Валда ян/1931/06/Тюремс коллективизациянь темпнень инкса
| Сембе масторонь пролетариятне, пуромода марс!
|
| 6 № | Июнь ков 1931-це киза | 6 № |
| Тюремс коллективизациянь темпнень инкса |
Мокшэрзянь облазсь тя кизонда няфць сатфкст, конат корхтайть сянкса, што коллективизациянь темпнень можналь вишкотемс ниньге сяда ламода и ниньге сяда курок. Мокшэрзянь облазть шарфтомс марнек колхознай областекс. Социалистическай секторсь облазть эзга январь ковти ульсь 10 проц. тяни арась 42 проц. и кассть стане, колхосне колма ды пяле мархта сяда ламос, а совхосне кемоньксть сяда ламос. А тяста няеви, што социалистическай секторсь арась минь облазьсонок решающайкс сембе велень хозяйствать эса. Эряви танга азомс и сянь колга, што темпнень можналь касфтомс ниньге сяда вишкста, да афольхть шорься оппортунистическай мяльхне кой—кодама районга.
Инголенок путфтольхть задачат, штоба тя тундане коллективизациясь арафтомс 40 проц. сембе облозть эзга, а минь тунда коллективизациясь пачьфтьф аньцек 34,7 проц. и лисенди, што коллективизациянь тевса инголенок путф задачатнень минь ашеськ тий.
Кода мольсь коллективизациясь?
Васендакигя эряви азмос, што коллективизациясь мольсь аф фкя лаца, и фкя лаца мольмось аф эряви шарьхкодемс, анцек сембе ровнаста, а эряви шарьхкодьмос стане, кона районць тюрьсь большевиконь вийса коллективизациять и лия политическай хозяйственнай тефнень эряфс йотафтомаснон инькса, а кона районць сембе тефнень эряфс йотафтомаснон вятезень оппортунизмань мяльса и коллективизациянь тевть эса арасть види шири моликс. Сявомс тяфтама кепотькс: Кочкуровань, Чамзинкань и Игнатовань районтне коллективизациянь—тевса иньголест путф задачатнень пяшкодезь вельф, Чамзинкань районца коллективизациясь июнь ковти арась 60,8 проценц, тякоже пиньгти Игнатовань районца 53,9 проценц, Кочкуровань районца 62,3 проценц. И кемонь районга путсь инголест задачась коллективизациянь тевса пяшкотьф в среднем 40 проц. Но вов Темниковань, Ичкалковань, Слободань и Ковылкинань райоттне путф задачатнень коллективизациянь тевса сязесь, пцтай сембе тундать йотамс ащесть фкя васца и йотафнесть види шири молиень оппортунизмань мяльхть.
Тяста няеви, што коллективизациянь темпнень ульсь кода вишкоптемс, но районнай организациятне аф фкакс большевиконь вийса тюрсть коллективизациять инкса. Иньголи моли райоттнень цебярь тевсна апак сявфтольхть кепотьксонди пулапеса ускови райоттненди. Пулапеса ускови райоттне ашесть машта ладяма оппортунизмать каршес тюремать партиять генеральнай китьксонц эса эряф йотафтамоста лама тевса синнесть, а нят сембе сязьф вастне пула песа ускови райоттне тийсть коллективизациянь тевса сязьф васта марнек облазти и сяс облазть инголи путф задачатне, штоба 40 проценц пачфтемс коллективзациясь тундань видьмати ашезь пяшкедев.
Тюремс большевиконь вийса оппортунизмать каршес.
Эрь васца, эрь тевса оппортунизмань мяльхне пяк шоряйхть, сяс эрь тяфтама мяльхнень каршес вишкоптемс тюремась и эрь васца таргамс юрнек организациятнень эзда тяфтама мялень иотафни ломатнень. Минь содасаськ, што койкона районца улийхть тяфтама мяльхть, бтта коллективизациянь темпне аф мольфтевийхть вишкста сяс, што районтть лама кальдяв вастонза; аш актив, лама нацменда, ды кизонда ваймамс эряви и стак-тов, ды танга, корхтайхть, аш ков кенордамс коллективизациянь тевса, вона лия райотне ниньге сяда фтала ащиихть. А нят мяльхне сембе корхтайхть сянкса, што сянь васц, штоба органинизациять эса вишкоптемс тевсь политическай хозяиственнай кампаниятьнень пящкееьмаснон инькса, а лисеньди станя, што тяфтама мяльхнень мархта лафчепнесазь районнай организациять вийнц сатфксонь сатомста.
