Колхозонь эряф/1936/06/ССРСть Конституцияц/9

←

VIII главась. Государственнай властень местнай органтне

Колхозонь эряф (1936), № 6 (35) Ноябрь-Декабрь ков
edited by Купряшкин Т., Бебан М. А.

Советскяй Социалистическяй Республикань Союзть Конституцияц (Основной Законоц)
IX главась. Судсь и прокуратурась

X главась. Граждантнень основной правасна и обязанностьсна

→

Колхозонь эряф (Колхозная жизнь). Мокшень литературно-художественнай и общественно-политическяй журнал. Мокшэрзянь АССР-нь писателень союзть правлениянц органоц. Лисенди вейксоце кизось, кафта ковти весть. — № 6 (35) Ноябрь-Декабрь ков, 1936 киза. — с. 34—35

260377Колхозонь эряф (1936), № 6 (35) Ноябрь-Декабрь ков — Советскяй Социалистическяй Республикань Союзть Конституцияц (Основной Законоц)
IX главась. Судсь и прокуратурась

[ 34 ]

IX главась

СУДСЬ И ПРОКУРАТУРАСЬ

102-це СТАТЬЯСЬ. СССР-са правосудиять эряфс йотафнесазь СССР-нь Верховнай Судсь, союзнай республикань Верховнай Судтне, краевой и областной судтне, автономнай республикань и автономнай областень судтне, окружной судтне, СССР-нь специальнай судтне, конат тиеньдевихть (создаются) СССР-нь Верховнай Советть постановлениянц коряс, народнай судтне.

103-це СТАТЬЯСЬ. Сембе судтнень эзда тефнень ванондомасна йотафневихть, законса ванф специальнай случайда башка, народнай заседательхнень участияснон марта.

104-це СТАТЬЯСЬ. СССР-нь Верховнай Судсь ащи высшай судебнай органкс. СССР-нь Верховнай Судть лангс путневи СССР-нь и Союзнай республикань сембе судебнай органтнень судебнай деятельностьснон мельгя ваномась

105 це СТАТЬЯСЬ. СССР-нь Верховнай Судть и СССР-нь специальнай судтнень кочксесыне СССР-нь Верховнай Советсь вете кизонь пингс.

106-це СТАТЬЯСЬ. Союзнай республикань Верховнай Судтнень кочксесазь союзнай республикань Верховнай Советтне вете кизонь пингс.

107-це СТАТЬЯСЬ Автономнай республикань Верховнай Судтнень кочксесазь автономнай республикань Верховнай Советтне вете кизонь пингс.

108-це СТАТЬЯСЬ. Краевой и областной судтнень, автономнай областень судтнень, окружной судтнень кочксесазь трудяень депутатонь краевой, областной или окружной Советтне или трудяень депутатонь автономнай областень Советтне вете кизонь пингс.

109-це СТАТЬЯСЬ. Народнай судтнень кочксесазь райононь граждантне всеобщай, прямой и равна избирательнай праватнень основаснон коряс тайнай голосованияса — колма кизонь пингс.

110-це СТАТЬЯСЬ. Судонь тевсь вятеви союзнай или автономнай республикань или автономнай областень кяльса, тя кяльть афсодаензонды макссеви материалть марта полнай знакомства кяльста-кяльс йотафтыень вельде, а станя жа макссеви права судть эса кортамс родной кяльса.

111-це СТАТЬЯСЬ. СССР-са сембе судтнень эзга тевень кочксематне, кда законса аф азфт исключеният, йотафневихть открытайста и макссеви обвиняемайти права защитаньди.

112-це СТАТЬЯСЬ. Судьятне независимайхть и кулцендыхть (подчиняются) аньцек законти.

113-це СТАТЬЯСЬ. Сембе Народнай Комиссариаттнень и теест подведомственнай учреждениятнень ширьде, кода и башка должностной ломаньтнень ширьде, а станя жа СССР-нь граждантнень ширьде законтнень точнайста эряфс йотафтомаснон мельгя высшай надзорсь путневи СССР-нь Прокурорть лангс.

114-це СТАТЬЯСЬ. СССР-нь Прокурорть путнесы СССР-нь Верховнай Советсь сисем кизонь пингс.

[ 35 ]115-це СТАТЬЯСЬ. Республиканскяй, краевой, областной, прокурорхнень, а станя жа автономнай республикань и автономнай областень прокурорхнень путнесыне СССР-нь Прокурорсь вете кизонь пингс.

116-це СТАТЬЯСЬ. Округонь, райононь и ошень прокурорхнень путнесазь союзнай республикань прокурорхне вете кизонь пингс, и кемекснесыне (утверждает) СССР-нь Прокурорсь.

117-це СТАТЬЯСЬ. Прокуратурань органтне эсь тевснон эряфс йотафнесазь кодамовок местнай органонь лангс афванозь (независимо) и кулцендыхть (подчиняются) аньцек СССР-нь Прокурорти.