[᭑᭒12B]
᭑᭒
ᬫ᭄ᬩᬸᬢ᭄ᬤᬶᬦᬇᬓᬶ᭞ᬗᬯᬶᬢ᭄ᬢᬸᬭᬸᬦ᭄ᬭᬶᬂᬧᬺᬢᬶᬯᬶ᭞ᬲᬲᬶᬧ᭄ᬢᬦ᭄ᬭᬫ᭄ᬩᬸᬢ᭄ᬧᬸᬦᬶᬓᬸ᭞ᬳᭂᬦᭀᬢ᭄ᬜᬦᬾᬮᬶᬬᬸᬯᭂᬤᬃ᭞ᬳᭂᬤᭀᬢ᭄ᬫᬚᬮᬭᬦ᭄ᬓᬸᬧᬶᬂ᭞ᬫᬢᬘᬸᬗᬸᬄ᭞ᬫᬶᬦᬓᬤᬶᬲᬓᬶᬂᬮᬶᬤᬄ᭟᭖᭟
ᬧᭂᬢᬶᬓ᭄ᬧᬸᬗ᭄ᬕᭂᬮ᭄ᬓᬅᬃᬢᬶᬬᬂ᭞ᬯᭂᬭᬸᬄᬫᬸᬗ᭄ᬕᭂᬮ᭄ᬓᬧ᭄ᬢᬶᬦᬶᬂᬳᬮᬶᬢ᭄᭞ᬲᬦᬾᬜᬦ᭄ᬤᬂᬢᬸᬯᬭᬩᬳᬂ᭞ᬳᬧᬂᬳᭂᬤᬫᬗᬸᬮᬸᬭᬶᬦ᭄᭞ᬓ᭄ᬭᬡᬤᬶᬢᬸᬓᬓᬵᬃᬬ᭄ᬬᬦᬶᬦ᭄᭞ᬧ᭄ᬭᬬᬰ᭄ᬘᬶᬢ᭄ᬢᬩᬦ᭄ᬢᭂᬦᬶᬧᬸ
ᬦ᭄᭞ᬳᬗᬜᬸᬢ᭄ᬫᬮᬦᬶᬂᬘᬶᬢ᭄ᬢ᭞ᬗᬸᬭᬸᬦ᭄ᬧ᭄ᬭᬣᬶᬯᬶᬦᬾᬫᬗ᭄ᬓᬶᬦ᭄᭞ᬢᭂᬕᭂᬲ᭄ᬳᬶᬧᬸᬦ᭄᭞ᬓᬯᬶᬢ᭄ᬤᬤᬶᬯᬾᬳᬶᬦ᭄ᬪᭀᬕ᭟᭗᭟ᬲᬭᬹᬧᬦᬶᬂᬲᬦᬾᬫᭂᬤᬮ᭄᭞ᬫᭂᬦ᭄ᬢᬶᬓ᭄ᬲᬓᬾᬦᬵᬕ᭄ᬧᬺᬣᬶᬯᬶ᭞ᬫᬶᬦᬓ
ᬤᬶᬳᬗ᭄ᬕᬾᬳᬭ᭞ᬮᬦ᭄ᬢᬸᬭᬂᬕᬸᬭᬸᬦᬾᬚᬦᬶ᭞ᬤᬶᬲᬸᬩᬦᬾᬢᬸᬢᬸᬕ᭄ᬓᭂᬮᬶᬄ᭞ᬧᬳᬶᬗᬦᬦ᭄ᬢᬸᬯᬸᬄᬳᬶᬧᬸᬦ᭄᭞ᬫᭀᬮᬲ᭄ᬯᬃᬱᬤ᭄ᬬᬲ᭄ᬢᬸᬮᬶᬯᬢ᭄᭞ᬳᬶᬢᬸᬲᬦ᭄ᬤᬂᬗᭂᬢᭂᬧ᭄ᬕᬶᬕᬶ᭞ᬳᬭᬦ᭄ᬳᬶᬧᬸᬦ᭄᭞ᬫ
[᭑᭓13A]
