おもろさうし/第二
中城越来のおもろ 首里王府の御さうし 万暦四十一年五月廿八日 第二
おもろくさりおろちへが節
[edit]2-42（1）
一聞ゑ中城／東方に 向かて／板門 建て直ちへ／大国 添う 中城／又鳴響む中城／てだが穴に 向かて
一きこゑ中くすく／あかるいに むかて／いちやちや たてなおちへ／たくに おそう 中くすく／又とよむ中くすく／てたかあなに むかて
いちやぢやたてなおちへが節
[edit]2-43（2）
一聞ゑ中城／おもろくさり 降ろちへ／降ろちへ 直しよわちへ／又鳴響む中城
一きこゑ中くすく／おもろくさり おろちへ／おろちへ なおしよわちへ／又とよむ中くすく
おもろくさりおろちへが節
[edit]2-44（3）
一聞ゑ中城／良かる真男／のろ子達 集めて／名揚がりよわちへ／又鳴響む中城
一きこゑなかくすく／よかるまいくさ／のろくた つめて／なあがりよわちへ／又とよむ中くすく
おもろくさりおろちへが節
[edit]2-45（4）
一聞ゑ中城／けさや つのひらせ／今は 攻めて 討たん／中城／又鳴響む中城
一きこゑ中くすく／けさや つのひらせ／いみやは せめて うたん／なかくすく／又とよむ中くすく
おもろくさりが節
[edit]2-46（5）
一聞ゑ中城／月の数 夏様に／歓ゑて 輝ちよわれ／又鳴響む中城
一きこゑなかくすく／つきのかす なつやに／あまゑて かかちよわれ／又とよむなかくすく
おもろくさりが節
[edit]2-47（6）
一聞ゑ中城／上の百ぢやらの／思て 想ぜて 来うば／石と 金と／合わちへす 戻せ／又鳴響む中城
一きこゑ中くすく／かみのもゝちやらの／おもて さうせて こうは／いしと かねと／あわちへす も［と］せ／又とよむ中くすく
あおりやへが節
[edit]2-48（7）
一聞ゑ中城／玉の三廻り／廻ちへ 持ちへ／按司添いに みおやせ／又鳴響む中城
一きこゑなかくすく／たまのみつまわり／まわちへ もちへ／あちおそいに みおやせ／又とよむ中くすく
おもろくさりが節
[edit]2-49（8）
一聞ゑ中城／泉清水 出ぢやちへ／上下の下司の／見ちへど 羨み居る／又鳴響む中城
一きこゑなかくすく／いちみさうす いちやちへ／かみしものけすの／みちへと うらやみよる／又とよむなかくすく
あおりやへが節
[edit]2-50（9）
一はしかりが おもろ／玉よ 揃いわちへ／望月 遊ばす 清らや／又はしかりが 宣るむ
一はしかりか おもろ／たまよ そろいわちへ／もちつき あすはす きよらや／又はしかりか せるむ
あおりやへが節
[edit]2-51（10）
一聞ゑ中城／玉の君 手摩て／よきやのろす／おもろ音や 取りよわれ／又鳴響む 中城
一きこゑなかくすく／たまのきみ てつて／よきやのろす／おもろねや とりよわれ／又とよむ 中くすく
あおりやへが節
[edit]2-52（11）
一中城 在つる／浦鳴響む鼓／打ちちへ 鳴り揚がらせ／又鳴響む国 在つる
一中くすく あつる／うらとよむつゞみ／うちちへ なりあからせ／又とよむくに あつる
あおりやへが節
[edit]2-53（12）
一中城 根国／根国 在つる 隼／徳 大みや／掛けて 引き寄せれ／又鳴響む 国の根／国の根に 在つる 隼
一中くすく ねくに／ねくに あつる はやふさ／とく 大みや／かけて ひきよせれ／又とよむ くにのね／くにのねに あつる はやふさ
くになかのしよりもりぐすくが節
[edit]2-54（13）
一聞ゑ中城／鳴響む中城／按司数が 手持ち／中城 寄せれ／聞ゑいろめきや／鳴響むいろめきや／又おれづむが 立てば／若夏が 立てば
一きこゑ中くすく／とよむなかくすく／あちかすか てもち／中くすく よせれ／又きこゑいろめきや／とよむいろめきや／又おれつむか たては／わかなつか たては
しよりまへ人が節
[edit]2-55（14）
一よきやのろの／けはやのろの／廻ちへ 持ちちやる／又名高剣／押し上げ剣／又中城腰当て杜に
一よきやのろの／けはやのろの／まわちへ もちちやる／又なたかつるき／おしあけつるき／又中くすくこしあてもりに
たいらこしらへが節
[edit]2-56（15）
一あまみやよきやのろの／ゑけ やれ ゑけ／又しねりやよきやのろの／又御前 輝居らに／又御側 輝居らに
一あまきやよきやのろの／ゑけ やれ ゑけ／又しねりやよきやのろの／又御まへ かゞおらに／又おそは かかおらに
きこへあけしのが節
[edit]2-57（16）
