Тюлэй/3
III
Тонадознь Тюлэй сембэ веленнэ—хозяйстваннэ работатнень и виецка сяда сась. Аннесазь осалста, но эряфоц тэни аф анамать лаца. Марясы кэдензова сяда комокстасть и эчкомсть, ёноцка сяда сась и арась и вастосонза. Сембя тевонзон „Шовда алэть“ кармась тиендема сон.
Шэеренц нарафтозя машинкаса. Шамацка сяда вадямсь и щека прянза якстерьгоцт. И щамнят-понкськат макссть, хоть и пазиення, да мезнявок аф тият. Малони щавсь кешевсь лангоц и топоць пекоц.
Кизонда, празнек шиня Тюлэй кармась лисендема ульцяв. Васенда сембэ исть мув ялгат, а тоса, сяда тов и ялгатка мусь, стапт, кодапт тейнза истейнза эрявихть. Рахсемань рахсесть ланксонза, но раксемаськэ лияста максы пэк цебэрь ётт. Тянингэ станэ лиссь Тюлэйнь мархта. Лама пуцть ён Тюлэйнди. Мезнява сон ненгя лац изь арсья, кода оцю ломанць арси. Исьця сода мезьнкса сойнь покафцы лангозонза „Шовда алэсь“, но шаркгодезэ, што тяфта аф лац тийньди Шовда алэсь, мес сойнь покафцы шиннэ мадмос. Покась алашакс азоронцты и исьця сода мезьнкса тяфта.
Сась сёроннь урядама пинксь. Кармась азороц озафнема сойнь эсь мархтонза ярхцама.
Ялганза Тюляйнь содазь, мезя веши тиймода мархтонза шовда алэсь. И, кда лиси тии сон ульцяв, корхтасть тейнза:
— Тойнь никак алаша лаца азорцэ антонза.
Даман тев пинксть самос, кармась андомт эсь мархтонза. Сон содасы кона пингонэ тойнь [ 18 ]вадьмос курга тырватнень вайса. Аф васькафцак сойнь.
Тюлэй шархкоць, што ялганза корхтайхть видеста и эрь шиня сембя пуц прязонза ёнзон эса. Куца вестькэ изь корхта, мезэ тейнза ульцяса корхтасть. Анцек сонць содазень сят корхтаматнень, конатнень азондозь тейнза ялганза ульцяса.
Сёрось кенершнесь. Эрь шиня нэевсть, кода ашукс ломатьнэ прафцть пижеста росьнень эзда. Нусть синь тифтеннь-кафтонь пулф ды телямаса щам ланкса телэзь, а тоса косьфтазь пенакуца или манить инголэ, станэ трэзь пряснон.
Кенерсть роснэ и кенерма ланкса ащесть пинепнэ. Пэшкоць паксесь акша шамса ломаньда. Аванек аленек, тётьмаконек, ненгэ шись аф стэй, молийхть паксяв. Анцек сирэ аватьнэ пижэ идь мархта ванозь велеса кутнонь.
Тюлэй покоць кода офта. Шись ненгэ аф стэй моли паксяв, и шись валги, моли куду. „Шовда алэсь“ мусь погоди ломань. Тюлэй сяннэ тийк. Тюлэй тяннэ тийк. Шарнц сон кафта пэли и кода лишмэ веляфць работать эса.
Весть кода бди, сёксенда, „Шовда алэсь“ тердезэ Тюлэйнь теезонза и кизефтезэ:
— Содасак мезенди мон тердийхтень?
— Аф, аф содаса! — шукадезэ прянц Тюлэй, а сонць оржаста ванц „Шовда алэть“ ланкс.
— Аф, ышта танга вешсаман шавмода — арсесь эсь пачканза Тюлэй. Теряфтоза тэни! Мон сойнь калафца! Сонць щюпадезэ цэпонць, а цэпсонза улсь кшнэ пе.
— Вов месть! — Аф лама ётка мелэ азозэ „Шовда алэсь“. — Кда сай ошста кодамовок онцюнэ и кизефтянза колданятт, тон мерьк: Мон „Шовда [ 19 ]алэть“ аканц цёрацан, „Чавкал“ велеста. Мон, мерьк, покодян щенэзнь ширеса. Шэрхкодеть?
