Татю (книга)/Татю/2 пелькс/7
VII
Чагаевонь верьце этажосонть прок пуромо бызны пианинась. Моли пир. Главноентень чиявтызь Глашань — Чагаевань сехте вечкема тейтерензэ.
Эх ней бу сонсь Чагай улевельгак.., Промах эсть макст тейтертьнеяк. Эйстэст колмо. Нилецесь Чагаиха. Чарасть вень перть. Начальствась мирем иредезь.
_p48.jpg)
Рядовойтне, конат ульнесть сиведезь ды эсист олясо тукшность служамо, якить кудотнева. Тандавтнить. кой косо чавить кинь понгсь. Мезе неить нельксызь, Тейтертне куть ковгак иляст листнеяк. Нарьгасызь. конат мольсть каршо пекстылизь кардонтень. Шкась пелемка. Пек эрявсь ванстомс эсь прясь.
Андрей карызе кришканть арсе лисеме. Кардсонть весе удыть ды истякак ежо тест асы сэредить.
[ 47 ]Аламос аштезь кенкшканть тохмадсть овсе од тейтерне. Шачостонзо чудесь верь. Прячерензэ сравтовсть лавтов ланганзо. Сон пек стомась. Кода грохадизь кенкш порогонть трокс, сон сэрьсэнзэ прась. Кедезэ каявсь ве бокав. Маштсь дарманозо.
Татю учось, кода ливтсызь ледеме. Сон эзь пель кулумадонть. но жаль марявсь эйкакшось. „Истямо кулумасо, куломскак вадря“ думась Татю. кода сась ежо тейтерентень, сон мерсь:
Атятне веленек пурнавсть кадетнэ каршо ды помещикень имениятне тапамо. Дуин келя уш оргодсь. Азаревич ды Вельсов Чагаиха марто кирьдить нетнень.
Истямо нурькине кулятнеде мейле кадовкшность учомс аламо минут, можо мик секундт.
Алкукскак, кода кадетнэ эщо удость вень симемадонть. П. Толканось прок нешке пенька бызмулгадсь. Ансяк эрявсь вейсэнь пси мель.
Кардсонть Андрей марто Татюнь седейтне нельксть пряст оляв — толпантень.
Цю! Залп.... омбоце.
Те неждясь якстере отряд.
Каятоць уфт! Ура!!!
Те уфтось кувать зэрьнесь Толкан леенть велькссэ.
Кадетнэ шлязь шлявсть велестэнть. Тапизь кадетэнь затсванть. Петровкасто вастызь истяжо. Кураедовасо вастызь истяжо. Бугуруслансо уш лыйнесть якстере флагт.
Чагаевонь кудотне прясо лыйнесть якстере знамят. Тозонь панжсть волисполком.
Кода Татю лись больницясто чинек венек кармась роботамо. Сон овсе тусь атявтонь кедьстэ.
— Татю, мон сермадстан ячейкас, ансяк иля евта кудос, — эняльсь икелензэ Проска.
Ячейканть пурнамо пек лездасть салдат, конат пурнакшнызь атятнень кадетнэнь каршо Сынст эйстэ ульнесть пек аламо. Ней П.-Толканстонть эсь [ 48 ]олясост тусть кавто сядодо ламо ломань. Тусь Боряяк. Велесь чождынестэ таргизе оймензэ.