Валда ян/1931/06/Ладямс большевикокс сьоронь анокламатнень
| Ладямс большевикокс сьоронь анокламатненЬ |
Минь нежечнетяма сьоронь анокламати. Велеть социалистическай одукс тиеманц эса сатфкснень вельде од сьоронь аноклма кампаниясь кармай йотафневома йотай кизоннеть коряс лие условияса. Киза йотамс сплошной коллективизациянь тевсь пяк вишкоптевсь. Кда йотай кизонь кизонда колхозса ульсь 22—25 процент, то тяддень 1931—це кизонь июнь ковть 10 це шинц самс сембе сокай ломанень хозяйстватнень 53,7 проценцна ащихть колхозса.
Зерновой райотнень эса Украинать степной ширесонза Северной Кавказса, Нижняй Волгаса, Заволожьяса, Средняй Волгаса и Крымскай степнень эса, сплошной коллективизациясь шумордакшневи.
Сплошной коллективизациять вишкста йотафнеманц вельде, зерновой и сырьянь максси райоттнень эса вишкста вятеви кулакть машфтомац кода классонь.
Йотай кизоть коряс тяддень тундань видема кампанияста совхоснень видема паксясна кассь 21/2 крда. Машинно—тракторнай станциятне, пролетарскай государствань велень хозяйствань социалистическайкс одукс тиемань орудиятне тяддя сокасть и видесть йотай кизоть коряс 5—нь крда сяда лама.
3—4 кизода тя пингта инголе, мзярда масторсонок стакаль сьоронь колга тевсь, види шири моли оппортунисттне мярьгонцть зерновой проблемать ладямс, кулаконь хозяйстватнань касфтомаснон вельде и нежечнесть эсь теорияснон лангс „кулакть апак тюрьхть социализмати сувафтоманц колга“.
Партиясь, ленинскай ЦК—ть вятеманц вельде, большевиконь вийса и апак лотксек вишкста вятезя тюремать, рядоньконь эса кулаконь агенттнень, види шири моли оппортунисттнень каршес.
Ленинскай ЦК—ть политиканц, кемоста эряфс йотафтоманц вельде вишкста касфтовсть совхосне, МТС—тне, колхосне, тиевсть оцю сатфкст велень хозяйствань механизацияса, видема площадть касфтомаса, урожайть кеподемаса и товарностть касфтомаса. Вете кизонь плантть колмоце кизостонза партиянекя тийф сатфкснень кемкстам йоткть, сатнесы ладнек тиеманц зерновой проблемать.
Основной аф фкакс ащема условиясна тяддянь и йотай кизонь анокламатнень
Тяддень и йотай кизонь сьоронь анокламатнень йоткса основной аф фкакс ащема условиякс лисенди социалистическай секторть вишкста касомац и государствати сьоронь максоманц кенодемац, Кда йотай кизоть сьоронь анокламста, себе максф сьороть эзда 40 проиентть максозь колхосне и совхосне, то тяддень кизонь социалистическай секторсь сембе товарнай сьороть эзда максы 70 проц.
Колхосне, конатнень работаснон тиенцазь МТС—тне тяддя максыхть государствати сьорода-йотай кизоть коряс 10—нь крда сяда лама. И аф стак видеста азф ЦК—ть пленумонц резолюцияса што колхозонь сокай—ломатне „шарфцть модань тевонь вятемаса центральнай фигуракс.
Кда зернотрестонь совхосне йотай кизоня максесть государствав 5 миллиотт центнерхт сьора, то тя кизоня зернотресць максы 26,6 миллион центнерхт сьора, вов—ни тяддень кизоня зернотресць максы 2 нь крда сяда лама сьора, кода ульсь путф максомс 5—кизонь планть шумордама пинкти. Кда тянь пинкста лувомс оцю сатфкст сокаень витьфонь контрактациянь тевса, то лац няеви, што тяддень кизоня сьоронь аноклама кампанияти арсихть сяда цебярь условият, йотай кизоть коряс.
