Ban/Gaguritan Dukuh Wanasari

Deskripsi

Bahasa Indonesia

Gĕguritan adalah sebuah bentuk puisi tembang dalam bahasa sehari-hari. Geguritan Dukuh wanasari menceritakan seorang Dukuh yang menggelar tapa brata ditengah hutan, beliau memiliki putra tunggal bernama wayan citta. dalam kisah ini diceritakan tentang wayan citta menerima pesan-pesan dharma agama untuk menjalani hidup, namun wayan citta sempat bingung dengan pesan-pesan tersebut karena terlalu banyak yang tidak ia mengerti. naskah ini dikarang oleh Ida Bagus Kajeng dari Desa Klambing, kemudian disalin oleh I Made Pasek dari banjar satria, kelurahan pendhem,Jembrana pada tahun saka 1914.

Naskah

[ 1 ][᭑1A]
GAGURITAN DUKUH WANASARI
Panj. 40 cm, leb. 3,5 cm. Jml. 51 lb
Asal : Negara, Jembrana. [ 2 ][᭑1B]
᭑
ᬲᬶᬦᭀᬫ᭄᭟
᭚᭜᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸᬕᬕᬸᬭᬶᬢᬦ᭄‌ᬤᬸᬓᬸᬄᬯᬦᬲᬭᬷ᭟᭜᭟ᬧᬸᬄᬲᬶᬦᭀᬫ᭄᭟᭑᭟ᬳᬶᬲᭂᬂᬢᬶᬢ᭄ᬬᬂᬗᬕ᭄ᬕᬶᬢ᭄ᬕᬶᬢ᭞ᬤᬤᬓᬦ᭄‌ᬯᬯᬸᬫᬗ᭄ᬓᬶᬦ᭄᭞ᬪᬱᬫᬵᬤᬸᬓ᭄ᬧᬘᬂ
ᬰᬵᬲ᭄ᬢ᭄ᬭ᭞ᬩᬗᭂᬢ᭄ᬲᬲᬃᬅᬫ᭄ᬧᬹᬭᬳᬸᬕᬶ᭞ᬓᬳᬶᬫᬸᬥᬳᬸᬦᬲᬫᬶ᭞ᬚᭂᬗ᭄ᬓᬮ᭄ᬧᭀᬗᬄᬫᬶᬮᬸᬗᬧᬸᬲ᭄᭞ᬲᬢ᭄ᬯᬫᬢᬄᬢᬦ᭄ᬧᬧᬹᬃᬯ᭞ᬘᬘ᭄ᬮᬦ᭄ᬢᬸᬗᬦ᭄‌ᬢᬦᬶᬳᬲᬶᬦ᭄᭞ᬩᭀᬬᬍᬗᬸᬢ᭄᭞ᬲ᭄ᬯᬾᬘ᭄ᬙᬳᬸᬕᬶᬗ
ᬫ᭄ᬧᬹᬭᬬᬂ᭟ᬍ᭞ᬲᬸᬚᬵᬢᬶᬫᬸᬱ᭄ᬝᬶᬦᬶᬂᬫᬦᬄ᭞ᬩᭀᬬᬦᭂᬗ᭄ᬕᬸᬄᬥᬾᬯᬾᬓ᭄ᬳᬸᬦᬶᬂ᭞ᬢᬢᬲ᭄ᬭᬶᬂᬢ᭠ᬢ᭄ᬯᬅᬓ᭄ᬱᬭ᭞ᬜᬹᬓ᭄ᬱ᭄ᬫᬬᬂᬰᬵᬲ᭄ᬢ᭄ᬭᬧᬶᬗᬶᬢ᭄᭞ᬯᭂᬓᬲᬵᬤᭀᬄᬳᬶᬓᬸᬲᬫᬶ᭞ᬲᬵᬓ᭄ᬱᬵᬢ᭄ᬓᬸᬦᬂᬓᬸᬦᬂ᭠
ᬫᬩᬹᬃ᭞ᬳᬓ᭄ᬱᬦ᭄ᬬᬫᬦᬸᬚᬸᬳᬸᬮᬦ᭄᭞ᬤᬶᬓᬧᬦ᭄ᬲᬶᬥᬓᬧᬗ᭄ᬕᬶᬄ᭞ᬓᬤᬶᬫᬦ᭄ᬢᬸᬓ᭄᭞ᬳᬗ᭄ᬮᬗᭂᬦᬶᬲᬶᬅᬃᬡ᭄ᬦᬯ᭟᭓᭟ᬤᬶᬓᬧᬦ᭄ᬲᬶᬥᬦᬶᬂᬘᬶᬢ᭄ᬢ᭞ᬤᬾᬦᬶᬂᬚᬶᬫ᭄ᬩᬃᬢᬦ᭄ᬧᬢᭂᬧᬶ᭞ᬢᬸᬳᬸᬧ
[᭒2A]
ᬗᬧ᭄ᬳᬶᬦᬶᬂᬫᬦᬄ᭞ᬲᬫᬢ᭄ᬭᬳᬗ᭄ᬕᬾᬦ᭄ᬧᬓᬾᬮᬶᬂ᭞ᬫᬓᬲᬸᬮᬸᬄᬧᭂᬢᭂᬂᬳᬢᬶ᭞ᬫᬸᬕᬶᬲᬶᬄᬧᬭᬵᬲᬤᬸᬮᬸᬃ᭞ᬲᬂᬯᬸᬲ᭄ᬢᬢᬲᬶᬂᬓ᭄ᬱᬭ᭞ᬤᬸᬭᬸᬲ᭄ᬳᬸᬕᬶᬫᬜ᭄ᬯᬾᬘᬦᬶᬦ᭄᭞ᬫᬵᬯᬾᬄᬲᬸᬮᬸᬄ᭞ᬲᬦᬾᬫ᭄ᬯᬱ᭄ᬝᬵᬧᬸᬧᬸᬢ᭄ᬕ
ᬮᬂ᭟᭔᭞ᬫᬓᬧᬦᬫ᭄ᬩᬳᬶᬂᬫᬦᬄ᭞ᬫᬸᬕᬶᬲᬶᬥᭂᬦᭂᬫᬸᬚᬵᬢᬶ᭞ᬳᬦ᭄ᬢᭀᬲ᭄ᬧᬶᬂᬓᬮᬶᬄᬧᬶᬂᬢᬶᬕ᭞ᬢᬦ᭄ᬫᬶᬥᭂᬧ᭄ᬲᬸᬭᬸᬤ᭄ᬫᬗᬧ᭄ᬢᬶ᭞ᬤᬸᬫᬤᬓ᭄ᬲᬶᬥᬓᬧᬗ᭄ᬕᬶᬄ᭞ᬚᬮᬦ᭄ᬓᬲᬵᬫ᭄ᬧᬹᬃᬡ᭄ᬦᬦ᭄ᬳᬶᬓᬸ᭞ᬓᬯᬶᬢ᭄ᬧᬦᭂᬫ᭄ᬩᬾᬦᬶᬂᬘᬭᬶ
ᬢ᭞ᬤᬸᬓᬸᬄᬯᬦᬰᬭᬫᬗ᭄ᬓᬶᬦ᭄᭞ᬲᬓᬶᬂᬥᬗᬸ᭞ᬧᬕᭂᬄᬓᬸᬓᬸᬄᬢᭂᬗᬄᬳᬮᬲ᭄᭟᭕᭟ᬢᬦ᭄ᬕᬶ᭠ᬗ᭄ᬲᬶᬭᬶᬂᬢᬧᬪ᭄ᬭᬢ᭞ᬜᬸᬘᬶᬮᬓ᭄ᬱᬡᬵᬲᬲᬳᬶ᭞ᬗᬕᭂᬫ᭄‌ᬭᬲᬦᬶᬂᬅᬕᬫ᭞ᬦᬸᬗ᭄ᬕᬮ᭄ᬲᬥ᭄ᬬᬦᬶᬂᬤᬸᬫᬤᬶ᭞
ᬫᬸᬮᬶᬄᬲᬶᬥᬦᬶᬂᬓᬤᬤᬶᬦ᭄᭞ᬫᬓ᭄ᬩᬓ᭄ᬧᬕᭂᬃᬯᭂᬲᬶᬓᬸᬓᬸᬄ᭞ᬯᬾᬦ᭄ᬢᭂᬦ᭄ᬯᭂᬓᬦ᭄ᬤᬦᬾᬢᬸᬗ᭄ᬕᬮ᭄᭞ᬯᬬᬦ᭄ᬘᬶᬢ᭄ᬢᬓᬳᬭᬦᬶᬦ᭄᭞ᬢᬸᬯᭂᬳᬸᬯᬸᬄᬳᬶᬧᬸᬦ᭄᭞ᬯᬯᬸᬫᬭᬫᭂᬦᬾᬓ᭄ᬢᬭᬹᬡ᭟᭖᭟ᬯᬾᬦ᭄ᬢᭂᬦ᭄ᬳᬶᬗᭀᬦ᭄᭠ [ 3 ][᭒2B]
᭒
ᬯᬦᬰᬭ᭞ᬧᬓ᭄ᬱᬶᬓᬶᬢᬶᬭᬦ᭄ᬓᬢ᭄ᬭᬶᬡᬶ᭞ᬤᬾᬳᬲᬶᬓᬶᬳᬭᬦᬾᬋᬓᭀ᭞ᬩ᭄ᬭᬳ᭄ᬫᬓᬸᬡ᭄ᬥᬮᬗ᭄ᬓᬸᬂᬍᬯᬶᬄ᭞ᬫᬦᬸᬓ᭄ᬲᬂᬳ᭄ᬬᬂᬧᬤ᭄ᬫᬵᬬᭀᬦᬶ᭞ᬥᬥᬳᬩᬂᬢᭂᬓᬾᬂᬢᬸᬢᬸᬓ᭄᭞ᬲᬶᬂᬗᬗᬶᬗᬸᬫᬗ᭄ᬕᬶᬄᬮᬪᬵ᭞ᬳᬶᬤᬧᬗ
ᬧ᭄ᬢᬶᬦᬶᬂᬳᬢᬶ᭞ᬯᭂᬓᬲ᭄ᬫᬦ᭄ᬢᬸᬓ᭄᭞ᬗᬸᬗ᭄ᬲᬶᬧᬤᬦ᭄ᬳ᭄ᬬᬂᬩ᭄ᬭᬵᬳ᭄ᬫᬵ᭟᭗᭟ᬦᬾᬳᬲᬶᬓᬶᬫᬦᬸᬓ᭄ᬳᬶᬤ᭞ᬲᬂᬗ᭄ᬬᬂᬯᬶᬱ᭄ᬡᬸᬢ᭄ᬯᬶᬓᬋᬚᬶ᭞ᬫᬳᬵᬇᬋᬂᬳᬭᬦ᭄ᬓᭀᬘᬧ᭄᭞ᬉᬭᬚᬶᬢᬰᬸᬥᬶᬍᬯᬶᬄ᭞ᬧᬢᬹᬢ᭄ᬳᬶᬗᭀᬦ᭄‌ᬯ᭄ᬯᬂᬫ
ᬗᬸᬗ᭄ᬲᬶ᭞ᬫᬦᬸᬗ᭄ᬕᬮ᭄‌ᬤ᭄ᬬᬦᬧᬸᬢᬸᬲ᭄᭞ᬯᭂᬓᬲ᭄ᬫᬸᬮᬶᬄᬢᬦ᭄ᬲᬗ᭄ᬰᬬ᭞ᬜᬸᬚᬸᬃᬧᬵᬤᬲᬂᬳ᭄ᬬᬂᬅᬭᬶ᭞ᬦᬾᬳᬳᬸᬓᬸᬤ᭄᭞ᬫᬦᬸᬓ᭄ᬲᬂᬳ᭄ᬬᬂᬧᬭᬫᬾᬰ᭄ᬯᬭ᭄ᬬ᭟ᬢᬸᬳᬸᬧᬫᭂᬓᬲ᭄ᬳᬸᬢ᭄ᬢᬫ᭞ᬩᬸᬮᬸᬤ᭄ᬥᬥᬦᬸᬮᬸᬲ᭄ᬧᬸᬢᬶᬄ
᭞ᬳᬲᬶᬄᬲᬵᬥ᭄ᬬᬲᬂᬫᬗᬶᬗᭀᬦ᭄᭞ᬫᬸᬮᬶᬄᬲᬗ᭄ᬓᬦᬶᬂᬤᬤᬶ᭞ᬫᬭᬶᬂᬧᬵᬤᬳ᭄ᬬᬂᬚᬕᬢ᭄‌ᬧᬢᬶ᭞ᬤᬦᬾᬤᬸᬓᬸᬄᬦᬾᬓᬯᬸᬯᬸᬲ᭄᭞ᬧᬲ᭄ᬫᭂᬗᬦᬾᬥᬯᬸᬄᬧᬶᬲᬦ᭄᭞ᬯᬯᬸᬭᬯᬸᬄᬲᬓᬶᬂᬩᬾᬚᬶ᭞
[᭓3A]
ᬓᬕ᭄ᬬᬢ᭄ᬳᬗ᭄ᬭᬸᬗᬸ᭞ᬲ᭄ᬯᬭᬦ᭄ᬧᬓ᭄ᬱᬶᬦᬾᬓᬢᬶᬕ᭟᭙᭟ᬫᬦᬶᬲ᭄ᬳᬭᬸᬫ᭄‌ᬬᬦ᭄ᬭᬱᬬᬂ᭞ᬧ᭠ᬓ᭄ᬱᬶᬦᬾᬫᬵᬢᬹᬃᬧᬓᬾᬮᬶᬂ᭞ᬫᬗ᭄ᬤᬤᬦᬾᬯᬦᬰᬭ᭞ᬫᬶᬢᬸᬢᬸᬭᬶᬦ᭄ᬧ᭄ᬬᬦᬓ᭄ᬳᬭᬶᬲ᭄᭞ᬢᭂᬍᬩᬾᬓᬤᬶ
ᬯᬸᬯᬸᬳᬶᬦ᭄᭞ᬤᬾᬦᬵᬳᬶᬂᬫᬹᬮᬧᬘᬂᬦᬸᬢᬸᬃ᭞ᬳᬸᬯᬸᬲ᭄ᬗᬶᬦᬂᬗᬸᬘᬧ᭄ᬩᬦ᭄ᬩᬦ᭄᭞ᬢᭂᬓᬾᬦ᭄ᬧ᭄ᬬᬦᬓ᭄ᬦᬦᬾᬫᬗ᭄ᬓᬶᬦ᭄᭞ᬘᭂᬦᬶᬂᬩᬕᬸᬲ᭄᭞ᬫᬾᬫᬾᬦ᭄ᬘᭂᬦᬶᬂᬦᬶᬗ᭄ᬕᬮ᭄ᬧᭂᬚᬄ᭟᭑᭐᭟ᬳᭂᬦᬸᬩᬧᬲᬸᬩᬢᬸᬯ᭞ᬮᬸᬤᬶᬦ᭄ᬩᭂ
ᬮᭀᬕ᭄ᬢᬦᬶᬕᬶᬕᬶᬲ᭄᭞ᬢᬦᬶᬫᬵᬫ᭄ᬧᬸᬄᬢᬦ᭄ᬧᬕᬸᬡ᭄ᬦᬵ᭞ᬓᬵᬗᭂᬦ᭄ᬮᬧᬢᭂᬓᬾᬦ᭄ᬘᭂᬦᬶᬂ᭞ᬳᬶᬤ᭄ᬓᬸᬧ᭄ᬓᬢᬸᬦᬬᬦ᭄ᬪᬹᬓ᭄ᬢᬶ᭞ᬮᬘᬸᬃᬘᭂᬦᬶᬗᬾᬫᬦᭂᬭᬸᬲ᭄᭞ᬢ᭄ᬯᬭᬳᬤᬵᬳᬧᬦᬵᬧᬦ᭄᭞ᬕᭂᬮᬄᬩᬧᬢᬫᬶᬘᬳᬶ᭞ᬚ
ᬢᬶᬲᬸᬯᬸᬂ᭞ᬳᭂᬤᬵᬘᬳᬶᬫᬲᭂᬮ᭄ᬲᭂᬮᬦ᭄᭟᭑᭑᭟ᬦᬄᬧᬮᬶᬮᬬᬂᬤᬶᬫᬦᬄ᭞ᬚᭂᬦᭂᬂᬫᬹᬮᬧᭂᬤᬸᬫ᭄‌ᬘᭂᬦᬶᬂ᭞ᬳᬧᬶᬢᬸᬯᬶᬬᬲᬗᭂᬢᬂ᭞ᬫᬜᭂᬮ᭄ᬲᭂᬮᬂᬳᬯᬓ᭄ᬫᬶᬲ᭄ᬓᬶᬦ᭄᭞ᬲᬶᬦᬄᬢᭀᬂᬫᬬᬳᬮᬬᬸᬓ᭄ᬢᬶ [ 4 ][᭓3B]
᭓᭞
ᬨᬮᬦ᭄ᬜᬦᬾᬲᬓᬶᬢ᭄ᬩᭂᬓᬸᬢ᭄᭞ᬦᬄᬘᬸᬢᭂᬢ᭄ᬧᬗᬶᬤᬶᬄᬩᬧ᭞ᬢᭂᬓᬾᬦ᭄ᬘᬳᬶᬳᬦᬾᬚᬦᬶ᭞᭠ᬳᭂᬤᬵᬓᬶᬫᬸᬤ᭄᭞ᬮᬓᬃᬫᬮᬚᬳᬂᬳᬯᬓ᭄᭞᭑᭒᭟ᬲᭂᬓᭂᬦᬂᬯᭂᬦᬶᬂᬲᭂᬓᭂᬦᬂ᭞ᬰᬵᬲ᭄ᬢ᭄ᬭᬅᬕᬫᬦᬾ
ᬕᬸᬮᬶᬓ᭄᭞ᬲᬶᬂᬜᬕᬾᬢ᭄ᬗᬤᬵᬲᬥ᭄ᬬ᭞ᬲᬶᬥᬩᬳᬦ᭄ᬘᬳᬶᬦᬫ᭄ᬧᬶ᭞ᬫᬗᬶᬜ᭄ᬘᭂᬧᬂᬬᬤᬶᬳᬢᬶ᭞ᬉᬢ᭄ᬢᬫᬬᬂᬲᬓᬶᬂᬢᬸᬳᬸ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬫᬾᬫᬾᬩᬧᬵ᭞ᬧᬶᬦᬓᬂᬯᬶᬥᬷᬤᬶᬕᬸᬫᬶ᭞ᬲᬸᬳᬸᬦ᭄ᬲᬸᬂᬲᬸᬂ᭞
ᬢᬸᬦᬲᬶᬦ᭄‌ᬫ᭄ᬭᬢ᭄ᬢᬲᬢᬢ᭟᭑᭓᭟ᬤᬵᬦᬓᭂᬲ᭄ᬫᬭᬶᬂᬚᬕᬢ᭄᭞ᬢᬦ᭄ᬓᬧᬤᬦ᭄ᬢᬵᬢᬶᬘᭂᬦᬶᬂ᭞ᬓ᭄ᬭᬡᬲᬦ᭄ᬤᬂᬬᬲᬭᬢᬂ᭞ᬫᬸᬂᬧᬸᬂᬘᭂᬦᬶᬂᬓᬭᬶᬉᬭᬶᬧ᭄᭞ᬥᬃᬫ᭄ᬫᬰᬵᬲ᭄ᬢ᭄ᬭᬦᬾᬢᬶᬦᬹᬢᬶᬦ᭄᭞ᬤᬲᬭᬶᬦ᭄ᬩᬦ᭄ᬳᬶ
ᬥᭂᬧ᭄ᬢᬸᬳᬸ᭞ᬢᭂᬕᭂᬕ᭄ᬧᬕᭂᬄᬗᬲ᭄ᬢᬶᬢᬶᬳ᭄ᬬᬂ᭞ᬯᭂᬓᬲ᭄ᬢᬸᬯᬭᬘᬳᬶᬘ᭄ᬦᬶᬂ᭞ᬲᬮᬄᬳᬸᬡ᭄ᬥᬸᬓ᭄᭞ᬜᭂᬮ᭄ᬲᭂᬮ᭄ᬗᬯᬓ᭄ᬢᬦ᭄ᬧᬕᬸᬡ᭟᭑᭔᭟ᬓᭂᬚᬂᬕᬕᬫᬦᬾᬲᬸᬩ᭞ᬗᬸᬩᭂᬃᬮᬯᬢ᭄ᬲᬳᬶᬲᬳᬶ᭞ᬳᭂᬦ᭄ᬢᭀ
[᭔4A]
ᬚᬵᬢᬶᬫᬯᬓ᭄ᬯᬶᬱ᭄ᬬ᭞ᬢ᭄ᬯᬶᬤᬶᬳᬶᬥᭂᬧ᭄ᬮᬓᬃᬫᭂᬦ᭄ᬢᬶᬓ᭄᭞ᬯᬶᬱ᭄ᬬᬦᬾᬫᬨᬮᬓᬮᬶ᭞ᬤᬶᬚᬮᬓᬃᬳᭂᬦᬸᬳᬬᬸ᭞ᬓᬳᬬᭀᬦᬾᬓᬢᬶᬦ᭄ᬤᬶᬳᬦ᭄᭞ᬮᬭᬯᬶᬭᬗᬾᬫᬕᬸᬫᬶ᭞ᬗᬯᬾᬩᬶᬗᬸᬂᬢ᭄ᬯᬭᬦᬯᬂ
ᬳᬾᬮᬄ᭟᭑᭕᭞ᬕᭂᬮᬄᬲᭂᬧᭂᬮ᭄ᬳᬮᬶᬄᬫᬶᬍᬳᬦ᭄᭞ᬲᬭᬲ᭄ᬧᬶᬲᬦ᭄ᬗᬦ᭄ᬢᬶᬗᬶᬧᬶ᭞ᬓᬦ᭄ᬢᬶᬳᬶᬧᬶᬢ᭄ᬫᬗᭂᬦ᭄ᬤᭂᬮᬂ᭞ᬦᬾᬧᬸᬬᬸᬂᬤᬮᬶᬳᬂᬫᬶᬲᬶ᭞ᬉᬢ᭄ᬢᬫᬬᬂᬲᬭᬶᬲᬵᬭᬶ᭞ᬕᭂᬩᬕ᭄ᬓᬸᬧ᭄ᬓᬸᬧ᭄‌ᬲᬶᬬᬂᬤᬮᬸ᭞ᬧᬦ᭄ᬲᬗ᭄ᬰᬬ
ᬓᬘᭀᬭᬳᬦ᭄᭞ᬘᭀᬭᬄᬳᬸᬩᬸᬄᬤᬮᬶᬄᬚᭀᬢᬶ᭞ᬫᬯᬓ᭄ᬲᬵᬤ᭄ᬥᬸ᭞ᬲᬬᬗᬂᬤᬮᬶᬳᬂᬭᭀᬯᬂ᭟᭑᭖᭟ᬲᬶᬦᬄᬮᬓᬃᬦᭂᬫᬸᬪᬵᬬ᭞ᬲᬮᬄᬤᬮᬶᬄᬲᬵᬭᬶᬲᬵᬭᬶ᭞ᬢ᭄ᬯᬭᬗᭂᬮᬄᬉᬤᬵᬓᬭ᭞
ᬫᬩᬸᬮᬸᬭᬶᬦ᭄ᬳᭂᬤᭀᬢ᭄ᬲᬳᬶ᭞ᬓᬤᬶᬫᬶᬦᬵᬓᭂᬦᬧᬜ᭄ᬘᬶᬂ᭞ᬫᬚᬮᬭᬦ᭄ᬮᬶᬤᬄᬳᬶᬧᬸᬦ᭄᭞᭠ᬳᭂᬤᭀᬢ᭄ᬫᬭᬶᬂᬭᬱᬵ᭞ᬤᭂᬤᬮᬸᬦᬾᬫᬢᬶᬘᭂᬦᬶᬂ᭞ᬳᭂᬤᭀᬢ᭄ᬳᬶᬧᬸᬦ᭄᭞ᬫᬗᬢᭀᬦᬂᬢᬾ᭠ [ 5 ][᭔4B]
᭔
ᬚᬦ᭄ᬥᬫᬃ᭟᭑᭗᭟ᬧᬓ᭄ᬱᬶᬦᬵᬬᬓᭂᬦᬾᬂᬧᬶᬓᬢ᭄᭞ᬫᭂᬍᬤ᭄ᬦᬶᬗᭂᬄᬫᬸᬜᬶᬫᬦᬶᬲ᭄᭞ᬪ᭄ᬭᬫᬭᬦᬾᬫᬢᬶᬋᬓᭀ᭞ᬳᭂᬤᭀᬢ᭄ᬢᭂᬓᬾᬦ᭄ᬢᬶᬮᬸᬦ᭄‌ᬳᬲ᭄ᬢᬶ᭞ᬦᬾᬤᬶᬓᬸᬧᬶᬂᬲᬸᬲᬸᬧ᭄ᬳᬮᬶᬄ᭞ᬓᭂᬳᬩᭂᬢ᭄‌ᬬᬧ
ᬬᬸᬮᬫ᭄ᬧᬸᬲ᭄᭞ᬨᬮᬦ᭄ᬳᭂᬤᭀᬢᬾᬚᬮᬦᬂ᭞ᬢᬸᬦᬉᬤᬓᬭᬭᬶᬂᬳᬢᬶ᭞ᬤᬤᬶᬩᬶᬗᬸᬂ᭞ᬳᬸᬭᬶᬧᬾᬳᬗ᭄ᬕᭀᬦ᭄ᬧᬮᬮ᭄ᬬᬦ᭄᭟᭑᭘᭟ᬓ᭄ᬭᬡᬕᬸᬭᬸᬫᭂᬮᬶᬤ᭄ᬧᭂᬲᬦ᭄᭞ᬘᬸᬘᬸᬦ᭄ᬫᬶᬢᬸᬢᬸᬭᬶᬦ᭄ᬘᭂᬦᬶᬂ᭞ᬘᭂ
ᬦᬶᬂᬳᬧᬂᬳᭂᬤᬵᬳᬫ᭄ᬧᬄᬫᭂᬤᬲᬶᬦ᭄ᬭᬶᬂᬳᬢᬶ᭞ᬳᬢᬶᬓᬢᭂᬓᬦ᭄ᬓᬮᬶ᭞ᬳᬸᬮᬶᬓᬶᬓᬶᬢ᭄ᬤᬤᬶᬮᬶᬬᬸ᭞ᬳᬸᬮᬶᬤᬶᬚᬧᬦᬗ᭄ᬓᬦ᭄ᬜᬵ᭞ᬳᬸᬮᬶᬇᬥᭂᬧ᭄ᬳᬫ᭄ᬧᬄᬲᬳᬶ᭞ᬢᬸᬦᬲᬸᬮᬸᬄ᭞ᬤᬶᬳᬶᬥᭂᬧᬾᬓᬧᭂ
ᬢᭂᬗᬦ᭄᭟᭑᭙᭟ᬧᭂᬢᭂᬂᬳᬢᬶᬳᬢᬶᬫᬵᬯᬓ᭄ᬪᬸᬢ᭞ᬢ᭄ᬯᬭᬦᬯᬂᬩᭂᬦᭂᬄᬧᭂᬮᬶᬄ᭞ᬬᬦ᭄ᬩᬘ᭠ᬓᬦ᭄‌ᬪᬸᬢᬋᬓᭀ᭞ᬓᬧᬶᬲᬦ᭄ᬢᬦ᭄ᬤ᭄ᬭᬸᬳᬶᬂᬅᬚᬶ᭞ᬓᬧᬶᬦ᭄ᬤᭀᬢᬦ᭄ᬫᬗ᭄ᬕᬶᬄᬪᬹᬫᬶ᭞ᬪᬸᬢᬓᬧᬶᬂᬢᬶᬕ
[᭕5A]
ᬳᬶᬓᬸ᭞ᬓᬯᬶᬰᬾᬱᬩᬳᬦ᭄ᬳᬶᬦ᭄ᬤ᭄ᬭᬶᬬ᭞ᬬᬦ᭄ᬭᬶᬂᬳᬶᬢᬢᬶᬕᬘᭂᬦᬶᬂ᭞ᬧᬶᬦᬶᬄᬳᬕᬸᬂ᭞ᬧᬯᬦᬶᬂᬓᬯᬾᬰᬇᬦ᭄ᬤ᭄ᬭᬷᬬ᭟᭒᭐᭟ᬧᬜ᭄ᬘᬾᬦ᭄ᬤ᭄ᬭᬷᬬᬦᬾᬦᬶᬢᬳᬂ᭞ᬫᬗᬸᬮᬸᬭᬶᬦᬼᬕᬦ᭄ᬳᬢᬶ᭞ᬫᬫ᭄ᬭᬶᬳᬂᬲᬸᬓᬩᬯ
ᬓ᭄᭞ᬢᬦ᭄ᬓᬳᬦᬦ᭄ᬯᭂᬮᬲᬵᬲᬶᬄ᭞ᬫᬭᬶᬂᬲᬲᬫᬤᬸᬫᬤᬶ᭞ᬲᬃᬯᬯᬲ᭄ᬢᬸᬓᬜ᭄ᬘᬦᬶᬧᬸᬦ᭄᭞᭠ᬳᭂᬦ᭄ᬢᭀᬲᬚᬗᬯᬺᬥᬶᬬᬂ᭞ᬫᬸᬲᬸᬳᬾᬦᭂᬫ᭄ᬦᭂᬫ᭄ᬤᬶᬳᬢᬶ᭞ᬮᬸᬯᬶᬃᬳᬶᬧᬸᬦ᭄᭞ᬓᬵᬫᬓ᭄ᬭᭀᬥᬫᬶᬯᬄ
ᬮᭀᬪ᭟᭒᭑᭟ᬫᭀᬳᬫᬢ᭄ᬲᬃᬬ᭄ᬬᬮᬦ᭄ᬳᬶᬗ᭄ᬲᬵ᭞ᬢᭂᬕᭂᬲ᭄ᬜᬦᬾᬩᭂᬲᬶᬓ᭄ᬩᭂᬲᬶᬓ᭄᭞ᬓᬵᬫ᭄ᬫᬵᬳᭂᬤᭀᬢ᭄ᬲᬸᬚᬢᬶᬦ᭄ᬜ᭞ᬓ᭄ᬭᭀᬥᬲᬺᬕᭂᬤ᭄ᬫᬭᬶᬂᬳᬢᬶ᭞ᬮᭀᬪᬵᬳᬶᬥᭂᬧ᭄ᬫᬧ᭄ᬭᬶᬄᬲᬳᬶ᭞ᬫᬫᬹᬓ᭄ᬢᬶᬢᬦᬵ
ᬤ᭄ᬭᬸᬯᬾᬢᬸᬳᬸ᭞ᬦ᭄ᬤᬢᬦ᭄ᬓᬳᬦᬦᬦ᭄ᬳᬾᬭᬂ᭞ᬫᭀᬳᬢᭂᬕᭂᬲ᭄ᬜᬦᬾᬘᭂᬦᬶᬂ᭞ᬫᬦᬄᬩᬶᬗᬸᬂ᭞᭠ᬢᬦᬶᬥᭂᬧ᭄ᬲᬢ᭄ᬯᬦᬶᬂᬮ᭄ᬬᬦ᭄᭟᭒᭒᭞ᬫᬢᬸᬃᬬ᭄ᬬᬦᬾᬓᬳᬸᬘᬧᬂ᭞ᬏᬮᬶᬓ᭄ᬭᬶᬂᬲᬫᬤᬸᬫᬤᬶ᭟ [ 6 ][᭕5B]
᭕
ᬇᬗ᭄ᬲᬢᭂᬕᭂᬲ᭄ᬜᬦᬾᬋᬓᭀ᭞ᬢᬦ᭄ᬫᬭᬶᬫᬫᬢᬶᬫᬢᬶ᭞ᬳᭂᬦ᭄ᬢᭀᬳᬦᬾᬮᬶᬯᬢ᭄ᬰᬓ᭄ᬢᬶ᭞ᬱᬵᬤ᭄ᬭᬶᬧᬹᬳᬭᬦᬶᬓᬸ᭞ᬳᭂᬦ᭄ᬢᭀᬤᬤᬶᬫᬸᬲᬸᬄᬢᬧ᭞ᬤᬶᬓᬮᬶᬬᬸᬕᬫᬫᬹᬃᬢᬶ᭞ᬲᬮᬄᬯᬸᬯᬸᬲ᭄᭞ᬮᬓ᭄ᬱ
ᬡᬇᬥᭂᬧᬾᬫᬶᬫ᭄ᬧᬲ᭄᭟᭒᭓᭚᭜᭚ᬧᬸᬄᬕᬶᬡᬤᬵ᭟᭑᭟ᬦᬄᬧᬸᬦᭂᬳᬶᬦ᭄ᬳᬧᬂᬫᭂᬮᬄ᭞ᬨᬮᬦ᭄ᬜᬦᬾᬧᬘᬂᬧᬗ᭄ᬕᬶᬄ᭞ᬧᭂᬗ᭄ᬓᬸᬂᬫᬦᬸᬗ᭄ᬓᬲᬶᬦ᭄ᬲᬵᬲ᭄ᬢ᭄ᬭ᭞ᬢᬦ᭄ᬫᬶᬢᬸᬳᬸᬯᬭᬄᬳᬬᬸ᭞ᬲᬵᬭᬶ
ᬲᬵᬭᬶᬫᬜᬮᬦᬂ᭞ᬢᬹᬃᬗᬸᬮᬸᬭᬶᬦ᭄᭞ᬯᬶᬰᬬᬦ᭄ᬳᬶᬧᬜ᭄ᬘᬇᬦ᭄ᬤ᭄ᬭᬷ᭟᭒᭟ᬯᬬᬜ᭄ᬘᬶᬢᬫᬭ᭠ᬲᬳᬶᬯᬂ᭞ᬫᬭᬶᬂᬧᬫᬃᬕᬶᬦᬾᬗᬹᬦᬶ᭞ᬧᬸᬗ᭄ᬕᬸᬂᬩᭀᬬᬫᬦᬶᬗᭂᬳᬂ᭞ᬭᬶᬂᬢᬸᬤᬸᬄᬦᬾᬧᬵᬢᬹᬢ᭄᭞ᬤᭀ
ᬦᬶᬂᬤᬸᬭᬸᬲ᭄ᬫᬦᭂᬫᬸᬳᬶᬯᬂ᭞ᬫᬵᬢᬹᬃᬳᬭᬶᬲ᭄᭞ᬲᬶᬗ᭄ᬕᬶᬄᬕᬸᬭᬸᬅᬫ᭄ᬧᬸᬭᬬᬂ᭟᭓᭟ᬳᬶᬯᬂᬢᬶᬢ᭄ᬬᬂᬩᬲᬧᬸᬭᬸᬦᬦ᭄᭞ᬢᬦ᭄ᬫᬶᬢᬸᬳᬸᬯᬭᬄᬭᬶᬬᬶᬦ᭄᭞ᬫᬗ᭄ᬓᬶᬦ᭄ᬩᭀᬬᬧᬸᬭᬸᬦ᭄ᬢᬸᬮᬓ᭄᭞ᬢᬶᬢ᭄ᬬᬂᬗᬶᬭᬶᬂᬢᬸ
[᭖6A]
ᬢᬹᬃᬕᬸᬭᬸ᭞ᬫᭂᬮᬚᬳᬶᬦ᭄ᬤᬕᬶᬂᬰᬵᬲ᭄ᬢ᭄ᬭ᭞ᬫᬸᬕᬶᬧᬗ᭄ᬕᬶᬄ᭞ᬧᬦᬸᬤᬦᬶᬂᬮᬭᬳᬶᬯᬂ᭟᭔᭟ᬳᬶᬤᬸᬓᬸᬄᬫᬲᬯᬸᬃᬦᬶᬫ᭄ᬩᬮ᭄᭞ᬳᭂᬦ᭄ᬢᭀᬳᬧ᭄ᬢᬶᬕᬸᬭᬸᬘᭂᬦᬶᬂ᭞ᬦᬵᬗ᭄ᬳᬶᬂᬓᬾᬳᬧᬂᬧᬲᬚ᭞ᬦᭂᬓᬾᬂᬤᬶᬳᬶᬥᭂᬧᬾᬢᬸᬳᬸ᭞ᬤ
ᬳᬢ᭄ᬳᬶᬮᬬᬦ᭄ᬢᬦ᭄ᬲᬢ᭄ᬬ᭞ᬧᬵᬧᬗ᭄ᬕᬶᬄ᭞ᬕᬸᬭᬸᬚᬦᬶᬫᬦᬸᬢᬸᬭᬂ᭟᭕᭟ᬮᬶᬜᭀᬓ᭄ᬫᬭᬶᬂᬲᬢᭀᬓᭀᬘᬧ᭄᭞ᬤᬰᬯᬃᬱᬧᬧᬵᬗ᭄ᬕᬶᬄ᭞ᬮᬶᬜᭀᬓ᭄ᬭᬶᬂᬲᬫᬦ᭄ᬬᬚᬤ᭄ᬫ᭞ᬲᬢᬸᬲ᭄ᬢᬯᬸᬦ᭄ᬮᬭᬢᭂᬫᬸ᭞᭠
ᬮᬶᬜᭀᬓ᭄ᬭᬶᬂᬳ᭄ᬬᬂᬯᬶᬥᬶᬯᬰ᭞ᬤᬸᬄᬓᬧᬗ᭄ᬕᬶᬄ᭞ᬲ᭄ᬬᬸᬢᬳᬸᬦ᭄ᬫᬗ᭄ᬕᬶᬄᬲᬗ᭄ᬲᬭ᭟᭖᭟ᬮᬶᬜᭀᬓ᭄ᬢᭂᬓᬾᬦ᭄ᬧᬕᬸᬭᬸᬳᬦ᭄᭞ᬮᬶᬯᬢ᭄ᬧᬧᬢᬦ᭄ᬧᬢᭂᬧᬶ᭞ᬘᬸᬢᭂᬢ᭄‌ᬢ᭄ᬯᬭᬳᬤᬓᬯᬄ᭞ᬳᬗ᭄ᬮᬸᬯᬶᬳᬶ᭠
ᬮᬶᬜᭀᬓ᭄ᬳᬶᬓᬸ᭞ᬬᬦ᭄ᬭᬶᬂᬥᬃᬫ᭄ᬫᬫᬶᬯᬄᬬᬵᬚ᭄ᬜ᭞ᬩᭀᬬᬘᭂᬦᬶᬂ᭞ᬳᬤᬫᬗᬸᬗ᭄ᬓᬸᬮᬶᬦ᭄ᬲ᭠ᬢ᭄ᬬ᭟᭗᭟ᬓᬭᬡᬲᬢ᭄ᬬᬦᬾᬕ᭄ᬮᬭᬂ᭞ᬰᬲ᭄ᬢ᭄ᬭᬅᬕᬫᬦᬾᬳᬶᬭᬶᬂ᭞ᬅᬧᬦ᭄‌ᬬᬦ᭄ᬭᬶᬂᬭᬢ᭄ᬭᬶᬓᬵᬮ᭞ᬲᬂᬳ᭄ᬬᬂ [ 7 ][᭖6B]
᭖
ᬯᬸᬲᬦ᭄ᬫᬓᬲᬸᬮᬸᬄ᭞ᬤᬶᬦᬓᬵᬮᬲᬂᬳ᭄ᬬᬂᬓᬶᬸᬮᬶᬸᬲᬹᬃᬬ᭄ᬬ᭞ᬫᬜᭂᬍᬳᬶᬦ᭄᭞ᬬᬦ᭄ᬓᬸᬮᬲᬦ᭄ᬢᬦᬓᭀᬘᬧ᭄᭟᭘᭟ᬧᬸᬢ᭄ᬭᬲᬵᬥᬸᬢᬹᬃᬯᬶᬰᬾᬱ᭞ᬫᬵᬯᬓ᭄ᬲᬸᬮᬸᬳᬾᬲᬸᬚᬵᬢᬶ᭞ᬬᬵᬢᬮᬶᬦᬶᬂᬓᬤᬸᬂ
ᬯᬃᬕ᭞ᬬᬦ᭄ᬫᬮ᭄ᬯᬲ᭄ᬫᬵᬯᬓ᭄ᬲᬸᬮᬸᬄ᭞ᬥᬃᬫᬰᬵᬲ᭄ᬢ᭄ᬭᬦᬾᬓᬳᬸᬘᬧ᭄᭞ᬳᭂᬦ᭄ᬢᭀᬚᬵᬢᬶ᭞ᬫ᭠ᬫᬦᬸᬦ᭄ᬢᬸᬦ᭄ᬲᬶᬥᬦᬶᬂᬲᬵᬥ᭄ᬬ᭟᭙᭟ᬯᬬᬦ᭄ᬘᬶᬢᬫᬵᬢᬹᬃᬗᬲᬩ᭄᭞ᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬢᬦ᭄ᬲᬶᬦᬶᬧᬶ᭞ᬚᬸᬚᬸᬢ᭄ᬢᬶ
