Якстере теште/1924/24/Минек таркасо лиснесь ангель
| ←Паро шобра | Якстере теште, № 24, 14 августа 1924 г. редактор Глухов, Пётр Семёнович Минек таркасо лиснесь ангель сёрмадызе „Ога бакань нуцька“ |
Сермань парго→ |
| Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 4 |
| Минек таркасо лиснесь ангель. |
| (Самарск. г., Бугурусл. у., Полудн. в., с. М.-Толкаи. |
Умок миинк велесэ меньгак чуда арасиль. Од ломатне лоткасть кортнемадо и паздо и шайтяндо — сынь арасть. Сыре атятне-бабатне тожо спокойс прасть — комсомолось лоткась паздо онгумадо. И буто паро шка кармась улиме велесэ — а шум а мезе. Сыре ломатне лоткасть отнынь сюдомадо, мекс сынь паздо а парсте кортыльть. Эрямс бу тенст, эрямс. Арась. Кармасть попонь кудот саэмэ училищакс, училищаньть канторкс (Викокс, Полуджьсто минек велев ускизь).
Паро ульс арситядо (думатад) Цють аволь, кармась Татар пандо пряс появомокшкомо.... кие? Асодасынк?! Пазонь авась! Мон моньць эзияк нее — бабам евтнизе шабрань авинининь. Бабанень евтнизе. Бандарь баба, Бандарь бабанень — Яхима баба, Яхима баба шабрань авининь курксто маризе эсь пилинисонзо.
И вот мон кунцулан, хуть те обуцясь авуль паро, но мезияк а теят — а кирдиван кода сыре ломаньть кортыть — кунцулан.
Кунцулан. Кортыть: „сы ве миник велинь бабине. Кличовкасто (кие ломанесь а содасызь, минек велень и паро). Валги Татар пандува. Чизэ цють эзь валг. Чи валгома ёнксо палы как паро фата. Кругом — а куш, а каш, только коли-коли озяз ливти, ды суслика норадо норась чие. Варщавсь те бабинесь бока ёнов, ванцы — ве ено эйстодонзо ащи ломань-авине, равужо одижасо, сэрий. Те бабини карми молеме, сонгак моли молав а сы. Бабини лотки, сонгак сонгак лотки. Бабини тандаць, те а истяк. Кармась озномо, ломанись как озны. Кувац ознысь, овсе чинзо валгамс. Кодак чизо валксь сон юматоць.
И бабанитне толкувить: „Ды те уш эжели авуль ангиль, то соньць пазонь авась, лия кис? Арази ломанесь юматы?“
„Ломань то авуль ломань, ды мекс тензэ появамс?“ „Мейс? Нать содат комуниятне попонь кудотнень саить испополкомокс. Вот секс и появась — ведь грех саимс. Кода истя, попонь кудот и тосо комуния пряст ланкс кармить якамо....“ „А монь куцькась мере-сулий, кодак чизо валксь, сулиесь юмазь“. „Мень сулий, кода истя сулиись карми ознамо? Иля кем эйсонзэ. Ох, осподи, ведь ванта попонь кудотнень сайсызь! Астяк уш мерить остатка пингт эрятано“. „Ды уш авуль кавто пинк эрямо тенк“ — мере тенст шабрань тейтирь: „Курок сюкорнятад“.
„А, ней уш тейтиртнияк истят, прят сейсызь“. „Молимс попось кевкстимс — месть мери“.
Содазь месть мере! Кода ловныцят думатад, сулий те ульнись эли авуль, и мезинь кис тень нолдызь.
Чарькутяд арась?
Бабанть превензэ кармасть лисьме, ды сулеензэ примизэ ангелен кис.
„Ога бакань нуцька“.