Священная история Ветхого и Нового завета (1880)/В/Ветхий/10
10. Пазонь Авраамнэнь колмо ютыцяксъ теевезь неявомадонзо.
(Масторонь теемода 3493 іеде мейле). Весть Авраамъ эсь шатёронзо ([1]) ваксо озадо ащемстэ, ваны такодатъ колмо ломать ютыть. Авраамъ сынстъ эстензэ пекестъ пештеме да оймсевтеме совавтынзе. Неть ютыцятне авуль истякъ ютыця ломать ульнесть: Пазъ Сонсь кавто Ангелонзо марто ульнесь. Обѣдамстостъ ве ютыцясь, Конатась Пазъ ульнесь, Авраамнэнь ёвтась: «Авраамъ, тонь іень троксъ цёратъ шачы». Сарра, [ 15 ]неть валтнэнь марязь, пеедезевсь: «косо ужъ», думи, «цёра тенекъ: минь сыретянокъ ней». (Сестэ Авраамонь сядошка, а Саррань вейксэнь кеменьшка іензэ ульнесть). Пазъ ёвтась тенстъ: «Пазонь кисъ мезіякъ а улемашка арась: Пазъ мезе хочетъ, сень теи. Сарра, тонь пеедематъ кисъ цёранкъ лемезэ Исаакъ ули».
Обѣдамодостъ мейле Авраамъ сынстъ ильтеместъ васовъ якась. Кавто Ангелтнэ Содомъ городсъ тусть, а Сонсь Пазъ, кавнескъ аньсякъ кадовозь, Авраамнэнь ёвтась: «Монъ Содомъ марто Гоморръ городонть ломатнень пекъ пежетевстэ, а ванькстэ, апарсте эрямостъ кисъ наказамостъ молянъ». Авраамъ Сонензэ мерсь: «Пазомъ! сеть городтне эйсэ ветькеменьшка, эле нилень кеменьшка праведной ломать улевелть, эле Тонъ сестэякъ сеть городтнэнь апакъ наказа авулить кадъ» — «Авулинь наказа», мери Пазъ. «А кемешка праведноень кисъ кадовлить»? мерсь Авраамъ. Пазъ мерсь тензэ: «Монъ, Авраамъ, тонь кисъ кемень праведноень кисъ какъ весе берятнень а наказасынь». Теде мейле Авраамъ Пазонь пильгезэнзэ сюкунясь да мекевъ эсь шатёрозонзо мурдась.
- ↑ (*) Шалашъ.