ᬢ᭄ᬬᬂᬫᬦᬸᬦᬲᬂ᭞ᬢᭂᬕᭂᬲ᭄ᬳᬕᬫᬧᬸᬦᬶᬓᬸ᭞ᬲᬸᬯᬾᬦ᭄ᬘᬕᬸᬭᬸᬫᬶᬤᬃᬣᬬᬂ᭞ᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬵᬢᬶᬢ᭄ᬬᬂᬲᬳᬸᬦᬶᬗ᭟᭑᭐᭟ᬓᬾᬦᬾᬘᭂᬦᬶᬂᬧᬤᬸᬗᭂᬳᬂ᭞ᬕᬸᬭᬸᬚᬦᬶᬫᬦᭂᬕᭂᬲᬶᬦ᭄᭞ᬬᬦ᭄ᬢ
ᬦ᭄ᬧᭂᬮᬶᬄᬩᬳᬦ᭄ᬩᬧ᭞ᬲᬚᬵᬢᬶᬦ᭄ᬳᬕᬫᬇᬓᬸ᭞ᬗᬕᭂᬫ᭄ᬥᬃᬫᬦᬶᬂᬫᬦᬸᬱ᭞ᬲ᭄ᬢᬶᬢ᭄ᬣᬶᬪᬓ᭄ᬢᬶ᭞ᬫᬭᬶᬂᬧᬤᬵᬯᬶᬥᬶᬯᬰ᭟᭑᭑᭟ᬫᬮᬭᬧᬦ᭄ᬘᬢᬸᬃᬳᬗ᭄ᬕ᭞ᬩᬸᬥᬶᬫᬦᬄᬓᬧᬶᬂᬢ᭄ᬭᬶᬦᬶ᭞ᬳᬳ
[᭗7A]
ᬗ᭄ᬓᬭᬦᬾᬓᬳᬸᬘᬧ᭄᭞ᬳᬗ᭄ᬕᬯᬬᬓᬧᬶᬂᬘᬢᬸᬃ᭞ᬢᬢᬸᬚᭀᬦ᭄‌ᬤᬶᬯᬭᬹᬧ᭞ᬓᬤ᭠ᬲᬭᬶᬦ᭄᭞ᬩᬳᬦ᭄‌ᬢ᭄ᬭᬶᬯᬃᬕᬓᭀᬘᬧ᭄᭟᭑᭒᭟ᬳᬶᬢ᭄ᬭᬶᬕᬸᬡᬫᬜᬮᬦᬂ᭞ᬯᭂᬢᬸᬓᬃᬫᬳᬮᬩᭂ
ᬘᬶᬓ᭄᭞ᬨᬮᬦ᭄ᬓᬃᬫᬦᬾᬢᬸᬫᬶᬩ᭞ᬫᬭᬶᬂᬲᬂᬫᬓᬃᬫᬇᬓᬸ᭞ᬢᭂᬓᬦ᭄ᬜᬵᬗᬮᬶᬄᬚᬮᬭᬦ᭄᭞ᬢ᭄ᬯᬓᬯᬃᬡᬶ᭞ᬫᬚᬮᬭᬦ᭄ᬩᬳᬦ᭄ᬫᬦᬄ᭟᭑᭓᭟ᬩᬳᬦ᭄ᬤᬾᬯᬲᬃᬯᬪᬹᬢ᭞ᬢᬸᬯᬭᬤᬤᬶᬩᬵ
ᬦ᭄ᬗᬶᬫ᭄ᬧᬲᬶᬦ᭄᭞ᬤ᭄ᬬᬲ᭄ᬢᬸᬢᬸᬮᬓ᭄ᬩᬳᬦ᭄ᬯᬾᬤ᭄ᬥᬵ᭞ᬚᬧᬫᬦ᭄ᬢ᭄ᬭᬵᬓᬜ᭄ᬘᬦᬸᬧᬸᬦ᭄᭞ᬬᭀᬕᬲᬫᬥᬶᬤᬵᬦᬧᬹᬜ᭞ᬓᬾᬦ᭄ᬢᭀᬘᭂᬦᬶᬂ᭞ᬳᭀᬚᬭᬶᬂᬰᬵᬲ᭄ᬢ᭄ᬭᬅᬕᬫ᭞᭑᭔᭟ᬯᬮᬶᬦᬶᬦ᭄ᬕᬸᬭᬸᬫᬶᬤᬃᬣ᭞ᬳ
ᬧᬂᬘ᭄ᬦᬶᬂᬢᬢᬲ᭄ᬳᬸᬦᬶᬂ᭞ᬦᬾᬫᬳᬤᬦ᭄‌ᬢ᭄ᬭᬶᬯᬃᬕ᭞ᬦᬶᬸ᭞ᬤᬲᬃᬅᬕᬫᬓᬯᬸᬯᬸᬲ᭄᭞ᬥᬃ᭠ᬫ᭄ᬫᬵᬅᬃᬱᬫᬶᬯᬄᬓᬵᬫ᭞ᬩᬸᬯᬶᬦ᭄ᬘᭂᬦᬶᬂ᭞ᬦᬾᬫᬳᬤᬦ᭄ᬢᭂᬭᬶᬕᬸᬡ᭟᭑᭕᭟ᬲᬢ᭄ᬯᬭᬚᬄᬫᬶᬯᬄ [ 8 ][᭗7B]
᭗
ᬢᬫᬄ᭞ᬕᬸᬡᬦ᭄ᬜᬦᬾᬩᭂᬲᬶᬓ᭄ᬩᭂᬲᬶᬓ᭄᭞ᬕᬸᬭᬸᬚᬦᬶᬫᬦᬸᬢᬸᬭᬂ᭞ᬕᬸᬡᬲᬢ᭄ᬯᬦᬾᬲᬢᬸᬳᬸ᭞ᬢᭂᬧᭂᬢ᭄ᬫᬭᬶᬂᬰᬵᬲ᭄ᬢ᭄ᬭᬕᬫ᭞ᬦᬯᬂᬧᬱ᭄ᬝᬶ᭞ᬳᬮᬳᬬᬸᬧᬧᬵᬲ᭄ᬯᬃᬕ᭟᭑᭖᭟ᬕᬸᬡᬭᬚᬄᬧᬭᬶᬤᬃᬢ᭄ᬣᬵ᭞ᬳᬶ
ᬗ᭄ᬲᬓᬃᬫᬦᬾᬢᬦ᭄ᬫᬭᬶ᭞ᬅᬗ᭄ᬓᬭᬮᭀᬪᬲᬢᬢ᭞ᬳᬕᬸᬂᬲᬸᬓᬵᬕᬕᬸᬂᬲᬸᬗ᭄ᬲᬸᬢ᭄᭞ᬫᬗᬸᬦ᭄ᬢᬓᬸᬢᬶᬂᬢᬸᬫᬶᬗ᭄ᬳᬮ᭄᭞ᬢᬸᬦᬵᬳᬲᬶᬄ᭞ᬫᬭᬶᬂᬲᬲᬫᬢᬸᬫᬶᬢᬄ᭟᭑᭗᭟ᬕᬸᬡᬢᬫᬳᬾᬫᬦᬶᬫ᭄ᬩᬵ
ᬮ᭄᭞ᬫᬲᬶᬄᬤᭂᬫᭂᬦ᭄ᬫᬫᬫᬢᬶᬫᬢᬶ᭞ᬫᬬᬸᬲ᭄ᬧᭂᬲᬦ᭄ᬫᬕᬭᬧᬦ᭄᭞ᬫᭂᬥᭂᬫ᭄ᬩᬗᬸᬦ᭄‌ᬮᬕᬸᬦ᭄ᬳᬶᬧᬸᬦ᭄᭞ᬢ᭄ᬯᬭᬤᬤᬶᬢᬸᬦᬧᬗᬦ᭄᭞ᬳᬕᬸᬂᬏᬮᬶᬓ᭄᭞ᬫᬵᬯᬓ᭄ᬩᬸᬣᬫᬭᬶᬂᬚᬕᬢ᭄᭟᭑᭘᭞ᬓᬾᬢᭀᬓ᭠
ᬡ᭄ᬥᬦ᭄ᬳᬶᬢ᭄ᬭᬶᬕᬸᬡ᭞ᬫᬲᬸᬭᬸᬧᬦ᭄‌ᬬᬤᬶᬳᬢᬶ᭞ᬫᬕᭂᬦ᭄ᬢᬶᬫᬭᬫᬦᬶᬢᬄ᭞ᬤᬶᬳᬶᬥᭂᬧᬾᬓ᭄ᬭᬡᬩᬶᬗᬸᬂ᭞ᬢ᭄ᬯᬭᬦᬯᬂᬚᭂᬮᬾᬫᭂᬮᬄ᭞ᬲᬮᬄᬤᬮᬶᬄ᭞ᬩᬸᬓᬲᬢ᭄ᬯᬦ᭄ᬕᬸᬭᬸᬲᬸᬩ᭟᭑᭙᭟ᬓ᭄ᬭᬡᬲ
[᭘8A]
ᬦ᭄ᬤᬂᬚ᭄ᬯᬲᬭᬢᬂ᭞ᬕᬸᬡᬲᬢ᭄ᬯᬫᬾᬤᬶᬳᬢᬶ᭞ᬳᬧᬂᬲᬶᬥᬗᬯᬶᬦᬬᬂ᭞ᬕᬸᬡᬭᬚᬄᬢᬫᬄᬇᬓᬸ᭞ᬳᬧᬂᬲᬸᬯᬸᬤ᭄ᬧᬢᬶᬕᬩᬕ᭄᭞ᬲᬮᬄᬤᬮᬶᬄ᭞ᬳᬶᬯᬬᬦ᭄ᬫᬢᬹᬃᬫᬦᬶᬫ᭄ᬩᬮ᭄᭟᭒᭐᭟ᬤᬸ
ᬭᬸᬲᬂᬕᬸᬭᬸᬮᬦ᭄ᬢᬸᬭᬂ᭞ᬫᬦᬸᬢᬸᬭᬶᬦ᭄ᬢᬶᬢ᭄ᬬᬂᬫᬮᬶᬄ᭞ᬲᬦᬾᬲᬦ᭄ᬤᬂᬕᬫ᭄ᬩᭂᬮ᭄ᬢᬶᬢ᭄ᬬᬂ᭞ᬤᬲᬃᬗᭂᬫ᭄ᬩᬦ᭄ᬲᬢ᭄ᬯᬇᬓᬸ᭞ᬜᬸᬭᬸᬤᬂᬰᬓ᭄ᬢᬶᬦᬶᬂᬭᬚᬄ᭞ᬢᬫᬄᬫᬮᬶᬄ᭞ᬳᬶᬥᬸᬓᬸᬄᬗ᭄ᬮᬦ᭄ᬢᬸᬭᬂᬲᬢ᭄ᬯᬲᬢ᭄ᬯ᭚᭜᭚
ᬕᬶᬡᬦ᭄ᬢᬶ᭟ᬧᬸᬄᬕᬶᬡᬦ᭄ᬢᬶ᭟᭑᭞ᬋᬲᭂᬧᬂᬘᭂᬦᬶᬂᬦᬾᬫᬮᬸ᭞ᬓᬺᬢᬬᬸᬕᬦᬾᬭᬶᬂᬕᬸᬫᬶ᭞ᬕᬸᬡᬲᬢ᭄ᬯᬫᬯᬶᬰᬾᬱᬵ᭞ᬳᬸᬮᬄᬢᬧᬓᬲᬸᬗ᭄ᬓᭂᬫᬶᬦ᭄᭞ᬤᬵᬦᬢᬶᬸᬧᬶᬸᬬᬚ᭄ᬜᬵᬢᬦ᭄ᬧᬕᬸᬡ᭞ᬭᬚᬄᬢᬫᬄ
ᬳᬾᬓᬢᬶᬦ᭄ᬤᬶᬄ᭟᭒᭟ᬢ᭄ᬭᬾᬝᬵᬬᬸᬕᬦᬾᬫᬜᬫ᭄ᬩᬸᬂ᭞ᬲᬢ᭄ᬯᬕᬸᬡᬦᬾᬓᬧᬹᬚᬶ᭞ᬳᬸᬮᬄᬥᬭᬡᬲᬢ᭞ᬥ᭄ᬬᬦᬬᭀᬕᬫ᭄ᬯᬂᬲᬫᬵᬥᬶ᭞ᬤᬵᬦᬬᬚ᭄ᬜᬢᬸᬦᬕᬸᬡ᭞ᬤ᭄ᬯᬧᬭᬬᬸᬕᬫ [ 9 ][᭘8B]
᭘
ᬦᬫ᭄ᬧᬶᬄ᭟᭓᭟ᬲᬢ᭄ᬯᬕᬸᬡᬗᬜ᭄ᬘᬦ᭄ᬮᬸᬦ᭄ᬢᬸᬃ᭞ᬭᬚᬄᬢᬫᬳᬾᬫᬫᬹᬃᬢᬶ᭞ᬬᬦ᭄ᬳᬸᬮᬸᬭᬶᬦ᭄ᬫᬗᬸᬦ᭄ᬭᬸᬤᬄ᭞ᬫᬗᬸᬦ᭄ᬓᬮᬶᬫᬭᬶᬂᬕᬸᬫᬶ᭞ᬤ᭄ᬯᬦᬶᬂᬳᬶᬤᬲᬂᬲᬸᬚᬦ᭄ᬫᬵ᭞ᬲ᭄ᬯᬾᬘᬫᬗᬸᬦ᭄ᬢᬢ᭄ᬯᬅᬚᬶ᭟᭔᭟
ᬓᬡ᭄ᬝᬶᬦ᭄ᬕᬸᬡᬲᬢ᭄ᬯᬇᬓᬸ᭞ᬳᬧᬂᬳᭂᬤᬵᬓᬡ᭄ᬝᬶᬫᬢᬶ᭞ᬤᬤᬶᬮᬪᬦ᭄ᬭᬚᬢᬫᬄ᭞ᬮ᭄ᬬᬸᬢᬢ᭄ᬯᬦᬾᬓᬓᬃᬥᬶ᭞ᬳᬤᬳᬶᬦ᭄ᬤᬶᬓ᭄ᬧᬜ᭄ᬘᬬᬚ᭄ᬜᬵ᭞ᬓᭂᬢᬄᬅᬤᬢ᭄ᬓᬯᬱ᭄ᬝᬦᬶᬦ᭄᭟᭕᭟ᬧᬜ᭄ᬘᬬᬚ᭄ᬜ
ᬢᬸᬯᬶᬓᬯᬸᬯᬸᬲ᭄᭞ᬦᬾᬜᬮᬦᬂᬓᬳᬋᬦᬶᬦ᭄᭞ᬳᬶᬢ᭄ᬭᬶᬓᬬᬧᬭᬶᬰᬸᬥ᭞ᬢᬢᬸᬚᭀᬦ᭄ᬜ᭠ᬮᬗ᭄ᬓᬸᬂᬍᬯᬶᬄ᭞ᬗᬶᬭᬗᬶᬦ᭄ᬰᬓ᭄ᬢᬶᬦᬶᬂᬗᬶᬦ᭄ᬤ᭄ᬭᬷᬬ᭞ᬭᬚᬄᬢᬫᬄᬳᬾᬤᬶᬳᬢᬶ᭟᭖᭟ᬭᬶᬂᬤᬸᬯᬧᬭᬮ᭄ᬬᬸᬢᬸᬢᬹᬃ
᭞ᬦᬾᬧᬫᬓᬯᬶᬢ᭄‌ᬢ᭄ᬯᬄᬳᬩᭂᬲᬶᬓ᭄᭞ᬓᬯᬸᬯᬸᬲ᭄ᬲᬓᬶᬂᬋᬕ᭄ᬯᬾᬥ᭞ᬓᬧᭂᬜ᭄ᬘᬭᬂᬫᬭᬶᬂᬪᬸᬫᬶ᭞ᬳᬦᬸᬮᬸᬂᬮᬶᬮᬶᬳᬶᬂᬲᬢ᭄ᬯ᭞ᬗᬤᬸᬮᬕᬚᬫᬦ᭄ᬓᬮᬶ᭟᭗᭟ᬲᬂᬳ᭄ᬬᬂᬲ᭄ᬯᬬᬫ᭄ᬩᬸᬫᬦᬸ᭞ᬗᬯᬺᬥ᭄ᬬᬂ
[᭙9A]
ᬤᬸᬓᬾᬗᬹᬦᬶ᭞ᬲᬓᬶᬢᬶᬢᬄᬲᬂᬳ᭄ᬬᬂᬩ᭄ᬭᬵᬳ᭄ᬫ᭟ᬲᬗ᭄ᬲᬬᬯᬾᬤᬦᬶᬩᬾᬦᬶ᭞ᬳᬶᬮᬂᬯᬾᬤᬳᬶ᭠ᬮᬂᬬᬚ᭄ᬜᬵ᭞ᬬᬚ᭄ᬜᬵᬳᬶᬮᬂᬯᬾᬤᬫᬢᬶ᭟᭘᭟ᬫᬢᬶᬯᬾᬤᬪᬹᬫᬶᬍᬩᬸᬃ᭞ᬓᬾᬦ᭄ᬢᭀᬓᬯᬶᬢ᭄ᬜᬦᬾᬗᬹ
ᬦᬶ᭞ᬮᬦ᭄ᬢᬸᬭᬂᬕᬸᬭᬸᬫᬜᬢ᭄ᬯᬂ᭞ᬤᬶᬲᬸᬩᬦᬾᬓᬵᬮᬶᬦᬫ᭄ᬧᬶᬄ᭞ᬤᬵᬦᬧᬹᬦ᭄ᬬᬫᬶᬯᬄᬬᬚ᭄ᬜᬵ᭞ᬭᬚᬄᬢᬫᬄᬫᬦᬲᬭᬶᬦ᭄᭟᭙᭟ᬳᭂᬦ᭄ᬢᭀᬓ᭄ᬭᬡᬤᬤᬶᬩᬶᬗᬸᬂ᭞ᬫᬗᬶᬗᭂᬢᬶᬦ᭄ᬩᭂᬦᭂᬄᬧᭂᬮᬶᬄ᭞᭠
ᬘᬸᬢᭂᬢᬂᬕᬸᬭᬸᬫᬶᬤᬃᬣ᭞ᬭᬾᬄᬦᬶᬂᬚᬦᬶᬫᬱᬦ᭄ᬓᬵᬮᬶ᭞ᬢᬃᬓᬦ᭄ᬕᬸᬭᬸᬬᬦ᭄ᬢᬦ᭄ᬳᬶᬯᬂ᭞ᬩᬶᬲᬘᬳᬶᬫᬫᭂᬤᬲᬶᬦ᭄᭟᭑᭐᭟ᬳᬦᬾᬢᬳᬸᬫᬵᬤᬦ᭄ᬳᬬᬸ᭞ᬫᬵᬤᬦ᭄ᬳᬮᬫᬭᬶᬂᬕᬸᬫᬶ᭞ᬳᬶᬘᬶᬢ᭄ᬢᬫᬮᬶᬄᬦᬸᬦ
ᬲᬂ᭞ᬲᭀᬮᬄᬧᬜ᭄ᬘᬬᬚ᭄ᬜᬵᬗᬹᬦᬶ᭞ᬳᬶᬥᬸᬓᬸᬄᬫᬲᬯᬸᬃᬦᬶᬫ᭄ᬩᬮ᭄᭞ᬫᬦᬸᬢᬸᬭᬂᬲᬶᬓᬶᬲᬶᬓᬶ᭟᭑᭑᭟ᬓᬧᬺᬣᬫᬦᬾᬓᬯᬸᬯᬸᬲ᭄᭞ᬤᬾᬯᬬᬚ᭄ᬜᬓᬳᬭᬦᬶᬦ᭄᭞ᬲᭀᬮᬳᬾᬪᬓ᭄ᬢᬶᬭᬶᬂᬤᬾ [ 10 ][᭙9B]
᭙
ᬯ᭞ᬫᬮᬭᬧᬦ᭄ᬚᬢᬶᬳᭂᬦᬶᬂ᭞ᬲᬓᬮᬫᬶᬯᬄᬦᬶᬱ᭄ᬓᬵᬮ᭞ᬤᬾᬯᬲᬂᬳ᭄ᬬᬂᬫᬶᬯᬄᬰᬸᬘᬶ᭟᭑᭒᭟ᬓᬧᬶᬂᬧᬶᬦ᭄ᬤᭀᬳᬭᬦᬶᬧᬸᬦ᭄᭞ᬪᬸᬢ᭄ᬣᬬᬚ᭄ᬜᬵᬲᭀᬮᬄᬳᬲᬶᬄ᭞ᬢᭂᬓᬾᬦ᭄ᬩᬸᬣᬫᬚᬮᬭᬦ᭄᭞ᬲᬓᬮ
ᬦᬶᬱ᭄ᬮᬵᬮᬚᬵᬢᬶ᭞ᬪᬸᬣᬗᬭᬦ᭄ᬲᬃᬯᬫᬯᬓ᭄᭞ᬫᬵᬯᬓ᭄ᬫᬳᬸᬭᬶᬧ᭄ᬤᬶᬕᬸᬫᬶ᭟᭑᭓᭟ᬧᬶᬢ᭄ᬭᬬᬚ᭄ᬜᬵᬓᬧᬶᬂᬢᭂᬮᬸ᭞ᬧᬶᬢ᭄ᬭᬅᬢ᭄ᬫᬤᬸᬭᬸᬂᬰᬸᬘᬶ᭞ᬦᬾᬤᬸᬭᬸᬂᬫᬵᬭᬕᬤᬾᬯ᭞ᬫᬲᬶᬄᬧᬵᬢᬹᬢ᭄‌ᬬᬪᬓ᭄ᬢᬶᬦᬶᬦ᭄
ᬚᬮᬭᬦᬾᬫᬲᬶᬄᬤᬤ᭄ᬯ᭞ᬲᬓᬮ᭄ᬦᬶᬱ᭄ᬓᬸᬮᬵᬰᬸᬘᬶ᭟᭑᭓᭟ᬧᬶᬢ᭄ᬭᬬᬚ᭄ᬜᬵᬧᬮᬶᬄᬳᬶᬧᬸᬦ᭄᭞ᬮᬶᬫᬂᬲᭀᬭᭀᬄᬧᬮᬶᬄᬘᭂᬦᬶᬂ᭞ᬕᬸᬭᬸᬧᬘᬂᬫᬶᬤᬃᬣᬬᬂ᭞ᬳᬧᬂᬘᭂᬦᬶᬂᬢᬢᬲ᭄ᬳᬸᬦᬶᬂ᭞ᬦᬾᬚᬦᬶᬫᬮᬸᬮᬦ᭄ᬢᬸ
ᬭᬂ᭞ᬢᬸᬭᬸᬢ᭄ᬧᬜ᭄ᬘᬬᬚ᭄ᬜᬵᬗᬹᬦᬶ᭟᭑᭕᭟ᬋᬱᬶᬬᬚ᭄ᬜᬵᬓᬧᬶᬂᬘᬢᬸᬃ᭞ᬋᬱᬶᬚᬢᬶᬓᬢᭂᬕᭂᬲᬶᬦ᭄᭞ᬕᬸᬭᬸᬲᬓᬮᬧᬸᬦᬶᬓ᭞ᬕᬸᬭᬸᬦᬶᬱ᭄ᬓᬮᬦᬾᬯᬗ᭄ᬰᬶᬢ᭄᭞ᬦᬾᬓᬢ᭄ᬭᬶᬫᬩᬳᬦ᭄ᬫᬦᬄ᭞᭠
ᬫᬦᬄ
[᭑᭐10A]
ᬫᬦᬄᬰᬸᬘᬶᬯᬗ᭄ᬰᬶᬢ᭄ᬩᭂᬘᬶᬓ᭄᭞᭑᭖᭟ᬕᬸᬭᬸᬲᬓᬵᬮᬧᬸᬦᬶᬓᬸ᭞ᬲᬂᬧᬡ᭄ᬥᬶᬢᬫᬭᬶᬂᬕᬸᬫᬶ᭞ᬭᬶᬲᬵᬓ᭄ᬱᬵᬢ᭄ᬤᬾᬯᬲᬓᬮ᭞ᬧᬵᬢᬹᬢ᭄ᬳᬶᬤᬵᬓᬪᬓ᭄ᬢᬶᬦᬶᬦ᭄᭞ᬫᬚᬮᬭᬦ᭄‌ᬩᬲᬦᬶᬱ᭄ᬓᬮ᭞ᬲᬓ
ᬮᬦᬾᬲᬓᬶᬂᬰᬸᬘᬶ᭟᭑᭘᭟ᬬᬚ᭄ᬜᬵᬓᬧᬶᬂᬮᬶᬫᬦᬶᬧᬸᬦ᭄᭞ᬫᬵᬦᬸᬱᬬᬚ᭄ᬜᬵᬓᬭᬦᬶᬦ᭄᭞ᬧᬧᬮᬶᬄᬬᬚ᭄ᬜᬵᬧᬸᬦᬶᬓᬵ᭞ᬗᬯᬶᬢ᭄ᬲᬓᬶᬂᬯᬯᬸᬫᬶᬚᬶᬮ᭄᭞ᬧᬦᭂᬮᬲ᭄ᬗᬦ᭄ᬢᭀᬲ᭄‌ᬯᬶᬦᬭᬂᬧ᭄ᬭᬕ
ᬢ᭄ᬧᬭᬶᬤᬃᬣᬲᬫᬶ᭟᭑᭘ᬓᬡ᭄ᬥᬦ᭄ᬧᬜ᭄ᬘᬬᬚ᭄ᬜᬇᬓᬸ᭞ᬯᬮᬶᬦᬶᬦ᭄ᬕᬸᬭᬸᬦᬾᬚᬦᬶ᭞ᬧᬶᬢ᭄ᬭᬬᬚ᭄ᬜᬵᬦᬾᬲᬢ᭄ᬯᬬᬂ᭞ᬓᬳᬸᬘᬧ᭄ᬮᬮᬶᬫᬗᬹᬦᬶ᭞ᬓᬧᬺᬣᬫᬦᬾᬫᬳᬭᬦ᭄᭞ᬰᬯᬧᬺᬢᬾᬓᬓᬯᬃ
ᬡ᭄ᬦᬶ᭟᭑᭙᭟ᬫᬧᬗᬯᬓ᭄ᬰᬯᬢᬸᬳᬸ᭟ᬰᬯᬲᬓᬮᬦᬾᬘᭂᬦᬶᬂ᭞ᬗᬗ᭄ᬕᬾᬯᬤᬄᬧᬢᬸ᭠ᬮᬗᬦ᭄᭞ᬤᬫᬃᬓᬸᬭᬸᬂᬓᬚᬂᬫᬮᬶᬄᬩᬦ᭄ᬳᭂᬦ᭄ᬢᭂᬩᬾᬦ᭄ᬮᬦ᭄ᬳᬗᭂᬦᬦ᭄᭞ᬲᬯᬯᬾᬥᬦᬧᬶᬂᬓᬮᬶᬄ᭟ [ 11 ][᭑᭐10B]
᭑᭐
᭒᭐᭟ᬧᬳᬶᬮᬾᬦ᭄ᬳᬘᬶᬓᬤᬶᬯᬳᬸ᭞ᬫᬧᬗᬯᬓ᭄ᬢᬭᬸᬫᭂᬭᬶᬓ᭄᭞ᬫᬚᬕᬯᬸᬮᬦ᭄ᬘᬡ᭄ᬥᬦ᭞ᬧᬺᬡᬯᬦᬾᬓᬧᬶᬂᬢ᭄ᬭᬶᬦᬶ᭞ᬢᬦ᭄ᬧᬘᬤᬄᬧᬮᬶᬄᬦᬶᬓᬵ᭞ᬢᬦ᭄ᬧᬤᬫᬃᬓᬸᬭᬸᬂᬫᬮᬶᬄ᭟᭒᭑᭟ᬧᬢᬸ
ᬮᬗᬦ᭄‌ᬢ᭄ᬯᬭᬫᬶᬮᬸ᭞ᬢᬦ᭄ᬧᬩᬦ᭄ᬢᭂᬦ᭄ᬢᭂᬩᬾᬦ᭄ᬫᬮᬶᬄ᭞ᬢᬦ᭄ᬧᬳᬗᭂᬦᬦ᭄‌ᬲᬓᬾᬯ᭠ᬮ᭞ᬧᬜ᭄ᬚᬂᬳᬶᬮᬂᬤᬸᬮᬸᬃᬲᬚᬶ᭞ᬦᬲᬶᬳᬗ᭄ᬓᭂᬩ᭄ᬭ᭞ᬦ᭄ᬢᬸᬢᬦᬶᬓᬵ᭞ᬮᬦ᭄ᬳᬚᬸᬫᬦ᭄ᬧᬸᬢᬶᬄᬓᬸᬦᬶᬂ᭟᭒᭒᭟ᬩᬸ
ᬩᬸᬄᬧᬶᬭᬝᬵᬤᬸᬮᬸᬭᬶᬧᬸᬦ᭄᭞ᬫᬵᬢᬓ᭄ᬢᬶᬃᬢ᭄ᬣᬵᬮᬗ᭄ᬓᬸᬂᬰᬸᬘᬶ᭞ᬤᬶᬲᬮᬸᬂᬮᬸᬂᬓᬧᬸᬧᬸᬢᬂ᭞ᬅᬗ᭄ᬳᬶᬂᬳᬤᬵᬧᬶᬍᬄᬫᬮᬶᬄ᭞ᬯᭂᬦᬂᬗᬦᬹᬢ᭄ᬧᬳᬶᬍᬄᬜᬯ᭞ᬯᬾᬤᬦᬳᬶᬦᬸᬘᬧ᭄ᬗᬸᬦᬶ᭟᭒᭓᭟ᬓᬧᬶᬂᬘ
ᬢᬸᬃᬲ᭄ᬯᬱ᭄ᬝᬵᬫᬸᬗ᭄ᬕᬸᬄ᭞ᬢᬦ᭄ᬧᬘᬤᬄᬧᬢᬸᬄᬘᭂᬦᬶᬂ᭞ᬢᭂᬓᬾᬦ᭄ᬧᬮᬶᬄᬫᬧ᭄ᬭᬡᬯ᭞ᬓᬾᬯᬮᬪᬶᬦᬳᬓᬶᬤᬶᬓ᭄᭞ᬓᬵᬮᬗᭂᬲᭂᬳᬯᬓ᭄ᬳᬶᬓᬸ᭞ᬤᬶᬩᬗ᭄ᬩᬗᬾᬓᬾᬦ᭄ᬢᭀᬘᭂᬦᬶᬂ᭟᭒᭔᭟ᬕᭂᬦᬄ
[᭑᭑11A]
ᬫᬸᬧᬸᬢ᭄‌ᬬᬚ᭄ᬜᬵᬇᬓᬸ᭞ᬰᬯᬧᬺᬢᬾᬓᬦᬾᬫᬮᬶᬄ᭞ᬜᬯᬯᬾᬤᬦᬧᬺᬡᬯ᭞ᬲ᭄ᬯᬱ᭄ᬝᬫᬭᬶᬂᬲᬾᬢ᭄ᬭᬲᬫᬶ᭞ᬦᬵᬗ᭄ᬳᬶᬂᬳᬤᬩ᭄ᬯᬶᬦ᭄ᬓᬳᬸᬘᬧ᭄᭞ᬫᬸᬗ᭄ᬕ᭄ᬯᬶᬂᬰᬵᬲ᭄ᬢ᭄ᬭᬵᬓᬾᬦᬾᬘᭂᬦᬶᬂ᭟᭒᭕᭟ᬧᬗ᭄ᬕᬸᬄᬩᬧ
ᬫᬭᬶᬂᬢᬸᬢᬸᬃ᭞ᬕᭂᬦᬄᬓᬭᬂᬰᬸᬘᬶ᭞ᬫᬶᬢ᭄ᬭᬬᬚ᭄ᬜᬦᬾᬧᬫ᭄ᬭᬕᬢ᭄᭞ᬤᬶᬲᬗ᭄ᬕᬄᬧᬫ᭄ᬭᬚ᭠ᬦ᭄ᬘᭂᬦᬶᬂ᭞ᬲᬸᬩᬧ᭄ᬭᬕᬢ᭄ᬓᬳᬢᬹᬭᬂ᭞ᬲᬸᬩᬫᬶᬢ᭄ᬭᬬᬚ᭄ᬜᬳᬂᬲᬫᬶ᭟᭒᭖᭟ᬳᬤᬩ᭄ᬯᬶᬦ᭄ᬳᬦᬾᬫᬜᬫ᭄ᬩᬸᬂ᭞
ᬅᬧ᭄ᬝᬶᬯᬾᬤᬦᬓᬵᬭᬦᬶᬦ᭄᭞ᬳᬫᬺᬢᬾᬓᬕᬮᬶᬄᬳᬯ᭞ᬓᭂᬢᬄᬓᬳᬸᬘᬧ᭄ᬫᬓᬶᬭᬶᬫ᭄᭞ᬲᬸᬩᬜᬭᬶᬓ᭄ᬳᬤᬦᬶᬫ᭄ᬩᬮ᭄᭞ᬮᬦ᭄ᬢᬸᬭᬦ᭄ᬬᬚ᭄ᬜᬵᬦᬶᬓᬶ᭟᭒᭗᭟ᬅᬢ᭄ᬫᬯᬾᬥᬦᬓᬯᬸᬯᬸᬲ᭄᭞ᬧ
ᬍᬢ᭄ᬓᬃᬬ᭄ᬬᬦᬾᬓᬯᬃᬡᬶ᭞ᬜᭂᬓᬄᬓᬗ᭄ᬲᬾᬦ᭄‌ᬓᬧ᭄ᬭᬣᬫ᭞ᬜᭂᬓᬄᬓᬸᬭᬸᬂᬓᬧᬸᬂᬓᬮᬶᬄ᭞ᬫᬫᬸᬢᬸᬭᬾᬓᬧᬶᬂᬢᬶᬕ᭞ᬧᬓᬺᬢᬶᬦ᭄ᬜᬫᬦᬹᬢ᭄ᬳᬶᬡ᭄ᬥᬶᬓ᭄᭟᭒᭘᭟ᬦᬶᬱ᭄ᬝᬵᬫᬥ᭄ᬬᬧᬍᬢ᭄ᬳᬶᬧᬸᬦ᭄᭞᭠ [ 12 ][᭑᭑11B]
ᬫᬓᬸᬭᬾᬫᬉᬢ᭄ᬢᬫᬶ᭞ᬢᭂᬮᬲ᭄ᬓᬡ᭄ᬥᬦ᭄‌ᬫᬶᬢ᭄ᬭᬬᬚ᭄ᬜ᭞ᬅᬢ᭄ᬫᬯᬾᬥᬦᬓᬯᬃᬡᬶ᭞ᬫᬵᬦᬸᬱᬬᬵᬚ᭄ᬜᬫᬦᬶᬫ᭄ᬩᬮ᭄᭞ᬢᭂᬫ᭄ᬩᬂᬲᬶᬦᭀᬫ᭄ᬫᬦᭂᬫ᭄ᬩᬗᬶᬦ᭄᭚᭜᭚ᬧᬸᬄᬰᬶᬦᭀᬫ᭄᭟᭑᭟
ᬭᬶᬓᬵᬳᬮᬦᬶᬂᬭᬭᬾᬍᬓᬤ᭄᭞ᬧᬮᬶᬧᬮᬶᬦᬾᬦᬸᬫᬤᬶ᭞ᬫᬯᬱ᭄ᬝᬩᬦ᭄ᬢᭂᬦ᭄ᬤᬧᭂᬢᬦ᭄᭞ᬮᭀᬓᬶᬓᬵᬳᬗ᭄ᬕᬾᬦ᭄‌ᬦᭂᬕᭂᬲᬶᬦ᭄᭞ᬦᬧᭂᬢ᭄ᬭᬭᬾᬧᬹᬃᬡᬫᬶᬚᬶᬮ᭄᭞ᬧᬇᬘᬦ᭄ᬢᬶᬢᬄᬧᬸᬦᬶᬓᬸ᭞ᬲᬂᬳ᭄ᬬᬂᬢᬶ
ᬢᬄᬫᬇᬘ᭄ᬙᬬᬂ᭞ᬨᬮᬦ᭄ᬓᬃᬫᬲᬦᬾᬗᬹᬦᬶ᭞ᬲᬦ᭄ᬤᬂᬳᬶᬧᬸᬦ᭄᭞ᬭᬭᬾᬦᬾᬧᬵᬢᬹᬢ᭄ᬲᬬᬗᬂ᭟᭒᭟ᬤᬶᬲᬸᬩᬦᬾᬬᬫᬬᬸᬱ᭞ᬭᭀᬭᬲ᭄ᬤᬶᬦᬓᬓᬃᬬ᭄ᬬᬦᬶᬦ᭄᭞ᬩᬩᬦ᭄ᬢᭂᬦ᭄ᬧᬘᬂᬳᬢᬹᬭᬂ᭞ᬤᬶ
ᬢᭀᬗᭀᬲ᭄ᬫᬾᬫᬾᬦᬾᬗᬹᬦᬶ᭞ᬲᬳᬶᬫᬦ᭄ᬤᬸᬲ᭄ᬤᬸᬓᬾᬩᭂᬮᬶᬂ᭞ᬓᬵᬢᬹᬃᬫᬭᬶᬂᬲᬂᬳ᭄ᬬᬂᬯᬶᬱ᭄ᬡᬸ᭞ᬯᬶᬱ᭄ᬡᬸᬢᭂᬕᭂᬲ᭄ᬜᬦᬾᬥᬃᬫ᭞ᬤᬕᬶᬂᬜᬦᬾᬫᬗ᭄ᬤᬳᬸᬦᬶᬂ᭞ᬥᬃᬫᬦᬶᬧᬸᬦ᭄᭞ᬗᬫᭀᬂᬧᬶᬳᬦᬓᬾ
[᭑᭒12A]
ᬲ᭄ᬢᬢ᭟᭓᭟ᬲᬸᬩᬫᬬᬸᬱᬳᬩᬸᬮᬦ᭄᭞ᬦᬗ᭄ᬕᬸᬧᬶᬢᬸᬂᬤᬶᬦᬧᬱ᭄ᬝᬶ᭞ᬢᬸᬢᬸᬕ᭄ᬓᬫ᭄ᬩᬸᬄᬢᭀᬳᬤᬦ᭄ᬜ᭞ᬧᬓᬺᬢᬶᬦᬾᬓᬵᬮᬇᬓᬶ᭞ᬮᬪᬦ᭄ᬓᬫ᭄ᬩᬸᬄᬓᬳᬭᬦᬶᬦ᭄᭞ᬤᬕᬶᬂᬜᬦᬾᬳᬧᬂ
ᬯ᭄ᬭᬸᬄ᭞ᬗᬦᬹᬢᬶᬦ᭄ᬳᬭᬦ᭄ᬳᬶᬧᬸᬢ᭄ᬭ᭞ᬲᬦᬾᬜᬦ᭄ᬤᬂᬓᬢᬶᬯᬓᬶᬦ᭄᭞ᬨᬮᬦᬶᬧᬸᬦ᭄᭞ᬤᬷᬕᬬᬸᬱᬉᬭᬶᬧ᭄᭞ᬯᬭᬲ᭄᭟᭔᭟ᬲᬸᬩᬫᬬᬸᬱᬳᬩᬸᬮᬦ᭄᭟᭔᭟ᬮᬦ᭄ᬢᬸᬭᬂᬕᬸᬭᬸᬦᬸᬢᬸᬭᬂ᭞ᬢᬶᬕᬂ᭠
ᬰᬰᬶᬄᬬᬸᬱᬦᬶᬂᬳᬮᬶᬢ᭄᭞ᬧᬮᬶᬧᬮᬶᬦ᭄ᬜᬦᬾᬓᭀᬘᬧ᭄᭞ᬢᬸᬢᬸᬕ᭄ᬩᬵᬦ᭄ᬩᬦ᭄ᬢᭂᬦ᭄ᬧᬩᬗ᭄ᬓᬶᬢ᭄᭞ᬩᬗ᭄ᬓᬶᬢ᭄‌ᬢᭂᬕᭂᬲ᭄ᬜᬦᬾᬩᭂᬘᬶᬓ᭄᭞ᬳᬸᬭᬢᬾᬫᬯᬸᬯᬸᬄᬳᬬᬸ᭞ᬫᬶᬯᬄᬕᬮᬶᬄᬕᬮᬶᬄᬦᬶᬭ᭠
ᬢᬸᬲᬸᬓ᭄‌ᬓᬃᬡ᭄ᬦᬓᬮᬇᬓᬶ᭞ᬘᬶᬳ᭄ᬦᬦᬶᬧᬸᬦ᭄᭞ᬲᬂᬳ᭄ᬬᬂᬰᬶᬯᬓᬂᬲᬶᬦᭂᬫ᭄ᬩᬄ᭟᭕᭟ᬲᬸᬩᬚᬗ᭄ᬓᭂᬧ᭄ᬳᭂᬦᭂᬫ᭄ᬩᬸᬮᬦ᭄᭞ᬯᬯᭂᬢᭀᬦ᭄ᬢᬸᬯᬶᬓᬵᬤᬤᬶᬦ᭄᭞ᬤᬤᬶᬧᬯᭂᬢ᭄ᬯᬦ᭄ᬜᬇᬓ᭞ᬫᭂᬢᬶᬓ᭄ᬭ [ 13 ][᭑᭒12B]
᭑᭒
ᬫ᭄ᬩᬸᬢ᭄ᬤᬶᬦᬇᬓᬶ᭞ᬗᬯᬶᬢ᭄ᬢᬸᬭᬸᬦ᭄ᬭᬶᬂᬧᬺᬢᬶᬯᬶ᭞ᬲᬲᬶᬧ᭄ᬢᬦ᭄ᬭᬫ᭄ᬩᬸᬢ᭄ᬧᬸᬦᬶᬓᬸ᭞ᬳᭂᬦᭀᬢ᭄‌ᬜᬦᬾᬮᬶᬬᬸᬯᭂᬤᬃ᭞ᬳᭂᬤᭀᬢ᭄ᬫᬚᬮᬭᬦ᭄ᬓᬸᬧᬶᬂ᭞ᬫᬢᬘᬸᬗᬸᬄ᭞ᬫᬶᬦᬓᬤᬶᬲᬓᬶᬂᬮᬶᬤᬄ᭟᭖᭟
ᬧᭂᬢᬶᬓ᭄ᬧᬸᬗ᭄ᬕᭂᬮ᭄ᬓᬅᬃᬢᬶᬬᬂ᭞ᬯᭂᬭᬸᬄᬫᬸᬗ᭄ᬕᭂᬮ᭄‌ᬓᬧ᭄ᬢᬶᬦᬶᬂᬳᬮᬶᬢ᭄᭞ᬲᬦᬾᬜᬦ᭄ᬤᬂᬢᬸᬯᬭᬩᬳᬂ᭞ᬳᬧᬂᬳᭂᬤᬫᬗᬸᬮᬸᬭᬶᬦ᭄᭞ᬓ᭄ᬭᬡᬤᬶᬢᬸᬓᬓᬵᬃᬬ᭄ᬬᬦᬶᬦ᭄᭞ᬧ᭄ᬭᬬᬰ᭄ᬘᬶᬢ᭄ᬢᬩᬦ᭄ᬢᭂᬦᬶᬧᬸ
ᬦ᭄᭞ᬳᬗᬜᬸᬢ᭄ᬫᬮᬦᬶᬂᬘᬶᬢ᭄ᬢ᭞ᬗᬸᬭᬸᬦ᭄ᬧ᭄ᬭᬣᬶᬯᬶᬦᬾᬫᬗ᭄ᬓᬶᬦ᭄᭞ᬢᭂᬕᭂᬲ᭄ᬳᬶᬧᬸᬦ᭄᭞ᬓᬯᬶᬢ᭄ᬤᬤᬶᬯᬾᬳᬶᬦ᭄ᬪᭀᬕ᭟᭗᭟ᬲᬭᬹᬧᬦᬶᬂᬲᬦᬾᬫᭂᬤᬮ᭄᭞ᬫᭂᬦ᭄ᬢᬶᬓ᭄ᬲᬓᬾᬦᬵᬕ᭄ᬧᬺᬣᬶᬯᬶ᭞ᬫᬶᬦᬓ
ᬤᬶᬳᬗ᭄ᬕᬾᬳᬭ᭞ᬮᬦ᭄ᬢᬸᬭᬂᬕᬸᬭᬸᬦᬾᬚᬦᬶ᭞ᬤᬶᬲᬸᬩᬦᬾᬢᬸᬢᬸᬕ᭄ᬓᭂᬮᬶᬄ᭞ᬧᬳᬶᬗᬦᬦ᭄ᬢᬸᬯᬸᬄᬳᬶᬧᬸᬦ᭄᭞ᬫᭀᬮᬲ᭄‌ᬯᬃᬱᬤ᭄ᬬᬲ᭄ᬢᬸᬮᬶᬯᬢ᭄᭞ᬳᬶᬢᬸᬲᬦ᭄ᬤᬂᬗᭂᬢᭂᬧ᭄ᬕᬶᬕᬶ᭞ᬳᬭᬦ᭄ᬳᬶᬧᬸᬦ᭄᭞ᬫ
[᭑᭓13A]
ᬲᬗᬶᬄᬫᬶᬯᬄᬢᬢᬄ᭟᭘᭟ᬓᬝᬵᬄᬳᬸᬦ᭄ᬢᬸᬦᬾᬓᬢᬢᬄ᭞ᬦᭂᬫ᭄ᬦᭂᬫ᭄‌ᬬᭀᬕ᭄ᬬᬦ᭄ᬜᬦᬾᬘᭂᬦᬶᬂ᭞ᬱᬵᬤ᭄ᬭᬶᬧᬸᬢᭂᬕᭂᬲ᭄ᬧᬸᬦᬶᬓ᭞ᬫᬸᬲᬸᬄᬭᬶᬂᬳᬯᬓ᭄ᬧᬸᬦᬶᬓᬶ᭞ᬦᬯᬶᬰᬾᬱᬢᬦ᭄ᬲᬶᬦᬶᬧᬶ᭞
ᬧᬲᬗᬶᬦ᭄ᬳᬸᬧᬬᬢᬸᬳᬸ᭞ᬳᬧᬂᬲᬶᬥᬫᬦᬸᬗ᭄ᬓᬸᬮ᭄᭞ᬧᬸᬦᬄᬯᬶᬰᬾᬱᬦ᭄ᬜᬧᭂᬭᬶᬄ᭞ᬩᬸᬯᬶᬦ᭄‌ᬲ᭄ᬫᬩᬸᬂ᭞ᬲᬢ᭄ᬯᬦ᭄ᬕᬸᬭᬸᬦᬄᬧᬶᬋᬗᬂ᭟᭙᭟ᬭᬸᬦ᭄ᬢᬸᬢᬦ᭄ᬓᬃᬬ᭄ᬬᬧᬸᬦᬶᬓᬵ᭞ᬫᬯᬶᬦ᭄ᬢᭂᬦ᭄‌ᬜᬸᬘ᭄ᬬᬂᬳᬢᬶ᭞ᬯᭂ᭠