ᬲᬗᬶᬄᬫᬶᬯᬄᬢᬢᬄ᭟᭘᭟ᬓᬝᬵᬄᬳᬸᬦ᭄ᬢᬸᬦᬾᬓᬢᬢᬄ᭞ᬦᭂᬫ᭄ᬦᭂᬫ᭄ᬬᭀᬕ᭄ᬬᬦ᭄ᬜᬦᬾᬘᭂᬦᬶᬂ᭞ᬱᬵᬤ᭄ᬭᬶᬧᬸᬢᭂᬕᭂᬲ᭄ᬧᬸᬦᬶᬓ᭞ᬫᬸᬲᬸᬄᬭᬶᬂᬳᬯᬓ᭄ᬧᬸᬦᬶᬓᬶ᭞ᬦᬯᬶᬰᬾᬱᬢᬦ᭄ᬲᬶᬦᬶᬧᬶ᭞
ᬧᬲᬗᬶᬦ᭄ᬳᬸᬧᬬᬢᬸᬳᬸ᭞ᬳᬧᬂᬲᬶᬥᬫᬦᬸᬗ᭄ᬓᬸᬮ᭄᭞ᬧᬸᬦᬄᬯᬶᬰᬾᬱᬦ᭄ᬜᬧᭂᬭᬶᬄ᭞ᬩᬸᬯᬶᬦ᭄ᬲ᭄ᬫᬩᬸᬂ᭞ᬲᬢ᭄ᬯᬦ᭄ᬕᬸᬭᬸᬦᬄᬧᬶᬋᬗᬂ᭟᭙᭟ᬭᬸᬦ᭄ᬢᬸᬢᬦ᭄ᬓᬃᬬ᭄ᬬᬧᬸᬦᬶᬓᬵ᭞ᬫᬯᬶᬦ᭄ᬢᭂᬦ᭄ᬜᬸᬘ᭄ᬬᬂᬳᬢᬶ᭞ᬯᭂ᭠
ᬓᬲ᭄ᬧᬯᬭᬗᬦ᭄ᬦᬶᬫ᭄ᬩᬮ᭄᭞ᬧᬮᬶᬧᬮᬶᬓᬳᬭᬦᬶᬦ᭄᭞ᬫᬤᭂᬗᭂᬦ᭄ᬤᭂᬗᭂᬦᬦ᭄ᬘᭂᬦᬶᬂ᭞ᬫᬤᬸᬮᬸᬃᬲᬲᬬᬸᬢ᭄ᬳᬶᬓᬸ᭞ᬦᬾᬫᬵᬤᬦ᭄ᬥᬸᬃᬫᬗ᭄ᬕᬮ᭞ᬢᭂᬕᭂᬲ᭄ᬧᬯᬭᬗᬦ᭄ᬳᬶᬓᬶ᭞ᬲᬓᬶᬂᬢᬸᬳᬸ᭞ᬮᬦᬂᬇ
ᬲ᭄ᬢ᭄ᬭᬷᬦᬸᬗ᭄ᬕᬮ᭄ᬫᬦᬄ᭟᭑᭐᭟ᬜᬮᬦᬂᬢᬸᬤᬸᬄᬅᬕᬫ᭞ᬲᬶᬥᬦᬶᬂᬓᬵᬧ᭄ᬢᬶᬓᬧᬗ᭄ᬕᬶᬄ᭞ᬮᬦ᭄ᬢᬸᬭᬂᬕᬸᬭᬸᬫᬜᬢ᭄ᬯ᭞ᬤᬶᬲᬸᬩᬦᬾᬩᭀᬩᭀᬢ᭄ᬚᬦᬶ᭞ᬅᬢ᭄ᬫᬭᬵᬓ᭄ᬱᬓᬓᬃᬬ᭄ᬬᬦᬶᬦ᭄᭞ᬓᬜ᭄ᬘᬶᬂᬫ
Page:Bali-lontar-gaguritan-dukuh-wanasari-300ppi.pdf/13
This page has been proofread.
