Якстере теште/1924/24/Максозь тенек вейкеть прават, кадовсь тевс кундамо
| ←Эрзень масторсо 1228 иестэ | Якстере теште, № 24, 14 августа 1924 г. редактор Глухов, Пётр Семёнович Максозь тенек вейкеть прават, кадовсь тевс кундамо |
Мелят 1923 иестэ авань тевтне ульнесть седи береть, теди-жо седе парсте молить тевест→ |
| Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 2—3 |
| Авань эрямо чиде. |
| Максозь тенек вейкеть прават,
кадовсь тевс кундамо. |
Ленин ялгась умок уж мерсь тенек: „эрьва кухаркантэ эряви тонафтнемс государственной тевень тееме“. Валонзо маризь аволь анцяк кухаркат — веси трудиця ават, конат эсь пряст ланҥсо кандыть покш государственной тевть. Авань сялдума шкатнэ цераломань пельде эсть прядовт ощо, ды апрядовить семс, знярц ават сынць акармить роботамо — советскоень, партийной, професиональной, комсомольской и тейтерь авань тевсэ. Кона ава пели покш тевс кундамо — корты: „Ков уж монень тосо тев теемс, коли кудосо мирде, эйкашт, кардазонь перька скотина“. Меись эно цера ломатьненень маштови роботамс эрьва косо? Эли сонзэ арась низе, эйкашонзо, кардазонь перька скотиназо? Сонзэ як улить, мезе ули нинзэ (хозяйканзо). Минек тейтерь-ава яла визде, пели, кода корман-ды кода. Сонзэ ачумонтсак пек, коли сон тонафтозь тетянзо-аванзо кеце мирдень кунцоломо, мирьдень побойть (чавумат) примамо. Нейжо лиякс сави арцемс тень кувалт. Эряви лисемс чуланстонть ды меремс: „мондак карман валцо тевсэ лездамо Сов. Властеньтень“. Сюровидиця ава-ютксо пек беренстэ тевесь моли. Эрьзя-мокшо аватнень сайсыне деряй, — седеяк беренсте тевесь лиси. Ве авань пельде те шкамс эзнек получа газетас печатамс велень кулят авань эрямочиде ды советской эрямонь кувалт сермат. Порабу кундамс сермандомо маштыця аватненень карандаш, конев ды сермадомс газетс велень авань эрямо чиде. Сайсынек примеркс Ленинградской (Петроградской) фабрикава заводга [ 3 ]работыця тыця авань тевест. Ленинградской советсэ эстедест членкс роботыть 322 ломань, комисиява 1,772 л. клубга роботыть 4,404 л., партшколасо тонафтнить 1083 л. Марксонь наукас тонафтнить (куракшке) 82 ломань. Вана кода сынь тевс кундасть. Вицтэ мерезь сынь седи организованнойть, секс истя кундасть тевскак сюровидиця аваненьгак кись невтезь ков молемс кадовсь анця-лисемс се кисть ланкс.