ᬓᬲ᭄ᬧᬯᬭᬗᬦ᭄ᬦᬶᬫ᭄ᬩᬮ᭄᭞ᬧᬮᬶᬧᬮᬶᬓᬳᬭᬦᬶᬦ᭄᭞ᬫᬤᭂᬗᭂᬦ᭄‌ᬤᭂᬗᭂᬦᬦ᭄ᬘᭂᬦᬶᬂ᭞ᬫᬤᬸᬮᬸᬃᬲᬲᬬᬸᬢ᭄ᬳᬶᬓᬸ᭞ᬦᬾᬫᬵᬤᬦ᭄ᬥᬸᬃᬫᬗ᭄ᬕᬮ᭞ᬢᭂᬕᭂᬲ᭄ᬧᬯᬭᬗᬦ᭄ᬳᬶᬓᬶ᭞ᬲᬓᬶᬂᬢᬸᬳᬸ᭞ᬮᬦᬂᬇ
ᬲ᭄ᬢ᭄ᬭᬷᬦᬸᬗ᭄ᬕᬮ᭄ᬫᬦᬄ᭟᭑᭐᭟ᬜᬮᬦᬂᬢᬸᬤᬸᬄᬅᬕᬫ᭞ᬲᬶᬥᬦᬶᬂᬓᬵᬧ᭄ᬢᬶᬓᬧᬗ᭄ᬕᬶᬄ᭞ᬮᬦ᭄ᬢᬸᬭᬂᬕᬸᬭᬸᬫᬜᬢ᭄ᬯ᭞ᬤᬶᬲᬸᬩᬦᬾᬩᭀᬩᭀᬢ᭄ᬚᬦᬶ᭞ᬅᬢ᭄ᬫᬭᬵᬓ᭄ᬱᬓᬓᬃᬬ᭄ᬬᬦᬶᬦ᭄᭞ᬓᬜ᭄ᬘᬶᬂᬫ [ 14 ][᭑᭓13B]
᭑᭓
ᬡᬶᬦ᭄‌ᬓᬾᬦ᭄ᬢᭀᬧᬸᬧᬸᬢ᭄᭞ᬪᬸᬣ᭄ᬣᬬᬚ᭄ᬜᬦᬾᬫᬦᬶᬫ᭄ᬩᬮ᭄᭞ᬢᬸᬢᬸᬭᬂᬕᬸᬭᬸᬦᬾᬚᬦᬶ᭞ᬓᬯᬶᬢ᭄ᬳᬶᬧᬸᬦ᭄᭞ᬧᬜ᭄ᬘᬲᬢ᭄ᬣᬦᬾᬓᬯᬃᬡ᭄ᬦᬵ᭟᭑᭙᭟ᬧᬜ᭄ᬘᬢᭂᬕᭂᬲ᭄ᬜᬵᬮᬮᬶᬫ᭞ᬲᬝᬵᬲ᭄ᬬᬧ᭄‌ᬫ᭄ᬯᬦᬶᬘᭂ
ᬦᬶᬂ᭞ᬬᬚ᭄ᬜᬦᬾᬫᬰ᭄ᬭᬡᬲᬝᬵ᭞ᬮᬮᬶᬫᬓᬝᬵᬄᬜᬚᬢᬶ᭞ᬧᬜ᭄ᬘᬲᬝᬵᬬᬦ᭄ᬯᬸᬯᬸ᭠ᬳᬶᬦ᭄᭞ᬩᬳᬦ᭄ᬳᬶᬢᬶᬓ᭄ᬩᬸᬮᬸᬦ᭄ᬳᬶᬧᬸᬦ᭄᭞ᬩᬸᬮᬸᬲᬶᬓᭂᬧ᭄ᬓᬓᭂᬢᬄᬳᬂ᭞ᬫᬤᬸᬮᬸᬃᬳᬲᬸᬦᬾᬫᬮᬶᬄ᭞ᬮᬸᬫ᭄ᬩ᭄ᬭᬄ
ᬳᬶᬧᬸᬦ᭄᭞ᬩ᭄ᬮᬂᬩᬸᬗ᭄ᬓᭂᬫ᭄ᬓᬳᬸᬘᬧᬂ᭟᭑᭒᭟ᬳᭂᬦ᭄ᬢᭀᬫᬵᬤᬦ᭄ᬧᬜ᭄ᬘᬲᬵᬦᬓ᭄᭞ᬧᬜ᭄ᬘᬲᬵᬦᬓᬾᬯᬸᬯᬸᬳᬶᬦ᭄᭞ᬩᬳᬦ᭄ᬓᬫ᭄ᬩᬶᬂᬳᬭᬦ᭄ᬓᭀᬘᬧ᭄᭞ᬧᬜ᭄ᬘᬓᭂᬮᬸᬤ᭄‌ᬩᬸᬯᬶᬦ᭄ᬘᭂᬦᬶᬂ᭞ᬧᬜ᭄ᬘᬓ᭄ᬮᬸ᭠
ᬤᬾᬯᬸᬯᬸᬳᬶᬦ᭄᭞ᬩᬳᬦ᭄ᬩᬯᬶᬩᬸᬢᬸᬳᬦ᭄ᬳᬶᬓᬸ᭞ᬮᬯᬦ᭄ᬲᬫ᭄ᬧᬶᬳᬭᬦ᭄ᬓᭀᬘᬧ᭄᭞ᬩᬮᬶᬓ᭄ᬲᬸᬫ᭄ᬧᬄᬳᬤᬩᬸᬯᬶᬦ᭄᭞ᬮᬦ᭄ᬢᬸᬭᬦ᭄ᬳᬶᬧᬸᬦ᭄᭞ᬫᬲᬧᬸᬄᬲᬧᬸᬄᬓᬯᬃᬡ᭄ᬦ᭟᭑᭓᭟ᬤᬲᬃᬜ
[᭑᭔14A]
ᬦᬾᬩᬮᬶᬓ᭄ᬲᬸᬫ᭄ᬧᬄ᭞ᬫᬯᭂᬯᭂᬄᬓᭂᬩᭀᬓᬢ᭄ᬭᬶᬦᬶ᭞ᬫᬲᬧᬸᬄᬲᬧᬸᬳᬾᬋᬓᭀ᭞ᬬᬦ᭄ᬯᬸᬯᬸᬳᬶᬦ᭄ᬓᭂᬩᭀᬫᬮᬶᬄ᭞ᬮᬶᬫᬂᬲᬶᬓᬶᬳᬭᬦ᭄ᬘᭂᬦᬶᬂ᭞ᬧᬜ᭄ᬘᬯᬮᬶᬓ᭄ᬭᬫᬇᬓᬸ᭞ᬗᬭᬦ᭄ᬬᬪᬸᬣᬬᬚ᭄ᬜ᭞
ᬬᬾᬦ᭄ᬤᬕᬶᬗᬶᬦ᭄ᬓᭂᬩᭀᬫᬮᬶᬄ᭞ᬓᬝᬵᬄᬳᬶᬧᬸᬦ᭄᭞ᬢᭂᬮᬸᬮᬶᬓᬸᬃᬢ᭄ᬯᬶᬓᬳᬸᬘᬧ᭄᭞᭑᭔᭟ᬏᬓᬵᬤᬰᬮᬸᬤ᭄ᬭᬳᬭᬦ᭄᭞ᬳᬫᭀᬦ᭄ᬢᭀᬧ᭄ᬭᬕᬢᬂᬘᭂᬦᬶᬂ᭞ᬫᬦᬸᬢᬸᬭᬂᬢᬶᬗ᭄ᬓᬄᬬᬚ᭄ᬜᬵ᭞ᬤᬲᬃᬜ᭠
ᬦᬾᬢᬶᬕᬚᬵᬢᬶ᭞ᬩᬸᬓᬭᬯᭀᬲ᭄ᬕᬸᬭᬸᬗᬹᬦᬶ᭞ᬢᬶᬕᬮᬓ᭄ᬱᬡᬧᬸᬦᬶᬓᬸ᭞ᬦᬾᬫᬳᬭᬦ᭄‌ᬢ᭄ᬭᬶᬓᬵᬬ᭞ᬧᬭᬶᬰᬸᬥᬢᭂᬕᭂᬲ᭄ᬚᬢᬶ᭞ᬫᬦᬄᬳᬬᬸ᭞ᬫᬸᬜᬶᬮᬓ᭄ᬱᬡᬦᬾᬫᭂᬮᬄ᭟᭑᭕᭟ᬬᬦ᭄ᬦᬸ
ᬗ᭄ᬓᬲᬶᬦ᭄ᬤᬲᬃᬇᬓ᭞ᬤᬵᬦᬧᬸᬦ᭄ᬬᬦᬶᬃᬤᭀᬦ᭄ᬘᭂᬦᬶᬂ᭞ᬲᬓᬜ᭄ᬘᬦ᭄‌ᬬᬚ᭄ᬜᬵᬓᬳᬸᬘᬧ᭄᭞ᬢᬦ᭄ᬨᬨᬮᬢᬦ᭄ᬧᬲᬭᬶ᭞ᬪ᭄ᬭᬡᬢᭂᬮᬄᬢᬦ᭄ᬧᬳᬶᬦ᭄ᬥᬶᬓ᭄᭞ᬪᬸᬣᬓᬵᬮᬦᬫ᭄ᬧᬶᬳᬶᬓᬸ᭞ᬳᬧ [ 15 ][᭑᭔14B]
᭑᭔
ᬨᬮᬦ᭄ᬜᬭᬶᬯᭂᬓᬲ᭄᭞ᬳᬯᬓᬾᬓᬲᬸᬲᬸᬧ᭄ᬓᬮᬶ᭞ᬘᬳᬶᬳᬶᬤᬸᬧ᭄᭞ᬲᬸᬩᬫᬵᬤᬦ᭄ᬗᬯᬗᬸᬦ᭄ᬓᬯᬄ᭟᭑᭖᭟ᬯᭂᬓᬲ᭄‌ᬳᭂᬜᬾᬦ᭄ᬮᬓᬃᬦ᭄ᬭᬶᬫ᭞ᬫᬲᬶᬄᬳᬯᬓᬾᬧᬤᬶᬤᬶ᭞ᬤᬾᬦᬶᬂᬳᬯᬳᬓ᭄ᬫᬗ᭄ᬯᬗᬸᬦᬂ᭞
ᬫᭂᬢᬸᬲᬓᬶᬂᬳᬮᬦ᭄ᬳᬢᬶ᭞ᬬᬤ᭄ᬬᬦ᭄ᬧᬗᬤᬗᬾᬘᭂᬦᬶᬂ᭞ᬳᬶᬳᬯᬓ᭄ᬫᬲᬶᬄᬗᬯᬗᬸᬦ᭄᭞᭠ᬓ᭄ᬭᬸᬭᬭᬹᬧᬓᬪᬷᬦᬯ᭞ᬧᬥᬳᬗᬺᬲᬶᬂᬳᬢᬶ᭞ᬲ᭄ᬯᬭᬤᬹᬤᬸ᭞ᬳᬶᬓᬵᬫᬦᬤᬶᬢᬳᬸᬮᬦ᭄᭟᭑᭘᭟᭠
ᬩᬬᬸᬳᬮᬤᬤᬶᬳᬗ᭄ᬓ᭄ᬬᬦ᭄᭞ᬦᬾᬗᬸᬭᬶᬧᬂᬫᬦᬄᬧᭂᬭᬶᬄ᭞ᬯᭂᬓᬲ᭄ᬢᭂᬓᬧᬥᬗᬤᬂ᭞ᬤᬶᬚᬮᬦ᭄ᬫᬦᬕᬶᬄᬪᬹᬓ᭄ᬢᬶ᭞ᬳᬧᬳᬗ᭄ᬕᭀᬦ᭄ᬫᬫᬹᬓ᭄ᬢᬶᬦᬶᬦ᭄᭞ᬢᬸᬮᬓ᭄ᬩᬳᬦ᭄ᬳᬮ᭄ᬧᬯᬲ᭄ᬢᬸ᭞ᬅᬮ᭄ᬧᬯᬲ᭄ᬢᬸᬗ
ᬭᬂᬢᬫ᭄ᬩᬃ᭞ᬩᬭᬂᬢᬫ᭄ᬩᬃᬫᬬᬦ᭄ᬕᬸᬫᬶ᭞ᬫᬶᬭᬶᬸᬩᬶᬸᬗ᭄ᬓᬶᬦ᭄ᬫᬸᬭᬹᬩ᭄᭞ᬓᬯᬄᬧᬗᬤᬗᬾᬕᬮᬓ᭄᭟᭑᭘᭟ᬅᬧᬦ᭄ᬢᬶᬕᬓᬲᬫᬭᬦ᭄᭞ᬳᭂᬦ᭄ᬢᭀᬤᬤᬶᬰᬢ᭄ᬭᬸᬰᬓ᭄ᬢᬶ᭞ᬫᬯᬶᬰᬾᬱᬢᬦ᭄ᬓᬧᬂ
[᭑᭕15A]
ᬧᬂ᭞ᬫᭂᬢᬸᬲᬓᬶᬂᬳᬯᬓ᭄ᬲᬫᬶ᭞ᬥᬦᬯᬮᬗ᭄ᬓᬸᬂᬰᬓ᭄ᬢᬶ᭞ᬫᭂᬢᬸᬲᬓᬶᬂᬪᬭᬦ᭄ᬓᬬᬸᬦ᭄᭞ᬫᬶᬯᬄᬤᬾᬢ᭄ᬬᬓᬪᬷᬦᬯ᭞ᬫᭂᬢᬸᬲᬓᬶᬂᬓ᭄ᬭᭀᬥᬦ᭄ᬳᬢᬶ᭞ᬫᬮᬶᬄᬫᭂᬢᬸ᭞ᬳᬶᬭᬵᬓ᭄ᬱᬲᬲᬓᬶᬂᬫᭀᬳ᭟
᭑᭙᭟ᬪᬸᬣᬬᬓ᭄ᬱᬦᬾᬳᬸᬫᭂᬢ᭄ᬯ᭞ᬲᬓᬶᬂᬓᬧᬵᬮᬦ᭄ᬳᬗ᭄ᬮᬶᬄ᭞ᬪᬸᬣᬤᭂᬗᭂᬦ᭄ᬲᬓᬶᬂᬮᬭ᭞ᬪᬸᬣᬓᬵᬮᬦᬾᬳᬸᬫᬶᬚᬶᬮ᭄᭞ᬲᬓᬶᬂᬢᬫᬄᬧᬸᬜᬄᬲᬳᬶ᭞ᬪᬹᬣᬧᬶᬰᬯᬦᬾᬫᭂᬢᬸ᭞ᬲᬓᬶᬂᬳ
ᬭᬶᬧ᭄‌ᬫᬸᬯᬃᬮᬸᬧ᭞ᬓᬾᬢᭀᬲᬸᬚᬵᬢᬶᬦ᭄ᬜᬘᭂᬦᬶᬂ᭞ᬳᭂᬤᬵᬢᬦ᭄ᬥ᭄ᬭᬸᬄ᭞ᬫᬸᬮᬳᬯᬓ᭄ᬗᬯᬶ᭠ᬚᬶᬮᬂ᭟᭒᭐᭟ᬓ᭄ᬭᬡᬚᬦᬶᬫᬸᬂᬧᬸᬂᬩᬚᬂ᭞ᬯᬗᬸᬦᬂᬓᬃᬫᬦᬾᬬᬸᬓ᭄ᬢᬶ᭞ᬯᭂᬓᬲ᭄ᬬᬾᬦᬶᬂᬲᬸᬩᬢᬸᬯ᭞
ᬮᬶᬬᬸᬯᭀᬯᬗᬮᬗᬾᬧ᭄ᬭᬧ᭄ᬢ᭞ᬢᬦᬶᬫᬫ᭄ᬧᬸᬄᬢᬸᬦᬪᬹᬓ᭄ᬢᬶ᭞ᬲᬓᬶᬢ᭄ᬪᬸᬣᬢᬸᬭᬶᬂᬯᬶᬓᬸ᭠ᬦ᭄ᬳᭂᬜᬾᬦ᭄ᬳᬦᬓᬾᬘᬕᭂᬭᬂ᭞ᬮᬓᬃᬫᬶᬢᬸᬤᬸᬳᬶᬦ᭄ᬫᬃᬕᬶ᭞ᬲ᭄ᬯᬾᬘ᭄ᬙᬦᬸᬦ᭄ᬢᬸᬦ᭄᭞ᬗ᭄ᬭᬓ᭄ᬱᬤᬶ᭠ [ 16 ][᭑᭕15B]
᭑᭕
ᬚᬮᬦ᭄ᬤᬸᬃᬕᬫ᭞᭒᭑᭞ᬚᬵᬢᬶᬢᬶᬗ᭄ᬓᬄᬜᬫᬩ᭄ᬭᬬ᭞ᬓᬤᬂᬯᬃᬕᬶᬦᬾᬤᬶᬕᬸᬫᬶ᭞ᬤᬶᬫᬢᬶᬦᬾᬮᬶᬬᬸᬢᭂᬓ᭞ᬩᬳᬦ᭄‌ᬢᬺᬱ᭄ᬡᬵᬮᬶᬬᬸᬲᭂᬤᬶᬄ᭞ᬳᬤᬜᭂᬫ᭄ᬩᬄᬫᬦᬸᬢᬹᬢᬶᬦ᭄᭞ᬢᭂᬓᬤᬶᬰᬾ
ᬢ᭄ᬭᬦᬾᬧᬸᬧᬸᬢ᭄᭞ᬬᬦ᭄ᬲᬸᬩᬓᬾᬢᭀᬓᬸᬤ᭄ᬬᬂ᭞ᬳᭂᬮᬸᬂᬧᬗᬜ᭄ᬘᬦ᭄᭞ᬮᬸᬂᬢᬶᬢᬶ᭞ᬧᬢᬶᬳᭂᬦ᭄ᬢᬸᬮ᭄᭞ᬧᬚᬮᬦᬾᬧᬢᬶᬕᬩᬕ᭄᭟᭒᭑᭟ᬲᬵᬓ᭄ᬱᬵᬢ᭄ᬓᬤᬶᬮᬬᬗᬦ᭄᭞ᬧᭂᬕᬢ᭄ᬢᬮᬶᬢᭂᬫ᭄ᬧᬸᬄ
ᬳᬗᬶᬦᬾ᭞ᬦᬾᬓᬳᬸᬗ᭄ᬲᬶᬩᭀᬬᬓᬭ᭄ᬯᬦ᭄᭞ᬯᭂᬓᬲ᭄ᬳᬸᬮᬸᬂᬦᬶᬩᬾᬦ᭄ᬕᭂᬦᬶ᭞ᬲᬳᬶᬢ᭄ᬓᬲᬗ᭄ᬲᬭᬦ᭄ᬧᬗ᭄ᬕᬶᬄ᭞ᬧᬬᬸᬧᬸᬯᬸᬦ᭄ᬲᬮᬄᬳᬸᬡ᭄ᬥᬸᬓ᭄᭞ᬳᬸᬡ᭄ᬥᬸᬓ᭄ᬳᬯᬓᬾᬢᭀᬂᬧᭂᬤᬲ᭄᭞ᬮᬳᬤᬾᬤᬶᬦᬶ
ᬤᬶᬕᬸᬫᬶ᭞ᬓᬤᬾᬦ᭄ᬳᬮᬸᬄ᭞ᬘᬕᭂᬃᬫᬦᬫ᭄ᬧᬶᬓᬲᬸᬓᬦ᭄᭟᭒᭓᭟ᬬᬤ᭄ᬬᬧᬶᬦ᭄ᬲᬓᬵᬮᬲᬸᬓ᭞ᬩᬵᬦᬾᬮᬶᬬᬸᬗᭂᬮᬄᬧᬶᬧᬶᬲ᭄᭞ᬓᬜ᭄ᬘᬦ᭄‌ᬪᬸᬓ᭄ᬢᬶᬤᬕᬶᬂᬚᬕᬢ᭄᭞ᬢᭀᬦ᭄ᬤᬾᬦ᭄ᬫᬤ
[᭑᭖16A]
ᬦ᭄ᬲᬸᬓᬚᬵᬢᬶ᭟ᬲᬵᬓ᭄ᬱᬢ᭄ᬲᬸᬓᬓᬵᬧᬗᬶᬧᬶ᭞ᬲᬸᬕᬶᬄᬪ᭄ᬭᬡᬪᬹᬓ᭄ᬢᬶᬧᭂᬦᬸᬄ᭞ᬲᬸᬩᬳᭂᬦ᭄ᬢᭂᬦ᭄ᬢᭂᬮᬄᬳᬶᬮᬂ᭞ᬢ᭄ᬯᬭᬳᬤᬫᬦᬸᬢᬸᬭᬶᬦ᭄᭞ᬤᬤᬶᬦᬶᬧᬸᬦ᭄᭞ᬲᬸᬓᬦᬾᬫᬯᬮᬶᬤᬸᬓ᭟᭒᭔᭟
ᬥᬃᬫᬲᬓ᭄ᬱᬵᬢ᭄ᬫᬃᬕᬳᬦ᭄ᬢᬃ᭞ᬢ᭄ᬯᬭᬳᬤᬫᬜᬦ᭄ᬢᬸᬮᬶᬦ᭄᭞ᬥᬃᬫ᭄ᬫᬲᬵᬓ᭄ᬱᬢ᭄ᬧ᭄ᬭᬯᬸᬋᬓᭀ᭞ᬳᬫ᭄ᬩᬳᬶᬦ᭄ᬫᬗ᭄ᬮᬶᬯᬢ᭄ᬧᬲᬶᬄ᭞ᬥᬃᬫᬲᬵᬓ᭄ᬱᬵᬢ᭄ᬲᬂᬳ᭄ᬬᬂᬭᬯᬶ᭞ᬫᬜᬸᬮᬸᬳᬶᬦ᭄ᬩᬸᬯᬦᬳᬕᬸᬂ᭞ᬥᬃ
ᬫᬦᬾᬲᬵᬓ᭄ᬱᬵᬢ᭄ᬲᬲᬓᬵ᭞ᬲᬓᬜ᭄ᬚᬕᬢ᭄ᬢᬶᬕᬘᭂᬦᬶᬂ᭞ᬓ᭄ᬭᬡᬓᬸᬓᬸᬄ᭞ᬥᬃᬫᬓᬡ᭄ᬝᬶᬦ᭄‌ᬘᬢᬸᬃᬚᬤ᭄ᬫᬵ᭟᭒᭕᭟ᬧᬶᬦᬓᬵᬤᬶᬲᬂᬧᬡ᭄ᬥᬶᬢ᭞ᬳᬶᬯᬬᬦ᭄ᬫᬵᬢᬹᬃᬳᬭᬶᬲ᭄᭞ᬭᬭᬶᬲᬂᬕᬸᬭᬸᬭᬭᬶᬲᬂ᭞ᬧᬶ᭠
ᬤᬃᬣᬬᬂᬲᬦᬾᬫᬗ᭄ᬓᬶᬦ᭄᭞ᬫᬗ᭄ᬤᬵᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬢᬶᬗ᭄ᬓᬄᬘᬢᬸᬃᬯᬃᬘᬇᬓᬸ᭞ᬯᬦᬰᬭᬫᬦᬸᬢᬸᬭᬂ᭞ᬓᬡ᭄ᬥᬦ᭄ᬜᬦᬾᬲᬶᬓᬶᬲᬶᬓᬶ᭞ᬳᬶᬲᬶᬦᬶᬧᬸᬦ᭄᭞ᬕᬶᬡᬦ᭄ᬢᬶᬳᬗ᭄ᬕᬾᬦᬵᬫᬦᬶᬫ᭄ᬩᬵ [ 17 ][᭑᭖16B]
᭑᭖
ᬮ᭄᭚᭜᭚ᬕᬶᬡᬦ᭄ᬢᬶ᭚᭜᭚᭑᭟ᬘᬢᬸᬃᬯᬃᬡᬮᬸᬯᬶᬃᬳᬶᬧᬸᬦ᭄᭞ᬩ᭄ᬭᬵᬳ᭄ᬫᬓ᭄ᬱᬵᬢ᭄ᬭᬶᬬᬘᭂᬦᬶᬂ᭞ᬯᬾᬰ᭄ᬬᬰᬸᬤ᭄ᬭᬕᭂᬦᭂᬧ᭄ᬧᬢ᭄ᬧᬢ᭄᭞ᬫᬜᬵᬫᬬᬢᬸᬗ᭄ᬕᬮ᭄ᬩᬶᬩᬶ᭞ᬢᬸᬗ᭄ᬕᬮ᭄ᬩᬧᬤᬶᬦᬶᬍᬓ
ᬤ᭄᭞ᬫᬧᬸᬦ᭄ᬤᬸᬄᬳᬶᬤᬸᬧ᭄ᬤᬶᬕᬸᬫᬶ᭟᭒᭟ᬩ᭄ᬭᬳ᭄ᬫᬵᬡᬧᬶᬦᬶᬄᬮᬸᬳᬸᬃ᭞ᬩᭀᬬᬲᬗ᭄ᬓᬦ᭄ᬭᬶᬬᬶᬦ᭄ᬫᬶᬚᬶᬮ᭄᭞ᬧᬕᭂᬄᬪ᭄ᬭᬢᬦᬾᬫᬓ᭄ᬭᬫ᭞ᬭᭀᬭᬲ᭄ᬪᬭᬢᬳᬶᬤᬵᬘᭂᬦᬶᬂ᭞ᬲᬵᬓ᭄ᬱᬵᬢ᭄ᬲᬜ᭄ᬚᬢᬉᬢ᭄ᬢᬫ
᭞ᬫᬗᬮᬄᬰᬢ᭄ᬭᬸᬦᬶᬂᬕᬸᬫᬶ᭟᭒᭟ᬩ᭄ᬭᬳ᭄ᬫᬵᬡᬧᬶᬦᬶᬄᬮᬸᬳᬸᬃ᭞ᬩᭀᬬᬲᬗ᭄ᬓᬦ᭄ᬭᬶᬬᬶᬦ᭄ᬫᬶᬚᬶᬮ᭄᭞ᬧᬕᭂᬄᬪ᭄ᬭᬢᬦᬾᬫᬓ᭄ᬭᬫ᭞ᬭᭀᬭᬲ᭄ᬪᬭᬢᬳᬶᬤᬵᬘᭂᬦᬶᬂ᭞ᬲᬵᬓ᭄ᬱᬢ᭄ᬲᬜ᭄ᬚᬢᬉᬢ᭄ᬢᬫ
ᬕᬶᬡᬦ᭄ᬢᬶ᭞ᬫᬗᬮᬄᬰᬢ᭄ᬭᬸᬦᬶᬂᬕᬸᬫᬶ᭟᭓᭟ᬮᬸᬯᬶᬃᬪ᭄ᬭᬢᬦ᭄ᬳᬶᬤᬫᬸᬗ᭄ᬕᬸᬄ᭞ᬧᬺᬣᬫᬥᬫᬦᬾᬚᬵᬢᬶ᭞ᬗᬕᭂᬫ᭄ᬓᭀᬚᬭᬶᬂᬅᬕᬫ᭞ᬅᬧᬦ᭄ᬫᬭᬕᬕᬸᬭᬸᬦ᭄ᬕᬸᬫᬶ᭞ᬓᬧᬶᬦ᭄ᬤᭀᬲᬢ᭄ᬬᬢᬦ᭄ᬳᬸᬩᬄ᭞ᬢᬧ
ᬪᬭᬢᬓᬧᬶᬂᬢ᭄ᬭᬶᬦᬶ᭟᭔᭟ᬢᭂᬕᭂᬲ᭄ᬢᬧᬚᬵᬢᬶᬦᬶᬧᬸᬦ᭄᭞ᬧᬜ᭄ᬘᬾᬦ᭄ᬤ᭄ᬭᬷᬬᬦᬾᬧᬶᬬᭂᬭᬶ᭠ᬦ᭄᭞ᬥᬫᬪ᭄ᬭᬢᬓᬧᬶᬂᬳᬫ᭄ᬧᬢ᭄᭞ᬗᬶᬲᬫᬶᬢᬸᬢᬸᬭᬶᬦ᭄ᬓᬧ᭄ᬢᬶ᭞ᬢᬸᬯᬭᬫᬪᬶᬦᬪᬶᬦᬬᬦ᭄᭞
[᭑᭗17A]
ᬫᬋᬧ᭄ᬭᬶᬂᬲᬫᬤᬸᬫᬤᬶ᭟᭕᭟ᬯᬶᬫᬢ᭄ᬲᬭᬶᬬᬢ᭄ᬯᬫᬸᬗ᭄ᬕᬸᬄ᭞ᬪ᭄ᬭᬢᬓᬧᬶᬂᬫᬘᭂᬦᬶᬂ᭞ᬢᬦ᭄ᬳᬶᬃᬰ᭄ᬬᬳᬶᬤᬭᬶᬂᬚᬕᬢ᭄᭞ᬅ᭄ᬭᬶᬄᬫᬗᬭᬦ᭄ᬓᬧᬶᬂᬱᬱ᭄ᬢᬶ᭞ᬢᬦ᭄ᬕᬶᬗ᭄ᬕᬂᬫᬸᬗ᭄ᬕᬸᬄᬭᬶᬂᬘᬶᬢ᭄ᬢ᭞ᬢᬶᬝᬷᬓ᭄ᬱᬵ
ᬪᬭᬢᬧᬶᬂᬲᬧ᭄ᬢᬶ᭟᭖᭟ᬢᬶᬝᬶᬓ᭄ᬱᬵᬢᭂᬕᭂᬲ᭄ᬳᬶᬧᬸᬦ᭄᭞ᬢᬦ᭄ᬓᭂᬭᭀᬥᬘᭂᬦᬶᬂᬚᬵᬢᬶ᭞ᬧᬶᬂᬓᬸᬢᬸᬲᬾᬳᬦᬲᬸᬬ᭞ᬢᬦ᭄ᬗᬃᬥᬶᬤᭀᬱᬭᬶᬂᬕᬸᬫᬶ᭞ᬧᬶᬂᬲᬗ᭄ᬳᬵᬬᬚ᭄ᬜᬵᬫᬦᬶᬫ᭄ᬩᬮ᭄᭞ᬢᬦ᭄ᬫᬭᬶᬗ᭄ᬱ᭄ᬝ᭄
ᬯᬯᬶᬥᬶ᭟᭗᭟ᬓᬧᬶᬂᬤᬰᬤᬵᬦᬦᬸᬮᬸᬲ᭄᭞ᬫᬯᬾᬯᬾᬄᬫᬭᬶᬂᬅᬲᬫᬶ᭞ᬥᬺᬢ᭄ᬢᬶᬪ᭄ᬭᬢᬓᬧᬶᬂᬲᭀᬮᬲ᭄᭞ᬘᬶᬢ᭄ᬢᬦᬶᬃᬫᬮᬫᬳᭂᬦᬶᬂ᭞ᬓ᭄ᬱᬫᬦᬾᬓᬧᬶᬂᬭᭀᬭᬲ᭄᭞ᬢᬦ᭄ᬕᬶᬗ᭄ᬕᬂᬢᬶᬦ᭄ᬥᬶᬄᬭᬶᬂ
ᬚᬵᬢᬶ᭟᭘᭟ᬳᬸᬮᬄᬓ᭄ᬱᬢ᭄ᬭᬶᬬᬦᬾᬳᬶᬢᬸᬂ᭞ᬢᭂᬍᬩ᭄ᬫᬭᬶᬂᬯᬾᬤᬵᬚᬵᬢᬶ᭞ᬢᬦ᭄ᬲᬸᬭᬸᬤ᭄ᬫᬕ᭄ᬦᬶᬬᭀᬢ᭄ᬭ᭞ᬬᬚ᭄ᬜᬵᬤᬵᬦᬦᬾᬢᬦ᭄ᬫᬭᬶ᭞ᬫᬭᬵᬕᬕᬸᬭᬸᬯᬶᬰᬾᬱ᭞ᬗ᭄ᬭᬓ᭄ᬱᬳᬮᬳ [ 18 ][᭑᭗17B]
᭑᭗
ᬬᬸᬦ᭄ᬕᬸᬫᬶ᭟᭙᭟ᬳᬸᬮᬄᬯᬾᬰ᭄ᬬᬦᬾᬓᬯᬸᬯᬸᬲ᭄᭞ᬢᬦ᭄ᬫᬭᬶᬫᬸᬭᬸᬓ᭄ᬭᬶᬂᬋᬱᬶ᭞ᬫᬶᬯᬄᬭᬶᬂᬓ᭄ᬱᬢ᭄ᬭᬶᬬᬯᬗ᭄ᬰᬵ᭞ᬫᬤᬵᬦᬧᬹᬜᬭᬶᬂᬕᬸᬫᬶ᭞ᬭᬶᬓᬮᬰᬸᬪᬵᬤᬶᬯᬱ᭞ᬢᭂᬍᬩ᭄ᬭᬶᬂᬳ᭄ᬬᬂᬢᬶᬕᬕᭂᬦᬶ
᭟᭑᭐᭟ᬢᬶᬕᬕᭂᬦᬶᬚᬵᬧᬸᬦ᭄᭞ᬓᬧᬺᬣᬫᬳᬭᬦᬾᬓᬶ᭞ᬳᬳᬯᬦᬶᬓᬚᬃᬰᬲ᭄ᬢ᭄ᬭ᭞ᬳᬧᬶᬧᬗ᭄ᬭᬢᭂᬗᬦ᭄‌ᬪᬹᬓ᭄ᬢᬶ᭞ᬓᬧᬶᬦ᭄ᬤᭀᬩᬕᬲ᭄ᬧᬢ᭄ᬬ᭞ᬕᭂᬦᬶᬰᬓ᭄ᬱᬶᬭᬶᬓᬵᬮᬦᬶᬂ᭟᭑᭑
᭟ᬧᬯᬭᬗᬦ᭄ᬓᬮᬇᬓᬸ᭞ᬘᬶᬢ᭄ᬢᬕᭂᬦᬶᬓᬧᬶᬂᬢᭂᬭᬶ᭞ᬕᭂᬦᬶᬧᬗᭂᬲᭂᬗᬦ᭄ᬚᬯ᭞ᬧᬶᬦᬹᬚᬲᬂᬯᬾᬰ᭄ᬬᬲᬳᬶ᭞ᬢᬦ᭄ᬕᬶᬗ᭄ᬕᬂᬥᬫᬸᬮᬶᬳ᭞ᬫᬗᬸᬗ᭄ᬲᬶᬥᬦᬶᬂᬤᬤᬶ᭟᭑᭒᭟ᬬᬦᬶᬂᬳᬸᬮᬄᬲᬸᬤ᭄ᬭ
ᬇᬓᬸ᭞ᬭᬸᬫᬓᭂᬢ᭄ᬪᬓ᭄ᬢᬶᬲᬸᬫᬶᬯᬶ᭞ᬭᬶᬂᬩ᭄ᬭᬵᬳ᭄ᬫᬡᬲᬦ᭄ᬓᭂᬲᬢ᭄ᬭᬶᬬ᭞ᬫᬭᬶᬂᬯᬾᬰ᭄ᬬᬓ᭠ᬧᬶᬂᬢ᭄ᬭᬶᬦᬶ᭞ᬨᬮᬦ᭄ᬲᬢ᭄ᬬᬧᬧᬳᬶᬮᬂ᭞ᬲᬶᬥᬓᬵᬃᬬ᭄ᬬᬲᬶᬥᬓᬧ᭄ᬢᬶ᭟᭑᭓᭟ᬩᬓᬸᬳᬕᬸᬂᬢ᭄ᬯᬭ
[᭑᭘18A]
ᬫᬦᬹᬢ᭄᭞ᬕᭂᬮᬃᬪ᭄ᬭᬢᬓᭀᬘᬧ᭄ᬩᬸᬦᬶ᭞ᬳᭂᬦ᭄ᬢᭀᬫᬵᬤᬦ᭄ᬲᬮᬄᬲᬸᬓᬢ᭄᭞ᬗᬦᬶᬱ᭄ᬝᬬᬂᬜᬫᬚᬵᬢᬶ᭞ᬳᬗ᭄ᬕᬦᬶᬂᬓᬤᬶᬯᬶᬘᬭ᭞ᬦᬕᬶᬄᬫᭂᬦᬂᬢᬦ᭄ᬧᬪᬹᬓ᭄ᬢᬶ᭞᭑᭔᭟ᬳᬧᬳᬗ᭄ᬕᭀ
ᬦ᭄ᬪᬸᬓ᭄ᬢᬶᬢᬸᬳᬸ᭞ᬫᬶᬢ᭄ᬯᬶᬬᬂᬳᬕᬸᬂᬚᬵᬢᬶ᭞ᬬᬦ᭄ᬤᬶᬳᬤᭂᬕ᭄ᬫᬮᬄᬲᬸᬓᬢ᭄᭞ᬬᬦ᭄ᬤᬶᬕᭀᬩᬮᬗ᭄ᬓᬸᬂᬤᭂᬓᬶᬮ᭄᭞ᬬᬦ᭄ᬤᬶᬰᬵᬲ᭄ᬢ᭄ᬭᬓᬢᬸᬦᬬᬦ᭄᭞ᬬᬦ᭄ᬤᬶᬫᬸᬜᬶᬗᬦ᭄ᬤᬂᬲᬳᬶ᭟᭑᭕᭟ᬬᬦ᭄ᬤᬶᬳᬶᬥᭂᬧ᭄ᬩᭂ
ᬮ᭄‌ᬧᬸᬗ᭄ᬕᬸᬂ᭞ᬮᬓ᭄ᬱᬡᬦᬾᬲᬶᬕᬸᬕ᭄ᬲᬳᬶ᭞ᬬᬦ᭄ᬤᬶᬪᬹᬓ᭄ᬢᬶᬓᬢᬸᬦᬬᬦ᭄᭞ᬳᬧᬦᬾᬮᬓᬃᬢᬶᬦ᭄ᬤᬶᬳᬶᬦ᭄᭞ᬪᬹᬓ᭄ᬢᬶᬦ᭄ᬳᬕᬸᬗᬾᬧᬲᬚ᭞ᬭᬚᬄᬢᬫᬄᬇᬦ᭄ᬤ᭄ᬭᬷᬬᬦ᭄ᬳᬢᬶ᭞᭑᭖᭟ᬲᬶᬦᬄᬮᬓᬃ
ᬳᬮᬧᬗ᭄ᬕᬸᬄ᭞ᬓᬵᬮᬦᬾᬜᬸᬲᬸᬧ᭄ᬭᬶᬂᬕᬸᬫᬶ᭞ᬰᬹᬦ᭄ᬬᬦᬶᬃᬪᬵᬦᬦᬾᬳᬶᬮᬂ᭞ᬧᬜ᭄ᬘᬯᬶᬰᬬᬜᬸᬲᬸᬧᬶᬦ᭄᭞ᬭᬢᬸᬦᬾᬓᬶᬘᬘᬮ᭄ᬚᬕᬢ᭄᭞ᬧᬡ᭄ᬥᬶᬢᬓᬶᬘᬮᬦ᭄ᬳᬚᬶ᭟᭑᭗᭟ᬯᬾᬰ᭄ᬬᬪᬹᬓ᭄ᬢᬶᬦ᭄ᬜ [ 19 ][᭑᭘18B]
ᬢᬦ᭄ᬓᬦ᭄ᬢᬸᬦ᭄᭞ᬲᬸᬤ᭄ᬭᬓᬧᭂᬕᬢᬦ᭄ᬲᬸᬦ᭄ᬤᬶᬄ᭞ᬤᬺᬰᬗ᭄ᬲᬫᬹᬓ᭄ᬢᬶᬭᬶᬂᬚᬕᬢ᭄᭞ᬦᬺᬰᬗ᭄ᬲᬢᭂᬕᭂᬲ᭄ᬜᬚᬵᬢᬶ᭞ᬫᬫ᭄ᬭᬶᬳᬂᬲᬸᬓᬥᬯᬓ᭄᭞ᬓ᭄ᬭᬡᬧᬬᬸᬓᬮᬶᬚᬦᬶ᭟᭑᭘᭟ᬬᬦᬶᬂᬭᬢᬸᬯᭂᬤᬶᬳᬶᬓᬸ᭞ᬢᬦ᭄ᬢᭂ
ᬧᭂᬢ᭄ᬭᬶᬂᬳᬸᬮᬄᬚᬵᬢᬶᬲᬂᬩ᭄ᬭᬵᬳ᭄ᬫᬡᬲᬂᬯᬪᬵᬓ᭄ᬱ᭞ᬯᬾᬰ᭄ᬬᬮᬸᬧᬭᬶᬂᬓ᭄ᬭᬫᬵᬤᬶ᭞ᬰᬸᬤ᭄ᬭᬍᬫᭂᬄᬫᬦᬾᬯᬓ᭞ᬭᬶᬂᬲᬂᬢᬶᬕᬓᬸᬘᬧ᭄ᬗᬸᬦᬶ᭟᭑᭙᭟ᬦᬄᬭᬾᬭᬾᬦᬂᬫᬮᬸᬦᬸᬢᬹᬃᬲᬢ᭄ᬯᬓᬮᬶᬚ
ᬦᬶ᭞ᬲᬂᬳ᭄ᬬᬂᬲᬹᬃᬬ᭄ᬬᬗᬭᭀᬭᭀᬓᬦ᭄ᬗ᭄᭞ᬳᬶᬮᬳᬶᬮᬓᭀᬚᬃᬅᬚᬶ᭞ᬯᭂᬓᬲ᭄ᬩᬸᬯᬶᬦ᭄ᬮᬦ᭄ᬢᬸᬭᬂ᭞ᬳᬶᬤᬸᬓᬸᬄᬭᬭᬶᬲ᭄ᬦᬶᬗ᭄ᬕᬮᬶᬦ᭄᭟᭒᭐᭟ᬗᬫ᭄ᬩᬶᬮ᭄ᬧᬓ᭄ᬱᬶᬲᬤᬳᬲ᭄ᬭᬸ᭞ᬧᬘᬂᬫᬫᬶᬓᬢ᭄ᬦᬾᬫᬗ᭄ᬓᬶᬦ᭄᭞ᬓ᭠
ᬘᬭᬶᬢᬯᬬᬦ᭄ᬘᬶᬢ᭞ᬤᬶᬧᬤᬸᬓᬸᬳᬦ᭄ᬫᬫᬶᬦᭂᬳᬶᬦ᭄᭞ᬲᬤᬕᬶᬂᬢᬸᬢᬹᬃᬧᬸᬦᬶᬓᬵ᭞ᬢᬦ᭄ᬲᬶᬫ᭄ᬧᬂᬢᬸᬳᬸᬲᬸᬚᬵᬢᬶ᭟᭒᭑᭟ᬗᬫ᭄ᬩᬶᬮ᭄ᬮᭀᬦ᭄ᬢᬃᬯᬱ᭄ᬝᬦ᭄ᬳᬶᬧᬸᬦ᭄᭞ᬧᬃᬣᬬᬚ᭄ᬜᬓᬯᬘᬾᬦᬶᬦ᭄᭞᭠
[᭑᭙19A]
ᬤᬹᬃᬫ᭞ᬢᬢ᭄ᬯᬧᬫᬃᬕᬶᬦ᭄ᬲᬂᬧᬃᬣ᭞ᬗᬸᬗ᭄ᬲᬶᬕᬸᬦᬸᬂᬲᬦᬾᬫᬗ᭄ᬓᬶᬦ᭄᭞ᬦᬾᬫᬵᬤᬦ᭄ᬳᬶᬦ᭄ᬤ᭄ᬭᬓᬶᬮ᭞ᬧᬘᬂᬫᬗ᭄ᬯᬗᬸᬦᬂᬓᬾᬃᬣᬶ᭟᭚᭜᭚ᬧᬸᬄᬤᬹᬃᬫ᭄ᬫ᭚᭜᭚ᬧᬸᬄᬤᬹᬃᬫ᭄ᬫ᭚᭜᭚᭑᭟ᬓᭂᬫ᭄ᬩᬂᬤᬹᬃᬫᬗ᭄ᬕᬾᬦ᭄ᬫᬗ᭄ᬮᬦ᭄ᬢᬸᬭᬂᬲ
ᬢ᭄ᬯᬵ᭞ᬓᭀᬘᬧ᭄ᬚᬤ᭄ᬫᬵᬳᬥᬶᬭᬶ᭞ᬫᬳᬭᬦ᭄ᬳᬶᬭᬚᬄ᭞ᬲᬓᬾᬂᬩᬜ᭄ᬚᬃᬥᬓ᭄ᬱᬶᬦ᭞ᬤᬾᬰᬚᬕ᭄ᬭᬧᬵᬤᬫᬗ᭄ᬓᬶᬦ᭄᭞ᬢᭂᬓᬫᬗᬸᬜ᭞ᬓᬧᬤᬸᬓᬸᬳᬦ᭄ᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟᭒᭟ᬅᬧᬦ᭄ᬫᬸᬮᬫᬲᬸᬯᬶᬢ᭄ᬭᬳᬸ
ᬮᬶᬓᬸᬦᬵ᭞ᬢᭂᬓᬾᬦ᭄ᬯᬬᬦ᭄ᬘᬶᬢᬚᬵᬢᬶ᭞ᬢᬺᬱ᭄ᬡᬵ᭞ᬳᬸᬜᬲᬮᬶᬂᬳᬸᬜ᭞ᬲᬢᭂᬓᬦ᭄ᬜᬦᬾᬓᬧᬗ᭄ᬕᬶᬄ᭞ᬳᬶᬯᬬᬦ᭄ᬘᬶᬢ᭞ᬲᭂᬥᭂᬓ᭄ᬫᬫᬘᬓᬓᬯᬶᬦ᭄᭟᭓᭟ᬯᬬᬦ᭄ᬘᬶᬢᬗᭂᬚᬂᬮᭀᬦ᭄ᬢᬃᬭᬭᬶ
