏᬕᬃᬫᬲᭂᬲᬸᬫ᭄ᬩᬃ᭞ᬫᬧᬕ᭄ᬰᬢ᭄ᬭᬸᬗᭂᬦ᭄ᬤᭀᬦᬶᬦ᭄᭞ᬓᬤᬸᬓ᭄ᬗᬧᬶᬚᬶᬕᬂ᭞ᬫᬯᬸᬯᬸᬄᬓᬯᬸᬦᬾᬦᬦ᭄
᭞ᬲᬬᬦ᭄ᬓᬾᬄᬗᬭᬯᬸᬳᬂᬓᬦ᭄ᬢᬶ᭞ᬲᬓᬾᬂᬧ᭄ᬭᬤᬾᬰ᭞ᬫᭂᬫ᭄ᬩᬄᬯᭀᬂᬢ᭄ᬧᬶᬲᬶᬭᬶᬂ᭟ᬫᬧᬶᬮᭀᬦᬦ᭄ᬫᬢᬸᬮᬸᬂᬓᬩᬜ᭄ᬚᬃᬲ᭄ᬓᬃ᭞ᬦ᭄ᬕᬭᬂᬲᬩᬸᬓ᭄ᬧᬢᬶᬄ᭞ᬲᬲᬶᬓᭂᬧᬦ᭄ᬫᬭᬚᬄ᭞ᬲᬵᬫ᭄ᬧᬸᬦ᭄ᬗᭂᬧᬄᬳᭀᬭᭀᬗᬦ᭄᭞ᬓᬚᬓ᭄ᬮᭀ [ 53 ][᭕᭒ 52B]
᭕᭒
ᬤ᭄ᬓᬯᬸᬄᬓᬗᬶᬦ᭄᭞ᬭᬩ᭄ᬤᬂᬲᬜ᭄ᬚᬢ᭞ᬓᬦ᭄ᬢᬸᬦ᭄ᬜᬦ᭄ᬢᭀᬲᬂᬯᬗ᭄ᬲᬶᬢ᭄᭟ᬓᬜ᭄ᬘᬶᬢ᭄ᬭᬯᬸᬄᬲᬶᬓᭂᬧ᭄ᬰᬾᬮᬧᬭᬂᬜᬕ᭄ᬚᬕ᭄᭞ᬭᬱᬢᬦ᭄ᬧᬧᬓᬾᬭᬶᬂ᭞ᬦᬺᬚᬓ᭄ᬗᭂᬩᬶᬲ᭄ᬕᭂᬮᬃ᭞ᬗᭀᬓᭀᬓ᭄ᬗᭂᬚ᭄ᬭᬂᬢᬸᬫ᭄ᬩᬮ᭄᭞ᬲᬓᬾᬂᬤᭀᬄᬫᭂᬢᬢᬂᬩ᭄ᬤᬶ
ᬮ᭄᭞ᬉᬫᬸᬂᬫᬲᬹᬃᬬ᭄ᬬᬓ᭄᭞ᬓᬕᬾᬩᭀᬕ᭄ᬲᬓᬾᬂᬲᬫ᭄ᬧᬶᬂ᭟ᬳᬦ᭄ᬢᬸᬓ᭄ᬱᬶᬓ᭄ᬧᭂᬩᬜ᭄ᬚᬃᬲᬭᬶᬘᬋᬫ᭄‌ᬦᬺᬚᬓ᭄᭞ᬢᬦ᭄ᬯᬶᬮᬂᬧᬥᭂᬫ᭄ᬓᬦᬶᬦ᭄᭞ᬲᬶᬓᭂᬧ᭄ᬰᬾᬬᬧᬭᬂ᭞ᬓᬤᬶᬯᬮᬂᬢᬶᬦᭂᬩᬄ᭞ᬤᬳᬸᬢ᭄ᬧᬬᬸᬂᬩᬩᬂᬮᬶᬮᬶᬄ᭞ᬗᭂᬦ᭄ᬢᬸᬗᬂᬢᬸᬫ᭄ᬩ
ᬓ᭄᭞ᬢᬦ᭄ᬤᬤᭀᬲ᭄ᬕᬦ᭄ᬤᭂᬕ᭄ᬫᬮᬶᬄ᭟ᬓᬤᬸᬓ᭄ᬮᬶᬮᬶᬄᬫᬕᬸᬮᬸᬗᬦ᭄ᬩᬸᬭᬸᬕ᭄ᬢᬸᬓᬤ᭄᭞ᬕᭀᬂᬓᭂᬦ᭄ᬤᬂᬧᬕᬸᬮᬶᬮᬶᬂ᭞ᬢᬦ᭄ᬧᬦᭀᬮᬶᬄᬳᬸᬦ᭄ᬢᬢ᭄᭞ᬫᬮᬳᬶᬩ᭄ᬜᭂᬓ᭄ᬚᭂᬓ᭄ᬢᬶᬫ᭄ᬧᬮ᭄᭞ᬓᬾᬫ᭄ᬗᬦ᭄ᬲᬂᬯᬶᬭᬓᬮᬶᬄ᭞ᬓᬤᬶᬳᭂᬚᭀᬢᬂ᭞ᬗᬮᬶ
ᬤᬶᬭᬸᬢᬦ᭄ᬧᬓᬦ᭄ᬢᬶ᭟ᬢᬸᬮ᭄ᬬᬚᬸᬓᬸᬂᬢᬦ᭄ᬧᬓᬦ᭄ᬢᬶᬄᬢᬦ᭄ᬧᬩᬶᬤᬓ᭄᭞ᬓᬮᬸᬤ᭄ᬗᭂᬮᬸᬗᬂᬓᬫᬸᬤᬶ᭞ᬓᬾᬦ᭄ᬓᬾᬦᬂᬫᬮᬬᬂ᭞ᬗᬮᬶᬫ᭄ᬩᭂᬂᬢᬶᬕ᭄ᬢᬶᬕ᭄ᬳᭀᬫ᭄ᬩᬓ᭄᭞ᬪᬬᬓᬋᬫᬶᬂᬚᬮᬥᬶ᭞ᬫᬲᬶᬄᬦᭂᬕᬭᬂ᭞ᬫᬤᬬᬸᬂᬓᬧᬲᬶᬲᬶ᭟
[᭕᭓ 53A]
ᬳᬕᬾᬭᬯᬸᬄᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬜᬦ᭄ᬤᬓ᭄᭞ᬲᬋᬂᬮᬸᬭᬄᬮᬾᬃᬩᬸᬓᬶᬢ᭄᭞ᬭᬵᬤᬾᬦ᭄ᬯᬷᬭᬦᬵᬣ᭞ᬦᬸᬤᬶᬂᬲᬳᬫᬢᬂᬢᬂ᭞ᬦᬄᬚᬮᬜ᭄ᬚᬦᬶᬦ᭄ᬫᬩᬸᬜ᭄ᬘᬶᬂ᭞ᬲᬫ᭄ᬩᬸᬂᬮᬜ᭄ᬘᬶᬗᬦ᭄᭞ᬓᬤᬸᬂᬓᬘᬸᬦ᭄ᬤᬸᬓ᭄ᬤᬶᬦᬶ᭟ᬢᬦ᭄ᬧᬲᬯᬸᬃ
ᬲᬗ᭄ᬓᬮᬶᬄᬲᬳᬲᬦᬺᬚᬓ᭄᭞ᬲᬮᬶᬂᬢᬸᬯᭂᬓ᭄ᬳᬦ᭄ᬢᬸᬓ᭄ᬓ᭄ᬭᬶᬲ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬾᬩᭂᬢ᭄ᬗᭂᬮᬶᬤᬂᬭᬕ᭞ᬗᬗ᭄ᬕᬃᬧ᭄ᬤᬂᬲᬓᬾᬂᬲᬫ᭄ᬧᬶᬂ᭞ᬲᬳᬲᬜᭂᬫ᭄ᬧᬮ᭄᭞ᬲᬶᬗ᭄ᬳᬬᬸᬤ᭄ᬥᬗ᭄ᬫᬲᬶᬦ᭄᭟ᬩᬄᬦᬸᬗ᭄ᬓᬬᬓ᭄ᬕᬸᬮᬸᬦᬾᬧ᭄ᬕᬢ᭄ᬓᬧᬸ
ᬗ᭄ᬕᬮ᭄᭞ᬫᬫᬜ᭄ᬘᭀᬃᬭᬳᬾᬫᬶᬚᬶᬮ᭄᭞ᬫ᭄ᬲᬢ᭄ᬲᬂᬳ᭄ᬬᬂᬳᬢ᭄ᬫ᭞ᬋᬫᬺᬫ᭄ᬢᬾᬚᬦ᭄‌ᬢ᭄ᬬᬂᬳᬃᬓ᭄ᬓ᭞ᬭᬵᬤᬾᬦ᭄ᬯᬶᬭᬦᬵᬣᬓᬭᬶ᭞ᬭᬫᭂᬲ᭄ᬫᬬᬸᬤ᭄ᬥ᭞ᬫᬭᬸᬓᭂᬢ᭄ᬲᬮᬶᬂᬧᬦ᭄ᬢᬶᬂ᭟ᬧᬢᬸᬗ᭄ᬕᬶᬮᬦ᭄ᬫᬋᬧ᭄ᬭᬵᬤᬾᬦ᭄ᬩᬦ᭄ᬤᬬᬸᬤ᭄ᬥ᭞ᬧ
ᬜ᭄ᬚᬓᬾᬲᭀᬓ᭄ᬫᬩᬮᬶᬄ᭞ᬢᬦ᭄ᬓᬾᬗᬶᬦ᭄ᬢᬸᬮᬸᬗᬦ᭄᭞ᬓᬤᬸᬓ᭄ᬱᬵᬫ᭄ᬧᬸᬦ᭄ᬫᬢᬂᬢᬂ᭞ᬢᬸᬯᭂᬓ᭄ᬓᬢᬸᬯᭂᬓ᭄ᬳᬦ᭄ᬢᬸᬓ᭄ᬓ᭄ᬭᬶᬲ᭄᭞ᬧᬫᬸᬧᬸᬢ᭄ᬲᬾᬤ᭄ᬥ᭞ᬩᬦ᭄ᬤᬬᬸᬤ᭄ᬥᬗ᭄ᬫᬲᬶᬦ᭄᭟ᬫᬸᬯᬸᬕ᭄ᬲᬹᬬ᭄ᬬᬓ᭄ᬩᬮᬯᬃᬕ᭄ᬕᬶᬩᬜ᭄ᬚᬃᬲ᭄ᬓᬃ᭞ᬗᬯᬮᬾ [ 54 ][᭕᭓ 53B]
᭕᭓
ᬓ᭄ᬗᭂᬚᭂᬃᬫᬦᬸᬤᬶᬂ᭞ᬳᬶᬄᬯᭀᬂᬰᬾᬮᬧᬭᬂ᭞ᬳᬢᬕ᭄ᬲᬓᬤᬂᬳᬶᬩ᭞ᬤᭀᬗᬸᬤᬤᬤᬶᬫᬮᬳᬶᬩ᭄᭞ᬕ᭄ᬢᬧ᭄ᬫᬦᬸᬮᬂ᭞ᬢ᭄ᬯᬭᬕᬸᬫᬶ᭟ᬲᬗ᭄ᬓᬢᭀᬮᬾᬓ᭄ᬫᬫ᭄ᬢᬸᬄᬫ᭄ᬮᬳᬶᬩ᭄ᬩᬩᬂ᭞ᬕ᭄ᬲᬄᬫᬵᬢᬹᬃᬧᬶᬉᬦᬶᬂ᭞ᬭᬶᬂᬳᬶᬤ
ᬲᬂᬦᬵᬣ᭞ᬓᬧᭂᬲ᭄ᬗᬤᬓᬂᬬᬸᬤ᭄ᬥ᭞ᬫᬩᬼᬗᭂᬓ᭄ᬳᬶᬤᬥ᭄ᬭ᭄ᬬᬵᬚᬶ᭞ᬓᬤᬶᬧᬗ᭄ᬲᭂᬕᬂ᭞ᬫᬦ᭄ᬢᭂᬕ᭄ᬧᬸᬧᬸᬗ᭄ᬲᬾᬗᬶᬦ᭄᭟ᬤᬢᬸᬓ᭄ᬩᬸᬲᬶᬂᬲᬵᬫ᭄ᬧᬸᬦ᭄ᬭᬯᬸᬄᬗᬸᬦᬶᬗᬬᬂ᭞ᬳᬦ᭄ᬢᬸᬓ᭄ᬱᬶᬓᭂᬧᬾᬮᬶᬮᬶᬄᬫ᭄ᬯᬘᬦᬦ᭄ᬦᬭᬾᬦ᭄ᬤ᭄ᬭ᭞ᬧᬫᬜ᭄ᬚᬦᬶᬯᬶ
ᬭᬗᬂ᭞ᬳᬧᬂᬜᬶᬤ᭄ᬥᬬᬂᬫᬧᬸᬮᬶᬄ᭞ᬫᬸᬲᬸᬳᬾᬕᬮᬓ᭄᭞ᬲᬬᬦ᭄ᬩᬦᬶᬗᭂᬗ᭄ᬓᬶᬕᬶᬦ᭄᭟ᬢᭀᬂᬫᬤᬬᬭᬮᬓᬭᬦ᭄ᬓᬸᬘᬶᬯ᭞ᬗᬋᬧᬸᬦ᭄ᬫᬸᬲᬸᬄᬓᬶᬜ᭄ᬘᬶᬢ᭄᭞ᬩᬦ᭄ᬢᬲ᭄ᬩᬜ᭄ᬚᬃᬲ᭄ᬓᬃ᭞ᬓᬢᬫ᭄ᬧᬶᬄᬲᬶᬓᭂᬧ᭄ᬩᬬᬦ᭄᭞ᬢ᭄ᬯᬭᬳ
ᬤᬧᬶᬢᬸᬂᬩᬗ᭄ᬲᬶᬢ᭄᭞ᬲᬓᬭᬶᬂᬧ᭄ᬕᬢ᭄᭞ᬳᬦᬾᬢᬸᬦ᭄ᬤᬾᬦ᭄ᬗᬗ᭄ᬓᬢᬶᬦ᭄᭟ᬫᭂᬧᭂᬲ᭄ᬫᬵᬢᬹᬃᬤᬢᬸᬓ᭄ᬩᬸᬲᬶᬂᬫᬢᬗᬦᬦ᭄᭞ᬥᬹᬄᬢᬦ᭄ᬲᬶᬫ᭄ᬧᬂᬦᬺᬧᬢᬶ᭞ᬲᬓᬤᬶᬯᬘᬦ᭞ᬢᬦᬶᬳᬲᬶᬦ᭄ᬓᬸᬘᬶᬯ᭞ᬳᬶᬗ᭄ᬕᬶᬄᬦᬾᬫᬗ᭄ᬓᬶᬦ᭄ᬯᬯᬦᬶᬦ᭄᭞ᬫᬮᬶᬄ
[᭕᭔ 54A]
ᬳᬧᬶᬲᬦ᭄᭞ᬫᬶᬗ᭄ᬤᭀᬄᬢᬦ᭄ᬲᬶᬤ᭄ᬥᬪᬰ᭄ᬫᬶ᭟ᬜ᭄ᬘᬶᬓ᭄ᬫᬗ᭄ᬓᬶᬦ᭄ᬮᬸᬭᬄᬩᬭᬶᬗᬶᬦ᭄ᬳᬗ᭄ᬓᬢᬂ᭞ᬤ᭄ᬫᬸᬂᬓᭀᬦ᭄ᬢᬮᬜᬦ᭄ᬤᬶᬂ᭞ᬲᬋᬂᬦᬸᬗ᭄ᬕᬸᬮ᭄ᬩᬬ᭞ᬓᬮᬶᬧᬾᬢᬺᬯᬥᬦ᭞ᬫᬓᬤᬶᬭᬵᬤᬾᬦ᭄ᬤᬶᬧᬢᬶ᭞ᬢᭀᬫ᭄ᬧᭂᬮᭀᬓ᭄ᬱᬧᬶ
ᬲᬦ᭄᭞ᬲᬋᬂᬓᬢᬄᬗᭂᬫ᭄ᬩᬸᬮᬶᬦ᭄᭟ᬚᬦ᭄ᬢᭂᬦ᭄ᬮᬸᬮᬸᬲ᭄ᬯᬶᬭᬾᬄᬓᬤᬶᬢᭀᬫ᭄ᬧᭂᬮᭀᬓ᭄ᬕᭂᬫ᭄ᬩᬄ᭞ᬜᬕ᭄ᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬢᬶᬢ᭄ᬬᬂᬲᬸᬫᬓᬸᬢ᭞ᬢᬜ᭄ᬚᬦ᭄ᬢᭀᬲ᭄ᬳᬧᬗᬶᬦᬂ᭞ᬢᬶᬢ᭄ᬬᬂᬦᬾᬫᬗ᭄ᬓᬶᬮᬶᬦ᭄᭞ᬫᬓᬧᬗᬶᬫ᭄ᬩᬃ᭞ᬭᬵ
ᬤᬾᬦ᭄ᬳᬃᬬ᭄ᬬᬧᬭᬶᬕᬶ᭟ᬩ᭄ᬦᭂᬄᬓᬾᬢᭀᬯᬘᬦᬦ᭄ᬳᬶᬤᬲᬂᬦᬵᬣ᭞ᬭᬦ᭄ᬢᭂᬓᬂᬧᬫᬜ᭄ᬚᬦᬶ᭞ᬥᬯᬸᬳᬶᬦ᭄ᬫᬓ᭄ᬚᬂ᭞ᬩᬦᬾᬦᬮᬓᬃᬳᬋᬧᬂ᭞ᬲᬵᬫ᭄ᬧᬸᬦᬺᬓᬾᬤᬢᬸᬓ᭄ᬩᬸᬲᬶᬂ᭞ᬫᬗᬸᬢᬸᬲ᭄ᬮᬗ᭄ᬮᬂ᭞ᬫᬗ᭄ᬤᬫᬶᬦ᭄ᬢᬃᬤᬶᬕ᭄ᬮᬶᬲ᭄᭟ᬲᬂᬓ᭄ᬱᬾᬗᬦ᭄ᬲᬵᬫ᭄ᬧᬸ
ᬦ᭄ᬭᬯᬸᬄᬭᬷᬩᬜ᭄ᬘᬶᬗᬄ᭞ᬫᬫ᭄ᬤᭂᬓ᭄ᬱ᭄ᬳ᭄ᬭᬶᬪᬹᬧᬢᬶ᭞ᬓᬳᬶᬘ᭄ᬙᬾᬦ᭄ᬯᬘᬦ᭞ᬯᬶᬮᬰᬾᬦ᭄ᬢᬸᬤᬳᬶᬭ᭞ᬩᬢᭂᬓᬂᬇᬥᬾᬧᬾᬚᬦᬶ᭞ᬳᬚᬓ᭄ᬫᬓ᭄ᬚᬂ᭞ᬦᬗ᭄ᬓᭂᬧᬶᬦ᭄ᬩᬜ᭄ᬚᬃ᭟ᬳᬧᬂᬲᬶᬤ᭄ᬥᬜᬕ᭄ᬮᬾᬤᭀᬄᬢᬦ᭄ᬧᬕᬦ᭄ᬢᬸᬮᬦ᭄᭞ᬲᬂᬦᬗ᭄ᬓᬶᬮ᭄ᬲᬳᬸᬃ [ 55 ][᭕᭔ 54B]
᭕᭔
ᬧᬓ᭄ᬱᬶ᭞ᬳᬶᬗ᭄ᬕᬶᬄᬲᬸᬲᬸᬳᬸᬦᬦ᭄᭞ᬲᬵᬫ᭄ᬧᬸᬦ᭄ᬫᬮᬶᬄᬫᬦᬸᬚᬗᬂ᭞ᬫᬲᬤᬾᬯᬾᬓ᭄ᬧᬢᬶᬓ᭄ᬳᬚᬶ᭞ᬫᬶᬗ᭄ᬤᭀᬄᬢᬦ᭄ᬲᬶᬤ᭄ᬥ᭞ᬓᬤᬶᬳᬃᬱᬦ᭄‌ᬦᬺᬧᬢᬶ᭟ᬗ᭄ᬚᭂᬃᬗ᭄ᬚᭂᬃᬯᬾᬦ᭄ᬢᭂᬦ᭄ᬗᭀᬓᭀᬓ᭄ᬦᬶᬕ᭄ᬢᬶᬕ᭄ᬢᬗ᭄ᬓᬄ᭞ᬜᬥ᭄ᬬᬗ᭄ᬢᭀᬳᬂᬉᬭᬶᬧ᭄᭞ᬕᬃᬚ᭄ᬚᬶᬢᬲᬂ
ᬦᬵᬣ᭄᭞ᬦᬸᬮᬶᬫᬤᬤᬃᬤᬤᬃ᭞ᬯᬵᬲ᭄ᬢ᭄ᬭᬓᬫ᭄ᬧᬄᬤᬲ᭄ᬢᬃᬧᬸᬢᬶᬄ᭞ᬭᬱᬲᬸᬭᬱ᭄᭞ᬲᬮ᭄ᬯᬶᬭᬶᬂᬢᬥᬄᬪᬸᬓ᭄ᬢᬶ᭟ᬓᬸᬤᬂᬤᬶᬦᬲᬯᬸᬲᬦ᭄ᬫᬕᭂᬦ᭄ᬤᬸᬭᬱ᭞ᬩᬜ᭄ᬚᬃᬲᬭᬶᬓᬵᬗ᭄ᬓᬢᬶᬦ᭄᭞ᬲᬶᬓᭂᬧ᭄ᬰᬾᬮᬧᬭᬂ᭞ᬲᬵᬫ᭄ᬧᬸᬦ᭄ᬗᭂᬧᬄᬳᭀᬭᭀᬗᬦ᭄᭞ᬭ
ᬱᬫᬸᬩᬸᬭᬂᬧ᭄ᬭᬣᬶᬯᬶ᭞ᬕᬺᬕᬶᬂᬩᬮ᭞ᬕᭀᬂᬓᭂᬦ᭄ᬤᬂᬗᬕᬶᬮᬓ᭄᭟ᬉᬫᬸᬂᬲᬹᬃᬬ᭄ᬬᬓ᭄ᬩᬮᬫᬦ᭄ᬢ᭄ᬭᬶᬫᬕᬕᬶᬭᬲ᭄᭞ᬓᭀᬘᬳᭀᬭᬶᬂᬩᬜ᭄ᬚᬃ᭞ᬲᬵᬫ᭄ᬧᬸᬦ᭄ᬫᬬᬢ᭄ᬦᬬᬦ᭄᭞ᬲᬳᬫᬢᬓᬸᬕ᭄ᬮᬃ᭞ᬓᭀᬘᬧ᭄ᬢᭂᬩᭂᬗᬦ᭄ᬧᭀᬄᬚᭂᬗ᭄ᬕᬶ᭞ᬭᬯᬸᬄᬭ
ᬦ᭄ᬢᬩᬦ᭄᭞ᬗᬶᬮᭀᬦᬶᬦ᭄ᬩᬜ᭄ᬚᬃᬲᬭᬶ᭟ᬯᬸᬲ᭄ᬫᬢᬗ᭄ᬓᭂᬧ᭄ᬬᬸᬤ᭄ᬥᬦᬾᬭᬫᭂᬲ᭄ᬫᬤᬾᬕ᭄ᬤᬕ᭄᭞ᬲᬵᬫ᭄ᬧᬸᬦ᭄ᬗᭂᬧ᭄ᬮᬸᬕᬂᬩ᭄ᬤᬶᬮ᭄᭞ᬫᬶᬫᬶᬲ᭄ᬓᬤᬶᬳᬸᬚᬦ᭄‌᭞ᬲᬮᬶᬂᬢᬸᬫ᭄ᬩᬓ᭄ᬓᬢᬸᬫ᭄ᬩᬓ᭄᭞ᬲᬫᬶᬫᬗ᭄ᬲᭂᬄᬫᬧᬕ᭄ᬚᬸᬭᬶᬢ᭄᭞ᬘᬶᬦ᭄ᬤᬺᬓᬘᬶᬤᬺ᭞ᬢᬦ᭄ᬧᬾ
[᭕᭕ 55A]
ᬗᬦ᭄ᬧᬥᭂᬫ᭄ᬓᬦᬶᬦ᭄᭟ᬓᬪᬶᬦᬯᬬᬸᬤ᭄ᬥᬦᬾᬢ᭄ᬭ᭄‌ᬚ᭄ᬚᬓ᭄ᬓᬢᭂᬃᬚ᭄ᬚᬓ᭄᭞ᬫᬭᬸᬓᭂᬢ᭄ᬲᬮᬶᬂᬧᬦ᭄ᬢᬶᬂ᭞ᬳᬦ᭄ᬤᬸᬲ᭄ᬫᬮᬶᬕᭂᬤᬦ᭄᭞ᬩᬸᬓ᭄ᬫᬲ᭄ᬧᬸᬓ᭄ᬮᬶᬫᬸᬦᬦ᭄᭞ᬓᬤᬶᬫᬲᬕᬭᬕ᭄ᬢᬶᬄ᭞ᬫᬕᬸᬦᬸᬂᬰᬯ᭞ᬫᬵᬤᬸᬓᬦ᭄ᬩᬮᬫᬦ᭄ᬢ᭄ᬭᬶ᭟ᬢᬦ᭄ᬤᬂᬲᭀᬃ
ᬲᬶᬓᭂᬧ᭄ᬰᬾᬮᬧᬭᬂᬫᬾᬗᬲ᭄᭞ᬲᬺᬗᭂᬦ᭄ᬮᬸᬭᬄᬩᬭᬶᬗᬶᬦ᭄᭞ᬗᬫᬸᬓᬂᬫᬢᬗ᭄ᬕᬮ᭄᭞ᬲᬳᬲᬗᬸᬬᭂᬂᬧ᭄ᬤᬂ᭞ᬯᬳᬸᬫᬚᭀᬢ᭄‌ᬓ᭄ᬦᬶᬩ᭄ᬤᬶᬮ᭄᭞ᬲᬓ᭄ᬱᬡᬋᬩᬄ᭞ᬳᭀᬕᬦ᭄ᬲᬾᬤ᭄ᬥᬗᬸᬮᬶᬦ᭄ᬢᬶᬓ᭄᭟ᬫᬗ᭄ᬲᭂᬄᬯᬶᬭᬂᬤ᭄ᬫᬸᬂᬓᭀᬦ᭄ᬢᬮᬫ
ᬗ᭄ᬕᬮ᭞ᬲᬳᬲᬗᬸᬩᬢᬩᬶᬢ᭄᭞ᬓᬤᬶᬕᬚᬄᬭᭀᬱ᭞ᬗᬤᬶᬫ᭄ᬧᬸᬂᬩᬩᬃᬦᭂᬃᬚ᭄ᬚᬓ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬲᭂᬗᬶᬢ᭄᭞ᬜᬕ᭄ᬚᬕ᭄ᬫᬢᬗ᭄ᬕᬮ᭄᭞ᬦᭀᬮᬾᬓ᭄ᬱᬶᬓᭂᬧ᭄ᬲᬵᬄᬚᭂᬗ᭄ᬕᬶ᭟ᬘᬋᬫ᭄ᬦᭂᬃᬚ᭄ᬚᬓ᭄‌ᬤ᭄ᬫᬸᬂᬓᭀᬦ᭄ᬢᬮ᭞ᬓ
ᬢᬸᬫ᭄ᬩᬓ᭄ᬓᬓᭂᬫ᭄ᬩᬭᬶᬦ᭄᭞ᬓᬦᬶᬦᬾᬗᬭᬜ᭄ᬚᬂ᭞ᬮ᭄ᬯᬶᬃᬫᬲᬶᬭᬫ᭄ᬳᬦ᭄ᬢᬸᬓ᭄ᬭᬄ᭞ᬜᬮᬾᬫ᭄ᬧᭀᬄᬲᬾᬤ᭄ᬥᬗ᭄ᬫᬲᬶᬦ᭄᭞ᬋᬫᬺᬫ᭄ᬳ᭄ᬬᬂᬲᬹᬃᬬ᭄ᬬ᭞ᬫᬧ᭄ᬭᬪᬵᬯᬭᬶᬗ᭄ᬮᬗᬶᬢ᭄᭟ᬓᬸᬯᬸᬂᬓᬸᬯᬸᬂᬢᬾᬚᬗᬤᭂᬕ᭄‌ᬫ᭄ᬯᬂᬧ᭄ᬭᬶᬂᬫᬃᬕ᭄ᬕ᭞ᬤᬸᬮᬸᬭᬶᬦ᭄ᬲᬩᭂᬄ [ 56 ][᭕᭕ 55B]
᭕᭕
ᬭᬶᬭᬶᬲ᭄᭞ᬗᬚᬭᬂᬲᬂᬲᬾᬤ᭄ᬥ᭞ᬯᬸᬲ᭄ᬦᬸᬗ᭄ᬓᬧ᭄ᬲ᭄ᬯᬃᬕ᭄ᬕᬮᭀᬓ᭞ᬲᬂᬧᬸᬭᬸᬱᬫᬢ᭄ᬬᬾᬂᬚᬸᬭᬶᬢ᭄᭞ᬗᬭᬡᬬ᭞ᬚ᭄ᬜ᭞ᬧᬺᬪᬵᬯᬦᬾᬗᬗᭀᬩᬶᬦ᭄᭟ᬫᬕᬸᬮᬸᬗᬦ᭄ᬮᬶᬮᬶᬄᬲᬶᬓᭂᬧ᭄ᬰᬾᬮᬧᬭᬂ᭞ᬓᬤᬶᬳᭂᬫ᭄ᬧᭂᬮᬦ᭄ᬳᭂᬫ᭄ᬩᬶᬤ᭄᭞ᬮᬸᬮᬸ
ᬲ᭄ᬢᭀᬫ᭄ᬧᭂᬮᭀᬓ᭄ᬳᭂᬫ᭄ᬩᬄ᭞ᬳᬦ᭄ᬢᬸᬓ᭄ᬓᬵᬕᭂᬗᬦ᭄ᬢᭀᬬ᭞ᬩᬦ᭄ᬢᬂᬢᬓᬸᬫᬍᬓ᭄ᬢᬶᬓ᭄᭞ᬳᬜᬸᬤ᭄ᬦᭂᬩᬾᬦᬂ᭞ᬲᬧᬸᬦᬶᬓᬉᬧᬫᬶ᭟ᬗᬸᬭᬂᬫᬸᬭᬂᬢᬦ᭄ᬓᬾᬗᬶᬦ᭄ᬫᬮᬶᬄᬳᬦ᭄ᬤᭂᬕᬂ᭞ᬧᬩᬼᬲᬢ᭄ᬲᬫ᭄ᬩᭂᬄᬮᬶᬮᬶᬄ᭞ᬢᬦ᭄ᬧᬦᭀᬮᬶᬄᬉᬦ᭄ᬢᭂᬢ᭄᭞
ᬫᬓᬓᭂᬩ᭄ᬜᭂᬓ᭄ᬚᭂᬓ᭄ᬢᬶᬫ᭄ᬧᬮ᭄᭞ᬩᬸᬦ᭄ᬢᭂᬃᬫᬮᬳᬶᬩ᭄ᬫᬸᬤᬶᬤᬶᬂ᭞ᬗ᭄ᬘᬕᬂᬢᬸᬫ᭄ᬩᬓ᭄᭞ᬦᭀᬕ᭄ᬢᭀᬕᬂᬳᭀᬩᬢ᭄ᬩᭂᬤᬶᬮ᭄᭟ᬦᬸᬗ᭄ᬕᬸᬮ᭄ᬩᬬᬫᬓᬤᬶᬧᬢᬺᬯᬵᬥᬦᬃ᭞ᬓᬮᬶᬄᬭᬵᬤᬾᬦ᭄ᬤᬶᬧᬢᬶ᭞ᬢᬦ᭄ᬧᬸᬭᬸᬦ᭄ᬫᬢᬗ᭄ᬕᬮ᭄᭞ᬤᬾᬦᬶᬂᬲᬶᬓᭂ
ᬧᬾᬩᬸᬗ᭄ᬓᬄ᭞ᬫᬓᬶᬍᬲᬦ᭄ᬗᬸᬗ᭄ᬲᬶᬳᬩᬶᬂ᭞ᬲᬕᬾᬢ᭄ᬦᬸᬗ᭄ᬓᬬᬓ᭄᭞ᬩᬄᬩᬗᬸᬦ᭄ᬢᭀᬫ᭄ᬧᭂᬮᭀᬓ᭄ᬮᬶᬮᬶᬄ᭟ᬩᬩᬓ᭄ᬩᭂᬮᬸᬃᬓ᭄ᬱᬄᬓ᭄ᬱᭀᬄᬗ᭄ᬭᬕᬲ᭄ᬢᬸᬓᬤ᭄᭞ᬢᬦ᭄ᬗᬾᬧᬸᬢᬂᬓᬾᬢ᭄ᬓᬾᬢ᭄‌ᬤ᭄ᬯᬶ᭞ᬤ᭄ᬓᬄᬲ᭄ᬗᬮ᭄‌ᬲ᭄ᬗᬮ᭄᭞ᬳᬚ᭄ᬭᬶᬄᬬᬦ᭄ᬓ
[᭕᭖ 56A]
ᬢᬸᬢᬸᬕᬦ᭄᭞ᬬᬦ᭄ᬢᬓᭀᬘᬧ᭄ᬤᬢᬸᬓ᭄ᬩᬸᬲᬶᬂ᭞ᬚ᭄ᬭᬶᬄᬫᬲᬋᬗᬦ᭄᭞ᬭᬵᬤᬾᬦ᭄ᬳᬃᬬ᭄ᬬᬧᬭᬶᬕᬶ᭟ᬓᭂᬢᬸᬢ᭄ᬩᬸᬭᬶᬳᬦ᭄ᬢᬸᬓ᭄ᬱᬶᬓᭂᬧ᭄ᬩᬜ᭄ᬚᬃ᭞ᬓᬯᬸᬓ᭄ᬗᬸᬩᭂᬭᬶᬦ᭄᭞ᬲᬶᬓᭂᬧ᭄ᬰᬾᬮᬧᬭᬂ᭞ᬜᬸᬫᬶᬗ᭄ᬓᬶᬦᬂᬗᬤᬫ᭄ᬧ᭄ᬮᬂ᭞ᬲᬶᬓᬸ
ᬢ᭄ᬓᬸᬧᬶᬂᬩᬩᬃᬩᬶᬦ᭄ᬢᬶᬢ᭄᭞ᬗᬸᬢᬂᬢᬓᬶᬮᬦ᭄᭞ᬗᭀᬭᭀᬲ᭄ᬢᭂᬤᬸᬂᬧᬗ᭄ᬳᬯᬶᬦ᭄᭟ᬲᬵᬫ᭄ᬧᬸᬦ᭄ᬩᬸᬦ᭄ᬢᬲ᭄ᬮᬶᬮᬶᬄᬲᬶᬓᭂᬧ᭄ᬰᬾᬮᬧᬭᬂ᭞ᬧᭂᬦ᭄ᬤᭂᬳᬦ᭄ᬩᬜ᭄ᬚᬃᬲᬭᬶ᭞ᬫᬮᬶᬄᬫᬓᬶᬍᬲᬦ᭄᭞ᬢᬦ᭄ᬧᬸᬭᬸᬦ᭄ᬗᭂᬮᬚᭀᬓᬂ᭞ᬗᬸᬩᭂᬃᬭᬯᬸᬄᬓ
ᬦᬵᬕᬭᬶ᭞ᬤᬾᬦᬶᬂᬓᬾᬜ᭄ᬘᬶᬢᬦ᭄᭞ᬢᬗᬃᬭᬶᬂᬓᬢᬾᬫ᭄ᬧᭀᬗᬶᬦ᭄᭟ᬓᬘᬭᬶᬢᬦᬾᬫᬗ᭄ᬓᬶᬦ᭄ᬭᬶᬂᬰᬾᬰᬮᬧᬭᬂ᭞ᬫᬸᬂᬫᬸᬂᬭᬶᬂᬳᬜ᭄ᬘᬓ᭄ᬱᬚᬶ᭞ᬲᬂᬧ᭄ᬭᬪᬸᬲᬸᬗ᭄ᬓᬯ᭞ᬓᬤᬶᬓᬢᬸᬫ᭄ᬩᬓ᭄‌ᬮ᭄ᬧᬲ᭄᭞ᬢᬗ᭄ᬓᭂᬚᬸᬢ᭄ᬫᬶᬋᬗᬂ
