دیوانی سالم/ع
Jump to navigation
Jump to search
1
[edit]الوِداع ئەی موڵکی بابان الوِداع | الوِداع ئەی جایی جانان الوِداع |
موستەعیددم بۆ بیلادی ڕافیزی | الوِداع ئەی ئەهلی ئیمان الوِداع |
وەک ئەسیری تورکمان دەمبەن بە زۆر | الوِداع ئەی شاهی خووبان الوِداع |
دەشتی هیجرت تارە وەک دەریایی قیر | الوِداع ئەی میهری ڕەخشان الوِداع |
ڕووبەڕووی مەشریق دەچم بۆ موڵکی ڕەی | الوِداع ئەی قیبلەیی جان الوِداع |
ئەشکی دیدەم ڕەنگی گوڵناری هەیە | الوِداع ئەی ناری پوستان الوِداع |
سیححەتی دا وەسڵی تۆ هیجرت مەرەز | الوِداع ئەی دەرد و دەرمان الوِداع |
دڵ بەرابەر زوڵفی تۆ وازیح دەڵێ | الوِداع ئەی سونبولستان الوِداع |
زەخمی دڵ بۆ ئابی پەیکان تیشنە ما | الوِداع ئەی تیری موژگان الوِداع |
گەرچی بۆ ئەحواڵی سالم بێ غەمی | الوِداع ئەی ناموسوڵمان الوِداع |
2
[edit]دەڵێم با تەرکی عیشقت کەم بە دڵ، شەرتی وەفا مانیع | لە جەورت ڕەنگە کافر بم، وەلێ خۆفی خودا مانیع |
دڵم دێنێ لە جێی ساغەر لە گەردشدا لەبت بێنی | ئەتۆیش خۆ کەم حەریفێ نیی، وەلێ پەردەی حەیا مانیع |
ویسالت بۆ هوزاری دڵ، حەدیقەی بیم و ئوممێدە؛ | لە ڕووت غونچەی وەفا زاهیر، لە خووت خاری جەفا مانیع |
سەرای تاریکی دڵ ڕۆشن بووە سالم لە شەوقی ئەو | بەڵێ، بۆ زوڵمەتی کافر چراغی موستەفا مانیع |