ᬲ᭄ᬫᬜᬧ᭞ᬩᭂᬮᬶᬫᬥᬾᬯᬳᬸᬧ᭄ᬭᬧ᭄ᬢᬶ᭞ᬗ᭄ᬭᬕᬢᬦ᭄ᬧᬭᭀᬯᬂ᭞ᬭᬭᬶᬲᬂᬩᭂᬮᬶᬫᬸᬗ᭄ᬕᬳᬦ᭄᭞ᬭᬶᬂᬓᭀᬃᬱᬶᬦᬾᬩᭂᬮᬶᬫᬮᬶᬗ᭄ᬕᬶᬄ᭞ᬳᬶᬭᬚᬲ᭄ᬫᬦᭂᬕᬓ᭄᭞ᬢᬦ᭄ᬤᬂᬳᭀᬩᬄᬕᭂᬚᬃᬕᭂᬚᬶᬃ᭟᭔᭟ᬮᬯᬸ [ 20 ][᭑᭙19A]
᭑᭙
ᬢ᭄ᬗᭀᬃᬣᬫᬗᭀᬃᬣᬬᬂᬓᬜ᭄ᬘᬦ᭄ᬢᬯᬄ᭞ᬢᬦ᭄ᬧᬧᬹᬃᬯ᭄ᬯᬢᬦ᭄ᬧᬳᬶᬦ᭄ᬤᬶᬓ᭄᭞ᬘᬭᬳᬦᬓ᭄ᬧᬸᬜᬄ᭞ᬲᬢ᭄ᬯᬦᬾᬦᭀᬂᬓ᭄ᬮᬂᬦᭀᬂᬓ᭄ᬮᬶᬂ᭞ᬤᬶᬦᬶᬤᬶᬢᬸᬓᭂᬫᬫᬳᬶ᭞ᬗᭀᬃᬣᬫᭂᬦᬂ᭞ᬤᬶᬢᬢᬚᬾᬦ᭄ᬮᬶᬫᬂᬢᬮᬶ
᭟᭕᭟ᬢᭀᬦ᭄ᬤᬾᬦ᭄ᬜᬭᬶᬓ᭄‌ᬓᬜ᭄ᬘᬦ᭄ᬰᬓ᭄ᬢᬶ᭟᭖᭟ᬲᬸᬯᬸᬤ᭄ᬗᭀᬃᬣᬫᬭᬳᬶᬬᬫᬦᬓᭀᬦᬂ᭞ᬳᬧᬧᬜ᭄ᬘᬳᬤᬶᬢᬸᬦᬶ᭞ᬯᬬᬦ᭄ᬘᬶᬢ᭄ᬢᬦᬶᬫ᭄ᬩᬮ᭄᭞ᬧᬃᬣᬬᬚ᭄ᬜᬵᬯᬱ᭄ᬝᬦ᭄ᬜᬵ᭞ᬧᬫᬃᬕᬶᬦ᭄ᬲᬂᬢᬧᬗᬹᬦᬶ᭞ᬧ
ᬦ᭄᭞ᬓᬜ᭄ᬘᬦ᭄ᬢᭂᬗᭂᬢ᭄‌ᬓᬜ᭄ᬘᬦ᭄ᬰᬓ᭄ᬢᬶ᭟᭖᭟ᬲᬸᬯᬸᬤ᭄ᬗᭀᬃᬣᬫᬭᬳᬶᬬᬫᬦᬓᭀᬦᬂ᭞ᬳᬧᬧᬜ᭄ᬘᬳᬤᬶᬢᬸᬦᬶ᭞ᬯᬬᬦ᭄ᬘᬶᬢ᭄ᬢᬦᬶᬫ᭄ᬩᬮ᭄᭞ᬧᬃᬣᬬᬚ᭄ᬜᬵᬯᬱ᭄ᬝᬦ᭄ᬜᬵ᭞ᬧᬫᬃᬕᬶᬦ᭄ᬲᬂᬢᬧᬗᬹᬦᬶ᭞ᬧ
ᬘᬂᬫᬢᬧ᭞ᬫᬭᬶᬂᬇᬦ᭄ᬤ᭄ᬭᬓᬶᬮᬕᬶᬭᬶ᭟᭗᭟ᬢᭀᬦ᭄ᬤᭂᬦ᭄ᬜᬭᬶᬓ᭄ᬧᬭᬶᬤᬃᬣᬦ᭄ᬜᬵᬳᬶᬯᬬᬦ᭄᭞ᬫᬥᬾᬭᬚᬲ᭄ᬦᬶᬫ᭄ᬩᬮ᭄ᬳᬭᬶᬲ᭄᭞ᬲᬚᬓᬤᬶᬳᭀᬃᬣ᭞ᬓᬤᬶᬧᬶᬲᬭᬢ᭄ᬧᬶᬲᬦ᭄᭞ᬗᬸᬮᬶᬓ᭄ᬥᬃᬫ᭄ᬫᬵ
[᭒᭐20A]
ᬩᭂᬓᭂᬮ᭄ᬫᬢᬶ᭞ᬗᭂᬚᬂᬕᬕᬫᬦ᭄᭞ᬲᬸᬓᬯᬶᬃᬬ᭄ᬬᬦᬾᬤᬶᬕᬸᬫᬶ᭟᭘᭟ᬤᬤᬶᬓᭀᬜᬂᬩᭂᬮᭀᬕᬾᬧᭀᬦ᭄ᬤᭀᬂᬤᬶᬚᬕᬢ᭄᭞ᬳᭂᬜᬾᬦ᭄ᬲᬚᬫᬦᬸᬢᬸᬭᬶᬦ᭄᭞ᬳᬤᬶᬫᬮᬚᬄᬥᬃᬫ᭞ᬫᬕ᭄ᬮᬃᬢᬧᬪ᭄ᬭ
ᬢ᭞ᬫᬦᬸᬦᬳᬶᬦ᭄ᬲᬃᬯ᭄ᬯᬪᬹᬓ᭄ᬢᬶ᭞ᬫᬗᬮᬶᬄᬲ᭄ᬯᬃᬕ᭞ᬯᭂᬓᬲ᭄ᬤᬶᬲᬸᬩᬦᬾᬫᬢᬶ᭟᭙᭟ᬅᬯ᭠ᬓ᭄ᬓᬵᬧᬸᬲ᭄‌ᬢᭀᬂᬤᬤᬶᬓᭂᬦᭂᬳᬂ᭞ᬳᬯᬓᬾᬢᬸᬦ᭄ᬤᬾᬦᬫᬢᬶ᭞ᬳᬦᬾᬧᬸᬬᬸᬂᬲᭂᬧᭂᬮᬂ᭞ᬳᬦᬾᬫᬶᬲᬶ᭠
ᬳᭂᬦ᭄ᬢᬸᬗᬂ᭞ᬳᭂᬦ᭄ᬢᭀᬚᬢᬶᬳᬯᬓ᭄ᬧᬮᬶᬂ᭞ᬲᭂᬗ᭄ᬕᬸᬳᬂᬫᬺᬢ᭞ᬗᬸᬗ᭄ᬲᬶᬯᬶᬱ᭄ᬬᬓᬳᬭᬦᬶᬦ᭄᭟᭑᭐᭟ᬳᬧᬓᬭᬡᬤᬤᬶᬳᬤᬶᬲᬭᬢ᭄ᬧᭂᬲᬦ᭄᭞ᬗᬸᬮᬶᬓ᭄ᬥᬃᬫᬩᭂᬓᭂᬮ᭄ᬫᬢᬶ᭞ᬗᬸᬕᬸᬭᬯᭀᬲ᭄‌ᬩᭀ
ᬗᬗ᭄᭞ᬫᬦᬸᬢᬸᬭᬂᬳᬤᬧᬧ᭞ᬳᬤᬲ᭄ᬯᬃᬕᬯᭂᬓᬲ᭄ᬫᬢᬶ᭞ᬚᬵᬢᬶᬦ᭄ᬜᬵᬳᬤ᭞ᬧᬧᬲ᭄ᬯᬃᬕ᭄ᬕᬵᬫᬭᬶᬂᬕᬸᬫᬶ᭟᭑᭑᭟ᬬᬾᬦᬶᬂᬮᬘᬸᬃᬭᬗᭂᬮᬄᬳᬧᬦᬵᬧᬦ᭄᭞ᬳᭂᬦ᭄ᬢᭀᬫᬵᬤᬦ᭄ᬧᬧᬚᬵᬢᬶ᭞᭠ [ 21 ][᭒᭐20B]
᭒᭐
ᬢᬶᬩᬵᬫᬭᬶᬂᬓᬯᬄ᭞ᬓᬯᬄᬢᭂᬕᭂᬲ᭄ᬜᬇᬓ᭞ᬓᬄᬬᬸᬦ᭄ᬢᭂᬕᭂᬲ᭄ᬜᬳᬤᬶ᭞ᬯᬄᬢᭂᬕᭂᬲ᭄ᬳᭀᬩᬄ᭞ᬳᭀᬩᬄᬩᬶᬗᬸᬂᬢᬸᬦᬪᬹᬓ᭄ᬢᬶ᭟᭑᭒᭟ᬬᬦᬶᬂᬲᬸᬩᬳᬯᬓ᭄ᬲᬸᬕᬶᬄᬮᬶᬬᬸᬗᭂᬮᬄ᭞ᬓᬜ᭄ᬘᬦ᭄
ᬪ᭄ᬭᬡᬫᬵᬲ᭄ᬧᬶᬧᬶᬲ᭄᭞ᬳᬲᬶᬂᬕᭂᬦᬄᬲᬶᬥ᭞ᬳᭂᬦ᭄ᬢᭀᬫᬵᬤᬦ᭄ᬲᬸᬯᬃᬕ᭞ᬲ᭄ᬯᬃᬕᬢᭂᬕᭂᬲ᭄ᬜᬦᬾᬬᬸᬓ᭄ᬢᬶ᭞ᬲᬸᬯᬃᬗᬭᬦ᭄ᬤᬫᬃ᭞ᬕ᭞ᬕᬮᬂᬚᬵᬢᬶᬳᬤᬶ᭟᭑᭓᭟ᬓᬾᬦ᭄ᬢᭀᬳᬤᬶᬗᬸᬤᬲᬗ᭄ᬓᬦ᭄ᬓᬢᬦ᭄ᬤ᭄ᬭᬸ
ᬳᬦ᭄᭞ᬳᬦᬾᬤᬶᬦᬶᬫᬶᬍᬄᬳᬮᬶᬄ᭞ᬳᬦᬾᬳᭂᬚᭀᬄᬲᬯᬢ᭄᭞ᬢ᭄ᬯᬭᬳᬤᬫᬦᬯᬂ᭞ᬮᬯᬢᬾᬢᭀᬂᬢᬳᬾᬦ᭄ᬧᬗ᭄ᬕᬶᬄ᭞ᬓᬾᬯᬮᬳᭀᬃᬣ᭞ᬮᬬᬄᬍᬫᬸᬄᬢᬦ᭄ᬧᬕᬮᬶᬄ᭟ᬫ᭟᭑᭔᭟
ᬫ᭄ᬮ
ᬚᬄᬥᬃᬫ᭄ᬫᬗᬸᬩᭂᬃᬳᭀᬃᬣᬲᬸᬚᬵᬢᬶᬦ᭄ᬜᬵ᭞ᬳᭀᬃᬣᬢᬸᬯᬭᬳᬤᬚᬵᬢᬶ᭞ᬫᬗᭀᬃᬣᬬᬂᬲ᭄ᬯᬃᬕ᭞ᬳᬤᬓᬯᬄᬯᭂᬓᬲᬦ᭄᭞ᬤᬶᬫᬢᬶᬦᬾᬮᬓᬃᬧᬗ᭄ᬕᬶᬄ᭞ᬇᬄᬳᬄᬯᬬᬦ᭄᭞ᬗᬸᬤ᭄ᬬᬂ᭠
[᭒᭑21A]
ᬗᬸᬕᬸᬫᬸᬜᬶᬧᬮᬶᬂ᭟᭑᭕᭟ᬓᬭᬡᬗᭂᬮᬶᬦᬮᬶᬳᬂᬳᭀᬃᬣᬦᬾᬳᬤ᭄ᬯ᭞ᬓᬳᬸᬘᬧ᭄ᬩᬦ᭄ᬫᬦᬄ᭞ᬬᬦᬶᬂᬤᬤᬶᬚᬤ᭄ᬫᬵ᭞ᬬᬦ᭄ᬢᬸᬯᬭᬗᭂᬮᬄᬥᬃᬫ᭞ᬯᭂᬓᬲ᭄ᬫᬢᬶᬧᬧᬧᬗ᭄ᬕᬶᬄ᭞ᬢᬶᬩᬤᬶᬓ
ᬯᬄ᭞ᬬᬫᬩᬮᬫᬜᬓᬶᬢᬶᬦ᭄᭟᭑᭖᭟ᬓᬢᬶᬕ᭄ᬢᬶᬕ᭄ᬓᬧᬸᬭᬓ᭄ᬓᬧᬸᬓᬂᬧᬸᬓᬂ᭞ᬳᬯᬓ᭄ᬲᬾᬢ᭄ᬲᬾᬢ᭄ᬧᭂᬲᬸᬕᭂᬢᬶᬄ᭞ᬤᬶᬚᬩᬓᬢ᭄ᬲᬢ᭄ᬯ᭞ᬳᬦᬓ᭄ᬤᭂᬫᭂᬦ᭄ᬫᬗᭀᬃᬣ᭞ᬢᬸᬳᬭᬗᭂᬦᭂᬳᬂᬤᬶ
ᬳᬢᬶ᭞ᬬᬾᬦ᭄ᬲᬸᬩᬧᭂᬚᬄ᭞ᬰᬯᬦᬾᬫᬢᬦᭂᬫ᭄‌ᬪᬱ᭄ᬫᬶ᭟᭑᭗᭟ᬤᬤᬶᬤᬶᬢᬸᬓ᭠ᬯᬳᬾᬫᬢᬳᬸᬮᬦ᭄᭞ᬧᭂᬲᬸᬕᭂᬢᬶᬄᬓᬸᬘᬃᬓᬘᬶᬃ᭞ᬤᬶᬚᬜᭂᬫᬓ᭄ᬢᬳᬸᬮᬦ᭄᭞ᬜᬾᬦ᭄ᬦᬾᬫᬳᬂᬫ᭠
ᬜᭂᬮᬂ᭞ᬫᬜᬦ᭄ᬤᬬᬤ᭄ᬬᬧᬶᬦ᭄ᬫᭂᬮᬶ᭞ᬅᬄᬇᬄᬇᬄᬅᬄ᭞ᬳᬦᬓ᭄ᬦᭀᬩᬩ᭄ᬤᭂᬫᭂᬦ᭄ᬗᭀᬃᬣᬶ᭟᭑᭘᭞ᬓ᭄ᬭᬡᬚᬦᬶᬤᬶᬤᬸᬧᬾᬢ᭄ᬯᬭᬲᬦ᭄ᬤᬂ᭞ᬗᬮᬶᬄᬥᬃᬫᬩᭂᬓᭂᬮ᭄ᬫᬢᬶ᭞ᬳᭂᬦ᭄ᬢᭀᬚᭂᬜᬾᬦ᭄ᬫ᭄ᬫᬦ᭠ [ 22 ][᭒᭑21B]
᭒᭑
ᬯᬂ᭞ᬳᬸᬦ᭄ᬤᬸᬓ᭄ᬳᬓᬾᬧᭂᬚᬄ᭞ᬤᬤᬶᬢᬾᬢᬾᬄᬫᬗᬤᬦᬶᬦ᭄᭞ᬳᬤᬦᬾᬧᬧ᭞ᬳᬤᬫᬗ᭄ᬕᬶᬄᬲ᭄ᬯᬃᬕᬍᬯᬶᬄ᭟᭑᭙᭟ᬬᬦᬶᬂᬳᭂᬦ᭄ᬢᭀᬕᬸᬕᭀᬦᬶᬦ᭄ᬳᬤᬶᬤᭂᬫᬦᬄ᭞ᬳᬓᭀᬦ᭄ᬳᬓᭀᬦ᭄ᬢᬸᬯᬭᬚᬵᬢᬶ
ᬦᬄᬩᭂᬮᬶᬜᬗ᭄ᬕᬸᬧᬂ᭞ᬲᬸᬯᬃᬕᬫᬮᬶᬄᬭᬶᬯᭂᬓᬲ᭄᭞ᬤᬶᬫᬢᬶᬦ᭄ᬤᬤᬶᬦᬾᬧᬗ᭄ᬕᬶᬄ᭞ᬚᬦᬶᬲᭂᬭᬳᬂ᭞ᬕᭂᬮᬄᬳᬤᬶᬓᬾᬦ᭄ᬩᭂᬮᬶ᭟᭒᭐᭟ᬭᬾᬄᬓᭀᬘᬧ᭄ᬳᬦᬓᬾᬫ᭄ᬮᬚᬳᬶᬦ᭄‌ᬰᬵᬲ᭄ᬢ᭄ᬭ᭞ᬳᬸᬯᬭᬤᭂᬫᭂ
ᬦ᭄ᬢᭂᬓᬾᬦ᭄ᬧᬶᬧᬶᬲ᭄᭞ᬫᬢᬸᬦᬳᬶᬦ᭄ᬫᬵᬬ᭞ᬳᬶᬦ᭄ᬤᬬᬂᬚᬚᬦᬶᬢᭂᬕᬭᬂ᭞ᬳᬧᬂᬳᬤᬶᬦᬯᬂᬧᬱ᭄ᬝᬶ᭞ᬤᬾᬯᬤᬶᬩᬲᬂ᭞ᬳᬶᬤᬮᬓᬃᬩᭂᬦ᭄ᬥᬸᬧᬱ᭄ᬝᬶ᭟᭒᭑᭟ᬳᬧᬮᬯᬸᬢ᭄ᬳᬗ᭄ᬕᭀᬦ᭄ᬗᬲ᭄ᬢᬶᬢ᭄ᬬᬂᬳᬶᬤ᭞ᬫᬫᬹᬃᬡ
ᬬᬂᬩᭂᬦ᭄ᬥᬸᬳᬤᬶ᭞ᬳᬶᬦ᭄ᬤᬬᬂᬓᭂᬦᭂᬳᬂ᭞ᬩᬦ᭄ᬢᭂᬦᬶᬦ᭄ᬩᬵᬦ᭄ᬲᬹᬓ᭄ᬲ᭄ᬫᬵ᭞ᬩᬳᬦ᭄ᬢᬸᬢᬸᬃᬥᬃᬫᬫᬮᬶᬄ᭞ᬲᬸᬫᬶᬗ᭄ᬓᬶᬦ᭄‌ᬤᬸᬓᬵ᭞ᬤᬶᬓᬾᬦ᭄ᬢᭀᬦᬾᬓᬸᬤ᭄ᬬᬂᬳᬤᬶ᭟᭒᭒᭟ᬓᬾᬦᬵᬢᭀᬳᬤᬶᬧᬶᬦᭂᬄᬧᬶᬦᭂᬄᬳᬧᬂ
[᭒᭒22A]
ᬫᭂᬮᬄ᭞ᬫᬸᬜᬶᬫᬦᬶᬲ᭄ᬫᬫᬦᭂᬲᬶᬦ᭄᭞ᬳᬯᬓ᭄ᬓᭂᬦᬧᬶᬓᬢ᭄᭞ᬩᬸᬓᬳᬶᬧᬓ᭄ᬱᬶᬓᬶᬢᬶᬭᬦ᭄᭞ᬢᭂᬍᬩ᭄ᬦᬶᬗᭂᬄᬫᬸᬜᬶᬫᬦᬶᬲ᭄᭞ᬧᬫᬸᬧᬸᬢ᭄ᬪᬬ᭞ᬓᭂᬦᬧᬗᬸᬧᬬᬲᬦ᭄ᬤᬶ᭟᭒᭓᭟ᬘᬸᬢᭂᬢ᭄ᬳᬤᬶᬫᬸᬂᬧᬸᬂᬳᬶ
ᬤᬸᬧ᭄‌ᬢᬸᬯᬭᬲᬦ᭄ᬤᬂ᭞ᬗᬮᬶᬄᬥᬃᬫᬦᬶᬂᬓᬧᬢᬶᬦ᭄᭞ᬫᬢᬸᬦᬳᬶᬦ᭄ᬧᬗᬦ᭄᭞ᬫᬶᬯᬄᬢᬶᬦᬸᬫ᭄ᬭᬶᬂᬚᬕᬢ᭄᭞ᬢᬦ᭄ᬓᬯᭂᬦᬂᬫᬫᬢᬶᬫᬢᬶ᭞ᬳᭂᬦ᭄ᬢᭀᬥᬃᬫᬳᬧ᭞ᬥᬃᬫᬗᬦᬶᬱ᭄ᬝᬬᬂᬯᬶᬥᬶ᭟᭒᭔᭟
ᬓᬤᬾᬦ᭄ᬳᬶᬤᬢᬸᬯᬭᬯᬶᬓᬦ᭄ᬩᬸᬯᬶᬦ᭄ᬫᬓᬃᬵᬬ᭄ᬬ᭞ᬓᬵᬭᬡᬓᬢᬸᬤᬸᬄᬚᬦᬶ᭞ᬩᬵᬦ᭄ᬲᬂᬫᬧᬶᬥᬃᬫ᭞ᬢᬦ᭄ᬤᬤᬶᬇᬗ᭄ᬲᬓᬃᬫ᭞ᬬᬦ᭄ᬧᬸᬭᬸᬕ᭄ᬧᬧᬓᬧᬗ᭄ᬕᬶᬄ᭞ᬓᬾᬦᬵᬢᭀᬳᭀᬃᬣᬦ᭄ᬜᬵ᭞ᬳᭀᬃᬣᬫᬦᬸᬗ᭄ᬓ
ᬲᬶᬦ᭄ᬚᬢᬶ᭟᭒᭕᭟ᬤᭀᬂᬓᭂᬦᭂᬳᬂᬲᬃᬯ᭄ᬯᬉᬭᬶᬧᬾᬤᬶᬚᬕᬢ᭄᭞ᬳᬶᬮᬮᬶᬧᬶᬬᬦ᭄ᬳᬸᬧᬫᬶ᭞ᬫ᭠ᬗᬫᬄᬢ᭄ᬯᬭᬜᬓ᭄᭞ᬦᬥᬄᬓᬢᬓ᭄‌ᬯ᭄ᬬᬤᬶᬦ᭄ᬕᭀᬤᭀᬕᬦ᭄᭞ᬓᬤᬶᬧᬓ᭄ᬱᬶᬳᭂᬮᬂᬫᬮᬶᬄ [ 23 ][᭒᭒22B]
᭒᭒
ᬫᬕᭂᬓᬃᬥᬃᬫ᭞ᬫᬭᬶᬫᬓ᭄ᬱᬓᭂᬤᬶᬲ᭄ᬧᬶᬢᬶᬓ᭄᭟᭒᭖᭟ᬥᬃᬫᬳᬧᬗᬮᬶᬄᬫᬢᬶᬢᬦᬶᬓᬭ᭄ᬯᬦ᭄᭞ᬓᬤᬶᬳᬶᬯᬦᬭᬷᬗᬹᬦᬶ᭞ᬤᬶᬢᬦ᭄ᬢ᭄ᬭᬶᬦᬾᬘᬭᬶᬢ᭞ᬗᭂᬮᬄᬥᬃᬫᬲᬗ᭄ᬓᬦ᭄ᬧᭂᬚᬄ᭞ᬢᭂ
ᬓᬦᬶᬂᬧᬦᬓ᭄ᬦᬾᬲᬫᬶ᭞ᬓᭂᬦᬳᬹᬧᬵᬬ᭞ᬳᬶᬧᬧᬓᬵᬤᬹᬱ᭄ᬝᬵᬪᬸᬥᬶ᭟᭠᭒᭗᭟ᬩᬸᬯᬶᬦ᭄ᬳᬤᬳᬶᬮᬸᬢᬸᬂᬫᬕᭂᬮᬃᬥᬃᬫ᭞ᬥᬃᬫᬦᬾᬜ᭄ᬭᬳᬂᬫᬹᬃᬥᬶ᭞ᬓᬧᬸᬗ᭄ᬕᬓ᭄ᬭᬶᬂᬳᬮᬲ᭄᭞ᬩᬵᬦ᭄ᬳᬶ
ᬯ᭄ᬮᬘᬶᬢ᭄ᬮᬦ᭄ᬲᬸᬭᬵᬥ᭞ᬭᬶᬂᬉᬢ᭄ᬢᬭᬫᬸᬗ᭄ᬕᬸᬄᬩᬸᬯᬶᬦ᭄᭞ᬫᬵᬤᬦ᭄ᬲᬂᬩᬓ᭞ᬫᬥᬃᬫᬗᭂ᭠ᬫᬲᬶᬦ᭄ᬫᬢᬶ᭟᭒᭘᭟ᬩᭀᬄᬓᬧᬸᬗ᭄ᬕᬮ᭄‌ᬢᬦ᭄ᬳᬦ᭄ᬢᬸᬓ᭄ᬧ᭄ᬭᬪᬸᬬᭀᬤ᭄ᬬᬧᬸᬭ᭞ᬲᬂᬭᬵᬫᬧᬭᬩᬾᬗᬹᬦᬶ
ᬮᬶᬬᬸᬲᬢ᭄ᬯᬦ᭄ᬥᬃᬫ᭄ᬫ᭞ᬫᬦᭂᬫᬸᬮᬭᬥᬬ᭞ᬧᬶᬦᭂᬄᬳᬤᬶᬳᬧᬂᬧᬱ᭄ᬝᬶ᭞ᬥᬃᬫᬫᬗᬤᬸᬯᬂ᭞ᬥᬃᬫᬫᬜᬕ᭄ᬚᬕᬶᬦ᭄ᬧᬢᬶ᭟᭒᭙᭟ᬳᬦᬾᬜᬦ᭄ᬤᬂᬕᬸᬕᭀᬦᬶᬦ᭄ᬚᬦᬶᬤᬶᬫᬦᬄ᭞ᬲᬓᬭᬶᬦᬾᬫᬸᬂ
[᭒᭓23A]
ᬧᬸᬂᬳᬸᬭᬶᬧ᭄᭞ᬳᭂᬤᬫᬜᬗ᭄ᬓᬬᬂ᭞ᬗᬸᬮᬸᬭᬶᬦᬼᬕᬦ᭄ᬫᬦᬄ᭞ᬫᬧᬗᬦ᭄ᬫᬗᬶᬦᬸᬫ᭄ᬳᬤᬶ᭞ᬚᬯᬢ᭄ᬫᬦᬦ᭄ᬤᬂ᭞ᬳᬧᬦ᭄ᬲᬸᬯᬃᬕᬸᬫᬶ᭟᭓᭐᭟ᬬᬦ᭄ᬳᬸᬧᬫᬶᬲᬚᬳᬤᬶᬓᬤᬶᬬᭀᬃᬣ᭞ᬳᬤᬲᬸᬯᬃᬕᬯᭂ
ᬓᬲ᭄ᬫᬢᬶ᭟ᬨᬮᬦ᭄ᬲᬂᬫᬥᬃ᭞ᬬᬾᬦᬶᬂᬗᭂᬮᬶᬦᬃᬓᬬᬂ᭞ᬢᬸᬯᬭᬲᬚᬓᬤᬶᬬᭀᬃᬣᬶ᭞ᬤᬶᬢᬸᬮ᭄ᬯᬶᬳᬦ᭄᭞ᬢᭂᬓᬾᬦ᭄ᬲᬸᬯᬃᬕ᭞ᬳᬭᬶᬂᬕᬸᬫᬶ᭟᭓᭑᭟ᬤᬶᬢᬸᬧᭂᬤᬲ᭄‌ᬢ᭄ᬯᬭᬳᬤᬗᬍᬕᬦᬶᬦ᭄ᬫᬦᬄ᭞ᬓᬲᬶᬲᬸᬯᬃᬕ
ᬫᬭᬶᬂᬕᬸᬫᬶ᭞ᬢᬸᬦᬫᬓᭂᬚᬂ᭞ᬢᬸᬦᬪᬸᬓ᭄ᬢᬶᬓᬭᬫᬾᬬᬦ᭄᭞ᬘᬶᬭᬶᬦ᭄ᬜᬦᬾᬲᬢ᭄ᬯᬗᬹᬦᬶ᭞ᬰ᭄ᬭᬷᬥᬃᬫᬯᬗ᭄ᬰᬵ᭞ᬢᬦ᭄ᬓᬬᬸᬦ᭄ᬫᬸᬗ᭄ᬕᬸᬄᬭᬶᬂᬲ᭄ᬯᬃᬕᬶ᭟᭒᭒᭟ᬓᬯᬶᬢ᭄ᬳᬶᬤᬵᬓᬵᬢᬹᬭᬦ᭄ᬮᬶᬗ᭄ᬕᬶᬄᬭᬶᬂᬲ᭄ᬯᬃᬕ᭞ᬳᬦ᭄ᬢᬸᬓ᭄ᬳᬶ᭠
ᬤᬳ᭄ᬬᬂᬇᬦ᭄ᬤ᭄ᬭᬳᬤᬶ᭞ᬓ᭄ᬥᭂᬄᬢᬦ᭄ᬗᬶᬭᬶᬗᬂ᭞ᬲᬶᬦᬄᬳᬶᬤᬲᬸᬩᬯᬶᬓᬦ᭄᭞ᬲ᭄ᬯᬃᬕᬦᬾᬲᬂᬢᬸᬦᬪᬹᬓ᭄ᬢᬶ᭞ᬩᬸᬯᬶᬦ᭄ᬳᬤᬲᬢ᭄ᬯ᭞ᬰ᭄ᬭᬶᬲᬸᬢᬲᭀᬫᬦᬾᬗᬹᬦᬶ᭟᭓᭓᭟ᬓᬯᬶᬢ᭄ᬳᬶᬤᬜ᭄ᬚᬬᬰᬢ᭄ᬭᬸ [ 24 ][᭒᭓23B]
᭒᭓
ᬫᬭᬶᬂᬭᬡᬵ᭞ᬗᬲᭀᬭᬂᬫᬸᬲᬸᬳᬾᬰᬓ᭄ᬢᬶ᭞ᬫᬵᬤᬦ᭄ᬚᬬᬵᬦ᭄ᬢᬓ᭞ᬲᬂᬧ᭄ᬭᬪᬸᬭᬶᬂᬭᬢ᭄ᬦᬓᬡ᭄ᬥ᭞ᬳᬶᬤᬢᬸᬮᬓ᭄ᬗᬸᬗ᭄ᬲᬶᬧᬸᬭᬶ᭞ᬳᬲ᭄ᬢᬶᬦᬧᬸᬭ᭞ᬤᬶᬫᬃᬕᬶᬯᬲ᭄ᬢᬸᬓᬧᬗ᭄ᬕᬶᬄ᭟᭒᭔᭟ᬲᬂᬳ᭄ᬬᬂᬇᬦ᭄ᬤ᭄ᬭᬧᬶᬦ᭄ᬤᬵᬳᬶ
ᬤᬫᬜᬶᬫ᭄ᬧᬂ᭞ᬫᬗ᭄ᬤᬳᬶᬤᬲ᭄ᬯᬾᬘ᭄ᬘᬳᬸᬕᬶ᭞ᬲᬶᬫ᭄ᬧᬂᬫᬭᬶᬂᬲ᭄ᬯᬃᬕ᭞ᬲᬂᬓᬳᬢᬸᬭᬦ᭄ᬢᬦ᭄ᬳᬃᬣᬵ᭞ᬳᭂᬦ᭄ᬢᭀᬘᬶᬳ᭄ᬦᬲᬸᬩᬧᬱ᭄ᬝᬶ᭞ᬲ᭄ᬯᬃᬕᬦᬾᬓᬮᬄ᭞ᬢᭂᬓᬾᬦ᭄ᬓᬲᬸᬓᬦ᭄ᬤᬶᬕᬸᬫᬶ᭞᭓᭕᭟ᬩᬸᬳᬶᬦ᭄ᬳᬤᬶ
ᬦᬄᬓᭂᬦᭂᬳᬂᬳᬧᬂᬫᭂᬮᬄ᭞ᬘᬶᬭᬶᬦ᭄ᬲᬸᬯᬃᬕᬲᬸᬯᬸᬂᬲᭂᬧᬶ᭞ᬢᬸᬦᬓᬤᬸᬦ᭄ᬬᬦ᭄᭞ᬢᬸᬭᬶᬂᬓ᭠ᬢᬸᬦᬦ᭄‌ᬫᬺᬢ᭞ᬬᬦ᭄ᬩᬦ᭄ᬤᬶᬂᬢᭂᬓᬾᬦᬶᬂᬤᬶᬕᬸᬫᬶ᭞ᬓ᭄ᬭᬡᬫᬜᬤ᭄ᬫ᭞ᬧᬭᬤᬾᬯᬢᬦᬾᬗᬹᬦᬶ᭞᭓᭖
᭟ᬫᬭᬶᬂᬗᬹᬦᬶᬲᬂᬳ᭄ᬬᬂᬦᬭᬬᬵᬡ᭞ᬤᬸᬫᬤᬶᬭᬶᬂᬤ᭄ᬯᬭᬯᬢᬷ᭞ᬤᬤᬶᬰ᭄ᬭᬶᬓᬺᬱ᭄ᬡᬵ᭞ᬳ᭄ᬬᬂᬅᬦᬵᬳᬦ᭄ᬢᬪᭀᬕᬓᭀᬘᬧ᭄᭞ᬤᬤᬶᬲᬂᬳᬮᬥᬭᬗᬹᬦᬶ᭞ᬰ᭄ᬭᬷᬥᬃᬫ᭄ᬫᬯᬗ᭄ᬰᬵ᭞ᬲᬂᬳ᭄ᬬᬂᬥᬃᬫ᭄ᬫᬫᬦᬸ᭠
[᭒᭔24A]
ᬫᬤᬶ᭟᭓᭗᭟ᬲᬂᬳ᭄ᬬᬂᬲᬹᬃᬬ᭄ᬬᬫᬦᬸᬫᬤᬶᬤᬤᬶᬲᬂᬓᬃᬡ᭞ᬳᬶᬤᬲᬂᬳ᭄ᬬᬂᬬᬫᬵᬫᬮᬶᬄ᭞ᬫᭂᬢᬸᬤᬤᬶᬰᬮ᭄ᬬ᭞ᬲᬂᬤᬺᬱ᭄ᬝᬤ᭄ᬬᬸᬫᭂᬦ᭞ᬲᬂᬳ᭄ᬬᬂᬅᬕᭂᬦᬶᬫᬦᬸᬫᬤᬶ᭞ᬪᬝᬵᬭᬪᬭᬹᬡ᭞ᬤ
ᬤᬶᬧ᭄ᬭᬪᬸᬫᬢ᭄ᬲ᭄ᬬᬧᬢᬶ᭟᭓᭘᭟ᬧᬮᬶᬂᬧᭂᬧᭂᬲ᭄ᬢᭂᬓᬵᬤᬸᬫᬤᬶᬭᬶᬂᬚᬕᬢ᭄᭞ᬲᬂᬳ᭄ᬬᬂᬯᬶᬱ᭄ᬡᬸᬢ᭄ᬯᬶᬓᬧᬹᬚᬶ᭞ᬓᬧᬺᬣᬫᬳᬶᬤᬵ᭞ᬤᬸᬫᬤᬶᬫᬦᬤᬶᬇᬯᬓ᭄‌᭞ᬇᬯᬓ᭄ᬳᬕᬸᬂᬢᬦ᭄ᬲᬶᬦᬶᬧᬶ᭞ᬓᬧᬶᬦ᭄ᬤᭀ
ᬓᭀᬘᬧ᭄᭞ᬫᬦᬤᬶᬳᭂᬫ᭄ᬧᬲ᭄ᬳᬕᬸᬂᬳᬤᬶ᭟᭓᭙᭟ᬓᬧᬶᬂᬢᬶᬕᬫᬦᬤᬶᬘᬾᬮᬾᬂᬳᬮ᭠ᬲᬦ᭄᭞ᬓᬧᬶᬂᬳᭂᬫ᭄ᬧᬢ᭄ᬫᬦᬸᬫᬤᬶ᭞ᬤᬤᬶᬦᬵᬭᬲᬶᬗ᭄ᬳᬵ᭞ᬓᬧᬶᬂᬮᬶᬫᬦᬾᬓᬳᬸᬘᬧ᭄᭞ᬤᬤᬶᬯᬶᬓᬸ᭠
ᬓᬢᬾᬫᬮᬶᬄ᭞ᬓᬧᬶᬂᬦᭂᬫ᭄ᬳᬶᬤᬵ᭞ᬧᬭᬰᬸᬭᬵᬫᬳᬶᬤᬫᬶᬚᬶᬮ᭄᭟᭔᭐᭟ᬓᬧᬶᬂᬧᬶᬢᬸᬤᬤᬶᬭᬢᬸᬬᭀᬥ᭄ᬬᬧᬸᬭ᭞ᬲᬂᬭᬵᬫᬧᬭᬩᬾᬳᬤᬶ᭞ᬓᬧᬶᬂᬓᬸᬢᬸᬲ᭄ᬦᬶᬫ᭄ᬩᬮ᭄᭞ᬫᬜᬤ᭄ᬫᬤᬤᬶᬲᬂᬓᬺᬱ᭄ᬡ [ 25 ][᭒᭔24B]
᭞ᬩᬸᬓᬲᬢ᭄ᬯᬦ᭄ᬩᭂᬮᬶᬳᬶᬢᬸᬦᬶ᭞ᬧᬶᬂᬲᬗ᭄ᬳᬵᬫᭂᬤᬮ᭄᭞ᬤᬤᬶᬲᬂᬩᬸᬤ᭄ᬥᬵᬫᬭᬶᬂᬕᬸᬫᬶ᭟᭓᭑᭟ᬘᬸᬢᭂᬢ᭄ᬜᬵᬮᬶᬬᬸᬳᬤᬶᬤᬾᬯᬢᬦᬾᬫᬜᬤ᭄ᬫ᭞ᬦᬾᬦᬸᬫᬤᬶᬫᬭᬶᬂᬕᬸᬫᬶ᭞ᬦ᭄ᬢᭀᬳᬧᬓ᭄ᬭᬡ᭞ᬘᬶᬭᬶᬫᬭᬶᬂ
ᬲ᭄ᬯᬃᬕ᭞ᬫᬘᬶᬭᬶᬫᬭᬶᬂᬲ᭄ᬯᬃᬕ᭞ᬢᬸᬦᬪᬹᬓ᭄ᬢᬶᬳᬤᬩᬸᬯᬶᬦ᭄᭞ᬳᬗ᭄ᬕᭀᬦ᭄ᬓᬃᬯ᭄ᬯᬦᬂ᭞ᬲ᭄ᬯᬃᬕᬫᭂᬮᬄᬢᬸᬯᬭᬚᬵᬢᬶ᭟᭔᭑᭟ᬲᬢ᭄ᬯᬓᬸᬦᬚᬦᬶᬩᭂᬮᬶᬫᬦᬸᬢᬸᬭᬂ᭞ᬲᬂᬲ᭄ᬯᬾᬝᬵᬧᬭᬩ᭄ᬜᬳᬤᬶ᭞ᬫᬗᬸᬦ᭄ᬢᬧᬪ᭄ᬭᬢᬵ᭞
ᬤᬶᬢᭂᬧᬶᬦᬶᬓᬂᬢᬮᬕ᭞ᬮᬶᬯᬢ᭄ᬧᬕᭂᬄᬲᬵᬭᬶᬲᬵᬭᬶ᭞ᬫᬸᬧᬸᬢ᭄ᬮᬶᬡ᭞ᬲᬂᬳ᭄ᬬᬂᬅᬢ᭄ᬫᬭᬶᬂᬲ᭄ᬯᬃᬕᬗᬸᬗ᭄ᬲᬶ᭟᭔᭓᭟ᬲᬸᬩᬭᬯᬸᬄᬮᬯᬸᬢ᭄ᬢᬗ᭄ᬓᬶᬮ᭄‌ᬭᬶᬂᬳ᭄ᬬᬂᬩ᭄ᬭᬵᬳ᭄ᬫᬵ᭞ᬦᬸᬦᬲ᭄ᬪᬸᬓ᭄ᬢᬶᬦᬾᬍᬯᬶᬄ᭞ᬩᬦ᭄ᬮᬶᬯᬢ᭄ᬫ
ᬮᬢᬶᬸᬧ᭞ᬲᬂᬳ᭄ᬬᬂᬩ᭄ᬭᬵᬳ᭄ᬫᬗᬦ᭄ᬤᬶᬓ᭞ᬦᬄᬢᬸᬮᬓ᭄ᬳᬶᬤᬾᬯᬕᭂᬮᬶᬲ᭄᭞ᬰᬯᬦ᭄ᬳᬶᬤᬾᬯ᭞ᬳᭂᬦᬸᬤᬶᬢ᭄ᬮᬕᬦᬾᬪᬸᬓ᭄ᬢᬶ᭟᭔᭔᭟ᬓᬾᬦ᭄ᬢᭀᬘᬸᬢᭂᬢ᭄‌ᬯᬘᬦᬦ᭄ᬳᬶᬤᬳ᭄ᬬᬂᬩ᭄ᬭᬵᬳ᭄ᬫ᭞ᬫᬦᬸᬮᬓ᭄ᬲᬂᬲ᭄ᬯᬾᬝᬵ
[᭒᭕25A]
ᬗᬹᬦᬶ᭞ᬢᬸᬫᬸᬮᬶᬫᬢᬸᬮᬓ᭄᭞ᬫᬹᬓ᭄ᬢᬶᬰᬯᬭᬶᬂᬢᬮᬕ᭞ᬓᬾᬦ᭄ᬢᭀᬲᬢ᭄ᬯᬦᬾᬦᬾᬗᬹᬦᬶ᭞ᬳᬭᬶᬂᬉᬢᬭ᭞ᬓᬉᬗ᭄ᬕᬸᬳᬂᬤᬶᬢᬸᬧᬱ᭄ᬝᬶ᭟᭔᭕᭟ᬦᬄᬧᬶᬦᭂᬳᬶᬦ᭄᭞ᬳᬧᬓ᭄ᬭᬡᬲᬂᬳ᭄ᬬᬂᬩ᭄ᬭᬳ᭄ᬫᬵ᭞ᬳᬫᬦᬸᬮᬓ᭄
ᬲᬂᬳ᭄ᬬᬂᬲ᭄ᬯᬾᬝᬵᬗᬹᬦᬶ᭞ᬚᬢᬶᬲᬗ᭄ᬓᬦ᭄ᬳᬶᬤᬵ᭞ᬬᬦ᭄ᬦᬶᬂᬩᭂᬮᬶᬫᬦᬃᬓ᭞ᬫᬾᬯᭂᬄᬧᬶᬲᬦ᭄ᬫᬫᬹᬓ᭄ᬢᬶ᭠ᬦᬶᬦ᭄᭞ᬦᬄᬩᬸᬯᬶᬦ᭄ᬓᭂᬦᭂᬳᬂ᭞ᬓ᭄ᬭᬡᬦ᭄ᬜᬤᬶᬦᬶᬤᬶᬩᬮᬶ᭟᭔᭖᭟ᬳᬶᬦ᭄ᬤᬸᬩᬮᬶᬢᬸᬯᬄᬓᬢᬸᬤᬸᬄᬫᬵ
ᬢᬸᬭᬦ᭄᭞ᬫᬭᬶᬂᬤᬾᬯᬢᬦᬾᬲᬫᬶ᭞ᬢᬶᬍᬫ᭄‌ᬫᬸᬯᬂᬧᬹᬃᬡᬫ᭞ᬫᬶᬯᬄᬢᬸᬫ᭄ᬧᭂᬓ᭄‌ᬋᬭᬳᬶᬦᬦ᭄᭞ᬕᬮᬸᬗᬦ᭄ᬓᬸᬦᬶᬗᬦ᭄ᬫᬮᬶᬄ᭞ᬳᭂᬦ᭄ᬢᭀᬧᬲᬚ᭞ᬦᬸᬮᬸᬗᬶᬦ᭄‌ᬤᬾᬯᬢᬲᬫᬶ᭟᭔᭗᭟ᬩᬸᬯᬶ
ᬦ᭄ᬳᬤᬓᬳᬸᬘᬧ᭄ᬤᬶᬳᬤᬸᬧᬃᬯ᭄ᬯ᭞ᬘᬶᬳ᭄ᬦᬲ᭄ᬯᬃᬕᬢᬸᬦᬪᬹᬓ᭄ᬢᬶ᭞ᬯᬢᭂᬓ᭄ᬤᬾᬯᬢᬧᬥ᭞ᬧᬭᬸᬫ᭄‌ᬲᬫᬶᬭᬶᬂᬧᬸᬘᬓ᭄᭞ᬕᬸᬦᬸᬂᬲᬸᬫᬾᬭᬸᬯ᭄ᬬᬓ᭄ᬢᬶ᭞ᬫᬗ᭄ᬤᬾᬦ᭄ᬜᬲᬶᬥ᭞ᬳᭀᬮᬶᬄᬪᬹᬓ᭄ᬢᬶᬓᬂᬓᬶᬦᬧ᭄ᬢᬶ᭟᭔᭘ [ 26 ][᭒᭕25B]
᭒᭕
᭟ᬧᬫᬸᬢᬸᬲ᭄ᬩᬩᬯᭀᬲᬾᬤᬶᬧᬭᬹᬫᬦ᭄᭞ᬧᬘᬂᬫᬫᬸᬢᭂᬃᬢᬲᬶᬓ᭄᭞ᬫᬵᬤᬦ᭄‌ᬓ᭄ᬱᬶᬭᬅᬃᬡᬯ᭞ᬢᬸᬫᬸᬮᬶᬭᬭᬶᬲ᭄ᬫᬫᬃᬕ᭞ᬤᬾᬯᬢᬥᬦᬲᬫᬶ᭞ᬭᬶᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬵ᭞ᬤᬶᬕᭂᬮᬶᬲ᭄ᬫᬫᬸᬢᭂᬃ
ᬢᬲᬶᬓ᭄᭟᭔᭙᭟ᬚᬮᬭᬦᬾᬫᬫᬸᬢᭂᬃᬕᬸᬦᬸᬂᬫᬦ᭄ᬤᬭ᭞ᬳ᭄ᬬᬂᬇᬦ᭄ᬤ᭄ᬭᬧᬸᬘᬓᬶᬂᬕᬶᬭᬶ᭞᭠ᬓᬹᬃᬫ᭄ᬫᬭᬵᬚᬤᬲᬃ᭞ᬲᬂᬳ᭄ᬬᬂᬩᬲᬸᬓᬶᬲᬶᬭ᭞ᬫᬫᬶᬍᬢ᭄ᬧᬃᬰ᭄ᬯᬦᬶᬂᬕᬶᬭᬶ᭞ᬤᬾᬯᬥᬦᬯ᭞ᬲᬵᬳᬵᬲᬵ