— Шэрхкоднь! — курокста пшкэць Тюлэй, сонць тусь сяда курок „Шовда алэть“ тейста.
Паксяста тефня шуморшнесть. Эрь илэдьнэ кармасть од цёратьнэ ды стерхнэ лисендема ульцяв. Кода аф лиси Тюлэй, пуромихть перьфканза ялганза и сембэ рахсийхть ланксонза.
— Эх, Тюлэй, Тюлэй! Киннэ ланкс работат? Сай тялось, мезэ лангозт щаят? Покодят-покодят ды патянза ниля пяли!
Эрь ульцяв лисемась пуц Тюлэйнь пряс ётт. Моли тии куду, куца танга пели лятфтаманц „Шовда алэти“, што тяфта тейнза корхтайхть, што тейнза эряви тялоти суманнэ ыле орнэ.
Весть недельшиста фчек, марясы чокай цёранэ вальметьненди, а сонць ювади:
— Кимнилие кизоста комсь колмува кизос моледа пуромксс! Пуромксь ули школаса! Моледа сембя, од цёранек, од стернек!
Урядазнь тиезнь Тюлэй азорт скатинанзон ды тусь сяда курок ласькозь школу пуромксс.
Мольмозонза пэшкоць школась од цёрада, стерьхтькя улсть. Канцт моркш, а моркшть перьф озасть: Бызнайть церац, Чулэй, Сэськсь, Мишу и ошста саф од цёра.
Тюлэй сувась школати. Варжаксць моркшть шири. Ошста саф церась кати месть ванц гагат ланкс и тэшнесь. Курокста сон кеподезэ прянц и варжаксць видеста Тюлэйнь ланкс.
— „Од цьоранят и стернят“! пшкэць ошста саф цёрась, сонць вадердазнь шэерензон види кэцонза фталу. Шамац цютькенэ толомсь, а [ 20 ]сельмонза ванцт тэни ни аф анцек Тюлэйнь ланкс. Ломатнэ шарфтозь пряснон корхтайть шири и эзк лоткасть жалнамода.
— „Мон сан велезонтт сянкса, азондомс мезэ стамсь коммсомолось — уйфць танга ошста саф цёрась — Комсомолось вэцыйь од ломатнень валда шись... Ломатнэ минь шовдатам, сельмонекэ цебэрь эряфть апак тонафнек аф нэйсазь. Минь шовда шинеськонь пачк арныйхть ланксонок козэ алэтьнэ. Симийхть миннэ вердонок и лифнихть ливст эздоднок. Минь покоттям шинек-венек, а синь тетьксазь миннь покотьфонеськонь. Васьафнихть эсонок эрь шиннэ, а минь кода алашат лангозст покоттям. Сембя уйнеконь синь потезь. Синь пэк мэлезст, што минь шовдатам. Шовда ломантть, ков дяк шарфта, сон моли. Сойнь аш сонцень киц, сойнь аф нэихть сельмонза, ков мольмос. Сонь моли конни сельмот. А тя козэ алэтненди пэк пара.
Ётасть тэни сят шитьнэ. Тэни минць эсь ланксонок азорхтам. Эряви эрь од ломантти тонафнемс, а тонафнемась панчсыйнь ломантть сельмонзон цеберь эряфти...
Куваць сон тяфта корхтась од церятьненди, а синь сембэ кулхцонцт.
Тюлэй ащесь васенкие фтала, а тоса соньцкэ исьцэ марэ, кода пильгонза кармасть аськоляма моркшть шири. Видеста ошста саф цёрать куркс ванц Тюлэй — пяк тусь мелезонза ошста сафть корхтамац.
— „И к‘да тинь сембэ пуроптад марс“ — марявсь вайгелец ошста саф цёрать. „Тийхтяд истейнть од ломаннэ организацие — комсомол; и к‘да тинь од ломаннь тевонтень карматад тиема марса — [ 21 ]эста ёну шиндесть касы сяда вэри, эста тинь сэсксасть сирэ эряфть, сирэ обуцеть и тийхтяда од эряф, кодама истейнть эряви. Сембэ козэ алэннэ ширеста погодийхненди эряви васенкие сувамас комсомолти. Тэни синь азорхт масторт ланкса. — Рабочихнэ и сокай ломатнэ. Комсомолс вецыйня од ломатнень валда шити....
