Священная история Ветхого и Нового завета (1880)/В/Ветхий/12
12. Авраамонь Исаакъ цёранзо озксоксъ кандомадо.
Пазонь валозо топодсь: Авраамонь цёразо шачсь. Авраамъ кода Пазъ мерекшнэсь, истя Исаакъ лемъ путсь тензэ Исаакъ эрясь айшсь, покшсто каснось. Весть Пазъ Авраамнэнь неявозь, мерсь: «Авраамъ! вечкема цёратъ печкикъ да кандыкъ темъ озксоксъ». Авраамъ Пазонь валонзо кулцонызе: озксонь кандомсто эрявиксъ месть саезь да Исааконь эсь мартонзо саезь, Морія лемсэ пандо прясъ тусь. Кіява молемстэ Исаакъ кевстнесь: «тятяй!» мери, «минекъ озксонь кандомсъ [ 17 ]пенгенекъ какъ, толоно какъ, пееленекъ какъ ули, а озксоксъ Пазнэнь мезе кандтанокъ?» Авраамъ цёранстэнь отвѣчась: «Пазъ, цёрамъ, Сонсь мезе Тензэ озксоксъ кандомо эряви тосо невсэ тенекъ». Сынь Морія пандонть ваксъ пачкодезь прязонзо куйсть. Тесэ Авраамъ озксонь кандома тарка тейсь, лангозонзо пенгть путсь, пенгтнень лангсъ Исааконь, сюлмазь, мадьстизе да пеель саезь Исааконь кирга пакшонзо ([1]) печкеме кедензеякъ вентекшнизе, вдругъ Ангелъ неявозь Авраамонь кедтензэ саизе да мерсь тензэ: «Авраамъ! цёратъ илякъ печкъ, а эряви: Пазъ тонь кулцономатъ содасы ней»! Пазъ Авраамонь пекъ кулцономанзо кисъ баславизе да ёвтась тензэ: «Авраамъ! тонь племастотъ масторъ лангсо ломатнень пежеттестъ Идиця шачи».
- ↑ (*) Гортань, горло.