ᬳᭀᬃᬢ᭄ᬣᬶ᭞ᬓᭀᬘᬧ᭄ᬓᬾᬲᬶᬲᬦ᭄᭞ᬲᭂᬓᭂᬧ᭄ᬰᬾᬮᬧᬭᬂᬚ᭄ᬭᬶᬄ᭟ᬫᬧᬗ᭄ᬲᭂᬕᬦ᭄ᬲᬂᬧ᭄ᬭᬪᬸᬳᭀᬲᭂᬓᬶᬂᬘᬶᬢ᭞ᬜᭂᬮ᭄ᬲᭂᬮ᭄ᬭᬕᬢᬦ᭄ᬫᬭᬶ᭞ᬭᬾᬄᬲᬵᬫ᭄ᬧᬸᬦ᭄ᬭᬶᬂᬢᬶᬕ᭞ᬓᬧᬶᬚᬶᬕ᭄ᬗᭂᬦ᭄ᬤᭀᬦ᭄ᬬᬸᬤ᭄ᬥ᭞ᬗᬍᬩᭀᬦᬶᬦ᭄ᬩᬜ᭄ᬚᬃ [ 57 ][᭕᭖ 56B]
᭕᭖
ᬲᬭᬶ᭞ᬤᬸᬭᬸᬂᬧ᭄ᬭᬲᬶᬤ᭄ᬥ᭞ᬗᬬᬸᬄᬰᬢ᭄ᬭᬸᬦ᭄‌ᬰ᭄ᬭ᭄ᬬᬵᬚᬶ᭟ᬚᬦ᭄ᬢᭀᬲ᭄ᬦᭂᬫ᭄ᬦᭂᬫ᭄ᬩᬳᬸᬥᬡ᭄ᬥᬓᬩᬜ᭄ᬘᬭᬦ᭄᭞ᬢᬍᬃᬢᬦ᭄ᬲᬶᬤ᭄ᬥᬪᬰ᭄ᬫᬶ᭞ᬗ᭄ᬩᬸᬕ᭄ᬩᬜ᭄ᬚᬃᬲ᭄ᬓᬃ᭞ᬓᬦ᭄ᬢᬸᬦ᭄ᬓᬸᬓᬸᬄᬫᬢᬗ᭄ᬕᬮ᭄᭞ᬓᬾᬫ᭄ᬗᬦ᭄ᬳᬶᬤᬰ᭄ᬭ᭄ᬬᬚᬶ᭞ᬲ᭄ᬤᭂᬓ᭄ᬦᬲ᭄ᬢᬧ᭞ᬫᬘ᭄ᬮᬶ
ᬕ᭄ᬤᬢᬸᬓ᭄ᬩᬸᬲᬶᬂ᭟ᬭᬯᬸᬄᬦᬗ᭄ᬓᬶᬮ᭄ᬫᬫ᭄ᬤᭂᬓ᭄ᬳᬶᬤᬲᬂᬦᬵᬣ᭞ᬲᬋᬂᬭᬵᬤᬾᬦ᭄ᬤᬶᬧᬢᬶ᭞ᬓᬮᬶᬄᬦᬸᬗ᭄ᬕᬸᬮ᭄ᬪᬬ᭞ᬢᬦ᭄ᬲᬄᬧᬢᬺᬯᬵᬥᬦ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬦᬸᬦᬲ᭄ᬳᬫ᭄ᬧᬸᬭ᭞ᬭᬾᬄᬭᬯᬸᬄᬓᬦ᭄ᬢᬸᬦ᭄ᬳᬸᬭᬶᬧ᭄᭟᭚᭐᭚ᬧᬸ
ᬧᬸᬄᬕᬶᬦᬤ᭚᭐᭚ᬲᬂᬧ᭄ᬭᬪᬸᬓᬤᬶᬧ᭄ᬭᬢᬶᬫ᭞ᬲ᭄ᬯᬪᬵᬯᬦᬾᬩᬭᬩ᭄ᬩᬶᬳᬶᬂ᭞ᬫ᭄ᬦᭂᬂᬢᬦ᭄ᬓᬳ᭄ᬬᬸᬦ᭄ᬗᬦ᭄ᬤᬶᬓ᭞ᬓᬏᬭᬗᬦ᭄ᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬲ᭄ᬤᭂᬓ᭄ᬳᬶᬤᬦᬦᭂᬂᬩ᭄ᬗᭀᬂ᭞ᬤᬢᬸᬓ᭄ᬩᬸᬲᬶᬂ᭞ᬫᭂᬧᭂᬲ᭄ᬫᬵᬢᬹᬃᬫᬢᬗᬦᬦ᭄᭟ᬥᬹᬄᬧᬸᬓᬸᬮᬸᬦ᭄ᬰ᭄ᬭᬷ
ᬦᬭᬾᬦ᭄ᬤ᭄ᬭ᭞ᬤᬕᬶᬂᬢᬶᬢ᭄ᬬᬂᬫᬵᬢᬹᬃᬲᬶᬲᬶᬧ᭄᭞ᬲ᭄ᬯᬾᬘ᭄ᬙᬗᬶᬘ᭄ᬙᬾᬦ᭄ᬧᬗᬦ᭄ᬧᬸᬭ᭞ᬳᬦ᭄ᬢᬸᬓ᭄ᬕᭂᬢᬧᬾᬓᬮᬗ᭄ᬓᬸᬂ᭞ᬜᬥ᭄ᬬᬦᬸᬦᬲ᭄ᬧᬧᭀᬗᭀᬭᬦ᭄᭞ᬳᭀᬭᬢ᭄ᬧᬢᬶ᭞ᬲᬭᬮᬾᬤᬂᬧᬓᬳ᭄ᬬᬸᬦᬦ᭄᭟ᬜᬶᬤᬶᬧᬂᬗᬭᬚ
[᭕᭗ 57A]
ᬪ᭄ᬬ᭞ᬢᬶᬢ᭄ᬬᬂᬗᬶᬭᬶᬂᬲᬋᬂᬲᬫᬶ᭞ᬨᬮᬦ᭄ᬲᬶᬗ᭄ᬲᬮ᭄ᬗᭂᬩᬸᬓ᭄ᬘᭀᬓᭀᬃ᭞ᬬᬤ᭄ᬬᬲ᭄ᬢᬸᬦ᭄ᬧᬘᬂᬓᬢᬸᬦ᭄ᬤᬸᬂ᭞ᬓᬕ᭄ᬤᭀᬲ᭄ᬧ᭄ᬬᬦᬓ᭄ᬮᬦ᭄ᬲᭀᬫᬄ᭞ᬓ᭄ᬭᬶᬓ᭄ᬢᬶᬗ᭄ᬓᬶᬄ᭞ᬬᭀᬕ᭄ᬬᬢᬶᬢ᭄ᬬᬂᬓᬭᬦ᭄ᬤᬳᬦ᭄᭟ᬲᬯᬶᬭᬾᬄᬲᬵᬫ᭄ᬧᬸᬦ᭄ᬫᬘᬶᬳ᭄ᬦ᭞
ᬫᬫᬜ᭄ᬚᬓ᭄ᬭᬸᬧᬢᬦ᭄ᬪᬓ᭄ᬢᬶ᭞ᬓᬦ᭄ᬢᬸᬦ᭄ᬗᬗᭂᬦ᭄ᬧ᭄ᬬᬦᬓ᭄ᬱᬶᬫᬄ᭞ᬤᬸᬭᬸᬂᬩᬾᬭᬾᬤ᭄ᬩᭀᬗ᭄ᬮᭀᬢ᭄ᬭᬭᬸᬤ᭄᭞ᬳᬚ᭄ᬭᬶᬄᬧᬥᭂᬫ᭄ᬗᬤᬸᬧᭀᬗᬄ᭞ᬗᬗᭂᬦ᭄ᬳᬸᬭᬶᬧ᭄᭞ᬩᭀᬬᬲᭀᬢᬦᬶᬂᬧᬺᬯᬶᬭ᭟ᬓᬬᭀᬕ᭄ᬬᬧᬢᬷᬢᬯᬗ᭄ᬰ᭞ᬳ
ᬕᬸᬂᬤᭀᬱᬓᬸᬭᬂᬧᬢᬶ᭞ᬫᬸᬭᬸᬤ᭄ᬲᬓᬾᬂᬭᬡᬗ᭄ᬕᬡ᭞ᬓᬧᭂᬜ᭄ᬘᭀᬓ᭄ᬦᬗ᭄ᬓᭂᬧᬶᬦ᭄ᬰᬢ᭄ᬭᬸ᭞ᬫᬾᬲᭂᬫ᭄ᬧᬂᬧ᭄ᬭᬪᬸᬗᬦ᭄ᬤᬶᬓ᭞ᬧᬫᬦ᭄ᬧᬢᬶᬄ᭞ᬳᬭᬄᬢᭀᬂᬜᬦ᭄ᬤᬂᬮᬦ᭄ᬢᬗᬂ᭟ᬳᬶᬭᬢ᭄ᬯᬭᬫᬦ᭄ᬤ᭄ᬭᬸᬳᬂ᭞ᬚ᭄ᬦᭂᬂᬲᬓᬾᬂᬫᬸᬮ
ᬕᬦ᭄ᬢᬶ᭞ᬮᬓᬃᬦ᭄ᬧᬸᬓᬶᬦ᭄ᬲᬗ᭄ᬓᬵᬮ᭞ᬤᬸᬄᬢᬚ᭄ᬗᬄᬲᬢᬸᬧᬸᬓ᭄᭞ᬦᬵᬗ᭄ᬳᬶᬂᬓᬾᬦ᭄ᬓᬾᬦᬂᬫᬤᬬ᭞ᬩᬸᬓᬚᬦᬶ᭞ᬫᬸᬲᬸᬳᬾᬲᬬᬦ᭄ᬗᬮᬓᬂ᭟ᬦᬸᬗ᭄ᬕᬸᬮ᭄ᬩᬬᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬳᬫ᭄ᬧᬸᬭᬰ᭄ᬭᬷᬪᬹᬧᬢᬶ᭞ᬬᬦ᭄ᬓ [ 58 ][᭕᭗ 57B]
᭕᭗
ᬫᬦᬄᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬧᬜ᭄ᬚᬓᬾᬢᬦ᭄ᬕᬶᬮᬶᬓ᭄ᬓᬦ᭄ᬢᬸᬦ᭄᭞ᬪᬓ᭄ᬢᬶᬭᬶᬂᬘᭀᬓᭀᬃᬳᭀᬤᬾᬯ᭞ᬓᬾᬄᬓᬧᬗ᭄ᬕᬶᬄ᭞ᬫᬶᬮᭀᬦᬦ᭄ᬓᬩᬜ᭄ᬚᬃᬲ᭄ᬓᬃ᭟ᬤ᭄ᬯᬦᬶᬂᬜᬶᬤ᭄ᬥᬬᬂᬫᬢᬗ᭄ᬕᬮ᭄᭞ᬫᭂᬲᭂᬳᬾᬭᬶᬂᬩᬜ᭄ᬚᬃᬲᬭᬶ᭞ᬤᬾᬦᬶᬂᬧᭀᬮᬶᬄᬓ
ᬦ᭄ᬢᬶᬳᬗ᭄ᬓᭀᬢ᭄᭞ᬕᬸᬫᬦᬭᬯᬸᬄᬫᬢᬸᬮᬸᬂ᭞ᬧᬢᬺᬯᬵᬥᬦᬗᬸᬓᬸᬳᬂ᭞ᬫᬢᬩᭂᬳᬶᬦ᭄᭞ᬓᬤᬶᬳᬢᬹᬃᬦᬸᬗ᭄ᬕᬸᬮ᭄ᬩᬬ᭟ᬩᭀᬬᬲᬓᬾᬂᬢᬜ᭄ᬚᬸᬂᬩᬬᬦ᭄᭞ᬲᬦᬾᬕᬸᬫᬦ᭄ᬢᬶᬗᭀᬩᭂᬢᬶᬦ᭄᭞ᬲᬶᬓᭂᬧ᭄ᬧᭀᬄᬚᭂᬗ᭄ᬕᬶᬭᬦ᭄ᬢᬩ
ᬦ᭄᭞ᬓᬩᬜ᭄ᬚᬃᬲᬭᬶᬫᬢᬸᬮᬸᬂ᭞ᬓᬕ᭄ᬬᬢ᭄ᬲᬂᬧ᭄ᬭᬪᬸᬫᬶᬳᬃᬱ᭞ᬤᭀᬂᬧᭀᬄᬚᭂᬗ᭄ᬕᬶ᭞ᬫᬶᬮᬸᬫᬲᬶᬄᬫᬧᬶᬮᭀᬦᬦ᭄᭟ᬢ᭄ᬯᬭᬓᬓ᭄ᬦᭂᬄᬩᬦ᭄ᬳᬶᬭ᭞ᬤ᭄ᬫᭂᬦ᭄ᬗᬶᬮᭀᬦᬶᬦ᭄ᬯᭀᬂᬩᬵᬮᬶ᭞ᬦᬕᬶᬄᬫᬸᬘᬄᬰᬾᬮᬧᬭᬂ᭞ᬢᬦ᭄ᬳᬲᬶᬦ᭄ᬫ
ᬕᬢᬶᬰᬢ᭄ᬭᬸ᭞ᬭᬵᬤᬾᬦ᭄ᬤᬶᬧᬢᬶᬦ᭄ᬤᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄᭞ᬧᬸᬭᬸᬦ᭄ᬜᬮᬕ᭄ᬗᬸᬧᬫᬶᬬᬂ᭟ᬰᬢ᭄ᬭᬸᬦᬾᬭᬸᬫᬲᬢ᭄ᬓᬸᬲ᭄ᬢ᭞ᬮᬾᬧ᭄ᬮᬾᬧ᭄ᬫᬭᬾᬕ᭄ᬭᬾᬕᬦ᭄ᬕᭂᬦᬶᬢ᭄᭞ᬲᬬᬦ᭄ᬲᬬᬦ᭄ᬗᬮᬶᬗ᭄ᬕᬳᬂ᭞ᬬᬦ᭄ᬕᬲ᭄ᬕᬲ᭄ᬜᬋᬫ᭄ᬫᬫ᭄ᬭᬸᬂ᭞ᬲᬧᬸᬦᬶ
[᭕᭘ 58A]
ᬓᬥᬸᬄᬲᬂᬦᬵᬣ᭞ᬬᬦ᭄‌ᬫ᭄ᬦᭂᬗᬶᬦ᭄᭞ᬰᬢ᭄ᬭᬸᬦᬾᬲᬬᬦ᭄ᬗᬮᬓᬂ᭟ᬲᬫᬮᬶᬄᬲᬬᬦ᭄ᬗᬓᬾᬳᬂ᭟ᬫᬧᬶᬮᭀᬦ᭄ᬓᬩᬜ᭄ᬚᬃᬲᬭᬶ᭞ᬳᬶᬭᬶᬓᬶᬫᬳᬂᬢᬶᬢ᭄ᬬᬂ᭞ᬫᬾᬄᬯᬾᬦ᭄ᬢᭂᬦ᭄ᬫᬕᬢᬶᬰᬢ᭄ᬭᬸ᭞ᬫᬧᬶᬦ᭄ᬤᬫᬓᬸᬫᬄᬭᬵᬯᬂ᭞
ᬲᬾᬍᬩ᭄ᬲᬶᬮᬶᬩ᭄᭞ᬲᬢ᭄ᬫᬓᬗᬸᬩᬸᬳᬶᬦ᭄ᬢᬸᬫ᭟ᬓᬕ᭄ᬬᬢ᭄ᬲᬂᬦᬵᬣᬭᬸᬫ᭄ᬗᭂ᭞ᬧᬗᬸᬦᬶᬂᬭᬵᬤᬾᬦ᭄ᬤᬶᬧᬢᬶ᭞ᬲᬓᬾᬂᬲᬶᬮᬶᬩ᭄ᬗᬯᬗ᭄ᬲᬶᬢᬂ᭞ᬲᬋᬂᬢᬢᬶᬕᬢᬦ᭄ᬭᬯᬸᬄ᭞ᬦᬗ᭄ᬓᬶᬮ᭄ᬭᬶᬂᬳᬶᬤᬲᬂᬦᬵᬣ᭞ᬢᬡ᭄ᬥᬫᬦ᭄ᬢ᭄ᬭᬶ᭞ᬳᬗ᭄ᬮᬸᬭᬄ
ᬭᬶᬂᬰᬾᬮᬧᬭᬂ᭟ᬲᬶᬗ᭄ᬳᬫᬺᬢᬳᬗ᭄ᬕᬭᬵᬓ᭄ᬱ᭞ᬫ᭄ᬯᬂᬭᬵᬤᬾᬦ᭄ᬳᬃᬬ᭄ᬬᬧᬭᬶᬕᬶ᭞ᬲᬦᬾᬢᬦ᭄ᬲᬋᬂᬲᬶᬦᬾᬪ᭞ᬜᬭᬸᬢ᭄ᬘᬸᬢ᭄ᬩᬸᬤᬮ᭄ᬗᬮᬶᬗ᭄ᬓᬸᬂ᭞ᬲᬗ᭄ᬲᬬᬳᬶᬤᬲᬂᬦᬵᬣ᭞ᬫᬶᬓᬳ᭄ᬬᬸᬦᬶᬦ᭄᭞ᬓᬧᬃᬡ᭄ᬦᬧᬘᬂᬳᬦ᭄ᬤᬕ᭟
ᬲᬂᬧ᭄ᬭᬪᬸᬥᬯᬸᬄᬯᬘᬦ᭞ᬫᬢᬓᬾᬦ᭄ᬭᬶᬂᬤᬢᬸᬓ᭄ᬩᬸᬲᬶᬂ᭞ᬥᬹᬄᬧᬫᬦ᭄ᬳᬧᬫᬓ᭄ᬭᬩ᭞ᬢ᭄ᬯᬭᬗᭂᬦᬄᬩᬸᬯᬶᬦ᭄ᬢᬢ᭄ᬮᬸ᭞ᬦᬾᬳᬚᬓ᭄ᬱᬪᬬᬵᬦ᭄ᬢᬓ᭞ᬓᬾᬦ᭄ᬓᬾᬦ᭄ᬫᬶᬭᬶᬩ᭄᭞ᬦᬄᬢ᭄ᬕᬭᬂᬲᬼᬳᬶᬦ᭄ᬧᬫᬦ᭄᭟ᬤᬢᬸᬓ᭄ᬩᬸ [ 59 ][᭕᭘ 58B]
᭕᭘
ᬲᬶᬂᬫᬵᬢᬹᬃᬦᬶᬫ᭄ᬩᬮ᭄᭞ᬥᬹᬄᬳᬫ᭄ᬧᬸᬭᬰ᭄ᬭᬷᬪᬸᬧᬢᬶ᭞ᬤᬸᬭᬸᬂᬢᬶᬢ᭄ᬬᬂᬧᬭᬶᬢᬢᬲ᭄᭞ᬭᬶᬂᬲᬸᬚᬢᬶᬦ᭄ᬫᬦᬄᬳᬶᬧᬸᬦ᭄᭞ᬫᬗ᭄ᬓᬶᬦ᭄ᬢᬶᬢ᭄ᬬᬂᬫᬮᬓ᭄ᬱᬡ᭞ᬫᬦᬓᬾᬦᬶᬦ᭄᭞ᬦᭂᬢᭂᬕ᭄ᬳᬶᬧᬸᬦ᭄ᬲᬋᬂᬢᬶᬕ᭟ᬬᬦ᭄ᬯᬦ᭄ᬢᬄᬧᬸᬭᬸᬦ᭄ᬧ᭄ᬭ
ᬲᬗ᭄ᬖ᭞ᬢᬦ᭄ᬓᬦ᭄ᬢᬸᬦ᭄ᬳᬶᬧᬸᬦ᭄ᬲᬸᬪᬓ᭄ᬢᬶ᭞ᬫᬫᬦᬄᬫᬮᬶᬓᬄᬚᬕᬢ᭄᭞ᬉᬭᬶᬧ᭄ᬳᬶᬧᬸᬦ᭄ᬢᬶᬢ᭄ᬬᬂᬫᬜ᭄ᬘᬸᬢ᭄᭞ᬲᬂᬧ᭄ᬭᬪᬸᬦᬶᬫ᭄ᬩᬮ᭄ᬗᬦ᭄ᬤᬶᬓ᭞ᬧᬫᬦ᭄ᬧᬢᬶᬄ᭞ᬤᭂᬧᬫᬦ᭄ᬫᬮᬸᬲᬭᭀᬱ᭟ᬫ᭄ᬮᬄᬢᬓᭀᬦᬶᬦ᭄ᬧᬢ᭄ᬮᬦ᭄᭞ᬳᬧᬂᬢ᭄ᬯ
ᬭᬓᬤᬸᬂᬩ᭄ᬮᬶᬢ᭄᭞ᬦᬵᬗ᭄ᬳᬶᬂᬧᬫᬦ᭄ᬳᬧᬂᬬᬢ᭄ᬦ᭞ᬲᭂᬗᭂᬄᬢ᭄ᬓᬾᬦ᭄ᬦᬾᬫᬫᬸᬲᬸᬄ᭞ᬢᬸᬃᬢ᭄ᬓᬾᬦ᭄ᬦᬾᬲᬚᬢᬺᬱ᭄ᬡ᭞ᬳᬧᬂᬧᬲ᭄ᬢᬶ᭞ᬜᬾᬗᭂᬳᬂᬫᬸᬲᬸᬄᬮᬦ᭄ᬭᭀᬯᬂ᭟ᬳᬧᬂᬤᬩᬸᬓᬲᬲᭀᬗ᭄ᬕᬦ᭄᭞ᬧᬗᬮᭀᬓ᭄ᬭᬵᬤᬾ
ᬦ᭄ᬤᬶᬧᬢᬶ᭞ᬭᬸᬫᬢ᭄ᬗᬸᬩᬸᬳᬶᬦ᭄ᬢᬸᬫ᭞ᬳᬶᬍᬄᬳᬶᬍᬄᬩᬓᬢ᭄ᬓᬤᬸᬢ᭄᭞ᬤᬢᬸᬓ᭄ᬩᬸᬲᬶᬂᬫᬮᬶᬄᬦᬶᬫ᭄ᬩᬮ᭄᭞ᬫᬵᬢᬹᬃᬲᬶᬲᬶᬧ᭄᭞ᬫᬶᬗᭀᬄᬢᬶᬢ᭄ᬬᬂᬢᬸᬦᬬᬢ᭄ᬦ᭟ᬦᬶᬃᬲ᭄ᬓᬵᬃᬬ᭄ᬬᬘᭀᬓᭀᬃᬳᬶᬤᬾᬯ᭞ᬗᬾᬫᬦ᭄ᬢᬶᬢ᭄ᬬᬂᬤ
[᭕᭙ 59A]
ᬤᭀᬲ᭄ᬧᬢᬶᬄ᭞ᬲᬗ᭄ᬓᬦᬶᬂᬢᬸᬦᬯᬶᬯᬾᬓ᭞ᬗᬯᬶᬦᬂᬚᬕᬢᬾᬭᬸᬕ᭄ᬭᬸᬕ᭄᭞ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬧᬫᬦ᭄ᬧᬢᬶᬄ᭞ᬦᬾᬚᬦᬶᬫᬲᬶᬄᬓ᭄ᬦᭂᬳᬂ᭟ᬦᬄᬓᬾᬦ᭄ᬓᬾᬦ᭄ᬩᬵᬦ᭄ᬫᬤᬬ᭞ᬤᬾᬦᬶᬂᬮ᭄ᬬᬸᬲᬸᬩᬫᬩᬮᬶᬓ᭄᭞ᬢ᭄ᬯᬭᬳ
ᬤᬦᬾᬳᬦ᭄ᬤᭂᬮᬂ᭞ᬭᬓ᭄ᬭ᭄ᬬᬦ᭄ᬧᬢᬶᬄᬫᬮᬶᬄᬫᬵᬢᬹᬃ᭞ᬬᬦ᭄ᬯᬦ᭄ᬢᬄᬧᬵᬢᬹᬢ᭄ᬓᬩᬯᭀᬲ᭄᭞ᬧᬶᬲᬦ᭄ᬫᬗ᭄ᬓᬶᬦ᭄᭞ᬩ᭄ᬘᬶᬓ᭄ᬗᬃᬱᬬᬂᬢᬸᬮᬸᬗᬦ᭄᭟ᬯᬮᬸᬬᬦᬦ᭄ᬤᭂᬲᬂᬭᬕ᭞ᬭᬶᬂᬰ᭄ᬭᬷᬲᬸᬮ᭄ᬢᬦ᭄ᬩᬜ᭄ᬚᬃᬫᬲᬶᬦ᭄᭞ᬤᬾᬦᬶᬂᬓᬦ᭄ᬢᬸᬦ᭄ᬫᬲᬫ᭄ᬢᭀ
ᬦ᭄᭞ᬩᭀᬬᬬᬜᬦ᭄ᬤᬂᬜᬮᬶᬢ᭄ᬓᬳ᭄ᬬᬸᬦ᭄᭞ᬲᬂᬧ᭄ᬭᬪᬸᬮᬾᬤᬂᬫᬶᬳᬃᬱ᭞ᬢᬸᬃᬫᬶᬲᬶᬗ᭄ᬕᬶᬄ᭞ᬳᬢᬹᬃᬲᬂᬫᬗ᭄ᬓᬸᬦᬵᬕᬭ᭟ᬦᬄᬚᬮᬜ᭄ᬚᬦᬶᬧᬶᬲᬭᬢ᭄᭞ᬳᬶᬩ᭄ᬮᬶᬤᬶᬩᬜ᭄ᬚᬃᬫᬲᬶᬦ᭄᭞ᬫᬲᬳᬶᬤᬢ᭄ᬯᬭᬲ᭄ᬯᬾᬘ᭄ᬙ᭞ᬫᬶᬘ᭄ᬙᬬᬂᬧᬘᬂᬫ
ᬢᬸᬮᬸᬂ᭞ᬕᬸᬫᬶᬦᬾᬚᬮᬦ᭄ᬳᬢᬹᬭᬂ᭞ᬭᬶᬂᬳᬶᬩ᭄ᬮᬶ᭞ᬲᬭᬳᬶᬤᬗᬯᬶᬯ᭄ᬦᬂ᭟ᬲᬋᬂᬲᬫᬶᬫᬫᬢᬹᬢᬂ᭞ᬓᬬᭀᬕ᭄ᬬᬭᬵᬤᬾᬦ᭄ᬤᬶᬧᬢᬶ᭞ᬤᬶᬳᬕᬾᬮᬸᬗ᭄ᬳᬫᬮᬬᬃ᭞ᬓᬩᬜ᭄ᬚᬃᬫᬲᬶᬦ᭄ᬗᬮᬸᬓᬸ᭞ᬲᬂᬓᬉᬢᬸᬲ᭄ᬦᭀᬭᬧᬜ᭄ᬚᬂ᭞ᬜ [ 60 ][᭕᭙ 59B]
᭕᭙
ᬥ᭄ᬬᬗᬶᬭᬶᬂ᭞ᬫᬧᬫᬶᬢ᭄ᬭᬭᬶᬲ᭄ᬫᬫᬃᬕ᭄ᬕ᭟ᬧᬯᬶᬮᬗᬦ᭄ᬲᬂᬗᬶᬭᬶᬗᬂ᭞ᬯᬵᬢᬭᬮᬶᬫᭀᬮᬲ᭄ᬤᬶᬭᬶ᭞ᬓᬾᬲᬄᬲᬓᬾᬂᬧᬲ᭄ᬯᬦ᭄ᬮᭀᬫ᭄ᬩᭀᬓ᭄᭞ᬫᬮᬬᬃᬫᬸᬗ᭄ᬕᬄᬭᬶᬂᬧ᭄ᬭᬳᬸ᭞ᬲᬵᬫ᭄ᬧᬸᬦ᭄ᬗᬭᬸᬗᬶᬦ᭄ᬲᬕᬭ᭞ᬲ᭄ᬬᬂᬭᬢ᭄ᬭᬶ᭞ᬯᬵᬢᬭᬧᬶᬢᬸᬂ
ᬭᬳᬶᬦ᭟ᬓᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬵᬧ᭄ᬢ᭞ᬫᬮᬩᬸᬄᬭᬶᬂᬩᬜ᭄ᬚᬃᬫᬲᬶᬦ᭄᭞ᬧ᭄ᬭᬳᬸᬦᬾᬲᬵᬫ᭄ᬧᬸᬦ᭄ᬫᬘᬂᬘᬂ᭞ᬲᬂᬧᬶᬦᬓᬤᬸᬢᬢ᭄ᬥᬸᬦ᭄᭞ᬫᬫᬃᬕ᭄ᬕᬗᬸᬗ᭄ᬲᬶᬩᬜ᭄ᬘᬶᬗᬄ᭞ᬩᬜ᭄ᬚᬃᬫᬲᬶᬦ᭄᭞ᬦᬗ᭄ᬓᬶᬮ᭄ᬭᬶᬂᬳᬶᬤᬰ᭄ᬭᬷᬲᬸᬮ᭄ᬢᬦ᭄᭟ᬭᬵᬤᬾ
ᬦ᭄ᬤᬶᬧᬢᬶᬗᬸᬤᬶᬗᬂ᭞ᬩᬩ᭄ᬯᬢᬦᬾᬭᬯᬸᬄᬦᬗ᭄ᬓᬶᬮ᭄᭞ᬯᬮᬸᬬᬦᬦ᭄ᬤᭂᬲᬂᬭᬕ᭞ᬧᬮᬸᬗ᭄ᬕᬸᬄᬳᬶᬤᬲᬂᬧ᭄ᬭᬪᬸ᭞ᬫᬲ᭄ᬪᬝᬵᬭᬰᬾᬮᬧᬭᬂ᭞ᬦᬸᬦᬲ᭄ᬓᬦ᭄ᬢᬶ᭞ᬤᬾᬦᬶᬂᬓᬵᬧᭂᬲᬦ᭄ᬫᬬᬸᬤ᭄ᬥ᭟ᬫᬵᬋᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬕ᭄ᬦᬄᬭᬶᬂᬩᬜ᭄ᬚᬃ
ᬲᬭᬶ᭞ᬢᬢᬲ᭄ᬲᬫᬶᬓᬉᬦᬶᬗᬬᬂ᭞ᬳᬶᬦ᭄ᬤᬶᬓᬾᬫᬕᬢᬶᬰᬢ᭄ᬭᬸ᭞ᬭᬵᬤᬾᬦ᭄ᬤᬶᬧᬢᬶᬦ᭄ᬤᬯᭂᬕᬂ᭞ᬫᬵᬢᬹᬃᬲᬶᬲᬶᬧ᭄᭞ᬲ᭄ᬯᬾᬘ᭄ᬙᬉᬕᬶᬗᬶᬘ᭄ᬙᬾᬦ᭄ᬰ᭄ᬭᬬ᭟ᬩ᭄ᬮᬶᬄᬚᬕᬢᬾᬭᬶᬂᬲᬲᬓ᭄᭞ᬓᬲᬾᬭᬾᬄᬳᬦ᭄ᬢᬸᬓ᭄ᬯᭀᬂᬩᬵᬮᬶ᭞ᬬᬦ᭄ᬰ᭄ᬭᬷᬲᬸᬮ᭄ᬢ
[᭖᭐ 60A]
ᬓ᭄ᬦᭀᬭᬲ᭄ᬯᬾᬘ᭄ᬙ᭞ᬳᬃᬱ᭞ᬫᬶᬘ᭄ᬙᬬᬂᬧᬳᬸᬮᬸᬂ᭞ᬓᬵᬗᭂᬦ᭄ᬰ᭄ᬭᬷᬲᬸᬮ᭄ᬢᬦ᭄ᬫᬶᬳᬃᬱ᭞ᬢᬸᬃᬗ᭄ᬲᬾᬗᬶᬦ᭄᭞ᬳᬦ᭄ᬤᭂᬮ᭄ᬳᬦ᭄ᬤᭂᬮ᭄ᬢᬩᭂᬂᬯᬶᬚᬂ᭟ᬧᬾᬮᭀᬫᬶᬯᬄᬲᬸᬤᬃᬩ᭄ᬪᬬ᭞ᬩᬩᭂᬦ᭄ᬢᭂᬂᬭᬶᬂᬩᬜ᭄ᬚᬃᬫᬲᬶᬦ᭄᭞ᬕᬸᬫᬦ᭄ᬢᬶᬢᭀᬢᭀᬲ᭄ᬧᬺᬯᬶᬭ᭞ᬲᬗ᭄ᬓᬮᬶᬄᬭ
ᬭᬶᬲ᭄ᬓᬉᬢᬸᬲ᭄᭞ᬫᬢᬸᬮᬸᬂᬓᬰᬾᬮᬧᬭᬂ᭞ᬗᭂᬦ᭄ᬤᭀᬜ᭄ᬚᬸᬭᬶᬢ᭄᭞ᬜᬾᬦᬧᬢᬶᬓᬦ᭄ᬤᬶᬓᬬᬂ᭟ᬲᬗ᭄ᬓᬮᬶᬄᬫᬧᬫᬶᬢ᭄ᬫᬗ᭄ᬓᬢ᭄᭞ᬜᬋᬗᬶᬦ᭄ᬭᬵᬤᬾᬦ᭄ᬤᬶᬧᬢᬶ᭞ᬲᬵᬫ᭄ᬧᬸᬦ᭄ᬗᬭᬸᬗᬶᬦ᭄ᬲᬕᬭ᭞ᬫᬳᬶᬭᬶᬗᬦ᭄ᬤᬰᬧ᭄ᬭᬳᬸ᭞ᬫᬮᬬᬃ
ᬗ᭄ᬮᭀᬤ᭄ᬓᬗᬶᬦᬂ᭞ᬫᬗᬲᬶᬃᬲᬶᬃ᭞ᬢᬸᬃᬲᬺᬕᭂᬧ᭄ᬫᬓ᭄ᬢᬲᬜ᭄ᬚᬢ᭟ᬢᬦ᭄ᬓᭀᬘᬧᬦ᭄ᬲᬂᬫᬮᬬᬃ᭞ᬓᬯᬃᬡ᭄ᬦᬭᬶᬂᬩᬜ᭄ᬚᬃᬲᬭᬶ᭞ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬯᬸᬲᬦ᭄ᬬᬸᬤ᭄ᬥᬦᬾᬲᬵᬫ᭄ᬧᬸᬦ᭄᭞ᬢᬦ᭄ᬫᬭᬶᬗᬸᬓᬸᬳᬶᬦ᭄ᬕᭂᬮᬃ᭞ᬢᬗᬃᬓᬭᬶ᭞ᬭᬶᬂᬧ