Оппортунизьмань мяльхнень мархта тюремась эряви йотафтомс эрь ячейкаса, эрь организацияса и учрежденияса и аф аньцек валса, а тевса, катк эрь максф задачатнень тийсазь эсь пиньговаст цеберняста и политическай массовай вятема тевть вельдя, катк эрь заданиясь ули пяшкотьф аф аньцек количественнай ширеста, но и качественнай ширестонга. Минь кда корхтатама колхознай темпнень вишкоптемаснон колга, то тяса эряви шарьхкодьмос аф аньцек сянь, штоба пуроптомс батракнень, ашуфнень и середнякнень колхозс, а ниньге, тиймос стама марстонь хозяйства, штоба колхозть тевонза няфтельхть кепотькс башка эряйхненди сяда цеберь сатфкст.
Штоба вишкоттемс коллективизациянь тефнень, эряви коллективизациять колга ладямс илия политическай хозяйственнай кампаниятнень йотафтомснавок, а аф башка кадондомс коллективизациять эзда.
[ 2 ]
Четвертаковскай колхазсь сокай ранань паренат
Аф эряви кепотькст сявондемс пулопеса ускови тефнень эзда, а кепотькст сявомс иньголи моли вастнень эзда, аф эряви лотксемс ваймама а эрь шинь сатфкснень вельде ниньге сяда вишкоптемс эрь тевса темпнень молемасна.
А эрь оппортунизьмань мяльсь лисенди тоста, што ингольнок ащи задачатьнень йотафтомста лисендихть стака вастт, конатнень ланкс эряви путомс оцю большевиконь вий, а опортунизьмань мяльхне нят стака вастнень эзда пелихть и туйхть-стама китьксова, коса аф стака — кулацкай китьксова. И минь содасаськ, штоба вочькодьмос нят мяльхнень ланга эсь нингова, эрявиихть мумос нят мяльхне, и, мумс, аф аньцек эста, мзярда синь йотафтфт тевса, а мумс инголи, штоба аф нолдамс тяфтама мяльхть тефнень эряфс йотафтомаснон эса. Тя тевсь эрь организациять, эрь комминистть,
Коллективизациянь темпне кармасть вишкомома.
Мекольдень пинькнень эзда коллективизациянь темпне кармасть вишкомома кой-кона районць валхтозь пряснон равжа доскаста конатнень колга сьорматфгольхть областень газетатьнень эса, но тя ниньге аф корхтай сянкса, што пяшкотьфть иньгольнок ащи задачатне. Нят аньцек корхтайхть сянкса, што оппортунизьмань мяльхнень каршес няфнесазь, што коллективизациянь темпнень вишкоптемос ули кода. Анцек эряви эрь организацияса вишкоптемсь политическай азондома тевсь. Эряви васендакигя колхозникнень интузиазмасна шарфтомс тя тевти, ладямс колхозса цебярняста труць, эрь вастова кармамс иотафтома социалистическай фкя—фкянь йотамась, нингя сяда няфнемс колхоснень сатфксна башка эряххнснь инголя эрь цебярь сатфкснень опыцнон сяда курок няфнемс эрь велеса, эрь колхозса
Обкомть и облККать мекольдень пленумсна макссть пяк оцю политическай установка. Тя пленумть путфксонзон эрявихть пачфтемс эрь колхозникти, батракти ашути и середнякти, штоба ня путфкснень иотафтомс эряфс вельф, нят путфксне ащихть ингольнок тя пинкти программнай путфксокс эряви пуроптомс сембе вийсь, ладямс трудяй крдатнень иоткова тя путфксть азондомац, конань вельде кеподемс ниньге сяда вашкста темпнень коллективизациять инькса.
Классовай тюремась ниньге сяда вишкста арась ингольнок кулачествась сембе лядыкс виенц тяни шарфтасы, штоба сембе задачатнень каршес тюремс, но минь большевиконь вийса ниньге сяда вишкопцайнек темпонеконь эрь политическай хозяйственнай задачатнень пяшкедьмаснонды и Мокшэрзянь облозть шарафтасаськ колхознай областекс и коллективизациять вельде кулакть машфцаськ кода классонь тя кизондакиге.