Священная история Ветхого и Нового завета (1880)/В/Ветхий/29
29. Египтянтнэнь ваямодостъ.
Фараоннэнь ёвтасть: „Еврейтне плутяявсть несакъ: сынь ней Якстере моря чиресэ ащить“. Фараонъ весе салдатъ віензэ пурнызе да Еврейтне мельга мекевъ велявтомостъ кисъ пансь. „Сасасынекъ“! мери: „конатнень чавносынь, конатнень мекевъ велявсынь, весе ули паростъ эстемъ сайса“! Еврейтне колмоце чистэ фараононь салдатъ вій марто мельгастъ панеманзо неезь пекъ тандадсть. Сынь Моисеень чумондозь мурнемензэ кармасть. „Мейсь“, мерить, „тонъ минекъ Египетстэ тей чаво паксясо маштневтезь кулсевтеманокъ кисъ ливтимизь“? Моисей кинь перть Пазнэнь эсь потмованзо ознось. Пазъ мерсь тензэ: „иля пелть, Моисей! Саикъ эсь палкатъ да эйсэнзэ морянть ланга вачкодть“! Моисей истя тейсь. Морянть, ведесь кавтовъ явозь, потмаксканзо коске ки велявсь. Еврейтне се коске кіяванть сыргасть молеме да морянть омбоце чиризэнзэ шумбрань паро чистэ листь. Ведесь кавто ёнгастъ стѣнаксъ ащесь. Фараонъ весе війнекъ Еврейтнень мельгасть совась. Еврейтне омбоце берёгсъ лисеме кенерсть, а Египтянтнэ морянть куншка видсэнзэ ульнесть. Пазъ Моисейнень морянть ланга одовъ [ 38 ]палкасонть вачкодеме мерсь. Моисей кодакъ морянть ланга эсь палкасонзо вачкодсь, морясь сескэ одовъ вейсъ васодсь да весе Египтянтнэнь ваявтынзе. Еврейтне кодакъ морянть омбоце чирезэнзэ листь, сескэ Пазнэнь истямо пасибань моравтома моравсть: „Пазонь моравтозь шнасынекъ! Сонъ пекъ шнамошка: душманонокъ ломаннекъ алашанекъ (ишменекъ) морясъ ваявтынзе“! Теде Мейле Еврейтне Аравія лемсэ масторонь пустынява (чаво таркава) сыргасть молеме.