Татю (книга)/Татю/2 пелькс/1
ОМБОЦЕ ПЕЛЬКС
I
Ютасть иеть. Сыредемась чирензэ лангс сявордсь Татюнь чевте, эчке, якстере чама кедентень. Секс рушмот кармасть теевеме. Секс ожолгадсь чамазо. Алкукскак Татю а сыре. Паро эрямосо, сыредемась мельсэнзэяк нярдояк аволь уль. Кемсисемге иесэ мирьденень лиссь. Попоськак авенчелексылезе. Атявтось, эрьхерейненьгак якась. Ней уш ветице ие пишти авакс. Те нать сыре. Истямо шкасто нать эряволь бу арсемс сыре чиде? Да... небось арсят коле пингесь — эрямось порни ловажат пакареть. Коли нейке чулксетить карязот, кедеть пильгеть, рунгот курьцякс эль мендяви — курок сыредеме кармат.
Татю, валскинть рана лиссь ушов. Чи лисемась сыреждсь. Ковонть ожо валдось кармась якстерьгадомо, чинть лисемс прок пижень пятак чирензэ лангс пезнась менельпрамонтень. Сон вансь менелентень, вансь ковонть лангс. Ковось яла новольсь, яла матрась алонзо коштонть теде мейле чопавсь, чи валдось шлизе менельстэнть.
Морыть атякшт. Парыть скалт, реветь. Пастухтне цяраить локшосост. Локшонь цярадивтесь карадо каршо сейрезь чие леенть кувалт. Чись од, мазый пейдевть вановтсо вастызе Татюнь. Сон пеидизевиксэль каршозонзо, но ледсть мелезэнзэ одирьвакс ютавт читне — петерьсэ тусть сельведензэ. Икелинзэ появасть се кавто ашо лишметне ды се плетенкатне, козонь а мельсэ озась. Намо, се шкастонть мезияк эзь повняк. Эссе маря пильгалдонзо моданть. А кода а лецнемс истят стака шкатне, сынь сынсь лецтясызь эсьтедесть. Вана [ 28 ]истямо таркасо Татю петеньзэ пря кедензэ. Ансяк ней, вете иень ютамс кайсть суронь кувалмосо. Авардсь вайгилензэ маштомс. Урьнемстэнзэ евтась ламо лажамо валт одкс шкадонзо: „пужан — келя — мазы цецякс, коськанськеля — коське чевксэкс“. Татю аштесь, эрямо картинась кино лентакс таргавсь икельганзо. Ледсь мелезэнзэ, кода кудос совамсто ертнесть лангозонзо комолясо, ледсь мелезэнзэ, кода васень венть мирьдензэ марто совавтызь башка кардс. Чополесть сельмензэ. Кирвазекшнэсь потмозо кода Иван баксордызе. Татю нельгизе эсь прянзо ды васень вестэ оргодсь. Кода вастызе вечкевекс эсь ялга ломанензэ сон каявсь киргазонзо ды апак визде энялдсь: „Миша, седейнем... на... саик тейтеркс чим...“ Яла теке юминь... саик!.. илязо пользова монь грехтеме чисэнь такодамо одиот... Иляссо гадя ванькс чим... Сон каявсь киргазонзо, Миша палызе штекас. Татю ансяк уракадсь аварьдеме, фатясь, што те тевесь умок уш ютась. Варштась кавто енов, кияк арась. Нардыньзе сельведензэ ды селговсь чанной ортатне экшс.