ᬫᬫᬸᬢᭂᬃᬕᭂᬮᬶᬲ᭄᭟᭕᭐᭟ᬦᬄᬘᬸᬢᭂᬢᬂᬅᬫᬺᬢᬦᬾᬲᬵᬫ᭄ᬧ᭄ᬧᬸᬦ᭄‌ᬯᭂᬤᬮ᭄᭞ᬤᬾᬢ᭄ᬬᬥᬦᬯᬦᬾᬗᬫ᭄ᬩᬶᬮ᭄᭞ᬫᬾᬯᭂᬄᬯᬢᭂᬓ᭄ᬳ᭄ᬬᬂ᭞ᬮᬯᬸᬢ᭄ᬫᬗ᭄ᬕᬯᬾᬉᬧᬵᬬ᭞ᬮᬭᬧᬦ᭄‌ᬫᬺᬢᬦᬾ
ᬓᭂᬦᬶ᭞ᬳ᭄ᬬᬂᬦᬵᬭᬬᬵᬡ᭞ᬫᬵᬬᬭᬹᬧᬗᬹᬲ᭄ᬢ᭄ᬭᬷᬍᬯᬶᬄ᭟᭕᭑᭟ᬤᬾᬫ᭄ᬧᬤᬾᬫ᭄ᬧᭀᬮᬸᬫᬫ᭄ᬧᬄᬫᬦᬸᬤᬸᬢ᭄ᬫᬦᬄ᭞ᬫᬭᬦᬶᬦ᭄ᬥᬦᬲᬫᬶ᭞ᬧᬥᬵᬚ᭄ᬜᬦᬭᬵᬕ᭞ᬅᬫᬺᬢᬦᬾᬓᬲ᭄ᬭᬄ
[᭒᭖26A]
᭞ᬫᬭᬶᬂᬇᬲ᭄ᬢ᭄ᬭᬶᬫᬵᬬᬕᭂᬮᬶᬲ᭄᭞ᬯᬶᬱ᭄ᬡᬸᬜᬮ᭞ᬳᬗ᭄ᬮᬬᬂᬫᬭᬶᬂᬮᬗᬶᬢ᭄᭟᭕᭑᭟ᬯᬢᭂᬓ᭄ᬤᬾᬢ᭄ᬬᬥᬦᬯᬫᬶᬯᬄᬭᬵᬓ᭄ᬱᬲ᭞ᬓᭂᬦᬲᬗᬸᬧᬵᬬᬲᬦ᭄ᬤᬶ᭞ᬤᬶᬢᬸᬧᬥᬓ᭄ᬭᭀᬥ᭞ᬳ
ᬕᬾᬬᬮᬸᬫᬫ᭄ᬧᬄ᭞ᬗᭂᬢᬹᬢ᭄ᬮᬫ᭄ᬧᬄᬲᬂᬳ᭄ᬬᬂᬅᬭᬶ᭞ᬤᬤᬶᬫᬧᭂᬭᬂ᭞ᬧᬥᬰᬓ᭄ᬢᬶᬧᬥᬯᬦᬶ᭟᭕᭓᭟ᬢᬢᬕ᭄ᬢᬸᬢᬸᬕ᭄‌ᬳᬮᬄᬳᬶᬓᬵᬤᬾᬢ᭄ᬬᬥᬦᬯ᭞ᬮᬶᬬᬸᬭᬵᬓ᭄ᬱᬲᬦᬾᬫᬢᬶ᭞ᬳ᭄ᬬᬂᬯᬶ
ᬱ᭄ᬡᬸᬓᭀᬘᬧ᭄᭞ᬮᬾᬤᬂᬳᬶᬤᬫᬗ᭄ᬮᬬᬂ᭞ᬫᬜᬸᬚᬸᬃᬲᭀᬫᬓᬕᬶᬭᬶ᭞ᬅᬫᬺᬢᬓᭂᬗ᭄ᬓᭂᬩᬂ᭞ᬭᬶᬂᬕᭀᬯᬓ᭄ᬕᬸᬦᬸᬗᬾᬲᬶᬮᬶᬩ᭄᭟᭕᭔᭟ᬢᬸᬃᬓᬕᭂᬩᬕ᭄‌ᬩᬳᬦ᭄ᬯᬢᭂᬓᬶᬂᬤᬾᬯᬢ᭞ᬧᬥᬮ
ᬢ᭄ᬦᬬᬢ᭄ᬦᬫᬗᬶᬤᬶᬭᬶᬦ᭄᭞ᬧᬫᬸᬧᬸᬢ᭄ᬫᬲᬶᬄᬳᬶᬮᬂ᭞ᬲᬂᬕᬭᬸᬥᬗᬮᬧ᭄᭞ᬅᬫᬺᬢᬮᬢ᭄ᬭᬶ᭠ᬫᬳᬂᬕᭂᬮᬶᬲ᭄᭞ᬫᬭᬶᬂᬳᬶᬦᬵᬕ᭞ᬦᬯᬸᬃᬳᬸᬢᬂᬧᬶᬸᬩᬶᬩᬶᬗᬹᬦᬶ᭟᭕᭕᭟ᬓᬜ᭄ᬘᬦ᭄ᬦᬕᬧᬥᬕᬶᬭᬂ [ 27 ][᭒᭖26B]
᭒᭖
ᬦᬭᬶᬫᬵᬫᬺᬢ᭞ᬤᬶᬳᬕᬾᬧᬥᬫᬰᬸᬘᬶ᭞ᬲᭀᬢᬦᬶᬂᬫᬗᬦᬵᬫᬺᬢ᭞ᬢᬦ᭄ᬤᬤᬶᬓᬍᬢᭂᬳᬦ᭄᭞ᬅᬫᬺᬢᬢᬦ᭄ᬳᬦᬵᬗᭂᬫᬶᬢ᭄᭞ᬲᬸᬯᬸᬤ᭄ᬫᬲᬶᬭᬫ᭄᭞ᬗᬸᬗ᭄ᬲᬶᬅᬫᬺᬢᬦᬾᬕᭂᬮᬶᬲ᭄᭟᭕
᭖᭟ᬯᬲ᭄ᬢᬸᬳᬶᬮᬂᬓᬧᬦ᭄ᬤᬸᬂᬳᬦ᭄ᬢᬸᬓ᭄‌ᬳ᭄ᬬᬂᬇᬦ᭄ᬤ᭄ᬭ᭞ᬓᬾᬦ᭄ᬢᭀᬳᬤᬶᬲᬢ᭄ᬯᬗᬹᬦᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄ᬘᬶᬳ᭄ᬦ᭞ᬤᬶᬲ᭄ᬯᬃᬕᬦ᭄ᬓᬮᬶᬯᬢ᭄ᬲᬬᬄ᭞ᬤᬾᬯᬢᬦᬾᬓᬾᬯᭂᬄᬲᬳᬶ᭞ᬓ᭄ᬭᬡᬫᬲᬗᬂ᭞ᬉ
ᬧᬬᬤᬸᬤᬹᬲᬶᬮᬶᬩ᭄᭟᭕᭗᭟ᬓᬵᬭᬡᬚᬦᬶᬢ᭄ᬯᬭᬲᬦ᭄ᬤᬂᬫᬗᭂᬦ᭄ᬥᬃᬫ᭞ᬗᬮᬶᬄᬲ᭄ᬯᬃᬕᬯᭂᬓᬲ᭄ᬧᬢᬶ᭞ᬗᬸᬤᬲᬭᬢ᭄ᬧᭂᬲᬦ᭄᭞ᬫᬜᬕ᭄ᬚᬕᬶᬦ᭄ᬲ᭄ᬯᬃᬕᬢᭂᬭᬓ᭄᭞ᬩᭂᬮᬶᬫᭂᬮᬶᬤ᭄ᬫᬗᭀᬭᬳᬶ
ᬦ᭄᭞ᬲ᭄ᬯᬃᬕᬭᬶᬂᬚᬕᬢ᭄᭞ᬢ᭄ᬯᬭᬳᬤᬫᬦᬦ᭄ᬥᬶᬗᬶᬦ᭄᭟᭕᭗᭟ᬬᬦᬶᬂᬲᬸᬕᬶᬄᬳᭂᬦ᭄ᬢᭀᬚᬢᬶᬫᬤᬦ᭄‌ᬲ᭄ᬯᬃᬕ᭞ᬩᬸᬓᬭᬯᭀᬲ᭄ᬩᭂᬮᬶᬗᬹᬦᬶ᭞ᬲᬳᬶᬇᬥᭂᬧᬾᬲᬶᬥ᭞ᬤᬾᬯᬢᬦᬾᬧᬥᬗᭂ
[᭒᭗27A]
ᬩᬕ᭄᭞ᬳᬶᬭᬵᬕᬤᬶᬦᬶᬢᬦ᭄ᬫᬭᬶ᭞ᬲᬂᬳ᭄ᬬᬂᬲᬵᬥᬦ᭞ᬫᬗᭂᬩᬕ᭄ᬧᬶᬧᬶᬲᬾᬲᬳᬶ᭟᭕᭙᭟ᬲᬂᬳ᭄ᬬᬂᬰ᭄ᬭᬷᬮᬾᬤᬂᬳᬶᬤᬢ᭄ᬯᬭᬳᭂᬮᬤ᭄᭞ᬤᬶᬚᬶᬦᭂᬂᬫᬗᭂᬩᬕ᭄ᬧᬭᬶ᭞ᬧ᭄ᬬᬸᬄᬬᬦ᭄ᬢᬸᬢᬸᬭᬂ᭞ᬤᬾᬯᬢᬦᬾ
ᬧᬥᬢᭂᬓᬵ᭞ᬗᭂᬫᬶᬢ᭄ᬳᬶᬭᬵᬕᬬᬦ᭄ᬲᬸᬕᬶᬄ᭞ᬳᬤᬭᬶᬂᬳᬸᬫᬄ᭞ᬫᬧᬺᬓᬡ᭄ᬝᬶᬦᬸᬗ᭄ᬕᬮ᭄ᬓᬧ᭄ᬢᬶ᭟᭖᭐᭟ᬪᬸᬣᬓᬵᬮᬕᬶᬮᬶᬃᬧᬥᬫᬚᬕᬵ᭞ᬤᬶᬮᬯᬂᬤᬶᬯᬂᬲᬳᬶ᭞ᬓᬾᬯᬮᬳᬶᬗᭂᬢᬂ᭞ᬗᬸᬧᬄᬳᬶᬦ᭄ᬗᭂ
ᬦᬧ᭄ᬓᬵᬮ᭞ᬗᬮᬶᬫᬂᬤᬶᬦᬵᬫᬦᬸᬚᭀᬦᬶᬦ᭄᭞ᬓ᭄ᬮᬶᬯᭀᬦᬾᬓᭀᬘᬧ᭄᭞ᬳᬦ᭄ᬢᬸᬓ᭄ᬲᭂᬕᬦᬾᬳᬢᬦ᭄ᬥᬶᬂ᭟᭖᭑᭟ᬓᬾᬦ᭄ᬢᭀᬲᬚᬓᬯᬷᬃᬬ᭄ᬬᬦᬾᬫᬭᬶᬂᬚᬕᬢ᭄᭞ᬓ᭄ᬭᬡᬩᭂᬮᬶᬦᬮᬶᬄᬤᬶᬦᬶ᭞
ᬤᬶᬕᬸᬫᬶᬦᬾᬲ᭄ᬯᬃᬕ᭞ᬤᬾᬦᬶᬂᬢ᭄ᬯᬭᬳᬤᬮᬾᬦᬦ᭄᭞ᬓ᭄ᬭᬡᬢ᭄ᬯᬭᬲᬦ᭄ᬤᬂᬳᬤᬶ᭞ᬫ᭄ᬮᬚᬳᬶ᭠ᬦ᭄ᬥᬸᬃᬫ᭞ᬗᬸᬗ᭄ᬲᬶᬲ᭄ᬯᬃᬕᬯᭂᬓᬲ᭄ᬫᬢᬶ᭟᭖᭒᭟ᬦᬄᬳᬫᭀᬦ᭄ᬢᭀᬲᬢ᭄ᬯᬦ᭄ᬩᭂᬮᬶᬦᬾᬋᬲᭂᬧᬂ᭞ᬧᬶᬦᭂᬄᬧᬶᬦᭂ [ 28 ][᭒᭗27B]
᭒᭗
᭞ᬳᬶᬦ᭄ᬤᬶᬓ᭄ᬳᬢᬶ᭞ᬩᭂᬮᬶᬧᬧᭀᬮᭀᬲᬦ᭄᭞ᬫᬜᬢ᭄ᬯᬢᭂᬓᬾᬦ᭄ᬯᬬᬦ᭄᭞ᬳᬶᬗᭂᬢ᭄ᬩᭂᬮᬶᬬᬸᬮᬶᬗᬹᬦᬶ᭞ᬧᬥᬧᬶᬢᬺᬱ᭄ᬡᬵ᭞ᬫᬲᬯᬶᬢ᭄ᬭᬦᬸᬗ᭄ᬕᬮ᭄ᬓᬧ᭄ᬢᬶ᭟᭖᭓᭟ᬧ᭄ᬭᬕᬢ᭄ᬜᬢ᭄ᬯᬳᬶᬭᬚᬲ᭄ᬭᬭᬶᬲ᭄ᬫᬢᬶᬗ᭄ᬕᬮ᭄
᭞ᬢᭂᬓᭂᬤ᭄ᬤᬶᬯᬂᬫᬮᬶᬄᬫᬯᬮᬶ᭞ᬳᬶᬯᬬᬦ᭄ᬫᬜᬧ᭞ᬦᬧᬶᬫᬵᬯᬦᬦ᭄᭞ᬩᭂᬮᬶᬓᬤᬶᬢᬸᬮᬓ᭄ᬯᬮᬶ᭞ᬳᬶᬭᬚᬄᬦᬶᬫ᭄ᬩᬮ᭄᭞ᬳᬤᬵᬲᬢ᭄ᬯᬩᬸᬯᬶᬦ᭄ᬳᬓᬶᬓᬶᬢ᭄᭟᭖᭔᭟ᬩᬸᬯᬶᬦ᭄ᬫᬦᬶᬚᬮ
ᬦ᭄‌ᬮᬸᬯᬲ᭄ᬫᬵᬗ᭄ᬕᬸᬭᬦ᭄᭞ᬳᬚᬓ᭄ᬩᭂᬮᬶᬫᭂᬮᬶᬦᬲᬶ᭞ᬲ᭄ᬫᭂᬂᬥᬯᬸᬄᬢᬶᬕ᭞ᬓᬤᬾᬰᬲ᭄ᬯᬧ᭄ᬦᬧᬤ᭞ᬤᬶᬢᬸᬳᬦᬓ᭄ᬫᬗᭀᬤᬮᬶᬦ᭄᭞ᬤᬶᬧᬸᬭᬤᬾᬰ᭞ᬫᬤᬸᬮᬸᬃᬢᬩᬸᬄᬭᬄᬳᬤᬶ᭟᭖᭕᭟ᬩᭂᬮᬶᬜ
ᬦ᭄ᬢᭀᬲ᭄ᬢᭂᬓᬦ᭄ᬳᬤᬶᬦᬾᬤᬶᬚᬮᬦ᭄᭞ᬬᬦᬶᬂᬢ᭄ᬯᬭᬗᭂᬮᬄᬧᬶᬧᬶᬲ᭄᭞ᬳᭂᬤᬵᬢ᭄ᬯᬭᬢᭂᬓ᭞ᬩᭂᬓᭂᬮ᭄ᬩᭂᬮᬶᬦᬾᬚᬸᬯᬂ᭞ᬳᬯᬸᬓᬸᬧᬦ᭄ᬳᬗ᭄ᬕᭀᬦ᭄ᬳᬤᬶ᭞ᬳᬫᭀᬦ᭄ᬢᭀᬧ᭄ᬭᬕᬢ᭄᭞ᬩᭂᬮᬶᬚᬦᬶᬫᬗᬮ
[᭒᭘28A]
ᬲ᭄ᬫᬭᬦ᭄ᬤᬦ
ᬳᬶᬦ᭄᭚᭜᭚ᬧᬸᬄᬲ᭄ᬫᬭᬦ᭄ᬤᬦ᭟᭑᭟ᬯᬬᬜ᭄ᬘᬶᬢᬓᭀᬘᬧ᭄ᬫᬗ᭄ᬓᬶᬦ᭄᭞ᬳᭀᬲᭂᬓ᭄ᬲᭂᬓ᭄ᬲᭂᬓᬦ᭄ᬤᬶᬫᬦᬄ᭞ᬫᬫᬶᬦᭂᬄᬤᬕᬶᬂᬢᬸᬢᬸᬭᬾ᭞ᬢᬸᬢᬸᬃᬕᬸᬭᬸᬫ᭄ᬯᬄᬳᬶᬭᬚᬲ᭄᭞ᬢ᭄ᬯᬭᬵ
ᬩᬶᬲᬫᬱ᭄ᬝᬶᬓᬬᬂ᭞ᬲᬦᬾᬩᭀᬬᬮᬯᬦ᭄ᬢᬸᬳᬸ᭞ᬓᭀᬘᬧ᭄ᬯᭂᬗᬶᬤᬯᬸᬄᬢᬶᬕ᭟᭒᭟ᬩᬶᬗᬸᬗᬾᬓᬤᬶᬯᭂᬯᭂᬳᬶᬦ᭄᭞ᬭᬾᬄᬳᬶᬕᬸᬭᬸᬤᬸᬭᬸᬂᬧ᭄ᬭᬧ᭄ᬢ᭞ᬲᬓᬶᬂᬫᬧᬶᬓᬢ᭄ᬧᬓ᭄ᬱᬶᬦᬾ᭞ᬩᬸᬗᬸᬗᬾ᭠
ᬫᬧ᭄ᬯᬭᬳᬸᬬᬂ᭞ᬳᬸᬬᬂᬩ᭄ᬮᬲᬓ᭄ᬢᬦᬶᬓᬃᬯᬦ᭄᭞ᬇᬥᭂᬧ᭄ᬜᬦᬾᬦ᭄ᬭᬯᬂᬦ᭄ᬭᬸᬯᬸᬂ᭞ᬓ᭄ᬬᬧ᭄ᬢᭀᬂᬤᬤᬶ᭠ᬧᬸᬍᬲᬂ᭟᭓᭟ᬧᬳᬶᬗᬦ᭄ᬢᭂᬗᬄᬯᭂᬗᬶ᭞ᬫᬳᬦ᭄ᬳᭂᬗ᭄ᬲᬧ᭄ᬳᬓᬶᬚᬧᬦ᭄᭞ᬓᬤᬶᬫᬗ᭄ᬭᬫ᭄ᬩᬂᬲᬯ
ᬗᬾ᭞ᬓᬢᭂᬓᬦᬦ᭄ᬳᬦᬂᬮᬦᬂ᭞ᬳᬤᭂᬕ᭄‌ᬕᬗ᭄ᬕᬲ᭄‌ᬩᭀᬓ᭄ᬲᬫᬄ᭞ᬫᬧᬶᬢᬸᬢᬹᬃᬲᬓᬶᬂᬢᬸᬳᬸ᭞ᬓᬢᬸᬤᬸᬄᬳᬧᬂᬜᬭᬢᬂ᭟᭕᭟ᬓᬲᬸᬓᬦᬾᬫᬸᬂᬧᬸᬂᬉᬭᬶᬧ᭄᭞ᬳᭂᬦ᭄ᬢᭀᬚᬦᬶᬓᬢᬼ [ 29 ][᭒᭘28B]
ᬩᬂ᭞ᬲᬸᬩᬜᬭᬶᬓ᭄ᬧᬧᬶᬦᭂᬳᬾ᭞ᬫᬶᬢᬸᬭᬸᬢ᭄ᬤᬕᬶᬗᬶᬂᬳᬶᬧ᭄ᬬᬦ᭄᭞ᬩᬸᬯᬶᬦ᭄ᬜᭂᬭᬸᬯᬂᬓᬧᭂᬥᭂᬫᬦ᭄᭞ᬧᬸᬍᬲ᭄ᬫᬦᭂᬗ᭄ᬓᬸᬮᬂᬲᬸᬓᬸ᭞ᬗᬶᬧᬶᬗᬸᬩᭂᬃᬘᬧᬸᬂᬳᭂᬫᬵᬲ᭄᭟᭕᭟ᬲᬸᬩᬢᬢᬲᬼᬫᬄᬚᬦᬶᬳᬶᬯᬬ
ᬦ᭄ᬩᬗᬸᬦ᭄ᬫᬗ᭄ᬮᬾᬚᬢ᭄᭞ᬤᬩ᭄ᬤᬩᬂᬮᬓᬃᬮᬸᬯᬲᬾ᭞ᬩᬶᬜ᭄ᬘᬸᬄᬫᬗᬜ᭄ᬘᬶᬂᬚᬮᬦ᭄᭞ᬭᬾᬄᬲᬸᬯᬳᬸᬂᬤᬶᬧᬤᬸᬓᬸᬳᬦ᭄᭞ᬕᬸᬭᬸᬦ᭄ᬜᬦᬾᬤᬸᬭᬸᬂᬭᬯᬸᬄ᭞ᬫᬗᬶᬦᬂᬮᬦ᭄ᬢᬲ᭄ᬫᬚᬮᬦ᭄᭟᭖᭟ᬢᭂᬓᭂᬤ᭄ᬤᬶ᭠
ᬚᬮᬦ᭄ᬓᬧᬗ᭄ᬕᬶᬄ᭞ᬫᬥᬾᬭᬚᬲ᭄ᬫᬚᬦ᭄ᬢᭀᬲᬦ᭄᭞ᬤᬶᬢᬸᬮᬯᬸᬢ᭄ᬧᬥᬳᬕᭀᬜᬸᬚᬸᬃᬤᬾᬰᬲ᭄ᬯᬧ᭄ᬦᬵᬳᭀᬯᬤᬵ᭞ᬚᬮᬦ᭄ᬳᬦ᭄ᬢᬃᬢ᭄ᬯᬭᬲᬶᬫ᭄ᬧᬂ᭞ᬩᭂᬦᭂᬃᬓᭂᬮᭀᬤ᭄ᬲᬵᬫ᭄ᬧᬸᬦ᭄ᬭᬯᬸᬄ᭞ᬤᬶᬢᬢᬚᬾᬦ᭄ᬫᬜᬸ
ᬚᬸᬭᬂ᭟᭘᭟ᬗᬮᬶᬄᬢᭀᬗᭀᬲ᭄ᬤᬕᬂᬦᬲᬶ᭞ᬲᬸᬩᬧᬥᬫᬢᬸᬫ᭄ᬩᬲᬦ᭄᭞ᬫᬜᭀᬗ᭄ᬓᭀᬓ᭄ᬦᬫ᭄ᬧᬢᬾᬓᭀᬃᬭᬾ᭞ᬲᬥᬵᬘᭂᬘᭂᬄᬫᬗᭂᬜ᭄ᬚᬸᬳᬂᬳᬶᬫ᭄ᬩᬸᬄᬲᬢᬾᬮᬯᬃ᭞ᬕ
[᭒᭙29A]
ᬕᭀᬭᬾᬗᬦ᭄ᬓᬜ᭄ᬘᬦᬶᬧᬸᬦ᭄᭞ᬓ᭄ᬭᬸᬧᬸᬓ᭄ᬫᬶᬯᬄᬳᬸᬭᬸᬢᬦ᭄᭟᭘᭟ᬲᬸᬩᬲᬸᬯᬸᬤ᭄ᬫᭂᬮᬶᬦᬲᬶ᭞ᬫᭂᬮᬶᬢ᭄ᬯᬓ᭄ᬤᬶᬢᬸᬮᬦ᭄ᬢᬲ᭄᭞ᬜ᭄ᬚᬸᬃᬕᭂᬦᬄᬢᬢᬚᬾᬦᬾ᭞ᬗᬢᭂᬳᬂᬬᬫᬓᭂᬫ᭄ᬩᬃ᭞ᬳᬕᭂᬢᬾᬓ
ᬮᬶᬯᬢ᭄ᬮᬶᬯᬢ᭄᭞ᬅᬲᬶᬂᬓᭂᬫ᭄ᬩᬃᬫᭀᬮᬶᬄᬲᬵᬫ᭄ᬧᬸᬦ᭄᭞ᬲᬸᬯᬸᬤ᭄ᬢᬚᬾᬦ᭄‌ᬲᭂᬩᭂᬂᬳᬾᬕᬃ᭟᭙᭟ᬯᬶᬭᬾᬄᬲᬸᬩᬓᬯᬶᬮᬗᬶᬦ᭄᭞ᬧᬫᭂᬦᬗᬾᬲᭀᬯᬂᬲᭀᬯᬂ᭞ᬧᬥᬫᬢᬶᬕᬂᬢᬮᬶᬦᬾ᭞ᬧ᭠
ᬯᬶᬮᬗᬦ᭄ᬗᬗ᭄ᬕᬾᬭᬸᬧ᭄ᬬᬄ᭞ᬭᬭᬶᬲ᭄ᬫᬸᬮᬶᬄᬢᬦ᭄ᬤᬂᬗᬾᬕᬄ᭞ᬭᬭᬯᭀᬲᬦᬾᬫᬘᭂᬧᬸᬓ᭄᭞ᬗᬭᬯᭀᬲᬂᬢᬶᬗ᭄ᬓᬄᬤᬶᬓᬼᬘ᭄ᬥᬦ᭄᭟᭑᭐᭟ᬧᬥᬗᬓᬸᬧᭂᬤᬲ᭄ᬳᬸᬦᬶᬂ᭞ᬲᬭᬹᬧᬦᬶᬂᬳᬸᬍᬲ᭄
ᬳᬬᬫ᭄᭞ᬦᬾᬧᬘᬂᬢᬮᬸᬚᬬᬦᬾ᭞ᬧᬃᬣᬓᬃᬡ᭄ᬦᬦᬾᬓᬳᬸᬘᬧ᭄᭞ᬲᬢ᭄ᬬᬓᬶᬳᬷᬪᬹᬭᬶᬰ᭄ᬭᬯ᭞ᬲᬸᬕ᭄ᬭᬷᬯᬩᬵᬮᬶᬓᬜ᭄ᬘᬦᬶᬧᬸᬦ᭄᭞ᬢᬸᬳᬸᬧᬜ᭄ᬚᬂᬬᬦ᭄ᬯᬶᬦᬃᬡ᭄ᬦ᭟᭑᭑᭟ᬓᭀᬘᬧ᭄‌ᬯᬬ [ 30 ][᭒᭙29B]
᭒᭙
ᬦ᭄ᬘᬶᬢ᭄ᬢᬫᬗ᭄ᬓᬶᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬭᬶᬂᬧᬤᬸᬓᬸᬳᬦ᭄᭞ᬚᬗᬾᬶᬸᬕᬾᬫᬗᬫ᭄ᬩᬶᬮ᭄ᬲᬧᬸᬦᬾ᭞ᬫᬋᬭᬶᬲᬓ᭄ᬲᬵᬫ᭄ᬧᬸᬦ᭄ᬓᭂᬤᬲ᭄᭞ᬗᭂᬚᬂᬲᬧᬸᬗᬫ᭄ᬩᬶᬮ᭄‌ᬮᭀᬦ᭄ᬢᬃ᭞ᬫᬫᬘᬢᬦ᭄ᬢᭂᬓᬾᬂᬢᬦᬸ᭞
ᬕᬸᬭᬸᬦᬾᬢᬸᬫᬸᬮᬶᬧ᭄ᬭᬧ᭄ᬢᬵ᭟᭑᭒᭟ᬧᬤᬸᬓᬸᬳᬦᬾᬓᬢᭀᬦ᭄‌ᬩᬺᬱᬶᬄ᭞ᬧ᭄ᬬᬦᬓᬾᬲᭂᬤᭂᬓ᭄ᬫᬫᬘ᭞ᬮᬗ᭄ᬓᬸᬂᬕᬃᬚᬶᬢᬳᬢᬶᬦᬾ᭞ᬜᭂᬕᬸᬄᬧ᭄ᬬᬦᬓ᭄ᬢᬸᬯᬶᬧᬲᬚ᭞ᬲᭂᬓᭂᬦ᭄ᬫᬮᬚᬳᬂᬳ
ᬯᬓ᭄‌᭞ᬗᬸᬢᬂᬕᬕᬫᬦᬾᬫᬮᬸ᭞ᬫᬫᭀᬢᭀᬄᬫᬗᬸᬢᬂᬳᬸᬢᬂ᭟᭑᭓᭟ᬢᬦᬸᬘᬧᬦ᭄᭞ᬯᬦᬲᬭᬶ᭞ᬯᬬᬦ᭄ᬘᬶᬢᬘᬭᬶᬢᬬᬂ᭞ᬮᬗ᭄ᬓᬸᬂᬭᬓᭂᬢ᭄ᬧᬶᬢᬺᬱ᭄ᬡᬦᬾ᭞ᬫᬲᬯᬶᬢ᭄ᬭᬭᬶᬂᬳᬶᬭᬚ
ᬲ᭄᭞ᬫᬗᬸᬮᬸᬭᬶᬦᬼᬕᬦ᭄ᬫᬦᬄ᭞ᬧᬫᭂᬦᬗᬾᬢᬶᬕᬂᬧᬸᬲᬸᬂ᭞ᬫᬦᬸᬤᬸᬯᬸᬄᬲᬳᬶᬫᬵᬗ᭄ᬕᬸᬭ᭠ᬦ᭄᭟᭑᭔᭟ᬚᬯᬢᬼᬫᬄᬚᬯᬢ᭄ᬯᭂᬗᬶ᭞ᬫᬳᬶᬜᭂᬗᬦ᭄‌ᬜᬺᬧ᭄ᬧᬮᬮ᭄ᬬᬦ᭄᭞ᬫᬲᭀᬮᬄ
[᭓᭐30A]
ᬓᬤᬶᬯᬶᬃᬬ᭄ᬬᬦᬾ᭞ᬓᬤᬶᬩᬶᬲᬫᬬᬫᬬ᭞ᬲᬕᬾᬢ᭄ᬤᬶᬦᬶᬤᬶᬢᬸᬗᭂᬦᬄ᭞ᬤᬶᬢᭀᬂᬗᭂᬮᬄᬕᭂᬮᬃᬕᭂᬮᬸᬃᬳᬶᬧᬸᬦ᭄᭟ᬓᬤᬶᬩᬶᬓᬸᬮ᭄‌ᬧᬶᬘᬶᬦᬸᬶᬢᬦ᭄ᬢᬸᬯᬶ᭟᭑᭕᭟ᬗᬸᬜ᭄ᬘ᭄ᬭᬸᬓ᭄ᬤᬶᬢᬸᬗᬸᬜ᭄ᬘ᭄ᬭᬓ᭄ᬤᬶᬦᬶ᭞ᬕᬾᬩ᭄ᬭ
ᬲᬂᬫᬫᬘᬮᭀᬦ᭄ᬢᬃ᭞ᬓᬓᬯᬶᬦ᭄ᬫᬶᬯᬄᬓᬶᬤᬸᬗᬾ᭞ᬫᬲᬶᬄᬢ᭄ᬯᬭᬤᬤᬶᬲᬭ᭄ᬯᬂ᭞ᬓᬶᬤᭂᬫᬂᬲᬸᬫᬗ᭄ᬓᬶᬦ᭄ᬓᭂᬤᬢ᭄᭞ᬓᬸᬧᬶᬂᬢᭂᬓᭂᬧ᭄ᬦᬶᬗᭂᬄᬢᬸᬳᬸ᭞ᬳᭂᬤᭀᬢᬾᬲᬸᬚᬵᬢᬶᬘ᭄ᬮᬂ᭟᭑᭖᭟ᬘᭂᬮᬂᬫᬭᬶᬂᬭᬲᬦ᭄ᬪᬸ
ᬓ᭄ᬢᬶ᭞ᬘᭂᬮᬂᬫᬗᬤᭂᬓ᭄ᬳᬫ᭄ᬩᬸᬦ᭄ᬜᬵ᭞ᬘ᭄ᬮᬂᬫᬦᬶᬗᭂᬄᬳᭀᬃᬣᬦᬾ᭞ᬘᭂᬮᬂᬫᬦᬯᬂᬕᭀᬩᬦ᭄ᬜᬵ᭞ᬳᭂᬤᭀᬢᬾᬓᬳᬗ᭄ᬕᬾᬦ᭄ᬭᬵᬚ᭞ᬩᬳᬦ᭄ᬳᬶᬯᬬᬦ᭄ᬲᬳᬶᬜᬶᬂᬲᬸᬂ᭞ᬳᬶᬭᬶᬂᬮᬸᬯᬲ᭄ᬫᬳᬶᬍᬳᬦ᭄᭟᭑᭘᭟
ᬢᬯᬸᬮᬦᬾᬓᬵᬗ᭄ᬕᬾᬦ᭄ᬕᬸᬫᬶ᭞ᬩᬬᬸᬥᬩ᭄ᬤᬮᬯᬦ᭄ᬫᬦᬄ᭞ᬓᬗ᭄ᬕᭂᬧ᭄ᬧᬭᬚᬸᬭᬸᬋᬓᭀ᭞ᬦᬫ᭄ᬧᬶᬢᬶᬢᬄᬫᬳᬵᬭᬵᬚ᭞ᬤᬰᬾᬦ᭄ᬤ᭄ᬭᬷᬓᬗ᭄ᬕᭂᬧ᭄‌ᬯᬤ᭄ᬯ᭞ᬜᬮᬦᬂᬧ᭄ᬭᬾᬦ᭄ᬢᬄᬲᬢᬸᬯᬸᬓ᭄ [ 31 ][᭓᭐30B]
᭓᭐
ᬲᬢ᭄ᬬᬢ᭄ᬯᬭᬢᬳᬾᬦ᭄ᬢᬸᬮᬓ᭄᭟᭑᭙᭟ᬤ᭄ᬬᬲ᭄ᬢᬸᬓᬵᬮᬳᬸᬚᬦ᭄ᬳᬗᬶᬦ᭄᭞ᬤ᭄ᬬᬧᬶᬦ᭄ᬓᬵᬧᬦᭂᬲ᭄ᬧᬶᬲᬦ᭄᭞ᬬᬤ᭄ᬬᬧᬶᬦ᭄ᬕᭂᬂᬮᬶᬩᬸᬢᬾ᭞ᬫᬲᬶᬄᬧᬬᬸᬓᬚᬮᬦᬂ᭞ᬅᬧᬦ᭄ᬢᬶᬢᬄᬫᬳᬵᬭᬚ᭞
ᬓᬋᬚᬶᬬᬂᬭᬢᬸᬯᬶᬪᬹᬄ᭞ᬫᬗ᭄ᬕᬯᬾᬳᬬᬸᬦᬶᬂᬚᬕᬢ᭄᭟᭑᭙᭟ᬢᬸᬘᬧᭂᬦ᭄ᬮᬯᬲ᭄ᬲᬂᬓᬮᬶᬄ᭞ᬯᬬᬦ᭄ᬘᬶᬢ᭄ᬢᬮᬦ᭄ᬫᬥᬾᬭᬚᬲ᭄᭞ᬫᬗᬸᬮᬸᬭᬶᬦ᭄ᬲᬓᬵᬋᬧᬾ᭞ᬍᬕᬦ᭄ᬳᬢᬶᬦᬾᬲᬓ
ᬮ᭞ᬢ᭄ᬯᬭᬫᬗᬶᬢᬸᬂᬯᭂᬓᬲᬦ᭄᭞ᬮᬫᬶᬮᬫᬶᬗᬜ᭄ᬘᬦ᭄ᬲᬸᬭᬸᬤ᭄᭞ᬲᬸᬓᬦᬾᬫᬯᬮᬶᬤᬸᬄᬓ᭟᭒᭐᭟ᬤᬶᬢᬢᬚᬾᬦ᭄ᬓᬮᬄᬲᬳᬶ᭞ᬓᬦ᭄ᬢᬶᬧᭂᬧᭂᬲ᭄‌ᬚ᭄ᬯᬭᬶᬗᬗ᭄ᬕᬧ᭄᭞ᬚ᭄ᬯᬭᬶᬗᬧᬸᬲ᭄
ᬩᬦ᭄ᬩᬶᬗᬸᬗᬾ᭞ᬜᬶᬮᬶᬄᬧᬶᬧᬶᬲ᭄‌ᬢ᭄ᬯᬭᬗᬸᬮ᭄ᬬᬂ᭞ᬩᭀᬕ᭄ᬩᭀᬕᬾᬲᬸᬩᬫᬧᬸᬜ᭞ᬤᬶ᭠ᬇᬥᭂᬧᬾᬨᬮᬦᬶᬧᬸᬦ᭄᭞ᬢ᭄ᬯᬭᬓᬕᬸᬕᬸᬫᬳᬸᬢᬂ᭟᭒᭑᭟ᬲᬮᬶᬂᬓᬾᬮᬓᬃᬫᬗᭂᬤᬶᬄ᭞
[᭓᭑31A]
ᬲᬸᬩᬲᬶᬦᬄᬢ᭄ᬯᬭᬫᬳᬦ᭄᭞ᬤᬶᬲᬥ᭄ᬬᬦᬾᬫᬳᬦ᭄ᬋᬓᭀ᭞ᬧᭂᬢᬫ᭄ᬧᬕᬶᬦ᭄ᬩᬵᬳᬦ᭄ᬧᭀᬗᬄ᭞ᬢ᭄ᬯᬭᬓᬶᬫᬸᬤ᭄ᬫᬤᬶᬗᭂᬳᬂ᭞ᬫᬸᬜᬶᬓᬲᬃᬲᭂᬩᭂᬂᬋᬗᬸ᭞ᬗᬸᬮᬄᬧᬬᬸᬳᬲᬓ᭄ᬱᬡᬵ
ᬦ᭄᭚᭜᭚ᬧᬸᬄᬧᬗ᭄ᬓᬸᬃ᭚᭜᭚᭑᭟ᬢᭂᬫ᭄ᬩᬂᬧᬗ᭄ᬓᬸᬃᬫᬗ᭄ᬮᬦ᭄ᬢᬸᬭᬂ᭞ᬓᬘᬵᬭᬶᬢᬵᬜᬫᬦ᭄ᬳᬶᬭᬚᬲ᭄ᬫᬗ᭄ᬓᬶᬦ᭄᭞ᬓᭂᬢᬸᬢ᭄ᬢᬫᬲ᭄‌ᬯᬱ᭄ᬝᬦᬶᬧᬸᬦ᭄᭞ᬫᬳᬸᬫᬄᬭᬶᬂᬧᬺᬤᬾᬰ᭞ᬲ᭄ᬯ᭠
ᬧ᭄ᬦᬵᬧᬤᬵᬫᬹᬮᬲᬯᬶᬢ᭄ᬭᬲᬢᬸᬳᬸ᭞ᬳᬦ᭄ᬢᬸᬓ᭄ᬳᬶᬧᬸᬦ᭄‌ᬯᬬᬦ᭄ᬘᬶᬢ᭄ᬢ᭞ᬲᬓᬶᬂᬳᬮᬶᬢ᭄ᬧᬥᬵᬳᬲᬶᬄ᭟᭒᭟ᬯᬶᬭᬾᬄᬲᬓᬶᬂᬮᬫᬶᬧᬶᬲᬦ᭄᭞ᬯᬬᬦ᭄ᬘᬶᬢ᭄ᬢᬢᬸᬯᬭᬢᬳᬾᬦ᭄ᬓᬧᬗ᭄ᬕᬶᬄ᭞ᬫᬗ᭄ᬓᬶᬦ᭄᭠
ᬯᬾᬦ᭄ᬢᭂᬦ᭄ᬫᬦᬄᬳᬶᬧᬸᬦ᭄᭞ᬓᬧᬤᬸᬓᬸᬳᬦ᭄ᬫᬳᬗ᭄ᬕᬸᬭᬦ᭄᭞ᬢᬸᬃᬫᬚᬮᬦ᭄᭞ᬲᬵᬫ᭄ᬧᬸᬦ᭄ᬭᬯᬸᬄᬳᬶᬯᬬᬦ᭄ᬧᬗ᭄ᬕᬸᬄ᭞ᬤᬶᬩᬸᬘᬸᬦ᭄ᬩᬮᬾᬗᬋᬗ᭄ᬓᭂᬓᬂ᭞ᬓᬤᬶᬳᬬᬫ᭄ᬓᭂᬦᬶᬕᭂᬭᬶᬂ᭟᭓᭟ᬳᬶᬢᬫᬲ᭄ [ 32 ][᭓᭑31B]
ᬘᬸᬘᬸᬤ᭄ᬦᬓᬾᬦᬂ᭞ᬩᭂᬮᬶᬯᬬᬦ᭄᭞ᬳᬦᬯᬶᬓᭂᬦᬶᬧᬶᬦᬓᬶᬢ᭄᭞ᬳᬶᬯᬬᬦ᭄ᬫᬲᬯᬸᬃᬲᬭᬸ᭞᭠ᬓᭂᬦᭂᬄᬩᭂᬮᬶᬢ᭄ᬯᬭᬫᭂᬮᬄ᭞ᬳᬸᬮᬶᬳᬶᬧ᭄ᬯᬦ᭄‌ᬩᭂᬮᬶᬢ᭄ᬯᬭᬢᬳᬾᬦ᭄ᬧᭂᬲᬸ᭞ᬳᬶᬢᬫᬲ᭄ᬫᬗ᭄ᬮᭀᬓᬶᬓ᭞
ᬲᬓᬶᬢ᭄ᬜᬵᬳᬶᬯᬬᬦ᭄ᬚᬦᬶ᭟᭔᭟ᬲᬓᬶᬢ᭄‌ᬢ᭄ᬯᬭᬗᭂᬮᬄᬳᬧ᭞ᬫᬶᬦᬓᬵᬤᬶᬢ᭄ᬯᬭᬫᬗᭂᬮᬄᬧᬶᬧᬶᬲ᭄᭞ᬳᬶᬓᭂᬢᬸᬢ᭄ᬫᬲᭂᬩᭂᬂᬓᭂᬜᬸᬂ᭞ᬫᬫᬸᬜᬶᬧᬧᭀᬮᭀᬲᬦ᭄᭞ᬩᭂᬮᬶᬯᬬᬦ᭄᭞ᬳᬸᬦᬶᬂᬢᬶᬢ᭄ᬬᬂ
ᬚᬵᬢᬶᬦᬶᬧᬸᬦ᭄᭞ᬧᬶᬦᬓᬶᬢ᭄ᬩᭂᬮᬶᬧᬸᬦᬶᬓᬵ᭞ᬳᬦ᭄ᬢᬸᬓ᭄ᬢᬦ᭄‌ᬫᬤᬺᬯᬾᬧᬶᬧᬶᬲ᭄᭟᭕᭟ᬢᬦ᭄ᬲᬦ᭄ᬤᬂᬩᭂᬮᬶᬜᬸᬗ᭄ᬓᬦᬂ᭞ᬳᬶᬡ᭄ᬥᬶᬓ᭄ᬚᬶᬦᬄᬯ᭄ᬬᬤᬶᬦ᭄ᬳᬶᬦ᭄ᬥᬶᬓ᭄‌ᬪᬹᬓ᭄ᬢᬶ᭞ᬮᬗ᭄ᬓᬸᬂᬤᬗᬦ᭄ᬳᬦ᭄ᬢᬸᬓ᭄
ᬗᬭᬸᬭᬸᬄ᭞ᬳᬶᬯᬬᬦ᭄ᬫᬲᬯᬸᬃᬦᬶᬫ᭄ᬩᬮ᭄᭞ᬦᬄᬓᬾᬦ᭄ᬓᬾᬦᬂᬓᬤᬸᬓ᭄ᬧᭂᬮᬶᬄᬳᬸᬮᬶᬫᬮᬸ᭞ᬫᬬᬸᬲ᭄ᬫᬮᬚᬳᬂᬳᬯᬓ᭄᭞ᬓᬾᬦᬾᬨᬮᬦ᭄ᬦᬾᬓᬧᬗ᭄ᬕᬶᬄ᭟᭖ᬢ᭄ᬯᬭᬚᬦᬶᬫᬗ᭄ᬮᬄᬕᬸ᭠
[᭓᭒32A]
ᬡ᭞ᬩᭂᬮᭀᬕ᭄ᬧᭂᬲᬦ᭄‌ᬳᬧᬳᬗ᭄ᬕᭀᬦ᭄ᬫᬗᬮᬶᬄᬪᬹᬓ᭄ᬢᬶ᭞ᬳᬶᬢᬫᬲ᭄ᬫᬲᬯᬸᬃᬓᭂᬜᬸᬂ᭞ᬬᬤ᭄ᬬᬦ᭄ᬫᬗᭂᬮᬄᬕᬸᬡ᭞ᬧᬘᬂᬦᬧᬶ᭞ᬕᬸᬡᬩᬳᬢ᭄ᬧᬘᬂᬲᬸᬳᬸᬦ᭄᭞ᬳᬶᬕᬸᬡᬯᬦ᭄ᬢᬄᬦᬶ
ᬢᬳᬂ᭞ᬧᬘᬂᬢᬸᬬᬸᬄᬭᬶᬲᬵᬭᬶ᭟᭗᭟ᬫᬲᬩᭂᬮᬶᬢᬦ᭄ᬳᬸᬦᬶᬗ᭞ᬲᬢ᭄ᬯᬗᬹᬦᬶᬲᬂᬦᬦ᭄ᬤᬵᬓᬓᬧᬹᬚᬶ᭞ᬫᬭᬶᬂᬢᬦ᭄ᬤ᭄ᬭᬶᬦᬾᬳᬸᬫᬸᬗ᭄ᬕᬸᬄ᭞ᬍᬯᬶᬄᬕᬸᬡᬢᬦ᭄ᬧᬧᬥ᭞ᬤᬸᬭᬸᬲ᭄ᬧᬭᬢ᭄‌ᬲ
