ياد جانان/09
آڪٽوبر 1920ع جي وچين تاريخن ۾ رئيس مرحوم پنھنجي وفد جي مقاصدن جي سرانجام ڪرڻ جي ارادي سان مولانا محمد علي صاحب جي مُلاقات لاءِ لاڙڪاڻه کان روانو ٿي ويو ۽ مولانا محمد علي صاحب پنھنجي ساٿين سميت انهن ڏينھن عليڳڙهه ڪاليج جي شاگردن ۾ ترڪ موالات جي تحريڪ جي اشاعت ڪري رهيا هئا. آخر هو انهيءَ تحريڪ ۾ ڪامياب ٿيا. 29-آڪٽوبر جڏهن خاص نج قومي ۽ اسلامي دارالعلوم جو عليڳڙهه ۾ مولانا شيخ الھندي محمود الحسنرح جي زير صدارت هڪ جلسو ڪري سنگ بُنياد رکيو ويو ته اسانجو ريئس مرحوم به اُن موقعه تي ان جلسه ۾ رونق افروز هو. عليڳڙهه جي معامله کان پوءِ هو صاحب مولانا محمد علي صاحب جي سنگت ۾ هندستان جي ڪيترن شھرن ۾ پنھنجي انجمن جي مقاصدن جي تبليغ ڪندو رهيو. نومبر جي آخري تاريخن ۾ الھه آباد ۾ ڪانگريس جو اجلاس خصوصي ٿيڻو هو اُن جي شرڪت کانپوءِ رئيس مرحوم وري لاڙڪاڻه موٽي آيو.