ᬦᬗ᭄ᬓᬦ᭄ᬧᬜ᭄ᬘᬪᬬ᭟ᬲᬤᬶᬦᬫᬥᬦᬥᬦ᭞ᬗᬶᬗᭀᬦᬶᬦ᭄ᬧᬜ᭄ᬚᬓᬾᬲᬫᬶ᭞ᬭᬳᬶᬦᬯ᭄ᬗᬶᬫᬕᬤᬂ᭞ᬫᬕ᭄ᬩᬕᬦ᭄ᬢᬶᬥ᭄ᬮᬾᬦ᭄ᬲᬗᬸ᭞ᬳᬭᬓ᭄ᬩᬺᬫ᭄ᬮᬦ᭄ᬲᬗᬦᬦ᭄᭞ᬫᬗ᭄ᬤᬕᬶᬮᬶᬓ᭄᭞ᬫᬫᭀᬦ᭄ᬤᭀᬓ᭄ᬭᬶᬂᬩᬜ᭄ᬚᬃᬲ᭄ᬓᬃ᭟ᬤᬾᬦᬶᬂᬢᬦ᭄ᬯ [ 61 ][᭖᭐ 60B]
᭖᭐
ᬗ᭄ᬤᬾᬓᬧᬃᬡ᭄ᬦ᭞ᬰᬢ᭄ᬭᬸᬦᬾᬧᬘᬂᬗ᭄ᬭᬯᬸᬳᬶᬦ᭄᭞ᬳᬯᬶᬦᬦ᭄ᬬᬢ᭄ᬦᬲᬢᬢ᭞ᬫᬕ᭄ᬩᬕᬦ᭄ᬲ᭄ᬬᬂᬤᬮᬸ᭞ᬩᬶᬮᬶᬄᬧᬲᬂᬤᬓ᭄ᬱᬭ᭞ᬓᬍᬩᭀᬦᬶᬦ᭄᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬲᬾᬧ᭄ᬢᬥᬄ᭟ᬢᬢ᭄ᬓᬮᬫᬮᬾᬤᬂᬮᬾᬤᬂ᭞ᬢᬦ᭄ᬫᬭᬶᬤᬾᬦ᭄ᬤ
ᬫᬲ᭄ᬓᬸᬦᬶᬂ᭞ᬲ᭄ᬫᬂᬲᭂᬦ᭄ᬤᬸᬩ᭄ᬗᭀᬂᬩ᭄ᬗᬶᬂ᭞ᬲ᭄ᬫᭂᬗᬦ᭄ᬯᬳᬸᬫᬉᬗᬸ᭞ᬓᬕ᭄ᬬᬢ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬦᬓᬾᬦᬶᬦ᭄᭞ᬥᬹᬄᬳᬤᬶᬤᬾᬦ᭄ᬤᬫᬲ᭄ᬫᬶᬭᬄ᭟ᬧᬸᬦᬧᬶᬲᬚᬗᬯᬶᬦᬂ᭞ᬳᬤᬶᬦᬦᭂᬂᬩ᭄ᬗᭀᬂᬲ᭄ᬤᬶᬄ᭞ᬳᬶᬦᬩ᭄ᬳᬤᬶᬲᬮᬶᬢ᭄ᬳᬃᬱ᭞ᬭᬶᬂᬩ᭄ᬮᬶᬚᬸᬕᬸᬮ᭄ᬳ
ᬧᬸᬗ᭄ᬕᬸ᭞ᬤᬸᬭᬸᬲᬂᬳᬤᬶᬦ᭄ᬤᬶᬓᬬᬂ᭞ᬲᬶᬲᬶᬧ᭄ᬩᭂᬮᬶ᭞ᬲᬵᬫ᭄ᬧᬸᬦᬂᬫᬮᬶᬄᬗᬸᬩ᭄ᬤᬬᬂ᭟ᬗᬶᬘ᭄ᬙᬾᬦ᭄ᬩᭂᬮᬶᬧᬫᬶᬤᬸᬓ᭞ᬫᬲᬳᬸᬃᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬳᬥᬹᬄᬩ᭄ᬮᬶᬫᬶᬦᬩ᭄ᬲᬶᬧ᭄ᬢ᭞ᬧᬘᬂᬫᬗ᭄ᬕᬶᬄᬢᬦ᭄ᬭᬳᬬᬸ᭞ᬢᬶᬢ᭄ᬬᬂᬗᬶᬧᬶᬳᬶᬩᬶᬲᬜ᭄ᬚ᭞ᬲᬋᬂ
ᬩ᭄ᬮᬶ᭞ᬭᬱᬓᬢᬶᬩᬷᬦ᭄ᬩᬜ᭄ᬘᬦ᭟ᬓᭀᬘᬧ᭄‌ᬲ᭄ᬤᭂᬓ᭄ᬫᬮᬜ᭄ᬘᬭᬦ᭄᭞ᬭᬶᬂᬲᬕᬭᬲᬋᬗ᭄ᬓᬮᬶᬄ᭞ᬫᬚᬸᬓᬸᬗᬦ᭄ᬗᭂᬩᬾᬃᬩᬶᬤᬓ᭄᭞ᬜᬥ᭄ᬬᬗᬮᬗ᭄ᬮᬂᬉᬮᬗᬸᬦ᭄᭞ᬳᭀᬫ᭄ᬩᬓᬾᬲᬬᬦ᭄ᬗᬕᭂᬗᬂ᭞ᬢᭂᬫ᭄ᬧᬸᬄᬳᬗᬶᬦ᭄᭞ᬚᬸ
[᭖᭑ 61A]
ᬓᬸᬗᬾᬓᬤᬶᬲᬩᬢᬂ᭟ᬩᭂᬜ᭄ᬘᬄᬗᬧ᭄ᬮᬸᬕᬶᬦ᭄ᬧᬭᬗᬦ᭄᭞ᬓᭀᬘᬧ᭄ᬢᬶᬢ᭄ᬬᬂᬲᬋᬂᬩ᭄ᬮᬶ᭞ᬳᬕᭂᬢ᭄ᬓᬫ᭄ᬧᬶᬄᬕᬸᬮᬸᬂᬳᭀᬫ᭄ᬩᬓ᭄᭞ᬯᬗ᭄ᬤᬾᬧᬥᭂᬫ᭄ᬤᬸᬭᬸᬲ᭄ᬳᬶᬤᬸᬧ᭄᭞ᬲᬕᬾᬢ᭄ᬳᭂᬦ᭄ᬢᭂᬦ᭄ᬓᬧᬸᬧᬸᬗᬦ᭄᭞ᬓᬾᬦ᭄ᬢᭂᬦ᭄ᬩᭂᬮᬶ᭞ᬤ᭄ᬯᬦᬶᬂᬢᬶᬢ᭄ᬬᬂ
ᬓᬤᬶᬚᬧ᭄ᬚᬧ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬦᬶᬫ᭄ᬩᬮ᭄᭞ᬲᬃᬚ᭄ᬚᬯᬳᬭᬹᬫ᭄ᬳᬫᬦᬶᬲ᭄᭞ᬳᬥᬹᬄᬳᬤᬶᬳᬢ᭄ᬫᬚᬶᬯ᭞ᬤᭀᬤᬵᬗᬸᬤᬓᬢᬼᬩ᭄ᬩᬸᬕᬸ᭞ᬢᬳᬶᬦ᭄ᬧᭂᬤᭂᬫ᭄ᬓᭀᬚᬭᬦ᭄᭞ᬫᬵᬤᬦ᭄ᬗᬶᬧᬶ᭞ᬢᭀᬂᬜᬦ᭄ᬤᬂᬳᬤᬶᬋᬱᭂᬧᬂ᭟ᬦᬵᬗ᭄ᬳᬶᬂᬜᬦ᭄ᬤᬂ
ᬫᬲᬶᬄᬢᬶᬗᬃ᭞ᬦᬗᬭᬶᬦ᭄ᬳᬶᬥᭂᬧ᭄ᬧᬤᬶᬤᬶ᭞ᬳᬮᬳᬬᬸᬢ᭄ᬯᬭᬢᬯᬂ᭞ᬳᬧᬂᬤᬲᬓᬾᬂᬗᬮᬸᬮᬸ᭞ᬫᬢᬶᬦᬾᬢᭀᬂᬦᬯᬂᬳᬫ᭄ᬩᬄ᭞ᬗᬸᬮᬄᬧᬢᬶ᭞ᬓᭀᬚᬭᬦ᭄ᬧᬧᬦᬭᬓ᭟ᬬᬦ᭄ᬲᬸᬩᬲᬗ᭄ᬓᬦᬶᬂᬢᬗᬃ᭞ᬫᬲᬶᬄᬤᭂᬗ᭄ᬓᭀ
ᬮᬢ᭄ᬧᬸᬓᬶᬦ᭄᭞ᬢ᭄ᬯᬭᬜᬦ᭄ᬤᬂᬫᬲᭂᬮ᭄ᬲᭂᬮᬦ᭄᭞ᬤᬾᬦᬶᬂᬲᬸᬩᬫᬸᬮᬧᭂᬤᬸᬫ᭄᭞ᬚᬮᬦ᭄ᬧᬕᭂᬳᬂᬫᬬᬰ᭞ᬦᬗᬸᬦ᭄ᬓᬶᬃᬢ᭄ᬢᬶ᭞ᬉᬭᬶᬧ᭄ᬩᬵᬦ᭄ᬜᬶᬮᬶᬄᬓᭀᬚᬭᬦ᭄᭟ᬤᬾᬯᬾᬓᬾᬭᬸᬫᬲᬢ᭄ᬯᬬᬂ᭞ᬫᬤᬾᬭᬾᬓ᭄ᬗᬋᬧᬸ [ 62 ][᭖᭑ 61B]
᭖᭑
ᬦ᭄ᬓᭂᬮᬶᬂ᭞ᬲᬭᬤᬮᬗᬾᬗᬼᬢᬓᬂ᭞ᬫᬕᬸᬦᭂᬫ᭄ᬬᬤᬶᬦ᭄ᬫᬢᬭᬸᬂ᭞ᬯ᭄ᬦᬂᬗᬫᬢ᭄ᬬᬂᬗᬶᬤᬸᬧᬂ᭞ᬗᬦᬦ᭄ᬓᬾᬭᬶ᭞ᬲᬭᬚᬩᬸᬤ᭄ᬥᬶᬦ᭄ᬳᬶᬤᬮᬂ᭟ᬦᬵᬗ᭄ᬳᬶᬂᬬᬦ᭄ᬳᬶᬗᭂᬭᬶᬗᭂᬭᬂ᭞ᬢ᭄ᬯᬭᬩ᭄ᬜᬮᬓᬃᬫᬢᬶ᭞ᬳᬶᬧ᭄ᬬᬦ᭄ᬳᬤᬶᬦᬾᬗᬮᭀᬓᬂ᭞ᬤᬾ
ᬯᬾᬓᬾᬦᬸᬢᬸᬕᬂᬢᬸᬯᬸᬄ᭞ᬳᭀᬫ᭄ᬩᬓᬾᬚ᭄ᬜᭂᬂᬕᬕᭀᬤᬦ᭄᭞ᬯᬵᬲ᭄ᬢᬸᬓᬫ᭄ᬧᬶᬄ᭞ᬲᬶᬧ᭄ᬢᬦᬶᬂᬮᬲ᭄ᬬᬧᬫ᭄ᬭᬕᬢ᭄᭟ᬓᬾᬢᭀᬳᬤᬶᬤᬜ᭄ᬩᭂᬢᬂ᭞ᬲᬓ᭄ᬱᬡᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬫᬢᬺᬋᬃᬡ᭄ᬦᬲ᭄ᬩᭂᬂᬩᬶᬗᬃ᭞ᬢᬦ᭄ᬓᬭᬶᬲᬸᬗ᭄ᬲᬸᬢ᭄ᬭᬶᬂᬓᬳ᭄ᬬᬸ
ᬦ᭄᭞ᬗᬸᬲᬧ᭄ᬯᬱ᭄ᬧᬗᬸᬘᬧ᭄ᬳᬮᭀᬦ᭄᭞ᬳᬶᬗ᭄ᬕᬶᬄᬩ᭄ᬮᬶ᭞ᬲᬵᬫ᭄ᬧᬸᬦ᭄ᬳᬸᬕᬶᬢᬸᬦᬬᬢ᭄ᬦ᭟ᬥᬹᬄᬧ᭄ᬬᬃᬱᬬᬳᬢᬹᬃᬢᬶᬢ᭄ᬬᬂ᭞ᬦᬗᬶᬦᬶᬦ᭄ᬩᭂᬮᬶᬫᬮᬶᬗ᭄ᬕᬶᬄ᭞ᬲᬓ᭄ᬱᬢ᭄ᬦᬲᬶᬓᬶᬦ᭄ᬲᬕᬭ᭞ᬫᬓᬾᬮᬶᬗᬂᬫᬗ᭄ᬤᬲᬵᬫ᭄ᬧᬸᬦ᭄᭞ᬢᬗᬭᬾᬲᬓᬾᬂ
ᬳᬩᬸᬮᬦ᭄᭞ᬲᬾᬧ᭄ᬢᬯᬢᬶ᭞ᬫᬧ᭄ᬯᬭᬫᬗ᭄ᬕᬸᬳᬂᬏᬭᬂ᭟ᬲᬵᬫ᭄ᬧᬸᬦ᭄ᬩᭂᬮᬶᬲᬸᬫᬗ᭄ᬲᬬ᭞ᬭᬶᬂᬢᬶᬢ᭄ᬬᬂᬧᬘᬂᬢᬦ᭄ᬪᬓ᭄ᬢᬶ᭞ᬫᬶᬗ᭄ᬤᭀᬄᬯᬾᬦ᭄ᬢᭂᬦ᭄ᬫᬦᬄᬢᬶᬢ᭄ᬬᬂ᭞ᬳᬢ᭄ᬧᬸᬂᬫᬵᬫ᭄ᬧᭂᬄᬧᬾᬢ᭄ᬫᬸᬭᬸᬤ᭄᭞ᬗᬶᬭᬶᬂᬩ᭄ᬮᬶᬫᬕ᭄ᬬᬸᬤ᭄ᬥ᭞ᬓᬯᭀ
[᭖᭒ 62A]
ᬦ᭄ᬩᭂᬘᬶᬓ᭄᭞ᬫᬗ᭄ᬤᬢᬶᬢ᭄ᬬᬂᬫᬲᬋᬗᬦ᭄᭟ᬗᬫᬗ᭄ᬕᭂᬳᬂᬧᬲᭀᬩᬬ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬓᭂᬜᬶᬂ᭞ᬮᬾᬤᬂᬓᬳ᭄ᬬᬸᬦᬾᬫᬶᬋᬗᬂ᭞ᬳᬢᬹᬃᬭᬩᬶᬦᬾᬫᬧᬸᬗᬸ᭞ᬓᬤᬶᬓᬲᬶᬭᬢᬦ᭄ᬫᬺᬢ᭄ᬢ᭞ᬲᬜ᭄ᬚᬶᬯᬦᬶ᭞ᬧᬸᬗ᭄ᬕᭂᬮᬂᬧᬸᬦᬂᬘᬭᬶᬢ᭟
ᬦᬾᬫᬗ᭄ᬓᬶᬦ᭄ᬢᬸᬢᬸᬭᬂᬓᭀᬘᬧ᭄᭞ᬲᬂᬫᬮᬬᬃᬗᭂᬦ᭄ᬤᭀᬜ᭄ᬚᬸᬭᬶᬢ᭄᭞ᬬᬦ᭄ᬳᬓᬸᬤᬂᬤᬶᬦᬓᬧᭀ᭞ᬧ᭄ᬭᬳᬸᬦᬾᬲᬵᬫ᭄ᬧᬸᬦ᭄ᬫᬮᬩᬸᬄ᭞ᬫᬘᬂᬘᬂᬭᬶᬂᬧᬲ᭄ᬯᬦ᭄ᬮᭀᬫ᭄ᬩᭀᬓ᭄᭞ᬢ᭄ᬥᬸᬦ᭄ᬭᬭᬶᬲ᭄᭞ᬲᬂᬫᬩᬦᬯᬓᬤᬭᬢ᭄᭟ᬧᬾᬮᭀᬓᬮᬶ
ᬲᬸᬤᬃᬩ᭄ᬪᬬ᭞ᬫᬓᬤᬶᬭᬵᬤᬾᬦ᭄ᬤᬶᬧᬢᬶ᭞ᬓᬾᬗᬶᬦ᭄ᬧᬗᬜ᭄ᬚᬸᬃᬮᬸᬫᬫ᭄ᬧᬄ᭞ᬲᬓᬾᬂᬧ᭄ᬭᬳᬸᬦᬾᬢᬸᬫ᭄ᬥᬸᬦ᭄᭞ᬧᬜ᭄ᬚᬓ᭄ᬱ᭄ᬳᬾᬮᬧᬭᬂᬫᭂᬦ᭄ᬤᬓ᭄᭞ᬭᬶᬂᬧᬲᬲᬶ᭞ᬘ᭄ᬭᬶᬓ᭄‌ᬓ᭄ᬮᬶᬄᬭᬯᬸᬄᬭᬦ᭄ᬢᬩᬦ᭄᭟ᬕᬾᬲᬾᬄᬦ᭄ᬕᭂᬦ᭄ᬩᬩᬦ᭄ᬤᬭᬦ᭄᭞ᬲᬤᬕᬶᬂ
ᬧ᭄ᬭᬳᬸᬦᬾᬲᬫᬶ᭞ᬢᬦ᭄ᬓᭀᬝᬶᬢᬸᬮᬸᬧ᭄ᬮᬦ᭄ᬢᬸᬫ᭄ᬩᬓ᭄᭞ᬲᬸᬮᬶᬕᬶᬩ᭄ᬤᬶᬮ᭄ᬕᬮᬸᬕᬸ᭞ᬕᬦ᭄ᬤᬾᬯᬧᬦᬄᬲᬶᬦᬧᬂ᭞ᬳᭀᬩᬢ᭄ᬩᭂᬤᬶᬮ᭄᭞ᬢ᭄ᬥᬸᬦ᭄ᬫᬧ᭄ᬢᬶᬧ᭄ᬢᬶᬬᬦ᭄᭟ᬳᬗᭀᬩ᭄ᬧᬜ᭄ᬚᬓᬾᬗᬦ᭄ᬢᭂᬦᬂ᭞ᬯᬢᭂᬓ᭄ᬯᬶᬭᬩᬜ᭄ᬚᬃᬫᬲᬶᬦ᭄᭞ᬫᬩᬺ [ 63 ][᭖᭒ 62B]
᭖᭒
ᬤ᭄ᬫᬫᬃᬕ᭄ᬕᬶᬗᬫ᭄ᬧᬓ᭄᭞ᬧᬦ᭄ᬢᭂᬲ᭄ᬢᬶᬗ᭄ᬓᬳᬶᬂᬧᬧᬤᬸ᭞ᬗᭂᬦ᭄ᬤᭀᬦ᭄ᬓᬲᬲᬓ᭄ᬫᬬᬸᬤ᭄ᬥ᭞ᬫᬗᬦ᭄ᬢᬶᬦᬶᬦ᭄᭞ᬫᬲ᭄ᬪᬝᬵᬭᬰᬾᬮᬧᬭᬂ᭟ᬘᬕᭂᬃᬚᬦᬶᬮᬓᬃᬫ᭄ᬫᬂ᭞ᬫᬕ᭄ᬩᬸᬕ᭄ᬓᬩᬜ᭄ᬚᬃᬲᬭᬶ᭞ᬲᬲ᭄ᬯᬓ᭄ᬯᭀᬂᬰᬾᬮᬧᬭᬂ᭞ᬧᬓ᭄ᬭᬶᬫᬶᬓ᭄ᬭᬶᬂᬢᬶᬫ᭄ᬧᬮ᭄ᬳᬶ
ᬧᬸᬦ᭄᭞ᬚᬮᬦ᭄‌ᬓ᭄ᬫᬫᬚᬚᬭᬄ᭞ᬓ᭄ᬩᭀᬲᬫ᭄ᬧᬶ᭞ᬓᬫ᭄ᬩᬶᬂᬮᬦ᭄ᬫᬶᬲᬕ᭄ᬢᬓᬶᬂ᭟ᬲᭀᬢᬦᬶᬂᬤᬾᬯᬾᬓᬾᬫ᭄ᬦᬂ᭞ᬬᭀᬕ᭄ᬬᬦᬾᬓᬮᬄᬕᬸᬭᬳᬶᬦ᭄᭞ᬫᬲ᭄ᬧᬶᬧᬶᬲ᭄ᬧᬤᬶᬢ᭄ᬦᬳᬦ᭄᭞ᬤᬶᬩᬜ᭄ᬚᬃᬲᬭᬶᬫᬤᬸᬕ᭄ᬤᬸᬕ᭄᭞ᬳᬦᬓ᭄ᬫᬭᬧᬗᬦ᭄ᬢᬾ
ᬦ᭄᭞ᬲᬶᬦᬄᬕᬢᬶ᭞ᬫᬩ᭄ᬓᭂᬮ᭄ᬲᬮᬓᬕᬶᬢᬶᬓᬦ᭄᭟ᬩᬸᬗ᭄ᬕᬫᬲ᭄ᬩᬜ᭄ᬘᬂᬩᬜ᭄ᬘᬗᬦ᭄᭞ᬚᬮᬦ᭄ᬤᬸᬫ᭄ᬧᬥᬫᬓᬢᬶᬄ᭞ᬦᬾᬮᬸᬄᬮᬸᬄᬚᬮᬦ᭄ᬭᭀᬭᭀᬤᬂ᭞ᬦᬾᬲᬧ᭄ᬬᬦ᭄ᬬᬤᬶᬦ᭄ᬦᬾᬩᬮᬸ᭞ᬲᬧᬸᬦᬶᬓᬧᬕᬺᬗ᭄ᬕᭂᬗᬦ᭄᭞ᬲᬂᬦᬸᬮᬸᬗᬶᬦ᭄
᭞ᬦ᭄ᬕᭂᬦ᭄ᬫᭀᬦ᭄ᬤᭀᬂᬩᬩᬦ᭄ᬤᬭᬦ᭄᭟ᬧᬾᬮᭀᬓᬮᬶᬄᬲᬸᬤᬃᬩ᭄ᬪᬬ᭞ᬲᬋᬂᬭᬶᬂᬭᬵᬤᬾᬦ᭄ᬤᬶᬧᬢᬶ᭞ᬲᬵᬫ᭄ᬧᬸᬦ᭄ᬮᬶᬦ᭄ᬢᬶᬂᬧ᭄ᬭᬶᬗ᭄ᬕᬪᬬ᭞ᬕᬕᬜ᭄ᬘᬗᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬭᬶᬂᬩᬜ᭄ᬘᬶᬗᬄᬰᬾᬮᬧᬭᬂ᭞ᬭᬭᬶᬲ᭄ᬦᬗ᭄ᬓᬶᬮ᭄᭞ᬭᬶᬂᬳᬶᬤᬲᬂ
[᭖᭓ 63A]
ᬫᬸᬦ᭄ᬤᭂᬃᬚᬕᬢ᭄᭟ᬫᬲ᭄ᬪᬝᬵᬭᬰᬾᬮᬧᬭᬂ᭞ᬮᬾᬤᬂᬓᬳ᭄ᬬᬸᬦᬾᬢᬦ᭄ᬲᬶᬧᬶ᭞ᬘᬮᬸᬄᬯᬶᬚᬶᬮᬶᬂᬯᬘᬦ᭞ᬭᬶᬂᬲᬗ᭄ᬓᬮᬶᬄᬯᬳᬸᬭᬯᬸᬄ᭞ᬘ᭄ᬦᬶᬂᬧᬾᬮᭀᬲᬸᬤᬃᬩ᭄ᬪᬬ᭞ᬍᬕᬕᬢᬶ᭞ᬩᬧᬭᬯᬸᬳᬶᬦ᭄ᬳᬶᬤᬾᬯ᭟ᬬᬦ᭄ᬳᬸᬧᬫᬓᬬᬸ
ᬭᬕᬲ᭄᭞ᬓᬸᬚᬦ᭄ᬓᬵᬦᬶᬂᬯ᭄ᬗᬶ᭞ᬧᬬᬸᬫᭂᬦ᭄ᬢᬶᬓ᭄ᬫᬓ᭄ᬤᬧᬦ᭄᭞ᬮᬳᬸᬢᬂᬘ᭄ᬦᬶᬂᬫᬮᬸᬗ᭄ᬕᬸᬄ᭞ᬤᬶᬦᬶᬩᬋᬂᬳᬚᬓ᭄ᬩᬧ᭞ᬢᬶᬢ᭄ᬬᬂᬗᬶᬭᬶᬂ᭞ᬳᬢᬹᬃᬲᬗ᭄ᬓᬮᬶᬄᬓ᭄ᬱᬗᬦ᭄᭟ᬫᬢᬗᬦᬦ᭄ᬦᬸᬦᬲ᭄ᬮᬸᬕᬺ᭞ᬲᬗ᭄ᬓᬮᬶᬄᬦᬵᬫ᭄ᬬᬗᬪᬓ᭄ᬢᬶ᭞ᬧᬺᬦᬵᬣ
ᬫ᭄ᬤᭂᬓ᭄ᬱᬗ᭄ᬓᬢᭀᬂ᭞ᬲᬲᬵᬫ᭄ᬧᬸᬦ᭄ᬳᬢᬢᬾᬂᬮᬸᬗ᭄ᬕᬸᬄ᭞ᬲᬂᬦᬵᬣᬭᬭᬶᬲ᭄ᬗᬦ᭄ᬤᬶᬓ᭞ᬭᬹᬫᬫᬦᬶᬲ᭄᭞ᬘ᭄ᬦᬶᬂᬧᬾᬮᭀᬲᬸᬤᬃᬩ᭄ᬤᬬ᭟ᬢᬸᬮᬸᬂᬩᬧᬳᬚᬓ᭄ᬤᬤ᭄ᬯ᭞ᬯᬶᬮᬰᬾᬫᬶᬦᬾᬤᬶᬦᬶ᭞ᬘ᭄ᬦᬶᬂᬦᬾᬘᬕ᭄ᬭᬂᬩᬧ᭞ᬦᬸᬮᬸᬂᬓᬵᬮᬶᬦᬶᬂᬧᬓᬾᬯᬸᬄ᭞
ᬳᬧᬂᬢ᭄ᬯᬭᬧᬬᬸᬚ᭄ᬗᬄ᭞ᬩᬧᬤᬶᬦᬶ᭞ᬗᬕᬸᬗᬶᬦ᭄ᬤᬶᬰᬾᬮᬧᬭᬂ᭟ᬩᬧᬲ᭄ᬤᭂᬓ᭄ᬓᬓᭀᬩᭂᬢᬦ᭄᭞ᬫᬫᬸᬲᬸᬄᬢ᭄ᬓᬾᬦ᭄ᬯᭀᬂᬩᬵᬮᬶ᭞ᬫᬵᬤᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬫᬉᬫᬄᬤᬶᬩᬜ᭄ᬚᬃᬲᬦ᭄ᬢᬸᬦ᭄᭞ᬭᬭᬶᬲ᭄ᬲᬫᬶᬓᬧᬶᬤᬃᬣ᭞ᬘᬷ [ 64 ][᭖᭓ 63B]
᭖᭓
ᬦ᭄ᬤᬶᬓ᭄ᬳᬶᬦ᭄ᬤᬶᬓ᭄᭞ᬤ᭄ᬯᬦᬶᬂᬓᬵᬧᭂᬲᬦ᭄ᬫᬬᬸᬤ᭄ᬥ᭟ᬓᬗᭂᬦ᭄ᬲᬗ᭄ᬓᬮᬶᬄᬫᬶᬋᬗᬂ᭞ᬯᬲᬦᬦ᭄ᬳᬶᬤᬰ᭄ᬭ᭄ᬬᬵᬚᬶ᭞ᬗᬲᬶᬳᬲᬶᬄᬗᬮᬧ᭄ᬓᬲᭀᬃ᭞ᬲᬗ᭄ᬓᬮᬶᬄᬦᬸᬮᬶᬢᬮᬗ᭄ᬓᬸᬧ᭄᭞ᬫᭂᬧᭂᬲ᭄ᬫᬵᬢᬹᬃᬫᬢᬗᬦᬦ᭄‌᭞ᬥᬹᬄᬦᬺᬧᬢᬶ᭞ᬢᬶᬢ᭄ᬬᬂᬗᬶᬭᬶᬂᬧᬓᬳ᭄ᬬᬸ
ᬦᬦ᭄᭟ᬫᭀᬦ᭄ᬓᬦ᭄ᬢᬸᬦ᭄ᬢᬶᬢ᭄ᬬᬂᬳᬕ᭄ᬲᬂ᭞ᬫᬲᬢᬦ᭄ᬓᬲᬶᬤ᭄ᬥᬾᬂᬓᬧ᭄ᬢᬶ᭞ᬗᬗ᭄ᬓᬲᬗ᭄ᬓᬲ᭄ᬗᭂᬦ᭄ᬤᭀᬦ᭄ᬬᬸᬤ᭄ᬥ᭞ᬗ᭄ᬭᬚᭂᬕᬂᬮᬶᬗ᭄ᬕᬶᬄᬲᬂᬧ᭄ᬭᬪᬸ᭞ᬧᬗᬸᬢᬸᬲ᭄ᬩᬕᬶᬦ᭄ᬥᬲᬸᬮ᭄ᬢᬦ᭄᭞ᬩᬜ᭄ᬚᬃᬫᬲᬶᬦ᭄᭞ᬕᬸᬫᬦ᭄ᬢᬶᬩᭀᬩᭀᬢᬢᬶᬢ᭄ᬬᬂ᭟ᬢᬦ᭄ᬲᬦ᭄ᬤᬂ᭞ᬳᬮᬶᬄᬧᬜ᭄ᬚᬗᬂ᭞
ᬘᬸᬢᭂᬢ᭄ᬢᬶᬢ᭄ᬬᬂᬜᬥ᭄ᬬᬗᬶᬭᬶᬂ᭞ᬗᬗ᭄ᬓᬢᬶᬦ᭄ᬳᬶᬩᬜ᭄ᬚᬃᬲ᭄ᬓᬃᬫ᭄ᬦ᭄ᬤᬶᬓᬧᬦ᭄ᬢᬦ᭄ᬲᬶᬤ᭄ᬥᬕᭂᬫ᭄ᬧᬸᬂ᭞ᬭᬸᬫᬲᬢ᭄ᬧᬤᬂᬳᬕᬸᬫ᭄ᬧᬂ᭞ᬳ᭄ᬢᬸᬄᬳᬓᬶᬂ᭞ᬲ᭄ᬤᭂᬂᬪᬰ᭄ᬫᬶᬓᬢᬸᬜ᭄ᬚᭂᬮᬦ᭄᭟ᬲᬂᬦᬵᬣᬮᬾᬤᬂᬫᬶᬳᬃᬱ᭞ᬳᬢᬹᬃᬲᬸᬫᬗ᭄ᬕᬸᬧ᭄ᬲᬗ᭄ᬓᬮᬶᬄ᭞ᬲᬃᬚ᭄ᬚᬯᬗᬦ᭄ᬤᬶᬓᬳ
ᬮᭀᬦ᭄᭞ᬫᬢᭂᬕ᭄ᬢᭂᬕᬦ᭄᭞ᬘ᭄ᬦᬶᬂᬫᬮᬸ᭞ᬩᬧᬢ᭄ᬯᬭᬩ᭄ᬯᬶᬦ᭄ᬮᬦ᭄ᬢᬂ᭞ᬲᬭᬘ᭄ᬦᬶᬂ᭞ᬦᬩ᭄ᬤᬩ᭄ᬕᬸᬫᬶᬦᬾᬤᬶᬲᬲᬓ᭄᭟ᬮᬫᬓᬦ᭄ᬲᬶᬤ᭄ᬥᬭᬳᬃᬚ᭄ᬚ᭞ᬩᬧᬫᬶᬲᬭᬬᬂᬘ᭄ᬦᬶᬂ᭞ᬩᬋᬗᬚᬓ᭄ᬧᬭᬬᭀᬕ᭄ᬬ᭞ᬤᬶᬰᬾᬮᬧᬭᬂᬫᬕ᭄ᬩᬸᬕ᭄᭞ᬩᬧᬫᬲᬶᬄᬗᬸ
[᭖᭔ 64A]
ᬫᬦ᭄ᬤᭂᬮᬂ᭞ᬤᬢᬸᬓ᭄ᬩᬸᬲᬶᬂ᭞ᬩᬋᬂᬳᬚᬓ᭄ᬫᬧᬶᬢᬸᬗᬦ᭄᭟ᬲᬭᬮᬾᬤᬂᬥᬸᬄᬲᬂᬦᬵᬣ᭞ᬧᬦᬶᬫ᭄ᬩᬮ᭄ᬲᬂᬯᬷᬭᬓᬮᬶᬄ᭞ᬤᬢᬸᬓ᭄ᬩᬸᬲᬶᬂᬳᬕᬾᬦᬶᬫ᭄ᬩᬮ᭄᭞ᬫᬵᬢᬹᬃᬭᬶᬂᬳᬶᬤᬲᬂᬧ᭄ᬭᬪᬸ᭞ᬢᬦ᭄ᬲᬦ᭄ᬤᬂᬫᬮᬶᬄᬩᬯᭀᬲᬂ᭞ᬢᬶᬢ᭄ᬬᬂᬗᬶᬭᬶᬂ᭞ᬲᬮᬾ
ᬤᬂᬘᭀᬓᭀᬃᬳᬶᬤᬾᬯ᭟ᬧᬸᬧᬸᬢ᭄ᬲᬵᬫ᭄ᬧᬸᬦ᭄ᬩᬩᬯᭀᬲᬦ᭄᭞ᬲᬂᬧ᭄ᬭᬪᬸᬮᬾᬤᬂᬢᬦ᭄ᬲᬶᬧᬶ᭞ᬲᬃᬯ᭄ᬯᬰᬤ᭄ᬭᬱᬘᬸᬫᬤᬂ᭞ᬲᬗ᭄ᬓᬮᬶᬄᬓᬷᬘ᭄ᬙᬾᬦ᭄ᬧᬗᬶᬗᬸ᭞ᬲᭀᬓ᭄ᬜᬦ᭄ᬢᭀᬲ᭄ᬤᬶᬯᬰᬫ᭄ᬮᬄ᭞ᬗᬯᬯᬦᬶᬦ᭄᭞ᬦᬗᬸᬦ᭄ᬬᬸᬤ᭄ᬥᬫᬤᬸᬃᬕ᭄ᬕᬫ᭟᭚᭐
᭚ᬧᬸᬧᬸᬄᬤᬸᬃᬫ᭄ᬫ᭚᭐᭚ᬓᬸᬮ᭄ᬓᬸᬮ᭄ᬗᭂᬫ᭄ᬧᬂᬤᬶᬩᬜ᭄ᬘᬶᬗᬄᬰᬾᬮᬧᬭᬂ᭞ᬕᬾᬯᬃᬲᬤᬗᬶᬜ᭄ᬚᬸᬭᬶᬂ᭞ᬲᬶᬓᭂᬧ᭄ᬰᬾᬮᬧᬭᬂ᭞ᬢ᭄ᬥᬸᬦ᭄ᬩᬸᬗ᭄ᬲᬶᬩᬜ᭄ᬘᬶᬗᬄ᭞ᬲᬺᬕᭂᬧ᭄ᬫᬕᬕᬯᬦ᭄ᬲᬫᬶ᭞ᬩ᭄ᬤᬶᬮ᭄ᬲᬶᬦᬧᬂ᭞ᬢᬸᬫ᭄ᬩᬓ᭄ᬢᬸᬮᬸᬧ᭄ᬚᬫ᭄ᬧᬭᬶᬂ᭟ᬤᬾᬦᬶᬂᬲᬵᬫ᭄ᬧᬸ
