Якстере теште/1924/12/Лия масторга
| ←Красноармеец, конась тусь кудов | Якстере теште, № 12, 26 апреля 1924 г. редактор Васильев, Тимофей Васильевич Лия масторга |
Советэнь Масторга→ |
| Якстере теште. Еженедельный орган мордовской секции при Ц. К. Р. К. П. (б.). — № 12, 26 апреля 1924 г. — с. 1 |
[ 1 ]
| Лия масторга. |
| Румыния. |
| Румыния аноксты салдат ды оружия. Кинь карчо? |
Румыниянь, военной министер мерсь, што армиясь зреви парынестэ токавтомс ды анокстамс ламине оружия.
Румынской правительствась тедиде нолды сядодо ламо миллион целковой война лангс.
Аволь умок эще Румыния тейсь договор. Франция марто штобо рамамс колмо сотнят аэроплант.
| Поро мир арсить теемс. |
Румыниянь газетсэ сермадыть, штобо седе курок теемс союз Франция марто. Правительствась сермады газетсэ, што те союзось карми мирэнь кирьдими. Сетне жо газетнэ эйсэ сермадыть, што Россия марто севномадо мейле те союзось эряви. Паро мир арсить кирдиме!?
| Германия. |
| Германиясо кармасть пекстнеме тюрьмас комунистнэнь эйсэ. |
Германской правительствась нолдась приказ, штобо пекстамс 14 комунист, конат роботыть Германской центральной комунистической комитетсэ. Полициянтей мерезь, штобо сынст пекставлизь седе курок, ато эще кочкасызь комунистнэнь парламентс. А кода кочкасызь, сестэ сынст заноност коряс, нельзя ули пекстамс.
Лоткавтызь лисимадо комунистынь газетнэнь.
Газетэнь реданциятнень эзга аравсть полицейскойть.