Кода салмоксса Тюлэйнь мекпельденэ валхнэ сялгозь. И сей тов шары сон, аф содасы мезэ тиймос. Седиец сидеста кармасть тотнама, а сонць эсь пачканза арьсесь:
— Ышта мойньгэ нолдасамазь тоза? А кда кульсаман „Шовда алэсь“? Куломс шавсаман!
Явожсть ённза кафта пэли, и соньцкэ исьцэ сода мезэ тиймос. Фкэ бокса ённза ащесть сувамать ингса, а омбоцэ бокса аф суваманкса. Шарс Тюлэй школт эзга и вастонц исьцэ мушонда кодонга
Пуромкссь шуморсь пэлэ вешкада. Атякшнэ колмоцедани морасть, а од цёратьня и стерхнэ лиссть пецеконэ школаста, синць седи вакса кольнцть и рахасть, кода вашонят.
Пэшкоцть „Пичелэй“ велеть кафцькя куронянза од цёрада и стерьда. Стерхнэ акша щамса, а цёратьня сенемэ понкса, молсть велеть кувалмос и синць корхтасть ошста саф цёрать колга.
Ковсь валгома ланксольни, ванц цёратьнень и стерхнень ланкс, сонц мус-мус пеец, кода тюжя сакал атэ.
Тюлэй мольсь куду скамонза, тингэ фталга. Пачкоць азоронц сац и кармась сатть кувалмос пильгэ сур ланкса мольма кошкети, штоба дэлхця куль „Шовда“ алэсь. Марясы бта ломань вайгелхть тошксийхть. Лоткась и кармась кулхцондома. [ 22 ]Ломань вайгелхнэ аф ичкизэ сембэ тошксесть. Эзкие Тюлэй прась пеконц ланкс и кармась шаштома тошксийхнень шири.
— Титэ аф тяфтак!.. Мезэ-мезэ вешийхть тиймода салавэ! — арьсесь эсь пачканза Тюлэй.
Марясы корхтайхть:
Течикие эряви ароптомт кооперативсь: Аш мезэ учемс. Синнэ эздодост тяса кыржа и сембэ удыйхть, кода тувот.
А омбоцесь утарозонза.
— Аш мезда пельмос! Аноклайнть прянтень ды ароптость!
Тюлэй кулхцонц, а сонцень шэернза стэсть, кода щетинат. Зырнац сембэ телац. Вайгелхнень йоткста марезэ и содазя „Шовда алэть“ вайгельнц.
— Дэльмэзь куль!.. Дэльмэзь марэ!.. Дэльмэзь нэй!.. Шавсамэзь куломс! — арьсесь эсь пачканза Тюлэй.
— Эста ковсь валги, кавта часца, ды мольхтям! Ляцематьнэ, панжоматьнэ, алашасьэ анокт? коԗтась ломань.
— Анокт! — ковсь валги-уледа сембя Варманнэ кундайть латала.
Стэсьть „Шовда алэть“ сацта колма ломатть и тусть киняванза тинга фтал шири.
Машцть Тюлэйнь ённза. Сонцькэ исьцэ сода мезэ тиймос.
— Мольмос шовда алэть шири? Кизефтянза: косолеть? Коса тынарс уськсевоть?.. Шафтанза куломс! арсесь эсь пачканза Тюлэй. Лэцть мелезонза ошста саф цёрать валонза.
— „Козэ алэтьнэ самийхть вердонок! Комсомолсь од ломатьнень валда шись вэцыйнь! Сембэ [ 23 ]козэ алэннэ шереса покодийхненди эряви васенкие сувамс комсомолти“
Комоць сяда курок вастонза и тус ласькозь волози. Пильгонза вачкиесть мянь шованезонза, станэ вишкста ласьксь Тюлэй кить ланга. Исьцэ марэ соньцкэ кода кепсесть пильгонза ласькомста. Ласькомс эрявсь нилэ вайгель-петь. Ласькознь нилэ вайгель петнень и тостець мезэ виец комсомольский секретарь куд кенькшс.