一屋宜の金杜に／真人部の 拍子 打たば／君も なよら／又比嘉の金杜に
一やきのかなもりに／ま人への ひやし うたは／きみも なよら／又ひかのかなもりに
きこへあけしのが節
[edit]2-58（17）
一屋宜の金杜に／あけ加那志 手摩て／世勝る見揚がり／誇りよわちへ／又比嘉の金杜に
一やきのかなもりに／あけかなし てつて／よまさるみやかり／ほこりよわちへ／又ひかのかなもりに
きこへあけしのが節
[edit]2-59（18）
一屋宜の金杜に／見物屏風 降ろちへ／上下の 見物する 清らや／又比嘉の金杜に
一やきのかなもりに／みものみやふ おろちへ／かみしもの みものする きよらや／又ひかのかなもりに
きたたんよのぬしの節
[edit]2-60（19）
一屋宜から 上る／直垂や 鎧／誰が 着ちへ 似せる／按司添いてだす／召しよわちへ 似せれ／又比嘉から 上る
一やきから のほる／したたりや よろい／たるか きちへ にせる／あちおそいてたす／めしよわちへ にせれ／又ひかから のほる
中にしのとよみうらか節
[edit]2-61（20）
一中城吉の浦／吉の浦の 珍らしや／今日から 屡々 見らに／又屋宜の浦の 吉の浦の
一中くすくよしのうら／よしのうらの めつらしや／けよから しは〳〵 みらに／又やきのうらの よしのうらの
うらおそいおもろの節
[edit]2-62（21）
一新垣の根高杜ぐすく／てだが 栄よわるぐすく／又天頂の根高杜
一あらかきのねたかもりくすく／てたか ふさよわるくすく／又てにつきのねたかもり
うらおそいおもろの節
[edit]2-63（22）
一新垣の国の根に／今日 し居る 使い／百度の 使い／又天頂の島の根に
一あらかきのくにのねに／けよ しよる つかい／もゝとの つかい／又天つきの島の根に
くに中のしよりもりぐすくが節
[edit]2-64（23）
一一の子ぎや おもろ／一郎子が 宣るむ／後も 今も ちよわれ／又今日の良かる日に／今日のきやかる日に
一いちよのしきや おもろ／いちらこか せるむ／のちも みやも ちよわれ／又けおのゆかるひに／けおのきやかるひに
くに中のしよりもりぐすくが節
[edit]2-65（24）
一安谷屋の若松／あはれ若松／枝差ちへ 浦添う 若松／又肝あぐみの若松
一あたにやのわかまつ／あはれわかまつ／よたさちへ うらおそう わかまつ／又きもあくみのわかまつ
うらおそいおもろの節
[edit]2-66（25）
一安谷屋も 知らたる／肝あぐみ 知［ら］たる／此の戦せぢ 遣て 戻せ／又鬼の君 知らたる／寄らせ君 知らたる／又与那覇子ぎや／へと思いが 刀うち
一あたにやも しらたる／きもあくみ しらたる／このいくさせち やて もとせ／又おにのきみ しらたる／よらせきみ しらたる／又よなはしきや／へともいか かたなうち
うらおそいおもろの節
[edit]2-67（26）
一聞ゑ鬼の君／安谷屋の杜に／上下の 十側／揃いわちへ／又鳴響む鬼の君／肝あぐみの杜に
一きこゑおにのきみ／あたにやのもりに／かみ下の とそは／そろいわちへ／又とよむおにのきみ／きもあくみのもりに
御さけやらはが節
[edit]2-68（27）
一安谷屋の肝あぐみの杜に／世果報 寄せわる 貴み／又ぐすくと 貴みと 撓て／又貴みと 真撫ですと 撓て
一あたにやのきもあくみのもりに／世かほう よせわる たゝみ／又くすくと たゝみと しなて／又たゝみと まなてすと しなて
うらおそい節
[edit]2-69（28）
一安谷屋は 根 し遣り／鬼の君 手摩て／世掛けせぢ／廻ちへ 持ちちへ みおやせ／又肝あぐみは 根 し遣り／寄らせ君 手摩て
一あたにやは ね しやり／おにのきみ てつて／世かけせち／まわちへ まちちへ みおやせ／又きもあくみは ね しやり／よらせきみ てつて
あかいんこがふねたてばが節
[edit]2-70（29）
一安谷屋の泉清水／百ぢやらの 羨も 清水／又肝あぐみの泉清水
一あたにやのいちみさうす／もゝちやらの うらやも さうす／きもあくみのいちみさうす
点数 廿七
てんかす 廿七
うらおそいおもろの節
[edit]2-71（30）
一越来杜ぐすく／いきよいつな やちよこ／百浦 添わる 拍子／打ちちへ みおやせ／又揚がる杜ぐすく／又遣り笠の親のろ
一こゑくもりくすく／いきよいつな やちよこ／もゝうら そわる ひやし／うちちへ みおやせ／又あかるもりくすく／又やりかさのおやのろ
うらおそいおもろの節
[edit]2-72（31）