ᬦ᭄ᬓᬥᬯᬸᬄᬫᬗ᭄ᬓᬢ᭄ᬫᬬᬸᬤ᭄ᬥ᭞ᬗᬗ᭄ᬓᬢᬶᬦ᭄ᬩᬜ᭄ᬚᬃᬲᬭᬶ᭞ᬲᭀᬢᬦᬶᬂᬫᬫᬜ᭄ᬚᬓ᭄᭞ᬬᭀᬕ᭄ᬬᬦᬶᬦ᭄ᬤᬶᬳ᭄ᬜ᭄ᬚᬕᬢ᭄᭞ᬲᬋᬂᬓᭂᬧ᭄ᬩᬜ᭄ᬚᬃᬫᬲᬶᬦ᭄᭞ᬫᬲᬶᬓᭂᬧ᭄ᬮᬦᬂ᭞ᬦᬧᬶᬲ᭄ᬫᬗᬶᬦ᭄ᬳᬢᬶ᭟ᬘᬕᭂᬃᬲᬵᬫ᭄ᬧᬸᬦ᭄ᬜᬳᬸᬧᬂᬧᬫ᭄ᬦᬂ᭞ᬫᬚ [ 65 ][᭖᭔ 64B]
᭖᭔
ᬚᬭᬄᬫᬲ᭄ᬧᬶᬧᬶᬲ᭄᭞ᬢ᭄ᬕᭂᬦ᭄ᬫᬓ᭄ᬢᬓᬶᬲ᭞ᬕ᭄ᬦᬄᬳᬬᬫ᭄ᬓᬸᬭᬸᬗᬦ᭄᭞ᬕ᭄ᬮᬂᬗ᭄ᬕᬂᬳᬗ᭄ᬕᬾᬦ᭄‌ᬦ᭄ᬕᭂᬦ᭄ᬧᬤᬶ᭞ᬯᬾᬦ᭄ᬢᭂᬦ᭄ᬦᬾᬫᬓ᭄ᬢ᭞ᬢᬸᬫ᭄ᬧᬸᬂᬲᬦᬦ᭄ᬮᬦ᭄ᬢᬮᬶ᭟ᬫᬢᬕᭂᬦᬦ᭄ᬗᭂᬢᬓᬂᬩᬦ᭄ᬢᬾᬂᬮᬦ᭄ᬫᬶᬲ᭞ᬜᬕ᭄ᬭᬂᬗᭀᬭᭀᬲ᭄ᬓᬫ᭄ᬩᬶᬂ᭞ᬫᬲ᭄ᬓᬲ᭄ᬓ
ᬬᬦ᭄᭞ᬫᬧᬢᬸᬂᬦᬫ᭄ᬧᬄᬫᬾᬩᬢ᭄᭞ᬳᬦ᭄ᬤᭂᬮ᭄ᬭᬶᬂᬧᭀᬮᬶᬄᬧᬢᬫ᭄ᬧᬶᬄ᭞ᬓᬦ᭄ᬢᬶᬪᬶᬱᬫ᭞ᬧ᭄ᬭᬚᬸᬭᬶᬢ᭄ᬩᬜ᭄ᬚᬃᬫᬲᬶᬦ᭄᭟ᬲᬸᬤᬃᬩ᭄ᬪᬬᬓᬵᬲ᭄ᬢᬯᬦᬾᬦ᭄ᬫᬬᬸᬤ᭄ᬥ᭞ᬳᬦᬓ᭄ᬕᬜ᭄ᬘᬂᬘᬮᬶᬭᬶᬂ᭞ᬢᬦ᭄ᬧᬧᬶᬮᬶᬄᬮᬯᬦ᭄᭞ᬧᬾᬮᭀ
ᬢ᭄ᬕᬸᬄᬓᬮᭀᬓ᭞ᬳᬤᭂᬕ᭄ᬕᬗ᭄ᬕᬲ᭄ᬓᬸᬫᬶᬲ᭄ᬕᬶᬮᬶᬂ᭞ᬫᬢᬦᬾᬩᬭᬓ᭄᭞ᬫᬾᬄᬧᭂᬧᭂᬲ᭄ᬜᬾᬭᬾᬢ᭄‌ᬕ᭄ᬢᬶᬄ᭟ᬲᬧᬸᬦᬶᬓᬧᬵᬜᭂᬢᬦ᭄ᬯᭀᬂᬰᬾᬮᬧᬭᬂ᭞ᬳᬦ᭄ᬤᭂᬮ᭄ᬓᭂᬦ᭄ᬤᭂᬮ᭄ᬫᬫᬃᬕ᭄ᬕᬶ᭞ᬫᬓᬸᬯᬸᬕ᭄ᬫᬲᬹᬃᬬ᭄ᬬᬓ᭄᭞ᬫᬗᬢ᭄ᬓᬩᬜ᭄ᬚᬃᬲ᭄ᬓᬃ᭞ᬗᬶ
ᬭᬶᬂᬲᬧᬭᬵᬤᬶᬫᬦ᭄ᬢ᭄ᬭᬶ᭞ᬲᬳᬢ᭄ᬩᭂᬗᬦ᭄‌᭞ᬫᬓᬤᬶᬤᬢᬸᬓ᭄ᬩᬸᬲᬶᬂ᭟ᬲᬋᬂᬫᬗ᭄ᬓᬢ᭄ᬫᭀᬗ᭄ᬓᭀᬮᬶᬦ᭄ᬧᬢᬺᬯᬵᬥᬦ᭞ᬓᬮᬶᬄᬭᬵᬤᬾᬦ᭄ᬤᬶᬧᬢᬶ᭞ᬜᬦ᭄ᬤᬶᬂᬦᬸᬗ᭄ᬕᬮ᭄ᬩᬬ᭞ᬓᭀᬘᬧ᭄ᬳᬗ᭄ᬮᬸᬭᬄᬢᬶᬕ᭞ᬲᬶᬗ᭄ᬳᬫᬺᬢ᭄ᬢᬫᬶᬦᬓᬤᬶ᭞
[᭖᭕ 65A]
ᬓᬶᬅᬗ᭄ᬕᬭᬵᬓ᭄ᬱ᭞ᬭᬵᬤᬾᬦ᭄ᬳᬃᬬ᭄ᬬᬧᬭᬶᬕᬶ᭟ᬓᬧᬶᬳᬫ᭄ᬩᭂᬂᬢᬦ᭄ᬲᬋᬂᬫᬗ᭄ᬓᬢ᭄ᬫᬬᬸᬤ᭄ᬥ᭞ᬓᭀᬘᬧ᭄ᬜᬸᬗ᭄ᬓᬦ᭄ᬧ᭄ᬭᬫᬗ᭄ᬓᬶᬦ᭄᭞ᬫᬭᬾᬧᭀᬂᬲᭂᬫ᭄ᬩᬃ᭞ᬤᬯᭂᬕ᭄ᬓᬸᬮ᭄ᬓᬸᬮᬾᬗᭂᬫ᭄ᬧᬂ᭞ᬯᬾᬦ᭄ᬢᭂᬦ᭄ᬗᬗ᭄ᬓᭂᬦ᭄ᬗᬸᬢᬄᬫᬶᬲᬶᬂ᭞ᬲᬸᬗ᭄ᬓᬦᬾᬭᬳᬢ᭄
᭞ᬢᬦ᭄ᬜᬦ᭄ᬤ᭄ᬥᬬᬂᬫᬫᬃᬕ᭄ᬕᬶ᭟ᬯᬾᬦ᭄ᬢᭂᬦ᭄ᬗᬗ᭄ᬓᭂᬦ᭄ᬲᬸᬗ᭄ᬓᬦ᭄‌ᬫ᭄ᬚᭂᬦ᭄ᬮᬍᬗᭂᬤᬦ᭄᭞ᬫᬘᬶᬦᬂᬦᬦᬄᬕ᭄ᬢᬶᬄ᭞ᬓᬵᬮᬫᬓᭀᬭᬢᬦ᭄᭞ᬫᬧᬶᬗᬺᬋᬄᬩᬮ᭄ᬬᬦ᭄᭞ᬯᬾᬦ᭄ᬢᭂᬦ᭄ᬗᭂᬢᭀᬃᬓ᭄ᬩᬸᬲ᭄ᬤᬶᬗᬶᬦ᭄᭞ᬤᬸᬮᬸᬭᬶᬦ᭄‌ᬤ᭄ᬓᬄ᭞ᬳᬗ᭄ᬲᭂᬕ᭄ᬳᬗ᭄ᬲᭂᬕ᭄ᬧ᭄ᬭ
ᬫᬗ᭄ᬓᬶᬦ᭄᭟ᬢᬦ᭄ᬓᬯᬃᬡ᭄ᬦᬲᬂᬫᬲᬶᬗ᭄ᬓᬾᬲ᭄ᬤᭂᬓ᭄ᬱᬸᬗ᭄ᬓᬦ᭄᭞ᬓᭀᬘᬧ᭄ᬲᬂᬗᭂᬦ᭄ᬤᬶᬜ᭄ᬚᬸᬭᬶᬢ᭄᭞ᬲᬵᬫ᭄ᬧᬸᬦᬺᬓᬾᬫᬗ᭄ᬓᬢ᭄᭞ᬗᬾᬮᬶᬗᬶᬦ᭄ᬩᬩ᭄ᬓᭂᬮᬦ᭄᭞ᬜᭀᬭᭀᬳᬗ᭄ᬓᬸᬤᬧᬤᬢᬶ᭞ᬫᬓᬦ᭄ᬤᬓᬦ᭄ᬤ᭞ᬲᬂᬗᬫᭀᬗᬶᬦ᭄ᬧᬗ
ᬯᬶᬦ᭄᭟ᬓᬪᬶᬦᬯᬢᬶᬗ᭄ᬓᬄᬲᬂᬫᬗ᭄ᬓᬢ᭄ᬫᬬᬸᬤ᭄ᬥ᭞ᬧ᭄ᬭᬚᬸᬭᬶᬢ᭄ᬩᬜ᭄ᬚᬃᬫᬲᬶᬦ᭄᭞ᬭᬶᬂᬳᬚᭂᬂᬫᬫᬃᬕ᭄ᬕ᭞ᬢᬭᬶᬓ᭄ᬫᬲᬼᬢ᭄‌ᬧ᭄ᬤᬂ᭞ᬫᬩᬭᬶᬲᬦ᭄ᬦᬶᬓᬸᬮ᭄᭞ᬮᬾᬦ᭄ᬫᬓ᭄ᬢᬧᬦᬄ᭞ᬭᬱᬢᬦ᭄ᬧᬧᬓᬾᬭᬶᬂ᭟ᬓᬲᬋᬗᬶᬦ᭄ᬳᬦ᭄ᬢᬸᬓ᭄ᬱᬶ [ 66 ][᭖᭕ 65B]
᭖᭕
ᬓᭂᬧ᭄ᬰᬾᬮᬧᬭᬂ᭞ᬭᬶᬂᬧᬸᬗ᭄ᬓᬸᬭᬦ᭄ᬫᬫᬃᬕ᭄ᬕᬶ᭞ᬚᭂᬚᭂᬮ᭄ᬫᬵᬥᬸᬨᬮ᭞ᬯᬢᭂᬓ᭄ᬫᬜ᭄ᬘᬧᬸᬗ᭄ᬕᬯ᭞ᬮᬖᬯᬢᬸᬫᬦ᭄ᬤᬂᬫᬦ᭄ᬢ᭄ᬭᬶ᭞ᬗᬾᬦ᭄ᬢᭂᬭᬂᬯᬤ᭄ᬯ᭞ᬥᬳᬢ᭄ᬥᬸᬂᬧᬗᬯᬶᬦ᭄᭟ᬓ᭄ᬮᬩᬶᬂᬤ᭄ᬯᬚᬭᬱᬗᬢ᭄ᬕᬢ᭄ᬯᬢᭂᬓ᭄ᬯᬷᬭ᭞ᬫᬗ᭄ᬕᬮᬗᭂᬦ᭄ᬤᭀᬜ᭄ᬚᬸᬭᬶᬢ᭄
᭞ᬕᭀᬂᬪᬾᬭᬶᬖᬹᬃᬡ᭄ᬦᬶᬢ᭞ᬩᭂᬦ᭄ᬤᬾᬮᬦ᭄ᬢᬯᬢᬯ᭞ᬧᬭᬾᬭᬾᬢ᭄ᬗᭂᬫ᭄ᬧᭂᬗᬶᬦ᭄ᬓᬸᬧᬶᬂ᭞ᬕ᭄ᬭᬾᬕᬾᬳᬦ᭄ᬓᬸᬤ᭞ᬭᬱᬓᬭᬸᬗ᭄ᬯᬾᬗ᭄ᬮᬗᬶᬢ᭄᭟ᬓᬤᬶᬢᬝᬶᬢ᭄ᬓᭂᬮᬧ᭄ᬓᭂᬮᬾᬧ᭄ᬲᭂᬂᬦᬶᬂᬳᬲ᭄ᬢ᭄ᬭ᭞ᬦᬭᬸᬄᬢᬾᬚᬦ᭄ᬳ᭄ᬬᬂᬭᬯᬶ᭞ᬪᬲ᭄ᬯᬭᬤᬸᬫᬶᬮᬄ᭞ᬕᬺ
ᬤᭂᬕᬶᬂᬩᬮᬯᬷᬭ᭞ᬭᬱᬫᬸᬩᬸᬭᬂᬧ᭄ᬭᬣᬶᬯᬶ᭞ᬉᬫᬸᬂᬫᬲᬹᬃᬬ᭄ᬬᬓ᭄᭞ᬢᬦ᭄ᬧᬾᬦ᭄ᬤᬄᬓ᭄ᬭᬸᬕᬦ᭄ᬧᬲᬶᬄ᭟ᬲᬵᬫ᭄ᬧᬸᬦ᭄ᬭᬯᬸᬄᬦᬾᬫᬗ᭄ᬓᬶᬦ᭄ᬲᬂᬗᭂᬦ᭄ᬤᭀᬦ᭄ᬬᬸᬤ᭄ᬥ᭞ᬭᬶᬂᬢᭂᬫ᭄ᬩᬶᬂᬩᬜ᭄ᬚᬃᬲᬭᬶ᭞ᬧᬾᬮᭀᬲᬸᬤᬃᬩ᭄ᬪᬬ᭞ᬗᬦ᭄ᬤᭂᬕ᭄ᬧᬫᬃᬕ᭄ᬕᬶᬦ᭄ᬯᬤ᭄ᬯ᭞ᬢ
ᬦ᭄ᬓᬬᭀᬕ᭄ᬬᬦᬗ᭄ᬲᭂᬓ᭄‌ᬗ᭄ᬭᬭᬶᬲ᭄᭞ᬦᬫ᭄ᬧᭂᬓᬶᬦ᭄‌ᬕ᭄ᬮᬃ᭞ᬲᬓᬾᬂᬤᭀᬄᬫᬫᬭᬦᬶᬦ᭄᭟ᬓᬧᬶᬤᬩ᭄ᬤᬩ᭄ᬫᬗ᭄ᬤᬲᬶᬓᭂᬧᬾᬫᬧᭂᬜ᭄ᬘᬃ᭞ᬗᬶᬤᭂᬭᬶᬦ᭄ᬩᬜ᭄ᬚᬃᬲᬭᬶ᭞ᬢᬦ᭄ᬓᬬᭀᬕ᭄ᬬᬗᬫ᭄ᬩ᭄ᬬᬃ᭞ᬫᬗ᭄ᬤᬬᬢ᭄ᬦᬫᬵᬮᬶᬗᬦ᭄᭞ᬓᬚ
[᭖᭖ 66A]
ᬦ᭄ᬮᭀᬤ᭄ᬓᬯᬸᬄᬓᬗᬶᬦ᭄᭞ᬭᬩ᭄ᬤᬂᬲᬜ᭄ᬚᬢ᭞ᬳᬩᬕᬶᬫᬵᬋᬧ᭄ᬯᬶᬗ᭄ᬓᬶᬂ᭟ᬬᬢ᭄ᬦᬗ᭄ᬩᬕ᭄ᬓᬭᬯᬸᬳᬦ᭄ᬰᬢ᭄ᬭᬸᬧᭂᬦ᭄ᬤᭀᬦᬦ᭄᭞ᬧᬗᬾᬩᭀᬕ᭄ᬲᬓᬾᬂᬲᬫ᭄ᬧᬶᬂ᭞ᬫᬗ᭄ᬤᬢᬦ᭄ᬜᬶᬤ᭄ᬥᬬᬂ᭞ᬦᬶᬜ᭄ᬘᬧ᭄ᬓᬩᬜ᭄ᬚᬃᬲ᭄ᬓᬃ᭞ᬭᬸᬭᬸᬗᬾᬩᬜ᭄ᬘᬸᬢᬶᬦ᭄ᬢᬶᬢᬶ᭞ᬧ᭄ᬕᬢᬶ
ᬦ᭄ᬳᬫ᭄ᬩᬄ᭞ᬧᬢᬸᬮᬸᬂᬩᬜ᭄ᬚᬃᬲᬭᬶ᭟ᬲᬳᬸᬃᬫᬦᬸᬓ᭄ᬱᬶᬓᭂᬧᬾᬫᬵᬢᬹᬃᬫᬗᬶᬭᬶᬗᬂ᭞ᬓᬩᬸᬦ᭄ᬢᭂᬄᬩᬜ᭄ᬚᬃᬲᬭᬶ᭞ᬢᬸᬮ᭄ᬬᬓᬤᬶᬚ᭄ᬩᬕ᭄᭞ᬢᬦ᭄ᬜᬶᬤ᭄ᬥᬬᬂᬫᬮᬾᬗ᭄ᬓᬲ᭄᭞ᬓᬤᬶᬉᬮᬫᬾᬭᬶᬂᬤᬸᬗ᭄ᬓᬶ᭞ᬭᬾᬄᬧ᭄ᬕᬢᬦ᭄᭞ᬧᬢᬸᬮᬸᬂᬲᬓᬾᬂ
ᬲᬫ᭄ᬧᬶᬂ᭟ᬲᬓᬾᬗᬤᭀᬄᬲᬂᬗᭂᬦ᭄ᬤᭀᬦ᭄ᬬᬸᬤ᭄ᬥᬫᬲᬹᬃᬬ᭄ᬬᬓ᭄᭞ᬲᬳᬗ᭄ᬭᬾᬧᬾᬤᬂᬩ᭄ᬤᬶᬮ᭄᭞ᬫᬶᬫᬶᬲ᭄ᬓᬤᬶᬉᬚᬦ᭄᭞ᬜᬩᭂᬳᬶᬦ᭄ᬩᬜ᭄ᬚᬃᬲ᭄ᬓᬃ᭞ᬓᭂᬧ᭄ᬮᬸᬕᬦ᭄‌ᬫ᭄ᬭᬶᬬᭂᬫ᭄ᬲᬸᬮᬶᬕᬶ᭞ᬢᬦ᭄ᬧᬧ᭄ᬕᬢᬦ᭄᭞ᬗᬸᬜ᭄ᬚᬭᬶᬦ᭄ᬩᬜ᭄ᬚᬃᬲᬭᬶ᭟ᬓᬗ᭄ᬓ
ᬢ᭄ᬫᬾᬯᭂᬄᬲᬂᬓᭂᬦ᭄ᬤᭀᬦᬦ᭄ᬫᬧᬕ᭄ᬬᬸᬤ᭄ᬥ᭞ᬤᬾᬦᬶᬂᬫᭂᬲᭂᬳᬾᬘ᭄ᬮᬶᬄ᭞ᬫᬤᬸᬗ᭄ᬓ᭄ᬭᬸᬓ᭄ᬫᬵᬮᬶᬗᬦ᭄᭞ᬦᬾᬦ᭄ᬢᭂᬦ᭄ᬢᬦ᭄ᬜᬓ᭄ᬦᭂᬲᭂᬓ᭄‌ᬕ᭄ᬮᬃ᭞ᬳᭀᬕᬦ᭄ᬲᬶᬓᭂᬧ᭄ᬩᬜ᭄ᬚᬃᬲᬭᬶ᭞ᬤᬤᭀᬲ᭄ᬲᬲᬭᬦ᭄᭞ᬢᬦ᭄ᬜᬶᬤ᭄ᬥᬬᬂᬫᬢᬶᬢᬶᬲ᭄᭟ᬳᬲᬶᬂᬫ᭄ᬤᬮ᭄ᬲᬸᬭᬸ [ 67 ][᭖᭖ 66B]
᭖᭖
ᬦ᭄ᬗᬶᬮᬩ᭄ᬓᬩᬜ᭄ᬘᬭᬦ᭄᭞ᬚᬩᬦᬶᬂᬓ᭄ᬦᬶᬩ᭄ᬤᬶᬮ᭄᭞ᬲᬗ᭄ᬓᬵᬮᬓᬧᬦᬄ᭞ᬲᬓ᭄ᬱᬡᬫᬧ᭄ᬮᬶᬲᬳᬦ᭄᭞ᬓᬍᬗᭂᬃᬗ᭄ᬫᬲᬶᬦ᭄ᬫᬢᬶ᭞ᬓᬦᬶᬦᬾᬭᬳᬢ᭄᭞ᬬᬤᬶᬦ᭄ᬫᬭᬹᬧᬳᬮᬶᬢ᭄᭟ᬓᬪᬶᬦᬯᬓᬫ᭄ᬭᬦᬾᬦᬦ᭄ᬳᬶᬓᬂᬧᬦᬄ᭞ᬫᬉᬧᬲ᭄ᬕ
ᬜ᭄ᬘᬃᬘ᭄ᬢᬶᬓ᭄᭞ᬧᬗᬦ᭄ᬭᬾᬄᬫᬯᬶᬱ᭄ᬬ᭞ᬢᬦ᭄ᬓᭂᬦᬾᬂᬢᬶᬦᬫ᭄ᬩᬦᬷᬦ᭄᭞ᬳᬦ᭄ᬤᭂᬮ᭄ᬳᬦ᭄ᬤᭂᬮ᭄ᬩᬜ᭄ᬚᬃᬫᬲᬶᬦ᭄᭞ᬫᬲᬶᬓᭂᬧ᭄ᬮᬦᬂ᭞ᬧᬫᬭᬦᬾᬗᬺᬱᬺᬱᬶᬦ᭄᭟ᬤᬾᬦᬶᬗ᭄ᬓᬢᬄᬯᬮᬸᬬᬧᬥᭂᬫ᭄ᬓᬲᬯᬂ᭞ᬯᭀᬂᬤᬾᬰᬩᬜ᭄ᬚᬃᬲᬭᬶ
᭞ᬗᬶᬮᬶᬫᬓᬶᬍᬲᬦ᭄᭞ᬢᬦ᭄ᬧᬸᬭᬸᬦ᭄ᬗᬫᬹᬓ᭄ᬦᭂᬃᬚ᭄ᬚᬓ᭄᭞ᬓᬩᭂᬩᭂᬂᬫᬾᬯᭂᬄᬫᬓ᭄ᬮᬶᬤ᭄᭞ᬲᬚ᭄ᬭᭀᬦᬶᬂᬕ᭄ᬮᬃ᭞ᬗ᭄ᬮᬶᬤᬶᬦ᭄ᬧᬦᬄᬫᬶᬫᬶᬲ᭄᭟ᬬᬦ᭄ᬲᬯᬗᬂᬓᬤᬶᬳᬤᬾᬂᬳᬩᭂᬗ᭄ᬩᭂᬗᬦ᭄᭞ᬭᬶᬂᬮᬗ᭄ᬕᬢᬦᬾᬗᬶᬜ᭄ᬚᬶᬮ᭄᭞ᬢᭂᬃᬚ᭄ᬚ
ᬓ᭄ᬫᬦᬸᬓᬺᬗᬲ᭄᭞ᬧᬘ᭄ᬭᬸᬤᬸᬓ᭄ᬮᬩᬸᬄᬩ᭄ᬮᬄ᭞ᬫᬩ᭄ᬭᬭᬓᬦ᭄ᬲᬫ᭄ᬩᭂᬄᬲᬫᬶ᭞ᬩᭂᬜ᭄ᬘᬃᬫᬵᬤᬸᬓᬦ᭄᭞ᬲᬧᬸᬦᬶᬓᬉᬧᬫᬶ᭟ᬤᬸᬭᬸᬲ᭄ᬓᭂᬲ᭄ᬓᭂᬲ᭄ᬲᬶᬓᭂᬧ᭄ᬩᬜ᭄ᬚᬃᬲᬭᬶᬫᬾᬗᬲ᭄᭞ᬳᬲᬶᬂᬫ᭄ᬤᬮ᭄‌ᬗ᭄ᬫᬲᬶᬦ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞
[᭖᭗ 67A]
ᬓᬾᬫ᭄ᬩᬦ᭄ᬓᬗᭂᬦ᭄ᬜᬶᬗᬓ᭄᭟ᬭᬾᬜ᭄ᬘᬗᬾᬗᬓᬾᬳᬂᬫᬢᬶ᭞ᬤᬤᭀᬲ᭄ᬲᬲᬭᬦ᭄᭞ᬯᬶᬭᬂᬳᬬᬢ᭄ᬫᭂᬢᭀᬢᬵᬦᬶᬦ᭄᭟ᬳᬕᬾᬜᬕ᭄ᬚᬕ᭄ᬭᬵᬤᬾᬦ᭄ᬯᬷᬭᬦᬵᬣᬗᬸᬫᬤ᭄᭞ᬲᬵᬫ᭄ᬧᬸᬦᬂᬤᬸᬫᬸᬜ᭄ᬘᭂᬦᬶᬂ᭞ᬲᬳᬲᬗᬫᬹᬓᬂ᭞ᬫ
ᬗ᭄ᬤᬲᬵᬫ᭄ᬧᬸᬦ᭄ᬲᬢ᭄ᬫᬓ᭞ᬤᬤᬮᬸᬜ᭄ᬩᬸᬭᬶᬦ᭄ᬳᬧᬶ᭞ᬲ᭄ᬥᭂᬂᬤᬸᬫᬶᬮᬄ᭞ᬢᬦ᭄ᬳᬸᬭᬸᬗᬦ᭄‌ᬗ᭄ᬫᬲᬶᬦ᭄᭟ᬲᬵᬫ᭄ᬧᬸᬦ᭄ᬳᬫ᭄ᬧᬄᬦᬗ᭄ᬓᭂᬧᬶᬦ᭄ᬰᬢ᭄ᬭᬸᬪᬶᬱᬫ᭞ᬧᬵᬤᬾᬗᬶᬦ᭄ᬫᬮᬸᬘ᭄ᬦᬶᬂ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬳ᭄ᬬᬸᬦ᭄ᬗᬶᬍᬲᬂᬭᬕ᭞ᬲᬧᬢᬸᬤᬸᬄ
ᬭᬵᬤᬾᬦ᭄ᬳᬚᬶ᭞ᬫᬗ᭄ᬤᬫᬵᬮᬶᬗᬦ᭄᭞ᬩᭀᬬᬲᬓᬭᬶᬂᬫ᭄ᬜᭂᬢ᭄᭟ᬓᬸᬤᬶᬤᬶᬦᬫᭂᬲᭂᬳᬾᬯ᭄ᬗᬶᬭᬳᬶᬦ᭞ᬢᬦ᭄ᬭᬃᬬ᭄ᬬᬦᬦ᭄ᬫᭂᬤᬶᬮᬶᬦ᭄᭞ᬕᬸᬩᬸᬕ᭄ᬩᬜ᭄ᬚᬃᬲ᭄ᬓᬃ᭞ᬚᬦ᭄ᬢᭀᬲ᭄ᬧᬸᬳᬸᬦ᭄ᬳᬲᬶᬩᬓ᭄᭞ᬳᬦ᭄ᬤᬸᬲᬾᬲᬵᬫ᭄ᬧᬸᬦ᭄ᬦᬶᬓ᭄ᬮᬶᬦ᭄᭞
ᬓᬵᬮᬳᬶᬭᬶᬓ᭞ᬳᭀᬲᭂᬓ᭄ᬓᬳ᭄ᬬᬸᬦ᭄ᬲᬗ᭄ᬓᬮᬶᬄ᭟ᬓᬏᬭᬗᬦ᭄ᬳᬢᬹᬃᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬶᬂᬳᬗ᭄ᬮᬸᬭᬄᬮᬾᬃᬩᬸᬓᬶᬢ᭄᭞ᬥᬹᬳᬚᬶᬦᬯᭂᬕᬂ᭞ᬧᬶᬦᭂᬄᬢᬍᬃᬧᬜ᭄ᬚᬗᬂ᭞ᬦᬧᬶᬧ᭄ᬯᬭᬦᬾᬫ᭄ᬦᭂᬗᬶᬦ᭄᭞ᬰᬢ᭄ᬭᬸᬦᬾᬕᬮᬓ᭄᭞ᬚ [ 68 ][᭖᭗ 67B]
᭖᭗
ᬦ᭄ᬢᭀᬲ᭄ᬚᬕᬢᬾᬪᬰ᭄ᬫᬶ᭟ᬏᬭᬂᬢᬶᬢ᭄ᬬᬂᬫᬶᬭᬕᬶᬳᬶᬧᬸᬦ᭄ᬫᬲᬸᬫ᭄ᬩᬃ᭞ᬗᬮᭀᬓᬂᬢᬶᬢ᭄ᬬᬂᬫ᭄ᬜᬶᬢ᭄᭞ᬢᬦ᭄ᬧᬸᬭᬸᬦ᭄ᬫᬢᬗᬄ᭞ᬓᭀᬘᬧ᭄ᬕᭂᬢᬧ᭄ᬫᬦᬸᬮᬂ᭞ᬢᬦ᭄ᬧᬸᬭᬸᬦ᭄ᬗᭂᬘᭀᬭᬂᬕ᭄ᬢᬶᬄ᭞ᬭᬶᬂᬭᬡᬗ᭄ᬕᬡ᭞ᬢᬦ᭄ᬲᭀᬢᬦᬶᬂᬧ᭄ᬭᬚᬸᬭᬶᬢ᭄᭟ᬤᬸ
ᬲᬸᬲ᭄ᬧᬥᭂᬫ᭄ᬫᬓᬤᬸᬢ᭄ᬭᬶᬂᬚ᭄ᬭᭀᬦᬶᬕᬃᬩ᭄ᬪ᭞ᬮ᭄ᬓᬤ᭄ᬫᭀᬩᭀᬢ᭄ᬓᬤᬮᬶᬄ᭞ᬬᬦ᭄ᬳᬚ᭄ᬭᬶᬄᬫᬢᬗ᭄ᬕᬮ᭄᭞ᬓᬦ᭄ᬢᬸᬦ᭄ᬗᭂᬧᬾᬢ᭄ᬢᬦ᭄ᬯᬶᬭᬂ᭞ᬮᬸᬕ᭄ᬭᬬᬂᬢᬶᬢ᭄ᬬᬂᬫᬧᬫᬶᬢ᭄᭞ᬗᬫ᭄ᬧᬓᬂᬕ᭄ᬮᬃ᭞ᬰᬸᬭᬥᬃᬫ᭄ᬫᬦᬾᬉᬗ᭄ᬲᬶ᭟ᬚᬕᬦᬧᬶᬢᬶᬢ᭄ᬬᬂᬦᬫ᭄ᬧᭂᬤᬂᬍ
ᬓ᭄ᬚᭂᬗᬄ᭞ᬬᬦ᭄ᬢᬶᬢ᭄ᬬᬂᬓᬦ᭄ᬢᬸᬦ᭄ᬫᬸᬭᬶᬧ᭄᭞ᬳᬶᬭᬶᬓᬶᬭᬶᬂᬲᬲᬓ᭄᭞ᬧᭀᬗᬄᬗᬶᬚᭂᬧᬂᬫᬢ᭞ᬤᬤᭀᬲ᭄ᬓᬓ᭄ᬤᬾᬓᬦ᭄ᬕᬸᬫᬶ᭞ᬲᬜᬫᬦ᭄ᬢᬶᬢ᭄ᬬᬂ᭞ᬧᬘᬂᬗᬸᬧᭂᬢ᭄ᬭᬶᬂᬩᬵᬮᬶ᭟ᬥᬹᬄᬮᬸᬕ᭄ᬭᬬᬂᬢᬶᬢ᭄ᬬᬂᬫᬗ᭄ᬓᬶᬦ᭄ᬫᬢ᭄ᬮᬲᬦ᭄᭞ᬜᬕ᭄ᬓᬤᬾᬦ᭄ᬤᬫᬲ᭄ᬓᬸᬦᬶᬂ
᭞ᬚᬕ᭄ᬭᬸᬯᬸᬄᬫᬫ᭄ᬮᬢ᭄᭞ᬲᬳᬗ᭄ᬮᬸᬢ᭄ᬦᭂᬓᭂᬓᬂ᭞ᬯᬗ᭄ᬓᭀᬂᬤᬾᬦ᭄ᬩᬜ᭄ᬚᬃᬲᬭᬶ᭞ᬦᬗᬶᬲ᭄ᬲᬶᬕ᭄ᬲᬶᬕᬦ᭄᭞ᬳᬢᬹᬭᬾᬗᬲᬶᬳᬲᬶᬄ᭟ᬳᬥᬹᬄᬩ᭄ᬮᬶᬧᬶᬦᭂᬳᬶᬦ᭄ᬢᬍᬃᬧᬜ᭄ᬚᬗᬂ᭞ᬲᬵᬫ᭄ᬧᬸᬦᬂᬗ᭄ᬮᬮᬸᬧᬢᬶ᭞ᬩ᭄ᬮᬶᬥᬶᬗᬦ᭄ᬢᬶᬢ᭄ᬬᬂ᭞ᬧᬸᬭᬸᬦ᭄ᬢᬶᬢ᭄ᬬᬂᬫ
[᭖᭘ 68A]
ᬗᬸᬗ᭄ᬯᬂ᭞ᬫᬗ᭄ᬤᬲᬵᬫ᭄ᬧᬸᬦᬂᬲᬓᬤᬶ᭞ᬩᬤᬯᬂᬦᬵᬮ᭞ᬧᬢᬷᬢᬤᬾᬦᬶᬂᬭᬸᬦ᭄ᬢᬶᬓ᭄᭟ᬩᭀᬬᬜᬦ᭄ᬤᬂᬩ᭄ᬮᬶᬩᬗᭂᬢ᭄ᬗᬺᬲᭂᬧᬂ᭞ᬧᬚᬃᬰᬢ᭄ᬭᬸᬗᭂᬦ᭄ᬤᬶᬕᬶᬦ᭄᭞ᬗᬯᬮᬾᬓ᭄ᬫᬲᬲᬸᬫ᭄ᬩᬃ᭞ᬕᬸᬫᬦ᭄ᬢᬶᬓᬲᬥ᭄ᬬᬬᬂ᭞ᬫᬗ᭄ᬤᬩ᭄ᬮᬶᬤᬸᬭᬸᬲ᭄ᬲᭂᬗᬶᬢ᭄᭞ᬲᬳᬲᬯᬶ
ᬭᬂ᭞ᬜᬥ᭄ᬬᬳᬶᬱᬸᬦ᭄ᬗᭂᬫ᭄ᬩᬭᬶᬦ᭄᭟ᬥᬹᬄᬳᬫ᭄ᬧᬸᬭᬢᬶᬢ᭄ᬬᬂᬲᬓᬤᬶᬧᬺᬱᬗ᭄ᬕ᭞ᬗᬦ᭄ᬤᭂᬕ᭄ᬧᬫᬃᬕ᭄ᬕᬦ᭄ᬩᭂᬮᬶ᭞ᬭᬾᬄᬢᬶᬢ᭄ᬬᬂᬲᬗ᭄ᬲᬬ᭞ᬤᬤᭀᬲ᭄ᬢᬯᬜ᭄ᬚᬭᬳᬦ᭄᭞ᬫᬲᬢᬦ᭄ᬭᬶᬂᬓᬳ᭄ᬬᬸᬦ᭄ᬩᭂᬮᬶ᭞ᬦᬧᬶᬧ᭄ᬯᬭᬦ᭄ᬜ᭞ᬢᬶᬢ᭄ᬬᬂᬢᬶᬦ᭄ᬤᬶᬄᬭᬶᬂᬩ᭄ᬮᬶ᭟ᬦᬵᬗ᭄ᬳᬶᬂᬢᬶ
ᬢ᭄ᬬᬂᬩᭀᬬᬧᬶᬲᬦ᭄ᬫᬦᬦ᭄ᬤ᭄ᬭᬸᬳᬂ᭞ᬭᬶᬂᬓᬧᬸᬭᬸᬱᬦ᭄ᬩᭂᬮᬶ᭞ᬭᬾᬄᬲᬵᬫ᭄ᬧᬸᬦ᭄ᬫᬯᬢᬂ᭞ᬢᬶᬦ᭄ᬤᬶᬄᬭᬶᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬩᭀᬬᬯᬾᬦ᭄ᬢᭂᬦ᭄ᬗᬸᬧᭂᬢ᭄ᬩᭂᬮᬶ᭞ᬢᬶᬢ᭄ᬬᬂᬗᬍᬫᬂ᭞ᬩ᭄ᬮᬶᬢᭀᬢᭀᬲ᭄ᬧ᭄ᬭᬚᬸᬭᬶᬢ᭄᭟ᬢᬶᬢ᭄ᬬᬂᬜᬥ᭄ᬬᬗᬶᬭᬶᬂᬩ᭄ᬮᬶᬫᬧᬸᬧᬸᬢ