— Пунжость сяда курок! — юваць мезэ вий Тюлэй. Уторозонза пшкэць аваннэ вайгель.
— Кие тоса.
— Куца ыли аш секретарсь?.. Панжость сяда курок, товензэ ули!
Лиссь секретарсь. Тюлэй азондозэ сяда курок, мезэ маресь.
Секретарсь стяфтознь сяда курот сембэ комсомолецнень, кочкась ёткстост сяда кемэ ломатть, ды тусть милицияв. Молсть синь милицяв, сэвсть тивтеннэ лэцема, кафта милиционерхт, Кильцть алашат и тусть ардозь Пичелэй велеть шири. Арцть велеть малас. Алашаснон кадозь велэ пети, а синць тусть лэйнэть тырвава ялга.
— Тяда жална! Тяда корхта! Моледа валомнэ и пецек, пецек! — тонафць секретарсь комсомолецнень эса.
Тюлэй зарежазэ ружьянц и молсь мархтост. Тифтень-тифтень полгоняса шашцть синь перетьнень пева кооператифть шири. Пракшнесть сембэ кооператифть перфь. Конац канавас, конац куд ужес, конац орхта ланкс, а сакретарсь прась канавастотнень кучкас.
Ковсь кунаркие валксь и менелсь ацавсь равжа туцяса. Весь шовда-шовда: сельмос [ 24 ]корхмадедязь аф нэят. Вармонесь увнась валомнэ, кода увнамаса. Ломатьнэ Пичелэй велеса кунаркие удость и мезнявок исть сода, што тячи ароццазь кооператифснон. Кой-коса шуроста увасть пинетьнэ. Сембэ комсомолецнэ и милиционерхнэ ащесть канаваса и куд ужеса, кода ваймофтопт — исть кыжна, исть коз. Секретарсь ненгэ самоста азозэ, мезэ тиймос, кода прэ вэтемс.
— Сайхть Салаванэ пышкець ялганцты Тюлэй.
Вэрьдэ куронеть эзда листть кавта кэшф прят и молсть видеста кооператифть тейсь. Пачкоцть кооператифть кенгшенц тейс. Лоткасть. Фкэсь эздодост вэшксь. Вешкомать утору алулда петь ширеста кепоцть танга ломатть алаша мархта, исть нэев лац мызяра эздодост. Састь синь видеста кооператифти.
— Коса панжомась!
Вов! — марявсь уторозонза вайгельсь.
— Кафтьня кенькш ланкс!..
— Кафтьнэ орхтать ланкс!.. А минь карматам вачкама. — Тонафцть эсост оцюнясна.
Арасть сембэ салайхнэ вастовст и уйфцть вакчкама тавархнень эзда.
Тюлэй ащесь канавать эса и сембэ вастонза зырнацть.
Секретарсь юваць:
— Салайхнень ланга... лэцть! Лакшторк, Дой! — цяторгоц лэцьфсь, кода атям.
Комсомолецнэ и милиционерхнэ сарозь салаихнень.
— Кэднтень вэри! танга юваць секретавсь салайхнень ланкс, а комсомолецьнэ ды милиционерхнэ кырьдезь лэцамаснон анокста.
[ 25 ]Сыргозсь сембэ велесь. Аленек аванек, тетьмаконек, сирэ аванек ласьксть кооператифть шири. Кооператифть председателец удось лапазь пряса. Кодак марязэ лэцьфть, цють изь пра лапаз пряста, ста эвоць. Комоць сяда курок и шоверсь ломатьнень ёткс. Ломатьнэ ласьксть сембэ куронетьнень эзда, синць лэксть, кода вишкста телямста. Пэшкоць кооператифть ваксоц ломаньда.
Ломатьнень кучкаса ащесть колма салайхть, а лядыкснэ мэнцть. Сембоннэ кэцна улсть соднфт пиксса, синць ванцть модати, а шовда алэть кэдец нюрьксь, аньцек сюренэ вельдэ, стама видеста лэцсь лангозонза Тюлэй.