一越来綾庭に／持ち成ちやる 生け〳〵しや／雲子真玉縄／又貫ちやる如く／又越来奇せ庭に
一こゑくあやみやに／もちなちやる いけ〳〵しや／くもこまたまなわ／又のちやることく／又こゑくくせみやに
ねいしまいしの節
[edit]2-73（32）
一越来杜ぐすく／御庭頂 見ちやる／又あがる杜ぐすく
一こゑくもりくすく／おみやつち みちやる／又あかるもりくすく
うらおそいおもろの節
[edit]2-74（33）
一越来小照る曲に／命伴添いや／あまみきよが たくだる ぐすく／又見物小照る曲に
一こゑくこてるわに／ゑのちともおそいや／あまみきよか たくたる くすく／又みものこてるわに
うらおそいおもろの節
[edit]2-75（34）
一越来綾庭に／金木は 植へて／金木が下／君の按司の／しのぐりよわる 清らや／又越来奇せ庭に
一こゑくあやみやに／こかねけは うへて／こかねけかした／きみのあちの／しのくりよわる きよらや／又こえくくせみやに
うらおそいおもろの節
[edit]2-76（35）
一越来小照る曲に／命伴添いや／命神殿に 使い／又遣り笠の親のろ
一こゑくこてるわに／ゑのちともおそいや／ゑのちかみとのに つかい／又やりかさのおやのろ
うらおそいおもろの節
[edit]2-77（36）
一越来小照る曲に／綾頂に 獅子 栄せ／又遣り笠の親のろ
一こゑくこてるわに／あやつちへに せゝ はやせ／又やりかさのおやのろ
中ぐすくおもろの節
[edit]2-78（37）
一越来世の主の／真太求思い 生しよわちへ／此れど 果報てだ／越来の 有らぎやめ ちよわれ／又揚がる世の主の
一こゑく世のぬしの／またちよもい なしよわちへ／これと かほうてた／こゑくの あらきやめ ちよわれ／又あかる世のぬしの
うらおそいおもろの節
[edit]2-79（38）
一越来世の主の／鷲の嶺 ちよわちへ／今からど 越来は／いみ気や 勝る／又あがる世の主の／古謝坂 ちよわちへ
一こゑく世のぬしの／わしのみね ちよわちへ／いみやからと こゑくは／いみきや まさる／又あかる世のぬしの／こちやひら ちよわちへ
うらおそへ節
[edit]2-80（39）
一越来世の主の／鷲の嶺 ちよわちへ／東の海 見居れば／白波や／かなごり 襲う様に／又揚がる世の主の
一こゑく世のぬしの／わしのみね ちよわちへ／ひかのうみ みよれは／しらなみや／かなこり おそうやに／又あかる世のぬしの
うらおそへ節
[edit]2-81（40）
一越来世の主の／若司 照る日おのかなが／つくせど 寄り居る／又揚がる世の主の
一こゑく世のぬしの／わかつかさ てるひおのかなか／つくせと よりよる／又あかる世のぬしの
うらおそい節
[edit]2-82（41）
一越来世の主の／鼓の按司鳴り加那志／報国 打ち寄せれ／又揚がる世の主の
一こゑく世のぬしの／つゞみのあちなりかなし／ふうくに うちよせれ／又あかる世の主の
あんのつのけたちてだやればが節
[edit]2-83（42）
一吾のつのけたち／吾のおやけたち／越来のてだ／頼です 来ちやれ／又今日の良かる日に／今日のきやかる日に／又たう〳〵は 走ちへ／坂々は 這うて
一あんのつのけたち／あんのおやけたち／こゑくのてた／たるてす きちやれ／又けおのよかるひに／けおのきやかるひに／又たう〳〵は はちへ／ひら〳〵は はうて
うらおそい節
[edit]2-84（43）
一越来杜 見揚げれば／吾が成さが／ちよわ居り もちろちへ／此が 来居る 清らや／又あがる杜 見揚げれば
一こゑくもり みやあけれは／あかなさか／ちよわより もちろちへ／こか きよる きよらや／又あかるもり みやあけれは
うらおそい節
[edit]2-85（44）
一知花金城／知花石城／百島 まぢうん 石城／又今日の良かる日に／今日のきやかる日に
一ちはなかなくすく／ちはないしくすく／もゝしま まちうん いしくすく／又けおのゆかるひに／けおのきやかるひに
うらおそい節
[edit]2-86（45）
一知花後嶽に／吾は 神 手摩ら／神や 吾 守れ／又知花北嶽に
一ちはなこしたけに／あんは かみ てつら／かみや あん まふれ／又ちはなにしたけに
うらおそい節
[edit]2-87（46）
一池原の按司の／平田 淀しよわちへ／ほつむ杜 見揚げれば／掛け栄い 世の栄い しよわれ／又国の根の按司の
一いけはるのあちの／ひらた よとしよわちへ／ほつむもり みやあけれは／かけふさい よのふさい しよわれ／又くにのねのあちの