ᬦ᭄᭞ᬲᬢ᭄ᬬᬭᬶᬂᬕᬸᬭᬸᬮᬓᬶ᭞ᬲᭀᬢᬦᬶᬂᬫᬫᬜ᭄ᬚᬓ᭄᭞ᬦ᭄ᬕᭂᬕᬂᬧᬲᭀᬩᬬ᭞ᬳᬕᭂᬢ᭄ᬮᬘᬸᬃᬲᬋᬂᬓᬮᬶᬄ᭞ᬲᬪᬬᬵᬦ᭄ᬢᬓ᭞ᬫᬶᬗ᭄ᬤᭀᬄᬢᬶᬢ᭄ᬬᬂᬢᬦ᭄ᬳᬾᬮᬶᬂ᭟ᬦᬵᬗ᭄ᬳᬶᬂᬩ᭄ᬮᬶᬢᬍᬃᬧᬶᬦᭂᬳᬶᬦ᭄ᬧᬜ᭄ᬚᬗᬂ᭞ᬳᬢᬹᬃᬢᬶᬢ᭄ᬬᬂᬉᬧᬫᬶ᭞ᬦ [ 69 ][᭖᭘ 68B]
᭖᭘
ᬲᬶᬓᬶᬦ᭄ᬲᬕᬭ᭞ᬲᬵᬫ᭄ᬧᬸᬦ᭄ᬢᬸᬦᬯᬶᬯᬾᬓ᭞ᬦᬗ᭄ᬓᭂᬧᬶᬦ᭄ᬰᬢ᭄ᬭᬸᬢᬦ᭄ᬓᭀᬝᬶ᭞ᬲᬢᬸᬲ᭄ᬯᬶᬪᬕ᭞ᬚᬦ᭄ᬢᭂᬦ᭄ᬓᬸᬘᬶᬯᬢᬦ᭄ᬤᬶᬂ᭟ᬯᬤ᭄ᬯᬦ᭄ᬩᭂᬮᬶᬫᬢᬗ᭄ᬕᬮ᭄‌ᬕ᭄ᬮᬶᬲᬦ᭄ᬓᬗ᭄ᬕᬾᬮᬦ᭄᭞ᬤᬾᬦᬶᬂᬲᬋᬂᬳᬓ᭄ᬤᬶᬓ᭄᭞ᬓᬵᬗᭂᬦ᭄ᬯ᭄ᬬᬓ᭄ᬢᬶᬢᬶᬢ᭄ᬬᬂ᭞ᬗ᭄ᬢᭀᬦ᭄ᬳᬶᬧᬸᬦ᭄ᬲᬗ᭄ᬲᬭ᭞
ᬤᬤᭀᬲ᭄ᬲᬲᬭᬦ᭄ᬢᬦ᭄ᬫᬭᬶ᭞ᬓᬾᬄᬓᬩᬜ᭄ᬘᬭᬦ᭄᭞ᬢᬦ᭄ᬧᬾᬗᬦ᭄ᬧᬥᭂᬫ᭄ᬓᬦᬶᬦ᭄᭟ᬉᬭᬶᬧ᭄ᬳᬶᬧᬸᬦ᭄ᬲᬦᬾᬩᬗᭂᬢ᭄ᬳᬗᭂᬤ᭄ᬢᬶᬢ᭄ᬬᬂ᭞ᬲᬓᬤᬶᬢᬦ᭄ᬧᬳᬚᬶ᭞ᬯᬮᬸᬬᬓᬲᬯᬂ᭞ᬧᬥᭂᬫ᭄ᬳᬶᬧᬸᬦᬾᬗᬯᬕ᭄᭞ᬥᬹᬄᬩ᭄ᬮᬶᬬᬦ᭄ᬓᬧᬶᬲᬶᬗ᭄ᬕᬶᬄ᭞ᬧᬫᬸᬗᬸ
ᬦ᭄ᬢᬶᬢ᭄ᬬᬂ᭞ᬗᬶᬭᬶᬂᬧᬶᬲᬦ᭄ᬫᬕᬶᬗ᭄ᬲᬶᬃ᭟ᬩᭀᬬᬜᬦ᭄ᬤᬂᬳᬶᬭᬶᬓᬶᬍᬚᭂᬄᬫᬢᬗ᭄ᬕᬮ᭄᭞ᬭᬶᬂᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬓᬩᭂᬩᭂᬂᬓᬶᬤ᭄ᬭᬦ᭄᭞ᬦᬶᬲ᭄ᬓᬵᬃᬬ᭄ᬬᬫᬓᬸᬓᬸᬳᬦ᭄᭞ᬭᬾᬄᬲᬵᬫ᭄ᬧᬸᬦ᭄ᬓᬲᬾᬕᬸᬫᬶ᭞ᬢᬸᬃᬲᬵᬫ᭄ᬧᬸᬦ᭄ᬲᬶᬦᬄ᭞ᬭᬾᬜ᭄ᬘᬂᬩ᭄ᬮᬶ
ᬦᬾᬗᬶᬮᬶ᭟ᬬᬦ᭄ᬓᬧᬵᬢᬹᬢ᭄ᬗᬶᬭᬶᬂᬧᬶᬲᬦ᭄ᬫᬧᬜ᭄ᬚᭂᬭᬦ᭄᭞ᬫᬕᬶᬗ᭄ᬲᬶᬃᬓᬮᬾᬃᬩᬸᬓᬶᬢ᭄᭞ᬗᬸᬗ᭄ᬲᬶᬢᬜ᭄ᬚᬸᬂᬩᬬᬦ᭄᭞ᬲᬓᬶᬂᬳᬶᬭᬶᬓᬧᬶᬲᬦ᭄᭞ᬯᬶᬭᬗᬂᬫᬮᬶᬄᬢᭂᬫ᭄ᬩᬾᬦᬶᬦ᭄᭞ᬫᬧᬢᬺᬬᬸᬤ᭄ᬥ᭞ᬘᬕ᭄ᬭᬂᬳᬚᬶᬦ᭄ᬩᭂᬮᬶ᭟ᬗᭂᬫ᭄ᬩᭂᬂᬘᬶᬗ
[᭖᭙ 69A]
ᬓ᭄ᬭᬵᬤᬾᬦ᭄ᬯᬷᬭᬦᬵᬣᬜ᭄ᬮᬕ᭄᭞ᬳᬢᬹᬃᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬃᬚ᭄ᬚᬯᬗᬦ᭄ᬤᬶᬓ᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬥᬹᬄᬘ᭄ᬦᬶᬂᬩᬧᬫᬶᬦᭂᬳᬶᬦ᭄᭞ᬜᬦ᭄ᬤᬂᬧ᭄ᬬᬃᬱᬬᬂ᭞ᬧᬫᬸᬗᬸᬦ᭄ᬳᬤᬶᬦ᭄‌ᬘ᭄ᬦᬶᬂ᭟ᬩᭀᬬᬜᬦ᭄ᬤᬂᬘ᭄ᬦᬶᬂᬏᬭᬂᬫᬧᬜ᭄ᬚᭂᬭᬦ᭄
᭞ᬫᬦ᭄ᬢᬸᬓᬩᬮᬾᬃᬩᬸᬓᬶᬢ᭄᭞ᬫᬸᬂᬧᬸᬂᬳᬶᬧᬸᬦ᭄ᬮᬾᬗ᭞ᬫᬸᬲᬸᬳᬾᬫᬕᬕᬳᬦ᭄᭞ᬦᬾᬩᬤᬯᬸᬄᬗᬚᬂᬩ᭄ᬤᬶᬮ᭄᭞ᬢᭀᬫ᭄ᬧ᭄ᬮᭀᬓ᭄ᬱᬧᬶᬲᬦ᭄᭞ᬲᬶᬦᬄᬮᬸᬮᬸᬲ᭄ᬓᬮᬶᬮᬶᬄ᭟ᬦᬦᭂᬂᬳᭂᬗ᭄ᬲᭂᬓ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬓᬦ᭄ᬢᬸᬦ᭄ᬫᬶ
ᬦᭂᬄᬫᬶᬦᭂᬳᬶᬦ᭄᭞ᬯ᭄ᬓᬲᬦ᭄ᬗᬦ᭄ᬤᬶᬓ᭞ᬳᬶᬗ᭄ᬕᬶᬄᬬᬦ᭄ᬲᬧᬸᬦᬶᬓ᭞ᬧᬓᭀᬩᭂᬢᬾᬓᬤᬶᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬗᬶᬭᬶᬗᬂ᭞ᬲᬓᬤᬶᬓᬳ᭄ᬬᬸᬦ᭄ᬳᬚᬶ᭟ᬢᬸᬃᬓᬥᬯᬸᬄᬧᬜ᭄ᬚᬓᬾᬫᬗ᭄ᬤᬲᬬᬕ᭞ᬗᬶᬭᬶᬂᬧᬘᬂᬗᬯᭀᬦᬶᬦ᭄᭞ᬕᬸᬩᬸᬕ᭄ᬩᬜ᭄ᬚᬃᬲ᭄ᬓᬃ᭞
ᬭᬾᬄᬩᬗᭂᬢ᭄ᬓᬭᬸᬲᬓᬦ᭄᭞ᬦᬶᬲ᭄ᬓᬵᬃᬬ᭄ᬬᬲᬋᬂᬳᬓ᭄ᬤᬶᬓ᭄᭞ᬧᬘᬂᬫᬢᬗ᭄ᬕᬮ᭄᭟ᬢᬦ᭄ᬳᬸᬭᬸᬗᬦ᭄‌ᬫ᭄ᬗᬲᬶᬦ᭄᭟ᬲᬳᬸᬃᬧᬓ᭄ᬱᬶᬧᬜ᭄ᬚᬓᬾᬜᬥ᭄ᬬᬗᬶᬭᬶᬗᬂ᭞ᬲᬵᬫ᭄ᬧᬸᬦ᭄ᬫᬢᬓᬶᬢᬓᬶ᭞ᬲᬋᬂᬧ᭄ᬬᬦᬓ᭄ᬱᭀᬫᬄ᭞ᬧᬘᬂᬭᬭᬸᬤ᭄ᬲᬕᬺᬳ [ 70 ][᭖᭙ 69B]
᭖᭙
ᬦ᭄᭞ᬦᬶᬮᬃᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬲᬵᬫ᭄ᬧᬸᬦ᭄ᬲᬬᬕ᭞ᬫᬢᬶᬓᬲᬦ᭄ᬮᬸᬄᬫ᭄ᬯᬦᬶ᭟ᬲᬧᬶᬲᬦ᭄ᬫᭂᬤᬮ᭄ᬓᬯᬸᬄᬫᬧᬜ᭄ᬚᭂᬭᬦ᭄᭞ᬫᬓ᭄ᬩᬓ᭄ᬕᭂᬮᬃᬫᬭᬦᬶᬦ᭄᭞ᬰᬢ᭄ᬭᬸᬦᬾᬫᬩᭂᬜ᭄ᬚᬄ᭞ᬭᬶᬲ᭄ᬤᭂᬓ᭄ᬫᬕᬕᬳᬦ᭄᭞ᬓᬲᬼᬗᬕᬦ᭄ᬩᬩᬂᬮᬶᬮᬶᬄ᭞ᬗᬸᬢᬂ
ᬢᬓᬶᬮᬦ᭄᭞ᬓᬲᬾᬧ᭄ᬫᭂᬢᬢᬂᬩ᭄ᬤᬶᬮ᭄᭟ᬓᬫᭂᬫ᭄ᬕᬦ᭄ᬢᬸᬮ᭄ᬬᬓᬤᬶᬢᭀᬫ᭄ᬧ᭄ᬮᭀᬓ᭄ᬳᭂᬫ᭄ᬩᬄ᭞ᬚᬦ᭄ᬢᭀᬲ᭄ᬲᬂᬭᬭᬸᬤ᭄ᬧᭀᬮᬶᬄ᭞ᬗᬮᬶᬦ᭄ᬢᬂᬗᬯᬸᬳᬂ᭞ᬮᬲ᭄ᬬᬢᬦ᭄ᬯᬾᬦ᭄ᬢᭂᬦ᭄ᬜᬦ᭄ᬤᬓ᭄᭞ᬤᬸᬓ᭄‌ᬦ᭄ᬥᬸᬦᬶᬦ᭄ᬓᭀᬓᭀᬓ᭄ᬩᭂᬮᬶᬫ᭄ᬩᬶᬂ᭞ᬯᬢᬸᬦ᭄ᬭᬚᬂ᭞ᬫᭂ
ᬲᭂᬳᬾᬗᭂᬢᬹᬢ᭄ᬩᬸᬭᬶ᭟ᬲ᭄ᬗᬧ᭄ᬩᬸᬩᭂᬃᬧᬭᬭᬸᬤᬦ᭄ᬩᬜ᭄ᬚᬃᬲ᭄ᬓᬃ᭞ᬭᬶᬲ᭄ᬤᭂᬓ᭄ᬗ᭄ᬭᬕᬲ᭄ᬳᬩᬶᬂ᭞ᬩ᭄ᬘᬢ᭄ᬲᬾᬧᬦ᭄ᬫᬸᬗ᭄ᬕᬄ᭞ᬗᬸᬗ᭄ᬲᬶᬩᬤᬯᬸᬄᬢᬸᬓᬤ᭄᭞ᬲᬗᬸᬩᭂᬃᬫᭂᬢᬢᬂᬩ᭄ᬤᬶᬮ᭄᭞ᬲᬳᬫᬲᬹᬃᬬ᭄ᬬᬓ᭄᭞ᬗᬫ᭄ᬧ᭄ᬭᬕ᭄ᬲᬂᬓᭂᬢᬹᬢ᭄ᬩᬸᬭᬶ᭟ᬓᬗ᭄ᬓᬢ᭄ᬲᬫ᭄ᬩ᭄ᬭᬲᬂᬓᬸ
ᬩᭂᬃᬮᬶᬮᬶᬄᬧᬩᬼᬲᬢ᭄᭞ᬯᬾᬦ᭄ᬢᭂᬦ᭄ᬗᬯᬸᬳᬂᬗᬸᬗ᭄ᬲᬶ᭞ᬯᬾᬦ᭄ᬢᭂᬦ᭄ᬦᬾᬗᬮᬾᬭᬂ᭞ᬜᬮᬶᬲᬶᬩ᭄ᬦᬸᬮᬸᬄᬢᬸᬓᬤ᭄᭞ᬓᬤᬶᬓᬶᬤᬂᬢᭂᬧᬾᬦ᭄ᬢᬧᬶᬲ᭄᭞ᬭᬾᬜ᭄ᬘᬗᬾᬋᬗᬲ᭄᭞ᬩᬄᬩᬗᬸᬦ᭄ᬗᭂᬮᬶᬤᬶᬦ᭄ᬫᬶᬫᬶᬲ᭄᭟ᬧᬲᬫ᭄ᬩᬸᬭᬢ᭄ᬓᭀᬘᬧ᭄ᬭᬵᬤᬾ
[᭗᭐ 70A]
ᬤᬦ᭄ᬩᬜ᭄ᬚᬃᬕ᭄ᬢᬲ᭄᭞ᬩ᭄ᬮᬲ᭄ᬭᬶᬂᬤᭂᬦ᭄ᬤᬫᬲ᭄ᬓᬸᬦᬶᬂ᭞ᬤᬸᬓ᭄ᬦᭂᬥᬸᬦᬶᬦ᭄ᬢᬸᬓᬤ᭄᭞ᬓᬩ᭄ᬭᬶᬦ᭄ᬯᬦ᭄ᬫᬓᬶᬍᬲᬦ᭄᭞ᬢᭀᬫ᭄ᬧ᭄ᬮᭀᬓ᭄ᬭᬾᬜ᭄ᬘᬂᬮᬸᬮᬸᬲ᭄ᬮᬶᬮᬶᬄ᭞ᬢᬗᬦᬾᬓ᭄ᬧᬃ᭞ᬦᬸᬦ᭄ᬢᬸᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬫᬧᬮᬲᬦ᭄ᬧᬗᭀᬚᭀᬕ᭄ᬫᬤᬸᬤ᭄ᬯ
ᬦ᭄ᬤᬸᬤ᭄ᬯᬦ᭄᭞ᬓᭀᬘᬧ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬫᬓᬶᬍᬲ᭄ᬗᬮᬾᬭᬂ᭞ᬲᬋᬂᬭᬾᬜ᭄ᬘᬗᬾᬓᬢᬄ᭞ᬭᬵᬤᬾᬦ᭄ᬯᬷᬭᬦᬵᬣᬗᬩᬶᬄ᭞ᬫᬤᬦ᭄ᬤᬦ᭄ᬢᬗᭂᬦ᭄᭞ᬫᬦ᭄ᬢᬸᬓᬩᬍᬃᬩᬸᬓᬶᬢ᭄᭟ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬸᬗ᭄ᬲᬶᬓᬯᬸᬄᬫᬸᬗ᭄ᬕᬄ᭞ᬗᭀ
ᬚᭀᬕ᭄ᬲᬶᬓᭂᬧ᭄ᬧᭀᬄᬚᭂᬗ᭄ᬕᬶ᭞ᬳᬶᬭᬶᬓᬜᬦ᭄ᬢᭀᬲᬂ᭞ᬲᬬᬕᬫᬢᭂᬩᭂᬗᬦ᭄᭞ᬲᬓᬾᬂᬥᬯᬸᬄᬢᬸᬓᬤ᭄‌ᬫ᭄ᬤᬶᬮ᭄᭞ᬯᭀᬂᬰᬾᬮᬧᬭᬂ᭞ᬲ᭄ᬤᭂᬓ᭄ᬜᬕ᭄ᬚᬕ᭄ᬗᭂᬧᬸᬗᬶᬦ᭄᭟ᬫᬚᬗ᭄ᬕᭂᬮᬦ᭄‌ᬋᬱᬺᬱ᭄ᬲᬶᬓᭂᬧ᭄ᬰᬾᬮᬧᬭᬂ᭞ᬓᬗᬾᬮ
ᬦ᭄ᬗᭂᬮᬶᬤᬶᬦ᭄ᬫᬶᬫᬶᬲ᭄᭞ᬤᬸᬭᬸᬲ᭄ᬫᬚᬤᭂᬗᬦ᭄᭞ᬗᭂᬕᭂᬃᬩᬤᬗᬶᬦ᭄ᬢᬸᬓᬤ᭄᭞ᬢᬦ᭄ᬧᬸᬭᬸᬦ᭄ᬫᬮᬶᬄᬗᬸᬩᭂᬭᬶᬦ᭄᭞ᬲᬂᬫᬓᬶᬍᬲᬦ᭄᭞ᬯᭀᬂᬤᬾᬰᬩᬜ᭄ᬚᬃᬲᬭᬶ᭟ᬢᬦ᭄ᬓᬯᬃᬡ᭄ᬦᬲᬂᬩᭀᬗ᭄ᬮᭀᬢ᭄ᬦᬶᬮᬃᬦᬵᬕᬭ᭞ᬫᬗᬶᬦ᭄ᬢᬸᬢᬸᬭᬂᬫᬮᬶᬄ [ 71 ][᭗᭐ 70B]
᭗᭐
᭞ᬲᬓᭂᬧ᭄ᬰᬾᬮᬧᬭᬂ᭞ᬲᭀᬢᬦᬶᬂᬗᬧᬶᬚᬶᬕᬂ᭞ᬗᬯᬸᬕ᭄ᬕᬸᬩᬸᬕ᭄ᬩᬜ᭄ᬚᬃᬲᬭᬶ᭞ᬭᬫᭂᬲ᭄ᬫᬚᬸᬭᬕ᭄᭞ᬲᬤᬕᬶᬂᬕᬸᬩᬸᬕ᭄ᬲᬫᬶ᭟ᬬᬦ᭄ᬲᬯᬗᬂᬓᬤᬶᬩᬪᬹᬱᬦ᭄ᬧᬤᬶᬗ᭄ᬓᭂᬮᬓ᭄᭞ᬗ᭄ᬢᭀᬜ᭄ᬘᬭᬸᬉᬧᬫᬶ᭞ᬫᬋᬩᬸᬢ᭄ᬫᬲᭀᬕ᭄ᬲᬕ᭄᭞ᬲᬮᬶᬂᬤᬸ
ᬗ᭄ᬓᬸᬓ᭄ᬫᬕᬭᬂ᭞ᬜ᭄ᬫᬓ᭄‌ᬓ᭄ᬩᭂᬦ᭄ᬓᭀᬢᬓ᭄ᬧ᭄ᬢᬶ᭞ᬗ᭄ᬢᬓᬂᬫᬶᬲ᭞ᬓ᭄ᬩᭀᬩᬦ᭄ᬢᬾᬂᬮᬦ᭄ᬓᬫ᭄ᬩᬶᬂ᭟ᬗ᭄ᬚᬸᬓ᭄ᬳᬗ᭄ᬲᬫᬫ᭄ᬭᬶᬳᬬᬫ᭄ᬓᬸᬭᬸᬗᬦ᭄᭞ᬧᬗᬶᬦᬓᬬᬂᬧᬶᬢᬶᬓ᭄᭞ᬓᬦ᭄ᬢᬸᬦ᭄ᬭᬶᬂᬩᭂᬗ᭄ᬩᭂᬗᬦ᭄᭞ᬲᬳᬸᬧ᭄ᬲᬗ᭄ᬓᬶᬮ᭄ᬓᬶᬍᬲᬂ᭞ᬯᬾᬦ᭄ᬢᭂᬦ᭄ᬕᬾᬲᬾᬄᬦ᭄ᬕᭂᬦ᭄ᬧᬤᬶ᭞
ᬲᬦᬾᬢᬭᬸᬡ᭞ᬲᬭᬢ᭄ᬗᬸᬩᭂᬃᬧᬯᬾᬲ᭄ᬢ᭄ᬭᬷ᭟ᬦᬾᬳᬕᭂᬢᬦ᭄‌ᬧᭀᬮᬶᬄᬦᬾᬤ᭄ᬳᭂᬲᬶᬗ᭄ᬲᬾᬬᬦ᭄᭞ᬧ᭄ᬭᬓᭀᬱᬚ᭄ᬭᬢ᭄ᬚ᭄ᬭᬶᬢ᭄᭞ᬯᬯᬸᬓᬮᬸᬓᬭᬦ᭄᭞ᬯᬵᬲ᭄ᬢ᭄ᬭᬲᬶᬜ᭄ᬚᬂᬫᬧ᭄ᬮᬶᬢᬦ᭄᭞ᬓᬦ᭄ᬢᭂᬦ᭄ᬲᬶᬮᬶᬢᬾᬫᬍᬕᬶᬂ᭞ᬓᬢᬸᬚᬄᬮ᭄ᬧᬲ᭄᭞ᬲᬾ
ᬗᭂᬄᬲᬾᬩᭂᬢ᭄ᬫᬓ᭄ᬮᬶᬤ᭄᭟ᬮ᭄ᬘᬮ᭄ᬘᬶᬩᬩᬾᬓᬶᬢᬶᬫ᭄ᬧᬮᬾᬜᬕ᭄ᬚᬕ᭄᭞ᬫᬼᬤ᭄ᬲᬋᬂᬫᬢᬸᬗᬶᬦ᭄᭞ᬉᬮᬫ᭄ᬩᭂᬜᭂᬮ᭄ᬫᬢᬄ᭞ᬧᬫᬸᬧᬸᬢ᭄ᬗᬘᬕᬭᬂ᭞ᬲᬬᬦ᭄ᬗᬓᬾᬳᬂᬗ᭄ᬭᬯᬸᬳᬶᬦ᭄᭞ᬳᭀᬕᬦ᭄‌ᬍᬓ᭄ᬚᭂᬗᬄ᭞ᬗᬸᬫᬤ᭄ᬢᬸᬫ᭄ᬩᬓᬾᬓᭂᬜ᭄ᬚᬶᬃ᭟ᬓᬤᬶ
[᭗᭑ 71A]
ᬧᬜ᭄ᬚᬂᬬᬦ᭄ᬲᬫᬶᬬᬦ᭄ᬢᬸᬢᬸᬭᬂ᭞ᬲᬢᬶᬗ᭄ᬓᬄᬲᬂᬜᬸᬭᬕᬶᬦ᭄‌᭞ᬫᬲᭀᬕ᭄ᬲᬕ᭄ᬫᬕᬭᬂ᭞ᬧᬾᬮᭀᬮᬦ᭄ᬲᬸᬤᬃᬩ᭄ᬪᬬ᭞ᬤᬶᬳᬕᬾᬓᬕᬸᬩᬸᬕ᭄ᬗ᭄ᬭᬜ᭄ᬚᬶᬂ᭞ᬢ᭄ᬮᬲ᭄ᬗᬮᬸᬦ᭄ᬢᬂ᭞ᬲᬤᬕᬶᬂᬩᬜ᭄ᬚᬃᬲᬭᬶ᭟ᬭᬸᬭᬸᬄᬲᬩ᭄ᬲᬩ᭄ᬦᬾᬲᬭᬢᬂᬲᬵ
ᬫ᭄ᬧᬸᬦ᭄ᬳᬶᬘᬮ᭄᭞ᬲᬫᬶᬦᬶᬗ᭄ᬕᬮ᭄ᬦᬵᬕᬭᬶ᭞ᬤᬸᬭᬸᬲ᭄ᬗᬘᬕᬭᬂ᭞ᬲᬭᭀᬱᬗᬦ᭄ᬤᬶᬓᬬᬂᬫ᭄ᬦᬸᬜ᭄ᬚᭂᬮ᭄ᬧᬧᬬᭀᬦᬦ᭄ᬲᬫᬶ᭞ᬩᬮᬾᬧᬸᬫᬳᬦ᭄᭞ᬚᬶᬦᭂᬂᬓ᭄ᬮᬸᬫ᭄ᬧᬸᬮᬦ᭄ᬲᬫ᭄ᬩᬶ᭟ᬫᬸᬭᬸᬩ᭄ᬗᭂᬦ᭄ᬤᬶᬄᬢᬦ᭄ᬧᬾᬦ᭄ᬤᬄᬦᬦ᭄ᬤᬓᬯᬦ᭞
ᬤᬸᬓ᭄ᬓᬕ᭄ᬲᭂᬂᬳ᭄ᬬᬂᬳᬕ᭄ᬦᬶ᭞ᬪ᭄ᬭᬱ᭄ᬝᬢᬦ᭄ᬧᬰᬾᬱ᭞ᬤᬤᭀᬲ᭄ᬳᬯᬸᬲᬓ᭄ᬱᬡ᭞ᬧᬍᬫᬳᬦ᭄ᬩᬜ᭄ᬚᬃᬲᬭᬶ᭞ᬢᬦ᭄ᬧᬕᬦ᭄ᬢᬸᬮᬦ᭄᭞ᬓᬢ᭄ᬓᬾᬂᬧᬶᬢᬶᬓ᭄ᬩᭂᬗᬶᬮ᭄᭟ᬭᬸᬩᬸᬄᬋᬩᬄᬗᬮᬸᬦ᭄ᬢᬂᬦ᭄ᬕᬮ᭄ᬫᬮᬓᬂ᭞ᬧᬺᬮᬬᬩᬜ᭄ᬚᬃᬲᬭᬶ᭞
ᬓᭀᬘᬧ᭄‌ᬰ᭄ᬭᬷᬦᬭᬾᬦ᭄ᬤ᭄ᬭ᭞ᬤᬶᬕ᭄ᬮᬶᬲ᭄ᬗᬸᬢᬸᬲ᭄ᬮᬗ᭄ᬮᬂ᭞ᬗᬦ᭄ᬤᭂᬕ᭄ᬲᬶᬓᭂᬧ᭄ᬩᬜ᭄ᬚᬃᬫᬲᬶᬦ᭄᭞ᬦᬾᬦ᭄ᬢᭂᬦ᭄ᬓᬮᬸᬕᬺ᭞ᬫᬕ᭄ᬩᬸᬕ᭄ᬓᬧᭀᬄᬚᭂᬗ᭄ᬕᬶ᭟ᬇᬮᬇᬮᬓᬩᬯᭀᬲ᭄ᬳᬦ᭄ᬢᬸᬓ᭄ᬱᬂᬦᬵᬣ᭞ᬫᬫᭂᬲᭂᬄᬓᬧᭀᬄᬚᭂᬗ᭄ᬕᬶ᭞ᬭᬾᬄᬭᬶᬂᬰᬾᬮ [ 72 ][᭗᭑ 71B]
᭗᭑
ᬧᬭᬂ᭞ᬓᬦ᭄ᬢᬸᬦ᭄ᬭᬸᬕ᭄ᬭᬸᬕ᭄ᬓᬧᬃᬡ᭄ᬦ᭞ᬤᬸᬭᬸᬂᬕᬶᬮᬶᬓ᭄ᬫᬓᬲᬫᬶ᭞ᬳᬗ᭄ᬮᬸᬭᬄᬢᬶᬕ᭞ᬩᬶᬬᬶᬮᬶᬄᬧᬘᬂᬗᭀᬩᭂᬢᬶᬦ᭄᭟ᬓᬲᬗ᭄ᬲᬬᬾᬦ᭄ᬤᬾᬦᬶᬂᬢᬦ᭄ᬲᬋᬂᬫᬬᬸᬤ᭄ᬥ᭞ᬧᬺᬫᬗ᭄ᬓᬶᬦ᭄ᬗᬗ᭄ᬓᭂᬦ᭄ᬲᬓᬶᬢ᭄᭞ᬢᬗᬃᬰ᭄ᬭᬷᬦᬭᬾᬦ᭄ᬤ᭄ᬭ᭞ᬰᬢ᭄ᬭᬸᬫᬓᬸᬫᬭᭀᬯᬂ᭞
ᬓᬤᬶᬳᬢᬹᬃᬤᬢᬸᬓ᭄ᬩᬸᬲᬶᬂ᭞ᬫᬧ᭄ᬯᬭᬏᬭᬂ᭞ᬬᬦ᭄ᬢᬦ᭄ᬬᬢ᭄ᬦᬗᬭᬶᬦ᭄᭟ᬲᬂᬜ᭄ᬤᭀᬓᬶᬦ᭄ᬤᬥᬯᬸᬳᬦ᭄ᬫᬧᬕ᭄ᬬᬸᬤ᭄ᬥ᭞ᬘᬶᬳ᭄ᬦᬦᬶᬂᬢᬦ᭄ᬲᬸᬪᬓ᭄ᬢᬶ᭞ᬢᬾᬤᬄᬧᬦᬯᬶᬢᬦ᭄᭞ᬳᬗ᭄ᬮᬸᬭᬄᬢᬶᬕᬲᬦᬓ᭄᭞ᬲᬓᬾᬂᬫᬩᬸᬤ᭄ᬥᬶᬗᬶᬮᭀᬦᬶᬦ᭄᭞ᬳᬶᬕᬸᬲ᭄ᬢᬶ
ᬕ᭄ᬢᬲ᭄᭞ᬭᬾᬄᬫᬢᬸᬗ᭄ᬕᬶᬮᬦ᭄ᬓᬭᬶ᭟ᬭᬶᬂᬳᬗ᭄ᬮᬸᬭᬄᬩᬮᬾᬂᬩᬸᬓᬶᬢ᭄ᬧᬲᬦᬓᬦ᭄᭞ᬫᬫᬦ᭄ᬢᬸᬲᬾᬧ᭄ᬕᬯᬢᬶ᭞ᬭᬶᬂᬳᬶᬕᬸᬕ᭄ᬢᬶᬕ᭄ᬢᬲ᭄᭞ᬩᬶᬮᬶᬄᬲᬵᬫ᭄ᬧᬸᬦ᭄ᬫᬵᬤᬸᬗᬦ᭄᭞ᬧᬘᬂᬗ᭄ᬮᬶᬗᬶᬦ᭄ᬲᬸᬪᬓ᭄ᬢᬶ᭞ᬫᬲᬗ᭄ᬓᬾᬲᬸᬗ᭄ᬓᬦ᭄᭞ᬩᭀᬬᬜᬦ᭄ᬤᬂᬕᭂᬕᬦᬶ
ᬦ᭄᭟ᬦᬸᬗ᭄ᬕᬸᬮ᭄ᬩᬬᬫᬓᬤᬶᬧᬢᬺᬯᬵᬥᬦ᭞ᬓᬮᬶᬄᬭᬵᬤᬾᬦ᭄ᬤᬶᬧᬢᬶ᭞ᬫᬵᬢᬹᬃᬭᬶᬂᬲᬂᬦᬵᬣ᭞ᬩᭀᬬᬲᬶᬫ᭄ᬧᬂᬦᬭᬾᬦ᭄ᬤ᭄ᬭ᭞ᬓᬤᬶᬳᬢᬹᬃᬤᬢᬸᬓ᭄ᬩᬸᬲᬶᬂ᭞ᬳᬶᬦ᭄ᬤᬶᬓ᭄ᬧᬸᬦᬶᬓᬵ᭞ᬢᬶᬢ᭄ᬬᬂᬢᬸᬫᭀᬦ᭄ᬫᭂᬤᬲᬶᬦ᭄᭟ᬤᬸᬓ᭄ᬭᬶᬂᬩᬬᬦ᭄ᬲᬂᬢᬶᬕᬲᬋᬂ
[᭗᭒ 72A]
ᬫᬶᬤᬭ᭞ᬲ᭄ᬓᭂᬦ᭄ᬢᬶᬢ᭄ᬬᬂᬫᬗ᭄ᬕᬶᬳᬶᬦ᭄᭞ᬭᬵᬤᬾᬦ᭄ᬯᬶᬭᬦᬵᬣ᭞ᬲᬋᬂᬳᬗ᭄ᬮᬸᬭᬄᬢᬶᬕ᭞ᬫᬭᭀᬂᬓᬃᬡ᭄ᬦᬓᬶᬲᬶᬓᬶᬲᬶ᭞ᬧᬶᬢᬳᭂᬦ᭄ᬢᬶᬢ᭄ᬬᬂ᭞ᬤᬸᬓ᭄ᬧᬸᬦᬶᬓᬫᬚᬜ᭄ᬚᬶ᭟ᬧᬭᬲ᭄ᬧᬭᭀᬲ᭄ᬲᬮᬸᬗ᭄ᬮᬸᬂᬲᬪᬬᬵᬦ᭄ᬢᬓ᭞ᬢᬶᬦ᭄ᬤᬶᬄᬭᬶᬂᬫᬦ᭄ᬢᬸᬩᬵᬮᬶ᭞ᬗᬤ᭄ᬫᬶ
