Allgemeines plattdeutsches Volksbuch/Blinne Hans, dei har 'ne Diern
Blinne Hans, dei har 'ne Diern,
Dei wull hei von Harten giern
Bringen tau den rechten Stand,
Dei von Gott ehr tau erkannt.
Rira, Rideldideldum!
Anna Püster, sär dei Var',
Wat ick segge, dat is wahr,
Krigt dei Diern nich ball 'n Mann,
So belew' wi 'n Unglück dran.
Rira, Rideldideldum!
Lucks, dei Schriwer, dei würr ropen,
Hei kem mit dat Schriwtüg lopen,
Un hei schrew woll in den Breif,
Wat dei Dieren all mit kreg.
Rira u. s. w.
Einen Pott un einen Schleif,*)
Söß Paar Läpel, krumm un scheif,
Einen Rock, söß Elen wit,
O, wat freute sick dat Lüt!**)
Rira u. s. w.
Einen Staul un einen Schrank,
Eine Tunn tum Schwinedrank,
Twei oll Küssen, einen Pähl,
Seggt ji Lüd, is dat nich vel?
Rira u. s. w.
Rappelkappe heit dei Pape,
Kümmt woll in dei Preisterkappe,
Nehm ein oll Kattkissenbok,
Gew 's in ein, twei, drei tauhop.
Rira u. s. w.
Damit güng dei Hochtid an,
Da was lustig Fru un Mann,
Lustig wiren alle Gäste,
Braden Hiring wir dat Beste.
Rira u. s. w.
Unse Hans wir dull un vull,
Rep sin Greiten, dei nich wull.
Schwapps! kreg sei eins up dei Schnut.
Ach Herrje, min Og is ut!
Rira, Rideldideldum!
*) Hölzerner Küchenlöffel.
**) Mädchen.