ᬭᬶᬲᬵᬭᬶᬫᭀᬦ᭄ᬤᭀᬂᬢᬭᬸ᭞ᬮᬭᬦᬾᬓᬮᬶᬦ᭄ᬢᬂᬮᬶᬦ᭄ᬢᬂ᭞ᬦᬤᬓ᭄ᬗᬃᬥᬶᬦᬵᬬᬲᬦ᭄ᬤᬶ᭟᭘᭟ᬫᬗ᭄ᬤᬵᬲᬶᬥᬧᭀᬮᬶᬄᬤᬗᬦ᭄᭞ᬲᬸᬯᬸᬤ᭄ᬲᬭᬢ᭄‌ᬫᬵᬫᭀᬦ᭄ᬤᭀᬂᬕᬸᬡᬦᬾᬲᬳᬶ᭞ᬉᬧᬵᬬᬦᬾᬲᬶ
ᬥᬲᬵᬫ᭄ᬧᬸᬦ᭄᭞ᬲᬂᬦᬤ᭄ᬤᬵᬓᬜᬸᬚᬸᬃᬳᬮᬲ᭄᭞ᬲᬦᬾᬫᬵᬭᬦ᭄᭞ᬳᬮᬲ᭄ᬫᬮᬯᬧᬸᬦᬶᬓᬸ᭞ᬲᬵᬫ᭄ᬧᬸᬦ᭄ᬭᬯᬸᬄᬍᬕᬵᬧᬶᬲᬦ᭄᭞ᬲᬓᬶᬂᬤᬗᬦ᭄‌ᬳᭀᬮᬶᬄᬪᬹᬓ᭄ᬢᬶ᭟᭙᭟ᬳᬶᬦ᭄ᬤᬬᬂᬫᬮᬶᬄ [ 33 ][᭓᭒32B]
ᬳᬾᬮᬶᬗᬂᬳᬶᬧᬸᬦ᭄᭞ᬲᬮ᭄ᬯᬶᬃᬳᬶᬧᬸᬦ᭄‌ᬦᬾᬫᬕᬸᬡᬵᬫᬗ᭄ᬕᬶᬄᬯᬶᬱ᭄ᬝᬶ᭞ᬓᬤᬶᬧᬓ᭄ᬱᬶᬫ᭄ᬭᬓ᭄ᬳᬶᬓᬸ᭞ᬳᬶᬓᬸᬄᬜᬦᬾᬫᬯᬕᬸᬡ᭞ᬤᬸᬭᬸᬲ᭄ᬳᬗ᭄ᬮᬶᬄ᭞ᬩᭂᬭᬢ᭄ᬳᬶᬧᬸᬦ᭄ᬗᬩᬳᬶᬓᬸᬢ᭄᭞ᬳᬶᬧᬓ᭄ᬱᬶᬓᬶᬢᬶᬭᬦ᭄
ᬓᭀᬘᬧ᭄᭞ᬫᬕᬸᬡᬲᬸᬯᬭᬦᬾᬫᬦᬶᬲ᭄᭟᭑᭐᭟ᬲᬉᬭᬶᬧ᭄ᬜᬵᬩᭀᬬᬩᬾᬩᬲ᭄᭞ᬯ᭄ᬬᬤᬶᬦ᭄ᬧᭀᬮᬶᬄᬧᬗᬦ᭄ᬓᬶᬦᬸᬫᬾᬩᭂᬘᬶᬓ᭄᭞ᬤᬸᬄᬓᬶᬢᬳᬶᬧᬸᬦ᭄ᬓᬶᬦᬸᬭᬸᬂ᭞ᬳᬶᬍᬯᬶᬄᬕᬸᬡ
᭞ᬫᭂᬮᬬᬸᬩᭂᬘᬓ᭄‌ᬗᬶᬚᬶᬕ᭄ᬳᬶᬧᬸᬦ᭄ᬢᬸᬳᬸᬍᬫᬸᬄ᭞ᬢᬦ᭄ᬲᬸᬭᬸᬤ᭄ᬫᬦᭂᬫᬸᬤᬸᬄᬓ᭞ᬳᬗ᭄ᬮᬶᬄ᭠ᬲᬭᬶᬓᬢᭂᬕᬓᬶᬦ᭄᭟᭑᭑᭟ᬳᬶᬢᬭᬸᬗᭂᬤ᭄ᬫᬩ᭄ᬯᬄ᭞ᬳᭀᬬᬦ᭄ᬳᭂᬫ᭄ᬧᬓ᭄‌ᬘᬭᬂᬜᬦᬾᬓᬕ᭄ᬮ
ᬦ᭄ᬢᬶᬗᬶᬦ᭄᭞ᬳᬶᬩᬮ᭄ᬬᬦ᭄ᬲᬶᬥᬶᬓᬯᬸᬯᬸᬲ᭄᭞ᬤᭀᬬᬦ᭄ᬘᬯᬸᬄᬲᬳᬸᬚᬃᬜ᭞ᬫᬨᬮᬤᬸᬄᬓ᭞ᬗᬸᬤᬩᬗᭂᬢ᭄ᬩᭂᬮᬶᬓᭂᬢᬸᬢ᭄᭞ᬜᭂᬮ᭄ᬲᭂᬮ᭄ᬭᬕᬢᬦ᭄ᬧᬕᬸᬡ᭞ᬕᬸᬡᬦᬾᬫᬗᬸᬦ᭄ᬮᬭᬲᬳᬶ᭟᭑᭒
[᭓᭓33A]
᭟ᬬᬤ᭄ᬬᬦ᭄ᬯᬶᬓᬦ᭄‌ᬰᬵᬲ᭄ᬢ᭄ᬭᬵᬕᬫ᭞ᬦᬶᬃᬤᭀᬦ᭄ᬧᬶᬲᬦ᭄᭞ᬬᬦ᭄ᬢᬦ᭄ᬢᭂᬧᭂᬢᬶᬂᬳᬢᬶ᭞ᬫᬦᬄᬢᭂᬧᭂᬢ᭄‌ᬢᬸᬚᭀᬦᬶᬧᬸᬦ᭄᭞ᬤᬲᬭᬶᬂᬫᬦᭂᬫᬸᬲᬵᬥ᭄ᬬ᭞ᬲᬓᬾᬯᬮᬵᬯᬾᬦ᭄ᬢᭂᬦ᭄ᬫᬮᬶᬄᬪ᭄ᬭᬢᬦ᭄ᬳᬶᬧᬸᬦ᭄᭞
ᬓᬶᬫᬸᬤ᭄ᬫᬦᬳᬾᬳᬶᬘᬮᬂ᭞ᬤᬶᬓᬧᬦ᭄ᬢᬦ᭄ᬲᬶᬥᬓᬧ᭄ᬢᬶ᭟᭑᭓᭟ᬳᬦᬓ᭄ᬯᬾᬦ᭄ᬢᭂᬦ᭄ᬲᬦ᭄ᬤᬂᬢᬸᬮᬤ᭄᭞ᬥᬃᬫᬦ᭄ᬳᬶᬤᬲᬂᬯᬶᬓᬸᬪᬶᬓ᭄ᬱᬸᬓᬵᬗᬹᬦᬶ᭞ᬧᭀᬮᬶᬄᬪᬸᬓ᭄ᬢᬶᬲᬗ᭄ᬓᬦ᭄ᬳᬮᬸᬄ᭞ᬲᬵᬭᬶᬲᬵᬳᬭᬶᬫᬶᬤᭂᬃ
ᬪᬸᬯᬦᬵ᭞ᬫᬶᬦ᭄ᬢᬫᬶᬦ᭄ᬢᬵᬓᬳᬸᬘᬧ᭄ᬳᬸᬢ᭄ᬢᬫᬢᬸᬳᬸ᭞ᬓᬝᬵᬄᬨᬮᬦ᭄ᬜᬵᬓᬳᬸᬘᬧ᭄᭞ᬓᬧᬶ᭠ᬲᬦ᭄ᬢᬦ᭄ᬓᬶᬭᬂᬪᬹᬓ᭄ᬢᬶ᭟᭑᭕᭟ᬬᬤ᭄ᬬᬜ᭄ᬚᬶᬦᬄᬫᬲᬓᬶᬭᬂ᭞ᬓᬧᬶᬂᬓᬮᬶᬄᬮᬶᬫ᭄ᬩᬓ᭄‌ᬢᬢᬦᬶᬂᬫᬃᬕ᭄ᬕᬶ᭞᭠
ᬓᬧᬶᬂᬢᬶᬕᬨᬮᬦᬶᬧᬸᬦ᭄᭞ᬧᭂᬤᬲ᭄ᬳᬸᬦᬶᬂᬜᬫᬩ᭄ᬭᬬ᭞ᬓᬤᬂᬯᬃᬕᬰ᭄ᬭᬬᬓᬡ᭄ᬝᬶᬫᬯᬸ᭠ᬯᬸᬄ᭞ᬲᬓᬾᬯᬮᬫᬗ᭄ᬤᬵᬯᬶᬓᬦ᭄᭞ᬗᬸᬦᬤᬶᬓᬧᬗ᭄ᬭᬯᬸᬳᬶᬦ᭄᭟᭑᭕᭟ᬯᬾᬦ᭄ᬢᭂᬦ᭄ᬫᬮᬶᬄᬲᬢ᭄ᬯᬓᬸ᭠ [ 34 ][᭓᭓33B]
᭓᭓
ᬦ᭞ᬓᬤᬶᬩᭂᬮᬶᬚᬦ᭄ᬢᭂᬦ᭄ᬧᬶᬲᬦ᭄ᬢᬢᬲ᭄ᬗᬸᬦᬶᬂ᭞ᬚᭀᬓᭀᬲᬸᬭᬸᬄᬯᬵᬱ᭄ᬝᬦᬶᬧᬸᬦ᭄᭞ᬲᬓᬶᬂᬳᬮᬶᬢ᭄ᬫᬗᬸᬫ᭄ᬩᬭ᭞ᬫᬶᬦ᭄ᬢᬵᬫᬶᬦ᭄ᬢᬵᬳᬲᬶᬂᬤᬾᬰᬧᬭᬦᬶᬦ᭄ᬳᬶᬧᬸᬦ᭄᭞ᬢᬍᬃᬧᬸᬧᬸᬢ᭄ᬫᬗ᭄ᬕᬸᬄᬲᬵᬥ᭄ᬬ᭞ᬤᬤᭀᬲ᭄ᬭᬢᬸ
ᬜᬓ᭄ᬭᬯᬺᬢ᭄ᬢᬶ᭟᭑᭖᭟ᬯᬢᬸᬕᬸᬦᬸᬂᬧᬭᬩ᭄ᬳᬶᬤ᭞ᬫᬵᬤᭂᬕ᭄‌ᬧ᭄ᬭᬪᬸᬭᬶᬂᬯᬮ᭄ᬯᬶᬭᬶᬂᬯᭂᬲᬶ᭞ᬧ᭄ᬭᬪᬸᬯᬶᬪᬸᬄᬓᬲᬸᬫ᭄ᬩᬸᬂ᭞ᬫᬯᬶᬰᬾᬱᬫᬭᬶᬂᬚᬕᬢ᭄᭞ᬲᬧᬸᬦᬶᬓᬵ᭞ᬧᬢᬹᬢ᭄ᬫᬗ᭄ᬓᬶᬦ᭄‌ᬲᭂᬥᭂᬂᬢᬶᬭᬸ᭞ᬫᬶᬦ᭄ᬢᬫᬶ᭠
ᬦ᭄ᬢᬵᬫᬭᬶᬂᬚᬕᬢ᭄᭞ᬉᬢ᭄ᬢᬫᬨᬮᬦᬾᬧᬗ᭄ᬕᬶᬄ᭟᭑᭗᭟ᬯᬾᬦ᭄ᬢᭂᬦ᭄ᬫᬮᬶᬄᬓᬢᬸᬢᬸᬭᬦ᭄᭞ᬫᬗ᭄ᬕᬶᬄᬲᬵᬥ᭄ᬬᬪᬕᬯᬵᬦ᭄‌ᬤ᭄ᬭᭀᬡᬕᬹᬦᬶ᭞ᬭᬶᬂᬳᬤᬶᬧᬃᬯ᭄ᬯᬦᬾᬫᬸᬗ᭄ᬕᬸᬄ᭞ᬓᬵᬗ᭄ᬕᬾᬦ᭄ᬕᬸᬭᬸᬳᬦ᭄ᬢᬸ
ᬓ᭄ᬳᬶᬤᬵ᭞ᬲᬂᬧᬵᬡ᭄ᬥᬯᬓᬮᬶᬄᬓᭀᬭᬯᬦᬾᬲᬵᬫ᭄ᬧᬸᬦ᭄᭞ᬫᬮᬭᬧᬦ᭄ᬫᬶᬦ᭄ᬢᬫᬶᬦ᭄ᬢ᭞ᬲᬧᬸᬦᬶᬓᬲᬢ᭄ᬯᬭᬶᬬᬶᬦ᭄᭟᭑᭘᭟ᬳᬶᬯᬬᬦ᭄ᬲᬸᬢᬦᬶᬗᭂᬳᬂ᭞ᬲᬢ᭄ᬯᬳᬶᬢᬫᬲ᭄ᬢᭂᬍᬩ᭄᭠
[᭓᭔34A]
ᬜᬸᬲᬸᬧ᭄ᬤᬶᬳᬢᬶ᭞ᬓᬳᬶᬥᭂᬧ᭄ᬳᬸᬱᬤ᭄ᬥᬶᬵᬢᬸᬳᬸ᭞ᬧᬗᬶᬮᬗᬦ᭄ᬮᬭᬪᬭ᭞ᬭᬭᬶᬲ᭄ᬗᬸᬘᬧ᭄‌ᬳᬤᬶ᭠ᬢᬫᬲ᭄ᬲᬓᬾᬂᬢᬸᬳᬸ᭞ᬍᬕᬦ᭄ᬳᬤᬶᬦᬾᬫᬜᬫ᭞ᬫᬶᬢᬸᬤᬸᬄᬳᬫ᭄ᬩᬳᬾᬩᭂᬘᬶᬓ᭄᭟᭑᭙᭟ᬫᬸᬂᬧᬸᬂᬚ
ᬦᬶᬧᬤᬾᬯᬲᬦ᭄᭞ᬘᬢᬸᬃᬯᬭᬫᬦᭂᬫᭀᬦᬶᬦ᭄ᬮᬪᬵᬳᬤᬶ᭞ᬲᬗ᭄ᬳᬵᬯᬭᬦ᭄ᬜᬵᬓᬢᬸᬮᬸᬲ᭄‌ᬓᭀᬘᬧᬦ᭄ᬤᬾᬯᬰᬫᭂᬮᬄ᭞ᬥᬯᬸᬄᬢᬶᬕᬵᬗᬯᬶᬢᬶᬦ᭄ᬤᬶᬢᬸᬮᬸᬫᬓᬸ᭞ᬮᬓᬃᬮ᭄ᬯᬲ᭄‌ᬫᬮᬶᬄᬳᬮᬶᬳ
ᬦ᭄᭞ᬲᬶᬦᬄᬮᬓᬃᬫᬧᬶᬓᭀᬮᬶᬄ᭟᭒᭐᭟ᬓᭂᬢᬸᬢ᭄ᬢᬫᬲ᭄ᬫᬫᬢᬹᬢᬂ᭞ᬲᬸᬩᬧᬱ᭄ᬝᬶᬥᬯᬸᬄᬢᬶᬕᬫᬫᬃᬕᬶ᭞ᬜᬚᬄᬤᬾᬰᬓᬯᬶᬢ᭄ᬳᬶᬧᬸᬦ᭄᭞ᬲᬓᬶᬢᬓᬵᬋᬧᬾᬲᬶᬥ᭞ᬲᬶᬂᬧᬭᬦᬶᬦ᭄‌ᬜᬫ
ᬩ᭄ᬭᬬᬧᬥᬭᬸᬗᬸ᭞ᬳᬤᬢᬺᬱ᭄ᬡᬫᬗᬦ᭄ᬤᭂᬕᬂ᭞ᬫᬳᬶᬦᭂᬧᬦ᭄ᬓᬮᬶᬄᬯᭂᬗᬶ᭞᭑᭒᭟᭠ᬳᬤᬗᬦ᭄ᬤᭂᬕ᭄ᬢᬶᬕᬂᬤᬶᬦᬵ᭞ᬤᬶᬫᬸᬮᬶᬄᬜᬳᬤᬗᭂᬜ᭄ᬚᬸᬳᬶᬦ᭄ᬧᬶᬧᬶᬲ᭄᭞ᬳᬤᬫᬳᬂᬗᭂᬤᬶᬄᬧ [ 35 ][᭓᭔34B]
ᬦ᭄ᬢᬸᬦ᭄᭞ᬳᬤᬫᬳᬂᬗᭂᬤᬶᬄᬲᬶᬬᬧ᭄᭞ᬳᬤᬍᬕ᭞ᬜᬾᬯᬬᬂᬢᭂᬕᬓᬦ᭄ᬳᬶᬧᬸᬦ᭄᭞ᬲᬗ᭄ᬓᬦ᭄ᬬᬮᬗ᭄ᬓᬸᬂᬍᬕ᭞ᬲᬶᬥᬧᬗᬧ᭄ᬢᬶᬦᬾᬧᬗ᭄ᬕᬶᬄ᭟᭒᭒᭟ᬢ᭄ᬯᬭᬲᬦ᭄ᬤᬂᬬᬦ᭄ᬧᬜ᭄ᬚᬗᬂ᭞ᬬᬦ᭄ᬢᬸᬢᬹᬭᬂ
ᬍᬕᬦ᭄ᬳᬶᬧᬸᬦ᭄ᬲᬂᬓᬮᬶᬄ᭞ᬳᭀᬮᬶᬄᬪᬹᬓ᭄ᬢᬶᬲᬗ᭄ᬓᬦ᭄ᬳᬮᬸᬄ᭞ᬢ᭄ᬯᬭᬫᬢᬸᬬᬸᬳᬶᬦ᭄ᬳᬯᬓ᭄᭞ᬫᬗ᭄ᬓᬶᬦ᭄ᬓᭀᬘᬧ᭄᭞ᬓᬵᬮᬦᬶᬂᬫᬲᬸᬓᬘᬢᬸᬃ᭞ᬧᬦᬲᬾᬫᬗᭂᬦ᭄ᬢᬓ᭄ᬳᭂᬦ᭄ᬢᬓ᭄᭞ᬲᬂᬓᬮᬶᬄᬳᭂᬩᬄ
ᬭᬶᬂᬫᬃᬕᬶ᭟᭒᭓᭟ᬢ᭄ᬯᬭᬜᬶᬥᬬᬂᬗᬾᬩ᭄ᬭᬲᬂᬲᬓᬃᬩᬗᬸᬦ᭄‌ᬲᬮᬶᬂᬓᬾᬧᬘᬂᬫᬫᬃᬕᬶ᭞ᬮᬭᬩᬲᬗᬾᬫᬗᬶᬮᬸᬢ᭄᭞ᬯᬶᬭᬾᬄᬢᬸᬯᬭᬫᬩᬳᬦ᭄᭞ᬓᬮᬶᬄᬤᬶᬦ᭞ᬗᭂᬤᬶᬄᬪᬹᬓ᭄ᬢᬶ᭠
ᬳᬧᬦ᭄ᬲᬵᬫ᭄ᬧᬸᬦ᭄᭞ᬮᬕᬸᬦ᭄ᬜᬵᬓᬢᬗᭂᬳᬦ᭄᭞ᬢᭂᬓᬾᬦ᭄ᬜᬫᬩ᭄ᬭᬬᬲᬫᬶ᭟᭒᭔᭟ᬤᭂᬫᭂᬦ᭄ᬦᬫ᭄ᬧᬶᬢᬦ᭄ᬫᬢᬫ᭄ᬧᬶᬬᬂ᭞ᬤᭂᬫᭂᬦ᭄ᬗᭂᬤᬶᬄᬢᬦ᭄ᬩᬦᬶᬓᬳᭂᬤᬶᬳᬶᬦ᭄᭞ᬤ᭄ᬫᭂᬦ᭄
[᭓᭕35A]
ᬗᬧᬸᬲ᭄ᬗᬸᬲᬄᬧᬬᬸ᭞ᬤᭂᬫᭂᬦ᭄ᬗᬸᬜᬢᬦ᭄ᬓᬳᬸᬜᬳᬦ᭄᭞ᬤᭂᬫᭂᬦ᭄ᬫᭀᬩᬩ᭄᭞ᬫᬶᬲᬸ᭠ᬦᬬᬂᬳᬦᬓ᭄ᬧᬢᬹᬢ᭄᭞ᬤᭂᬫᭂᬦ᭄ᬜᬢ᭄ᬯᬢ᭄ᬯᬭᬢ᭄ᬯᬭ᭞ᬬᬦ᭄ᬩᭀᬬᬦᬶᬦ᭄ᬲᬗᬶᬢ᭄ᬕᬢᬶ᭟᭒᭓᭟
ᬲᬮ᭄ᬬᬸᬦ᭄ᬳᬦᬓᬾᬫᬚᬮᬦ᭄᭞ᬲᬫ᭄ᬧᬶᬂᬳᬶᬧᬸᬦ᭄‌ᬳᬤᬚ᭄ᬯᬭᬶᬫᬗᬾᬯᬾᬭᬶᬦ᭄᭞ᬳᬤᬗᬸᬭᬶᬓ᭄ᬢᬸᬦ᭄ᬥᬸᬦᬶᬧᬸᬦ᭄᭞ᬳᬤᬫᬗ᭄ᬮᬾᬦᬂᬮᬶᬬᬢ᭄᭞ᬳᬤᬫᬶᬫ᭄ᬧᬲ᭄᭞ᬳᬤᬫᬶᬫ᭄ᬧᬲ᭄᭞ᬫᬫᬶᬫᬧᬶᬢ᭄ᬯ
ᬭᬭᬸᬗᬸ᭞ᬳᬤᬢᭂᬓᬓᬤᬶᬲᬭᬢ᭄᭞ᬫᬜᬕ᭄ᬚᬕ᭄ᬓᬤᬶᬦᬸᬮᬸᬗᬶᬦ᭄᭟᭒᭖᭟ᬢᭂᬓᭂᬤ᭄ᬤᬶᬢᬸᬓᭂᬤᬾᬓ᭄ᬗᬓᬓ᭄᭞ᬦᬄᬘᬸᬢᭂᬢᬂᬢᭀᬂᬳᬤᬫᬦᬸᬮᬸᬗᬶᬦ᭄᭞ᬯᬬᬦ᭄ᬮᬦ᭄ᬳᬶᬓᭂᬢᬸᬢ᭄
ᬲᭂᬤᭂᬄᬩᭂᬓᬸᬢ᭄᭞ᬭᬲᬤᬤᬶᬤᬲᬃᬓᬯᬸᬄ᭞ᬮᬭᬪᬭ᭞ᬳᬯᬲᬓᬶᬢ᭄ᬫ᭠ᬓ᭠ᬳᬸᬓᬸᬤ᭄᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬲᬵᬥ᭄ᬬ᭞ᬕᭂᬦ᭄ᬢᭀᬲᬶᬦ᭄ᬲᬢ᭄ᬯᬦᬾᬫᬗ᭄ᬓᬶᬦ᭄᭟᭚᭜᭚ [ 36 ][᭓᭕35B]
᭓᭕
᭚᭜᭚ᬧᬸᬄᬕᬶᬡᬦ᭄ᬢᬶ᭚᭜᭚᭑᭟ᬫᬗ᭄ᬓᬶᬦ᭄ᬓᭀᬘᬧ᭄ᬡᬶᬧᬸᬦ᭄᭞ᬓᭂᬢᬸᬢ᭄ᬢᬫᬲ᭄ᬧᬶᬦᬶᬄᬓᭂᬮᬶᬄ᭞ᬫᬳᬦ᭄ᬳᬶᬯᬬᬦ᭄ᬲᬢ᭄ᬯ᭞ᬳᬸᬮᬄᬭᬳᬬᬸᬭᬶᬂᬕᬸᬫᬶ᭞ᬫᬳᬸᬫᬄᬭᬶᬂᬢᬹᬃᬬ᭄ᬬᬧ
ᬤᬵ᭞ᬲᬓᬶᬂᬳᬮᬶᬢ᭄ᬫᬗᬭᬗᬶᬦ᭄᭟᭒᭟ᬓᬵᬯᬶᬢ᭄ᬳᬶᬧᬸᬦ᭄ᬳᬦᬾᬫᬮᬸ᭞ᬦᬶᬗ᭄ᬕᬮ᭄ᬤᬾᬰᬫᬗᬭᬳᬶᬦ᭄᭞ᬓᬢᬸᬦ᭄ᬤᬸᬂᬩᬳᬦ᭄ᬳᬶᬭᬚᬄ᭞ᬓᭂᬢᬸᬢ᭄ᬢᬫᬲ᭄ᬫᬜᬋᬗᬶᬦ᭄᭞ᬫᬚᬮᬭᬦ᭄ᬧᬥᬫᬶᬫ᭄ᬧ
ᬲ᭄᭞ᬧᬶᬧᬶᬦᭂᬳᬾᬦ᭄ᬥᬶᬭᬶᬦ᭄ᬥᬶᬭᬶ᭟ᬯᬬᬦ᭄ᬲᬢ᭄ᬯᬫᬗ᭄ᬕᬶᬄᬳᬶᬧᬸᬦ᭄᭞ᬫᬮᬚᬳᬂᬳᬯᬓ᭄ᬲᬳᬶ᭞ᬫᬢᬸᬦᬳᬶᬦ᭄ᬧᬜ᭄ᬘᬇᬦ᭄ᬤ᭄ᬭᬷᬬ᭞ᬰᬵᬲ᭄ᬢ᭄ᬭᬵᬕᬫᬦᬾᬢᬶᬦᬹᬢᬶᬦ᭄᭞ᬫᬧᬕᬸᬭ᭄ᬯᬦ᭄ᬳᬸᬮᬶ
ᬮᬯᬲ᭄᭞ᬢᭂᬓᬾᬦ᭄ᬥᬸᬓᬸᬄᬯᬦᬲᬭᬷ᭟᭕᭟ᬳᬶᬧᬸᬦ᭄ᬧᭀᬮᬶᬄᬕᬢ᭄ᬭᬢᬸᬳᬸ᭞ᬯᬾᬦ᭄ᬢᭂᬦ᭄ᬜᬫᬓᬮᬶᬄᬥᬶᬭᬶ᭞ᬫᬗ᭄ᬕᬶᬄᬮᬭᬫᬭᬶᬂᬚᬮᬦ᭄᭞ᬢᬦ᭄ᬯᬾᬦ᭄ᬢᭂᬦ᭄ᬳᬦᬓ᭄ᬦᬸᬮᬸᬗᬶᬦ᭄᭞ᬫᭂᬢᬸᬫᬦᬄ
[᭓᭖36A]
ᬓᬧᬶᬢᬺᬱ᭄ᬡᬦ᭄᭞ᬫᬶᬲᬵᬥ᭄ᬬᬧᬘᬂᬫᬧᬗ᭄ᬕᬶᬄ᭟᭕᭟ᬲᬤᬕᬢᬶᬳᬶᬧᬸᬦ᭄ᬧᭂᬲᬸ᭞ᬫᬜᬸᬚᬸᬃᬕᭂᬦᬄᬲᬂᬓᬮᬶᬄ᭞ᬢᬦᬸᬘᬧᭂᬦ᭄ᬫᬭᬶᬂᬚᬮᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬓᬵᬗᭂᬦ᭄ᬳᬶᬧᬸ
ᬦ᭄ᬫᬗᬢᭀᬦᬂ᭞ᬲᬂᬓᬮᬶᬄᬫᭂᬥᭂᬫ᭄ᬭᬶᬂᬫᬃᬕᬶ᭟᭖᭟ᬓᬵᬯᬲ᭄ᬧᬘᬳᬶᬦ᭄‌ᬢ᭄ᬭᬂᬲᬵᬫ᭄ᬧᬸᬦ᭄᭞ᬓᭂᬦᬶᬳᬦ᭄ᬢᬸᬓ᭄ᬫᬗᬾᬮᬶᬗᬶᬦ᭄᭞ᬯᬬᬦ᭄ᬘᬶᬢ᭄ᬢᬵᬮᬦ᭄ᬓᭂᬢᬹᬢ᭄ᬢᬫᬲ᭄᭞ᬓᬢᬓᬾᬦᬶᬦ᭄ᬓ᭄ᬭᬡᬦ᭄ᬦᬾᬚᬢᬶ
᭞ᬫᬫᬗ᭄ᬕᬶᬳᬶᬦ᭄ᬤᬸᬄᬓᬮᬭ᭞ᬤᬸᬳᬸᬯᬦ᭄ᬓᬵᬗ᭄ᬕᬾᬦ᭄ᬜᬯᬸᬭᬶᬦ᭄᭟᭗᭟ᬓᬘᬭᬶᬢᬫᬗ᭄ᬓᬶᬦ᭄ᬲᬵᬫ᭄ᬧᬸᬦ᭄᭞ᬓᬢᬸᬮᬸᬗᬶᬦ᭄ᬲᬓᬶᬂᬳᬲᬶᬄ᭞ᬳᬦ᭄ᬢᬸᬓ᭄ᬳᬶᬧᬸᬦ᭄‌ᬯᬬᬦ᭄ᬲᬢ᭄ᬯᬵ᭞ᬓᬵᬚᬓ᭄ᬓᬸᬫᬄᬳᬶᬧᬸ
ᬦ᭄ᬓᬮᬶᬄ᭞ᬓᬳᬬᬳᬶᬦ᭄ᬓᬤᬶᬩ᭄ᬬᬲ᭞ᬫᬢᭂᬧᭂᬢᬶᬦ᭄‌ᬳᬤᬓ᭄ᬲᬓᬶᬢ᭄᭟᭘᭟ᬧᬳᬶ᭠ᬗᬦᬦ᭄ᬮᬯᬲ᭄ᬳᬶᬧᬸᬦ᭄᭞ᬧᬶᬢᬸᬂᬤᬶᬦᬳᬶᬧᬸᬦ᭄ᬓᬮᬶᬄ᭞ᬫᬗ᭄ᬕᬶᬄᬮᬭᬫᬳᬵᬪᬭ᭞ᬯᬬᬦ᭄ᬲᬢ᭄ᬯᬫᬗᬬ [ 37 ][᭓᭖36B]
ᬳᬶᬦ᭄᭞ᬚᬯᬢ᭄ᬧᭂᬢᭂᬂᬬᬤᬶᬦ᭄ᬓᭂᬫᬄ᭞ᬫᬕᬤᬗᬶᬦ᭄ᬲᬳᬶᬲᬳᬶ᭟᭙᭟ᬲᬸᬚᬵᬢᬶᬦ᭄ᬲᬂᬥᬃᬫ᭄ᬫᬢᬸᬳᬸ᭞ᬓᬭᬹᬡᬫᬸᬗ᭄ᬕᬸᬄᬭᬶᬂᬳᬢᬶ᭞ᬢ᭄ᬯᬭᬮᬾᬤᬂᬫᬭᬶᬂᬢ᭄ᬓ᭞ᬬᬦ᭄ᬫᬗ᭄ᬕᬶᬄᬮᬭᬦᬶᬂᬤᬤᬶ᭞ᬬ
ᬦ᭄ᬢᬦ᭄ᬧᭀᬮᬶᬄᬫᬦᬸᬮᬸᬗ᭞ᬪᬷᬦᬫᬭᬶᬂᬤᬹᬱ᭄ᬝᬵᬩᬸᬥᬶ᭟᭑᭐᭟ᬲᬸᬓᬳᬶᬧᬸᬦ᭄‌ᬬᬦ᭄ᬫᬦᬸ᭠ᬮᬸ᭞ᬮᬭᬦᬶᬂᬲᬫᬤᬸᬫᬤᬶ᭞ᬇᬃᬱ᭄ᬬᬦᬾᬫᬸᬗ᭄ᬕᬸᬄᬭᬶᬂᬢᬦ᭄ᬫᬭᬶᬫᬫᬢᬶ᭞ᬯᬬᬦ᭄ᬘᬶᬢᬫ
ᬗ᭄ᬓᬶᬦ᭄ᬓᭀᬘᬧ᭄᭞ᬲᬵᬫ᭄ᬧᬸᬦ᭄ᬯᬭᬲ᭄ᬓᬤᬶᬗᬹᬦᬶ᭟᭑᭑᭟ᬦᬵᬗ᭄ᬳᬶᬂᬓᭂᬢᬸᬢ᭄ᬢᬫᬲ᭄ᬓᬦ᭄ᬢᬸᬦ᭄᭞ᬮᬭᬦ᭄ᬜᬦᬾᬢᬸᬮᬓ᭄ᬯᬮᬶ᭞ᬲᬭᬹᬦᬶᬂᬢᬫ᭄ᬩᬧᬸᬦᬄ᭞ᬢ᭄ᬯᬭᬳᬤᬦᬾᬓᬢᬫ᭄ᬧᬶ᭞ᬧᬫᬸᬧᬸᬢ᭄ᬗᭂᬫᬲᬶ᭠
ᬦ᭄ᬧᭂᬚᬄ᭞ᬳᬶᬲᬢ᭄ᬯᬓᬵᬗᭂᬦ᭄ᬤᬶᬳᬢᬶ᭟᭑᭒᭟ᬲᬵᬫ᭄ᬧᬸᬦ᭄ᬮᬸᬫ᭄ᬩ᭄ᬭᬄᬳᭀᬃᬣᬦᬶᬧᬸᬦ᭄᭞ᬳᬶ᭠ᬓᭂᬢᬸᬢ᭄ᬗᭂᬫᬲᬶᬦ᭄ᬧᬢᬶ᭞ᬫᬥᬾᬭᬚᬲ᭄ᬫᬗ᭄ᬓᬶᬦ᭄ᬓᭀᬘᬧ᭄᭞ᬳᭀᬮᬶᬄᬕᬢ᭄ᬭᬦᬾᬲᬸᬚᬵᬢᬶ᭞ᬫᬢᬶᬦ᭄ᬜᬵ
[᭓᭗37A]
ᬦᬾᬓᭂᬢᬸᬢ᭄ᬢᬫᬲ᭄᭞ᬳᭀᬲᭂᬓ᭄ᬳᬶᬧᬸᬦ᭄ᬫᬫᬶᬦᭂᬳᬶᬦ᭄᭟᭑᭓᭟ᬯᬶᬭᬾᬄᬓᬤᬸᬓ᭄ᬳᬶᬯᬂᬲᬵᬫ᭄ᬧᬸᬦ᭄᭞ᬧᬜᬫᬦᬾᬢ᭄ᬯᬭᬩᭂᬘᬶᬓ᭄᭞ᬫᬭᬶᬂᬳᬶᬧᬸᬦ᭄‌ᬯᬬᬦ᭄ᬲᬢ᭄ᬯ᭞ᬬᬦ᭄ᬫᬗ᭄ᬓᬶᬦ᭄ᬧᬘᬂᬦᭂᬓᬳᬶ
ᬦ᭄᭞ᬫᬦᬶᬜ᭄ᬚᭀᬧᬢᬶᬦ᭄ᬳᬶᬢᬫᬲ᭄᭞ᬓᬶᬤ᭄ᬫᬸᬤ᭄ᬳᬶᬥᭂᬧᬾᬢᬦ᭄ᬲᬶᬧᬶ᭟᭑᭕᭟ᬯᬬᬦ᭄ᬲᬢ᭄ᬯᬵᬜᬧᬵᬳᬲ᭄ᬢ᭄ᬭᬸ᭞ᬲᭂᬩᭂᬂᬳᬮᬸᬲ᭄ᬓᭂᬜᬶᬃᬓᭂᬜᬶᬃ᭞ᬳᬤᬶᬭᬚᬲ᭄ᬫᬭᬢᭂᬓ᭞ᬳᭂᬜᬾᬦ᭄ᬳᬤᬶᬫ
ᬗ᭄ᬓᬶᬦ᭄᭞ᬧᬘᬂᬦᬶᬜ᭄ᬚᭀᬢᬸᬃᬫᬚᬮᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭟᭑᭕᭟ᬯᬬᬦ᭄ᬲᬢ᭄ᬯᬵᬜᬧᬳᬲ᭄ᬭᬸ᭞ᬲᭂᬩᭂᬂᬳᬮᬸᬲ᭄ᬓᭂᬜᬶᬃᬓᭂᬜᬶᬃ᭞ᬳᬤᬶᬭᬚᬲ᭄ᬫᬢᭂᬓ᭞ᬳᭂᬜᬾᬦ᭄ᬳᬤᬶᬫ
ᬜᬋᬭᬶᬦ᭄᭞ᬳᬶᬭᬚᬲ᭄ᬫᬲᬯᬸᬃᬦᬶᬫ᭄ᬩᬮ᭄᭞ᬧᬤᬶᬤᬶᬬᬦ᭄ᬢᬶᬢ᭄ᬬᬂᬧ᭄ᬭᬧ᭄ᬢᬶ᭟᭑᭖᭟ᬯᬬᬦ᭄‌ᬲᬢ᭄ᬯᬫᬮᬶᬄᬜᬫ᭄ᬩᬸᬂ᭞ᬫᬳᬶᬤᬶᬦᬶᬩᬋᬂᬩᭂᬮᬶ᭟ᬤᬶᬧ᭄ᬮᬗ᭄ᬓᬳᬦᬾᬳᬤᬶᬦᭂᬕᬓ᭄᭞ᬫᬥᬾᬭᬚᬲ᭄ [ 38 ][᭓᭗37B]
᭓᭗
ᬦᭂᬕᬓ᭄ᬳᬭᬶᬲ᭄᭞ᬯᬬᬦ᭄ᬘᬶᬢᬫᬗ᭄ᬓᬶᬦ᭄ᬧ᭄ᬭᬧ᭄ᬢ᭞ᬫᬜᬧᬫᬸᬜᬶᬦᬾᬫᬦᬶᬲ᭄᭟᭑᭗᭟ᬩᭂᬮᬶᬫᬥᬾᬯᬯᬸᬭᬯᬸᬄ᭞ᬲᬧᬸᬦᬧᬶᬚᬸᬫᬄᬓᬗᬶᬦ᭄᭞ᬭᬳᬚᭂᬂᬓᬾᬲᬋᬂᬲᬫ᭄ᬬᬦ᭄᭞ᬫᬥᬾ
ᬭᬚᬲ᭄ᬫᬜᬯᬸᬭᬶᬦ᭄᭞ᬭᬳᬬᬸᬳᬚᬓᭂᬚᬂ᭞ᬯᬬᬦ᭄ᬲᬢ᭄ᬯᬦᬶᬫ᭄ᬩᬮ᭄ᬫᬮᬶᬄ᭞᭑᭘᭟ᬫᬦᬸᬢᬸᬭᬂᬓᬵᬯᬶᬢ᭄ᬳᬶᬧᬸᬦ᭄᭞ᬯᬬᬦ᭄ᬘᬶᬢᬢᬫᬲ᭄ᬗᬹᬦᬶ᭞ᬲᬫᬶᬯᬸᬲ᭄ᬓᬧᬭᬶᬤᬃᬣ᭞ᬗᬦ᭄ᬢᭀᬲ᭄ᬧᬥᭂ
ᬫ᭄ᬳᬶᬧᬸᬦ᭄ᬫᬗ᭄ᬓᬶᬦ᭄᭞ᬧᬸᬧᬸᬢ᭄ᬜᬢ᭄ᬯᬫᬦᬓᭀᬦᬂ᭞ᬓᬾᬦ᭄ᬓᬾᬦ᭄ᬳᬶᬥᭂᬧ᭄ᬳᬤᬶᬚᬦᬶ᭟᭑᭙᭟ᬳᬶᬡ᭄ᬥᬶᬓ᭄ᬫᬢᬶᬦ᭄ᬜᬳᬶᬓᭂᬢᬸᬢ᭄᭞ᬫᬥᬾᬭᬚᬲ᭄ᬲᬯᬸᬃᬳᬭᬶᬲ᭄᭞ᬲᬦᬾᬫᬗ᭄ᬓᬶᬦ᭄ᬘᬸᬢᭂᬢ᭄ᬢᬶᬢ᭄ᬬᬂ᭞ᬫᬶᬲ
ᬭᬬᬂᬓᬳ᭄ᬬᬸᬦ᭄ᬩᭂᬮᬶ᭞ᬢᬫ᭄ᬩᭂᬢ᭄ᬢᬶᬢ᭄ᬬᬂᬗᬾᬓᬮᬶᬦ᭄ᬢᬂ᭞ᬯᬦ᭄ᬢᬄᬳᬶᬯᬂᬲᬓᬾᬂᬭᬶᬬᬶᬦ᭄᭟᭒᭐᭟ᬢᬦ᭄ᬫᬶᬢᬸᬳᬸᬢᬸᬢᬹᬃᬧᬵᬢᬹᬢ᭄᭞ᬓᬤᬶᬫᬗ᭄ᬓᬶᬦ᭄ᬨᬮᬧᬗ᭄ᬕᬶᬄ᭞ᬫᬗ᭄ᬕᬸᬄᬮᬭᬵᬢᬦ᭄ᬧᬕᬸ᭠
[᭓᭘38A]
ᬡ᭞ᬘᬸᬢᭂᬢ᭄ᬫᬗ᭄ᬓᬶᬦ᭄ᬢᬶᬢ᭄ᬬᬂᬗᬶᬭᬶᬂ᭞ᬓᬳ᭄ᬬᬸᬦ᭄ᬩᭂᬮᬶᬧᬚᬶᬸᬘᬂᬫᬮᬚᬄ᭞ᬫᬢᬸᬦᬳᬶᬦ᭄ᬮᬕᬸᬗᬹᬦᬶ᭟᭒᭑᭟ᬯᬬᬦ᭄ᬲᬢ᭄ᬯᬲᬯᬸᬃᬳᬮᬸᬲ᭄᭞ᬳᭂᬦ᭄ᬢᭀᬫᬸᬮᬳᬧ᭄ᬢᬶᬦ᭄ᬩᭂᬮᬶ᭞ᬩᭂᬲᬶᬓ᭄ᬳᬶᬥᭂᬧᬾᬫᬜᬫ᭞
ᬲᬵᬓ᭄ᬱᬵᬢ᭄ᬚᬮᬦ᭄ᬳᬦ᭄ᬢᬃ᭞ᬳᬫ᭄ᬩᬄᬗᬮᬶᬄᬩᭂᬓᭂᬮ᭄᭞ᬍᬓᬤ᭄᭞ᬲᬓᬵᬮᬦᬶᬱ᭄ᬓᬵᬮᬩᭂᬘᬶᬓ᭄᭟᭒᭒᭟ᬦᬄᬦᬾᬚᬦᬶᬲᬸᬩᬧᬢᬸᬄ᭞ᬧᬳᬶᬢᬸᬗᬦ᭄‌ᬩᭂᬮᬶᬳᬤᬶ᭞ᬳᬶᬥᭂᬧ᭄ᬩᭂᬮᬶᬦᬾᬗᬾ
ᬗ᭄ᬕᬮᬂ᭞ᬫᬗᭂᬲᭂᬂᬰᬯᬦ᭄ᬳᬶᬳᬤᬶ᭞ᬫᬥᬾᬭᬚᬲ᭄ᬫᬫᬵᬢᬹᬢᬂ᭞ᬘᬸᬢᭂᬢᬂᬲᬢ᭄ᬯᬦᬾᬫᬗ᭄ᬓᬶᬦ᭄᭟᭒᭓᭟ᬰᬯᬦ᭄ᬓᭂᬢᬸᬢ᭄ᬢᬫᬲ᭄ᬲᬵᬫ᭄ᬧᬸᬦ᭄᭞ᬓᬧᬸᬧᬸᬢᬂᬳᬦ᭄ᬢᬸᬓ᭄ᬕᭂᬦᬶ᭞ᬫᬭᬶᬂᬲᬾᬢ᭄ᬭᬧᬫᬸ᭠
ᬯᬸᬦᬦ᭄᭞ᬢᬸᬮᬗᬾᬓᬧᬶᬮ᭄ᬧᬶᬮ᭄ᬲᬫᬶ᭞ᬓᬧᬸᬧᬸᬢᬂᬳᬦ᭄ᬢᬸᬓ᭄ᬢᭀᬬ᭞ᬓᬳᬜᬸᬢ᭄ᬫᬥ᭄ᬬᬦᬶᬂᬧᬲᬶᬄ᭟᭒᭔᭟ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬃᬬ᭄ᬬᬦ᭄ᬳᬶᬧᬸᬦ᭄᭞ᬫᬥᬾᬭᬚᬲ᭄ᬫᬢᬸᬮᬓ᭄ᬫᬸᬮᬶᬄ᭞ᬢᬦᬸᬘᬧ [ 39 ][᭓᭘38B]
ᬕᬶᬡᬤ᭟
ᬦ᭄ᬫᬭᬶᬂᬚᬮᬦ᭄᭞ᬓᬘᬭᬶᬢᬲᬵᬫ᭄ᬧᬸᬦ᭄ᬧ᭄ᬭᬧ᭄ᬢᬶ᭞ᬭᬶᬂᬧᬺᬤᬾᬰᬚᬕ᭄ᬭᬧᬵᬤ᭞ᬳᬶᬲᬢ᭄ᬯᬫᬮᬶᬄᬓᬯᬃᬡᬶ᭟᭒᭕᭟ᬓᬵᬮᬦᭂᬕᬓ᭄ᬦᬸᬢᬹᬃᬦᬸᬢᬹᬃ᭞ᬲᬋᬂᬯᬬᬦ᭄ᬘᬶᬢ᭄ᬢᬳᬭᬶᬲ᭄᭞ᬤᬸᬓᬸᬄᬯᬦᬰ