Сьоронь урядама тевть лац ладяманц вельде цебярьста йотафтови сьоронь аноклама кампаниясь.
Сьоронь урядама кампаниять большивекокс пуроптомац лисенди оцю хозяйственно—политическай задачакс. Тяза эрявихть путомс партийнай комсомольскай и общественнай организациятнень сембе вийсна, тя задачать перьф эряви большевикокс пуроптомс колхозникнень, ашувонь-батраконь крдатнень и сембе велень марстонь вийхнень.
Тяддянь кизонь тейнек аш коданя тиемс эльбятькст и афсатыкст, конат ульсть йотай кизонь сьоронь аноклама кампаниять пинкста. Партиясь и правительствась тийсь пяк лама сянди, штоба максомс совхосненди и колхосненди вельхозяйствань машинат и орудият тяддянь сьоронь урядама кампаниять йотафтоманцты. Вов мес сембе сьорось, 100 проценц, сразу кочкамс паксятнень эзда.
Тяддянь сьороннь аноклама кампанияти, кона кармай йотнема кеме классовай тюремань условияса, эряви большевикокс, пуроптомс марстонь вийхнень кулакнень каршес тюрема, сьоронь мишендемать каршес и сюронь аноклама плантть пинкта инголи пяшкодеманц инкса. Лозунксь — фкавок центнер колхозниконь сьора тяза пов базау спекулянтонь кяц — и тяддянь сьоронь аноклама кампаниять пинкста ванфневи ладнек
Инь оцю тев тяддянь кизоня эряви тиемс машинно-тракторнай станциятненди
ЦК ть июнь ковонь пуромксоц азозе, што „колхозонь товарнай продукциянь государставав каяма тевсь арси производственнай задачакс машино—тракторнай стянциятнень инголе“. Аньцек эста МТС-ти ули коданя лувомс, што сон пяшкодезень эсь обязательстванзон государствать инголе, мзярда сон ладясы товарнай продукциянь каяма плантть тутф пинкнень эзда
Йотай кизонь опыць няфтезе, што социалистическай фкя фкянь йотама тевсь велеса канды оцю лезкс кода и ошса. Социалистическай фкя фкянь йотамати и ударничествати эряви тяддянь сьоронь аноклама кампаниять пинкста арамс васенце методокс колхоснень, совхоснень, а тя фта-жа башка эряй ашувонь и середняконь государствав сьоронь каяма тевса.
Минь масторсонок нинге лядонды 47 процент сьора види хозяйствада аф колхозса. Тяста шарьхкодеви, што аньцек „кержи“ кядь ширень оппортунистня аф путыхть сатомшка питне башка эряйть роленцты Сьоронь анокламать эса башка эряй ашувонь—середнаконь хозяйстватнень стак кадомасна повихть аньцек кулаконь—непманонь элементнень кяц, и лездыхть сьоронь мишендема спекуляцияти.
[ 5 ]Башка эряйхнень сьоронь каяма нормасна улеза стама кода и колхозникнень, но коданга аф сяда йомбла. Тя лозунгсь, конанц йотай кизоня изезь пяшкодь лама районга эряви пяшкодемс 1931-це кизонь сьоронь аноклама кампанияста. Сонь йотафтомац кирьди оцю значение колхозникть и башка эряйть йоткса фкя—фкянь мархта лац эрямать эса.
Тевса оппортунизмать мархта улель ба кяшф ся факць, што кулаксь нинге сон путнесы сембе виенц штоба шорямс сьоронь анокламать лац йотафтоманцты. Сянкса кулакть каршес решительнайста тюремась ащи сембода оцю задачакс партийнай, совецкай аноклама организациятненди. Сьоронь аноклама кампанияти тя кизоня эряви арамс „Сембода оцю вастокс колхоснень сяськомаснонды, сембода оцю вастокс колхозонь кемокстамаса и кулачествать кода классонь маштома кампаниятнень эса“ (Микоянть сьоронь совещанияста валонц эзда).