ᬦᬭᬾᬦ᭄ᬤ᭄ᬭ᭞ᬳᬶᬭᬢ᭄ᬯᬭᬗᬾᬧᬸᬢᬂ᭞ᬦᬾᬧᬗᭂᬦᬂᬳᬶᬭᬚᬢᬶ᭞ᬩᬳᬦ᭄ᬢᭀᬂᬲᬶᬤ᭄ᬥ᭞ᬩᬓᬢ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬕᬸᬲ᭄ᬢᬶᬕ᭄ᬢᬲ᭄ᬦᬾᬫ᭄ᬯᬦᬶᬦᬄᬤ᭄ᬧᬂᬲᬸᬩ᭞ᬫᬕ᭄ᬤᬶᬉᬮᬶᬤᬶᬦᬶ᭞ᬳᬶᬭᬜᬹᬓ᭄ᬱ᭄ᬫᬬᬂ᭞ᬯᬘᬦᬰ᭄ᬭᬷᬦᬭᬾᬦ᭄ᬤ᭄ᬭ᭞ᬗᬸᬦ᭄ᬢᬸᬮ᭄ᬲᬫᬶᬲᬂᬫᬦᬗ᭄ᬓᬶ
ᬮ᭄᭞ᬓᬵᬗᭂᬦ᭄ᬫᬶᬭᬕ᭄ᬬᬂ᭞ᬯᬘᬦᬦ᭄ᬰ᭄ᬭᬷᬪᬹᬧᬢᬶ᭟ᬚᬦ᭄ᬢᭂᬦ᭄ᬲᬵᬫ᭄ᬧᬸᬦ᭄ᬓᬧᬶᬮᬸᬕ᭄ᬩ᭄ᬮᭀᬬᬫᬕᭂᬳᬂ᭞ᬰᬰᬡᬦ᭄ᬭᬢᬸᬍᬯᬶᬄ᭞ᬓᬩᬢᭂᬓ᭄ᬳᬶᬦ᭄ᬤ᭄ᬭᬶᬬ᭞ᬳᭀᬦᭂᬂᬭᬶᬂᬲᭀᬫᬄᬳᬦᬓ᭄᭞ᬧᬫᬸᬧᬸᬢ᭄ᬢᬦ᭄ᬲᬶᬤ᭄ᬥᬾᬂᬓᬧ᭄ᬢᬶ᭞ᬧᬜ᭄ᬚᬓᬾᬲᬮᬄ᭞ᬦᬶ
ᬤᭀᬦ᭄ᬗᭂᬢᭀᬳᬂᬉᬭᬶᬧ᭄᭟ᬲᬧᬸᬦᬶᬓᬧᬗᬸᬯᭀᬯᭂᬢ᭄ᬲᬂᬦᬗ᭄ᬓᬶᬮ᭄ᬲᬫ᭄ᬬᬦ᭄᭞ᬦᬵᬗ᭄ᬳᬶᬂᬭᬶᬂᬚ᭄ᬭᭀᬦᬶᬂᬳᬺᬤ᭄ᬥᬶ᭞ᬓᬵᬗᭂᬦ᭄ᬫᬫᬗᭂᬦᬂ᭞ᬓᬳ᭄ᬬᬸᬦ᭄ᬳᬶᬤᬲᬂᬦᬵᬣ᭞ᬗᬸᬭᬶᬓ᭄ᬢᬦᬄᬗᬸᬦ᭄ᬢᬸᬮ᭄ᬲᬫᬶ᭞ᬢᬦ᭄ᬧᬸᬭᬸᬦ᭄ᬦᬸᬗ᭄ᬓᬲ᭄᭞ᬚᭂᬚᭂᬄᬭᬶᬂᬧᬘᬂᬲᬶᬲᬶᬧ᭄᭟ [ 73 ][᭗᭒ 72B]
᭗᭒
ᬓᬫᬫ᭄ᬕᬦ᭄ᬲᬂᬧ᭄ᬭᬪᬸᬫᬮᬶᬄᬗᬦ᭄ᬤᬶᬓ᭞ᬭᬶᬂᬲᬗᬶᬂᬩᬜ᭄ᬚᬃᬫᬲᬶᬦ᭄᭞ᬧᬾᬮᭀᬲᬸᬤᬃᬩ᭄ᬪᬬ᭞ᬥᬹᬄᬘ᭄ᬦᬶᬂᬳᬚᬓ᭄ᬤᬤ᭄ᬯ᭞ᬍᬕᬲᬦ᭄ᬩᬧᬦᬫ᭄ᬧᬾᬦᬶᬦ᭄᭞ᬳᬬᬄᬳᬶᬤᬾᬯ᭞ᬲᬓᬾᬂᬲᬸᬰ᭄ᬭᬸᬱᬪᬓ᭄ᬢᬶ᭟ᬢ᭄ᬓᬾᬦ᭄ᬩᬧᬧ᭄ᬭᬲᬶᬤ᭄ᬥᬘ᭄ᬦᬶᬂᬗ᭄ᬭᬚᭂᬕᬂ᭞ᬮᬶᬗ᭄ᬕᬶᬄᬩᬧ
ᬫ᭄ᬭᬪᭀᬦᬶᬦ᭄᭞ᬫᬓᬘᬢ᭄ᬭᬦᬶᬂᬭᬵᬢ᭄᭞ᬤᬶᬦᬶᬤᬶᬰᬾᬮᬧᬭᬂ᭞ᬥᬹᬄᬩᬧᬫᬶᬲᬭᬢ᭄‌ᬘ᭄ᬦᬶᬂ᭞ᬢᬸᬮᬸᬲᬂᬳᭀᬲᬦ᭄᭞ᬧᬶᬢᬺᬱ᭄ᬩᬦ᭄ᬳᬶᬥᭂᬧ᭄‌ᬘ᭄ᬦᬶᬂ᭟ᬓ᭄ᬤᭂᬄᬩᬧᬗᬦ᭄ᬤᭂᬕ᭄‌ᬘ᭄ᬦᬶᬂᬳᬚᬓ᭄ᬤᬤ᭄ᬯ᭞ᬤᬘ᭄ᬦᬶᬂᬳᬾᬗ᭄ᬕᬮ᭄ᬫᬸᬮᬶᬄ᭞ᬓᬦ᭄ᬢᬶᬫᬤᭂᬕ᭄ᬤᭂᬕᬦ᭄᭞ᬓᬧ᭄ᬭᬦᭀ
ᬦ᭄ᬰᬾᬮᬧᬭᬂ᭞ᬕᬸᬫᬶᬦᬾᬤᬶᬦᬶᬓᭂᬜ᭄ᬘᬦᬶᬦ᭄᭞ᬩᬧᬦᬯᭂᬕᬂ᭞ᬭᬶᬂᬘ᭄ᬦᬶᬂᬲᬋᬗ᭄ᬓᬮᬶᬄ᭟ᬲᬳᬸᬃᬲᭂᬫ᭄ᬩᬄᬲᬗ᭄ᬓᬮᬶᬄᬫᭀᬢᬹᬃᬧᬺᬦᬵᬣ᭞ᬲᬭᬮᬾᬤᬂᬦᬺᬧᬢᬶ᭞ᬓᬯᬸᬮᬫᬶᬲᬥ᭄ᬬ᭞ᬗ᭄ᬫᬶᬢ᭄ᬘᭀᬓᭀᬃᬳᬶᬤᬾᬯ᭞ᬢᬦ᭄ᬲᬦ᭄ᬤᬂᬧᬜ᭄ᬚᬗᬂᬫᬮᬶᬄ᭞ᬫᬫ
ᬦᬄᬧᬶᬲᬦ᭄᭞ᬫᬫᬋᬓᬦ᭄ᬳᬶᬭᬶᬓᬶ᭟ᬮᬾᬤᬂᬓᬳ᭄ᬬᬸᬦ᭄ᬫᬲ᭄ᬪᬝᬵᬭᬰᬾᬮᬧᬭᬂ᭞ᬫᬋᬂᬳᬢᬹᬃᬲᬗ᭄ᬓᬮᬶᬄ᭞ᬳᬦ᭄ᬤᭂᬮ᭄ᬭᬶᬂᬧᬺᬫᬡ᭞ᬢᬦ᭄ᬫᬮᬶᬄᬲᬸᬫᬗ᭄ᬲᬬ᭞ᬢᬸᬫᬸᬮᬶᬳᬶᬤᬰ᭄ᬭ᭄ᬬᬵᬚᬶ᭞ᬗᬶᬘ᭄ᬙᬾᬦ᭄ᬲᬂᬓᬃᬯ᭞ᬧᬶᬲᬸᬕᬸᬄᬲᬋᬗ᭄ᬓᬮᬶᬄ᭟ᬯᬵ
[᭗᭓ 73A]
ᬢᬺᬲᬵᬫ᭄ᬧᬸᬦ᭄ᬓᬶᬘ᭄ᬙᬾᬦ᭄ᬥᬦᬲᬦ᭄ᬤᬂᬧᬗᬦ᭄᭞ᬧ᭄ᬭᬚᬸᬭᬶᬢ᭄ᬩᬜ᭄ᬚᬃᬫᬲᬶᬦ᭄᭞ᬲᭀᬢᬦᬶᬂᬯᬶᬃᬬ᭄ᬬᬯᬦ᭄᭞ᬲᬂᬧ᭄ᬭᬪᬸᬰᬾᬮᬧᬭᬂ᭞ᬢᬦ᭄ᬓᬸᬭᬗᬦ᭄ᬢᬥᬄᬪ᭄ᬓᬶ᭞ᬫᬾᬩᬸᬳᬾᬩᬸᬳᬦ᭄᭞ᬜᬩ᭄ᬭᬦ᭄ᬤᬶᬦᬲ᭄ᬬᬂᬮᬢ᭄ᬭᬶ᭟ᬢᬢᬩᬸᬳᬦ᭄ᬳᬶᬮᬾᬦᬶᬦ᭄ᬕ
ᬦ᭄ᬤ᭄ᬭᬸᬭᬸᬤᬢ᭄᭞ᬢᬦ᭄ᬧ᭄ᬕᬢ᭄ᬜᬩ᭄ᬭᬦ᭄ᬯᭂᬗᬶ᭞ᬫᬓᬾᬩᬾᬓ᭄ᬫᬲᭀᬮᬄ᭞ᬭᬶᬂᬧᬸᬭᬶᬰᬾᬮᬧᬭᬂ᭞ᬧᬗᬺᬡᬦ᭄ᬲᬂᬚᬬᬾᬂᬚᬸᬭᬶᬢ᭄᭞ᬦᬫ᭄ᬢᬫᬶᬦ᭄ᬮᬾᬤᬂ᭞ᬓᬧᬸᬗ᭄ᬓᬸᬃᬉᬘᬧ᭄ᬫᬮᬶᬄ᭟᭚᭐᭚ᬧᬸᬧᬸᬄᬧᬗ᭄ᬓᬸᬃ᭚᭐᭚ᬓᬵᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬭᬶᬂ
ᬧᭀᬄᬚᭂᬗ᭄ᬕᬶᬫᬗ᭄ᬓᬶᬜ᭄ᬚᭂᬦᭂᬓ᭄ᬫᬮᬶᬗ᭄ᬕᬶᬄ᭞ᬲᬂᬧ᭄ᬭᬪᬸᬳᬶᬭᬶᬓᬜᬬᬸᬢ᭄᭞ᬳᬢ᭄ᬬᬂᬦᬦ᭄ᬤᭂᬲᬂᬭᬕ᭞ᬫᬫᬋᬓᬦ᭄‌ᬫ᭄ᬓᬸᬮ᭄ᬩᬸᬓ᭄ᬧᬤᬦ᭄ᬲᬂᬧ᭄ᬭᬪᬸ᭞ᬫᬸᬗ᭄ᬕ᭄ᬯᬶᬂᬲᬂᬫᬸᬦ᭄ᬤᭂᬭᬂᬚᬕᬢ᭄᭞ᬫᬧᬭᬩ᭄ᬤᬢᬸᬓ᭄ᬧᭀᬄᬚᭂᬗ᭄ᬕᬶ᭟ᬬᬦ᭄ᬳᬓᬸᬤᬂᬰᬰᬶᬄᬓᭀᬘᬧ᭄᭞
ᬫᬫᬋᬓᬦ᭄‌ᬭᬶᬂᬓᬧ᭄ᬭᬪᭀᬦ᭄ᬧᭀᬄᬚᭂᬗ᭄ᬕᬶ᭞ᬓᬏᬫᬦ᭄ᬳᬦ᭄ᬢᬸᬓ᭄ᬱᬂᬧ᭄ᬭᬪᬸ᭞ᬲᬓᬭᬶᬂᬘᬾᬱ᭄ᬝᬓᬭ᭞ᬢᬫᬾᬗ᭄ᬕᬢᬶᬗᬮᬧ᭄ᬓᬲᭀᬃᬗ᭄ᬢᬸᬲ᭄ᬓᬓᬳ᭄ᬬᬸᬦ᭄᭞ᬲᬗ᭄ᬓᬤᬶᬕᬸᬭᬸᬯᬶᬰᬾᬱ᭄᭞ᬗᬯᭂᬗ᭄ᬓᬸᬲᬥᬯᬸᬄᬚᬸᬭᬶᬂ᭟ᬤᬢᬸᬓ᭄ᬧᭀᬄᬚᭂᬗ᭄ᬕᬶᬧᬯᬶ [ 74 ][᭗᭓ 73B]
᭗᭓
ᬓᬦ᭄᭞ᬭᬶᬂᬲᬂᬭᬯᬸᬄᬜᬥ᭄ᬬᬗᬢᬹᬭᬂᬪᬓ᭄ᬢᬶ᭞ᬭᬶᬂᬤᬗᬶᬜ᭄ᬚᬸᬭᬶᬂᬓᬲᬸᬫ᭄ᬩᬸᬂ᭞ᬭᬶᬂᬳᬦ᭄ᬢᬸᬓ᭄ᬓᬧ᭄ᬭᬚ᭄ᬜᬦᬦ᭄᭞ᬘ᭄ᬢᬾᬂᬦᬶᬣᬷ᭞ᬕᬸᬫᬦ᭄ᬢᬶᬧᬭᬦᬶᬂᬢᬦ᭄ᬢᬸᬦ᭄᭞ᬚᬚ᭄ᬦᭂᬂᬭᬶᬂᬰᬾᬮᬧᬭᬂ᭞ᬯᬶᬘᬓ᭄ᬱᬡᬓᬲᬸᬩ᭄ᬭᬶᬭᬶᬄ᭟ᬧᬸᬭᬸᬱᬭᬶᬂᬭᬡᬗ᭄ᬕᬡ᭞ᬰᬹ
ᬭᬥᬷᬭᬫᬸᬮᬢᭀᬢᭀᬲ᭄ᬧ᭄ᬭᬚᬸᬭᬶᬢ᭄᭞ᬢᬦ᭄ᬧᬧᬓᬾᬭᬶᬂᬓᬋᬩᬸᬢ᭄᭞ᬫᬧᬕ᭄ᬰᬢ᭄ᬭᬸᬪᬷᬱᬫ᭞ᬦᭀᬭᬕᬶᬗ᭄ᬲᬶᬃ᭞ᬧ᭄ᬭᬯᬷᬭᬲᬓᬾᬂᬧᬧᬤᬸ᭞ᬧᬜ᭄ᬚᬓᬾᬢᬸᬫᭀᬦ᭄ᬗᬲᭀᬩᬂ᭞ᬤᬸᬓ᭄ᬓᬩᬸᬦ᭄ᬢᭂᬄᬩᬜ᭄ᬚᬃᬲᬭᬶ᭟ᬢᬫ᭄ᬩᭂᬲ᭄ᬢᬫ᭄ᬩᬶ
ᬲ᭄ᬰᬾᬮᬧᬭᬂ᭞ᬓᬲᭀᬃᬢᬦ᭄ᬤᬶᬂᬬᬦ᭄ᬢᬦ᭄ᬯᬾᬦ᭄ᬢᭂᬦ᭄ᬦᬸᬮᬸᬗᬶᬦ᭄᭞ᬲᬓᬾᬂᬩᬜ᭄ᬚᬃᬫᬶᬲᬦ᭄ᬭᬯᬸᬄ᭞ᬫᬢᬗ᭄ᬕᬮ᭄ᬫᬢᭂᬫ᭄ᬧᬸᬂᬧ᭄ᬭᬂ᭞ᬢᬦ᭄ᬳᬸᬭᬸᬗᬜ᭄ᬚᬕᬢ᭄ᬰᬾᬮᬧᬭᬂᬕᭂᬫ᭄ᬧᬸᬂ᭞ᬤᬤᭀᬲ᭄ᬧᬕᬸᬬᬗᬦ᭄ᬯᬭᬓ᭄᭞ᬧᬶᬢᬶᬕᬲᬵᬫ᭄ᬧᬸᬦ᭄ᬓᬧᬶᬚᬶᬕ᭄᭟ᬲ
ᬧᬸᬦᬶᬓᬓᬩᬯᭀᬲᬂ᭞ᬳᬦ᭄ᬢᬸᬓ᭄ᬳᬶᬲᬂᬧ᭄ᬭᬪᬸᬭᬶᬂᬧᭀᬄᬚᭂᬗ᭄ᬕᬶ᭞ᬗᬍᬫ᭄ᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬢᬦ᭄ᬲᬄᬳᬶᬤᬜᬸᬫ᭄ᬩᬸᬗᬂ᭞ᬯᬦᬾᬦ᭄ᬭᬶᬭᬶᬄ᭞ᬧ᭄ᬭᬲᬶᬤ᭄ᬥᬓᬲᬶᬦᬸᬂᬮᬸᬗ᭄ᬕᬸᬄ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬲᬬᬂ᭞ᬫᬫᬋᬓᬦ᭄ᬭᬶᬂᬧᭀᬄᬚᭂᬗ᭄ᬕᬶ᭟
[᭗᭔ 74A]
ᬦᬫ᭄ᬧᬮᬶᬗ᭄ᬕᬶᬄᬰ᭄ᬭᬷᬦᬭᬾᬦ᭄ᬤ᭄ᬭ᭞ᬓᬧᬶᬲᬭᬤᬦᬾᬦᬩ᭄ᬤᬩᬂᬕᬸᬫᬶ᭞ᬧᭀᬄᬚᭂᬗ᭄ᬕᬶᬫᬕᬢᬶᬰᬢ᭄ᬭᬸ᭞ᬫᬵᬋᬧ᭄ᬭᬶᬂᬰᬾᬮᬧᬭᬂ᭞ᬢᬦ᭄ᬤᬂᬩ᭄ᬘᬶᬓ᭄ᬧᭀᬄᬚᭂᬗ᭄ᬕᬶᬧᭀᬮᬶᬄᬧᬓᬸᬓᬸᬄ᭞ᬪᬓ᭄ᬢᬶᬦ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬢ᭄ᬫᬓᬢᬸᬦᬸᬂᬋᬜ᭄ᬚᬦᬶ᭟ᬢᬦ᭄ᬕᬶ
ᬗ᭄ᬲᬶᬃᬢᬶᬦᭂᬫ᭄ᬧᬸᬄᬳᭀᬫ᭄ᬩᬓ᭄᭞ᬢᭂᬫ᭄ᬧᬸᬳᬗᬶᬦ᭄‌ᬓᬦ᭄ᬢᬸᬦ᭄ᬜᭂᬍᬕ᭄ᬦᬯᭂᬗᬶᬦ᭄᭞ᬧᬮᬶᬗ᭄ᬕᬶᬄᬳᬶᬤᬲᬂᬧ᭄ᬭᬪᬸ᭞ᬳᬦ᭄ᬤᭂᬮ᭄ᬕᬸᬫᬦ᭄ᬢᬶᬳᬶᬤ᭞ᬫᬶᬓᬳ᭄ᬬᬸᬦᬶᬦ᭄᭞ᬘᬮᬶᬂᬰᬾᬮᬧᬭᬂᬲ᭄ᬧᬸᬲ᭄‌᭞ᬢᬦ᭄ᬓᬦ᭄ᬢᬸᬦ᭄ᬳᬶᬤᬲᬗ᭄ᬲᬬ᭞ᬫᬰᬢ᭄ᬭᬸᬓᬤᬗᬶᬜ᭄ᬚᬸ
ᬭᬶᬂ᭟ᬓᭀᬘᬧ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬲᬓᬾᬂᬯᬶᬓᬦ᭄‌ᬗᬮᬧ᭄ᬧᬶᬢᬺᬱ᭄ᬡᬦ᭄ᬕᬸᬫᬶ᭞ᬧᬜ᭄ᬚᬓᬾᬲᬫᬶᬲᬸᬫᬸᬬᬸᬕ᭄᭞ᬬᬤᬶᬦ᭄ᬫᬜ᭄ᬘᬧᬸᬗ᭄ᬕᬯ᭞ᬮᬸᬮᬸᬢ᭄ᬳᬲᬶᬄ᭞ᬢᬡ᭄ᬥᬫᬦ᭄ᬢ᭄ᬭᬶᬲᬫᬶᬳᬲᬸᬂ᭞ᬗᬍᬫ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬜᬦ᭄ᬤᬂ
ᬯᬦ᭄ᬢᬄᬳᬗ᭄ᬕᬾᬦ᭄ᬓᬦ᭄ᬢᬶ᭟ᬫᬹᬓ᭄ᬬᬦᬶᬂᬫᬜ᭄ᬘᬯᬸᬗ᭄ᬕᬯ᭞ᬭᬶᬂᬧᭀᬄᬚᭂᬗ᭄ᬕᬶ᭞ᬯᬦ᭄ᬢᬄᬧᬢ᭄ᬧᬢ᭄ᬓᬧᬸᬭᬶ᭞ᬅᬓᬃᬅᬓᬃᬫᬵᬤᭂᬕ᭄‌ᬤ᭄ᬫᬸᬂ᭞ᬤ᭄ᬫᬂᬭᬗ᭄ᬕᬧᬺᬯᬗ᭄ᬲ᭞ᬫᬶᬦᬓᬤᬶ᭞ᬢᬸᬫᭂᬗ᭄ᬕᬸᬂᬲᬶᬭᬗ᭄ᬕᬉᬮᬸᬂ᭞ᬲᬂᬫᬵᬤᭂᬕ᭄ᬧᬢᬶᬄᬓᬩ᭄ᬬᬓ᭄ᬢ [ 75 ][᭗᭔ 74B]
᭗᭔
᭞ᬭᬗ᭄ᬕᬫᬲ᭄ᬢᬧᭀᬦ᭄ᬧᬧᬲᬶᬄ᭟ᬲᬵᬫ᭄ᬧᬸᬦ᭄ᬮᬫᬶᬫᬫᬋᬓᬦ᭄᭞ᬭᬶᬂᬧᭀᬄᬚᭂᬗ᭄ᬕᬶ᭞ᬓᬲᬥ᭄ᬬᬦ᭄ᬧᭀᬮᬶᬄᬮᬶᬗ᭄ᬕᬶᬄ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬗᬸᬦ᭄ᬗᬸᬦ᭄᭞ᬢᬦ᭄ᬫᬭᬶᬫᬗᬚᬧ᭄ᬢᬯᬂ᭞ᬲ᭄ᬤᬶᬄᬓᬶᬗ᭄ᬓᬶᬂ᭞ᬢᬦ᭄ᬲᬄᬤᬦᬾᬗ᭄ᬭᬫ᭄ᬩᬂᬲᬸᬯᬸᬂ᭞ᬤ᭄ᬓᬲ᭄‌ᬤ᭄ᬓᭂᬲ᭄ᬫ
ᬧᬗᭂᬦᬦ᭄᭞ᬏᬮᬶᬂᬭᬶᬂᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬫ᭄ᬭᬄᬜᭂᬮ᭄ᬲᭂᬮ᭄ᬭᬕ᭞ᬫᬧᬮᬲᬦ᭄‌ᬤᬸᬓᬾᬭᬶᬂᬢᬸᬓᬤ᭄ᬩᭂᬮᬶᬫ᭄ᬩᬶᬂ᭞ᬩ᭄ᬘᬢ᭄ᬲᬾᬧᬦ᭄ᬫᬸᬗ᭄ᬕᬄᬓᬯᬸᬄ᭞ᬲᬗ᭄ᬓᬦᬶᬂᬓᬩ᭄ᬭᬦᬸᬳᬦ᭄᭞ᬓᭂᬢᬹᬢ᭄ᬩᬸᬭᬶ᭞ᬳᬦ᭄ᬢᬸᬓ᭄ᬧᭂᬦ᭄ᬤᭂᬳᬦᬾᬗ᭄ᬧᬸᬂ᭞ᬭᬩᬶᬦᬾ
ᬗᬸᬗ᭄ᬲᬶᬗᬮᬾᬭᬂ᭞ᬲᬋᬂᬭᬶᬂᬳᬶᬤᬳᬶᬅᬚᬶ᭟ᬲᬵᬫ᭄ᬧᬸᬦ᭄ᬗᬾᬦ᭄ᬓᬾᬦᬂᬜᬺᬧᬂ᭞ᬚᬦ᭄ᬢᭀᬲ᭄ᬧᭀᬮᬶᬄᬳᭀᬃᬢ᭄ᬣᬶᬲᬸᬫ᭄ᬓᭂᬦ᭄ᬫᬗ᭄ᬓᬶᬦ᭄᭞ᬭᬩᬶᬦᬾᬮᬲ᭄ᬬᬭᬳᬬᬸ᭞ᬫᬦ᭄ᬢᬸᬓ᭄ᬓᬧᬸᬭᬶᬩᬬᬦ᭄᭞ᬓᬢᬄᬗᬶᬭᬶᬂ᭞ᬭᬾᬜ᭄ᬘᬂᬭᭀᬓᬦ᭄ᬮᬦᬂ
ᬯᬥᬸ᭞ᬢᬦ᭄ᬲᬄᬤᬾᬦ᭄ᬯᬷᬭᬦᬵᬣ᭞ᬜᬋᬗᬶᬦ᭄ᬫᬓᬧᬗ᭄ᬮᬶᬗ᭄ᬲᬶᬃ᭟ᬭᬾᬄᬲ᭄ᬓᭂᬦ᭄ᬲᬵᬫ᭄ᬧᬸᬦ᭄ᬭᬶᬂᬩᬬᬦ᭄᭞ᬲᬋᬂᬲᬫᬶᬚᬸᬫ᭄ᬦᭂᬓ᭄ᬭᬶᬂᬮᬾᬃᬩᬸᬓᬶᬢ᭄᭞ᬚᬶᬃᬡ᭄ᬦᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬫᬋᬦ᭄ᬓᬳ᭄ᬬᬸᬦᬾᬜᬧ᭄ᬜᬧ᭄᭞ᬗ᭄ᬳᬶᬂᬢᬦ᭄ᬫᬭᬶ᭞ᬘ᭄ᬯ
[᭗᭕ 75A]
ᬪᬵᬯᬦᬾᬓ᭄ᬘᬸᬤ᭄ᬓᬸᬭᬸ᭞ᬓᬤᬶᬢᬸᬜ᭄ᬚᬸᬂᬭᬂᬢᭀᬬ᭞ᬢᬾᬓᭀᬮ᭄ᬮᬬᬸᬓᬸᬦᬶᬂᬳᬶᬕᬶᬲ᭄᭟ᬢᬦ᭄ᬫᬭᬶᬫᬲᬲᬫ᭄ᬩᬢᬦ᭄᭞ᬗᬚᬧ᭄ᬢᬯᬂᬭᬾᬄᬓᬳ᭄ᬬᬸᬦᬾᬓᬘᬢ᭄ᬭᬶ᭞ᬗᬫᬾᬳᬫᬾᬲᬂᬤ᭄ᬬᬳᬬᬸ᭞ᬭᬱᬭᬯᬸᬄᬫᬓ᭄ᬮᬧ᭄᭞ᬗᬚᬶᬯ
ᬢᬶᬦ᭄᭞ᬗᬚᬓᬶᬦ᭄ᬮᬸᬗ᭄ᬳᬓᬕᬸᬦᬸᬂ᭞ᬫᬓᬭᭀᬦᬦ᭄ᬫᬘᬗ᭄ᬓ᭄ᬭᬫ᭞ᬭᬶᬂᬩᭀᬗ᭄ᬓᭀᬮ᭄ᬕᬸᬦᬸᬂᬋᬜ᭄ᬚᬦᬶ᭟ᬏᬮᬶᬂᬤᬸᬓᬾᬲᬋᬂᬮᬸᬗ᭄ᬳ᭞ᬲᬓᬾᬂᬩᬬᬦ᭄‌ᬫᬦ᭄ᬢᬸᬓ᭄ᬓᬩᬜ᭄ᬚᬃᬲᬭᬶ᭞ᬧᬦ᭄ᬤᭂᬂᬫᬲᬓᬘᬢᬹᬃ᭞ᬓᬮᬗᭂᬦ᭄ᬫᬘᬘᬶᬗᬓ᭄᭞ᬲᬃᬯ᭄ᬯ
ᬲᬭᬶ᭞ᬫᬤᬫ᭄ᬧ᭄ᬬᬦ᭄ᬭᬶᬂᬢᭂᬫ᭄ᬩᬶᬂᬕᬸᬦᬸᬂ᭞ᬧᬕ᭄ᬭᬶᬬᭂᬂᬲᬤ᭄ᬧᬤᬗᬭᬂ᭞ᬲᬯᬂᬓᬶᬥᬸᬂᬯᬃᬕ᭄ᬕᬲᬭᬶ᭟ᬩ᭄ᬬᬄᬧᬭᬓᬳ᭄ᬬᬸᬦᬾᬚᬧ᭄ᬚᬧ᭄᭞ᬩᬶᬮᬶᬄᬧᬘᬂᬲᬤ᭄ᬬᬄᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬮᬶᬢ᭄ᬳᬃᬱᬳᬶᬯᬂᬲᭂᬗ᭄ᬕᬸᬄ᭞ᬜᭂᬗ᭄ᬕᬸᬳᬂᬢᬸᬦᬢᬺᬱ᭄ᬡ᭞ᬭᬾᬄᬯᬸ
ᬲ᭄ᬮᬫᬶᬦᬾᬦ᭄ᬢᭂᬦ᭄ᬦᬳᭂᬦ᭄ᬓᬮᬾᬃᬕᬸᬦᬸᬂ᭞ᬗᭂᬦ᭄ᬢᬧ᭄ᬧᬸᬭᬶᬦᬾᬭᬶᬂᬩᬬᬦ᭄᭞ᬲᬲᬸᬓᬢᬾᬭᬶᬂᬧᭀᬄᬚᭂᬗ᭄ᬕᬶ᭟ᬓᬤᬸᬭᬸᬲᬦ᭄‌ᬜᭂᬮ᭄ᬲᭂᬮ᭄ᬭᬕ᭞ᬲᬂᬤ᭄ᬬᬅᬭᬶᬓᬩᬢᭂᬓ᭄ᬳᬶᬯᬂᬢᬫ᭄ᬧᬶ᭞ᬫᬧ᭄ᬯᬭᬓᬳ᭄ᬬᬸᬦᬾᬲᬸᬗ᭄ᬲᬸᬢ᭄᭞ᬤᬸᬄᬓᬶᬢᬦᬦ᭄ᬤᬂᬮ [ 76 ][᭗᭕ 75B]
᭗᭕
ᬭ᭞ᬲ᭄ᬤᬶᬄᬓᬶᬗ᭄ᬓᬶᬂᬢᬦ᭄ᬳᬸᬭᬸᬗᬦ᭄ᬧᬘᬂᬩᭂᬦ᭄ᬤᬸ᭞ᬲᬧᬸᬦᬶᬓᬓᬓᬭᬸᬫᬱ᭞ᬳᬦ᭄ᬢᬸᬓ᭄ᬭᬵᬤᬾᬦ᭄ᬩᬜ᭄ᬚᬃᬲᬭᬶ᭟ᬲᬢᬢᬳᭀᬲᬄᬫᬋᬱᬄ᭞ᬫᬧᭂᬳᬗᭂᬦᬦ᭄‌ᬦᭀᬭᬚ᭄ᬦᭂᬓ᭄ᬫᬮᬶᬗ᭄ᬕᬶᬄ᭞ᬚᬦ᭄ᬢᭀᬲ᭄ᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬓᬾᬭᬶᬲ᭄ᬳᬦ᭄ᬢᬸᬓ᭄ᬫᬕ