ᬭᬧ᭄ᬭᬧ᭄ᬢᬵ᭞ᬲᬂᬓᬮᬶᬄᬫᬘᭂᬩᬸᬃᬳᬭᬶᬲ᭄᭞ᬲᬓᬶᬂᬕᭂᬦᬄᬜᬫᬦᭂᬕᬓ᭄᭞ᬢᬸᬫᬸᬮᬶᬫᬳᬢᬹᬃᬳᬭᬶᬲ᭄᭚᭜᭚ᬧᬸᬄᬕᬶᬡᬵᬤ᭚᭜᭚᭑᭟ᬭᬭᬶᬲᬂᬕᬸᬭᬸᬭᬭᬶᬲᬂ᭞ᬫᬭᬶᬂᬓᭀᬃ
ᬱᬶᬦᬾᬫᬮᬶᬗ᭄ᬕᬶᬄ᭞ᬯᬦᬰᬭᬲᬵᬫ᭄ᬧᬸᬦ᭄ᬫᬦᭂᬕᬓ᭄᭞ᬢᬸᬫᬸᬮᬶᬫᬢᬓᭀᬦ᭄ᬳᬲ᭄ᬭᬸ᭞ᬫᬭᬶᬂᬳᬶᬧᬸᬦ᭄ᬯᬬᬦ᭄ᬘᬶᬢ᭞ᬦᬵᬭᬡᬤᬶᬦᬶ᭞ᬯᬬᬦ᭄ᬘᬶᬢ᭄ᬢᬫᬦᬸᬢᬸᬭᬂ᭟᭒᭟ᬲᬓᬶᬂᬓᬵᬯᬶᬢ᭄ᬗ
ᬦ᭄ᬢᭀᬲ᭄ᬢᭂᬮᬲ᭄᭞ᬫᬵᬯᬶᬦᬦ᭄ᬳᬶᬧᬸᬦ᭄ᬓᬧᬗ᭄ᬕᬶᬄ᭞ᬯᬾᬦ᭄ᬢᭂᬦ᭄ᬫᬭᬶᬂᬯᬬᬦ᭄ᬲᬢ᭄ᬯ᭞ᬳᬶᬤᬸᬓᬸᬄᬦᬶ᭠ᬫ᭄ᬩᬮ᭄ᬫᬲᬯᬸᬃ᭞ᬓᬾᬦᬾᬨᬮᬦ᭄ᬜᬵᬓᬢᬶᬩᬵ᭞ᬢᭂᬓᬾᬦ᭄ᬘᬳᬶ᭞ᬧᭂᬗ᭄ᬓᬸᬂᬢ᭄ᬯᬭᬗᬸᬕᬸᬲᬢ᭄ᬯ᭟᭓᭟ᬳ
[᭓᭙39A]
ᬦᬓ᭄ᬲᬸᬩᬮᬶᬬᬸᬧᭂᬲᬦ᭄᭞ᬢᬸᬢᬹᬃᬕᬸᬭᬸᬳᬦᬾᬗᬹᬦᬶ᭞ᬘᬳᬶᬢ᭄ᬯᬭᬫᬗᬶᬥᭂᬧᬂ᭞ᬚᬦᬶᬘᬸᬢᭂᬢ᭄ᬲᬢ᭄ᬯᬦ᭄ᬕᬸᬭᬸ᭞ᬤᬶᬦᬶᬘᬳᬶᬚᬦᬶᬫ᭄ᬮᬚᬄ᭞ᬳᬧᬂᬧᬱ᭄ᬝᬶ᭞ᬫᬕᬸᬭᬸᬭᬶᬯᬬᬦ᭄ᬲᬢ᭄ᬯᬵ᭟
᭔᭟ᬬᬦ᭄ᬘᬳᬶᬢ᭄ᬯᬭᬗᬶᬥᭂᬧᬂ᭞ᬧᬶᬢᬸᬢᬹᬃᬳᬶᬲᬢ᭄ᬯᬬᬸᬓ᭄ᬢᬶ᭞ᬳᭂᬤᬧᭂᬲᬦ᭄ᬘᬳᬶᬢᬸᬮᬓ᭄᭞ᬓᬾᬦ᭄ᬢᭀᬧᬸᬧᬸᬢ᭄᭞ᬭᬯᭀᬲ᭄ᬕᬸᬭᬸᬦᬾᬓᭂᬦᭂᬳᬂ᭞ᬳᭂᬤᬘᬳᬶ᭞ᬲᬗᭂᬢ᭄ᬫᬜᬮᬄ
ᬢᬫ᭄ᬧ᭄ᬬᬂ᭟᭕᭟ᬯᬬᬦ᭄ᬘᬶᬢᬫᬵᬢᬹᬃᬗᬲᬩ᭄᭞ᬳᬶᬗ᭄ᬕᬶᬄᬕᬸᬭᬸᬢᬶᬢ᭄ᬬᬂᬗᬶᬭᬶᬂ᭞ᬩᭀᬬᬧᬸᬭᬸᬦ᭄ᬢᬶᬢ᭄ᬬᬂᬢᬸᬮᬓ᭄᭞ᬤᬕᬶᬂᬯᬭᬄᬕᬸᬭᬸᬧᬵᬢᬹᬢ᭄᭞ᬲᬓᬾᬯᬮᬫᬦᬯᭂᬕᬂ᭞ᬳᬶᬯᬂᬭᬶᬳᬶᬦ᭄᭞ᬲ᭄ᬯᬾ
ᬘᬕᬸᬭᬸᬗᬫ᭄ᬧᬹᬭᬬᬂ᭟᭖᭟ᬳᬶᬤᬸᬓᬸᬄᬫᬲᬯᬸᬃᬦᬶᬫ᭄ᬩᬮ᭄᭞ᬧᬗᬫ᭄ᬧᬹᬭᬦᬾᬲᬸᬚᬵᬢᬶ᭞ᬢᭂᬫᭂᬲ᭄ᬘᬳᬶᬦᬾᬫ᭄ᬮᬚᬄ᭞ᬫᬢᬶᬢᬶᬲᬂᬦᬾᬲᬢᬸᬳᬸ᭞ᬢᬢᬦᬶᬂᬤᬤᬶᬫᬵᬦᬸᬱᬵ᭞ᬍᬓᬤ᭄ [ 40 ][᭓᭙39B]
᭓᭙
ᬤᬶᬦᬶ᭞ᬤᬶᬕᬸᬫᬶᬲᬦ᭄ᬤᬂᬓᭂᬦᭂᬳᬂ᭟᭘᭟ᬤᬸᬕᬲ᭄ᬘᬳᬶᬦᬸᬤᬶᬩᬲᬂ᭞ᬓᬩᭀᬩᭀᬢᬂᬩᬳᬦ᭄ᬳᬶᬩᬶᬩᬶ᭞ᬧᭂᬢᭂᬂᬢᬸᬯᬭᬦᬯᬂᬕᬮᬂ᭞ᬓᬸᬢᬸᬲ᭄ᬩᬸᬮᬦ᭄‌ᬲ᭄ᬯᬾᬦᬶᬧᬸᬦ᭄᭞ᬤᬶᬲᬸᬩᬦᬾᬘᬳᬶᬍᬓ
ᬤ᭄᭞ᬫᬭᬶᬂᬕᬸᬫᬶ᭞ᬬᬦ᭄ᬢᬦ᭄ᬫᬵᬦᬹᬢ᭄‌ᬰᬵᬲ᭄ᬢ᭄ᬭᬵᬕᬫ᭟᭘᭟ᬲᬉᬭᬶᬧ᭄ᬢᬸᬯᬭᬦᬯᬂᬕᬮᬂ᭞ᬓᬧᭂᬢᭂᬗᬦ᭄ᬲᬳᬶᬲᬳᬶ᭞ᬦᬶᬃᬤ᭄ᬥᭀᬦ᭄ᬳᬶᬤᬸᬧᬾᬭᬶᬂᬚᬕᬢ᭄᭞ᬩᭀᬬᬫᬢᬶᬩᭀᬬᬳᬶᬤᬸᬧ᭄
᭞ᬩᭀᬬᬲᬢᭀᬩᭀᬬᬚᬦ᭄ᬫᬵ᭞ᬓᬾᬦ᭄ᬢᭀᬘᬳᬶ᭞ᬧᬶᬦᭂᬄᬧᬶᬦᭂᬄᬳᬧᬂᬫᭂᬮᬄ᭟᭙᭟ᬦᬄᬳᬫᭀᬦ᭄ᬢᭀᬲᬸᬩᬧ᭄ᬭᬕᬢ᭄᭞ᬲᬢ᭄ᬯᬦ᭄ᬕᬸᬭᬸᬢᭂᬓᬾᬦ᭄ᬘᬳᬶ᭞ᬳᬶᬤᬸᬓᬸᬄᬫᬮᬶᬄᬳᬗᬸᬘ
ᬧ᭄᭞ᬫᬭᬶᬂᬯᬬᬦ᭄ᬲᬢ᭄ᬯᬳᬶᬓᬸ᭞ᬉᬤᬸᬄᬘᭂᬦᬶᬂᬯᬬᬦ᭄ᬲᬢ᭄ᬯ᭞ᬦᬄᬦᬾᬚᬦᬶ᭞ᬜᬫᬦ᭄ᬘᭂᬦᬶᬗᬾᬳᬶᬘᬶᬢ᭄ᬢ᭟᭑᭐᭟ᬕᬸᬭᬸᬚᬦᬶᬫᬜᭂᬭᬳᬂ᭞ᬳᬧᬂᬘᭂᬦᬶᬂᬫᬶᬢᬸᬢᬸᬭᬶᬦ᭄᭞ᬤᬶᬦᬶ
[᭔᭐40A]
ᬩᬋᬂᬳᬚᬓ᭄ᬫᭂᬮᬚᬄ᭞ᬳᬶᬲᬢ᭄ᬯᬫᬢᬹᬃᬳᬮᬸᬲ᭄᭞ᬩᭀᬬᬢᬶᬢ᭄ᬬᬂᬧᬸᬭᬸᬦ᭄ᬢᬸᬮᬓ᭄᭞ᬯᬦ᭄ᬢᬄᬗᬶᬭᬶᬂ᭞ᬲᬋᬂᬲᬋᬂᬫ᭄ᬮᬚᬄ᭟᭑᭑᭟ᬲᬓᬾᬯᬦ᭄ᬢᭂᬦ᭄ᬫᬦ᭄ᬤᬯᭂᬕᬂ᭞ᬳᬦ᭄ᬢᬸᬓ᭄ᬢᬫ᭄ᬩᭂᬢ᭄ᬢᬸᬦᬵᬲ
ᬫᬶ᭞ᬫᬗ᭄ᬤᬵᬢ᭄ᬭᬸᬲ᭄ᬕᬸᬭᬸᬲᬸᬯᬾᬘ᭞ᬫᬶᬢᬸᬤᬸᬄᬫᬃᬕᬶᬦᬾᬧᬵᬢᬹᬢ᭄᭞ᬯᬦᬰᬭᬲᬯᬸᬃᬦᬶᬫ᭄ᬩᬮ᭄᭞ᬮᬓᬃᬧᬱ᭄ᬝᬶ᭞ᬕᬸᬭᬸᬢᭂᬓᬵᬗᭂᬦᬧ᭄ᬓᬵᬮ᭟᭑᭒᭟ᬮᬓᬃᬫᬳᬂᬘᭂᬦᬶᬂᬲᬢ᭄ᬯᬵ᭞ᬫᬦᬸᬚᭀᬦᬶᬦ᭄ᬤᬶᬦ
ᬩᭂᬘᬶᬓ᭄᭞ᬦᬾᬚᬦᬶᬕᬸᬭᬸᬫᬢᬶᬗ᭄ᬕᬮ᭄᭞ᬓᬧᬤᬸᬓᬸᬳᬦ᭄ᬮᬸᬫᬓᬸ᭞ᬢᬦᬸᬘᬧᬦ᭄᭞ᬯᬦᬰᬭ᭞ᬓᭀᬘᬧ᭄ᬫᬗ᭄ᬓᬶᬦ᭄᭞ᬘᬶᬢᬵᬲᬢ᭄ᬯᬫᬸᬘᬧᬸᬘᬧ᭄᭟᭑᭓᭟ᬯᬬᬦ᭄ᬘᬶᬢ᭄ᬢᬫᬦᬸᬢᬸᬭᬂ᭞ᬲᬧᬭᬶ᭠
ᬳᬶᬡ᭄ᬥᬶᬓ᭄ᬦᬾᬗᬹᬦᬶ᭞ᬲᬵᬫ᭄ᬧᬸᬦ᭄ᬧᬸᬧᬸᬢ᭄ᬓᬧᬭᬶᬤᬃᬣ᭞ᬯᭂᬢᬸᬩᬯᭀᬲ᭄ᬳᬶᬧᬸᬦ᭄ᬧᬵᬢᬹᬢ᭄᭞᭠ᬳᬶᬗ᭄ᬕᬶᬄᬩᭂᬮᬶᬯᬬᬦ᭄ᬲᬢ᭄ᬯᬵᬳ᭞ᬫᬸᬗ᭄ᬕ᭄ᬯᬶᬂᬫᬗ᭄ᬓᬶᬦ᭄᭞ᬢᬶᬢ᭄ᬬᬂᬫᬦ᭄ᬤᬯᭂᬕᬂᬧᬶᬲᬦ᭄᭟᭑᭔᭟ᬨᬮᬦᬶ [ 41 ][᭔᭐40B]
᭔᭐
ᬧᬸᬦ᭄ᬧᬗ᭄ᬕᬶᬄᬢᬶᬢ᭄ᬬᬂ᭞ᬢᬦ᭄ᬫᬶᬢᬸᬳᬸᬢᬸᬢᬹᬃᬬᬸᬓ᭄ᬢᬶ᭞ᬲᬓᬵᬮᬢᬶᬩᬵᬭᬶᬂᬓᬯᬄ᭞ᬓᬯᬄᬕᭂᬤᬶ᭠ᬫᬸᬦ᭄ᬢᬵᬩ᭄ᬫᬸᬭᬹᬩ᭄᭞ᬬᬦ᭄ᬢᬦ᭄ᬩᭂᬮᬶᬤᬸᬭᬸᬲ᭄ᬲᬸᬯᬾᬘ᭄ᬙ᭞ᬧᬘᬂᬗᬗ᭄ᬓᬶᬤ᭄᭞ᬤᬸᬭᬸᬲ᭄ᬪᬱ᭄ᬫᬶᬢᬦ᭄ᬧᬰᬾᬱᬵ᭟᭑
᭕᭟ᬘᬸᬢᭂᬢ᭄ᬤᬕᬶᬂᬳᬢᬹᬃᬢᬶᬢ᭄ᬬᬂ᭞ᬤᬸᬭᬸᬲᬂᬲ᭄ᬯᬾᬘ᭄ᬙᬦᬾᬫᬗ᭄ᬓᬶᬦ᭄᭞ᬫᬶᬢᬸᬤᬸᬄᬳᬶᬦ᭄ᬢᬶᬢ᭄ᬬᬂᬫᬃᬕ᭞ᬲᬶᬥᬦᬶᬂᬳᭂᬦ᭄ᬢᬲ᭄ᬧᬸᬦᬶᬓᬸ᭞ᬲᬓᬶᬂᬓᬯᬄᬕᭂᬦᬶᬫᬸᬦ᭄ᬢᬩ᭄᭞ᬓᭂᬜᬸᬂᬫᬦᬶᬲ᭄᭞ᬳᬶᬲᬢ᭄ᬯᬵᬫᬲᬯᬸᬃ᭠
ᬩᬦ᭄ᬩᬦ᭄᭟᭑᭖᭟ᬚᬵᬢᬶᬩᭂᬮᬶᬢᬫ᭄ᬩᭂᬢ᭄ᬧᬶᬲᬦ᭄᭞ᬲᬓᬾᬯᬮᬫᬢᬸᬳᬸᬢᬶᬦ᭄᭞ᬘᬭᬳᬦᬓ᭄ᬤᭂᬫᭂᬦ᭄ᬫᬮᬚᬄ᭞ᬫᬧᬕᬸᬭ᭄ᬯᬦ᭄ᬳᬸᬮᬶᬳᬶᬮᬸ᭞ᬢᭂᬓᬾᬦ᭄ᬤᬦᬾᬕᬸᬭᬸᬦ᭄ᬯᬬᬦ᭄᭞ᬮᬗ᭄ᬓᬸᬂᬳᬲᬶᬄ᭞
ᬫᬗᬶᬘᬾᬦ᭄ᬩᭂᬮᬶᬧ᭄ᬮᬚᬳᬦ᭄᭟᭑᭗᭟ᬲ᭄ᬯᬾᬘ᭄ᬙᬦ᭄ᬤᬦᬾᬬᬦ᭄ᬳᬸᬧᬫ᭞ᬲᬵᬓ᭄ᬱᬵᬢ᭄ᬩᬶᬩᬶ᭠ᬢ᭄ᬫᬉᬢ᭄ᬢᬫᬶ᭞ᬫᬶᬢᬦ᭄ᬥᬸᬃᬫᬭᬶᬂᬢᬦᬄᬩ᭄ᬭᬕ᭄᭞ᬤ᭄ᬬᬲ᭄ᬢᬸᬫᭂᬦ᭄ᬢᬶᬓ᭄ᬢᬸᬯᬭᬮᬦᬸᬲ᭄᭞ᬓᬾᬦ᭄ᬢᭀᬤᬦᬾᬫ᭠
[᭔᭑41A]
ᬦᬶᬯᬓᬂ᭞ᬢᬢ᭄ᬯᬩᭂᬘᬶᬓ᭄᭞ᬢᭂᬓᬾᬦ᭄ᬩᭂᬮᬶᬢᬸᬦᬤᬲᬃ᭟᭑᭘᭟ᬯᬬᬦ᭄ᬘᬶᬢ᭄ᬢᬫᬵᬢᬹᬃᬦᬶᬫ᭄ᬩ᭠ᬮ᭄᭞ᬤ᭄ᬬᬲ᭄ᬢᬸᬲᬧᬸᬦᬶᬓᬵᬩᭂᬮᬶ᭞ᬢᬶᬢ᭄ᬬᬂᬓᭂᬤᭂᬄᬫᬧᬶᬦᬸᬦᬲ᭄᭞ᬦᬾᬯᬾᬦ᭄ᬢᭂᬦ᭄ᬫᬸᬗ᭄ᬕᬸᬄᬓᬳ᭄ᬬᬸᬦ᭄
᭞ᬳᬶᬲᬢ᭄ᬯᬫᬮᬶᬄᬫᬦᬶᬫ᭄ᬩᬮ᭄᭞ᬓᬾᬦᬾᬳᬤᬶ᭞ᬚᬮᬦ᭄ᬩᬋᬂᬚᬦᬶᬫ᭄ᬮᬚᬄ᭟᭑᭙᭟ᬢ᭄ᬯᬭᬩᭂᬮᬶᬫᬗᬸᬩ᭄ᬤᬬᬂ᭞ᬦᬾᬳᬤᬵᬤᬶᬳᬶᬤᭂᬧ᭄ᬩᭂᬮᬶ᭞ᬭᬾᬄᬦᬾᬫᬮᬸᬳᬤᬶᬲᬸᬩᬵ᭞ᬓᬩᬯᭀᬲ᭄ᬳᬦ᭄ᬢᬸᬓ᭄ᬳᬶᬕᬸ
ᬭᬸ᭞ᬳᭀᬮᬶᬄᬲᬢ᭄ᬯᬢᬸᬢᬹᬃᬫᭂᬮᬄ᭞ᬳᬦᬾᬚᬦᬶ᭞ᬓᬾᬯᬮᬳᬤᬵᬳᬫᬢ᭄ᬭ᭟᭒᭐᭟ᬳᬗ᭄ᬕᬧ᭄ᬩᭂᬮᬶᬫᬢᬶᬗᭂᬢᬂ᭞ᬦᬾᬲᬸᬩᬵᬳᬤᬭᬶᬂᬳᬤᬶ᭞ᬬᬦ᭄ᬢᬸᬯᬭᬫᬵᬦᬹᬢ᭄ᬤᬶᬫᬦᬄ᭞ᬲᬢ᭄ᬯᬦ᭄ᬩᭂᬮᬶᬦᬾᬧᬸ
ᬦᬶᬓᬸ᭞ᬳᬧᬂᬳᬤᬶᬗᬫ᭄ᬧᬹᬭᬬᬂ᭞ᬦᬄᬦᬾᬚᬦᬶ᭞ᬓᬯᬶᬢᬶᬦ᭄ᬩᭂᬮᬶᬫᬜᬢ᭄ᬯᬵ᭟᭒᭑᭟ᬫᬵᬦᬹᬢ᭄ᬲᭀᬚᬃᬰᬵᬲ᭄ᬢ᭄ᬭᬵᬕᬫ᭞ᬓᬮᬶᬄᬯᬭᬄᬕᬸᬭᬸᬦ᭄ᬳᬤᬶ᭞ᬦᬾᬦᬸᬫᬸᬗ᭄ᬕᬸᬄᬭᬶᬘᬶᬢ᭄ᬢᬵ᭞ᬫᬢ᭄ᬭᬵᬫ [ 42 ][᭔᭑41B]
᭔᭑
ᬢ᭄ᬭᬵᬓᬭᬶᬦᬶᬧᬸᬦ᭄᭞ᬕᬮᬶᬳᬶᬦ᭄ᬩᬸᬯᬶᬦ᭄ᬤᬶᬫᬦᬄ᭞ᬲᬦᬾᬬᬸᬓ᭄ᬢᬶ᭞ᬳᭂᬦ᭄ᬢᭀᬲᬦ᭄ᬤᬂᬚ᭄ᬯᬳᬶᬗᭂᬢᬂ᭟᭠᭒᭒᭟ᬓᬳᬸᬘᬧ᭄ᬤᬤᬶᬫᬵᬦᬸᬱ᭞ᬲᬵᬓ᭄ᬱᬵᬢ᭄ᬳᬦᬓ᭄ᬩᬸᬢᬳᬤᬶ᭞ᬩᬸᬢᬢ᭄ᬯᬭᬦᬯᬂᬕᬮᬂ᭞ᬓᬾᬯᬮᬩᭂᬘ
ᬢ᭄ᬮᬸᬫᬓᬸ᭞ᬰᬵᬲ᭄ᬢ᭄ᬭᬵᬕᬫᬦᬾᬉᬧᬫ᭄ᬧᬵᬭᬸᬫ᭄ᬧᬸᬄᬳᬤᬶ᭞ᬢ᭄ᬯᬭᬵᬜᬶᬥᬬᬂᬫᬚᬮᬦ᭄᭟᭒᭓᭟ᬓᬾᬯᬮᬢᭂᬭᬂᬫᬜᬶᬗᬓ᭄᭞ᬢᭂᬭᬂᬢᬸᬫᭀᬦ᭄ᬳᬮᬩᭂᬘᬶᬓ᭄᭞ᬲᬓᬵᬮᬫᬶᬯᬄᬦᬶᬱ᭄ᬓᬵᬮ᭞ᬧᬧᬲ᭄ᬯᬃ
ᬕᬓᬜ᭄ᬘᬦᬶᬧᬸᬦ᭄᭞ᬓ᭄ᬭᬡᬧᬵᬢᬹᬢ᭄ᬫᬢᬸᬗ᭄ᬕᬮᬦ᭄᭞ᬫᬧ᭄ᬭᬓᬡ᭄ᬝᬶ᭞ᬲᬮᬶᬂᬢᬸᬮᬸᬂᬫᬭᬶᬂᬚᬕ᭠ᬢ᭄᭟᭒᭔᭟ᬳᬶᬭᬸᬫ᭄ᬧᬸᬄᬕᬦ᭄ᬥᬶᬂ᭞ᬚᬮᬦᬂ᭞ᬳᬶᬬᬫᬶᬢᬸᬤᬸᬳᬶᬦ᭄ᬫᬃᬕᬶ᭞ᬚᬮᬦ᭄ᬳᬦ᭄ᬢᬃᬢ᭄ᬯᬭᬲᬶᬫ᭄ᬧᬂ᭞ᬳᬫ᭄ᬩᬄ
ᬗᬮᬶᬄᬪᬹᬓ᭄ᬢᬶᬢᬸᬳᬸ᭞ᬲᬓᬵᬮᬫᬶᬯᬄᬦᬶᬱ᭄ᬓᬵᬮ᭞ᬲᬶᬥᬧᬗ᭄ᬕᬶᬄ᭞ᬤᬶᬃᬖ᭄ᬕᬬᬸᬱᬳᬸᬭᬶᬧ᭄ᬯᬭᬲ᭄᭟᭒᭕᭟ᬩᬸᬯᬶᬦ᭄ᬳᬤᬦᬾᬓᬳᬸᬘᬧ᭄᭞ᬫᬭᬶᬂᬰᬵᬲ᭄ᬢ᭄ᬭᬵᬕᬫᬳᬤᬶ᭞ᬬᬦᬶᬂᬲᬸᬕᬶᬄᬫᬭᬶᬂᬚᬕᬢ᭄᭞᭠
[᭔᭒41A]
ᬓᬳᬾᬩᭂᬓᬦ᭄‌ᬪ᭄ᬭᬡᬢᬸᬳᬸ᭞ᬲᬓᬶᬢᬓᬋᬧᬾᬲᬶᬥ᭞ᬗ᭄ᬳᬶᬂᬳᬩᭂᬲᬶᬓ᭄᭞ᬢ᭄ᬯᬭᬩᬦᬶᬫᬜᬕᭂᬭᬂ᭟᭒᭖᭟ᬮᬓᬃᬩᬓᬢ᭄ᬫᬾᬯᭂᬄᬧᬶᬲᬦ᭄᭞ᬫᬗᬮᬶᬄᬲᬢ᭄ᬬᬦᬾᬚᬵᬢᬶ᭞ᬬᬦ᭄ᬢᬸᬯᬭᬓᬳᬦ
ᬦ᭄ᬲᬢ᭄ᬬ᭞ᬦᬶᬃᬤᭀᬦ᭄ᬲᬸᬕᬶᬄᬪ᭄ᬭᬡᬮᬶᬬᬸ᭞ᬳᭂᬦ᭄ᬢᭀᬲᬚᬫᬜᬮᬭᬂ᭞ᬢᬶᬩᬾᬂᬯᬾᬘᬶ᭞ᬫᬦᭂᬫᬸᬤᬸᬄᬓᬶᬢᬪᬭ᭟᭒᭗᭟ᬲᬢ᭄ᬬᬳᬗ᭄ᬕᭀᬦ᭄ᬗᬭᬵᬓ᭄ᬱᬳᬗ᭄ᬕ᭞ᬳᬗ᭄ᬕᬧ᭄ᬭᬩᭀᬢᬾᬲᬸᬚᬢᬶ᭞ᬰ᭄ᬭᬷᬭᬵ᭠
ᬓ᭄ᬱᬫᬢᬶᬇᬰ᭄ᬬ᭞ᬢᬵᬧᬭᬵᬓ᭄ᬱᬨᬮᬦᬶᬧᬸᬦ᭄᭞ᬧᬗᬮᬄᬓ᭄ᬭᭀᬥᬭᬶᬂᬘᬶᬢ᭄ᬢ᭞ᬲᬂᬳ᭄ᬬᬂᬅᬚᬶ᭞ᬧᬫᬵᬥᭂᬫ᭄ᬳᬗ᭄ᬕᬵᬭᬓᭀᬘᬧ᭄᭟᭒᭘᭟ᬳᬦᬓ᭄ᬮᬭᬢᬦ᭄ᬧᬢᬫ᭄ᬩᬦ᭄᭞ᬇᬃᬰ᭄ᬬᬭᬶᬂᬲᬫᬤᬸᬫᬤᬶ᭞ᬢᬦ᭄
ᬲᬢ᭄ᬬᬫᬸᬗ᭄ᬕᬸᬄᬭᬶᬂᬘᬶᬢ᭄ᬢ᭞ᬓ᭄ᬭᭀᬥᬓᬵᬮᬦᬾᬫᬗ᭄ᬮᬶᬧᬸᬢ᭄᭞ᬫᬶᬮᬸᬲᬧᬭᬦᬶᬂᬮᬫ᭄ᬧᬄ᭞ᬤᬤᬶᬫᬶᬚᬶᬮ᭄᭞ᬰᬢ᭄ᬭᬸᬚᬬᬢᬦ᭄ᬓᬧᬂᬧᬂ᭟᭒᭙᭟ᬅᬯᬓ᭄ᬲᬸᬯᬸᬤ᭄ᬤᬤᬶᬕᭂᬮᬃ᭞ᬓᬾᬦ᭄ᬢᭀᬨᬮᬦᬾᬓᬧ [ 43 ][᭔᭒42B]
ᬗ᭄ᬕᬶᬄ᭞ᬯᬬᬦ᭄ᬘᬶᬢ᭄ᬢᬫᬦᬸᬦᬲᬂ᭞ᬦᬾᬫᬳᬤᬦ᭄ᬢᬵᬧᬢᬸᬳᬸ᭞ᬧᬫᬸᬦᬄᬓ᭄ᬭᭀᬥᬭᬶᬂᬘᬶᬢ᭄ᬢᬵ᭞ᬲᬯᬸᬃᬳᬭᬶᬲ᭄᭞ᬯᬬᬦ᭄ᬲᬢ᭄ᬯᬫᬦᬸᬳᬸᬭᬂ᭟᭓᭐᭟ᬢᬵᬧᬗᬭᬦ᭄ᬢᭂᬧᭂᬢᬶᬂᬫᬦᬄ᭞ᬫᬦᬸᬚᬸᬧᬭᬦᬶᬂ
ᬤᬤᬶ᭞ᬫᬓᬕᬸᬦᬸᬂᬗᬶᬓᬂᬳᬯᬓ᭄᭞ᬲᬂᬳ᭄ᬬᬂᬅᬢ᭄ᬫᬵᬲᬗ᭄ᬕᬃᬇᬓᬸ᭞ᬲᬓᬦᬶᬂᬲᬗ᭄ᬕᬃᬓᬳᬸᬘᬧ᭄᭞ᬲᬂᬳ᭄ᬬᬂᬳᬸᬭᬶᬧ᭄᭞ᬅᬫ᭄ᬩᭂᬓ᭄ᬲᬸᬘᬶᬫᬵᬯᬓ᭄ᬦᬢᬃ᭟᭓᭑᭟ᬲᬸᬓᭂᬢᬶᬂᬦᬢᬭᬾᬓᭀᬘᬧ᭄᭞ᬭᬵ
ᬕᬤ᭄ᬯᬾᬰᬫᭀᬳᬫᬮᬶᬄ᭞ᬓᬵᬫᬢᬺᬱ᭄ᬡᬵᬫᬶᬯᬄᬅᬃᬣ᭞ᬓᬜ᭄ᬘᬦ᭄ᬢᬶᬕᬫᬮᬳᬶᬓᬸ᭞ᬧᬶᬦᬓᬂᬲᬧᬸᬲᬢᬢ᭞ᬫᬦᬄᬳᬾᬮᬶᬂ᭞ᬫᬭᬶᬂᬧᬭᬦᬶᬂᬫᬜᬤ᭄ᬫᬵ᭟᭓᭒᭟ᬧᬶᬦᬓᬂᬩᬦ᭄ᬢᭂᬦ᭄ᬳᬸᬢ᭄ᬢᬫ᭞ᬧᭂᬤᬲ᭄
ᬳᬸᬦᬶᬂᬳᬮᬩᭂᬘᬶᬓ᭄᭞ᬲᬸᬓᬤᬸᬄᬓᬵᬧᬧᬲ᭄ᬯᬃᬕ᭞ᬲᬓᬵᬮᬦᬶᬱ᭄ᬓᬵᬮᬇᬓᬸ᭞ᬓᬲᬤᭀᬦᬾᬫᬓᬯᬱ᭄ᬝ᭄ᬭᬓᬾᬦ᭄ᬢᭀᬳᬤᬶ᭞ᬢᬸᬳᬸᬦᬶᬂᬗᬭᬦ᭄ᬫᬢᬧ᭟᭓᭓᭟ᬩᬸᬯᬶᬦ᭄ᬳᬤᬫᬤ
[᭔᭓43A]
ᬦ᭄ᬢᬧ᭞ᬧᬯᬭᬄᬳᬶᬕᬸᬭᬸᬗᬹᬦᬶ᭞ᬰᬵᬲ᭄ᬢ᭄ᬭᬵᬕᬫᬦᬾᬳᬗ᭄ᬕᭂᬧᬂ᭞ᬕᬸᬦᬸᬂᬲᭂᬓᬃᬮᬗ᭄ᬓᬸᬂᬳᬭᬸᬫ᭄᭞ᬫᬦᬳᬾᬳᬗ᭄ᬕᭂᬧᬂᬓᬸᬫ᭄ᬩᬂ᭞ᬫᬳᬲ᭄ᬲᬳᬶ᭞ᬫᬜᭂᬧ᭄ᬲᭂᬧ᭄ᬲᬭᬶᬦᬶᬂᬲᭂᬓᬃ᭟᭓᭔᭟ᬮᬦ᭄ᬢᬸᬭᬂ
ᬩᭂᬮᬶᬫᬜᬢ᭄ᬯ᭞ᬦᬸᬢᬸᬭᬂᬢᬶᬗ᭄ᬓᬄᬤᬸᬫᬤᬶ᭞ᬤᬤᬶᬚᬤ᭄ᬫᬵᬢ᭄ᬯᬶᬓᬳᬸᬘᬧ᭄᭞ᬫᬉᬢ᭄ᬢᬫᬵᬚᬵᬢᬶᬦᬶᬧᬸᬦ᭄᭞ᬤᬸᬯᬦᬶᬂᬲᬸᬩᬓᬳᬦᬦ᭄᭞ᬩᬸᬥᬶᬚᬵᬢᬶ᭞ᬳᭂᬦ᭄ᬢᭀᬳᬗ᭄ᬕᭀᬦ᭄‌ᬦᬫ᭄ᬧᬢᬶᬢᬄ
᭟᭓᭕᭟ᬢᬶᬢᬄᬳᬶᬤᬲᬂᬳ᭄ᬬᬂᬲᬹᬓ᭄ᬱ᭄ᬫᬵ᭞ᬫᬦᬶᬢᬄᬳᬫᬗᬸᬦ᭄ᬩᭂᬘᬶᬓ᭄᭞ᬳᭂᬦ᭄ᬢᭀᬫᬵᬤᬦ᭄‌ᬰᬸᬪᬓᬃᬫ᭞ᬨᬮᬦ᭄ᬰᬸᬪᬓᬃᬫᬳᬶᬓᬸᬢ᭄᭞ᬧᬫᬸᬦᬳᬦ᭄ᬮᬭᬪᬵᬭ᭞ᬓᬾᬦ᭄ᬢᭀᬧᬱ᭄ᬝᬶ᭞ᬳᭂ
ᬦ᭄ᬢᭀᬦᬾᬫᬵᬤᬦ᭄ᬓᬲᬸᬓᬦ᭄᭟᭓᭖᭟ᬲᬸᬓᬲᬓᬵᬮᬦᬶᬱ᭄ᬓᬵᬮ᭞ᬬᬦᬶᬂᬚᬦᬶᬫᬦᬸᬗ᭄ᬓᬲᬶᬦ᭄᭞ᬢᬦ᭄ᬫᬕᬯᬾᬰᬸᬪᬓᬃᬫ᭞ᬅᬰᬸᬪᬓᬃᬫᬦᬾᬢᬶᬦᬹᬢ᭄᭞ᬯᭂᬓᬲ᭄ᬨᬮᬦ᭄ᬜᬦᬾᬢᬶ᭠ [ 44 ][᭔᭓43B]
᭔᭓
ᬲᬶᬦᭀᬫ᭄᭟
ᬩᬵ᭞ᬅᬧᬦ᭄ᬧᬗ᭄ᬕᬶᬄ᭞ᬲᬓᬵᬮᬦᬶᬱ᭄ᬓᬵᬮᬓᭀᬘᬧ᭄᭟᭓᭗᭟ᬉᬭᬶᬧ᭄ᬳᬢᬶᬢ᭄ᬳᬸᬧᬫᬦ᭄ᬜᬵ᭞ᬢ᭄ᬯᬭᬮᬦᬩᬸᬯᬶᬦ᭄ᬫᬯᬮᬶ᭞ᬫᭀᬓ᭄ᬱᬫᬸᬮᬶᬄᬭᬶᬂᬢᬦ᭄ᬳᬦ᭞ᬓ᭄ᬭᬡᬚᬦᬶᬲᬸᬩᬧᬵᬢᬹᬢ᭄᭞ᬰᬸᬪᬓᬃᬫ
ᬦᬯᬗᬸᬦᬂ᭞ᬫᬭᬶᬂᬕᬸᬫᬶ᭞ᬳᬧᬂᬤᬵᬓᬲᬾᬧ᭄ᬤᬶᬚᬮᬦ᭄᭟᭓᭗᭟ᬬᬾᬦᬶᬂᬗᬯᬗᬸᬦ᭄‌ᬰᬸᬪᬓᬃᬫ᭄ᬫ᭞ᬫᬓᬵᬤᬶᬥᬃᬫᬦᬾᬳᬤᬶ᭞ᬬᬤ᭄ᬬᬧᬶᬳᬗᭂᬦ᭄ᬓᬾᬯᬮ᭞ᬲᬶᬦᬄᬨᬮᬦ᭄ᬜᬵᬓᬧᬗ᭄ᬕᬸᬄ᭞ᬅᬧᬦ᭄ᬥᬃ᭠
ᬫᬲᬵᬓ᭄ᬱᬵᬢ᭄ᬲᬹᬃᬬ᭄ᬬ᭞ᬯᬯᬸᬫᬶᬚᬶᬮ᭄᭞ᬗᬶᬮᬗᬂᬧᭂᬢᭂᬂᬭᬶᬂᬚᬕᬢ᭄᭚᭜᭚ᬧᬸᬄᬲᬶᬦᭀᬫ᭄᭟᭑᭞ᬰᬶᬦᭀᬫ᭄ᬳᬗ᭄ᬕᬾᬦ᭄ᬫᬗ᭄ᬮᬦ᭄ᬢᬸᬭᬂ᭞ᬲᬢ᭄ᬯᬦ᭄ᬢᬶᬗ᭄ᬓᬄᬲᬂᬤᬸᬫᬤᬶ᭞ᬲᬦᬾᬢᬦ᭄ᬢᭂᬧᭂᬢ᭄ᬫ
ᬭᬶᬂᬘᬶᬢ᭄ᬢ᭞ᬭᬶᬓᬵᬮᬲᬸᬓᬧᬶᬦᬗ᭄ᬕᬶᬄ᭞ᬕᬶᬭᬂᬜᬦᬾᬢᬦ᭄ᬲᬶᬦᬶᬧᬶ᭞ᬮᬮᬶᬭᬶᬂᬧᬯᬮᬶᬦᬶ᭠ᬧᬸᬦ᭄᭞ᬲᬸᬓᬦᬾᬫᬩᬮᬶᬓ᭄ᬤᬸᬄᬓ᭞ᬓᬤᬶᬘᬓ᭄ᬭᬦᬶᬂᬧᬤᬢᬶ᭞ᬫᭂᬦᬾᬓ᭄ᬢᬸᬳᬸᬦ᭄᭞ᬫᬧᬸᬢ᭄ᬭᬦ᭄ᬚᭂ᭠
[᭔᭔44A]
ᬗᭂᬢ᭄ᬧᬶᬲᬦ᭄᭟᭒᭟ᬭᬶᬢᬢ᭄ᬓᬵᬮᬦᭂᬫᬸᬮᬭ᭞ᬲᭂᬤᬶᬄᬜᬦᬾᬢᬦ᭄ᬲᬶᬦᬶᬧᬶ᭞ᬜᭂᬮ᭄ᬲᭂᬮ᭄ᬳᬯᬓ᭄ᬢᬦᬶᬓᬭ᭄ᬯᬦ᭄᭞ᬯᬶᬥᬶᬦᬾᬢᬦ᭄ᬳᬾᬮᬶᬂᬤᬮᬶᬄ᭞ᬢ᭄ᬯᬭᬲ᭄ᬯᬾᬘ᭄ᬙᬫᬜ᭄ᬯᬾᬘᬦᬶᬦ᭄᭞ᬳᭂᬦ᭄ᬢᭀ
ᬚᬵᬢᬶᬳᬦᬓ᭄ᬢᬦ᭄ᬤ᭄ᬭᬸᬄ᭞ᬫᬭᬶᬂᬓᬃᬫᬦ᭄ᬜᬦᬾᬲᬸᬩ᭞ᬓ᭄ᬭᬡᬫᬗ᭄ᬕᬶᬄᬮᬭᬓᬶᬗ᭄ᬓᬶᬂ᭞ᬨᬮᬦᬶᬧᬸᬦ᭄᭞ᬅᬰᬹᬪᬓᬃᬫᬦ᭄ᬜᬦᬾᬧᬹᬃᬯ᭄ᬯ᭟᭓᭟ᬩᭀᬬᬲᬗ᭄ᬓᬦᬶᬂᬯᬶᬥᬶᬯᬰ᭞ᬫᬵᬯᬾᬄᬮᬭᬫᬭᬶᬂᬕᬸ᭠
ᬫᬶ᭞ᬲᬸᬓᬤᬸᬓᬲᬸᬚᬵᬢᬶᬦ᭄ᬜᬵ᭞ᬨᬮᬓᬃᬫᬦ᭄ᬜᬦᬾᬗᬹᬦᬶ᭞ᬓᬵᬭᬡᬳᬤᬮᭀᬓᬦ᭄ᬕᬸᬫᬶ᭞ᬲᬾᬮᬢᬦ᭄ᬥᬸᬃᬲᬾᬮᬧᬸᬧᬹ᭞ᬚᬕᬸᬂᬢᬦᭂᬫ᭄‌ᬚᬕᬸᬂᬧᬸᬧ᭄ᬯᬂ᭞ᬓᬾᬦ᭄ᬢᭀᬧᬱ᭄ᬝᬶᬢ᭄ᬯᬭᬧᭂᬮᬶᬄ᭞ᬩᭂᬮᭀᬕ᭄ᬧᬸᬗ᭄ᬕᬸᬂ
ᬜᭂᬮ᭄ᬲᭂᬮ᭄‌ᬯᬶᬥᬶᬧᬸᬭᬓᬺᬢ᭄ᬢ᭟᭔᭟ᬲᬗ᭄ᬓᬦ᭄ᬕᬫ᭄ᬧᬂᬫᬲᭂᬮ᭄ᬲᭂᬮᬦ᭄᭞ᬜᭂᬮ᭄ᬲᭂᬮ᭄ᬯᬶᬥᬶᬲᬳᬶᬲᬳᬶ᭞ᬲᬮᬄᬤᬮᬶᬄᬫᬗᬦᬹᬢᬂ᭞ᬗ᭄ᬭᬾᬓᬬᬂᬯᬶᬥᬶᬭᬶᬂᬳᬢᬶ᭞ᬓᬤᬶᬥᬾᬯᬾᬓ᭄ᬜᬦᬾᬧᬱ᭄ᬝᬶ [ 45 ][᭔᭓44B]
᭔᭔
ᬓᬳᬦᬦ᭄ᬧᬶᬓᬬᬸᬦ᭄ᬩᭂᬦ᭄ᬥᬸ᭞ᬓᬭᬓᭂᬢᬦ᭄ᬭᬚᬄᬢᬫᬄ᭞ᬫᬗ᭄ᬮᬾᬤᬗᬶᬦ᭄ᬤᬕᬶᬂᬕᬸᬫᬶ᭞ᬓᬜ᭄ᬘᬦ᭄ᬳᬶᬧᬸᬦ᭄᭞ᬓᬜ᭄ᬘᬦᬶᬧᬸᬦ᭄᭞ᬤᬶᬚᬩᬓᬢ᭄ᬓᬢᬸᬢᬸᬭᬦ᭄᭟᭕᭟ᬲᬂᬳ᭄ᬬᬂᬯᬶᬥᬶᬯᬰᬓᭀᬘ
ᬧ᭄᭞ᬫᬵᬳᬾᬃᬫᬭᬶᬂᬳᬮᬩᭂᬘᬶᬓ᭄᭞ᬫᬭᬶᬂᬲᬸᬓᬤᬸᬓᬋᬓᭀ᭞ᬢᬦ᭄ᬓᬭᬓᭂᬢᬦ᭄ᬳᬮᬩᭂᬘᬶᬓ᭄᭞ᬲᬸᬓᬤᬸᬄᬓᬲᬫᬶᬫᬫ᭄ᬧᬶᬃ᭞ᬉᬢ᭄ᬢᬫᬢᬦ᭄ᬓᭂᬦᬾᬂᬢᬸᬥᬸᬄ᭞ᬲᬗ᭄ᬓᬦ᭄‌ᬚ᭄ᬯᬭᬶᬫᬗ᭄ᬭᬾᬓ
ᬓᬬᬂ᭞ᬲᬂᬳ᭄ᬬᬂᬯᬶᬥᬶᬫᬭᬶᬂᬳᬢᬶ᭞ᬓᭂᬦᬶᬢᬸᬫ᭄ᬩᬸᬓ᭄᭞ᬩᬳᬦ᭄ᬫᬬᬫᬭᬶᬂᬚᬕᬢ᭄᭟᭖᭟ᬳᬦᬓ᭄ᬩᬸᬢᬓᬢᬦ᭄ᬤ᭄ᬭᬸᬳᬦ᭄᭞ᬲᬳᬦᬦᬶᬂᬤᬕᬶᬂᬕᬸᬫᬶ᭞ᬲ᭄ᬯᬾᬘ᭄ᬙᬦ᭄ᬲᬂᬳ᭄ᬬᬂᬯᬶᬥᬶᬯᬰ᭞ᬤᬮᬶᬄᬢᬸᬦᬵ
ᬓ᭄ᬭᬡᬫᬮᬶᬄ᭞ᬫᬧᬶᬦᬸᬦᬲ᭄ᬗᬲᬶᬄᬳᬲᬶᬄ᭞ᬓᬾᬦᬾᬓᬾᬦ᭄ᬢᭀᬢᬦ᭄ᬧᬳᬸᬡ᭄ᬥᬸᬓ᭄᭟ᬯᭂᬢᬸᬇᬥᭂᬧ᭄ᬓᬤᬸᬭᬸᬕᬦ᭄᭞ᬩᭀᬬᬫᬫᬶᬦᭂᬄᬤᬶᬳᬢᬶ᭞ᬚᬵᬢᬶᬧᬸᬧᬸᬢ᭄᭞ᬲ᭄ᬯᬾᬘ᭄ᬙᬦ᭄ᬳᬶᬤᬫ
[᭔᭕45A]
ᬭᬶᬂᬚᬕᬢ᭄᭟᭗᭟ᬧᬜ᭄ᬘᬫᬳᬪᬹᬢᬫᬭᬦ᭄᭞ᬮᬮᬶᬫᬓᬝᬵᬄᬜᬳᬤᬶ᭞ᬧᬺᬣᬶᬯᬶᬳᬧᬄᬓᬳᬸᬘᬧ᭄᭞ᬢᬾᬚᬦᬬᬸᬫᬶᬯᬄᬮᬗᬶᬢ᭄᭞ᬳᭂᬦ᭄ᬢᭀᬮᬓᬃᬫᬭᬶᬂᬕᬸᬫᬶ᭞ᬮᬗ᭄ᬓᬸᬂᬍᬯᬶᬄᬚᬵᬢᬶᬦᬶᬧᬸ