Кармась вархомодьма. Ломатнэ ков мезэ пурмость сяда лама, и эцесть салайхнень варжама. Шамасна сембоннэ толомфт, эвотьфста ащесть. Кой кинь кэца улсть крипицть и пелхть.
— Шавмос тязк куломс! Юваць Шуванэй атэ.
— Мезэ ненгэ ваттад лангозост!
— Содмос копозост товвархнень ды сэвмос велеть кувалмос! — п‘шкэць кати кие.
— Аш мезэ лангозст ванмос, шавмос тязк куломс — юваць Ширгай Атэ.
„Шовда алэсь“ полгаскафтознь сельмонзон ды ванц ломатьнень йоткова: кати кинь вешендезэ сельмосонза ломатьнень ёкста. Нэезэ тиезэ Тюлэйнь лэцеманц мархта, велявтознь сельмонзон, чакорговтознь пейнзон и юваць мезэ ули виец:
— Нолдамасть севса! Тэ шейтанть иць. Мон сойнь муйе латалдон! Шейтанц тоза сойнь ёрдазэ! Орьгодеда сембэ эздодонза! Сонць прась ёжофтома. Верс шюдесь кяцтонза, кода печкф траксста. А Тюлэй ащесь бокса и мус—мус пеец мази кургонясонза.
[ 26 ]Аватьнэ, стерхнэ эцесть фкэфкэннэ инголдазь салайхнень варжама.
Шюванэй атэ молсь „Шовда алэть“ инголи, келептезнь катьлянзон и рахсезь пшкяць.
— Аф визькс тейть?.. Ненгэ кыржа верданок потеть?
Кундазэ „Шовда алэть“ сакалда потафтозэ кэднц фталу и мезэ вийса, лап! — матозя шамать ланга.
Алетьнэ эзкие стенакс кармасть эцема „Шовда алэть“ шавома. Эцесть, синць кяцнон крьдезь кошмородондафста, а кой кинь кяца улсть: олкт, слегат и крипицть.
Салайхнэ вов-вов учсть, што шавсазь тязк куломс. Кирньдезь сембэ васцнон и учсть кулома ши.
— Аленят! — юваць комсомолонь секретарсь и сонць эзкие сувась алэтнень ёткс и шетэсь мокорнэ ланкс.
— Аф эрявихть урдаскафнемс кэдентень нят ломатнень ланкс! Синь сюдоф ломатть! Синь коньф сельмоса вэтезнь, тэ тевти „Шовда алэсь“
— Шавмос сойнь куломс теникие! Юваць фкэ вайгелса кемоньшка ломань.
— Норада, аленят! Дяда кенорда шавмати. Сон тэни аф мэни! Миннь ули судноськ, катк сон и судедондасы.
— Нолдасазь! аф кырцазь тоса! Рамасыйнь судятьнень — ювацть кафта-колма вайгель.
— Минць ванцаськ тя тевть! — азозя секретарсь. Песта пес пачфцаськ! Дяда пичедь! Вяцайнек минь синь волози, а тоса кода маштыйхть. Кода эряви, станэ и судедондасазь. Аф эрявийхть синэ токсемс. Вов мезэ анцек алянят тейнть азан п‘шкэць секретарсь, сонць кундазэ Тюлэйнь кэттэ.
[ 27 ]— Кда аф титэ цёранэсь, кооператифть салалезь! Сон азозэ миньдейнек, што вешсазь саламода. Эряви тейнза обществать лемста азмос, спасибо!
Кооператифть председателец лиссь ломатьнень ёткста, кундозэ Тюлэйть види кэттэ, кода оцю ломаннэ и сембэ обществать лемсть азс спасиба Тюлэйнди.
Ломатьнэ валом-валом тушенць кудга.
А Тюлэй сяда мелэ изь мольни, „Шовда алэть“ шири, тусь комсомолнь секретарть мархта лие вели. Кафта кизода мелэ сойнь кучезь ошу тонафнема рабфакс.