Якстере теште/1924/24/Англия маро советской договорсь серматстозь
| ←Якстере веле | Якстере теште, № 24, 14 августа 1924 г. редактор Глухов, Пётр Семёнович Англия маро советской договорсь серматстозь |
Советень Масторга→ |
| Якстере теште. Еженедельный орган Мордовской секции при Ц. К. Р. К. П. (б.). — № 24, 14 августа 1924 г. — с. 2 |
| Англия маро советской договорсь серматстозь. |
Англиянь правительствась те шкамс эзь ловно СССР. — законной правительствакс торговамо тевень кувалт. Те шкамс яла эсть согласякшно серматстомо торговамо договор. Капиталистне, буржуйтне Англиясо лепштасть сынсист правительствасост, что сон (правительствась) илязо серматст маронок договор. Рабочейтне Англиясо кода марясть, что Англиянь правительствась отказась серматстомо СССР. — маро договор, кармасть вешеме, чтобу серматстовальть. Рабочеень валост СССР. кис эсть туйть варма мельга апак маря. Правительствась ванцы тевтне береть, кармась арцеме согласямадо минек маро. Робочейтне валост кувалт седе виевть — сынь листь верев серматстомо договоронь кувалт. 8 августа чистэ Лондонсо Англия маро сермадстозь советской договор. Договоронть кувалт Англиянь правительствась минек члентнэсе торговой представительствасо ловны законной представителькс СССР-ень пельде. Англия маро торговамо договорс СССР. нэн и Англиянень пек выгодной Те договорс мере, что Англия СССР. маро карми эрямо дружнасто.