Эряви лувомс опытть и аф тиемс йотай кизонь эльбятькснень мзярда зажиточнай и кулацкай хозяйстватнень мархта кема заданиятнень пяшкодемасна тарксевсть кувака пинкс. Кемя заданиятнень эрявихть пяшкодемс курокня.
Сьоронь анокламатнень вишкста уйфтемаснонды ляць 10—20 ши.
Од сьоронь васенце каяматне каяма васттненди уйфтихть молема нят маладонь шитнень эзда. Нюрьхкяня пинкста эряви шумордамс сембе аноклама работать.
Вастонь организациятненди эряви лятфтамс, што вастненди планттнень пачфтема пинксна йомлат: планть пачфтеманцты областти, республикати — 10—шит и 5 шит велень колхозти и зажиточнай—кулацкай хозяйствати. Ванондомс тянь эрявиксонди, эряви тяникигя тонафнемс конкретнай материалть эрь колхозса и велеса.
Коданга аф эрявихть нолдамс йотай кизонь спорьсематне платнень колга, конат канцть лама вастова оцю кальдяфт сьоронь аноклама планть пяшкодемаса.
Эряви ваномс сьоронь аноклаень аппаратть анок шинц
Партийнай, совецкай и профссиональнай организациятненди эряви максомс сатышка лезкс союзхлебти хпебоживотноводцентрати синь кеме аппаратозост цебярь работниконь кочкамась, конат работасть сьоронь аноклама тевса и содасазь, кода роботамс. Инь оцю мяльсь эряви шарфтомс велеса сьоронь аноклай аппаратонь пуроптомати и ладямс велень общественнай активть сьоронь аноклама. Тя задачась тага арси пяк оцюкс сяс мес тядде кармай улемя аф лама аф кувака пинкс кучсеви сьоронь аноклайда.
Оцю вастокс сьоронь анокламаса арси техническай базась: Анокламс сьороть — тя аньцек пяля тев. Эряви сон лац ванфтомс. Аф эряви юкснемс, што и лац сьоронь анокламать ладямац сязеви, кда аф анокламс техническай база. Тя инь оцю тевсь, Сяс, што лия организяциятне тевти нолдазь офтонь нола шиснон — лисенди мяль, што элеваторонь и складонь тиемась вастова эсь пингоня аф аделави. Аф сатнихть кяскафне брезенттне эрявихть лифтемс решительнай мерат строительствать эсь пингоня аделаманц инкса, тяконь шовор пуропнемс аф кувака пингонь сьоронь ванфтома помещеният и ст. тов. Фкявок центнер сьора аф гасьтямс вов лозунксь, конац сьоронь аноклай организациятненди эряви йотафтомс эряфс од урожайнь сьоронь анокламста
Оцю задачась сьоронь анокламаса прашенды транспортти
Тя кизоня тейнек эряви анокламс сядонга лама сьора, мзяра аноклафоль йотай кизоня и сядонга нюрьхкяня пинкста. Транспорць эряви ладямс стане, штоба кенерькшнель эсь пингоня пачфнемс сьороть промышленнай цен-трава техническай культурань види районга и ст. тов. Наркомснабть нарядонзон коряс.
Транспортонь партийнай, профессиональнай и хозяйственнай организациятненди эряви эсь пингоня и лацкас анокламс тя оцю работать йотафтоманцты.
Сьороть инкса вию тюремать карматама йотафневоманза тяддень кизоть. Оцю задачась ся што эрявихть анокламс аппарат н сьоронь аноклай кадрат ся тюремати.
Парторганизациятнень тевонь вятемаснон вельдя эряви активнайста роботамс сьоронь анакламаса кооперациятненди, профсоюсненди, комсомолти, шефненди и лия общественнай организациятненди.
Аноклама работать большевикокс ладямаса партиять генеральнай китьксонц мянци оппортунисттнень каршес тюрезь пяшкоцаськ вете кизон-плантть колмоце решающай кизонь сьоронь аноькламать курокста йотафтоманц.