ᬤᬂ᭞ᬜᬩ᭄ᬭᬦ᭄‌ᬯ᭄ᬗᬶ᭞ᬢᬜ᭄ᬚᭂᬦᭂᬓ᭄ᬫᬗᬦ᭄ᬳᬢᬸᬭᬸ᭞ᬓ᭄ᬩᬸᬲ᭄ᬩᬭᬓᬤᬶᬮᬩ᭄ᬮᬩ᭄᭞ᬫᬗᭂᬦᬂᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬮᬶᬧᬸᬭᬂᬢᬦ᭄ᬲᬶᬤ᭄ᬥᬧᬹᬃᬡ᭄ᬦ᭞ᬬᬦ᭄ᬮᬶᬮᬬᬂᬳᭀᬕᬦ᭄ᬲᬸᬫᬗ᭄ᬓᬶᬦ᭄ᬳᬾᬮᬶᬂ᭞ᬭᬶᬦᬱᬩᬶᬦᬾᬗᬸᬦ᭄ᬗᬸᬦ᭄᭞ᬳᬦ᭄ᬢᬸᬓ᭄ᬫᬵᬤᭀ
ᬳᬦ᭄‌ᬕ᭄ᬦᬄ᭞ᬩ᭄ᬮᬢ᭄ᬕᬸᬦᬸᬂ᭞ᬤᬸᬭᬸᬂᬜᬶᬤ᭄ᬥᬫᬢ᭄ᬫᬸ᭞ᬤᬾᬦᬶᬂᬳᬗᭂᬦ᭄ᬭᬶᬂᬧᬗᬾᬫᬦ᭄᭞ᬲᬂᬧ᭄ᬭᬪᬸᬤᬢᬸᬓ᭄ᬧᭀᬄᬚᭂᬗ᭄ᬕᬶ᭟ᬓᬧᬶᬲᬭᬫᬗ᭄ᬓᬸᬧ᭄ᬭᬚ᭞ᬫᬗ᭄ᬤᬭᬚᭂᬕ᭄‌ᬮᬶᬗ᭄ᬕᬶᬄᬳᬶᬤᬫ᭄ᬭᬪᭀᬦᬶᬦ᭄᭞ᬳᬯᬶᬦᬦ᭄ᬲᬓᬤᬶᬮᬦ᭄ᬢᬸᬤ᭄᭞ᬮᬸᬗ᭄ᬳ
ᬦᬶᬜ᭄ᬚᭀᬓᬩᬬᬦ᭄᭞ᬕ᭄ᬮᬶᬲᬶᬂᬕ᭄ᬮᬶᬲ᭄᭞ᬲᬗ᭄ᬲᬬᬩᬶᬮᬶᬄᬲᬂᬧ᭄ᬭᬪᬸ᭞ᬧᬘᬂᬫᬾᬦ᭄ᬤᭂᬮ᭄ᬲᬮᬶᬢ᭄ᬳᬃᬱ᭞ᬓᬘᬯᬶᬲ᭄ᬢᬸᬦᬲᬸᬪᬓ᭄ᬢᬶ᭟ᬲᬶᬂᬜᬓᬩᬯᭀᬲ᭄ᬳᬮᬾᬫᬦ᭄᭞ᬗᬶᬲᬶᬕᬸᬫᬶᬫᬧ᭄ᬯᬭᬧᬘᬲᬶᬲᬶᬧ᭄᭞ᬩᬦ᭄ᬫᬭᬓᬲᬶᬦᬸᬂᬮᬸᬗ᭄ᬕᬸᬄ
[᭗᭖ 76A]
᭞ᬓᬲ᭄ᬯᬾᬘ᭄ᬙᬦᬦ᭄ᬫᬫᬜ᭄ᬚᬓ᭄᭞ᬭᬶᬂᬧᭀᬄᬚᭂᬗ᭄ᬕᬶ᭞ᬳᬯᬶᬦᬦ᭄ᬭᬭᬶᬲ᭄ᬢᬦ᭄ᬤᬸᬭᬸᬲ᭄᭞ᬲᬓᬾᬂᬮᬫᬶᬗᬗ᭄ᬓᬲᬗ᭄ᬓᬲ᭄᭞ᬦᬶᬜ᭄ᬚᭀᬭᬩᬶᬓᬮᬾᬃᬩᬸᬓᬶᬢ᭄᭟ᬲᬗ᭄ᬲᬬᬓ᭄ᬦᬶᬧᬶᬲᬸᬦ᭞ᬢᬦ᭄ᬲᬸᬪᬓ᭄ᬢᬶᬤ᭄ᬯᬦᬶᬂᬓᬫᬤ᭄ᬫᬧᬫᬶᬢ᭄᭞ᬭᬶᬂᬮᬶᬗ᭄ᬕᬶᬳᬶ
ᬤᬲᬂᬧ᭄ᬭᬪᬸ᭞ᬓᬤᬸᬓ᭄ᬗᭂᬜ᭄ᬘᬦᬶᬜ᭄ᬚᬕᬢ᭄᭞ᬢᬸᬭᬶᬂᬘᭂᬘᭂᬄᬓ᭄ᬱᭀᬗᬦ᭄ᬓᬧᬸᬭᬶᬳᬕᬸᬂ᭞ᬳᬯᬶᬦᬦ᭄ᬢᬦ᭄ᬧᭀᬮᬶᬄᬲᭂᬗ᭄ᬕᬂ᭞ᬢᬦ᭄ᬤᬸᬭᬸᬲ᭄ᬤᬸᬭᬸᬲ᭄ᬫᬫᬃᬕ᭄ᬕᬶ᭟ᬲ᭄ᬤᭂᬓ᭄ᬩᭂᬗᭀᬂᬗᬚᬧ᭄ᬢᬯᬂ᭞ᬓᬜ᭄ᬘᬶᬢ᭄ᬭᬯᬸᬄᬭᬾᬜ᭄ᬘᬂᬲᬓᬾᬂᬮᬾᬃᬩᬸᬓᬶᬢ᭄᭞ᬕᬸᬫᬦᬳᬶᬧᬸᬦ᭄ᬓᬉ
ᬢᬸᬲ᭄᭞ᬫᬓ᭄ᬢᬰᬾᬯᬮᬧᬢᬺ᭞ᬫᬶᬦᬓᬤᬶᬯᬵᬲ᭄ᬢ᭄ᬭᬫᬤᬸᬮᬸᬭᬦ᭄ᬓᬫ᭄ᬧᬸᬄ᭞ᬓᬵᬢᬹᬃᬭᬶᬂᬲᬂᬫᬦᬲ᭄ᬢᬧ᭞ᬧᬓᬶᬭᬶᬫ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭟ᬓᬕ᭄ᬬᬢ᭄ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬶᬦᬭᬶᬫᬯᬵᬲ᭄ᬢ᭄ᬭᬓᬫ᭄ᬧᬸᬄᬋᬋᬧᬶ᭞ᬧᬺᬫᬗ᭄ᬓᬶᬦ᭄ᬗᭂᬢᭀᬃᬢᬸᬃᬕᬸ
ᬤᬸᬕ᭄᭞ᬢᬗᬦᬾᬩᬩᬸᬬᬸᬢᬦ᭄᭞ᬘᭀᬓᭀᬃᬕ᭄ᬲᬶᬢ᭄᭞ᬓᬩᬢᭂᬓ᭄ᬮᬾᬤᬂᬭᬶᬂᬓᬳ᭄ᬬᬸᬦ᭄᭞ᬯᬶᬦᬘᬲᬤᬕᬶᬂᬲᬸᬭᬵᬢ᭄᭞ᬲᬓᬤᬶᬭᬶᬂᬲᭀᬃᬧᬸᬦᬶᬓᬶ᭟᭚᭐᭚ᬧᬸᬧᬸᬄᬲ᭄ᬫᬵᬭᬦ᭄ᬤᬦ᭚᭐᭚ᬥᬹᬄᬳᬫ᭄ᬧᬸᬭᬢᬶᬢ᭄ᬬᬂᬦ᭄ᬮᬶ᭞ᬧᬺ [ 77 ][᭗᭖ 76B]
᭗᭖
ᬲᬗ᭄ᬕᬗᬢᬹᬭᬂᬲᬸᬭᬵᬢ᭄᭞ᬓᬩᬢᭂᬓ᭄ᬫᬦᬳᬾᬂᬫᭀᬫᭀ᭞ᬫᬫᬜ᭄ᬚᬓ᭄ᬳᬦ᭄ᬤᭂᬮ᭄ᬭᬶᬂᬲᬬᬂ᭞ᬲᬩᬸᬤ᭄ᬥᬶᬓᬳᬸᬮᬸᬭᬦ᭄᭞ᬤ᭄ᬯᬦᬶᬂᬧᬸᬭᬸᬦ᭄ᬫᬸᬗ᭄ᬯᬂᬳᬢᬹᬃ᭞ᬗᬚᬧᬚᬧ᭄ᬓᬲ᭄ᬯᬾᬘ᭄ᬙᬦᬦ᭄᭟ᬭᬾᬄᬫᬭᬹᬧᬲᬵᬫ᭄ᬧᬸᬦ᭄ᬮᬫᬶ᭞ᬢᬶᬢ᭄ᬬᬂᬫᬕ᭄ᬦᬄᬭᬶᬂᬩ
ᬬᬦ᭄᭞ᬩ᭄ᬮᬶᬤᬸᬭᬸᬂᬭᬯᬸᬄᬦᬶᬜ᭄ᬚᭀ᭞ᬤ᭄ᬯᬦᬶᬂᬢᬶᬢ᭄ᬬᬂᬓᬤᬶᬳᭀᬲᬄ᭞ᬢᬜ᭄ᬚᭂᬦᭂᬓ᭄ᬧᬸᬍᬲ᭄‌ᬦ᭄ᬤᭂ᭞ᬧᬹᬃᬡ᭄ᬦᬬᬂᬢᬦ᭄ᬲᬶᬤ᭄ᬥᬮᬶᬧᬹᬃ᭞ᬢᬦ᭄ᬲᬄᬫᬦᬤᬂᬤᬸᬄᬓᬶᬢ᭟ᬫᬶᬦᬩ᭄‌ᬩ᭄ᬮᬶᬲᬵᬫ᭄ᬧᬸᬦ᭄ᬮᬮᬶ᭞ᬫᬫᬜ᭄ᬚᬓᬂᬤᬾᬯᬾᬓ᭄ᬢᬶᬢ᭄ᬬᬂ᭞ᬩᬶᬮᬶᬄ
ᬢᬦ᭄ᬪᬓ᭄ᬢᬶᬓᬯᭀᬲ᭄᭞ᬗᬸᬮᬄᬮᬓᬸᬫᬸᬂᬧᬸᬂᬮᬫ᭄ᬧᬄ᭞ᬭᬾᬤᬄᬭᬶᬂᬧᬦᬯᬶᬢᬦ᭄᭞ᬫᬦᬯᬶᬩ᭄ᬮᬶᬓᬢᬸᬗ᭄ᬓᬸᬮ᭄᭞ᬗᬸᬮᬸᬭᬶᬦ᭄ᬓᬳ᭄ᬬᬸᬦᬾᬮᬾᬤᬂ᭟ᬫᬫᬋᬓᬦ᭄ᬭᬶᬂᬧᭀᬄᬚᭂᬗ᭄ᬕᬶ᭞ᬓᬳᬾᬫᬦ᭄ᬳᬦ᭄ᬢᬸᬓ᭄ᬱᬂᬦᬵᬣ᭞ᬚᬦ᭄ᬢᭀᬲ᭄ᬢᬦ᭄ᬳᬾ
ᬮᬶᬂᬫᬢᬓᭀᬦ᭄᭞ᬦᬓᬾᬦᬂᬲᬳᬶᬦ᭄ᬤᬶᬓ᭄ᬢᬶᬢ᭄ᬬᬂ᭞ᬤᬶᬚᬓᬧᭀᬫᬕ᭄ᬦᬄ᭞ᬲᬓᬤᬶᬢᬦ᭄ᬓᬧᬶᬭᬸᬗᬸ᭞ᬮᬮᬶᬲ᭄‌ᬩ᭄ᬮᬶᬗᬸᬢᬂᬢᬶᬢ᭄ᬬᬂ᭟ᬢᬶᬢ᭄ᬬᬂᬢᬦ᭄ᬢᬸᬦᬲᬸᬪᬓ᭄ᬢᬶ᭞ᬫᬫᬜ᭄ᬚᬓ᭄ᬤᬸᬦ᭄ᬬᬅᬳᬶᬭᬵᬢ᭄᭞ᬓᬦ᭄ᬢᬸᬦ᭄ᬧᭀᬗᬄᬗ᭄ᬩᬸᬓ᭄ᬘᭀ
[᭗᭗ 77A]
ᬓᭀᬃ᭞ᬲᬮᬸᬗ᭄ᬮᬸᬂᬲᬪᬬᬵᬦ᭄ᬢᬓ᭞ᬫᬕᭂᬳᬂᬧᬲᭀᬩᬬ᭞ᬓᬯᭀᬦ᭄ᬩᭂᬘᬶᬓ᭄ᬳᬕᭂᬢ᭄ᬮᬘᬸᬃ᭞ᬫᬗ᭄ᬤᬢᬶᬢ᭄ᬬᬂᬫᬲᬋᬗᬦ᭄᭟ᬜᬥ᭄ᬬᬦᬸᬦᬲ᭄ᬳᬸᬧᬲᬓ᭄ᬱᬶ᭞ᬫᬗ᭄ᬤᬾᬲᬵᬫ᭄ᬧᬸᬦ᭄ᬲᬸᬫᭂᬦ᭄ᬤᬾᬬ᭞ᬬᬦ᭄ᬢᬶᬢ᭄ᬬᬂᬫᬫᬦᬄᬧᬾᬜ᭄ᬘᭀᬂ᭞ᬫᬤ
ᬓ᭄‌ᬓ᭄ᬦᬶᬉᬧᬤ᭄ᬭᬯ᭞ᬦ᭄ᬫᭀᬓᬂᬓᬲᬗ᭄ᬲᬭᬦ᭄᭞ᬲᬉᬭᬶᬧ᭄ᬫᬗ᭄ᬕᬶᬄᬳᭀᬯᬓᬾᬯᬸᬄ᭞ᬨᬮᬦ᭄ᬢᬦ᭄ᬪᬓ᭄ᬢᬶᬫᬫᬜ᭄ᬚᬓ᭄᭟ᬧᬶᬤᬕᬶᬗᬦ᭄ᬳᬭᬶᬦ᭄ᬩᭂᬮᬶ᭞ᬓᬦ᭄ᬢᬸᬦ᭄ᬧᬕᭂᬄᬫᬓ᭄ᬢᬳᬯᬓ᭄᭞ᬲᬗ᭄ᬓᬦᬶᬂᬢᬗᬃᬫᬦᬳᬾ᭞ᬳᬚ᭄ᬭᬶᬄᬭᬶᬂᬓ᭄ᬦᬶᬧᬶᬲᬸᬦ᭞
ᬳᬯᬶᬦᬦ᭄ᬦᬸᬦᬲ᭄ᬳᬶᬘ᭄ᬙ᭞ᬳᬶᬘ᭄ᬙᬾᬦ᭄ᬢᬶᬢ᭄ᬬᬂᬲᬋᬂᬦᬸᬢᬸᬕ᭄‌᭞ᬲᬢᬶᬩᬧᬭᬦᬶᬂᬮᬫ᭄ᬧᬄ᭟ᬧᬶᬲᬦ᭄ᬢᬶᬢ᭄ᬬᬂᬭᬶᬂᬧᭀᬄᬚᭂᬗ᭄ᬕᬶ᭞ᬗᬶᬭᬶᬂᬩ᭄ᬮᬶᬫᬫᬋᬓᬦ᭄᭞ᬩᬶᬮᬶᬄᬩ᭄ᬘᬶᬓ᭄ᬬᬤᬶᬦ᭄ᬓᬯᭀᬦ᭄᭞ᬜᬥ᭄ᬬᬢᬶᬢ᭄ᬬᬂᬲᬋᬂᬦᬢᬓ᭄᭞ᬢᬦ᭄ᬤᬸᬕᬶ
ᬳᬦ᭄ᬢᬸᬓ᭄ᬢᬶᬢ᭄ᬬᬂ᭞ᬤᬶᬦᬭᬢ᭄ᬭᬶᬗ᭄ᬭᬫ᭄ᬩᬂᬲᬸᬯᬸᬂ᭞ᬤᬶᬕ᭄ᬮᬶᬲ᭄‌ᬩ᭄ᬮᬶᬲᬾᬗᬶᬦ᭄ᬢᬶᬢ᭄ᬬᬂ᭟ᬘᬸᬢᭂᬢ᭄ᬢᬶᬢ᭄ᬬᬂᬭᬶᬂᬮᬾᬃᬩᬸᬓᬶᬢ᭄᭞ᬢᬦ᭄ᬲᬄᬜᬦ᭄ᬢᭀᬲᬂᬯᬲᬦ᭞ᬗᬗ᭄ᬓᬲᬗ᭄ᬓᬲ᭄ᬲᬋᬂᬗᭂᬦ᭄ᬤᭀᬦ᭄᭞ᬓᬧᭀᬄᬚᭂᬗ᭄ᬕᬶᬫᬫᬋᬓᬦ᭄᭞ᬤᬸᬫᬤᬓ᭄ᬩᭂ [ 78 ][᭗᭗ 77B]
᭗᭗
ᬮᬶᬲ᭄ᬯᬾᬘ᭄ᬙ᭞ᬗᬶᬘ᭄ᬙᬾᬦ᭄ᬢᬶᬢ᭄ᬬᬂᬫᬦᬄᬤᬬᬸᬄ᭞ᬫᬤᬓ᭄ᬩᭂᬮᬶᬧᬜ᭄ᬚᬂᬬᬸᬱ᭟᭚᭐᭚ᬧᬸᬧᬸᬄᬤ᭄ᬫᬸᬂᬤᬶᬃᬕ᭄ᬖ᭚᭐᭚ᬳᬓᬾᬦ᭄ᬢᭂᬦ᭄ᬤᬕᬶᬂᬋᬋᬧᬶᬬᬦ᭄ᬢᬓᭀᬘᬧ᭄᭞ᬧᬺᬫᬗ᭄ᬓᬶᬦ᭄ᬫᭂᬤᬮ᭄ᬧ᭄ᬮᬸᬄ᭞ᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬮᬾᬫ᭄ᬧᭀᬃᬭᬱᬢ
ᬦ᭄ᬧᬕᬮᬶᬄ᭞ᬩᭀᬂᬫᬧᬗ᭄ᬲᭂᬕᬦ᭄᭞ᬫᬲᬤᬄᬦᬢᬓᬶᬜ᭄ᬚᬕᬢ᭄᭞ᬢᬦ᭄ᬫᬓᬦ᭄ᬢᭂᬜ᭄ᬚᬕᬢ᭄᭞ᬫᬮᬶᬦ᭄ᬤᭂᬃᬳᬲᬶᬂᬢᭀᬮᬶᬄ᭞ᬧ᭄ᬢᭂᬂᬤᭂᬤᭂᬢ᭄ᬭᬱᬦᬶᬂᬢ᭄ᬯᬲ᭄᭞ᬅᬓᬵᬱᬮᬦ᭄ᬧᬺᬣᬷᬯᬶᬘᬓᬸᬧ᭄᭟ᬭᬱᬫ᭄ᬲᬢ᭄ᬲᬂᬳ᭄ᬬᬂᬉᬭᬶᬧ᭄‌ᬫᬹᬃᬫᬮᬾᬘ᭄ᬙ᭞
ᬲ᭄ᬯᬪᬵᬯᬦᬾᬲ᭄ᬫᭂᬂᬲᬦ᭄ᬤᬸ᭞ᬓᬤᬶᬢᬦ᭄ᬧᬩᬬᬸ᭞ᬦᬦᭂᬂᬩ᭄ᬗᭀᬂᬫᬼᬂᬮᬗᬶᬢ᭄᭞ᬓᬩᬦ᭄ᬤᬓᬸᬂᬭᬶᬫᬂ᭞ᬫᬦᬸᬮᬫᬾᬲᬂᬤ᭄ᬬᬳᬬᬸ᭞ᬥᬹᬄᬤᬾᬦ᭄ᬤᬫᬲ᭄ᬫᬶᬭᬄ᭞ᬚᬷᬯᬵᬢ᭄ᬫᬦ᭄ᬩᭂᬮᬶᬳᬤᬶ᭞ᬲᬵᬫ᭄ᬧᬸᬦ᭄ᬳᬸᬕᬶᬲᬮᬶᬢ᭄ᬳᬃᬱ᭞ᬫᬫᬯᭀᬲᬂᬩ᭄ᬮᬶᬢᬦ᭄ᬭᬸᬗᬸ᭟
ᬫᬶᬗ᭄ᬤᭀᬄᬩ᭄ᬮᬶᬩ᭄ᬮᬂᬚᬜ᭄ᬚᬶᬫᬶᬭᬢ᭄ᬥᬦ᭞ᬗᬯᬸᬮᬭᬶᬂᬳᬶᬭᬢᬸ᭞ᬤᬶᬚᬯᬾᬦ᭄ᬢᭂᬦ᭄ᬳᬸᬦ᭄ᬤᬸᬓ᭄᭞ᬩ᭄ᬮᬶᬢᬦ᭄ᬓᬭᬶᬲᬸᬪᬓ᭄ᬢᬶ᭞ᬳᬾᬮᬶᬂᬭᬶᬂᬉᬩᬬ᭞ᬚ᭄ᬮᬾᬫ᭄ᬮᬄᬳᬕᭂᬢ᭄ᬮᬘᬸᬃ᭞ᬫᬗ᭄ᬤᬫᬲᬋᬗᬦ᭄᭞ᬦ᭄ᬤᬶᬓᬧᬦ᭄ᬩᭂᬮᬶᬮᬮᬶ᭞ᬦᬵᬗ᭄ᬳᬶᬂᬓᬾᬦᬯᭂ
[᭗᭘ 78A]
ᬕᬂ᭞ᬥᬹᬄᬧᬜ᭄ᬚᬗᬂᬢᬍᬃᬭᬶᬂᬓᬳ᭄ᬬᬸᬦ᭄᭟ᬩᭀᬬᬲᬓᬾᬂᬢᬦ᭄ᬲᬸᬪᬓ᭄ᬢᬶᬫᬫᬋᬓᬦ᭄᭞ᬲᬓᬭᬶᬂᬓᬭᬶᬮᬦ᭄ᬢᬸᬤ᭄᭞ᬢᬗ᭄ᬓᬶᬮ᭄ᬓᬮᬾᬃᬕᬸᬦᬸᬂ᭞ᬓᬩᬢᭂᬓ᭄ᬓᬾᬫᬤ᭄ᬫᬧᬫᬶᬢ᭄᭞ᬭᬶᬂᬳᬶᬤᬲᬂᬦᬵᬣ᭞ᬲᬗ᭄ᬲᬬᬫᬦᬳᬾᬓᬦ᭄ᬢᬸᬦ᭄᭞
ᬤᬾᬦᬶᬂᬯᬳᬸᬧᬶᬲᬦ᭄᭞ᬫᬫᬜ᭄ᬚᬓ᭄ᬭᬶᬂᬧᭀᬄᬚᭂᬗ᭄ᬕᬶ᭞ᬓ᭄ᬦᬶᬲᬵᬫ᭄ᬧᬸᬦᬂᬭᬢᬸᬢᬶᬢ᭄ᬬᬂ᭞ᬓᬩᬯᭀᬲ᭄ᬢᬦ᭄ᬳᬸᬦᬶᬂᬭᬶᬂᬧᬵᬢᬹᬢ᭄᭟ᬧᬶᬮᬶᬄᬮᬗ᭄ᬖᬦᬓᬘᬯᬶᬲ᭄‌ᬧ᭄ᬭᬤᬾᬢᬶᬢ᭄ᬬᬂ᭞ᬧᬸᬭᬸᬦ᭄ᬗᬮᬕᬲᬂᬳᬢᬹᬃ᭞ᬫᬧᬫᬶᬢ᭄ᬫᬫᭂᬗ᭄ᬓᬸᬂ᭞ᬦᬶᬜ᭄ᬚᭀᬳ
ᬤᬶᬓᬮᬾᬃᬩᬸᬓᬶᬢ᭄᭞ᬥᬹᬄᬦᬧᬶᬧ᭄ᬯᬭᬦ᭄ᬜ᭞ᬧᬾᬢ᭄ᬫᭂᬗ᭄ᬕᬄᬳᬶᬤᬲᬂᬧ᭄ᬭᬪᬸ᭞ᬲᬵᬫ᭄ᬧᬸᬦ᭄ᬫᬦᬦ᭄ᬤ᭄ᬭᬸᬳᬂ᭞ᬲᭀᬢᬦᬶᬂᬩ᭄ᬮᬶᬗᭂᬫ᭄ᬧᬶ᭞ᬫᬲᭂᬓᬾᬳᬤᬶᬢᬦ᭄ᬯᬶᬓᬦ᭄᭞ᬢᬸᬭᬄᬫᬫᬋᬓᬦ᭄ᬫᬫ᭄ᬓᬸᬮ᭄᭟ᬲᬢ᭄ᬫᬕᬦ᭄ᬢᬸᬂᬩᭀᬓ᭄ᬳᬓᬢᬶᬄᬇᬮᬇᬮ᭞
ᬫᬧ᭄ᬯᬭᬩ᭄ᬮᬶᬮᬘᬸᬃ᭞ᬬᬦ᭄ᬓᬩᬯᭀᬲ᭄ᬩᭂᬕᬸᬕ᭄᭞ᬤᬸᬃᬰᬷᬮᬫᬭᬹᬧᬩᬦᬶ᭞ᬦᬸᬮᬓ᭄ᬤᬥᬯᬸᬳᬦ᭄᭞ᬤᬾᬯᬲᬓᬵᬮᬲᬂᬧ᭄ᬭᬪᬸ᭞ᬳᬶᬤᬗᬯᬶᬯ᭄ᬦᬂ᭞ᬧᬲ᭄ᬯᬭᬳᬮᬄᬤᬾᬦᬶᬂ᭞ᬧᬓᬃᬱᬦ᭄ᬳᬶᬤᬲᬂᬦᬵᬣ᭞ᬤ᭄ᬯᬦᬶᬂᬩ᭄ᬮᬶᬢ᭄ᬯᬭᬚᬮᬚᬸ᭟ [ 79 ][᭗᭘ 78B]
᭗᭘
ᬫᬫᬶᬢᬂᬮᬸᬕᬺᬫᬧᬫᬶᬢ᭄ᬭᬶᬂᬲᬂᬦᬵᬣ᭞ᬳᬧᬂᬤᬳᬶᬤᬩᭂᬦ᭄ᬤᬸ᭞ᬲ᭄ᬯᬾᬘ᭄ᬙᬳᬶᬤᬜᬬᬸᬢ᭄᭞ᬤᬾᬯᬾᬓ᭄ᬩᭂᬮᬶᬲᬗ᭄ᬓᬦ᭄ᬳᬸᬭᬶᬧ᭄᭞ᬢᬸᬃᬦ᭄ᬧᬸᬓᬶᬦ᭄ᬲᬥ᭄ᬬ᭞ᬯᬗ᭄ᬤᬾᬧᬥᭂᬫ᭄ᬤᬸᬭᬸᬲ᭄ᬳᬶᬤᬸᬧ᭄᭞ᬲᬓᬾᬂᬲ᭄ᬯᬾᬘ᭄ᬙᬦ᭄ᬳᬶᬤ᭞ᬫᬫᬜ᭄ᬚᬓ᭄ᬤᬶᬧᭀᬄᬚᭂᬗ᭄ᬕᬶ᭞
ᬓᬾᬢᭀᬳᬤᬶᬲᬸᬚᬢᬶᬦ᭄ᬜ᭞ᬦᬾᬗᬯᬶᬦᬂᬢᬶᬦ᭄ᬤᬓᬾᬮᬦ᭄ᬢᬸᬤ᭄᭟ᬧ᭄ᬬᬃᬱᬬᬂᬧᬗᬸᬦᬶᬂᬩ᭄ᬮᬶᬥᬹᬄᬫᬲ᭄ᬫᬶᬭᬄ᭞ᬲᬵᬫ᭄ᬧᬸᬦᬂᬳᬶᬯᬂᬲᭂᬗ᭄ᬕᬸᬄ᭞ᬜᭂᬗ᭄ᬕᬸᬳᬂᬢᬦ᭄ᬢᬸᬳᬸ᭞ᬇᬥᭂᬧ᭄ᬩᭂᬮᬶᬦᬺᬱ᭄ᬩᬾᬦ᭄ᬳᬤᬶ᭞ᬥᬹᬄᬲᬵᬫ᭄ᬧᬸᬦ᭄ᬲᬗ᭄ᬲᬬ᭞ᬬᬦ᭄ᬩᭂᬮᬶᬳᬤ᭄ᬯ
ᬭᬶᬂᬯᬸᬯᬸᬲ᭄᭞ᬫᬶᬲᬥ᭄ᬬᬦᬫ᭄ᬧᭂᬤᬂ᭞ᬲᬧᬧᬦ᭄ᬧᬜ᭄ᬚᬓ᭄ᬳᬤᬶ᭞ᬦᬵᬗ᭄ᬳᬶᬂᬬᬦ᭄ᬧᬕᭂᬄᬲᬸᬲᬢ᭄ᬬ᭞ᬫᬤᬓ᭄ᬩᭂᬮᬶᬫᬗ᭄ᬕᬶᬄᬭᬳᬬᬸ᭟ᬲᬵᬫ᭄ᬧᬸᬦ᭄ᬳᬸᬕᬶᬳᬶᬯᬂᬢᬫ᭄ᬧᬶᬲᬮᬶᬢ᭄ᬳᬃᬱ᭞ᬧᬸᬭᬸᬦ᭄ᬩᭂᬮᬶᬫᬧᬸᬗᬸ᭞ᬲᬵᬫ᭄ᬧᬸᬦ᭄ᬳᬤᬶᬤᬸᬭᬸᬲ᭄᭞ᬓᬧᭀᬄ
ᬚᭂᬗ᭄ᬕᬶᬄᬗᬮᬸᬗ᭄ᬳᬦᬶᬦ᭄᭞ᬭᬾᬄᬤᬸᬭᬸᬂᬧᬺᬱᬶᬤ᭄ᬥ᭞ᬲᬕᭂᬃᬫᬦᬄᬩ᭄ᬮᬸᬗᬸᬕᬸ᭞ᬧᬗᬾᬫᬦ᭄ᬲᬂᬦᬵᬣ᭞ᬓᬦ᭄ᬢᬸᬦ᭄ᬫᬩᬭᬶᬩᬭᬶ᭞ᬫᬮᬶᬄᬓᬦ᭄ᬢᬸᬦ᭄ᬫᬤᬸᬦᬸᬗᬦ᭄᭞ᬤᬶᬚᬳᬤᬶᬧᬘᬂᬫᬮᬸᬗ᭄ᬕᬸᬄ᭟ᬳᬶᬗ᭄ᬕᬶᬄᬬᬦᬶᬂᬲᬵᬫ᭄ᬧᬸᬦ᭄ᬩᭂᬮᬶᬫᬗ᭄ᬕᬶᬄᬲᬥ᭄ᬬ᭞
[᭗᭙ 79A]
ᬫᬶᬗ᭄ᬤᭀᬄᬩ᭄ᬮᬶᬢᬦ᭄ᬭᬯᬸᬄ᭞ᬦᬗ᭄ᬓᬶᬮ᭄ᬓᬮᬾᬃᬕᬸᬦᬸᬂ᭞ᬜᬥ᭄ᬬᬩ᭄ᬮᬶᬫᭂᬦ᭄ᬤᬓ᭄ᬳᬤᬶ᭞ᬜᬭᬢᬂᬓᬩᬬᬦ᭄᭞ᬕᬸᬫᬦᬦᬸᬳᬸᬃᬳᬶᬭᬢᬸ᭞ᬯᬦ᭄ᬢᬄᬲᬧᬸᬦᬶᬓ᭞ᬫᬦᬄᬩ᭄ᬮᬶᬗᬃᬤ᭄ᬥᬶᬦᬶᬦ᭄᭞ᬫᬗ᭄ᬤᬳᬤᬶᬲᬶᬤ᭄ᬥᬮᬲ᭄ᬬ᭞ᬏᬫᬦ᭄ᬳᬤᬶ
ᬧᬾᬢ᭄ᬭ᭄ᬕᬤᬕ᭄ᬭᬸᬤᬸᬕ᭄᭟ᬧᬕᭂᬳᬂᬓᬳ᭄ᬬᬸᬦᬾᬳᬤᬶᬲᬢ᭄ᬫᬢᬧ᭞ᬫᬗ᭄ᬤᬲᬵᬫ᭄ᬧᬸᬦᬂᬤᬸᬭᬸᬲ᭄᭞ᬧᬶᬗ᭄ᬓᬮᬶᬄᬓᬢᬜ᭄ᬚᬸᬂ᭞ᬤᬤᭀᬲ᭄ᬓᬓ᭄ᬤᬾᬓᬦ᭄ᬕᬸᬫᬶ᭞ᬫᬧ᭄ᬬᬭᬍᬓ᭄ᬚᭂᬗᬄ᭞ᬧᬜ᭄ᬚᬗᬂᬉᬕᬶᬭᬶᬂᬓᬳ᭄ᬬᬸᬦ᭄᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬢᬦ᭄ᬫᬭᬶ
ᬗᬲᬶᬳᬲᬶᬄ᭞ᬲᬶᬦᬃᬯ᭄ᬯᬶᬫᬓᬵᬃᬬ᭄ᬬᬲᬭᬵᬢ᭄᭞ᬧᬘᬂᬓᬵᬢᬸᬃᬭᬶᬂᬲᬂᬤ᭄ᬬᬳᬬᬸ᭟ᬲᬤᬕᬶᬗᬶᬓᬂᬋᬋᬧᬶᬲᬫᬶᬫᬸᬗ᭄ᬕᬄ᭞ᬥᬭᬱᬦᬶᬂᬧᬫᬸᬗᬸ᭞ᬦᬾᬭᬶᬗᬚᭂᬂᬫᬸᬗ᭄ᬕᬸᬄ᭞ᬢᬦ᭄ᬲᬦ᭄ᬤᬂᬉᬘᬧᬂᬫᬮᬶᬄ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬜᬸᬭᬢ᭄᭞ᬓᬧᬶᬘ᭄ᬙᬭᬶᬂ
ᬲᬂᬓᬵᬉᬢᬸᬲ᭄᭞ᬫᬗ᭄ᬤᬳᬶᬧᬸᬦ᭄ᬢᬸᬮᬓ᭄᭞ᬓᬮᬾᬃᬩᬸᬓᬶᬢ᭄ᬤᬶᬕᬢᬶ᭞ᬲᬚᬯᬦᬶᬂᬫᬓ᭄ᬢᬲᬸᬭᬵᬢ᭄᭞ᬯᬾᬦ᭄ᬢᭂᬦ᭄ᬫᬮᬶᬄᬧᬓᬶᬭᬶᬫ᭄ᬩᬸᬗ᭄ᬓᬸᬂ᭟ᬓᬢᬸᬭᬶᬂᬤᬾᬦ᭄ᬤᬫᬲ᭄ᬓᬸᬦᬶᬂᬓᬧᬶᬢ᭄ᬮᬲ᭄᭞ᬫᬲᭀᬘᬚᬕᬰᬢ᭄ᬭᬸ᭞ᬫᬗ᭄ᬤᬳᬶᬧᬸᬦ᭄ᬫᬵᬢᬹᬃ᭞ᬓᬧᬾ [ 80 ][᭗᭙ 79B]
᭗᭙
ᬦ᭄ᬢᭂᬓᬦ᭄ᬭᬶᬂᬧᭀᬄᬚᭂᬗ᭄ᬕᬶ᭞ᬫᬗ᭄ᬤᬓᬧᬶᬥᬃᬱ᭞ᬲᬂᬓᬉᬢᬸᬲ᭄ᬯᬸᬲ᭄ᬲᬸᬫᬗ᭄ᬕᬸᬧ᭄᭞ᬧᬘᬂᬫᬶᬥᬃᬱᬬᬂ᭞ᬧᬫᬗ᭄ᬕᬶᬳᬶᬧᬸᬦ᭄ᬲᬫᬶ᭞ᬕ᭄ᬮᬶᬲᬦ᭄ᬫᬗ᭄ᬓᬶᬦ᭄ᬢᬸᬢᬸᬭᬂ᭞ᬲᬂᬓᬉᬢᬸᬲ᭄ᬫᬧᬫᬶᬢ᭄ᬲᬵᬫ᭄ᬧᬸᬦ᭄᭟ᬢᬦ᭄ᬓᭀᬘᬧᬦ᭄ᬭᬶᬂᬫᬃᬕ᭄ᬕᬶᬕᬕᬜ᭄ᬘᬗᬦ᭄᭞ᬦᬾᬫᬗ᭄ᬓᬶ
