Якстере теште/1924/33/Лия масторсто сасьть тракторт
| ←Сыре ломать ды од ломать | Якстере теште, № 33, 4—7 ноября 1924 г. редактор Глухов, Пётр Семёнович Лия масторсто сасьть тракторт |
Вано кода мольдян паро эрямос→ |
| Якстере теште. Еженедельный орган Мордовской секции при Ц. К. Р. К. П. (б.). — № 33, 4—7 ноября 1924 г. — с. 5 |
| Сокань таркас трактор. |
| Лия масторсто сасьть тракторт. |
Новороссийской портов (кораблянь лоткамо тарка) сентябрень 24 чистэ пачтясть 500 тракторт. Трактортнэде башка пачтясьть ощо 500 кафто корпусонь плукт ды 100 рядовой видимкат. Сентябрень 30-це чистнньть весе не машинатнень кучизь сюронь ачачома районга. Явизь сынст вано кода; Саратовонь губерняс — 140 тракторт, зняро-жо плукт ды 15 видимкат, Немреспубликас — 25 тракторт ды 5 видимкат, Самаронь губерняв — 50 тракторт ды 10 видимкат, Воронежской губерняв — 50 тракторт ды 23 видимкат, Юго-восточной райононоти — 185 тракторт ды 27 видимкат.
Саратовонь ды Воронежской губерняв трактортнэ пачкоцть весемеде икеле. Сеск пачтямост мейле трактортнэнь варчизь роботасо, а мейле кучизь таркава. Явшизь трактортнэнь сельскохозяйственной товариществань ды коллектив юткова. Сельскосоюзось анокстась тракторонь уштома пель, ваднима ой, запасной часть. Сон жо тонафць сюро видицясто трактор мельга якицят. Эрьва трактороньть марто кучсть кафтонь-кафтонь тракторонь уставицят.