Якстере теште/1924/02/Мезе эряве видемс пустырьтненень

Якстере теште, № 2, 1 февраля 1924 г.
Мезе эряве видемс пустырьтненень. сёрмадызе Сюровидиця

Якстере теште. Еженедельный орган мордовской секции при Ц. К. Р. К. П. (б.) и Наркомнаца. — № 2, 1 февраля 1924 г. — с. 3—4

[ 3 ]

Мезе эряве видемс пустырьтненень.

(Эсинь практикасто)

Те шкане, модань од закотнэнь марто, пек ламо сюровидиця лись куторов эрямо. И чей эрь-вейке думсе: кодабу седе парсте теемс эсь мода учаскам, чтобы сон максоволь седе покш лезэ?

Секс мон и думан сёрмадомо кафто—колмо, вал кода мон робутынь эсь пустырь модам ланксо.

Куторов мон лисинь 1905 иесто истямо пустырь учаска ланкс, косо кайсь анцяк ве кустарник. Сокамодонзо мейле, мон лангозонзо виднинь и пинеме и лён, но сынь пек тевс эсть тукшнэ, а шужось овсе ёмась.

Тунда 1910 иенть адонь кода-буте кадновсь апак виде пель десятинашка сокафт пустырь модам.

Яровой сюро видеддс ульнесь уш позда. Ды алашам—гак овсе сизесть и эсинь уш мелем молц. Думазевинь, — ведь яло-теке мезеяк ашаче.

Мон думинь се у манть ланкс видиме розь.

Ускинь лангозонзо аламошка мелка навоз; сеск жо сонзо мон и срафния, и моданть аламодо изыня и кадыня сонзо апак виде август ковс.

Августонь колмоце чисто се уманть мон парстине изыня и видинь эйзонго 5 понт розь. Видемадо мейле ишо весть изыня кафто изамосо мекей-васов. Пек жаль тень ульнесь мешок розесь, но варчамонзо кис эзинь карма кисонзо ризнамо.

Но мезе лиссь эйстонзо, кода мон варштынь уманть ланкс 4-5 чидэ мейле? Озимесь ульнесь кык пижо чурька. Куть ульнесь аламодо чуро, но пек виев.

Тунда аламодо седе тустолгаць, но сень кис кой-как нуевсь тенек тарвайсо; пек олгось калгодо ульнесь. Саинь се умастонть 78 понт розь.

Ней уш седе мейле ютась ламо шка. Монь ней уле „рандалем“ (дисковой изамо), но пустыртнень эйсэ робутан истяжо.

Навозонть усксиса сокафтонть ланкс. Вальцеса сонзо рандальсо, и кадноса моданть истяк розь видемс.

[ 4 ]Видемадо икеле моданть изаса. Видемадо мейле ишо весть изаса мекей—васов. Урожаесь эрьце — 100—200 понт десятинастонть.

Розьдэнть мейле, се моданть ланкс пек шаче пинеме, а пинемеденть мейле, клевердонть башка, куть мезе витть.

Но кой-кие может тень мереме, что пустырентей яло-теке эряве навоз. Да, навоз эряве, но сень таркас можна парина людас аусксемс навоз, а видемс тозой пинеме маро човор клевер. Вана тенк сразу ламо паксява сюровидима кой, кормовой тикшонь видьнезь.

Од модас видедо сюро, ташто модас — кормовой тикшо, — сестэ тевенк парсте туе.

Сюровидиця.