Священная история Ветхого и Нового завета (1880)/В/Ветхий/09

←

Священная исторія Ветхаго и Новаго завѣта на эрзянскомъ нарѣчіи (1880)
by Юртовъ, Авксентій Филипповичъ

Священная исторія Ветхаго завѣта. 9-це глава.

→

Священная исторія Ветхаго и Новаго завѣта. На эрзянскомъ нарѣчіи мордовскаго языка. Изданіе Православнаго Миссіонерскаго Общества. — Казань, типографія губернскаго правленія, 1880. — с. 13—14

201412Священная исторія Ветхаго и Новаго завѣта на эрзянскомъ нарѣчіи — Священная исторія Ветхаго завѣта. 9-це глава.1880by Юртовъ, Авксентій Филипповичъ

[ 13 ]

9. Авраамонь Ханаанской масторсъ туемадо.

Ломатне кода масторъ ланга стралесть, эрязь ащезь виде Пазонь истувтозь, чопачанень(^[1]) (мезнень понгсь) сюкунякшномо кармасть. Аньсякъ Симонь племасто вейке Авраамъ лемсэ Пазонь почитайця, Пазнэнь кемиця праведной ломань ульнесь: сонъ чопачанень эзь сюкунякшнокъ. Пазъ, Авраамъ гакъ чопачанень сюкунякшномо илязо карма мерезь, сонзо лія масторсъ эрямо кучизе. Пазъ Авраамнэнь неявозь мерсь: «Авраамъ, Монъ тонь эстеть, тондеть туезь плематъ туртовъ лія масторъ максанъ; те Халдейской масторонть кадыкъ да се масторонтень азе». Авраамъ Пазонь кулцонызе. Сонъ пурнась-сэрнясь, мартонзо козяйканзо, (лемезэ Сарра), племянникензэ, (лемезэ Лотъ) да тятянзо (лемезе Ѳара), саинзе да Ханаанской масторсъ тусь. Пазъ Ханаанской масторонть алтызе несакъ тензэ. Авраамонь тятязо, Ѳара, се масторонтень апакъ пачкодть, ки лангсо кулось. Авраамнэнь Сихемъ лемсэ таркасо Пазъ, неявозь, ёвтась: «вана ванокъ, те масторонть весе тонеть, тонь плематъ туртовъ максса», мерсь. Тесэ Авраамъ, озксонь камдома сэрей тарка теезь, Пазнэнь озксъ кандсь. Теде мейле Ханаанской мастордонть Алтазь масторъ мереме кармасть.

[ 14 ]Авраамонь эсензе, Лотонь эсензэ ламонь ламонь стадатъ скотинастъ ульнесть. Эрязь, ащезь сынстъ пастухтнэ сёвнокшномо кармасть; мейле ужъ кудазоростъ туртовъ гакъ вейкестъ вейкестъ лангсъ пеняцязь ёвтнеме кармасть. Весть Авраамъ «дай, Лотъ, явданокъ ней», мери: «несакъ тенекъ ве таркасо эрямсъ тѣсна эль теевкшни. Лотъ, тонъ сайть эстеть мелезэтъ туемашка тарка да эрякъ эйсэнзэ.» Сестэ Лотъ пекь сюронь шачиця Іорданъ леень кувалтъ таркатнень эстензэ саинзе да Содомъ лемсэ городсо эрямо кармась. Авраамъ Хевронъ городъ ваксо Мамре лемсэ тумо вирсэ эрямо кармась.

Лотонь Содомсо эрямстонзо Еламитской инязоро плѣнсъ саекшнизе, да Авраамъ, се инязоронть изнязь, Лотонь мекевъ велявтызе.

↑ (*) Собственно призракъ, а тутъ это слово употреблено въ смыслѣ идолъ.

[1] (*) Собственно призракъ, а тутъ это слово употреблено въ смыслѣ идолъ.

[1]