ᬦ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬳᬶᬧᬸᬦ᭄ᬭᬶᬂᬮᬾᬃᬕᬸᬦᬸᬂ᭞ᬦᬗ᭄ᬓᬶᬮ᭄ᬭᬶᬂᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬚᬩᬦᬶᬂᬲᬸᬭᬵᬢ᭄᭞ᬳᬮᬶᬢᬮᬶᬢᬍᬃᬓᬵᬢᬹᬃ᭞ᬯᬶᬦᬘᬢᬂᬭᬾᬓ᭞ᬋᬱᭂᬧ᭄ᬲᬗ᭄ᬓᬤᬶᬭᬢᬶᬄ᭞ᬲᬓ᭄ᬱᬡᬋᬩᬄᬓᬵᬦ᭄ᬢᬓ᭞ᬕᬶᬧᬶᬄᬭᬾᬜ᭄ᬘᬂᬭᭀᬩᬦᬾᬦᬸᬮᬸᬂ
ᬫᬸᬯᬸᬗ᭄ᬕ᭄ᬢᬗᬶᬲ᭄ᬲᬚ᭄ᬭᭀᬧᬸᬭᬶᬫᬫᬗᭂᬦᬂ᭞ᬤᬾᬦ᭄ᬤᬫᬲ᭄ᬓᬸᬦᬶᬂᬓᬦ᭄ᬢᬸ᭞ᬯᬾᬦ᭄ᬢᭂᬦ᭄ᬲᬦᬾᬫᬵᬢᬹᬃ᭞ᬗᬸᬦᬶᬗᬬᬂᬭᬶᬂᬳᬶᬅᬚᬶ᭞ᬭᬵᬤᬾᬦ᭄ᬯᬷᬭᬦᬵᬣ᭞ᬕᬕᬾᬲᭀᬦ᭄ᬫᬫᬃᬕ᭄ᬕᬶᬫᬦ᭄ᬢᬸᬓ᭄᭞ᬲᬓᬾᬂᬫᬲᬲᬜ᭄ᬚᬦ᭄᭞ᬗᬢᬩ᭄ᬢᬩ᭄ᬯᬳᬸᬗᬓ᭄ᬱᬶ᭞ᬳᬶᬳᬦᬓ᭄
ᬲ᭄ᬤᭂᬓ᭄ᬓᬵᬦ᭄ᬢᬓ᭞ᬭᬾᬜ᭄ᬘᬂᬭᭀᬩᬦ᭄ᬳᬾᬩᭂᬓ᭄ᬗ᭄ᬭᬸᬜᬸᬂ᭟ᬲᬳᬸᬧ᭄ᬲᬗ᭄ᬓᭀᬮ᭄ᬧᬧᬲᬶᬳᬶᬦ᭄ᬭᬶᬂᬱᬗ᭄ᬓᭀᬦᬦ᭄᭞ᬳᬶᬳᬦᬓ᭄‌ᬲ᭄ᬤᭂᬓ᭄ᬓᬦ᭄ᬢᬸ᭞ᬕ᭄ᬲᬶᬢ᭄ᬢᬗᬦ᭄ᬲᬸᬓᬸ᭞ᬭᬵᬤᬾᬦ᭄ᬯᬷᬭᬦᬵᬣᬦᬗᬶᬲ᭄᭞ᬥᬹᬳᬧᬫᬓᬭᬡ᭞ᬘ᭄ᬦᬶᬂᬩᬸᬓᬢᬦ᭄ᬧᬩᬬᬸ᭞
[᭘᭐ 80A]
ᬤᭀᬗᬧᬲᬸᬗ᭄ᬓᬦ᭄᭞ᬭᬾᬜ᭄ᬘᬗᬾᬫᬵᬢᬹᬭᬵ ᬉᬦᬶᬂ᭞ᬢᬢᬲ᭄ᬳᬶᬧᬸᬦ᭄ᬫᬶᬥᬃᬣᬬᬂ᭞ᬓᬧᬶᬂᬢ᭄ᬤᬾᬦ᭄ᬤᬫᬲ᭄ᬓᬸᬦᬶᬂᬓᬦ᭄ᬢᬸ᭟ᬥᬹᬄᬢᬦ᭄ᬲᬯᭀᬲ᭄ᬭᬵᬤᬾᬦ᭄ᬳᬚᬶᬦᬾᬗᬯᬶᬦᬂ᭞ᬧᬗ᭄ᬤᬦᬶᬗᬲᬶᬄᬮᬸᬮᬸᬢ᭄᭞ᬓᬩᬗᭂᬢᬦ᭄ᬲᬸᬗ᭄ᬲᬸᬢ᭄᭞ᬳᬶᬳᬦᬓ᭄ᬢᬦ᭄ᬫ
ᬭᬶᬲ᭄ᬤᬶᬄ᭞ᬯᬸᬲᬦ᭄ᬗᬯᬘᬾᬦ᭄ᬲᬸᬭᬵᬢ᭄᭞ᬧᬷᬘ᭄ᬙᬦ᭄ᬭᬵᬤᬾᬦ᭄ᬩᬜ᭄ᬚᬃᬲᬦ᭄ᬢᬸᬦ᭄᭞ᬢᬶᬢ᭄ᬬᬂᬦᬾᬗᬢᬹᬭᬂ᭞ᬫᬤᬸᬮᬸᬃᬳᬮᬶᬳᬮᬶ᭞ᬧᬸᬦᬶᬓᬦᬾᬕᬫᭂᬮ᭄ᬳᬶᬤ᭞ᬦᬸᬮᬶᬭᬵᬤᬾᬦ᭄ᬮᬾᬃᬩᬸᬓᬶᬢ᭄ᬳᬚᬶ᭟ᬗᬫ᭄ᬩᬶᬮ᭄ᬲᬸᬭᬵᬢ᭄ᬧᬸᬦᬶᬓᬕ᭄ᬮᬶᬲ᭄ᬯᬸᬲ᭄ᬯᬶᬦᬘ᭞ᬲ
ᬓ᭄ᬱᬡᬫᬦ᭄ᬢᭂᬕ᭄ᬧᬸᬧᬸ᭞ᬭᬶᬦᬱᬭᬶᬂᬓᬳ᭄ᬬᬸᬦ᭄᭞ᬲᬸᬭᬵᬢᬾᬗ᭄ᬭᬡᬬᬂᬲ᭄ᬤᬶᬄ᭞ᬳᬶᬳᬦᬓ᭄ᬫᬵᬗᭂᬦᬂ᭞ᬭᬕᬢᬦ᭄ᬧᭀᬭᬢ᭄ᬢᬸᬫᬸᬯᬸᬄ᭞ᬤᬾᬦᬶᬂᬫᬩ᭄ᬮᬲᬦ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬲᬭᬶ᭞ᬫᬤᭀᬄᬤᭀᬳᬦ᭄ᬧᬕ᭄ᬦᬳᬦ᭄᭞ᬭᬵᬤᬾᬦ᭄ᬳᬚᬶᬭᬹᬫ᭄ᬩᬂ
ᬳᬫᬸᬯᬸᬲ᭄᭟᭚᭐᭚ᬳᭀᬯᬸᬯᭀᬯᬸᬄᬫᬲ᭄ᬓᬸᬫᬫ᭄ᬩᬂ᭚᭐᭚ᬳᬥᬹᬄᬘ᭄ᬦᬶᬂᬮᬦ᭄ᬢᬗᬗᬂᬉᬕᬶᬫᬶᬦᭂᬳᬶᬦ᭄᭞ᬫᬶᬦᭂᬳᬶᬦ᭄ᬦᬾᬲᬚ᭞ᬲᬚᬦᬾᬧᬵᬢᬹᬢ᭄ᬢᬶᬦ᭄ᬤᬶᬳᬶᬦ᭄᭞ᬢᬶᬦ᭄ᬤᬶᬄᬢ᭄ᬓᬾᬦᬶᬂᬓᬸᬋᬦᬦ᭄᭟ᬓᬸᬤᬫᬶᬭᬶᬩ᭄‌ᬘ᭄ᬦᬶᬂᬢᭀᬂᬫᬕᭂᬳᬂᬓᬶᬃᬢ᭄ᬢᬶ᭞ᬓᬶᬃᬢ᭄ᬢᬶᬦᬾ [ 81 ][᭘᭐ 80B]
᭘᭐
ᬓᬩᬩᬲ᭄‌᭞ᬩᬵᬲ᭄ᬗᬸᬮᬸᬭᬶᬦ᭄‌ᬤ᭄ᬫᭂᬦ᭄ᬩᬸᬤ᭄ᬥᬶ᭞ᬫᬩᬸᬤ᭄ᬥᬶᬦᬸᬗ᭄ᬓᬲ᭄ᬓᬸᬋᬦᬦ᭄᭟ᬫᬓᬸᬋᬦᬦ᭄ᬢ᭄ᬯᬭᬮᬾᬦ᭄ᬳᬦᬓᬾᬫ᭄ᬯᬦᬶ᭞ᬦᬾᬧᬵᬢᬹᬢ᭄ᬳᬶᬥᭂᬧᬂ᭞ᬳᬧᬩ᭄ᬯᬶᬦ᭄ᬲᬸᬩᬫᬪᬹᬓ᭄ᬢᬶ᭞ᬓᬧᬶᬢᬺᬱ᭄ᬡᬦᬾᬫᬲᭀᬫᬄ᭟ᬲᬗ᭄ᬓᬦ᭄ᬧᬬᬸᬫᬲ᭄ᬬᬢ᭄ᬤᬶᬩᬜ᭄ᬚᬃᬲ
ᬭᬶ᭞ᬓᬩᬢᭂᬓ᭄ᬩᬵᬦ᭄ᬢᬺᬱ᭄ᬡ᭞ᬫᬓᬸᬋᬦᬦ᭄ᬢᭂᬓᬾᬜ᭄ᬘᭂᬦᬶᬂ᭞ᬗᬸᬤᬘ᭄ᬦᬶᬂᬫᬦᬦ᭄ᬤ᭄ᬭᬸᬳᬂ᭟ᬲᬓᬾᬂᬲᬚᬩ᭄ᬮᬶᬦ᭄‌ᬘ᭄ᬦᬶᬂᬩᬦᬶᬦᬶᬦ᭄ᬤᬶᬄ᭞ᬭᬾᬄᬲᬸᬩᬫᬯᬢᬂ᭞ᬢ᭄ᬯᬭᬧᬦ᭄ᬢᭂᬲ᭄ᬩᬸᬓᬘ᭄ᬦᬶᬂ᭞ᬚ᭄ᬯᬭᬶᬢᬸᬭᬶᬦ᭄ᬩᬦᬶᬦᬸᬗ᭄ᬓᬲ᭄᭟ᬲᬧᬢᬸᬥᬸᬄᬩ᭄ᬮᬶᬦ᭄‌ᬘ᭄ᬦᬶᬂᬧᬵᬢᬹᬢ᭄ᬳᬶᬭᬶᬂ᭞ᬲᭀᬢᬦᬶᬂ
ᬫᬲᭀᬫᬄ᭞ᬓᭀᬤᬕ᭄ᬩᬵᬦ᭄ᬳᬦᬓ᭄ᬫ᭄ᬯᬦᬶ᭞ᬤᬲᬭᬶᬦ᭄ᬳᬶᬥᭂᬧ᭄ᬲᬦ᭄ᬢᭀᬲ᭟ᬢ᭄ᬯᬭᬳᬲᬶᬦ᭄‌ᬘ᭄ᬦᬶᬂᬳᬾᬗ᭄ᬕᬮ᭄ᬲᬮᬄᬢᬫ᭄ᬧᬶ᭞ᬫᬹᬥᬧᬳᬶᬥᭂᬧᬦ᭄᭞ᬓ᭄ᬦᭂᬳᬾᬫᬩᬮᬶᬓ᭄ᬘᭂᬦᬶᬓ᭄᭞ᬩᬸᬓᬢᭀᬂᬫᬓᬤᬂᬰᬵᬲ᭄ᬢᬺ᭟ᬳᬶᬗᬸᬄᬧᬮᬶᬂᬦᬾᬩ᭄ᬦᭂᬄᬓᬓᬤᬾᬦ᭄ᬧ᭄ᬮᬶᬄ᭞
ᬫᭀᬫᭀᬓᬉᬮᬸᬭᬦ᭄᭞ᬩᬳᭀᬯᬢᬶᬤᭀᬂᬚᬗᬶᬮᭀᬦᬶᬦ᭄᭞ᬩ᭄ᬮᬶᬜ᭄ᬘᭂᬦᬶᬂᬲᬓᬾᬂᬢᬺᬱ᭄ᬡ᭟ᬩᬧᬘᬸᬫ᭄ᬧᬸᬢ᭄ᬓᬾᬦ᭄ᬳᬶᬥᭂᬧ᭄᭞ᬩ᭄ᬮᬶᬜ᭄ᬘᭂᬦᬶᬂ᭞ᬗᬦ᭄ᬤᭂᬕ᭄‌ᬘ᭄ᬦᬶᬂᬮᬸᬗ᭄ᬳ᭞ᬳᬾᬗ᭄ᬕᬮᬾᬗ᭄ᬕᬮ᭄ᬓᬧᭀᬄᬚᭂᬗ᭄ᬕᬶ᭞ᬳᬧᬂᬤᬘ᭄ᬦᬶᬂᬲᭂᬗ᭄ᬓᬵᬮ᭟ᬚ᭄ᬦᭂᬂᬲᬚᬓᬧᬶᬦᭂᬄᬩᬵᬦ᭄ᬩᭂ
[᭘᭑ 81A]
ᬮᬶᬜ᭄ᬘᭂᬫᬶᬂ᭞ᬢᭀᬗᬤᬳᭂᬜ᭄ᬘᬾᬢᬦ᭄᭞ᬲᬂᬦᬵᬣᬤᬢᬸᬓ᭄ᬧᭀᬄᬚᭂᬗ᭄ᬕᬶ᭞ᬢ᭄ᬓᬾᬦ᭄ᬤᬢᬸᬓ᭄ᬱ᭄ᬳᬾᬮᬧᬭᬂ᭟ᬳᬲᬄᬢᬦ᭄ᬤᬶᬂᬩᬸᬓᬤᬤ᭄ᬯᬳᭀᬦᭂᬂᬏᬮᬶᬓ᭄᭞ᬤᬸᬤᬸᬧᬭᬶᬓ᭄ᬭᬫ᭞ᬳᭀᬦᭂᬂᬗ᭄ᬭᬩᬶᬦᬶᬂᬳᬭᬩᬶ᭞ᬗᬯ᭄ᬦᬗᬂᬦᬾᬢᬦ᭄ᬯᭂᬦᬂ᭟ᬦ᭄ᬢᭀᬳ
ᬯᬦ᭄‌ᬩ᭄ᬮᬶᬜ᭄ᬘᭂᬦᬶᬂᬦᬸᬢᬗᬭᬶᬦ᭄᭞ᬳᬧᬂᬘ᭄ᬦᬶᬂᬮᬲ᭄ᬬ᭞ᬭᬾᬄᬲᬸᬩᬢᬳᬾᬦ᭄ᬤᬲ᭄ᬫᬢᬶ᭞ᬳᬧᬂᬤᬩᬸᬓᬲᬲᭀᬗ᭄ᬕᬦ᭄᭟ᬩ᭄ᬮᬶᬤᬶᬦ᭄‌ᬲ᭄ᬫᬧᬫᬸᬧᬸᬢ᭄ᬲᬾᬢᬺᬓᬧᬗ᭄ᬕᬶᬄ᭞ᬢᬦ᭄ᬳᬸᬭᬸᬂᬲᬗ᭄ᬓᬵᬮ᭞ᬫᬧ᭄ᬯᬭᬓ᭄ᬤᬾᬓᬶᬦ᭄ᬕᬸᬫᬶ᭞ᬢᬸᬮᬸᬲ᭄ᬦᬫ᭄ᬧᭂᬤᬂᬍᬓ᭄ᬚᭂ
ᬗᬄ᭟ᬲᬤᬫ᭄ᬮᬶᬤ᭄ᬩᬧᬫᬶᬢᬸᬢᬸᬭᬶᬦ᭄‌ᬘ᭄ᬦᬶᬂ᭞ᬲᭀᬢᬦᬶᬂᬫᬧ᭄ᬬᬦᬓ᭄᭞ᬫᬓᬶᬢᬩᬋᬂᬦᬗᬭᬶᬦ᭄᭞ᬮᬫᬓᬜ᭄ᬘᭂᬦᬶᬂᬓᬲᬤ᭄ᬬᬦ᭄᭟ᬩᬧᬲ᭄ᬩᭂᬢ᭄ᬧᬾᬢᬦ᭄ᬗᬫ᭄ᬩᭂᬮᬶᬜ᭄ᬘᭂᬦᬶᬂ᭞ᬬᬦ᭄‌ᬘ᭄ᬦᬶᬂᬫᬫᬾᬤ᭄ᬥ᭞ᬢ᭄ᬯᬭᬜᬓ᭄ᬗᬶᬥᭂᬧᬂᬫᬸᬜᬶ
᭞ᬦᬕᬶᬄᬦᬸᬢᬸᬕ᭄ᬳᬾᬗ᭄ᬕᬮᬾᬗ᭄ᬕᬮ᭄᭟ᬤᭀᬂᬧᬤᬍᬫ᭄‌ᬩ᭄ᬮᬶᬜ᭄ᬘᭂᬦᬶᬂᬤᬲᬦ᭄ᬫᬢᬶ᭞ᬗ᭄ᬳᬶᬂᬧᬫᬸᬧᬸᬢ᭄ᬮᬲ᭄ᬬ᭞ᬓᬢᬸᬮᬸᬗᬦ᭄ᬤᬶᬧᭀᬄᬚᭂᬗ᭄ᬕᬶ᭞ᬧᬵᬢᬹᬢᬾᬘ᭄ᬦᬶᬂᬗᭂᬦ᭄ᬤᭂᬮᬂ᭟ᬭᬾᬄᬲᬸᬫ᭄ᬓᭂᬦ᭄ᬫᬸᬜᬶᬦ᭄ᬲᬸᬭᬵᬢ᭄‌ᬩ᭄ᬮᬶᬜ᭄ᬘᭂᬦᬶᬂ᭞ᬦᬸᬢᬺᬱ᭄ᬡᬫ [ 82 ][᭘᭑ 81B]
᭘᭑
ᬲᭀᬫᬄ᭞ᬢᭀᬂᬜᬦ᭄ᬤᬂᬲ᭄ᬩᭂᬢᬂᬘ᭄ᬦᬶᬂ᭞ᬓᬦ᭄ᬢᬶᬩ᭄ᬭᬕ᭄ᬫᬧᬗᭂᬦᬦ᭄᭟ᬲᬸᬯᬸᬤ᭄ᬗᭂᬮᬶᬂᬗᬫᬾᬳᬫᬾᬩ᭄ᬮᬶᬜ᭄ᬘᭂᬦᬶᬂᬧᬫᬓᬸᬲᬭ᭞ᬗᬢᭂᬄᬘ᭄ᬦᬶᬂᬓᬧᭀᬄᬚᭂᬗ᭄ᬕᬶ᭞ᬓᬾᬯᬮᬳᬤᬤᬾᬯᬰ᭟ᬫᬢᬺᬧᬹᬃᬡ᭄ᬦᬤᬾᬦ᭄ᬤᬫᬲ᭄ᬓᬸᬦᬶᬂᬗᬮᬶᬮᬶᬃ᭞ᬲᬃᬯ᭄ᬯᬶ
ᬗᬸᬲᬧ᭄ᬯᬱ᭄ᬧ᭞ᬫᬢᬗᬦᬦ᭄ᬫᬵᬢᬹᬃᬲᬶᬲᬶᬧ᭄᭞ᬥᬹᬳᬚᬶᬓ᭄ᬢᬶᬢ᭄ᬬᬂᬦᬯᭂᬕᬂ᭟ᬫᬮᬶᬄᬧᬶᬤᬦ᭄ᬳᬚᬶᬓ᭄ᬮᬸᬗ᭄ᬳᬓᬧᭀᬄᬚᭂᬗ᭄ᬕᬶ᭞ᬭᬵᬤᬾᬦ᭄ᬯᬷᬭᬦᬵᬣ᭞ᬕᬃᬚ᭄ᬚᬶᬢᬳᬕᬾᬜᬯᬸᬭᬶᬦ᭄᭞ᬦᬄᬩᬧᬫᬮᬸᬦᬸᬦ᭄ᬤᬾᬦᬂ᭟ᬓᬧᭀᬄᬚᭂᬗ᭄ᬕᬶᬭᬾᬜ᭄ᬘᬂ
ᬘ᭄ᬦᬶᬂᬦᬾᬩᬶᬦ᭄ᬫᬦᬶ᭞ᬳᬧᬂᬗᬯᬗ᭄ᬲᬶᬢᬂ᭞ᬫᬵᬢᬹᬃᬢ᭄ᬓᬾᬦ᭄‌ᬩ᭄ᬮᬶᬜ᭄ᬘᭂᬦᬶᬂ᭞ᬩᬧᬘ᭄ᬦᬶᬂᬳᬾᬗ᭄ᬕᬮ᭄‌ᬢ᭄ᬓ᭟ᬓᬧᭀᬄᬚᭂᬗ᭄ᬕᬶᬜᬥ᭄ᬬᬢᬗ᭄ᬓᬶᬮ᭄ᬭᬶᬂᬰ᭄ᬭ᭄ᬬᬵᬚᬶ᭞ᬕᬸᬫᬦᬜᬾᬯᬓ᭞ᬦᬸᬦᬲ᭄ᬳᬶᬘ᭄ᬙᬬᬂᬳᬶᬩ᭄ᬮᬶ᭞ᬳᬳᭀᬯᬂᬳᬶᬤᬤᬸᬭᬸᬲ᭄‌ᬲ᭄ᬯᬾᬘ᭄ᬙ᭟ᬗ
ᬯᬸᬮᬬᬂᬩ᭄ᬮᬶᬜ᭄ᬘᭂᬦᬶᬂᬤᬶᬧᭀᬄᬚᭂᬗ᭄ᬕᬶ᭞ᬤᬶᬢᬸᬫᬫᬋᬓᬦ᭄᭞ᬦᬸᬦᬲ᭄ᬮᬸᬗ᭄ᬲᬸᬭᬦ᭄ᬲᬲᬳᬶ᭞ᬗ᭄ᬩᬸᬓᬶᬦ᭄ᬧᬮᬶᬗ᭄ᬕᬶᬄᬳᬶᬤ᭟ᬓᬾᬢᭀᬘ᭄ᬦᬶᬂᬲᬸᬫᬥ᭄ᬬᬦ᭄ᬩᬧᬦᬾᬦᬗ᭄ᬓᬶᬮ᭄᭞ᬦᬵᬗ᭄ᬳᬶᬂᬳᬧᬂᬢ᭄ᬯᬭ᭞ᬓᬲᬼᬗᬕᬦ᭄ᬩᭂᬮᬶᬜ᭄ᬘᭂᬦᬶᬂ᭞ᬫ᭄ᬮᬄᬚᬫᬮᬸ
[᭘᭒ 82A]
ᬳᬦ᭄ᬢᭀᬲᬂ᭟ᬭᬾᬜ᭄ᬘᬂᬘ᭄ᬦᬶᬂᬫᬢᬸᬮᬓ᭄ᬳᬸᬮᬶᬧᭀᬄᬚᭂᬗ᭄ᬕᬶ᭞ᬬᬦᬶᬂᬲᬸᬩᬳᬤ᭞ᬓᬩᬾᬩᬲᬦ᭄ᬩᭂᬮᬶᬜ᭄ᬘᭂᬦᬶᬂ᭞ᬓᬬᬂᬢᭀᬩᬋᬂᬫᬚᬮᬦ᭄᭟ᬢᬶᬢ᭄ᬬᬂᬗᬶᬭᬶᬂᬧᬦᬶᬫ᭄ᬩᬮ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬧᬺᬫᬗ᭄ᬓᬶᬦ᭄ᬗᬮ᭄ᬬᬩ᭄᭞ᬘᬕᭂᬃᬭᬶᬂᬲᬗ᭄ᬕᬸᬧ᭄ᬳᬶᬅᬚᬶ᭞
ᬧᬘᬂᬗᬢᭂᬄᬓᬵᬮᬮᬸᬗ᭄ᬕ᭟ᬳᬫᬸᬦᬶᬓᬲᬢ᭄ᬯᬦᬾᬧᬸᬗ᭄ᬕᭂᬮᬂᬫᬮᬶᬄᬭᬶᬳᬶᬦ᭄᭞ᬤᬾᬦᬶᬂᬲᬵᬫ᭄ᬧᬸᬦ᭄ᬧᬜ᭄ᬚᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬗᭂᬯᬦᭂᬳᬶᬦ᭄᭞ᬬᬤᬶᬦ᭄ᬢᬦ᭄ᬧ᭄ᬭᬲᬶᬤ᭄ᬥᬲᬸᬩᬮ᭄᭟ᬳᬦ᭄ᬢᬸᬓ᭄ᬢᬶᬢ᭄ᬬᬂᬗᬫᬸᬗ᭄ᬕᬸᬳᬂᬭᬶᬂᬧᬗᬯᬶ᭞ᬓᬤᬶᬳᬢᬹᬃᬢᬶ
ᬢ᭄ᬬᬂ᭞ᬭᬶᬂᬕᬕᬸᬭᬶᬬᬦ᭄ᬧᬸᬦᬶᬓᬶ᭞ᬲᬦᬾᬫᬸᬗ᭄ᬕᬄᬭᬶᬂᬧᬫᬄᬩᬄ᭟ᬓᬯᬶᬢ᭄ᬯᬾᬦ᭄ᬢᭂᬦ᭄ᬭᬶᬂᬲᬲᬓ᭄ᬱᬫ᭄ᬬᭀᬦ᭄ᬩᬮᬶ᭞ᬲᬧᬸᬦᬶᬓᬧᬶᬲᬦ᭄᭞ᬯᬶᬢ᭄ᬢᬢᬸᬚᭀᬦ᭄ᬢᬶᬢ᭄ᬬᬂᬗᬸᬭᬶᬢ᭄᭞ᬥᬹᬳᬫ᭄ᬧᬸᬭᬳᬢᬹᬃᬢᬶᬢ᭄ᬬᬂ᭟ᬳᬫᬸᬦᬶᬓᬶᬤᬸᬫᬸᬦ᭄ᬓᬵᬢᬹᬃ
ᬦᬾᬧᬗᬯᬶᬢ᭄᭞ᬤᬕᬶᬂᬕᬕᬸᬭᬶᬢᬦ᭄᭞ᬓᬢᬢ᭄ᬯᬦ᭄ᬤᬾᬦ᭄ᬤᬫᬲ᭄ᬓᬸᬦᬶᬂ᭞ᬲᬤᬯᭂᬕ᭄ᬭᬶᬂᬰᬾᬮᬧᬭᬂ᭟ᬲᬲᬵᬫ᭄ᬧᬸᬦᬾᬚ᭄ᬦᭂᬓ᭄ᬭᬶᬂᬚᬕᬢ᭄ᬧᭀᬄᬚᭂᬗ᭄ᬕᬶ᭞ᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬧᬜ᭄ᬚᬂᬓᬢᬢ᭄ᬯᬦᬾᬫᬮᬶᬄ᭞ᬚᬦ᭄ᬢᭀᬲ᭄ᬭᬸᬕ᭄ᬲᬚᬕ [ 83 ][᭘᭒ 82B]
᭘᭒
ᬢ᭄ᬲᬲᬓ᭄᭟ᬩᭀᬬᬲᬯᭀᬲ᭄ᬲᬦᬾᬤᬤᭀᬲ᭄ᬩᬦ᭄ᬢᬗ᭄ᬓᬮᬶ᭞ᬢᬍᬃᬫᬚᬮᬭᬦ᭄᭞ᬳᬦᬓ᭄ᬳᬶᬲ᭄ᬢ᭄ᬭᬶᬧᬸᬢ᭄ᬭᬶᬍᬯᬶᬄ᭞ᬳᬯᬶᬦᬦ᭄ᬲᬚᬕᬢ᭄ᬲᬲᬓ᭄᭟ᬫᬜᬯᬶᬢᬤᬸᬭᬸᬲ᭄ᬫᬫᬜ᭄ᬚᬓ᭄ᬓᬩᬵᬮᬶ᭞ᬲᬤᬯᭂᬕ᭄ᬧᬸᬦᬶᬓ᭞ᬭᬸ
ᬦ᭄ᬤᬄᬓᬧ᭄ᬭᬪᭀᬦ᭄ᬲᭀᬄᬚᭂᬗ᭄ᬕᬶ᭞ᬫᬶᬦᬓᬤᬶᬰᬾᬮᬧᬭᬂ᭟ᬫᬗ᭄ᬤᬜᬸᬓᬶᬄᬢ᭄ᬯᬦᬾᬗᬶᬭᬶᬂᬢᭂᬫ᭄ᬩᬾᬦᬶᬦ᭄᭞ᬮᬦ᭄ᬢᬸᬭᬦ᭄ᬧᬸᬦᬶᬓ᭞ᬕᬕᬸᬭᬶᬢᬦ᭄ᬭᬭᬚᭀᬡ᭄ᬝᬶ᭞ᬦᬾᬧᬘᬂᬳᬢᬹᬭᬂᬢᬶᬢ᭄ᬬᬂ᭟ᬲᬧᬸᬦᬶᬓᬯᬶᬢ᭄ᬫᬦᬄᬢᬶᬢ᭄ᬬᬗᬾ
ᬗᬯᬶ᭞ᬫᬗ᭄ᬤᬫᬧᬍᬢᬦ᭄᭞ᬲᬲᬵᬫ᭄ᬧᬸᬦᬾᬭᬶᬂᬧᭀᬄᬚᭂᬗ᭄ᬕᬶ᭞ᬮᬶᬗ᭄ᬕᬶᬄᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭟ᬧᬜ᭄ᬚᬂᬓᬦ᭄ᬢᬸᬦ᭄ᬓᬢᬢ᭄ᬯᬜ᭄ᬚᬕᬢ᭄ᬧᭀᬄᬚᭂᬗ᭄ᬕᬶ᭞ᬳᬯᬶᬦᬦ᭄ᬩᬦ᭄ᬢᬶᬳᬂ᭞ᬫᬗ᭄ᬤᬫ᭄ᬭᬲᬶᬤ᭄ᬥᬬᬂᬗᬶᬮᬶᬲ᭄᭞ᬲ᭄ᬧᬶᬄᬤᬤᭀᬲ᭄ᬓᬮᬶᬄ
ᬓᬶᬢᬩ᭄᭟ᬗ᭄ᬳᬶᬂᬳᬫ᭄ᬧᬸᬭᬳᬶᬤᬤᬦᬾᬲᬋᬂᬲᬫᬶ᭞ᬓᬢᬫ᭄ᬩᭂᬢᬦ᭄ᬢᬶᬢ᭄ᬬᬂ᭞ᬲᬓᬾᬂᬧᬗ᭄ᬓᬄᬧᭀᬗᬄᬚ᭄ᬯᬭᬶ᭞ᬫᬧᬶᬭᬶᬭᬶᬄᬗᬧᬸᬲ᭄ᬩᬩᬤ᭄᭟ᬤᭀᬓ᭄ᬧ᭄ᬭᬲᬶᬤ᭄ᬥᬫᬦᬄᬢᬶᬢ᭄ᬬᬂᬗᬫᬶᬍᬢᬶᬦ᭄᭞ᬲᬗ᭄ᬓᬮᭀᬓᬧ᭄ᬭᬚ᭄ᬜᬦ᭄᭞
[᭘᭓ 83A]
ᬯᬶᬘᬓ᭄ᬱᬡᬭᬶᬂᬧᬗᬯᬶ᭞ᬤᭀᬄᬧᬭᬧᬘᬂᬲᬳᬶᬫ᭄ᬩ᭟ᬬᬦ᭄ᬲᬯᬗᬂᬓᬸᬦᬂᬓᬸᬦᬂᬦᬭᬸᬂᬰᬰᬶ᭞ᬲᬗ᭄ᬓᬸᬃᬫᬵᬩᭂᬢ᭄ᬚᬫ᭄ᬧ᭄ᬭᬄ᭞ᬓᬲᬕᬭᬗᬤᭀᬮ᭄ᬢᬲᬶᬓ᭄᭞ᬚᬦ᭄ᬢᭂᬦ᭄ᬧᬘᬂᬓᬕᬸᬬᭀᬦᬦ᭄᭟ᬦᬵᬗ᭄ᬳᬶᬂᬚᬢᬶᬩᬩ᭄ᬯᬢᬦ᭄ᬫᬦᬳᬾᬗ
ᬯᬶ᭞ᬓᬤᬶᬳᬢᬹᬃᬢᬶᬢ᭄ᬬᬂ᭞ᬲᬢ᭄ᬫᬓᬧᬗᬾᬮᬶᬂᬳᬾᬮᬶᬂ᭞ᬗᬾᬮᬶᬗᬂᬳᬶᬦ᭄ᬤᬶᬓᬾᬮᬯᬲ᭄᭟ᬳᬶᬤᬤᬦᬾᬫᬗ᭄ᬤᬢᬍᬃᬗᬯᬶᬓᬦᬶᬦ᭄᭞ᬭᬶᬂᬲᬂᬫᬵᬫ᭄ᬩᭂᬓ᭄ᬧᬗ᭄ᬓᬄ᭞ᬖᭀᬭᬲᬶᬭᬶᬓᬦ᭄ᬕᬸᬫᬦ᭄ᬢᬶ᭞ᬲᬓᬾᬂᬕ᭄ᬬᬜᬃᬮᭀᬤ᭄ᬩᬜ᭄ᬘᬶᬗᬄ
᭟᭐᭟᭚ᬧᬸᬦᬶᬓᬶᬕᬕᬸᬭᬶᬢᬜ᭄ᬘᬩᬾᬦᬵᬕᬭᬶ᭞ᬯᬸᬲ᭄ᬧᬰ᭄ᬘᬢ᭄ᬲᬶᬦ᭄ᬭᬢ᭄ᬭᬶᬂᬭᬳᬶᬦ᭞ᬰ᭞ᬯ᭞ᬓᬸᬮᬦ᭄ᬢᬶᬃ᭞ᬢᬗ᭄ᬕᬮ᭄᭞᭙᭞᭙᭞᭑᭙᭙᭐᭞ᬤᬾᬓᬗᬦ᭄ᬮᬄᬅᬭᬶᬓᬘᬢᬹᬃᬲᬦᬓ᭄‌ᬭᬶᬂᬧᬉᬫᬦ᭄ᬦᬶᬰ᭄ᬘᬮᭀᬃᬲ᭄ᬫᬵᬭᬧᬸᬭ᭞ᬓ᭄ᬮᬸᬂᬓᬸᬂ᭟᭐᭟ [ 84 ][᭘᭓ 83B]
᭘᭓