ᬦ᭄᭞ᬲᬵᬓᬶᬢᬓᬵᬋᬮᬾᬦᬤᭀᬲᬂ᭞ᬫᬓᬤᬲᬃᬧᬕᭂᬄᬳᬢᬶ᭞ᬲᬶᬥᬧᬗ᭄ᬕᬸᬄ᭞ᬨᬮᬦ᭄ᬜᬦᬾᬫᬳᭀᬢ᭄ᬢᬫ᭞᭘᭞ᬫᬦᬹᬢ᭄ᬲᭀᬚᬃᬲᬂᬅᬃᬚᬸᬦ᭞ᬫᬭᬶᬂᬲᬂᬳ᭄ᬬᬂᬚᬕᬢ᭄ᬧᬢᬶ᭞ᬲᭂᬤᬸᬓ᭄ᬳᬶᬤᬫᬗᬸ
ᬦ᭄ᬢᬵᬧ᭞ᬫᬭᬶᬂᬇᬦ᭄ᬤ᭄ᬭᬓᬶᬮᬕᬶᬭᬶ᭞ᬯᭂᬤᬃᬩᬯᭀᬲ᭄ᬳᬶᬤᬧᬱ᭄ᬝᬶ᭞ᬧᬱ᭄ᬝᬶᬲᬦ᭄ᬤᬂᬳᬤᬶᬗᬸᬕᬸ᭞ᬓᬾᬦᬾᬳᬤᬶᬓᬯᭂᬤᬮᬂᬂ᭞ᬦᬾᬤᬸᬭᬸᬂᬓᬧᬗ᭄ᬕᬶᬄᬫᬗ᭄ᬓᬶᬦ᭄᭞ᬯᭂᬓᬲ᭄ᬧᬗ᭄ᬕᬸᬄ᭞ᬦᬾᬫᬗ᭄ᬓᬶᬦ᭄ᬤᬸᬭᬸᬂᬓᬘ᭄ᬭᬶᬢ
᭟᭙᭟ᬲᭂᬓᬲ᭄ᬲᬶᬥᬩᬵᬦ᭄ᬗᭂᬦᭂᬳᬂ᭞ᬢᬦ᭄ᬓᬮᬫ᭄ᬧᬄᬲᬦᬾᬫᬗ᭄ᬓᬶᬦ᭄᭞ᬯᭂᬓᬲ᭄ᬚᬦ᭄ᬢᭂ᭠ᬦ᭄ᬧᬘᬂᬲᬶᬥ᭞ᬳᬦ᭄ᬢᬸᬓ᭄ᬫᬜᬮᬦᬂᬧᬱ᭄ᬝᬶ᭞ᬫᬓᬤᬲᬃᬩᬸᬥᬶᬚᬵᬢᬶ᭞ᬫᬶᬢᬸᬭᬸᬢ᭄ᬢᬢ᭄ᬯᬧᬸᬦᬶᬓᬸ᭞ᬰᬶᬯ [ 46 ][᭔᭕45B]
᭔᭕
ᬢᬢ᭄ᬯᬓᬳᬸᬘᬧᬂ᭞ᬲᬶᬥᬢᬦ᭄ᬧᬓᭂᬮᬶᬃᬫᬮᬶᬄ᭞ᬤᬶᬢᬸᬫᬸᬗ᭄ᬕᬸᬄ᭞ᬫᬭᬶᬂᬓᬓᬯᬶᬦ᭄ᬯᬶᬯᬵᬳ᭟᭑᭐᭟ᬯᬶᬭᬾᬄᬓᬾᬦ᭄ᬢᭀᬲᬸᬩᬲᬦ᭄ᬤᬂ᭞ᬳᭂᬤᬵᬩᬸᬯᬶᬦ᭄ᬳᬮᬂᬳᬾᬮᬶᬂ᭞ᬮᬓᬃᬫᬮᬚᬳᬂᬳᬯᬓ᭄᭞
ᬅᬧᬦ᭄ᬢᬶᬗ᭄ᬓᬳᬶᬂᬤᬸᬫᬤᬶ᭞ᬳᬤᬧᬗᬸᬧᬩᬸᬯᬶᬦ᭄᭞ᬓᬤᬶᬩᬩᬦ᭄ᬤᬦ᭄‌ᬢᬦ᭄ᬯᬸᬭᬸᬂ᭞ᬧᭂᬚᬄᬢᬸᬦ᭄ᬤᬸᬦ᭄ᬦᬸᬚᬸᬰᬾᬢ᭄ᬭ᭞ᬢᬸᬗ᭄ᬕᬶᬮ᭄ᬢᬶᬦ᭄ᬤᬓ᭄ᬲᬸᬩᬧᬱ᭄ᬝᬶ᭞ᬦᬾᬓᬢᬸᬚᬸ᭞ᬕᭂᬦᬄᬰᬾᬢ᭄ᬭᬗᬦᬫ᭄ᬧᭂ
ᬓᬂ᭟᭑᭑᭟ᬯᬬᬦ᭄ᬘᬶᬢ᭄ᬢᬫᬵᬢᬹᬃᬲᬶᬫ᭄ᬩᬮ᭄᭞ᬭᬭᬶᬲᬂᬩᭂᬮᬶᬦᬾᬫᬗ᭄ᬓᬶᬦ᭄᭞ᬧᬶᬤᬃᬣᬬᬂᬫᬗ᭄ᬤᬾᬢᭂᬭᬂ᭞ᬫᬗ᭄ᬤᬢᬶᬢ᭄ᬬᬂᬢᬢᬲ᭄ᬳᬸᬦᬶᬂ᭞ᬧᬦᬤᭀᬲᬦ᭄ᬳᬶᬧᬸᬦ᭄ᬲᬫᬶ᭞ᬧᬜ᭄ᬘᬫᬳᬵᬪᬹᬣᬇᬓᬸ᭞ᬯᬬ
ᬦ᭄ᬲᬢ᭄ᬯᬲᬯᬸᬃᬦᬶᬫ᭄ᬩᬮ᭄᭞ᬳᭂᬦ᭄ᬢᭀᬤᬤᬶᬓᬡ᭄ᬝᬶᬦ᭄ᬕᬸᬫᬶ᭞ᬕᬸᬡᬦᬶᬧᬸᬦ᭄᭞ᬗᬯᬺᬥᬶᬬᬂᬳᬬᬸᬦ᭄ᬚᬕᬢ᭄᭟᭑᭒᭟ᬦᬵᬗ᭄ᬳᬶᬂᬧᬂᬩᬶᬲᬫᬗᬦᬹᬢᬂ᭞ᬗᬗ᭄ᬕᬾᬦ᭄ᬳᬶᬧᬸᬦ᭄ᬓᬡ᭄ᬝᬶᬲᬳᬶ᭞ᬤᬤᭀᬬ
[᭔᭖46A]
ᬦᬾᬳᬧᬂ᭞ᬳᬚᬓ᭄ᬳᬮᬸᬄᬲᬾᬩᭂᬢ᭄ᬕᬢᬶ᭞ᬳᬸᬮᬶᬂᬲᭂᬫᭂᬂᬗᬦ᭄ᬢᭀᬲ᭄ᬮᬶᬗ᭄ᬲᬶᬃ᭞ᬳᬚᬓ᭄ᬗᬗ᭄ᬕᬸᬃᬗᬗᬶᬦ᭄ᬗᬯᬸᬄ᭞ᬗᬚᬗᭂᬮᭀᬤ᭄ᬢᬦ᭄ᬭᬾᬭᬾᬦᬦ᭄᭞ᬫᭂᬥᭂᬫ᭄ᬩᬗᬸᬦ᭄ᬲᬳᬶᬲᬳᬶ᭞ᬤᬤᬶᬰᬢ᭄ᬭᬸ᭞ᬳᬶᬧᬸᬦ᭄ᬫᬗᬸ
ᬦ᭄ᬮᬭᬯᬶᬭᬂ᭟᭑᭓᭟ᬬᬦᬶᬂᬳᬚᬓ᭄ᬫᬕᬭᬧᬦ᭄᭞ᬕᬶᬭᬂᬜᬦᬾᬢᬶᬤᭀᬂᬕᬶᬕᬶᬲ᭄᭞ᬧᭂᬲᬸᬤᬵᬦᬦ᭄ᬜᬦᬾᬓᭀᬘᬧ᭄᭞ᬲᬓᬶᬢᬓᬵᬋᬧ᭄ᬦᬕᬶᬳᬶᬦ᭄᭞ᬧᭂᬤᬲ᭄ᬢᬸᬯᬭᬓᬧᬸᬘᬶᬗᬶᬦ᭄᭞ᬳᬶᬬᬚᬢᬶ
ᬤᬵᬦᬢᭂᬭᬸᬲ᭄᭞ᬳᬶᬮᬭᬓᬤᬦᬾᬦ᭄ᬢᬫ᭄ᬩᬵ᭞ᬳᬶᬬᬢᬶᬯᬲ᭄ᬓᬤᬵᬦᬾᬦ᭄ᬧᬶᬧᬶᬲ᭄᭞ᬓᬜ᭄ᬘᬦᬶᬧᬸᬦ᭄᭞ᬲᬃᬯᬪᬹᬓ᭄ᬢᬶᬦᬾᬲᬸᬭᬱᬵ᭟᭑᭕᭟ᬦᬵᬗ᭄ᬳᬶᬂᬳᬤᬧᬶᬢᭂᬗᭂᬢ᭄ᬜᬵ᭞ᬫᬭᬶᬂᬳᬶᬤᬤᬦᬾᬲᬫᬶ᭞
ᬫᬗ᭄ᬤᬳᬸᬦᬶᬂᬫᬗᬦᬹᬢᬂ᭞ᬤᬵᬦᬦᬾᬧᬶᬦᬮᬶᬄᬢ᭄ᬭᬶᬦᬶ᭞ᬓᬂᬲᬩᬕᬶᬲᬵᬤᬦᬦᬶᬂ᭞ᬓᬥᬃᬫ᭄ᬫᬦᬶᬂᬥᬃᬫᬢᬸᬳᬸ᭞ᬓᬂᬲᬩᬕᬶᬫᬮᬶᬄᬇᬓᬵ᭞ᬲᬵᬥᬦᬭᬶᬂᬓᬲᬶᬥᬦᬶᬂ᭞ᬓᬵᬫᬳᬶᬓᬸ [ 47 ][᭔᭖46B]
᭔᭖
ᬧᬶᬂᬢᬶᬕᬦᬶᬂᬪᭀᬕᬓᭀᬘᬧ᭄᭟᭑᭕᭟ᬲᬵᬥᬦᬭᬶᬂᬓᬲᬶᬥᬬᬦ᭄᭞ᬦᭂᬫᬸᬅᬃᬣᬯᬺ᭠ᬥᬶᬫᬮᬶᬄ᭞ᬓᬾᬦ᭄ᬢᭀᬳᬤᬶᬧᬶᬢᭂᬓᭂᬢ᭄ᬜ᭞ᬫᬭᬶᬂᬲᬂᬓᬥᬦᬾᬦ᭄ᬲᬫᬶ᭞ᬬᬦᬶᬂᬲᬵᬫ᭄ᬧᬸᬦ᭄ᬓᬳᬦᬹᬢᬶ
ᬦ᭄᭞ᬢᬸᬥᬸᬄᬧᬯᬶᬲᬶᬓ᭄ᬜᬵᬳᬶᬓᬸᬢ᭄᭞ᬫᬗ᭄ᬕᬶᬄᬳᬬᬸᬫᬭᬶᬂᬚᬕᬢ᭄᭞ᬲᬸᬓᬲᬤ᭄ᬥᬵᬓᬳᬭᬦᬶᬦ᭄᭞ᬓᬾᬦ᭄ᬢᭀᬢᬸᬳᬸ᭞ᬧᬶᬦᭂᬄᬳᬤᬶᬧᬱ᭄ᬝᬶᬓᬬᬂ᭟᭑᭖᭟ᬬᬦᬶᬂᬢᬸᬯᬭᬫᬗᬦᬹᬢᬂ᭞ᬜ᭠
ᬮᬦᬂᬤᬵᬦᬧᬸᬦᬶᬓᬶ᭞ᬢᬦ᭄ᬧᬶᬦᬮᬶᬄᬤᬤᭀᬲ᭄ᬢᬶᬕ᭞ᬓᬤᬶᬧᬧᬮᬶᬳᬦ᭄ᬗᬹᬦᬶ᭞ᬓᬾᬯᬮᬳᬗ᭄ᬕᬾᬦ᭄ᬫᬗᬸᬮᬸᬭᬶᬦ᭄᭞ᬧᬜ᭄ᬘᬯᬶᬰᬬᬧᬸᬦᬶᬓᬸ᭞ᬗᬶᬗᬸᬢᬯᬸᬮᬦ᭄ᬲᬢᬢ᭞ᬫᬗ᭄ᬤᬵᬫᭀᬓᭀᬄ
ᬢᬸᬭᬶᬂᬩᭂᬘᬶᬓ᭄᭞ᬯᭂᬓᬲ᭄ᬳᬶᬧᬸᬦ᭄᭞ᬓᬢᬥᬄᬩᬵᬦ᭄ᬓᬮᬵᬦ᭄ᬢᬓ᭄ᬓ᭞᭑᭗᭟ᬬᬦᬶᬂᬳᬶ᭠ᬤᬲᬂᬯᬸᬲ᭄ᬥᬃᬫ᭄ᬫᬵᬯᬶᬓᬦ᭄ᬭᬶᬂᬳᬗ᭄ᬕᬦᬾᬚᬵᬢᬶ᭞ᬢᬦ᭄ᬮᬦᬵᬭᬶᬂᬓᬵᬮᬧᭂᬚᬄ᭞ᬲᬃᬯᬋᬕᭂᬤ᭄ᬫᬦᭀ
[᭔᭗47A]
ᬗᭀᬲᬶᬦ᭄᭞ᬤᬤᬶᬪᬹᬓ᭄ᬢᬶᬦ᭄ᬳᬸᬍᬤ᭄‌ᬘᬘᬶᬂ᭞ᬩᭀᬬᬯᬾᬦ᭄ᬢᭂᬦ᭄ᬫᬸᬮ᭄ᬬᬦᬶᬧᬸᬦ᭄᭞ᬢᬦ᭄ᬓᬳ᭄ᬬᬸᬦ᭄ᬫᬶᬢᬸᬭᬸᬢ᭄ᬳᬶᬤᬵ᭞ᬓᬲᬸᬓᬦ᭄ᬳᬗ᭄ᬕᬵᬧᬸᬦᬶᬓᬶ᭞ᬫᬗ᭄ᬤᬵᬲᬫ᭄ᬧᬸᬦ᭄᭞ᬮᬦᬦᬾᬓᬮᬶᬧᬸᬢ᭄ᬫᬬ᭟᭑᭘᭟
ᬩᬸᬯᬶᬦ᭄ᬳᬤᬵᬫᬗᬸᬘᬧᬂ᭞ᬳᬗ᭄ᬕᬵᬲᬓᬵᬮᬦᬾᬚᬦᬶ᭞ᬫᬲᬶᬄᬳᭂᬦ᭄ᬢᭀᬫᬗᬤᬓᬂ᭞ᬧᬜ᭄ᬘᬫᬳᬵᬪᬹᬣᬗᬹᬦᬶ᭞ᬳᬸᬮᬶᬤᬶᬢᬸᬫᬶᬚᬶᬮ᭄ᬲᬭᬶ᭞ᬱᬤ᭄ᬭᬱᬳᬭᬦᬶᬧᬸᬦ᭄᭞ᬫᬲᭂᬫ᭄ᬲᭂᬧᭂᬢ᭄ᬫᬶᬯᬄᬮᬮᬄ
᭞ᬧᬳᬶᬢ᭄ᬫᬦᬶᬲ᭄ᬫᬶᬯᬄᬳᬲᬶᬦ᭄᭞ᬤᬤᬶᬓᬶᬦᬸᬫ᭄᭞ᬤᬤᬶᬧᬗᬦ᭄ᬫᬭᬶᬂᬚᬕᬢ᭄᭟᭑᭙᭟ᬲᬭᬶᬲᬭᬶᬦ᭄ᬧᬗᬦ᭄ᬓᭀᬘᬧ᭄᭞ᬬᬤ᭄ᬬᬧᬶᬦ᭄ᬦᬾᬓᬶᬦᬸᬫ᭄ᬳᬤᬶ᭞ᬤᬤᬶᬤᬕᬶᬂᬲᬸᬫ᭄ᬲᬸᬫ᭄‌ᬭᬄ᭞ᬲᬭᬷᬦ᭄ᬳᬶᬧᬸ
ᬦ᭄ᬫᬮᬶᬄᬤᬤᬶ᭞ᬓᬵᬫᬭᬣᬶᬄᬓᬳᬭᬦᬶᬦ᭄᭞ᬓᬵᬫᬭᬣᬶᬳᬾᬧᬸᬦᬶᬓᬸ᭞ᬫᬢᬸᬗ᭄ᬕᬮᬦ᭄ᬤᬤᬶᬚᬦ᭄ᬫᬵ᭞ᬓᬜ᭄ᬘᬦ᭄ᬳᬸᬭᬶᬧ᭄ᬫᬭᬶᬂᬕᬸᬫᬶ᭞ᬯᭂᬓᬲ᭄ᬳᬶᬧᬸᬦ᭄᭞ᬫᬮᬶᬄᬫᬯᬮᬶᬭᬶᬂᬲᬗ᭄ᬓᬦ᭄᭟᭒᭐᭟ᬬᬦᬶᬂ [ 48 ][᭔᭗47B]
᭔᭗
ᬩᭂᬮᬶᬫᬗᭂᬦᭂᬳᬂ᭞ᬗᬯᬮᬶᬬᬂᬳᬗ᭄ᬕᬵᬳᬶᬓᬶ᭞ᬢ᭄ᬯᬭᬲᭂᬗ᭄ᬓᬵᬕᬫ᭄ᬧᬂᬧᬶᬲᬦ᭄᭞ᬩᬳᬦ᭄ᬢᭀᬬᬕᭂᬦᬶᬳᬗᬶᬦ᭄᭞ᬫᭀᬦ᭄ᬢᭀᬧ᭄ᬭᬕᬢ᭄ᬓᬳᬦᬶᬦ᭄᭞ᬦᬾᬗᬸᬭᬶᬧᬂᬳᬗ᭄ᬕᬇᬓᬸ᭞ᬦᬾᬓᬳᬸᬘᬧ᭄ᬲᬂᬳ᭄ᬬᬂᬅᬢ᭄ᬫ᭞
ᬤᬶᬚᬓᬯᬶᬢ᭄ᬳᬶᬤᬗᬹᬦᬶ᭞ᬚᬵᬢᬶᬦᬶᬧᬸᬦ᭄᭞ᬲᭂᬗ᭄ᬓᬵᬩᬳᬦ᭄ᬫᬗᭂᬦᭂᬳᬂ᭟᭒᭑᭟ᬬᬤ᭄ᬬᬲ᭄ᬢᬸᬓᬾᬲᬸᬩᬢᬯᬂ᭞ᬮᬶᬗ᭄ᬕᬶᬄᬓᬯᬶᬢ᭄ᬳᬶᬤᬗᬹᬦᬶ᭞ᬓᬾᬦ᭄ᬓᬾᬦ᭄ᬩᬳᬦ᭄ᬗᬯᬮᬶᬬᬂ᭞ᬳᬧᬳᬗ᭄ᬕᭀᬦ᭄ᬫᬜᬮᬭᬶᬦ᭄᭞ᬩ
ᬳᬦ᭄ᬢᭀᬬᬳᬧᬶᬳᬗᬶᬦ᭄᭞ᬚᬯᬢ᭄ᬚᬧᬫᬦ᭄ᬢ᭄ᬭᬇᬓᬸ᭞ᬤᬵᬦᬋᬦ᭄ᬬᬫᬶᬯᬄᬬᬚ᭄ᬜᬵ᭞ᬤᬶᬓᬵᬧᬦ᭄ᬩᬶᬲᬫᬯᬮᬶ᭞ᬤᬳᬢ᭄ᬓᬾᬯᬸᬄ᭞ᬬᬦ᭄ᬢᬧᭂᬢ᭄ᬫᬢᬶᬢᬶᬲᬂ᭟᭒᭒᭟ᬳᬤᬲᬢ᭄ᬯᬲᬲᬶᬧ᭄ᬢᬬᬦ᭄᭞ᬳᬶ
ᬯᬦᬵᬭᬬᬦ᭄ᬳᬸᬧᬫᬶ᭞ᬪᬹᬱᬡᬳᬶᬦ᭄ᬲᬃᬯᬭᬢ᭄ᬦᬵ᭞ᬓᬜ᭄ᬘᬦ᭄ᬪᬸᬱᬡᬦᬾᬍᬯᬶᬄ᭞ᬲᬸᬩᬲᬶᬦᬄᬢ᭄ᬯᬭᬚᬵᬢᬶ᭞ᬧᬘᬂᬫᬗᬸᬦᬼᬕᬦ᭄ᬳᬶᬧᬸᬦ᭄᭞ᬤᬤᭀᬬᬦ᭄ᬜᬵᬫᬗ᭄ᬤᬵᬩᬾᬩᬲ᭄᭞ᬫᭂᬦᬾᬓ᭄ᬢᬭᬸ
[᭔᭘48A]
ᬲᬳᬶᬲᬳᬶ᭞ᬍᬕᬦ᭄ᬳᬶᬧᬸᬦ᭄᭞ᬳᬫᬗᬦ᭄ᬨᬮᬭᬶᬂᬳᬮᬲ᭄᭟᭒᭓᭟ᬫᬲᬶᬄᬳᬶᬓᬶᬤᬂᬫᬜ᭄ᬚᬗᬦ᭄᭞ᬤᬶᬓᬧᬦ᭄ᬢᬸᬱ᭄ᬝᬭᬶᬂᬳᬢᬶ᭞ᬪᬹᬱᬡᬳᬶᬦ᭄ᬳᬦ᭄ᬢᬸᬓ᭄ᬫᬵᬲ᭄᭞ᬬᬦ᭄ᬢᬦ᭄ᬩᬾᬩᬲ᭄ᬫᬭᬶᬂᬳᬢᬶ᭞ᬫ
ᬗᬦ᭄ᬥᬸᬓᬸᬢᬸᬢ᭄ᬲᬵᬭᬶ᭞ᬭᬶᬂᬫᬵᬥᬸᬯᬦᬶᬂᬳᬮᬲ᭄ᬳᬶᬓᬸ᭞ᬲᬲᬶᬧ᭄ᬢᬦ᭄ᬲᬢ᭄ᬯᬧᬸᬦᬶᬓᬵ᭞ᬥᬾᬦᬶᬂᬩᭂᬮᬶᬫᬦᬫ᭄ᬧᬾᬦᬶᬦ᭄᭞ᬯᬳ᭄ᬬᬦᬶᬧᬸᬦ᭄᭞ᬫᬗ᭄ᬤᬵᬳᬶᬦᬶᬂᬫᬢᬶᬢᬶᬲᬂ᭟᭒᭔᭟ᬦᬾᬫᬓ᭄ᬭᬡᬗᬾ
ᬩᬲ᭄ᬳᬶᬤᬵ᭞ᬲᬂᬳ᭄ᬬᬂᬳᬸᬭᬶᬧ᭄ᬲᬶᬥᬫᬸᬮᬶᬄ᭞ᬫᬭᬶᬂᬲᬗ᭄ᬓᬦ᭄ᬳᬶᬤᬫᬹᬮ᭞ᬢᬦ᭄ᬓᬮᬶᬧᬸᬢ᭄ᬫᬬᬳᬤᬶ᭞᭠ᬫᬵᬬᬦ᭄ᬕᬸᬫᬶᬫᬗᬾᬤᬦᬶᬦ᭄᭞ᬯᬬᬦ᭄ᬘᬶᬢ᭄ᬢᬫᬵᬢᬹᬃᬳᬮᬸᬲ᭄᭞ᬢᬶᬢ᭄ᬬᬂᬯᬦ᭄ᬢᬄᬫᬦ᭄ᬤᬯᭂᬕᬂ᭞ᬢᬸᬫᬸᬲᬂᬲ᭄ᬯᬾ
ᬘ᭄ᬙᬦᬾᬫᬗ᭄ᬓᬶᬦ᭄᭞ᬫᬯᬾᬄᬲᬸᬮᬄ᭞ᬫᬭᬶᬂᬢᬶᬢ᭄ᬬᬂᬓᬧᭂᬢᭂᬗᬦ᭄᭚᭜᭚ᬧᬸᬄᬥᬂᬥᬂ᭟᭑᭟ᬯᬬᬦ᭄ᬲᬢ᭄ᬯᬵᬤᬶᬳᬕᬾᬫᬜᬯᬸᬭᬶᬦ᭄᭞ᬲᭂᬗ᭄ᬓᬵᬧᬶᬲᬦ᭄᭞ᬬᬤ᭄ᬬᬲ᭄ᬢᬸᬓᬳᬸ [ 49 ][᭔᭘48B]
᭔᭘
ᬘᬧ᭄᭞ᬢᬶᬗ᭄ᬓᬄᬤᬤᬶᬫᬵᬦᬸᬱᬦᬾ᭞ᬓᬝᬵᬄᬧᬗᬸᬧᬵᬬᬦᬶᬧᬸᬦ᭄᭞ᬫᬯᬶᬰᬾᬱᬫᬭᬶᬂᬕᬸᬫᬶ᭞ᬲᬓᬵᬮᬤᬕᬶᬗᬶᬂᬚᬕᬢ᭄᭞ᬲᬫᬶᬧᬥᬦᬸᬗ᭄ᬓᬸᬮ᭄᭞ᬓᬜ᭄ᬘᬦ᭄ᬫᬶᬦᬫᬭᬶᬂᬢᭀᬬ᭞ᬲᬶᬥᬧᭂᬚᬄ᭞ᬓᬉᬧ
ᬬᬳᬦ᭄ᬢᬸᬓ᭄ᬧᬜ᭄ᬘᬶᬂ᭞ᬳᬦ᭄ᬢᬸᬓ᭄ᬲᬯᬸᬫᬶᬯᬄᬧᭂᬜ᭄ᬘᬃ᭟᭒᭟ᬲᬃᬯᬫᬶᬩᭂᬃᬫᬓᬤᬶᬦ᭄ᬜᬦᬾᬧᬓ᭄ᬱᬶ᭞ᬲᬶᬥᬩᬓᬢ᭄‌ᬫᬚᬮᬭᬦ᭄ᬧᬧᬶᬓᬢ᭄᭞ᬫᬶᬯᬄᬢᬸᬮᬸᬧ᭄ᬮᬦ᭄ᬚᬭᬶᬗᬾ᭞ᬲᬃᬯᬲᬢᭀᬓᬜ᭄ᬘᬦᬶᬧᬸ
ᬦ᭄᭞ᬚᬯᬢ᭄ᬳᬕᬸᬂᬬᬤᬶᬦ᭄ᬳᬮᬶᬢ᭄᭞ᬲᬶᬥᬓᭂᬦᬧᬗᬸᬧᬵᬬ᭞ᬫᬚᬮᬭᬦ᭄ᬭᬚᬸᬢ᭄᭞ᬩᬶᬦᬸᬭᬸᬦᬶᬂᬰ᭄ᬭᬕᬮ᭞ᬮᬶᬬᬸᬧᭂᬲᬦ᭄᭞ᬬᬦ᭄ᬳᬸᬘᬧᬂᬲᬫᬶᬳᬤᬶ᭞ᬦᬵᬬᬉᬧᬵᬬᬦ᭄ᬫᬵᬦᬸᬱ᭟᭓᭟ᬤ᭄ᬬᬲ᭄ᬢᬸ
ᬲᬵᬫ᭄ᬧᬸᬦ᭄ᬓᬾᬩᭂᬓᬦ᭄ᬳᬸᬧᬵᬬᬲᬦ᭄ᬤᬶ᭞ᬦᬾᬜᬮᬭᬂᬳᬮᬄᬧᬢᬶᬦᬶᬂᬮᬶᬬᬦ᭄᭞ᬦᬵᬗ᭄ᬳᬶᬂᬯᬾᬦ᭄ᬢᭂᬦ᭄ᬥᬸᬭᬸᬂᬋᬓᭀ᭞ᬫᬹᬱ᭄ᬝᬶᬓᬦᬶᬂᬦᬵᬬᬧᬗ᭄ᬕᬸᬄ᭞ᬦᬾᬫᬓ᭄ᬭᬡᬵᬦᬸᬗ᭄ᬓᬸᬮ᭄‌ᬕᭂᬮᬶᬲ᭄᭞ᬯᬶᬰᬾᬱ
[᭔᭙49A]
ᬦᬶᬂᬧᬜ᭄ᬘᬾᬦ᭄ᬤ᭄ᬭᬶᬬ᭞ᬭᬚᬄᬢᬫᬄᬇᬓᬸ᭞ᬳᬶᬱᬤ᭄ᬭᬶᬧᬹᬫᬭᬶᬂᬘᬶᬢ᭄ᬢ᭞ᬲᬸᬫᬶᬗ᭄ᬓᬶᬦ᭄ᬓᬝᬵᬄ᭞ᬦᬵᬬᬉᬧᬬᬦᬾᬧᬗ᭄ᬕᬶᬄ᭞ᬧᬗᬮᬄᬤᬕᬶᬗᬶᬂᬚᬕᬢ᭄᭟᭔᭟ᬗᬜ᭄ᬘᬦ᭄ᬳᬕᭂᬂᬯᬶᬰᬾᬱᬦ᭄ᬜᬵᬳᬤᬶ᭞ᬳᬶᬧ
ᬜ᭄ᬘᬾᬦ᭄ᬤ᭄ᬭᬶᬬ᭞ᬭᬚᬄᬫᬶᬯᬄᬢᬫᬄ᭞ᬫᬮᬶᬄᬫᬸᬗ᭄ᬕᬸᬄᬭᬶᬂᬧᬃᬯᬦᬾ᭞ᬲᬶᬗ᭄ᬳᬵᬮᬗᬮᬧᬸᬦᬶᬓᬸ᭞ᬧᬯᬭᬄᬳ᭄ᬬᬂᬉᬫᬤᬾᬯᬶ᭞ᬭᬶᬂᬧ᭄ᬭᬪᬸᬘᬬᬧᬸᬭᬸᬱ᭞ᬢᬸᬳᬸᬤᬳᬢ᭄‌ᬳᬾᬯᬸᬄ᭞ᬗᭂᬦ᭄ᬢᬲ᭄ᬫᬮᬦᬾᬭᬶᬂᬘᬶᬢ᭄ᬢ
᭞ᬬᬤᬶᬦ᭄ᬲᬶᬥ᭞ᬲᬵᬫ᭄ᬧᬸᬦ᭄ᬫᬗ᭄ᬯᬗᬸᬦᬂᬓᬾᬃᬣᬶ᭞ᬫᬬᬱᬧᬹᬦ᭄ᬬᬭᬶᬂᬚᬕᬢ᭄᭟᭕᭟ᬤᬸᬭᬸᬂᬓᭀᬘᬧ᭄ᬳᭂᬦ᭄ᬢᬲ᭄ᬫᬮᬦᬾᬳᬤᬶ᭞ᬫᬭᬶᬂᬫᬦᬄ᭞ᬫᬮᬶᬄᬓᬩᬯᭀᬲᬂ᭞ᬚᬯᬢ᭄ᬲᬶᬥᬯᬗᬸᬦ᭄ᬋᬓᬾ᭟᭠
ᬧᬺᬱᬤ᭄ᬥᬵᬳᬕᬸᬂᬮᬸᬯᬸᬃ᭞ᬳᬦ᭄ᬢᬸᬓ᭄ᬯᬢᬸᬲᭂᬦ᭄ᬢᬓ᭄ᬧᬸᬢᬶᬄ᭞ᬫᬶᬲᬶᬲᬓᬜ᭄ᬘᬦ᭄ᬧᬺᬢᬶᬫ᭞ᬩ᭄ᬭᬵᬳ᭄ᬫᬫᬶᬯᬄᬯᬶᬱ᭄ᬡᬸ᭞ᬧ᭄ᬭᬫᬾᬰ᭄ᬯᬭᬫᬓᬵᬤᬶᬦ᭄ᬜ᭞ᬢᬸᬃᬓᬧᬹᬚ᭞ᬭᬶᬂᬢᬶᬍᬫ᭄ᬧᬹᬃᬡᬫᬲᬭᬶ᭞ᬓᭀᬘᬧ᭄ᬫᬮᬤᬸᬭᬸᬂ [ 50 ][᭔᭙49B]
᭔᭙
ᬳᬶᬮᬂ᭟᭖᭟ᬘᬸᬢᭂᬢ᭄ᬳᬤᬶᬩᬯᭀᬲ᭄ᬳᬶᬤᬪᬝᬵᬭᬷ᭞ᬲᬂᬳ᭄ᬬᬂᬉᬫ᭞ᬳᬶᬤᬫᬜᬶᬦᬳᬂ᭞ᬲᬓᬜ᭄ᬘᬦ᭄ᬫᬮᬦᬾᬋᬓᬾ᭞ᬩᭀᬬᬲᬶᬤ᭄ᬥᬵᬳᬶᬮᬂᬳᬶᬧᬸᬦ᭄᭞ᬳᬦ᭄ᬢᬸᬓ᭄ᬧᬜ᭄ᬘᬬᬚ᭄ᬜᬵᬳᬤᬶ᭞ᬚᬯᬢ᭄
ᬧ᭄ᬭᬚ᭄ᬜᬵᬦ᭄ᬫᬭᬶᬂᬰᬵᬲ᭄ᬢ᭄ᬭ᭞ᬧᬃᬯᬫᬶᬯᬄᬓᬶᬤᬸᬂ᭞ᬓᬓᬯᬶᬦ᭄ᬢᬢ᭄ᬯᬰ᭄ᬮᭀᬓ᭞ᬢᬧᬪᬭᬢ᭞᭠ᬓᬝᬵᬄᬰᬶᬱ᭄ᬬᬫᬭᬶᬂᬕᬸᬫᬶ᭞ᬧᬭᬭᬢᬸᬧᬭᬚᬦ᭟᭗᭟ᬩᬸᬯᬶᬦ᭄ᬳᬤᬶᬫᬸᬗ᭄ᬕᬸᬄᬭᬶᬢᬢ᭄ᬯᬅᬚᬶ᭞ᬓ
ᬳᬶᬫ᭄ᬩᬬᬂ᭞ᬢᬶᬗ᭄ᬓᬳᬾᬫᬜᬤ᭄ᬫᬵ᭞ᬯᬮᬸᬬᬩᬢᬸᬦ᭄ᬕᬸᬤᭂᬫᬾ᭞ᬲᭂᬲᬶᬓᬶᬳᬸᬮᬶᬕ᭄ᬳᬶᬧᬸᬦ᭄᭞ᬧᬸᬮᬂᬭᬶᬂᬢᭂᬗᬳᬶᬂᬧᬲᬶᬄ᭞ᬫᬮᬶᬄᬧᬶᬤᬦ᭄ᬲᬶᬥᬳᭂᬦ᭄ᬢᬲ᭄᭞ᬯᬮᬶᬓᬯᬶᬢᬶᬧᬸᬦ᭄᭞ᬓᬾᬦ᭄ᬢᭀᬳᬤᬶᬲᬸᬚᬵᬢᬶ
ᬦ᭄ᬜᬵ᭞ᬳᬾᬯᬸᬄᬧᬶᬲᬦ᭄᭞ᬢᬶᬗ᭄ᬓᬳᬾᬤᬶᬦᬶᬤᬶᬕᬸᬫᬶ᭞ᬓᬍᬓᬩᬸᬭᬶᬂᬧᬲᬶᬄᬫᬬ᭟᭘᭟ᬩᬸᬯᬶᬦ᭄ᬧᬶᬤᬦ᭄ᬧᬘᬂᬲᬶᬥᬳᭂᬦ᭄ᬢᬲ᭄ᬳᬤᬶ᭞ᬚᬵᬢᬶᬧᬶᬲᬦ᭄᭞ᬦᬵᬗ᭄ᬳᬶᬂᬅᬫ᭄ᬧᬸᬭᬬᬂ᭞ᬢᬦ᭄ᬲᬶᬥᬓ
[᭕᭐50A]
ᬧ᭄ᬢᬶᬦ᭄ᬳᬤᬶᬦᬾ᭞ᬗᬶᬤᬶᬄᬧᬚᬮᬦ᭄ᬦᬾᬧᬵᬢᬹᬢ᭄᭞ᬢᭂᬓᬾᬦ᭄ᬦᭂᬮᬶᬓᬮᬶᬚᬦᬶ᭞ᬲᬯᬶᬭᬾᬄ᭠ᬧᬶᬢᬸᬯᬶᬦ᭄ᬜᬵ᭞ᬩᭂᬮᬶᬢᬸᬦᬲᬸᬮᬸᬳ᭄ᬳ᭄᭞ᬬᬦᬶᬂᬩᭂᬮᬶᬗᬸᬧᬫᬬᬂ᭞ᬢᬸᬯᬭᬪᬷᬦ᭞ᬲᬸᬚᬵᬳᬢᬶᬦ᭄ᬩᭂᬮᬶᬦᬾ
ᬳᬤᬶ᭞ᬯᬮᬸᬬᬳᬶᬲᬫ᭄ᬧᬶᬚᬭᬦ᭄᭞᭙᭟ᬩᬳᬦ᭄ᬧᬶᬲᬦ᭄ᬫᬗᭂᬤᭂᬂᬧᬤᬢᬶ᭞ᬢᬚᭂᬕ᭄ᬲᬹᬃᬬ᭞ᬫᬃᬕᬶᬗᬫᬸᬗ᭄ᬕᬳᬂ᭞ᬓᬮᬶᬯᬢ᭄ᬧᬦᭂᬲ᭄ᬩᬦ᭄ᬢᭂᬗᬾ᭞ᬩᬸᬶᬫᬃᬕᬭᬸᬧᭂᬢ᭄ᬓᬶᬮᬓ᭄ᬓᬶᬮᬸᬓ᭄᭞ᬧᬶᬦᬓᬂ
ᬩᭂᬮᬶᬧᬤᬢᬶ᭞ᬳᬯᬓ᭄ᬩᭂᬮᬶᬲᬸᬚᬵᬢᬶᬦ᭄ᬜ᭞ᬫᬓᬳᬶᬲᬶᬦᬸᬧᬸᬦ᭄᭞ᬳᭂᬤᭀᬢ᭄ᬩᭂᬮᬶᬦᬾᬲᬢᬢ᭞ᬲᬭᬢ᭄ᬧᭂᬲᬦ᭄‌ᬧ᭄ᬭᬶᬄᬢᭂᬓᬾᬦ᭄ᬳᬶᬲᬶᬦ᭄ᬕᬸᬫᬶ᭞ᬢᬸᬯᬭᬩᬦᬶᬫᬗ᭄ᬮᬾᬲᬂ᭟᭑᭐᭟ᬧᬘᬸᬢᭂ᭠
ᬢᬂᬲᬢ᭄ᬯᬦᬾᬚᬦᬶ᭞ᬬᬤ᭄ᬬᬦ᭄ᬲᭂᬗ᭄ᬓᬵ᭞ᬳ᭄ᬤᬵᬫᬜᬸᬭᬸᬤᬂ᭞ᬧᬢᬶᬢᬶᬲ᭄ᬩᭂᬮᬶᬳᬤᬶᬦᬾ᭞ᬳᭂᬤᬵᬓᬶᬫᬸᬤ᭄ᬳᭂᬤᬵᬢᬓᬸᬢ᭄᭞ᬓᬕᬸᬬᭀᬦᬶᬦ᭄‌ᬢᭂᬗᬄᬫᬃᬕᬶ᭞ᬤᬸᬫᬤᬓ᭄ᬯᭂᬓᬲ᭄ᬲᬶᬥ᭞ᬤ᭠ [ 51 ][᭕᭐50B]
᭕᭐
ᬦᬕᬸᬭᬸᬭᬯᬸᬄ᭞ᬫᬶᬢᬸᬤᬸᬳᬶᬦ᭄ᬫᬃᬕᭀᬳᬦ᭄ᬢᬃ᭞ᬫᬶᬯᬄᬕᬮᬂ᭞ᬦᬾᬲᬦ᭄ᬤᬂᬳᬫ᭄ᬩᬳᬶᬦ᭄ᬳᬤᬶ᭞ᬲᬶᬤ᭄ᬥᬦᬶᬂᬤᬸᬫᬤᬶᬚᬤ᭄ᬫᬵ᭟᭑᭑᭟ᬦᬄᬘᬭᬶᬓᬂᬲᬢ᭄ᬯᬦᬾᬫᭀᬦ᭄ᬢᭀᬳᬤᬶ᭞ᬲᬓᬯᬮᬵᬲᬢ᭄ᬯᬘ
ᬘᬦ᭄ᬢᬸᬗᬦ᭄᭞ᬤᬶᬦᬶᬤᬶᬢᬸᬧᬗᬫ᭄ᬩᬶᬮᬾ᭞ᬫᬢᬄᬍᬩᭂᬂᬯᭂᬢᬸᬦᬶᬧᬸᬦ᭄᭞ᬲᬵᬫ᭄ᬧᬹᬭᬬᬂᬩᭂᬮᬶᬳᬤᬶ᭞ᬯᬶᬭᬾᬄᬮ᭄ᬬᬸᬕᭂᬕᬩᬕᬦ᭄᭞ᬫᬜᬸᬯᬢᬄ᭞ᬢᬸᬦᬮᬶᬯᬢ᭄ᬫᬭᬶᬤᬃᬣ᭞ᬢ᭄ᬯᬭᬏᬭᬂ᭞ᬗᬤᬸ
ᬧᭀᬗᬄᬫᬭᬶᬂᬕᬸᬫᬶ᭞ᬫᬶᬢᬸᬭᬸᬢ᭄‌ᬢᬸᬤᬸᬄᬳᬶᬫᬦᬄ᭚᭜᭚ᬢᭂᬮᬲ᭄᭚᭜᭚ᬧᬸᬦᬶᬓᬶᬕᬕᬸᬭᬶᬢᬦ᭄ᬥᬸᬓᬸᬄᬯᬦᬰᬭ᭞ᬓᬓᬯᬶᬳᬦ᭄ᬢᬸᬓ᭄ᬳᬶᬤᬩᬕᬸᬲ᭄ᬓᬚᭂᬂ᭞ᬲᬓᬶᬂᬧ᭄ᬭᬤᬾᬰᬮᬫ᭄ᬩᬶᬂ
᭞ᬧᬺᬩᭂᬓᭂᬮᬦ᭄ᬫᬫ᭄ᬩᬮ᭄᭞ᬤᬶᬲ᭄ᬢ᭄ᬭᬶᬓ᭄‌ᬳᬩ᭄ᬬᬦ᭄ᬲᭂᬫᬮ᭄᭟ᬧᬸᬧᬸᬢ᭄ᬓᬲᬸᬭᬢ᭄᭞ᬓᬵᬮᬦᬶᬂᬤᬶᬦᬵ᭞ᬯᬺ᭞ᬓ᭞ᬯᬭᬮᬗ᭄ᬓᬶᬃ᭞ᬢᬗ᭄ᬕᬮ᭄ᬧᬶᬂ᭞ᬤᬰ᭟ᬰᬰᬶᬄᬓᬤᬰ᭞ᬇᬰᬓᬯᬃᬱᬦᬶᬂ
[᭕᭑51A]
ᬭᬵᬳᬢ᭄᭞᭑᭘᭘᭕᭟ᬬᬾᬦᬵᬳᬶᬂᬓᬤᬶᬳᬶᬦ᭄ᬥᭀᬦᬾᬲ᭄ᬬ᭞ᬢᬗ᭄ᬕᬮ᭄᭞᭕᭞ᬩᬸᬮᬦ᭄ᬳᬧ᭄ᬭᬶᬮ᭄᭞᭑᭙᭖᭓᭟᭜᭟ᬲᬦᭂᬦᭂᬤᬸᬦ᭄ᬫᬜᬸᬭᬢ᭄‌ᬳᬶᬫᬥᬾᬧᬲᭂᬓ᭄᭞ᬲᬓᬶᬂᬩᬜ᭄ᬚᬃ
ᬲᬢ᭄ᬭᬶᬬ᭞ᬚᬮᬦ᭄ᬲᬢ᭄ᬭᬶᬬ᭞ᬕᬂ᭞᭕᭞ᬓᬮᬸᬭᬳᬦ᭄ᬤᬾᬰᬧᭂᬡ᭄ᬥᭂᬫ᭄᭞ᬓᬘᬫᬢᬦ᭄‌ᬦᬵᬕᬭ᭞ᬯᬯᭂᬗ᭄ᬓᭀᬦ᭄ᬚᬕᬢ᭄‌ᬚᭂᬫ᭄ᬩ᭄ᬭᬡᬵ᭟᭜᭟ᬧᬸᬧᬸᬢ᭄ᬭᬶᬂᬭᬵᬳᬶᬦ᭞ᬅ᭞ᬧ᭞ᬯᬭᬯᬢᬸᬕᬸᬦᬸᬂ
᭞ᬓᬺᬱ᭄ᬡᬵᬧᬓ᭄ᬱᬵᬏᬓᬤᬰᬶ᭞ᬚ᭄ᬬᬾᬱ᭄ᬝᬵᬫᬲ᭞ᬇᬰᬓᬯᬃᬱᬦᬶᬂᬭᬵᬢ᭄᭞᭑᭙᭑᭔᭟ᬦᬵᬳᬗ᭄ᬳᬶᬂᬫᬓᬓᬶᬭᬂᬲᬗ᭄ᬓᬸᬂᬲᬲᬸᬭᬢᬦ᭄ᬧᬸᬦᬶᬓᬶᬫᬸᬗ᭄ᬕ᭄ᬯᬳᬶᬂᬧᬲᬂᬰᬵᬲ᭄ᬢ᭄ᬭᬵᬫᬶᬯᬄᬓᬵᬝᬵᬄᬧᬵᬥᭂᬫ᭄᭞
ᬗᬮᬸᬗ᭄ᬲᬸᬃᬧᬗᬫ᭄ᬧᬹᬭᬫᬵᬚᭂᬂᬭᬶᬂᬧᬭᬧᬫᬯᭀᬲ᭄᭟ᬧᬸᬧᬸᬢ᭄᭟ [ 52 ]Page:Bali-lontar-gaguritan-dukuh-wanasari-300ppi.pdf/52