[᭑᭐ 10B]
᭑᭐
ᬯᬸᬂ᭞ᬳᬶᬲᭂᬂᬫᬗᬸᬲᬸᬤᬶᬦ᭄ᬧᬶᬓᬂ᭞ᬤᭀᬂᬤᬬᬦᬶᬦ᭄ᬜᭂᬗᬗᬮ᭄ᬘᬾᬫᬮ᭄ᬫᬢᬢᬸ᭞ᬳᬸᬭᬸᬢᬸᬭᬸᬢ᭄ᬓᬤᬾᬦ᭄ᬲᬚ᭞ᬳᬶᬦᬦ᭄ᬕᭀᬤᬾᬮ᭄ᬳᬤᬜᬫ᭄ᬧᬶ᭟ᬓᬤᬶᬧᬜ᭄ᬚᬂᬬᬦ᭄ᬳᬸᬘᬧᬂ᭞ᬧᬭᬶᬧᭀᬮᬄᬲᬂᬲ᭄ᬤᬶᬓ᭄ᬩᬶᬦᬮ᭄ᬩᭂᬚᬶᬢ᭄᭞ᬓᬩᬢᭂᬓ᭄ᬳᬦ᭄ᬢᬸ
ᬓ᭄ᬳᬮᬗᬸᬦ᭄᭞ᬭᬶᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬩᬕᬸᬲ᭄ᬕᭂᬜ᭄ᬚᬶᬂᬦᬵᬗ᭄ᬳᬶᬂᬲᬗ᭄ᬓᬶᬮᬩ᭄ᬢᬦ᭄ᬭᬸᬗᬸ᭞ᬤᬦᬾᬓᬦ᭄ᬢᬸᬦ᭄ᬫᬢᬶᬍᬲᬂ᭞ᬲᭀᬢᬦᬶᬂᬭᬶᬦ᭄ᬕ᭄ᬲᬲᬓ᭄ᬗᭂᬫ᭄ᬧᬶ᭟ᬢᬦ᭄ᬧᬾᬦ᭄ᬤᬄᬓᬤᬶᬲᬂᬧᬃᬣ᭞ᬤᬸᬓ᭄ᬓᬕᭀᬥᬳᬦ᭄ᬢᬸᬓ᭄ᬯᬢᭂᬓ᭄ᬯᬶᬥ᭄ᬬᬥᬭᬶ᭞ᬧᬕᭂᬄ
ᬧᬸᬕᬸᬄᬤᬦᬾᬓᬦ᭄ᬢᬸᬦ᭄᭞ᬓᬦ᭄ᬢᭀᬲ᭄ᬳᬶᬤᬲᬂᬦᬵᬣ᭞ᬲ᭄ᬭᬶᬂᬫᬶᬓ᭄ᬤᭂᬄ᭞ᬫᬗ᭄ᬤᬤᬦᬾᬲᬵᬫ᭄ᬧᬸᬦ᭄ᬓᬶᬫᬸᬤ᭄᭞ᬗᬺᬋᬄᬭᬩᬶᬓᬦ᭄ᬤᬶᬓᬬᬂ᭞ᬲᬭᬮᬾᬤᬗᬾᬫᬶᬮᬶᬳᬶᬦ᭄᭟ᬏᬭᬂᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄᭞ᬦᬸᬦᬲ᭄ᬮᬸᬕ᭄ᬭᬫᬧᬫᬶᬢ᭄ᬭᬶᬂᬰ᭄ᬭᬷᬳᬚᬶ᭞ᬳᬬ
ᬢ᭄ᬗᬮᬗ᭄ᬮᬂᬉᬮᬗᬸᬦ᭄᭞ᬫᬶᬦ᭄ᬢᬃᬓᬤᬾᬰᬤᬾᬰ᭞ᬚᬕᬗ᭄ᬮᬶᬓ᭄ᬗᬮᬯᬦ᭄ᬲᬧᬭᬯᬥᬸ᭞ᬩᬶᬮᬶᬄᬯᬾᬦ᭄ᬢᭂᬜ᭄ᬚᬢᬸᬓᬃᬫ᭄ᬫ᭞ᬫᬓᬫᬗᬦ᭄ᬢᬸᬗᬦ᭄ᬳᬸᬭᬶᬧ᭄᭟ᬲᬂᬧ᭄ᬭᬪᬸᬳᬲᬸᬂᬮᬸᬕ᭄ᬭᬳ᭞ᬢᬹᬃᬫᬶᬲᬺᬗᬂᬲᬸᬫᬗ᭄ᬤᬾᬦᬦᬾᬤᬶᬕ᭄ᬮᬶᬲ᭄᭞ᬮᬸᬗ᭄ᬕᬲᬧᬭᬦᬶᬂᬮᬓᬸ
[᭑᭑ 11A]
