Колхозонь эряф/1936/06/ССРСть Конституцияц/8

←

VII главась. Автономнай советскяй социалистическяй республикатнень государственнай властень высшай органцна

Колхозонь эряф (1936), № 6 (35) Ноябрь-Декабрь ков
edited by Купряшкин Т., Бебан М. А.

Советскяй Социалистическяй Республикань Союзть Конституцияц (Основной Законоц)
VIII главась. Государственнай властень местнай органтне

IX главась. Судсь и прокуратурась

→

Колхозонь эряф (Колхозная жизнь). Мокшень литературно-художественнай и общественно-политическяй журнал. Мокшэрзянь АССР-нь писателень союзть правлениянц органоц. Лисенди вейксоце кизось, кафта ковти весть. — № 6 (35) Ноябрь-Декабрь ков, 1936 киза. — с. 33—34

260375Колхозонь эряф (1936), № 6 (35) Ноябрь-Декабрь ков — Советскяй Социалистическяй Республикань Союзть Конституцияц (Основной Законоц)
VIII главась. Государственнай властень местнай органтне

[ 33 ]

VIII главась

ГОСУДАРСТВЕННАЙ ВЛАСТЕНЬ МЕСТНАЙ ОРГАНТНЕ

94-це СТАТЬЯСЬ. Крайхнень, областьтнень, автономнай областьтнень, округтнень, районтнень, ошнень, велетнень (станицатнень, веленятнень, хуторхнень, кишлакнень, аулхнень) эзга государственнай властень органкс ащихть трудяень депутатонь Советтне.

95-це СТАТЬЯСЬ. Краень, автономнай областень округонь, райононь, ошень, велень (станицань, веленянь, хуторонь, кишлаконь, аулонь) трудяень депутатонь Советтнень соответственно кочксесазь краень, областень, автономнай областень, округонь, райононь, ошень, велень трудяйхне кафта кизонь пингс.

96-це СТАТЬЯСЬ. Трудяень депутатонь Советтненьди представительствань норматне латсевихть Союзнай республикань Конституциятнень эса.

97-це СТАТЬЯСЬ. Трудяень депутатонь Советтне вятихть рукаводства теест подчиненнай управлениянь оргатнень работаснон лангса, обеспечендакшнесазь государственнай порядкать ваноманц, ваныхть законтнень и граждантнень праваснон эса, вятихть руководства местнай хозяйственнай и культурнай [ 34 ]строительствать лангса, латцесазь местнай бюджетть.

98-це СТАТЬЯСЬ. Трудяень депутатонь Советтне примсихть решеният и макссихть распоряженият эсь праваснон пределса, конат теест максфт СССР-ть и Союзнай республикать законцнон коряс.

99-це СТАТЬЯСЬ. Трудяень депутатонь краень, областень, автономнай областень, округонь, райононь, ошень и велень Советтненьди исполнительнай и распорядительнай органкс ащихть исполнительнай комитеттне, конатнень синь кочксесазь тяфтама составса: председатель, теенза заместительхт, секретарь и члент.

100-це СТАТЬЯСЬ. Трудяень депутатонь велень Советтненьди исполнительнай и распорядительнай органкс аф оцю поселениява союзнай республикатнень Конституцияснон коряс ащихть синь мартост кочксеви председательсь, сонь заместителец и секретарьсь.

101-це СТАТЬЯСЬ. Трудяень депутатонь Советнень исполнителькай органсна видеста подотчетнайхть кода трудяень депутатонь Советти, кона кочказень синь, станя и трудяень депутатонь сяда вяре ащи Советть исполнительнай органонцты.