Священная история Ветхого и Нового завета (1880)/В/Ветхий/13
13. Исааконь эйкакшонзо.
Авраамъ Саррань куломадонзо мейле колмо іень троксъ Исаакъ цёранзо урьвакстомо пурнась. Сонъ сыре слуганзо тердизе да, Месопотаміясъ кучозь, мерсь тензэ: «азе тонъ Месопотаміясъ; тосто монь племастомъ Исаакнэнь козяйкаксъ тейтерь тукъ». Слугазо Месопотаміясто Исаакнэнь козяйкаксъ Ваѳуилонь Ревекка лемсэ тейтерензэ туизе; сонзо Лаванъ лемсэ лялязо ульнесь. Виѳуилось Авраамонь Нахоръ лемсэ братонзо цёразо ульнесь. Исаакъ Ревекка лангсо урьваксь. Ревекка Исаакнэнь комсь (20) іень троксъ кавто цёратъ [ 18 ]шачтсь: покшонть лемезэ Исавъ, веженсенть Іаковъ ульнесь; сынь двойнятъ ульнесть. Исавъ звѣрень кунсиця охотникъ ульнесь, а Іаковъ кудо мельга якась. Тятястъ Исавонь седе вечксь, а авастъ Іаковонь. Исавъ эсь покшоксонзо Іаковнэнь міезь максызе. Ве чистэ Исавъ чинь чопъ якась, якась кодамоякъ звѣрь апакъ чавчъ кудовъ пекъ сизезь сась. Сонъ Іаковнэнь, чачевицянь ямдо ярсамонзо неезь, мерсь: «туикъ монень эсь ямотъ». Іаковъ мерсь тензэ: «улезанъ монъ покшоксъ, а тонъ веженсексъ — сестэ максса тенть эсь ямомъ». Исавъ мерсь: «монъ ней хоть покшанъ, а вачодо вана эль куланъ; улть ина, Іаковъ, тонъ покшъ братоксъ!» Іаковъ, эсь ямонзо Исавнэнь максозь, покшоксъ велявсь.