Эрязденть арсезь (2010)/Весть кизэнь вестэ
[102]
| Весть кизэнь вестэ |
ИКЕЛЕНЕК типельди, тыжны-лажны толпандине. Велькссэнек — певтеме-певтеме, ламо-ламо тештьсэ нерьгстнезь чопода-сэнь менель. Вана цивторды, теке эстензэ терди, Кечень Пуло тештесь, вана Озязтнэ. Менелень мазый, цивтордыця карксокс неяви Каргонь Кись. Эйсэнзэ тешттне чатьмонезь мизолдыть ды кончтнить вейкест-вейкест туртов. Паряк, миненекак?
Вантано Маклагасо, веленек песэ лугинесэнть, Пичепень бригадань лишметь. «Веть лишмень карвотне истя а сускить. Порнеде, Вармат, Тештеть, Сёрмавт, Бурят... Ванды валске таго ажия юткс, таго кармавттадызь, кода свал, эрьва чинь тевенк топавтомо. Ускомо, ускомо, ускомо... Пурнадо вгшть. А стяко вензэ лангс сынек ваномонк. Усковозо тенк сехте стака улавось», — арсезевинь чоподадонть беряньстэ неявиця порниця лишметнень лангс ванозь.
Покшонок — эйстэнек седе вензав рунго цёракшось, Викань Паша. Минь, «каллевкстнэ», — лездыцянзо. Сонгак мянек а стувтни, лезды. Касоманок зярс эзть касово, Пашавтомо лишме лангс а кузевтяно.
Чоподастонть шкань-шкань паркстнить, прок яволявтнить улема таркадост, лишметне. Велестэ марявить пинень онгомат. Ледстнить эседест атякштнеяк. Пикстерди, качамо нолдтни икеленек толпандинесь. «Андтано» сонзэ, илязо маде, тарадкесэ ды скалонь коське «прякасо». Цивтёркаенть перька кие пекекиське лангсо ашти мадезь, кие, кумажанзо кутмордазь, — озадо. Ёвтнетяно ёвкст. Тукшны мелезэнек «Дуболго Пичай». Мель явтано тандавтницятнененьгак. Яга-бабакайтнень, калмсто лисницятнень эйстэ алкукскак тандадат! Теке марто мельсэнекак арась — пелемс, кадык ульнинекак кудонок эйстэ талаень ютко ды перьканок тештев чоподадонть башка мезеяк эзь неяво.
Ёвксонок, валмерсвксэнек, содамкаенек, пеедькщнеманок, налксеманок энгамсть. Налкставсь лишметнень мельга шкань-шкань чийнемась-ваномаськак. Лангозонок нежели весе вийсэнзэ удомась. Стакалгавтни, керши сеяьмекертнснь, веши I тарканть, козонь путомс прянть. Секставдынек...
Окойш ош, аламонь-аламонь, прок пелезь, чилисема ёнксось кармась ашолгадомо. Курок чипаесь цильцяди ожолт-якстерь тюс, лембень казий налсонзо. Онкстнек ардома лишменек. Паша лелянок лездась тенек куземс ласте.
[103] Кадовсь аламо. Курок ультяно кудосо. Ардтано кополсо. Вадря! Пилесэнь маряви варманть кутстий вешкемазо, чамам экшели экшесэ. Кополсо паро, ливтязь ливтят, лымбакснезь, аволь кода ласьказь ардомсто, тохмаи эйсэть, секень вант, озамо таргавтомо кадоват.
Бригадань лишмень кардонтень эзь кадовкшно пельвайгельпеяк. Мезе теевсь Ашназам марто, эзинь ча рькоде. Сон эрязасто ноцковтсь кершев, ды мон цяк эзинь ёртово, сяворинь, новолемстэ кенеринь кундамо кирьгазонзо. Арды лишмем весе вийсэнзэ, кополсо. Икеле пильгень кумажанзо чавить пильгезэнь. Сэредькс а маряви. Носкан, кирдян кода маштан, вий путан, нурсеван кирьгасонзо. Арась, дарманом, марян, маштомалангсот. Лавшомозь лавшомить. «Весе, весе, пе тень. Начко тарка а кадови эйстэнь», — ютась пряван. Кедень перьгедсть, ды тоцк прынь... Ашназань пильге алов.
«Стинь? — эзь кемеве тень. — Стинь!» Варштынь перькан. Те мезе, эзинь мерькаво? Эрийск кадовинь? Неян, лексян, марян!.. Каня те алкукс? Прям, пильгень таркасост. Сэредькс а марян... Превеят, Ашназа, томбазь максокс эзимик тее. Сюк, сюк теть! Талакадозь сорновтынь понкскень-панарон ды берть-берть ношкстынь ванстыцям мельга кардов.
* * *
Кудонь ракшатнень ютксо, марсинь кортамот, лишмеде превей арась. Ветькак, келя, а мадни, ашти стядо, яла арси, арси. Пеедькшнема те эли аволь, а содан. Ашназань пильге алов прамодон мейле кавтолдомадонть — превей-аволь — эзь кадово челькинеяк. Ды аволь ансяк превей, чарькодекшныя сестэ, мелень-ёжонь ваныцяяк.
Кизэнь тештев ве, типелькай толпандине, аволь васолга, перьканок порниця-паркстниця лишметь... А янксян, а янксян, тунь а янксян, мекс ульнесь эрямосон се весь, кадык прядовкшноськак истя беряньстэ. Сон ульнесь тень тешттнень пельде казнекс.