᭞ᬩ᭄ᬯᬢ᭄ᬗᬺᬋᬄᬚᬢᬸᬓᬃᬫ᭄ᬫ᭞ᬲᬶᬤ᭄ᬥᬧᭀᬮᬶᬄᬳᬬᬸᬳᬦᭀᬫ᭄ᬢᬫᬾᬂᬭᬸᬫ᭄ᬭᬸᬫ᭄᭞ᬲᬂᬓᬦ᭄ᬤᬶᬓᬬᬂᬗᬮᬯᬦ᭄᭞ᬢᬦ᭄ᬓᬾᬫᬸᬢ᭄ᬤᬸᬃᬕ᭄ᬕᬫᬾᬗ᭄ᬕᬢᬶ᭟᭚᭐᭚ᬧᬸᬧᬸᬄᬤᬸᬃᬫ᭄ᬫ᭚᭐᭚ᬓᬘᬭᬶᬢᬭᬵᬤᬾᬦ᭄ᬩᬜ᭄ᬚᬃᬕ᭄ᬢᬲ᭄ᬮᬸᬗ᭄ᬕ᭞ᬲᬄᬲᬓᬾᬂᬩᬜ᭄ᬚᬃᬲᬭᬶ᭞
ᬳᬬᬢ᭄ᬫᬲᬲᬜ᭄ᬚᬦ᭄᭞ᬜᬸᬲᬸᬧ᭄ᬓᬤᬾᬰᬤᬾᬰ᭞ᬲᬓᬭᬶᬂᬳᬶᬤᬰ᭄ᬭᬷᬳᬚᬶ᭞ᬫᬗᬦ᭄ᬤᬶᬓᬬᬂ᭞ᬫᬗ᭄ᬤᬤᬶᬕ᭄ᬮᬶᬲ᭄ᬫᬭᬩᬶ᭟ᬦᬾᬕᬸᬫᬦ᭄ᬢᬶᬫᬦ᭄ᬢᬸᬓ᭄ᬭᬶᬂᬓᬳ᭄ᬬᬸᬦ᭄ᬩᭀᬩᭀᬢᬂ᭞ᬓᬦ᭄ᬤᬶᬓᬬᬂᬫᬶᬮᬶᬳᬶᬦ᭄᭞ᬲᬗ᭄ᬓᬭᬶᬂᬲᬂᬦᬵᬣ᭞ᬩᭀᬩᭀᬢ᭄ᬗᬗ᭄ᬕᬾᬦ᭄ᬧ
ᬋᬓᬦ᭄᭞ᬓᬬᭀᬕ᭄ᬬᬗᭂᬜ᭄ᬘᬦᬶᬦ᭄ᬕᬸᬫᬶ᭞ᬓᬷᬘ᭄ᬙᬾᬦ᭄ᬯᬶᬪᬵᬯ᭞ᬮᬗ᭄ᬓᬸᬂᬲ᭄ᬯᬾᬘ᭄ᬙᬦ᭄ᬰ᭄ᬭᬷᬳᬚᬶ᭟ᬲᬓᬾᬂᬲᬶᬮᬶᬩ᭄ᬓᬳ᭄ᬬᬸᬦ᭄ᬲᬂᬦᬵᬣᬗᬦ᭄ᬤᭂᬕᬂ᭞ᬫᬗ᭄ᬤᬲᬵᬫ᭄ᬧᬸᬦ᭄ᬓᬩᬵᬮᬶ᭞ᬩᬸᬤᬮ᭄ᬲᬓᬾᬂᬲᬲᬓ᭄᭞ᬚ᭄ᬜᭂᬓ᭄ᬭᬶᬂᬰᬾᬮᬧᬭᬂ᭞ᬧᬯᬾᬲ᭄ᬢ᭄ᬭᬶᬳᬗ᭄ᬕᭀᬦ᭄ᬫ
ᬭᬾᬦᬶᬦ᭄᭞ᬭᬾᬄᬓᬦ᭄ᬢᬸᬦ᭄ᬯ᭄ᬮᬮ᭞ᬫᬢ᭄ᬕᬸᬮ᭄ᬢᬦ᭄ᬧᬢᬮᬶ᭟ᬲᬧᬸᬦᬶᬓᬓᬓᬧᬃᬡ᭄ᬦᬳᬦ᭄ᬢᬸᬓ᭄ᬱᬂᬓᬾᬫᬦ᭄᭞ᬓᬳ᭄ᬬᬸᬦ᭄ᬳᬶᬤᬰ᭄ᬭᬷᬳᬚᬶ᭞ᬲᬓᬾᬂᬯᬦ᭄ᬢᬄᬗᬾᬫᬦ᭄᭞ᬫᬗ᭄ᬤᬚ᭄ᬜᭂᬓ᭄ᬭᬶᬂᬲᬲᬓ᭄᭞ᬲᬗ᭄ᬓᬦ᭄ᬭᬵᬤᬾᬦ᭄ᬩᬜ᭄ᬚᬃᬲᬭᬷ᭞ᬢᬍᬃᬜᬭᬢᬂ᭞ᬗᬶᬭᬶᬂ
Page:Bali-lontar-gaguritan-mas-denda-kuning-300ppi.pdf/11
This page has been proofread.
